رواية في قبضة العشق بقلم امل الهلاوي
رواية في قبضة العشق الفصل الثامن 8
ذهبت صفيه الى المنزل وجدت يونس ينتظرها عند الباب
صفيه بفرحه عارمه:الف الف مبروك يانور عينى
هنا اطلقت ثانية الزغاريد احتضنت يونس بحب بالغ
يونس وهو يحتضن والدته:ربنا يخليكى ليا ياست الكل اقعدى كده بقى واحكيلى كل اللى حصل
صفيه بتنهيده:ياواد استنى بس لما القط نفسى
محمود بمشاكسه:من وقت مانزلتى وهو واقف في البلكونه ماعرفش متلهوج كده ليه
صفيه بحماس:الصراحه ياحاج المفروض يتلهوج دا البت ماشاء الله اسم النبى حارسها شعرها سايح وجايب اخر ضهرها ولا البياض ولا الجمال ملبن ياواد يايونس
يونس بابتسامه:لحقتى تشوفى كل ده ياصفصف
صفيه بفخر:عيب عليك دا انا جبتها من فوقها لتحتها قمر وهاديه وعسل
محمود:امال اتأخرتى كده ليه ياوليه
صفيه بتوضيح:كانوا حاطين العشا وحلفوا لاقعد اكلهم حلو ونضيف وبيتهم مترتب ونضيف ماشاء الله ساره اللى كانت عامله العشا احسن من اكل ام محمد بكتير اتفقت مع ابوها اننا هانروح يوم الجمعه كلنا نتفق ونقرأ الفاتحه ان شاء الله
يونس بابتسامه:ربنا يخليكى ليا انتى وبابا انا هادخل ارن على ساره وهارجع لكم تانى تكملى لى
هنا انصرف يونس مسرعا الى غرفته هاتفها وانتظرها تجيب فجاءه الرد منها:الو السلام عليكم
يونس:عليكم السلام مبروك
ساره:الله يبارك فيك
يونس:اتأكدتى انى مش بتسلى وجد
ساره:اتأكدت
يونس:نفسى يوم الجمعه يجى اوى عشان اشوفك وخلاص تبقى بتاعتى
ساره :ماعدش الا يومين بس مستعجل على ايه
يونس:ساره انا بحبك اوى
هنا صمتت ساره ولم تجيب
يونس:طيب ريحينى بقى وقوليها
ساره:أقول ايه
يونس:الكلمه اللى عاوز اسمعها
ساره:سيب كل حاجه لوقتها
يونس:رغم انى صبور بس معاكى انتى انا مش قادر اصبر على اى حاجه انا مبسوط اوى انا حاسس انى اسعد واحد في الدنيا دى
ساره:انا كمان مبسوطه اوى يايونس
يونس:بجد ياساره مبسوطه اننا هانرتبط
ساره:مبسوطه اوى يونس انا عمرى قلبى مااتفتح لحد غيرك وعمرى مااستريحت لحد زيك عاوزاك تفهم ده
يونس:ربنا يقدرنى واقدر اسعدك ياحبيبتى كل ايامك الجايه هاتكون فرح فرح وبس
.............................
خرجت ميرفت من غرفتها مدعيه انها كانت نائمه وقصت والدتها ماحدث عليها ادعت الفرحه وانها سعيده لاجل اخيها وباركت له وللجميع ثم انصرفت الى غرفتها لتهاتف منى فمنى هي صديقتها المقربه وابنة عمها
ميرفت:عمك ومراة عمك راحوا بيت بنت البقال وخطبوها ليونس
منى بشهقه:لالا انتى بتهزرى صح
ميرفت:انتى غبيه هاهزر في الحاجات دى برده
منى:وبنت البقال وافقت
ميرفت:وهى هاترفض هي تحلم أصلا تدخل بيتنا
منى :هانعمل ايه هاتسيبى عدوتك تتجوز اخوكى
ميرفت :على جثتى بكره تشوفى ان ماادمرتها مابقاش انا ميرفت لا والبيه مستعجل اوى هايموت عليها تشوفيه تقولى دا لسه مراهق مش يونس اللى بنشد منه الكلمه بالعافيه الهادي الراسى
منى:عرفت توقعه بسهوكتها ومحنها ماهى اصلها بت مسهوكه
ميرفت :خليها تتسهوك براحتها وهانشوف مين اللى هايكسب
.........................
