رواية تاج الفهد الجزء الثاني 2 البارت الخامس والعشرون 25 بقلم مريم مصطفى
رواية تاج الفهد الجزء الثاني 2 الفصل الخامس و العشرون 25
ايوب بخوف :مو"ت اسيا اليله
خرج فهد ورا اسيا وفضل ماشي وراها لحد ماوقفت بعيد عن الملهي اليلي فتحت عربيتها وشدت الچاكت الجلد بتاعها تلبسه .
فهد : ايوه استري نفسك ده انتي يومك مش معدي يابنت فهد النهارده.
اسيا بثبات وهي بتقفل السوسته بتاعت الچاكت:اممم خلصت ؟
فهد بعصبية:أنا لسه مبداتش علشان اخلص دماغك الناشفه دي هك"سرهلك يا اسيا
قربت اسيا منه بابتسامه مستفزه ومدت ايديها ليده وحطت فيها الفلاشه :أنا خلصت شغلي اي اؤمر تانيه ياقائد ؟
فهد بصوت عالي من برودها:اسييييا بلاش الاسلوب ده معايا .
ابتسمت اسيا ابتسامه واسعه وركبت عربيتها ومشيت .
جه ايوب بعد ماسمع كل اللي حصل بين فهد وآسيا وهو بيتكلم بغضب:المره دي خلص عليها دي بني ادمه مستفزه .
فهد :مش هسيبها ورحمه ابويا لخليها تندم .
ركب فهد عربيته وجمبه ايوب وهو سايق بسرعه عاليه .
وصلت اسيا القصر نزلت من عربيتها وهي سعيده أنها عرفت تنفذ مهمته بنجاح ..
دخلت القصر وهاله المربيه فتحتلها :اي ياحبيبتي اتاخرتي كده لي ؟
باستها اسيا من خدها :شغل يالولو ماانتي عارفه
ضربت هاله باايديها ع صدرها بفزع :انتي عملتي اللي ف دماغك برضو يابنتي ؟
اسيا:ومن أمته وانا مش بعمل اللي ف دماغي !!
هاله:بس فهد وايوب مش هيعدوها ع خير
اسيا بلامبالاه:يعملوا اللي يعملوا ..قوليلي بس العصابه ف الريسبشن الكبير بتاعنا ولا ناموا؟
هاله:لا سهرانين كلهم جوا ومدام ورد مع سيا هانم فوق .
اسيا :حلو شكل السهره صباحي ..
جريت اسيا ع جوا وهاله واقفه مكانها بتدعي أن الليل يعدي ع خير من عصبيه فهد وعناد اسيا ..
دخلت اسيا الريسبشن الكبير الخاص باالشباب وديما بيتجمعوا ف مع بعض بيطل ع جنينه القصر الخلفيه .
عيسي كان قاعد بيقرا ف ملفات تبع الصفقات بتاعته وفيروز وتيام قاعدين ف جمب فاتحين اللاب وبيشتغلوا عليه مع بعض ،وفريده سرحانه ف رسمتها اللي بترسمها،وفجر قاعده ف الأرض وسنده ضهرها ع الكرسي اللي وراها وفاتحه اللاب قدامها ع فيلم وبتعيط وهي بتاكل.
اسيا بصوت عالي:اي يخوانا الهدوء اللي انتو ف ده!! انتو قاعدين ف عزاء!!!
عيسي وهو عينه ف الملفات:حضرتك شرفتي ؟؟الساعه كام معاكي ؟
اسيا:يابني افهم أنا ظابط شرطه مهماتي كلها بااليل.
صوت جه من وراها بعصبية:مهماتك الي ف الكبار"يه مش كده ؟
عيسي قام وقف وهو بيرمي الملفات ف الأرض :كبار"يه ؟؟!!!
اسيا جريت استخبت ورا تيام :أنا ف حمايتك ياتيمو .
فهد:الهانم رايحه كبا"ريه وقاعده تتدلع ف حضن راجل ده غير اللي حضرتها لبسها .
اسيا:والله ابدا ياعيسي ده شغل ولازم كنت اعمله
ايوب بغضب:لا ياعيسي ده مش شغلها أنا وفهد رفضنا انها تطلع العمل"يه دي وحذرنا اسيا من أنها تيجي ..بس للاسف زي كل مره بتكسر كلامنا .
