رواية خادمة الصقر الفصل السابع عشر 17 - بقلم يوستينا سامي

    رواية خادمة الصقر كاملة بقلم يوستينا سامي عبر مدونة دليل الروايات 

رواية خادمة الصقر الفصل السابع عشر 17

في الدوار 🕍

الدكتور / معاذ حبيبي … قولي حاسس بو*جع في زورك مثلا

معاذ بصله و سكت . و صقر اتعص*ب جدا

صقر / معاذ رد علي الدكتور و كفاية دلع لحد كدة

قولنا ايه اللي تعبك.. انا مش ناقص حر*قة اعصاب لحد كدة

معاذ / أنا مش بكلمك اصلا .و مخا*صمك انا عايز خالد هو اللي يبقي معايا

الدكتور / اهدي يا صقر باشا ..و انا هعرف بطريقتي

اي رايك يا معاذ انك لو قولتلي انت تعبان من ايه … انا هديك المصاصة دي هدية ليك انت .. علشان انت سكر اوي

معاذ بصله و مردش عليه ..

و الدكتور احتار / طب بص ايه رايك في ان بابا ينفذ اي طلب انت تطلبه .. بس تسمع كلامي و تقولي اي تعبك

معاذ بعيا*ط / لا انا مش عايزه اصله. انا عايز خالد هو الوحيد اللي بيحبني .. يا جدوووو

الحديدي / اهدي يا معاذ ، و انت يا صقر نادي اخوك .. ابنك مش هيتكلم الا لو اطمن لوجوده و انت مش قادر تحسسه بده .. روح

صقر / خالد تاني يا معاذ ..قولتلك الف مره لااا مافيش خالد تاني و لا نغم و هنرجع مصر النهاردة

خالد دخل الاوضة/ انا جيتلك يا حبيبي .. متخفش يا معاذ انا معاك و مش هسيبك ابدا

صقر اتعص*ب اوي لما لقه معاذ حضن خالد و هدي و بطل عيا*ط ..

و فعلا الدكتور قدر يكشف علي معاذ و هو في حضن خالد و اداله علا*ج و مشي الدكتور

صقر بعص*بيه / جاسر جهز نفسك لاننا هنمشي دلوقت من الصعيد يلا

خالد بعص*بيه / تمشي تروح فين ابنك تعبان خلي عندك د*م شويه وبعدين هو مش عايز يسافر معاك

صقر بحد*ه وعيون قا*سيه / معاذ مش ابنك انت ومش هتخاف عليه اكثر مني وابعد عني بقى يا خالد وما لكش دعوه بيا ولا بعيلتي

جاسر/ اهدوا يا جماعة مش كدة .. طب حتي علشان العيل الصغير

خالد / لا هو ده بيعمل حساب لاي حد .. خد ابنك يا صقر و امشي و ابعد زي كل مره

وخرج خالد من الاوضه وصقر لم هدومه و هدوم معاذ وجاسر كمان لم هدومه ومشيوا كلهم علشان يرجعوا القاهره

______________________________________

قدام شقة ياسمين ..كريم خبط علي الباب و اول ما الباب اتفتح كريم اتصدم لما شاف والد ياسمين

ياسمين/ يلا ادخل يا كريم ، ده كريم يا بابا يبقي..

....و لسه هتكمل كلامها اتفاجات بكريم بيز*قها و بينزل الشارع تاني ..

ياسمين بصدمة / يا كريم استني ، انت رايح فين .. يا كريم

والد ياسمين / ياسمين ادخلي جواا .. حالا ،ادخلي و مش عايز اسمع ولا كلمة واحدة

و فعلا ياسمين دخلت الشقة برغم خوفها علي كريم و استغرابها من اللي هو عمله ..

