رواية غرام الاكابر الفصل الثاني عشر 12
رواية غرام الاكابر الفصل الثاني عشر 12
بعد عودة يحيي وشروق من عند رغد
اتفق يحيي مع شروق بزيارة عاصم وغرام وطلب يحيي من شروق الاهتمام ب عاصم من اجل مصلحه ابنها …
فى صباح يوم جديد على أبطالنا
تستيقظ كل من نورى ونورين
لتجهيز نفسهم ….
نورين : انا قلقانه أن ماما تزعل علشان غيرنا الاسود …
نورى : ماما بقت حساسه اوووى الفترة الأخيرة …
عموما احنا مش هنلبس الوان زاهيه ..خليها الوان هاديه.
نورين : تمام
نزلوا للاسفل لتناول الإفطار معهم
القوا الفتيات تحيه الصباح : صباح الخير بابي ..صباح الخير مامى
نظرت رغد إلى بناتها ولكنها لم تتحدث ..
يوسف : ايه الجمال دا ..صباح. الجمال حبايبي
نورين : احنا هنروح الشركه علشان النهارده اول يوم اجتماع..
رغد : ربنا يوفقكم وفردت يديها لتجرى الفتيات ويذهبون إلى حضنها ….
احتضنتهم رغد بحنان .فهى تعلم أنها انفصلت عنهم طيله الفترة السابقه ..
ثم جلسوا جميعا لتناول الإفطار..
بعد مده غادرت الفتيات للذهاب إلى الشركه الجديده …..
عند عاصم
يتصل لؤى على عاصم
عاصم : الو
لؤى : ازيك يا عاصم …
عاصم : الحمد لله ..
لؤى : محتاجين تيجى الشركه ضرورى
عاصم : شوف ايه اللازم واعمله يا لؤى
لؤى : مش هينفع يا عاصم وفى حاجات وأوراق مهمه محتاجه توقيعك …
عاصم : خلاص ..تمام مسافه السكه وهكون عندك
فرحت غرام ..لموافقه عاصم ..فهى من طلبت من لؤى فعل ذلك ..لتخرج عاصم من بوتقه الحزن والعزله ..
عاصم : غرام
غرام : عيون غرام
ابتسم لها عاصم
عاصم : هروح الشركه النهارده ..تحبي اوصلك فى طريقي …
غرام : ياريت
احسن ادهم : نزل من بدرى علشان شركته واخد العربيه التانيه ..
عاصم : انتى اللى رافضه تسوقى يا غرام
غرام : ارجوك يا عاصم ..انت عارف انى بخاف
عاصم : خلاص حبيبتى ..يلا اجهزى
استبدلت غرام ملابسها
وكذلك عاصم ..ونزلوا للاسفل
وجدوا اسد
اسد : بعد اذنك يا بابي ..ممكن اروح النادى النهارده ..
عاصم : مفيش مشكله ..هخلى ادهم يبعت ليك العربيه بالسواق
اسد : مفيش داعى ..طنط سما هتوصل لوجى واياد وزياد ..وممكن يفوتوا عليا ..
غرام بتفهم : مفيش مشكله يا حبيبي ..بس خلى بالك من فونك علشان اكلمك اطمن عليك
اسد : انا كبرت يا ماما ..مفيش داعى من شغل الكى جى دا ..
عاصم : ايه دا يا اسد ..اول مرة صوتك يعلى على ماما ..
اسد باحراج : انا آسف ..ما تزعليش بقي يا غرام وقبل رأسها
عاصم : كمان غرام !! دا احنا حالنا اتغير خالص
ابتسمت غرام
غرام : خلاص يا عاصم علشان ما تتأخرش ..يلا بينا
وامسكت اسد من أذنه
غرام : وانت ليك قاعده اما نشوف كبرت على مين
غادر كل من عاصم و غرام
حيث اوصلها إلى المستشفى وذهب إلى شركته …
عند سما
وصلت سما إلى اسد
فقد أخبر اسد لوجى بموافقه والديه
سما : ازيك يا اسد اخبارك
اسد : الحمد لله يا طنط
كان اسد ينظر إلى لوجى فى المرآه ويبتسم …
وصلوا إلى النادى ..