عيسى بغضب :انتي ملكيش كبير يقفلك حصلت لكبا"ريهات يامحترمه ؟
اسيا بصوت عالي:عيسىىى أنا محترمه ومش صغيره أنا عارفة حدودي كويس
فجر بهمس :ده انتي هتتعلقي النهارده
عيسي بسخرية:انتي اتخطتي حدودك يااسيا معملتيش احترام لحد .
تيام بهدوء:اهدوا بس يجماعه هي ....
قطعه عيسي بصوت عالي:متدخلش ف حاجه بينا .
اسيا :لا يدخل ده اخويا والكبير كمان زي ماانت ليك الحق انك تعاقبني هو كمان لي الحق أنه يقفلك بما أنه الكبير .
قرب عيسي منها بغضب وهو بيشدها من ايديها من ورا تيام ..
مسكت ايده فيروز :سيب ايديها ياعيسي .
عيسي :انتي عايزاني بعد كل اللي هببته ده واسكتلها عادي لي مركب قرون ؟
فيروز:لا ياعيسي بس دي أختك مينفعش تعاملها كده اسيا غلطت بس ف النهايه شغلها .
فهد بسخرية:شغلها اي يافيروز انتي شايفها بتبيع سبح ؟! دي كانت ف كبا"ريه ياحبيبتي ؟عارفه يعني اي كباريه مبيسهرش ف غير الناس الو*** وبنات الليل .
فيروز:ياكبير ياعاقل انت المفروض تهدي الوضع مش تسخن اخوها عليها
فهد:وعلشان كده أنا بعفي عيسي من عقابها أنا بنفسي هتصرف معاها .
فتحت اسيا عيونها بفزع وهي بتجري بعيد عنه وبتصوت:لا مش هتعلق مش كل مره تعلقني فوق ...
طلعت اسيا سلا"حها من ورا ضهرها وهي بتضرب رصا"صه ف الجو :لو قربت مني يافهد انت او اي حد هصفيكم كلكوا ،هطلع جنان السيوفي كله عليكوا .
طلع فهد سلا"حه وهو بيضرب رصا"صه ف الحيطه جمب اسيا :وانا معاكي للآخر لما نشوف جنان نصار ولا السيوفي ف الآخر يااسيا
فجر كانت مستخبيه ورا الكرسي و بتصوت:ياعيله مجانين هتمو"تنا احنا ذنبنا اييييي ف جنان اهليكوا ده ...بصت ع فريده بذهول كانت قاعده ف ركن بعيد عنهم وهي مكمله رسمها بهدوء:اي ياختييي هو كل اللي بيحصل ده ماثرش معاكي ده احنا روحنا متعلقه .
بصتلها فريده بعدم اهتمام ورجعت كملت رسمها ..لأنها اتعودت ع جنان العيله دي .
ايوب :احنا كل يومين هنبعت حد يجدد ام حيطان القصر اللي بتبوظه دي ؟!!!!
تيام بهمس لفيروز:انتي كلامك بيمشي ع الكل ادخلي ظبطي الدنيا
فيروز:كلامي بيمشي ع الكل اها بس فهد لا .
فهد كان بيجري ورا اسيا وعيسي واقف مربع ايده الاتنين حوالين صدره .
اسيا:انتو بتتفرجوا ع اييي ابعدوا الهمجي ده بعيد عنييي
مسكها فهد من درعها :شوفي مين هينجدك مني يااسيا ...ايدك معايا ياايوب .
قرب ايوب وهو بيغمز لآسيا بشماته:من عيني يافهد استعنا ع الشقاء ياالله .
ايوب راح جاب السلم الطويل وطلع عليه وفهد شال اسيا وهي بتصوت علقوها من رجليها ف النجفه الكبيره الموجودة في الريسبشن وراسها تحت .
فهد مال ع وشها بابتسامة:اتمني تكوني مرتاحه معانا ياحضره الظابط
اسيا بصوت عالي:ماشي ياابن سيا انزلك بس وانا هعرفك ...وانت تيام عجبك اللي بيعملوا فيا ده
تيام بهدوء :اكيد لا بس برضو غلطك كبير يااسيا
فجر بضحك:تستاهلي انتي كل مره تتعلقي كده... فرحانه من قلبي لروح قلبي.
اسيا: مبقاش غير دكتوره الح"مير اللي بتتكلم
فجر باستفزاز :ابقي تعالي اكشف عليكي بقا .
اسيا بصراخ:سكتوااااا البت ديييييي
دخلت عشق بضيق وهي بتبصلهم بعصبيه :ف ايي انتو مش هتكبروا ع شغل العيال ده ...القصر ده لي احترامه .
