رواية حب من طرف واحد بقلم هاجر عفيفي
رواية حب من طرف واحد الفصل الخامس 5
سيف فتح الباب واتصدم
البنت بفرحه : سيف وحشتنى
حور بصدمه : انتى مين
البنت بصتلها من فوق لتحت وقالت بغرور : انا خطيبته انتى مين
حور بصدمه : ننننعم !!!!!
سيف واقف مش مستوعب ال بيحصل ومتكلمش
حور بدموع محبوسه : الكلام ده صحيح ياسيف ؟؟
سيف باندفاع : لاء طبعا أنا معرفهاش
البنت بزعل : كده برضوا ياسيفوا خايف منها يعنى
سيف بغضب : انتى مجنونه انا معرفكيش اصلا
البنت بصتله بخبث وطلعت التلفون وعليه صور لسيف وليها وهما فى اسكندريه
البنت بخبث : ها لسه مش مصدقانى برضوا
حور دموعها نزلت وبصتله بخذلان ودخلت الأوضه وقفلت على نفسها
سيف بعصبيه : انتى عارفه أن الصور دي كلها متفبركه
البنت بخوف : لاء طبعا دي حقيقيه انت نسيت ان كنت خطيبتك
قاطعها سيف بعصبيه وسخريه : كنتى اهو وكمان احنا مسافرناش مع بعض اصلا مين بقا ال بعتك تانى عشان تدمرى حياتى
البنت : لسه بحبك ياسيف
سيف بقر*ف : وانا مبكر*هش فى حياتى قدك أمشى وخلى عندك كرامه وقولى ل ال بعتك سيف مش هيسكت على ال بيحصل ده مفهووووم يلا برررره
البنت خافت منه وطلعت تجرى من البيت
سيف اتنهد بعصبيه وقرب من اوضة حور وقال بهدوء : حور افتحى نتفاهم
حور كانت كاتمه عياطها فى المخده عشان متبينش ضعفها ومردتش عليه
سيف بحنان : حور عشان خاطرى افتحى وافهمينى
مسمعش رد قلق عليها جدا دخل الأوضه بتاعته ودخل من البلكونه بتاعته على أوضة حور لأنهم متصلين وشافها وقلبه وجعه عليها قرب منها وقال بحزن : حور
حور رفعت وشها وكانت عيونها حمره وشعرها نازل على وشها ووشها احمر
سيف بابتسامه : قمر وانتى بتعيطى كمان
حور مردتش عليه مسك أيدها وقال : والله يابنتي الصور دى متفبركه كلها
حور بصتله وقالت : يعنى انت متعرفهاش
سيف بتنهيده : للأسف اعرفها بس صدقينى ابويا كان غاصبنى اخطبها ولما خطبتها عرفت أن مشيها مش كويس ومش تمام والصراحة انا ماصدقت ومرديتش اعمل مشاكل وسيبتها وطبعا انتى ال فى القلب من زمان ياحورى
وغمزلها
حور : وهى كانت بتحبك
سيف : النوع ده ميعرفش حب ده عايز فلوس وبس
حور خفضت راسها وقالت بإحراج : اسفه أن شكيت فيك
سيف بمشاكسه : لاء بس طلعنا بنغيير اهو
حور اتكسفت ومردتش
سيف : كنتى بتقولى حاجه قبل مفرقة الجماعات دي ماتيجي ايه هى
حور بتوتر : ه ها لاء نسيت بقا لما افتكر
سيف بخبث : امممم ماشى
حور قامت من قدامه فتحت الباب ودخلت المطبخ وسيف ضحك على هروبها
مازن بغضب : يعنى ايه طردك اومال هنكمل الخطه ازاى
سالى ببرود : اعمل ايه يعنى وبعدين انت عارف ان سيف مش بيحبنى
مازن : المهم اتخانق هو وحور ولا لاء
سالى ببرود : معرفش انا سبته وهو بيطلع دخان من ودانه
مازن بخبث : خلاص يبقي الخطه البديله
سالى : وال هى ايه
مازن بمكر : هخطف حور وهتجوزها
سالى بصدمه : إزاى وهى متجوزه
مازن بشرود : هتكون أرمله
تانى يوم
حور كانت نازله تجيب الطلبات ورنت على سيف كتير مردش عشان تقوله أنها خارجه
حور بتأفف : رد بقا ياسيف طيب اروح ولا لاء
وفجاه عربيه وقفت قدامها وشدوها وهى صو"تت وخدر"وها
بعد وقت فاقت بتعب وقالت : ا انا ف فين
الشخص بخبث : ازيك ياحور
حور بصدمه : يحي !!!!
رايكم لحد هنا يابنات ايه ؟؟؟ وتوقعاتكم❤️
- يتبع الفصل التالي اضغط على ( رواية حب من طرف واحد ) اسم الرواية