رواية عشقت التميم كاملة بقلم الكاتبه رنوشه عبر مدونة دليل الروايات
رواية عشقت التميم الفصل السادس
تميم كان قاعد بيفكر يعمل زي ما اخوه قاله ويغير من نفسه زي ما رانيا كانت بتتمني
تميم: ياتري هشوفك تاني يا رانيا ....انا عارف انك عايشه بس هل هنتقابل تاني
تميم اتنهد وقام اخد شاور وراح الكليه
ندي بفرحه اول ما شافته : تميم انت جيت زي ما قولتلك
تميم بعدم اهتمام بيكلمها وهو ماشي : انتي اخر واحده اعمل كده عشانها.
ندي سابته واتكلمت بخبث: انا بقي هخليك بتاعي وليا لوحدي وهنسيك البت المكعوره دي .
مني مش عايزه تكسف نفسها تاني ومكمله في الطريق لحد ما وصلت السوبر ماركت وهي جوا السوبر ماركت بتلاقي نفس الشخص واقف جمبها وبيكلمها من غير ما يبصلها: رفضتيني ليه
مني بإستهزاء: انت بقي العريس
قاسم: اه انا
مني بتسيبه وبتمشي
قاسم : ده ايه قله الذوق دي
بيروح وراها لحد ما بتخلص اللي عيزاه
مني: عايز ايه هتفضل كده عامل زي العيل ماشي ورايا في كل حته
قاسم : هقولك عايز ايه لما نتجوز
مني بغيظ: ولااا متعصبنيش
قاسم : طب ايه رأيك هتوافقي وبمزاجك كمان وفي كلها اسبوع وهاجي اتقدم .
مني : وده ازاي ان شاء الله
قاسم : تعالي هقولك
اماني بتروح الدرس وهي في الطريق بتقابل العربيه السوده دي تاني .
اماني بتفكر تروح تشوف مين اللي في العربيه بيركن كل يوم في ميعاد الدرس بتاعها.
اماني بتخبط علي قزاز العربيه
بينزل القزاز وبيقل'ع نضارته : افندم
اماني:انت مين
زياد:المقدم زياد
اماني: طبب حضرتك في حاجه بتقف كل يوم هنا
زياد:بنحقق في قضيه
اماني بتتكسف :ماشي شكرا
منه بتكون ماشيه وهي سرحانه وبتفكر هتربي ابنها ازاي وهوباااااااا بتضر'بها عربيه بتجيب اجلها.
الناس بتتلم حواليها وبياخدوها المستشفي
محمود : الطوارئ بسرعه معانا حاله
بتدخل منه اوضه الطوارئ
وبعد شويه بيخرج الدكتور
محمود:هي كويسه يا دكتور؟!
الدكتور: كويسه بس حصل نز'يف نتيجه الخبطه والحمل في خطر
محمود :خير ان شاء الله
قاسم بيروح يحاسب علي حاجه مني
مني: بعد اللي حكيته موافقه
قاسم: كنت متأكد
مني بتروح البيت وبتحكي علي اللي حصل لأمها وانها موافقه
ام مني: ربنا يسعدك ويخليكي يابنتي
مني با'ست امها: ويخليكي ليا يا احلي ماما في الدنيا ....يلا انا هقوم البس عشان اروح الكليه .
الام:روحي يا حبيبتي ربنا معاكي
مصطفي بيروح الكليه بعد ما جتله انذارات وبيشوف مني
مصطفي جري عشان يلحق مني: يا انسه مني
مني:نعم يا دكتور مصطفي
مصطفي: اخبار صحتك ودراستك ايه
مني: الدراسه ضايعه خالص بس صحتي بقت تمام
مصطفي: يا رب دايما...يلا بستأذنك عشان ورايا محاضره
إيمان بقت تحس انها مش طبيعيه وانها اتغيرت هل موت اخته اللي خلاها كده؟! ولا دخول احمد حياتها؟! طب اشمعنا احمد ما اهي شافت ولاد كتير !
احمد:انسه إيمان
إيمان بشرود: نعم
احمد بإستغراب من كلمه نعم عمرها ماقالتهاله ..ابتسم: بتقولي نعم
إيمان بتفوق من شرودها وبتبصله بقرف:انت
احمد بصدمه: لا حول ولا قوه الا بالله يا بنتي انتي ملبوسه
محمود بيدخل لمنه : حضرتك بقيتي كويسه
منه بقلق:انا فين
محمود بإرتباك: في المستشفي
منه بلهفه: ابني كويس ابني جراله حاجه؟!
اسامه:الحمدلله ابنك بخير وانتي بخير
قاسم بيبعت رساله:"قولتلها"
مصطفي بيدخل السيكشن وبتدخل مني وراه
مصطفي:احم احم السلام عليكم ورحمة الله وبركاته يا دكاتره....بعتذر طبعا علي مده الغياب اللي طالت ولكن كانت لسببً ما...ندخل في الشرح علي طول
ليلي بتكلم مني بهمس:ازيك
مني:تمام
ليلي:انا طالبه جديده هنا في الكليه
مني:تشرفنا
بعد ما بتخلص المحاضره بتخرج ليلي وهي بتتكلم مع مني
تميم بيشوف مني بيروحلها:عامله ايه يا مني
مني:تمام الحمدلله يا تميم
تميم: طيب استأذن انا
ليلي بهزار: طيب وانا مش موجوده
تميم بإحراج:انا اسف بس انا معرفكيش
ليلي بتمد ايدها :انا اسمي ليلي
تميم بيسلم عليها: اهلا بحضرتك
بتيجي ندي وتحط ايدها علي كتف تميم:ايه يا حبيبي انت بتعرف بنات قمر اهو مش تعرفني
تميم بينزل ايدها من علي كتفه وبيتكلم بحده: دي ليلي يا ندي حابه تتعرفي عليها براحتك بس انا منصحهاش
مني: انهارده عيد ميلادي ياريت الكل يجي
تميم:ان شاء الله
ندي: هاجي يا حبيبتي
مني بصوت واطي: انتي بذات متجيش
ندي:بتقولي حاجه يا مني
مني:بقول تنوري...تعالي يا ليلي متنسيش ...هاتي اكتبلك رقمي وابعتلك والعنوان عليه
بيجي الليل
والكل بيروح الحفله "العيد ميلاد"في النادي
مني بفرحه: كويس انك جيتي يا ليلي
ليلي بضحك: ههه ده في شباب مزز هنا
مني: يلهويي هو انتي منهم
ليلي: هما مين
بيجي يدخل عليهم تميم
تميم وفي ايده هديه:اتفضلي يا مني كل سنه وانتي طيبه
مني:وانت طيب يا تميم
ليلي: احم احم احم
تميم: حضرتك محتاجه مايه؟!
ليلي: محتاجه سك'ينه
مني بضحك وفهمت اللي في دماغ ليلي
مني :اسيبكم انا اروح اشوف باقي الناس
ليلي:اوك
تميم: تيجي نتمشي شويه
ليلي:مفيش مانع
إيمان بتكون في الحفله وبتشوف احمد بتبص بعيد
احمد بيمسك المايك وبيطلع علي المسرح وبيصرخ بصوت عالي:بحبك يا إيمان...
يتبع الفصل التالي اضغط على (رواية عشقت التميم) اضغط على أسم الرواية