رواية الاسطى غزال كاملة بقلم ندا الشرقاوي
رواية الاسطى غزال الفصل الثامن عشر 18 والاخير
ليقوم عن الفراش بكسل وخمول وينظر إليها، سمع رنه إشعار هاتفه امسك الهاتف ليري أنها رساله من زين فتحها على الفور
زين...... كريم دلوقتي أنا في المطار وهسافر بره مصر وهتابع الشغل من هناك وعلشان تستريح أنا رايح أسبانيا ولو بعدت حد يراقبني أنسي انك تعرف مكاني ومعرف هرجع أمته ادعيلي
كريم بصدمه.......... مش معقول
ظل يرن عليه وهو لا يجيب وفي آخر اتصال كان الهاتف مقفول؟
كريم بعصبيه..... ليه يازين
وكان بجانبه كأس ماء توقعها لتنكسر، استيقظت غزال بخضه
غزال وهو تضع غطاء الفراش عليها.... في اي
كريم باسف...... اسف اسف
غزال.... حصل اي
كريم..... زين و أروي سافرو
غزال..... سافروا فين
كريم..... سافروا ومش عارف هيرجعوا أمته
غزال اقتربت وعانقته من الخلف وهي تقول.... هيرجعوا قريب متخافش زين ميقدرش على بعدك لأنك صاحب عمره هو بس فتره يستريح ويرجع
كريم..... إن شاء الله، آسف صحيتك من النوم
غزال..... لا عادى
كريم بحنو..... صباحيه مباركه على أحلي عروسه
غزال..... الله يبارك فيك، هاخد شاور وننزل
كريم..... ناخده سوا
غزال بتحذير..... هو اي هو اي ولا علشان ساكته انت تفصل هنا لحد ما اطلع مفهوم
كريم باستسلام..... مفهوم ياباشا اي أوامر
غزال..... انصراف.
هم كريم بامساكها..... انصراف يابت
دلفت إلى المرحاض سريعا قبل أن يلحق بها، وقف عن الفراش وارتدي شورت قصير وعاري الصدر وخرج إلى الشرفة يستنشق الهواء.
واجرا مكالمه لعمل مفاجأه لغزال وأنهم سوف يقضوا شهر العسل في الإسكندرية لأنه يعلم كم هي تحب هذه المدينه كان يرد أن يذهب إلى أوروبا لكن هي سوف تكون سعيده في الإسكندرية أكثر.
خرجت غزال من المرحاض، وهي ترتدي بجامه رقيقه
كريم..... اي دا امال فين الفوطه
غزال...... اهو دا اللي عامله حسابه واخرج بالفوطه تسبلي وجو الرومنسيه دا ونبص في عيون بعض ونتكلم بلغه العشاق لا لا كده كتير انا خدت هدومي معايا وزي ما دخلنا بالمعروف نخرج بالمعروف ياباشا
كريم بدهشه...... اي كل دا
غزال..... ادخل خد شاور
كريم...... طب جهزي شنطه الهدوم علشان نطير على اسكندرية
غزال بسعاده.... احلف كده
كريم.... والله شهر في اسكندرية اخر روقان
اقتربت عانقته بشده قهقه بصوت عالٍ، طفله تفرح بالسفر، عانقها وظل يدور بها وصوت ضحكتهم يملئ الغرفة، كم اشتاق لسماع صوت ضحكتها الذي حُرم منه في مرضها.
بعد مرور ساعه ونص
هبطا إلى الاسفل وبلغا العيله بسفرهم، وبلغوهم بسفر زين وأروي، حزن الجميع عليهم، لكن ماذا يفعلوا؟
بعد مرور أسبوع على سفر غزال وكريم
في الإسكندرية
كانت تجلس أمام البحر تنظر إلى الموج، كم تغيرت حياتها كانت طوال الوقت بائسه لكن وقوف كريم بجانبها كان له دور هاص مهما تكون قوتها لكن في بعض الاحيان ترد أحد لتميل عليه ليحمل من عليها العبئ قليلًا
كريم..... ايوة الناس اللي أول ما تيجي هنا تنسي كريم
غزال..... حد يقدر ينساك يا كيمو
جلس كريم وقربها من حضنه
كريم..... كيمو نفسه في حته عيل يشد في شعره
غزال..... أنا اشدلك شعرك ياروحي عادي
كريم..... ايوه بدانا نستهبل
غزال...... سيب حكايه الحمل لوقتها، بس مش هوقف شغل
كريم..... لا متخافيش هنظبط كل حاجه
غزال..... طيب هتخرجني فين انهاردة
كريم...... هو كل يوم
غزال..... تلاتين يوم بتلاتين خروجه دا قانون
كريم..... ومين يدفع
غزال..... انت عارف معييش ولا جنيه هنا ادفع ونتحاسب
كريم..... والفيزا بتاعتك اللي متصرفش منها جنيه
غزال بلا مبالاه..... عادي
كريم..... قومي البسي، بس فستان علشان خروجه انهارده غير
غزال..... لا بنطلون وتشيرت
كريم..... ارحمي امي ياغزال هو احنا رايحين ماتش كوره
غزال...... حاضر