____________________________________________

في شقة ياسمين 🕍

والدها.. جابر / ممكن افهم بقي مين الشخص ده ، و تعرفيه منين يا ياسمين و ازاي تجيبه بيتنا كدة

ياسمين / ده شخص انا اتعرفت عليه في البنك و بقينا اصدقاء

و اول ما حس انه معجب بيا و بيحبني قرر انه يجي لحد البيت و يطلع يقابل حضرتك ، علشان هو فعلا راجل و عمره ما بيعمل حاجة غلط .. بس حقيقي مش عارفة ايه الي حصل و خلاه يمشي كدة من البيت

والدها بحد*ه شديدة / مش عارفة ايه و زفت ايه ، و ازاي انا معرفش الكلام ده كله ايه كنت نايم علي وداني

ياسمين بخو*ف و دمو*ع / لا يا بس عشان حضرتك اصلا مش موجود في حياتي فازي كنت هاقولك وبعدين انا باحب كريم وهو كمان بيحبني وما عملناش حاجه غلط

جابر/ حب ايه بس انتي مش عارفة حاجة كريم ندخل حياتك علشان يدمرها علشان ينتق*م مني فيكي ياسمين من النهارده ما فيش حاجه اسمها كريم عزمي ده اطلاقا أسمه تنسيه

ياسمين بصدمة / بس انا ما قلتلكش عن اسم والده يا بابا .. انت عرفت ازاي ان اسمه كريم عزمي.حضرتك كنت تعرفه معرفة شخصية

جابر اتوتر اوي و بصلها و قالها/ انا داخل انام و لما اصحي هيبقي ليا تصرف تاني معاكي تماما ..و خصوصا. لو عرفت انك كلمتيه

و فعلا دخل جابر اوضته علشان ينام لكن ياسمين دخلت اوضته و فضلت ترن علي كريم لكنه مردش خالص.

____________________________________________

في الشارع.🛤️

.كريم كان بيتمشي فيه و كان بي*عيط جامد بصدمة و خو*ف و مكنش عارف يروح فين ..و قرر انه يروح البيت عند عساف ..

كريم مسك تليفوني وكلم عساف اللي كان قاعد في البلكونه بيشر*ب سي*جاره

عساف بضحك / ايه يا كريم عايز ايه اتقدمت ولا لسه يا عريس

كريم وهو بيع*يط / عساف انا تحت بيتك مش قادره اطلع تعال اقف معايا شويه

فعلا عساف شافه و نزله الشارع

عساف بقلق/ انت عامل كدة ليه انت التاني

هو انت كنت بتع*يط ولا ايه يا كريم

كريم كان بيبصله وهو متحسر علي نفسه و بيع*يط

عساف بح*ده / .. ما تتكلم يا كريم انا مش هفضل اكلم نفسي كدة و اقل*ق علي الفاضي .. هو في حد عملك حاجة ولا ايه .. ده انا لسه سايبك وانت عايش في عشق الممنوع

كريم/ شوفته يا عساف .. بس ما عشت حوالي عشر سنين من حياتي بحاول انساه ، بعد ما ياست اني الاقيه علشان اخد حق ابويا منه .شوفته النهاردة عساف…انا حقيقي مش قادر افكر مخي وقف

عساف بصدمة / انت اكيد بتهزر مش كدة ..انت شوفت جابر يا كريم .. شوفته فين اتكلم يا ابني ، ده كدة ربنا بيرجعلك حقك تاني اللي ضاع من ١٥ سنة و اكتر كمان

كريم / طلع ابو ياسمين ..البنت الوحيدة اللي اتمنيتها من الدنيا و طلعت بيتها النهاردة علشان بس اتقدملها و اتجوزها علشان ابوها يحس اني راجل و قد المسئولية

البنت الوحيدة اللي عرفت تدخل قلبي و تفتحه بعد ما كان رافض انه يقرب من اي حد .. طلع ابوها هو اللي سر*قنا و عايشني بقهرة طول عمري

عساف اتصدم من كلام كريم و سكت و مكنش عارف يرد بقول ايه تماما ..