مر اليومان بسرعه واتى يوم الجمعه استعد الجميع بما فيهم ميرفت للذهاب الى بيت ساره للتقدم لها رسميا تأنق يونس في بذله من اللون الكاكاوى كان قد هاتف ساره وهى من اختار اللون له كما تأنقت ساره في فستان من الستان واللون الكاكاوى أيضا ضيق من الأعلى وواسع من الأسفل أعدتها لها والدتها فمديحه خياطه ماهره تجيد فن الخياطه والتطرز كانت ساره أميره بحق فقد وضعت بعض المساحيق على وجهها زادتها جمالا على جمالها كان الحاج محمود قد ارسل احدهم الى المدينه ليجلب الحلوى الفاخره والفواكه الطازجه من مزارعهم من اجود أنواع الفاكهه
بعد الترحيب والمباركات كانت ساره في غرفتها وأعين يونس تبحث عنها لمحت صفيه ذلك فقالت:امال عروستنا الحلوه فين
ماهر موجها كلامه الى مديحه:قومى هاتى ساره ياام ساره
هنا ذهب مديحه لتنادى على ساره دلفت ساره الى الغرفه كأميره ساحره تحمل في يدها صينيه متراص عليها شربات احمر بارد سحرت الجميع بطلتها خاصة يونس الذى كان ينظر اليها وكأن لايوجد في الغرفه سواهم اما هي لم تنظر اليه مطلقا فهى خجله بحق فتلك اول تجربه لها
اما ميرفت كانت كجمره من نار حينما رأتها بهذا الجمال وتلك الاناقه فتلك اول مره ترى تصميم هذا الفستان الجميل
قدمت ساره المشروب للجميع كانت متوتره جدا فقام يونس واخذ منها الصينيه ووزع معها المشروب على الجميع نظرت له ساره بابتسامه امتنانا له فغمز لها بطرف عينه فنظرت سريعا الى الجهه الأخرى خجلا منه أجلستها صفيه بجانبها وجانب الحاج محمود
محمود مفتتحا الحديث:احنا جايين النهارده ياابو ساره نطلب ايد الدكتوره ساره للبش مهندس يونس ويشرفنا انكم تقبلوا نسبنا
ماهر بود:واحنا مش هنلاقى احسن منكم ياحاج محمود
يونس موجها كلامه الى ماهر:اوعدك ياعم ماهر انى هاحط بنتك في عنيا ومش هاتشوف الا كل فرح وخير معايا
ماهر:انا اهم حاجه يابنى عندى سعادة بنتى وانك تتقى الله فيها وبس
محمود موجها كلامه للجميع:طيب طالما اتفقنا كده يبقى نقرأ الفاتحه
قرأالجميع الفاتحه وهنا اطلقت صفيه الزغاريد العاليه مجددا
اتفق كلا من ماهر ومحمود ويونس ان تكون فترة الخطوبه سنه فماهر اعترض على الزواج مباشرة فساره لازالت في الفرقه الثانيه كان يونس يريد الزوج في خلال مده قصيره ولكن اصر ماهر
يونس بقلة حيله:طيب ياعم ماهر طالما مصمم الجواز بعد سنه يبقى نعمل خطوبه وكتب كتاب على طول
ماهر :بس يابنى
محمود مقاطعا:كده احسن ياماهر الولاد ياخدوا راحتهم في الخروج والفسح ويبقى كله بحلال ربنا احنا نعرف الأصول
ابتسم يونس لوالده فهو ساعده في الكلام فهو يعلم ان ساره بنت خجوله وملتزمه لن تخرج معه وتتمادى في الحديث في فتره الخطوبه وبالنهايه هو يريد راحة ابنه
ماهر بقله حيله:تمام ياجماعه مافيش مشكله
يونس :يبقى الجمعه الجايه نلبس الشبكه ونكتب الكتاب
ماهر:انتوا مستعجلين كده ليه ياجماعه
محمود:خير البر عاجله ياماهر مافيش داعى للتأجيل بكره نروح نشترى الشبكه
