رواية حب بعد عذاب البارت السادس 6 بقلم نورهان
رواية حب بعد عذاب الفصل السادس 6
قاسي دخل الغرفه وكنت نايمه ع سجده الصلاه
قاسي بجمود: ملك
قومت بسرعه ع صوته ورديت بصوت كله خوف و وجع:نعم
قاسي:أنا هسافر اسبوع وهرجع
خوفت اوي يعني قاسي سندي دلوقتي هيسافر وانا هبقي لوحدي في كل اللي بيحصل دا بس مليش حق أقوله مش تسافر اكيد هو مش طايقني أعدت اكلم نفسي كتير وقاسي واقف مستني رد
قاسي:ها ساكته ليه
ملك:اللي يريحك
قاسي قرب مني ومسكني من شعري انتي عايزه اني اسافر علشان تقعدي مع حبيب القلب صح
انا بدون فهم :حبيب قلب مين !!!!
قاسي ساب شعري و خرج الفون من جيبه و قال بعصبيه:شوفي
مسكت الفون وأيدي بترتعش من الخوف وانا بقرء كل المسدجات عني وقد اي قاسي استحمل كلام وحش كتير علشاني ومع ذلك ستر عليا ومش قال ل اي حد و جنبي بس صعب عليه يتعامل معايا عادي هو برضو راجل
مسحت دموعي وقولت بصوت مرجف :قاسي واضح اوي أن الشخص دا هو اللي عمل فيا كدا دا لو حد عمل كدا فعلا لان أنا مش فاكره ومش عارفه افتكر ومسكت دماغي من الوجع
قاسي:هشوف ي ملك هشوف أنا فكرت في طريقه بس يارب مش يكون الشخص دا ذكي وعامل حسابه
شوفت دموع في عيون قاسي وتعب و وجع اول مره اشوف قاسي ضعيف كدا حسيت من كلامه أنه اتكسر بسببي
قاسي :أنا تعبان اوي ي ملك تعباااااان
والدموع بتنزل منو قلبي وجعني اوي لما شوفت اغلي ما ليا مكسور كدا قومت وقفت بسرعه وحض*نته جامد اوي كنت عايزه ادخله جو ضلوعي مش عارفه ازاي بس كنت عايزه اخفف عنه أنا السبب في كل دا لو افتكر لو افتكر مين عمل فيا كدا يربي أجبر بخاطري أنا و زوجي احنا أضعف من كل دا يارب انت عالم اني مظلومه يارب فضلت ادعي وانا في حضنه واعيط وحاسه بوجع قلب قاسي كل نبضه في بتقول قد اي هو تعبان
قاسي خرجني من حضنه ومسح دموعي
قاسي: تعالي نامي أنا عارف انك تعبانه أنا مش هسيبك اطمني أنا جنبك وهجيب اللي عمل كدا و هشرب من دمه
حسيت براحه اوي من كلامه حسيت أن ليا سند وحد بيحبني ويخاف عليا اوي اه قاسي عذبني في الاول بس انا كنت متاكده أنه حنين وهيرجع قاسي اللي حبيته ربنا يهدي فضلت في حضنه لحد ما قاسي نام واطمنت دفنت راسي في حضنه ونمت أنا كمان
عند أسر وتمارا
تمارا:أنا شوفت حاجه غريبه اوي ي أسر انهارده
أسر :اي هي ي حبيبي
تمارا:شوفت زينه صحبت ملك بتدي لشخص شنطه فيها فلوس كانت في الكافيه اللي كنت أنا أعده في مع اصحابي
أسر:اكيد شغل او حاجه
تمارا:مش عارفه بس شغل اي اللي بالفلوس دي كلها أنا حاسه ان في حاجه
أسر:كبرى دماغك ملك دلوقتي متجوزه واكيد علاقتها ب أصحابها مش هتكون زي زمان ف مش تقلقي عليها وزينه دي ملناش دعوه بيها
تمارا:اوكي ي حبيبي
أسر :أنا عندي مشاكل في الشغل اول مره تحصل
تمارا:طيب ما تكلم بابا هو اكيد هيكون عنده حل
أسر:ما انتي عارفه اخوكي لو عرف اني قولت لعمي وهو لا هيعمل مشكله بقي في شخص ورا الموضوع أنا لازم اعرفه الاول وانا مش عايز ازود ع عمي كفايه شغل الشركه التانيه اللي مع عمي لوحده أنا هنا أنا وقاسي ومش قادرين عليها وفي شخص ورا كل دا اموت وأعرفه
(ي تري هو نفس الشخص اللي بيبعت مسدجات ل قاسي عن ملك ولا اي )
تمارا:ربنا يعدي الفتره دي ع خير
عند قاسي وملك
قاسي فاق وهو سرحان في ملامح ملك البريئه ورجع شعرها لورا وهو بيقول لنفسه أنا واثق فيكي انتي بنوتي وعمرك ما تعملي كدا وحياتك عندي ل اعرف مين عمل كدا
ملك قامت بسرعه ع التواليت
قاسي قام بسرعه يشوف في اي ملك حاسه ب غيثان وقيء
قاسي وقف مصدوم
(لو ملك حامل ي تري هيكون ابن قاسي ولا ابن مين ولا تعب عادي مش حامل) هقولكم في بارت جديد
- تابع الفصل التالي عبر الرابط: (رواية حب بعد عذاب) اضغط على أسم الرواية