و فاجأه كريم انفجر في العياط و عساف قرب منه و حضنه/ اهدي يا كريم . و حياتي عندك اهدي

بقولك ايه احنا مش هينفع نقف في الشارع كدة

تعالي اطلع معايا.. يلاا

____________________________________________

في اوضة جابر 😈

جابر في سره/ هو انت كنت ناقصك انت كمان يا كريم

بقي بعد العمر ده كله نتقابل تاني .. ده لولا اني شوفت صورته اكتر من مرة مع صقر الحديدي ده مكنتش عرفته

مراته (مش ام ياسمين ) واحدة في اوائل التلاتين/ مالك يا جابر ..من ساعة من فتحت الباب و دخلت الاوضة تانية انت عمال تفكر هو في حاجة حصلت ولا ايه

جابر / في حاجات كتير اوي حصلت يا عالية و شكل اللي جاي مش خير تماما. و خصوصا ان دلوقتي كريم ما بقاش لوحده ده كفاية قربه من صقر الحديدي ده

عاليه / كريم عزمي اللي انت حكتلي عنه . يا خبر اسوود .. و انت ازاي ساكت كدة

جابر / ما انا مش عارف لتصرف يا عاليا ..و بعدين اكيد كل اللي حصل ده مش صدفة ..اكيد هو مدبر كل حاجة

بس انا مش هستني لما يخلص عليااا انا هتصرف معاه

و فعلا فضل جابر طول الليل يفكر في حلول للمشكلة دي

_____________________________________________

في فيلا نانسي وأمها ..

نانسي / انا حقيقي مش عارفه انتي قلقانه قوي ليه كده فيلا ايه اللي انت بتفكري ان هيتحجز عليها

انا باقولك بعد اقل من شهر هبقى مرات صقر الحديدي يعني كل مشاكلنا بقت محلوله من النهاردة

مامتها/ انا عايزه افهم الثقه دي كلها جايباها منين اذا وبعدين انت تبقي مجنونه لو افتكرتي انك ممكن تسيطري على صقر بالسهوله دي ريهام معرفتش

نانسي / بس انا عمري ما هابقى زي ريهام لانها خايبه كانت مستسلمه لاوامر صقر لكن انا بقى عندي خطه ثانيه خالص

اما يا ماما بخصوص الفيلا اللي انت خايفه عليها قوي كده احسن يتحجز عليها اوعدك اني من بكره هاجيبلك فلوسها من صقر

مامتها / اما نشوف اخره كلامك ده . احسن انتي لو عملتي كدة هتبقي بنتي بصحيح

_____________________________________________

في بيت نغم. 💒

نغم اخدت مامتها و روحت البيت منغير ما تتكلم مع حد

عزة/ يا بنتي انا قاعدة معاكي بقالي ساعة تقريبا بحاول اعرف بس مالك و اي سبب عيا*طك لحد ما الصبح قرب يطلع

نغم / غوري يا عزة ،ما انا نقصاكي اصلي ..بقولك ايه امشي انا اصلا فيا اللي مكفيني

عزة / تصدقي اني حيوانة اصلا اني قاعدة معاكي و بحاول اواسيكي و اعرف اي سبب حزنك ده

ولسه عزه هتقوم تسيب نغم..

بس نغم مسك ايديها قالتلها / هو انا كده مش هاشوفه ثاني ... انا لازم اقابله يا عزة

عزة / هو مين ده يا نغم .. قصدك معاذ

نغم بدموع / لا صقر الحديدي

🤣🤣🌸

___________________________________________

في بيت عساف

والد عساف / يعني انا أخلص من عساف وزعلوا تطلعلي انت يا كريم ، مالك يا ابني ايه اللي مزعلك

كريم ببتسامه موجوعه/ ما فيش يا عمو انا كويس بس هي الدنيا بقت قاسيه قوي

عساف /.ان جيت للحق هي بقيت قاسيه بس على الضعيف .. و انت اللي في ايديك تحدد انت ضعيف ولا لاء

كريم / احدد ايه .انا عايز انام ... عندكم سرير فاضي يا عمو

والد عساف / اه انت جاي علي بيات كمان .. يا بجاحتكوا انتوا الاتنين.. لا يا حبايبي ناموا في اوضة واحدة..جاتكوا الهم

عساف فضل يضحك/ قوم تعالي معايا ندخل نقعد في اوضتي .. لان عادة ابويا خلقه ما بيبقاش كبير كدة

_______________________________________________

في اوضة عساف.