في المساء كان يوجد حفل يقام لغزال لأنه يوم ميلادها وكان حفل رائع عبر كريم عن حبه لها أمام الحضور بجون اي خجل وقدم لها الهدايا التي تليق بها واكملوا الحفل في منزلهم ليحتفلوا احتفال خاص بهم.. ومر الشهر سريعاً وكان كل يوم يذهبا إلى الخارج ويلتقطوا بعض الصور التذكاريه لتكون زكرى لهم
وعادوا إلى القاهرة مره اخري
واليوم هو إعلان نتيجة من هي أصغر مصممه أزياء في مصر
وكان الجميع يحضر الحفل وهذا اعجب ماجي جدا لانهم بجانبها واطمئنت بهم وكان نادر اساس الدعم لها
.... اليوم سوف نعلن عن أصغر مصممه في مصر وبعد التصويتات من لجنه التحكيم كانت الشركه الفائزه بلقب أصغر مصممه هي شركه ماهي الصياد للتصميم
تعال صوت التصفيق لها وبالاخص من العائله التي كانت فخوره بما حققته ونادر الذي كان ينظر إليها بسعاده
....ماجي.....أنا بجد مش عارفه اقول اي مش مصدقه أن حلمي اتحقق وفوزت باللقب دا والفصل يرجع لعيلتي اللي وقفت جمبي وطبعا المصمم نادر مصطفى لأنهم بجد وقف جمبي جدا بشكركوا جميعًا
هبطت ماجي ليبدا الحضور في التهنئ لها
جاء نادر وفي يده مايك..... طبعا مبروك لماجي الصياد وقدامكوا كلكوا أنا بطلب ايدك على فكرة انا خدت موافقه العيله قبلك علشان مكونش خالفت القواعد.
قهقه الجميع على عبرته
نادر...... هاا موافقه
ماجي بسعاده..... موافقه.
صفق الجميع للمره الثانيه وكانت الفرح اثنين وهي فوزها، وفوزها بشريك حياتها
بعد انتهاء الحفله قروا ان يتغدوا في مطعم
كريم...... لا بس لعبه معاكي
ماجي..... ايوة عينك
محمد..... والله نورت العيله يانادر
نادر باحترام.... منوره بحضرتك
حكمت...... حطها في عنيك
نادر..... من عيوني
غزال..... ايوة اكلوني بقا
كريم..... بس هاكلك
وطلبوا الاكل وقضوا اليوم سوا ولأول مره تحتم العلية بدون اي مشاكل.
في اسبانيا
زين.......خلاص يااروي
أروي..... عاوزه اشتغل زهقت
زين..... من اول شهر امال لو فصلنا 5سنين
أروي بشهقه...... لا يازين وحياتي انا جيت علشانك عاوزه ارجع
واغرورقت عيناها بالدموع
وقف عن المقعد ووضع سبابته على وجنتها ليزيل عبراتها ثم قبلها من وجنتها بحنو ليقول كانه يخاطب طفله...... انتِ جيتي هنا وقولتي هفصل معاك صح
اؤمات له براسها
زين..... يعني جيتي بمزاجك محدش جابك غصب
أروي.... صح
زين..... يبقا تفصلي لحد ما أنا اقول نرجع وعلشان تتطمني مش هنطول
أروي..... تمام ودلفت إلى غرفتها
تنهد زين.... ربنا يهديكي يارب
بعد مرور 5اشهور كانت غزال في الشهر الرابع وهذا الحمل اسعد كريم للغايه، وظهرت نتيجه تامر التي كانت 90%وقدم بجامعه سياسه واقتصاد.
كريم..... بنوتي عامله اي
غزال..... افضل انت فاكر انها بنت وفي الاخر تنصدم
كريم.... بس بس ان شاء الله بنوته علشان اسميها وصال
غزال..... اممم قولتلي وصال
كريم..... اه
غزال..... ادينا رايحين للدكتوره ونشوف
دلفت إلى غرفه الثياب وارتديت فستان فضفاض حتي يكون مريح وخرجت
كريم..... الله يرحم ايام السلوبت
غزال ببعض من الغيظ ..... اعمل اي بقا بقيت بستريح فيهم على طول
كريم..... طب يالا ادحرجي
غزال..... ادحرج
كريم.... ما أنتِ بقيتي كوره
غزال..... كريم اقصر الشر واسكت يالا انزل دور العربية
كريم...... ماشي ياختي نازل براحه على وصال
وهبط إلى الاسفل
غزال..... والله شكله ولد وأنت هتاخد مقلب عنب
وهبطت أيضا
في العياده الخاصه بدكتوره النساء والتوليد
كريم بحماس.....بنت صح
الدكتوره ..... لا ولد
كريم..... يعني اي ولد لا اتاكدي تاني
الدكتوره... يافندم بقولك ولد
كريم..... طب شوفي ممكن تكون بنت
شعرت غزال بالحرج..... خلاص ياكريم في اي
كريم..... احم بعتذر
واخد غزال وغادر
كريم..... حبيبي أنا بعتذر بجد أنا كان نفسي في بنوته
غزال..... كريم عارفه أنك كان نفسك في بنوته بس مش كده
كريم...... اسف.
