رواية حلم كاملة بقلم ايمان شرقاوي عبر مدونة دليل الروايات
رواية حلم الفصل الحادي عشر 11
ادهم بحزن : والله يا ماما مش عارف اقولك ايه .
احلام بدموع : لا حول ولا قوة الا بالله كنت حاسة والله .
عبد الرحمن بحزن : شالت كام مادة .
ادهم بتمثيل الحزن : انا روحت يابابا لقيت النتيجة معلقة دورت علي اسمها لقيتها تقدير عام امتياز مع مرتبة الشرف .
احلام بحزن : اكيد هتزعل ربنا يعوضها خير يا…. امتياز !!!!
ادهم بضحك وهو يركض : بهزر معاكي ياماما ايه مبتهزرش يا رمضان .
احلام بغيظ وهي تركض وراءه : تعال هنا يا ولد وانا هوريك الهزار .
ادهم وهو يستنجد بوالده : الحقني يا بابا انت بتضحك !!
عبد الرحمن بضحك : شوف بعد الخضه اللي سببتها لينا دي تبقي تستاهل .. شوفي شغلك يا حلومتي .
احلام بخبث : من عينيا يا حاج .
ادهم وهو يلطم : يا ختااااي … يا ختاااي الحقوني .
صوت دقات علي الباب :.
احلام : صوت الباب انقذك مني يا ادهم اصبر بس … تفتح الباب .
حلم بحب : السلام عليكم يا ماما .
احلام بفرحة : وعليكم السلام ورحمة الله وبركاته .
حلم بتعجب وهي تنظر الي خف امها المرفوع : سلاح الام المصرية مرفوع ليه .
عبد الرحمن بضحك : اصل ادهم راح وجاب نتيجتك .
حلم وهي تركض : استني بس يا ست الكل نتفاهم .
احلام بضحك : استني يابت مش ليكي ده لادهم… انتي الحمد لله امتياز مع مرتبة الشرف .
حلم بصدمة وبلاهة : مين اللي امتياز معلش .
عبد الرحمن بضحك : فوقي يا حلم وركزي انتي نجحتي الحمد لله وخلصتي تعليم .
ادهم وهو يخرج من غرفته : لولولولولولولولوي وبقيتي اجمل دكتورة في الدنيا.
حلم بدموع وهي تحتضنه : بجد يا ادهم الحمد لله … الحمد لله ربنا يخليك ليا يارب .
ادهم وهو يقبل رأسها : ربنا يفرح قلبك دايما يارب يا زءردة .
احلام وهي تنظر لعبد الرحمن بدموع : ربنا يحفظكم يارب .
عبد الرحمن بحنان : مبارك يا حبيبتي .. وبمرح اهو الواحد دلوقتي يكشف ببلاش .
حلم وهي تحتضن والدها : بعد الشر عليك يا بابا من المرض .
احلام بفرحة : تعالي يا لومااا ساعديني نحضر الغدااا .
حلم بطاعة : حاضر يا ماما .
عند سلمي ووالداتها .
فاطمة : سلمي يابت يا سلمي .
سلمي : نعم يا ماما جيت اهو .
فاطمة بفرحة : متقدملك عريس زي الفل هو ..
سلمي بمقاطعة : انا مش موافقة يا ماما مستحيل اتجوز واسيبك وحدك .
فاطمة بحزن : استني بس يا بنتي مش تعرفي مين .
سلمي بضيق : لا يا ماما مش عاوزة اعرف مين .
فاطمة : ده المهندس ادهم عريس ميترفضش .
سلمي بتعجب : ادهم مين .
فاطمة بفرحة : المهندس ادهم عبد الرحمن جيراننا اللي تحت .
سلمي بصدمة : لااااا يا ماما ادهم لا مش موافقة .
فاطمة بغضب : هتوافقي يا سلمي فاهمني ولو بتقولي مش عاوزة تسيبني وحدي شقته في نفس العمارة يعني مش هتسبيني وحدي .
سلمي بحزن : يا مااماا اصل ..
فاطمة بمقاطعة: مفيش اصل ولا فصل وبهدوء يا بنتي انتي خلصتي كلية واشتغلتي ناقصك ايه بس عشان تتجوزي انا نفسي افرح بيكي واطمن عليكي قبل ما اموت .
سلمي بحزن : بعد الشر عليكي يا ماما ربنا يديم وجودك يارب وبضيق خلاص انا موافقة هشوفه بس القرار بعد ما اقابله برضه .
فاطمة بأمل : ماشي قابليه وان شاء الله خير .. بكرة بالليل جايين .
سلمي بصدمة : بكرة يا ماما … بكرة ولسه فاكرة تقوليلي عديني كده المع الشقة واحضر فستاني .
فاطمة بضحك : كل ده ومش موافقة اومااال لو موافقة كنتي عملتي ايه .
سلمي بخجل وتردد : اصل .. اصل يا ماما لازم بيتنا يكون شكله نضيف وحلو ولا انتي ايه رأيك .
فاطمة بضحك وهي تغمز لها : طبعا يا نور عين ماما .
……………………………..
عند حلم :.
حلم بصراخ : اااااااادهم … اااااااادهم .
ادهم بفزع : ايه في اييييه .
حلم بضحكة مكتومة : مفيش يا حبيبي ماما قالتلي اصحيك بس كده .
ادهم بغيظ وهو يلقي الوسادة عليها : قالتلك صحيه مش تفزعيه تموتيه .
حلم ببراءة : بعد الشر عليك يا دومي .
ادهم بغيظ : ازاي بقي ما الشر جمبي اهو .
حلم وهي تسحب دراعه تعضه : قصدك انا شر يا ادهم .
حلم ببراءة : علامة عشان متهوش مننا .
بعد شوية :.
ادهم : نعم ياماما .
احلام : ………………….
ادهم بصدمة : لا طبعا انا مش موافق .
- يتبع الفصل التالي اضغط على ( رواية حلم ) اسم الرواية