رواية جرحني ولم يبالي بقلم بسنت الشيخ
رواية جرحني ولم يبالي الفصل السابع 7
حياه : اديني وقت افكر الموضوع مش سهل عليا
عشق : انا عارفه وفاهماكي انتي هتفكري اني مش عارفه احساسك بس تأكدي أن وجعنا زي بعض
حياه : وجعنا مش زي بعض ولا حاجه انتي بتضحي علشان خاطر بنتك وجوزك وكله كان بعلمك لكن انا مكانش في ولا حاجه بعلمي اتجوزت وحامل وطلع كله خدعه حتي ادهم اللي كنت فاكره أنه بيحبني ( بضحكه سخريه) طلع هو كمان خدعه لو كنتي فاكره اني عشان دخلتك بيتي ابقي متعاطفه معاكي لا طبعا أنا صعبان عليا بنتك اللي بعدت عن ابوها وابني اللي للاسف هيبعد عنه برده
عشق : حياه ارجوكي تفهميني ادهم مش وحش بس هو تتحط في موقف صعب وكان لازم يختار والدته بتقوله لو مااتجوزتش انت لاابني ولا هعرفك وانا كمان ضغط عليه لما لقيت علاقه لوالدته بتبوظ .
نهايه الكلام يا حياه اللي حصل حصل لو عليا فاقولتلك انا مش فاضلي كتير بس انتي بإذن الله قدامك دنيا هتعيشيها واظن انك لازم تعيشها مع ادهم عشان خاطر الطفله اللي هتبقي يتيمه دي بلاش انتي كمان تيجي عليها
حياه : زي ما قولتلك سيبيني افكر أنا مش هقدر آخد قرار دلوقتي انا لسه مجروحه وجرحي جديد وبينزف
عشق : زي ما قولتلك خدي وقتك بس ماتتأخريش انا مش عارفه أجلي امتي
حياه : علفكره انا ماتماناش ليكي الموت بالعكس مايرضينيش انك تموتي وبنتك تتيتم ربنا يخليكي ليها
عشق : اخر حاجه قبل ماامشي ادهم مايعرفش اني جتلك وياريت مايعرفش
حياه: اطمني انا اصلا مافرقش معاه حتي لو طلقني مش هفرق معاه لا أنا ولا ابنه
عشق : يبقي انتي ماتعرفيش ادهم كويس بس الايام هتعرفهولك اسيبك أنا بقي تفكري
حياه : تمام
عشق : انا معايا رقمك هيبقي اكلمك
حياه : عرفتي رقمي وعنواني منين
عشق : من صديقه مشتركه بينا اسمها حنين
حياه : تمام مع السلامه
عشق : سلام
مشت عشق وظلت حياه تفكر إلي أن خرجت والدتها
والده حياه : انتي بتفكري انتي عايزه ترجعي
حياه : مش عارفه
رنا : حياه انتي محدش هيجبرك علي حاجه بس فكري في اول حاجه مصلحتك انتي وابنك والباقي رقم اتنين
والدتها : بس ده مالوش امان ده طلع تعبان
حياه : مكنش ده كلامك يماما كنتي بتحبيه
والدتها بتوتر : انا مازلت بحبه معرفش هو عاملنا اي بس اللي يجي عليكي اطلع بطنه
حياه : انا هدخل الاوضه
رنا : ادخلي لحد ماالعيال تيجي من المدرسه واكون عملت الاكل
حياه اماءت لها بنعم ودخلت لغرفتها وجلست علي سريرها ومن ثم أمسكت بهاتفها وظلت تقلب في صورها مع زوجها الخادع وأبو طفلها وحبيبها وهي تبكي بقهر وتعلم أن قدر مايكون حب أهلها لها لن يعلموا ماهي به ولا بحزنها وأثناء ما كانت تقلب في الصور رأت اسم ادهم وصورته علي الشاشه صوتا معلنا أنه يدق عليها
لم ترد حياه فيي المره الاول وظل يرن إلي أن أغلقت هاتفها وارتمت علي سريرها تشاركه حزنها واشتياقها نعم انها تشتاق برغم كل أفعاله فيظل الحبيب حبيب رغم البعد والقسوه
ذهبت عشق واخدت ابنتها من جارتها وبعد شكر كثير منها دخلت الي شقتها
عشق : يلا يا ليله غيري هدومك عشان ناكل....لم تكمل كلامها وذهبت اللي الحمام تفرغ كل مافي معدتها
ليله : ماما انتي تعبانه انا خايفه
عشق بعد غسلت وجهها وجففته ذهبت واخذت ابنتها وجلسوا علي الاريكه
عشق : ليله ماما تعبانه شويه بس انتي لازم ماتخافيش مش احنا اتفقنا أن ليله قويه صح
ليله : صح بس انا بحبك اوي مش عايزه انك تتعبي
عشق : انا عارفه بس انا لازم اقولك علي حاجه ماشي
ليله : اوكي
عشق : احنا مش بنلعب سوا لعبه الغميضه صح
ليله : صح
عشق : انا في يوم مش هتلاقيني يبقي احنا كده اللعبه ابتدت اول ما تخافي ومش تلاقيني ادعيلي وقولي يارب ارحم ماما وتخليني احلم بيها واول ما تنامي هيجيلك في الحلم اتفقنا
ليله : اتفقنا بس هو انا بعد كده مش هشوفك....خلاص مش عايزه العب
عشق : لي اللعبه جميله وبابي هيدور معاكي ماشي
اماءت ليله ثم دخلت لأحضان والدتها وذهبت في ثبات عميق وادخلتها عشق الي غرفتها ومن ثم حدثت ادهم
عشق : الو السلام عليكم
ادهم : وعليكم السلام ورحمه الله وبركاته ازيك
عشق : بخير يحبيبي انت عامل اي
ادهم : بخير ليله كويسه
عشق : اه كله تمام فكرت هتعمل اي
ادهم : لسه مش عارف بس انا مش هاجي النهارده رايح لماما
عشق : تمام يحبيبي بالسلامه
ادهم : سلام
في منزل أهل حياه بعد أن تناولوا الغداء جلسوا جميع أمام التلفاز والأطفال يلعبون وكل منهم منغمس في المسلسل وكانت حياه تفكر في همها وفجأه رن جرس الباب وانطلق الاطفال يفتحون الباب ووالدهم خلفهم
احمد : مين اللي جه
الاطفال : عمو ادهم جه
ادهم : السلام عليكم ممكن ادخل
احمد : ..............
تابع الفصل التالي عبر الرابط: (رواية جرحني ولم يبالي) اضغط على أسم الرواية