غزال..... خلاص عادي
كريم......نحتفل ونجيب لبس البيبي
غزال ابتسمت قائله......نحتفل
مرت الأيام والشهور وتزوج كل من نادر وماجي، ولدت غزال ولد سمته أحمد واحبه كريم للغايه لدرجه انه يعود من العمل سريعا حتي يجلس يلعب معه وهذا استعجبه الجميع.
في اسبانها
أروي بعصبيه....... هولد في مصر يعني هولد في مصر
زين..... مش هينفع غلط عليكي
أروي..... أنا مليش دعوه قولتلك من زمان اني عاوزه اولد في مصر محققتش رغبتي سنه عايشه بعيد عن اهلي حته التلفون منعت اني اكلمهم
زين..... اولدي وننزل
أروي بعناد ..... لا
زين بعصبيه..... مش ناقصه شغل عيال يااروي هتولدي في اسبانيا وخلصت القصه
شعرت أروي بوجع في بطنها وتحول الوجع إلى الم شديد جعلها تصرخ
زين..... مالك
أروي..... مش قادره يازين بولد
وتم ولادت أروي على خير وكانت ابنه سمتها مليكه
بعد مرور شهرين
فتحت بوابات القصر لتدلف سياره زين، نعم فهو بعد سنه من الغربه قرر الرجوع إلى مصر
نزل من السياره وحمل صغيرته، وجد كريم في الحديقه ويحمل صغيره ويحاول ان يُقظه من النوم قبل أن تاتي غزال وتوبخه
زين بمزاح..... بس اي رايك في دور الأب حلو صح
كريم بصدمه......زين
زين..... أنا آسف على البعد ياصاحبي
وضع كريم أحمد على العشب
زين..... خدي البت علشان كريم مبيفرملش
اخدت أروي مليكه وعانق كريم زين بقوه
كريم..... كده يازين تمشي وتسبني وانت عارف إن مليش غيرك
زين..... اسف ياصاحبي
ابتعد كريم ليعانق أروي
كريم..... نورتي يا رورو
أروي.... وحشتني ياكريم
زين.....موزه واقفه اعدلوا كده
.... يامصبتي الواد
كريم..... ابني الله يخربيتك
غزال..... كريم انت سايب الواد على الارض اعمل فيك اي
كريم...... والله خوفت عليه من زين
غزال..... اخيرا وسلمت عليهم
كريم...... سميت اي
زين..... مليكه وأنت
كريم..... أحمد
أروي..... ربنا يبارك
ودلفوا ليسلموا على باقي العائله
في المساء
كريم..... أخيرا اتلمينا تاني
زين..... يارب تكون عقلت بعد ما خلفت
غزال.... اتجنن اكتر يازين دا بيصحي الواد الفجر علشان يلعب معاه
كريم..... يرضيكي العب معاه وهو نايم
قهقه الجميع عليه وظلت غزال تحكي ليهم ماذا يفعل كريم
جائت الخادمه وهي تقول..... محمد باشا في ضيفه
محمد.... مين
الخادمة..... الآنسة ندا الشرقاوى
كريم..... دخليها اللي مجننانا دي
..... دخلت من غير عزومه دا بيتي ياراجل
إيهاب..... بقا بنتي تقعد سنه بره
ندا عقدت حاجبها قائله.... حد قال للسيد الوالد يقتل الراجل
كريم..... جايه تنهي ولا تسودي
ندا..... عسل ياخواتي
غزال..... مفك ياشباب
ندا..... خلاص خلاص
ماجي..... ايوة انا هولد أمته
ندا..... خلاص كلها شهر
زين...... لا بس سفريه تحفه
ندا..... اي خدمه ياخرابي نستوني انا جايه ليه
الجميع..... ليه
ندا..... بما ان الاسطي غزال هتخلص
كريم.... بقا احنا حكايتنا هتخلص
ندا..... لكل بدايه نهايه ياكيمو بس انتو كنتوا حكايه جميله اوي موافقين نعمل خاتمه للاسطي غزال
الجميع..... موافقين طبعا
ندا..... يبقا بإذن الله في خاتمه للروايه كا بارت هديه بكره الساعه 8
وكده نكون ودعنا الاسطي غزال
- يتبع الفصل التالي اضغط على (رواية الاسطى غزال ) اسم الرواية