رواية أحببت صغيرتي الفصل السابع 7 - بقلم اسراء إبراهيم

  رواية أحببت صغيرتي بقلم اسراء إبراهيم 

 رواية أحببت صغيرتي الفصل السابع 7

 

اايه يا دكتور عمر  سبتني امبارح ولحقت انهاردة تدخل علاقة جديدة  لا براڤو فعلا  

هاجر اضايقت عشان رنا وبصت لعمر بعتاب عشان حطها في الموقف ده وبعدين بصت للارض وسكتت  اما عمر فبص لرنا وقال ببرود: 

والله انا خيرتك يا رنا وقولتلك يا نتجوز ونعيش زي اي اسرة طبيعية وبرضه تشتغلي وتكوني كيانك وشغلك يا اما كل واحد فينا يروح لحاله واعتقد ردك وصلني 

رنا قربت منه وقالتله بسخرية وهيا بتشاور علي هاجر : 

اه وهيا العيلة دي بقي هيا اللي هتكون معاها اسرة وتعيش معاها في تبات ونبات ولا ااه تلاقيها كل طموحها في الحياه انها تلاقي حد تعيش معاه وياخد باله منها 

اخرررسي 

قالها عمر بغضب وهو بيمسك ايدين رنا بعن*ف: 

هاجر مسحت الدمعة اللي هربت من عيونها وحاولت تتجاهل كلام رنا لانها عارفة انها قالت كدة عشان بس غضبانة من عمر  واول ما الدكتور نده عليهم سابتهم هاجر ودخلت بسرعة لامها  وعمر بص لرنا بغضب وسابها ودخل ورا هاجر ورنا متابعاهم بغضب ممزوج بحزن 

في اوضة الدكتور مروان كانت واقفة هاجر  وحاطة ايدها علي بؤها بصدمة وهيا بتسمع كلام  الدكتور  

دكتور مروان كان بيتكلم بعملية وهو بيقلع نضارته وبيحطها عالمكتب: 

انا مش متخيل ان لسة في دكاترة مهملين كدة انت قولتيلي انتي كنتي بتتعالجي عند مين يا ست جميله 

جميلة قالتله بهدوء: 

في مستشفي حكومي يا دكتور وكنت بروح لحد ما الدكتور قالي ملوش لازم تتعبي نفسك وخلاص ارضي بقضاء ربنا 

دكتور مروان قال بعصبية: 

ده دكتور متخلف لما هو مبيفهمش ايه اللي خلاه يشتغل ما كان قعد في بيتهم بقي 

عمر اتكلم باستغراب من انفعال دكتور مروان وقاله: 

هو في ايه يا مروان مخليك متعصب اوي كدة 

دكتور مروان  اتنفس بعن*ف وبعدين قال بهدوء: 

في انه كان مشخص الحالة غلط ولو كان بدأ  العلاج  الصح من بدري كان زمان ست جميلة  كويسة دلوقتي وبتيجي تتابع بس ،  بس نقؤل ايه للاهمال 

شهقت هاجر بخوف وحطت ايدها علي بؤها وهيا بتقؤله بقلق: 

يعني في امل يا دكتور ان ماما تخف ولا لأ

مروان بصلها بأعجاب وقال بابتسامة: 

متخافيش يا انسة احنا هنبدأ العلاج من بكرة وان شاء الله مامتك هتبقي زي الفل 

هاجر ابتسمتله بامتنان وقالت: 

بجد!  متشكرة اوي يا دكتور مروان انت بجد انسان كويس ومحترم  زي ما قال عليك ابيه عمر 

مروان حب براءتها وقال بهدوء ولمعة في عيونه وهو باصص لهاجر : 

والله لو كدة يبقي لازم اشكر ابيه عمر علي مدحه فيا 

عمر كان بيتابعهم وقابض علي ايده بغضب وهو شايف نظرة مروان صديقه لهاجر كان حاسس ب*نار في قلبه فقال بضيق: 

اظن كدة كفاية يلا بينا بقا وعلي معادنا بكرة ان شاء الله يا مروان  مع السلامة وخد هاجر وجميلة ومشي ومروان متابعهم بابتسامة 

.......................................... 

تسنيم وعبد الرحمن كانو لسة قاعدين وتسنيم   كانت مترددة تحكيله بس حسمت امرها واتنهدت  وبعدين قالتله: 

اسمع يا عبد الرحمن نورهان كانت قايلالي بس اني اجيلك واطمنك عليها واعرفك انها كويسة بس حصل ظرف كدة وبسببه مش بتقدر تيجي الجامعة

بصلها عبد الرحمن واتكلم بشك: 

بس مش دي الحقيقة مش كدة 

حركت تسنيم راسها باه وقالتله بتوتر: 

فعلا مش دي الحقيقه بس انا هقؤلك الحقيقة عشان انا اتأكدت انك فعلا بتحبها وبتخاف عليها  الحقيقة ان نورهان عانت كتير اوي في حياتها امها وابوها ماتو  من تلات سنين  وهيا عاشت مع خالها ومراته لان ابوها مكنش ليه اخوات وللاسف مرات خالها كانت بتعاملها معاملة صعبة جدا بس الحاجة الوحيدة اللي كانت بتهون علي نورهان هيا دراستها  لحد ما بقت زي ما انت عارف و مرات خالها من فترة عمالة تقوم خالها عليها وعايزة تجوزها اخوها  وبتزغلل عيون جوزها بفلوسه ونورهان بتقؤلي انه الشخص ده هيا بتك*رهه و بتك*ره نظراته ليها بس للاسف هيا مش قادرة تمنع  الجوازة دي لان خالها ماشي ورا مراته وموافق علي  اخوها جدا 