عساف / طبعا مش محتاج اقولك اختار حاجة تلبسها

ده بيتك .. اللي يعجبك خده .. بس وربنا لو لاقيتك اخدت حاجة من ورايا لاكون معلقك

كريم/ بس بقي يا عساف هو انا ناقصك .. ياسمين عمالة ترن عليا من ساعة ما مشيت .. اعمل ايه

عساف/ انت هتحكيلها ولا لاء

كريم بحزن / مش عارف .. بس اللي عارفه كويس اني مش هسيب حقي ولا حق ابويا.

و بعدها كريم قرر أنه ينام و عساف راح القسم

______________________________________

تاني يوووووووووووووووم الصبح 🌺💐

عزة نزلت من بيت نغم بسرعة علشان كانت متاخرة و فعلا وصلت عند الحضانة في ميعادها بالضبط و دخلت شغلهااا ..

لكن بعد مرور حوالي ساعة جات واحدة من الدادات و قالت / الحقي يا انسة عزة ..المديرة عايزة حضرتك بسرعة شكل كدة الموضوع في مصيبة

عزة بقلق / مصيبة ايه بس ما تخوفنيش ..انا اصلا معملتش حاجة علي الصبح ، ايه يا ربي اليوم النحس ده طب تعالي معايا اروحلها ..

و فعلا راحت عزة اوضة سالي لكنها اول ما دخلت وشافت الي قاعد اتصدمت ..

و قالت في سرها / يا نهار اسود انا كدة اترفدت

____________________________________________

في الاوضة عند نغم ..

نغم مطلعة صور ليه من علي الفيس و بتتفرج عليها و بتكلم نفسها / خلاص كدة أصبح ادمان ليا كل يوم اني اشوف صورك و اتكلم معاك كانك قدامي … بس انا كدة هتجنن والله

و بدات نغم تعيط وتكلم نفسها بصوت عالي / ما تفوقي كدة يا نغم ده برغم كل اللي عرفتيه عنه

و انتي برضو مصممة تحبيه ..ده ايه الغباء ده

والدتها دخلت اوضتها / مالك بقي بتكلمي نفسك ليه كدة ..

و بعدين ايه حصل امبارح في الصعيد عندهم

انتي من ساعة ما جيتي و انتي قاعدة في اوضتك و سامعاكي بتعيطي و شوية بتزعقي .

.فكنت عايزة اطمن بس لو اتجننتي ولا حاجة علشان الحق احجز لك في المستشفي

نغم / اهم حاجة دعم الام ..

ربنا يخليكي ليا يا امي .. يعني دي الكلمة اللي المفروض تيجي تصبري بنتك بيها يا حاجة .

بس عموما شكرا جدا يا سوسو ..هو الاهتمام عمره ما كان بيطلب ولا بيتشحت

والدتها / طيب يا اختي كويس انك عارفة ..مالك بقي بتعيطي ليه و بتكلمي نفسك ليه يا بنت المجانين

نغم / بصراحة كدة و منغير تحوير …صقر هيتجوز البت الملزقة اللي اسمها نانسي انا اللي فاقع مرارتي بجد انها بت دمها تقيل اوي و مغرورة

عارفة لو كانت جميلة و دمها خفيف و هتاخد بالها من معاذ بجد و بتحبه زي مكنتش هزعل علفكرة