زياد واياد : مامى عايزين ننزل البيسين
سما : طب يلا على الحمام غيروا ملابسكم
لوجى : بعد اذنك يا مامى هنتمشي انا واسد
سما : تمام بس ما تتأخروش عليا …
عند هند
تستيقظ هند على الم فى معدتها
وتذهب إلى الحمام
رامز : مالك حبيبتى حاسه بايه
هند : شكلى اخدت برد فى معدتى
رامز : خلاص استريحى ..وانا مش هروح الشغل النهارده
هند : لا يا رامز ..ما تعطلش نفسك وانا هكون كويسه ..
رامز : حد يطول يقعد مع القمر
يلا استريحى فى السرير
وانا هنزل اجيبلك كوبايه لبن دافئه
نزل رامز وأحضر كوب من اللبن وأمر الخدم بتحضير شوربه الخضار ل هند
صعد إليها وما أن اقترب رامز بكوب الماء
هند : مش قادرة اشم ريحه اللبن وجريت على الحمام ..تتقيأ ..انزعج رامز من أجلها ..
واتصل على رغد
رغد : الو
رامز : ازيك يا رغد عامله ايه دلوقت
رغد : انا كويسه الحمد لله
ازيك انت واونكل مراد وهند
رامز :, الحمد لله ..بس كنت عايز أسألك عن حاجه
هند تقريبا اخدت دور برد فى معدتها
اجيب ليها علاج ايه ..انتى عارفه
ماغها ناشفه وهترفض تروح للدكتور ..
رغد : الف سلامه عليها ..طب اقولك انا جايه ليكم اطمن عليها وهجيب معايا العلاج
رامز : كدا هنتعبك معانا
رغد : ما تقولش كدا احنا اخوات
فى الشركه الجديدة
يتم التعاقد على مشروع يحيي لبناء مستشفى استثمارى
حيث أن الاربعه متفوقين فى الهندسه المعماريه
يكتب يحيي شيك باسم شركه جنه المعمار
وبعد انتهاء التعاقد
يحيي : احنا النهارده هنعمل حفله صغيرة علشان التعاقد دا ..هننتظركم بالليل
ودى كروت الدعوة ..لعاصم بيه وغرام هانم
ودا كروت الدعوة ل دكتور يوسف ودكتور رغد
شكره ادهم …وشكرته كلا من نورى ونورين
غادر يحيي وهو يشعر بالسعاده ..فها هى البدايه للوصول داخل أسرة عاصم وغرااام …
سامر : مبروك علينا اول عقد عمل
ادهم : الله يبارك فيك وعقبال كل مرة
ادهم : يلا بقي انا هنا من بدرى وميت من الجوع
أخذ كل خطيب خطيبته معه فى سيارته وذهبوا إلى أحد المطاعم الفاخرة ..
سامر وهو ينظر إلى نورى بحب
سامر : انا فرحان اوووى انى شوفتك حبيبتى
نورى بخجل : وانا كمان
سامر : تصورى بابا فاجئنى بموضوع الحفله دى
مش مصدق انى هشوفك تانى بالليل النهارده
نورى : واضح أن اونكل بيحب ياخد قرارته بنفسه ونظرت إليه …فهم سامر أنها تقصد أن والده غيره
فقد تدخل والديه فى أمر يخصهما …
سامر : انا عارف انك اتضايقتى بتدخل اسرتى ..بس دا مش طبعى..وبكرة الايام هتثبتلك
ويلا بقي ناكل انا جوعت اوووى …
ادهم : قوليلى يا نورين ..هو القمر بقي بيظهر بالنهار
نورين : هو فين دا وبدأت تنظر حولها
ادهم : اهو قاعد قدامى ومنور حياتى
نورين بابتسامه : والله صدقتك ..
ادهم : حقك تصدقى يا قلبي
وبدأوا فى تناول الطعام..
عند هند
وصلت رغد إلى فيلا رامز
حيث استقبلها رامز بترحاب وأخذها معه إلى حجرة هند بالاعلى
رغد : ازيك حبيبتى ..وشك ماله اصفر ليه كدا ..
هند : عندى قئ من الصبح ومعدتى بتوجعنى
رغد : استريحى فى السرير وتعالى اكشف عليكى وأخرجت من حقيبتها جهاز قياس الضغط
وجدت ضغطها منخفض …
قامت بالكشف عليها
وبعد أن انتهت
رامز : خير يا رغد
رغد بابتسامه مبروك يا ابن عمى …….
- يتبع الفصل التالي عبر الرابط (رواية غرام الاكابر) اضغط على أسم الرواية