عبد الرحمن كان بيسمع تسنيم ومصدوم وهيا بتحكيله وقبض علي ايده بعن*ف وهو بيقؤلها بهدوء عكس اللي جواه: 

والشخص ده يبقي معتز مش كدة 

تسنيم اتنهدت وقالتله بتوتر: 

اه هو ، بس قولي هتعمل ايه انا حكيتلك يا عبد الرحمن عشان يمكن تقدر تعمل حاجة وتنقذها من الجوازة دي وفكرت شوية وكملت بتردد وبصراحة كدة هو ده السبب اللي خلي نورهان تصدك عشان خايفة عليك من معتز لانه انسان شر*اني ومش هيسكت ولا هيسيبها 

عبد الرحمن كان بيسمع كلامها وبيفكر وفجأة قام وقالها: 

عاوز اعرف عنوانها وانا هتصرف 

نورهان ابتسمت وحركت راسها وقالتله: 

حاضر 

......................................... 

دخلت جميلة البيت ومعاها عمر وهاجر واتكلمت بتعب: 

البيت بيتك يا عمر يابني هدخل اريح شوية 

عمر ابتسم غصب عنه وقالها: 

اتفضلي يا طنط ارتاحي وفعلا سابته ودخلت وهاجر جت تمشي فمسكها عمر من ايديها جامد وقالها بغضب انتي مش شايفة انك غلطتي ولازم تعتذري 

هاجر استغربت  وقالتله بحدة: 

وده اللي هو ازاي يعني واعتذر ليه اصلا انا مغلطتش انت اللي غلطت لما حطتنا في الموقف ده انت كنت عارف انها هتكون هناك يبقي مكنتش تقرب مني كدة 

عمر اضايق اكتر وقالها بتهديد: 

هاااجر متسته*بليش انتي عارفة اني مش بتكلم علي اللي حصل مع رنا 

هاجر كشرت باستغراب وقالتله بغضب: 

انا مش بستهبل وبجد مش فاهمة انت بتتكلم عن ايه وسيب ايدي بقي انت بتو*جعني 

عمر ساب ايديها بعصبية وهو بيقلدها: 

متشكرة اوي يا دكتور مروان انت بجد انسان كويس ومحترم  زي ما قال عليك ابيه عمر   وكمل بغضب  ايه مش فاكرة المياعة والمسخ"رة اللي كنتي بتتكلمي بيها 

هاجر اضايقت من طريقته وقالتله بعصبية: 

انا مغلطتش ولا كنت بتكلم بمياعة انا شكرته بكل احترام انت بقي شايفها كدة دي حاجة بتاعتك 

رد عليها عمر بغضب وهو بيقرب منها: 

يا سلام  يعني  مقصدتيش  تقؤليلي  يا ابيه عمر قدامه عشان تعرفيه ان مفيش حاجة بينا 

هاجر اتصدمت وقالتله بصدمة: 

انت بتفكر ازاي انا اصلا علطول بقؤلك كدة انت ازاي تفكر فيا كدة انا مش مصدقة انك تقؤل عني كدة وجت تسيبه وتجري عمر لحقها ومسكها من ايديها وشدها عليه جامد فخبطت في صدره وبقت تقريبا في حضنه وعمر حاوط وشها بايديه وبص في عيونها وهو بيقؤل بندم: 

انا اسف يا هاجر حقيقي اسف معرفش انا قولت كدة ازاي  بس انا اتجننت لما شفته بيبصلك بأعجاب 

هاجر الدموع كانت في عنيها وبتبصله بعتاب وقالت ببحة: 

 انت اكتر حد عارفني المفروض متفكرش فيا كدة ابدا 

عمر كان تايه في عنيها وضربات قلبه عالية اوي لاول مرة ياخد باله من كل حاجة فيها كان بيبصلها علي انها شابة جميلة مش العيلة الصغيرة اللي رباها ابتسم بتوهان وهو بيقؤلها: 

تعرفي ان شكلك حلو اوي كدة وانتي معيطة  

هاجر اتصدمت من كلامه وقلبها كان مبسوط وهيخرج من مكانه من كتر ما هو فرحان  زاغت بعنيها بعيد عن عنيه وحاولت تتمالك نفسها وقالتله بحزن: 

اعتقد  حبيبتك مش هنا عشان تمثل وتقؤل الكلام ده وزقته وطلعت تجري علي اوضتها اما عمر فغمض عينه وهو حاسس بحيرة  ومستغرب نفسه اوي بس لما افتكر اللي حصل دلوقتي مع هاجر ابتسم وهو بيملس علي شعره وخرج بهدوء والابتسامة لسة علي وشه وفي اللحظة دي فونه رن وكان عبد الرحمن

  

بليل كانت نورهان كانت خارجة من اوضتها رايحة الحمام بس وقفت بصدمة اول ما سمعت صوت عبد الرحمن بيتكلم مع خالها...

• يتبع الفصل التالي اضغط على ( رواية أحببت صغيرتي) اسم الرواية