فهد بخبث:والله براحتنا ده قصرنا محدش غريب هنا غيرك
ايوب :وبعدين ياخالتوا ...
قطعته عشق بعصبية:خالتوا مين ياشحط انت ؟!!!
فهد:اللاه ف اي يحجه هو شتمك بامك وبعدين اها خالتوا انتي فكره نفسك صغيره ده انتي معديه ال60
اسيا بضحك:رجليها والقبر ....
عشق بغيظ من كلامهم:أنا طالعه اوضتي ياريت مسمعش صوتكوا ده .
عيسي :حضرتك ضيفه هنا والضيف مش بيمشي كلامه ع أصحاب البيت ،انتي موجوده معانا هنا علشان خاطر ابويا فهد السيوفي وانك بنت خالته ..فاريت تتعملي ع أساس انك ضيفه .
فهد:وضيفه تقيله اويي ..
فجر وهي بتاكل الشيبسي:بس قوليلي ياخالتوا يوووه قصدي ياحجه انتي كل يوم بااليل تختفي فين كده اوعي تكوني متجوزه ولاحد ضحك عليكي بكلمتين .
عشق بصتلهم بغل وسابتهم وطلعت ع فوق وهي بتسحلف ليهم ..
ايوب :زمانها ولعت شامين ريحه الشياط بتاعها .
فهد وهو شارد قدامه وبيكلم نفسه:عشق دي كانت سبب كل الخر"اب اللي حل ع العيله .
عيسي:خراب اي يافهد
فهد:ها ...ولا حاجه قصدي يعني علشان الخساره اللي عملتها اخر مره في الشركه .
اسيا:بس برضو البت فجر عندها حق الوليه دي بتروح فين كل ليله كده !!!
عيسي :وهو ده اللي لازم اعرفه حاسس ان وراها حاجه
ايوب :نسيب بقا عقاب اسيا ونفكر ف الخرفانه اللي اسمها عشق.
اسيا :لما انزلك ياوغد..وبعدين انتو المفروض تكونوا مفخورين بيا .
فيروز بعدم فهم :مفخورين ؟!!!!!!
اسيا:اها اللي جايه من كلمه مفخور
فهد بيأس منها:مفخور!!!!!!
فجر:اللغه العربيه باظت خالص
ايوب :اسمها فخورين ..فخر يعني يام ملحق عربي .
فريده لمت أدواتها وجت علشان تخرج عيسي ناده عليها ..
عيسي:استني يافريده رايحه فين؟
بصتله فريده وهي بتشاور ع فوق .
عيسي :اقعدي معانا بلاش تقعدي لوحدك فوق
فريده هزت راسها برفض وسابتهم وطلعت ..
اتنهد ايوب بضيق :هي هتفضل كده لحد امته أنا بتخنق لما بشوفها كده
طلع ايوب ع فوق وهو مخنوق من حاله فريده وسكوتها .
اتنهد عيسي بهدوء:يلا علشان عندنا شغل الصبح مش هينفع نسهر اكتر من .
فجر :أنا فعلا تعبت تصبحوا ع خير .
خرجوا كلهم واحد ورا التاني ع الجناح بتاعه وآسيا بتزعق فيهم لحد مبقاش موجود غير فهد .
اسيا:نزلني يافهد
فهد:هاتي بوسه وانا انزلك
اسيا:بقولك نزلني
فهد:لما مزاجي يجيني هبقا انزلك تصبحي ع خير ياحته.
خرج فهد وهو بيصفر بروقان وآسيا بتزعق علشان ينزلها ..
فوق ف جناح سيا السيوفي .
كانت نايمه ع السرير والمحاليل والأجهزة حواليها جسمها بقا ضعيف ملامح وشها اتغيرت بأن عليها السن الكبير.