و كدا حتي هو مش هشوفه تاني

والدتها / لا والله

و مسكتها من شعرها / انا عايزة اعرف ..انتي طول عمرك قلبك مقفول و رافضة تحبي او تتجوزي ..و يوم ما قلبك يدق و تتعلقي بحد تتعلقي براجل زي ده ..ايه هو مافيش وسط عندك ابدا

يا تجيبلي عيل فاشل لسه بياخد مصروف من امه و ابوه

يا تجيبلي راجل من اغني الناس في مصر … مالك يا نغم

واضح ان وحشتك علق زمان .. انا عارفة اي حلك والله

نغم جريت بعيد عن امها / لا بقولك ايه يا ست الكل ..انا كبرت علي حوار الشبشب اللي بيلسع ده ..ده وربنا لسه معلم عليا من الشهر اللي فات … و بعدين الدكتور قال المجهود غلط عليكي

والدتها / غلط عليا برضووو ..ده انا مش هسببك ابدا

ده انتي عايزة الف قلم علي وشك علشان تفوقي كدة لنفسك

و فجاه الباب بيخبط ونغم جريت من الاوضة للصالة عشان تفتح الباب وتفاجئت بعزه قدامها فزقتها ناحيه مامتها واستخبت وراها

في الصااالة …

نغم / الحقيني يا عزة وحياتي ..امي قلبت عليا و ربنا منغير سبب خالص

عزة / مالك يا سوسو ما تهدي كدة ..ده حتي العصبية غلط عليكي وربنا

و فاجاه والدة نغم ضربت عزة كمان و عزة و نغم جريوا بعيد عنها

والدتها / وانتي يا اختي .. عايزة تروحي تبلغي عن الواد ، عايزة تحبسيه لا ده انتوا ادلعتوا اووي و محتاجبن تتربوا

عزة / تر بية ايه بس يا سوسو. ده انت جبتلك سوداني و لب جامدين والله هيعجبوكي اوي

والدتها / هاتي .. انا اصلا مافيش صحة اضربكم جاتكوا البلااا

و فعلا سابتهم دخلت الاوضه وعزه ونغم قاعده على الكنبه وهم بياخذوا نفسهم

نغم بضحك / ده احنا كنا في ماتش ملاكمه بس ربنا نجدنا ..او اللب هو اللي نجدناااا

صحيح هو انتي جيتي بدري ولا انا بيتهيائلي

______________________________________________

في مكتب صقر..

صقر / لا ما تقلقش انا اتفقت مع يوسف على كل حاجه بس طبعا انت عارف ان عساف ويوسف ما بيتعملوش مع بعض علشان كده انت هتمسك ورق الصفقه دي ولو في اي تفاصيل مش فاهمها اسالني علطوول

كريم / تفتكر عساف هيحضر فرح يوسف و نور ..انا اعتقد انه لاء ، عساف مش هيحرق دمه علي الفاضي كدة

صقر / انا مش فارق معايا حوار فرح يوسف اطلاقاة..انا فعلا اللي مستغربه هو يوسف انه بيتعامل عادي و كان خطيبته دي مكنتش حبيبة عساف القديمة ..بجد معندوش دم

.

كريم / وعساف بيحاول يعمل زيه و يطنش كدة بس مش عارف … بس تفتكر هيروح الفرح

و قطع كلامهم صوت الموبيل. هو بيرن و كريم وشه ملامحه اتغيرت و الحزن مله وشه ..

صقر بستغراب / مالك يا ابني .. مين بيتصل

انت شكلك متغير اوي من الصبح

كريم / متقلقش انا كويس .. انا بس محتاج افصل دماغي شوية ، بعد اذنك

___________________________________________

في مكتب كريم ..

كريم دخل و اتفاجاه بياسمين قاعدة فيه و كان باين جدا علي وشها الحزن و العياط .

ياسمين قربت من كريم وضربته جامد في كتفه وقالتله / ممكن اعرف ليه بعدت عني هنت عليك يا كريم تعمل فيا كده ..

• يتبع الفصل التالي اضغط على ( رواية خادمة الصقر ) اسم الرواية