ماهر:تمام ياحاج محمود مافيش مشكله الجمعه الجايه بقى هانجيب العيله وانتم كمان هاتوا جماعتكم
محمود:طبعا اكيد اعزموا حبايبكم واحنا هانعزم حبايبنا وربنا يتم علينا بخير يارب
هم الجميع للانصراف وكانت ساره تسلم عليهم جميعا امرتها والدتها ان تصاحب صفيه الى الأسفل بناء على طلب صفيه فهى ارادت ليونس ان يتحدث معها بمفردهم فهى تعلم انه يريد الحديث معها ولم تسنح له الفرصه همت صفيه الى الامام واسرعت الخطى مع زوجها قائله:احنا هانسبق يايونس
يونس بابتسامه:واجبك وصل ياحاجه
خرج محمود وصفيه وميرفت من المنزل اما يونس وقف اغلق البوابه وقال بفرحه :مبروك ياحبيبتى الف مبروك
ساره بابتسامه :الله يبارك فيك يايونس
يونس:بس ايه الحلاوة دى وايه القمر بتاعى ده
ساره بخجل:عجبتك
يونس:انتى عاجبانى على طول من غير اى حاجه عاجبانى
ساره:ربنا يخليك ليا يارب
يونس بتنهيده:ويخليكى ليا يارب كان نفسى نتجوز على طول بس باباكى رفض
ساره:كويس انه ماقالش بعد الكليه
يونس:لا ابدا ماكنتش هاوافق كنت هافضل ازن عليه
ساره :انا اتاخرت ماما هاتقلق
يونس وهو ينظر الى الأعلى :ايه ده
نظرت ساره الى محل نظره طبع قبله سريعه على وجنتها ثم غادر سريعا دون ان ينتظر ردها
ساره وهى تضع يدها على وجنتها وعيناها مفتوحه لاخرهم
ساره محدثه نفسها:دا باسنى بجد مجنون مجنون والله
انصرف يونس الى منزله هائم من السعاده والفرح لقد قبلها منذ قليل لايصدق انه حصل على قبله منها دون ارادتها
صفيه بحب:ايه رايك في امك ياواد
يونس وهو يقبل يدها:دا انتى ست الكل ياصفصف
محمود:وانا يعنى اللى عجلت لك بكتب الكتاب عادى ماليش اى حاجه
هنا قبل يونس والده قائلا:دا انت سيدى وتاج راسى يابابا دا كانك كنت بتقرا افكارى وتقول اللى انا عاوز أقوله
محمود:انا عارف تربية ماهر لو ماكتبناش الكتاب مش هايخليك تخرج مع بنته وتاخد راحتك وانا عاوزك تبقى سعيد ومبسوط مع عروستك ياحبيبى
يونس موجها كلامه لميرفت:ايه ياميرفت ماتكلمتيش خالص ليه
ميرفت:انا عارفه ان ده كلام رجاله يايونس واتفاقات انا هاقول ايه يعنى انا هادخل انام
ذهب كل منهم الى غرفته ويونس أيضا ذهب ليهاتف ساره
يونس:الو
ساره:ينفع اللى انتى عملته ده
يونس :انا عملت ايه
ساره بتلقائيه:بوستنى
قهقه يونس قائلا :انا كويس انا مابوستكيش اول ماشفتك ادام ابوكى
ساره بصدمه:ماينفعش يايونس كلامك ده حتى في الدين ماينفعش انا مش مراتك عشان تبوسنى
يونس:حاضر ياستى انا اسف اوعدك ماعدتش هاعمل اى حاجه تضايقك لغاية مانكتب الكتاب وتبقى بتاعتى وحلالى
تقبلت ساره اعتذاره وظلوا يتحدثون سويا قرابة الخمس ساعات فوجأ كل منهم ان الوقت قد مضى سريعا هكذا فكلامهما مازالا يتعرفان على بعضهما البعض تحدث كل منهم الى الاخر بالاشياء التي يحبها الاشياء التي يكهرها ونظام حياتهم اليومى كل شيء تحدثوا به تقريبا انه الحب ياساده معه تمضى الساعات كلحظات ولانشعر بمرور الوقت مع من نحب ........................
- يتبع الفصل التالي اضغط على ( رواية في قبضة العشق) اسم الرواية