ورد قاعده جمبيها وهي بتبصلها بدموع:من يوم اللعنه اللي حلت علينا وانتي زي ماانتي عايشه معاهم ف عالم تاني ،وجميله محدش عارف حصلها اي لحد دلوقتي زين لحد النهارده بيدور عليها لسه عنده امل يلاقيها حتي اللي قتلوا عيلتنا مسبوش وراهم دليل يابرد ناري اللي منطفتش من 25سنه ...أنا محكتش للاطفال حاجه...اطفال اي بقا دول بقوا شباب يملوا العين والقلب زي الورد فهد ابنك بقا اوقات تحسي ابن فهد وواقات تحسي ابن سليم واخد طبع الاتنين فيروز شخصيتها قويه قافله ع قلبها مش عايزه تحب ولا تتحب علشان انتي مش معاها ...فريده بنتي حققتت حلم ابوها ودخلت كليه الفنون الجميله زي ماكان بيتمني بس للاسف مبقتش تتكلم غياب حسام خلها فقدت النطق ..فجر بقا ياستي اتخرجت من كليه الطب تخصص رمد مغلبه الكل ومغلباني ..ابتمست ورد وهي بتمسح دموعها:ولاد تاج وفهد التؤام الغريب عيسي مسك كل الشركات بعد ماخل كليه الطب هو وتيام، وفيروز كانت اتخرجت قبليهم ربنا يحفظهم وآسيا وايوب مشيوا ورا دماغ فهد ودخلوا كليه الشرطه اسيا بقا تشوفيها متقوليش أنها بنت تاج دي طالعه لجميله ف كل حاجه شقاوتها وعناده كل حاجه شقايه ف جميله زمان اسيا بتعملها ...ايوب لسه زنان زي ماهو متغيرش بيفضل يزين بس طيب وحنين ع كل اللي حواليه ...تيام الكل بيحبه الا عيسي بعد ماعشق الحيه بخت سمها ف ودنه وعرفت الكل أن تاج اتبنوته من الملجا ..أنا محكتش حاجه ليهم من اللي فات عايزهم يبقوا كويسين مش عايزه حاجه تاذيهم فهد ابنك فاكر اليوم اللي سليم طلعوا ف من القصر معانا وفاكر ان ف ناس هجموا ع القصر كان عايز يفتح ملفات القضية تاني بس انا قولتله انك غلطان مش فاكر حاجه هما عملوا حادثه بالعربيات واحنا طالعين مصيف عائلي هو مقتنعش وبيحاول يوصل لا اي حاجه عارفه اني غلطت ان خبيت عليهم الحقيقه بس كان لازم اعمل كده خفت عليهم كلهم أنا ربيتهم زي فريده وفجر كلهم ولادي مقدرش اتخيل حياتي من غير واحد فيهم ...
دخلت فيروز وورد بتمسح دموعها :تعالي يافيروز ياحبيبتي .
فيروز وهي باصه ع سيا بألم:لسه برضو ياعمتو مفيش امل
ورد:هي رافضه العالم بتاعنا بعد خساره اهلك بس محدش عارف بكره ف اي
فيروز:نفسي احس بوجودها وتبقي معانا
ورد :قولي يارب مفيش حاجه صعبه عليه
دمعت عيون فيروز وقربت ع سيا باست راسها ..
ف اسكندريه.
دخل الڤيله وحط المفتاح ف الباب وهو بيخبط قبل مايفتح الاول علشان لو هي قاعدة من غير حجاب.
دخل فاروق بعد ماسمعش منها رد كالعاده كانت واقفه ف الجنينه بتسقي الورد اللي ديما كانت بتزرعه من يوم مارجليها جت الڤيله.
فاروق كان واقف بيبصله بابتسامة حنونه وهو بيتامل ملامحه اللي زمان مقدرش يغير حاجه فيها خصلات شعرها البيضه اللي بيانه من تحت الحجاب التجاعيد الصغيره اللي ف وشها جسمها الضعيف مكنش بيقدر يبص ف عيونها الزرقاء بعد اللي عملوا معاها ومع أهلها .
لفت جميله وراها وهي بتتكلم بثبات:جي لي يافاروق الزفت انت مش قولتلك مش عايزه اشوف وشك هنا تاني.
فاروق:مش كبرتي ياجميله ع موضوع الهرب ده بقالك 25سنه بتحاولي تهربي مني ،عايزه تخرجي بره لي بعد مبقاش ليكي حد الدنيا اتغيرت خالص ياجميله ناس ماتت وناس اتولدت وناس نسيت اللي حصل لعيله السيوفي ماضي وادفن مع اللي راحوا .
جميله بنفس قوه وتحدي زمان: أنا مستسلمتش لحد اخر نفس فيا هفضل احاول لحد ماهرب من سجنك الملعون ده انت حكمت عليا بالموت يافاروق زمان اليوم اللي قت"لت اهلي وولادهم ف كان كل ذره حب ف قلبي ليك ماتت ميفرقش معايا الدنيا بره اتغيرت ازاي بس عندي امل اني هيجي يوم وهخرج من هنا ووقتها هعلن الحرب عليك هخسرك يافاروق .
فاروق ع قد ماكلامها وجعه ع قد ماكان مبسوط وهو شايف جميله الشرسه بتاعت زمان اللي رغم كل الظروف لسه صامده قدامه ،اتكلم بصوت مليان ندم حقيقي :لو الزمن رجع لورا مكنتش هعمل كل ده كنت هبيع الدنيا كلها علشانك علشان اكون ف حضنك ياجميله أنا ندمان ع كل اللي عملته واني مشيت ورا شيطاني سامحيني يا جميله كل السنين دي ونظره الكره ليا ف عينيك موجوده كل مره ببصلك بحس أن كرهك ليا بيزيد .
جميله:الزمن مش هيرجع وندمك مش هيفيد ولا هيرجع اللي راح بس تقدر تكفر كل ده باانك تسبني أخرج منها وتسلم نفسك علشان ناري اتجاهك تبرد ..النار انطفت من سنين بس ف قلبي لسه مولعه الكره والانتقام منك كل يوم بيكبروا جوايا اتجهك .
فاروق :وانا مبقتش خايف ع نفسي ومش حبسك هنا علشان أنا خايف ياجميله لا علشان تبقي جمبي لحد النهارده رفضت اني اتجوزك وبحترمك ويعلم ربنا انك انتي الست الوحيده اللي حبيتها ف حياتي ولايمكن قلبي يحب غيرك رغم كل السنين دي حبك بيكبر ..
جميله بصتله بسخرية:وانا بكرهك وناري مش هتبرد غير لما اشوف جثت"ك قدامي .
دخلت جميله الڤيله جوا وهو واقف مكانه عيونه بدمع من كلامها وكرهها لي ..خرج من الڤيله وركب عربيته علشان يرجع القصر .
ف جناح فهد كان نايم ع السرير وبيلعب ف موبيله خبط عيسي ودخل .
فهد :ف حاجه ياعيسي ؟
عيسي اتنهد ونام جمبي :تفتكر اي السر ف أن كلنا بنكره عشق ؟
فهد:يمكن علشان أسلوبها معانا من واحنا صغيرين؟
عيسي:لا يافهد أنا لما بشوفها قدامي بتخنق بحس اني قرفان منها.
فهد قام وقف وهو بيبص ف المرايا الكبيره :كل اللي فكره زمان أن عشق دي كان ف مشاكل بينها وبين خالوا فهد
عيسي :مشاكل ازاي يعني
فهد :مش قادر افتكر لان اي مشكله بينهم كان بابا بيطلعني أنا و فيروز فوق
عيسي :فوق فين ؟
فهد:في قصر أبوك فهد السيوفي
عيسي بصدمه :قصر ابويا ؟!
تحت ف القصر ..
وصل فاروق القصر دخل بخطواط هاديه ،وهو سامع صوت بينادي عليه ..
اسيا:فاروق يافاروق أنا هنا
دخل الريسبشن وهو بيبص فوق ع النجفه :اي يااسيا عملتي اي المره دي علشان فهد يعلقك ؟؟
اسيا ضحكت بغباء :ولاحاجه ياعمو هو ظالمني ديما يدوب بس روحت كباريه ..
فاروق بصراخ:نعممم!روحتي فييين يابنت فهد !!!.
اسيا:اي فاروق براحه ع نفسك يطقلك عرق هو حد قالكوا اني بشتغل دكتوره أنا ظابط شرطه يعني الاماكن دي بالنسبة ليا تسالي.
فاروق بسخريه:لا ياشيخه تسالي يفرحتي بيكي ،وبعد كده بقا لما اعوز المك المك من الك"باريهات ماتشتغلي رقاصه احسن !!!
اسيا:والله يافاروق فكرت ف موضوع الرقص ده واهي الرقاصه بتاخد ع قلبها قد كده ..بس للاسف مبعرفش ارقص
ضرب فاروق بايده ع وشه :والله ماحد هيموتني غيرك انتي وفجر
اسيا:ف اي يافاروق احنا ضيقنك ف حاجه ده احنا بنحبك يجدع .
فاروق :أنا طالع انام منمتش من امبارح.
اسيا:اقف عندك فكيني الاول
فاروق:اها افكك وفهد يقلب الدنيا صح ؟
اسيا:هي اول مره يعني هيز"عقلك شويه وخلاص
فاروق :بنت اي يزعقلي دي .
اسيا:خلاص هيزعقلي أنا بس فكني بقا يافاروق عندي شغل ف القسم كمان ساعه والضهر قرب يااذن يجدع
فاروق بملل من نفس كلامها اللي كل مره بتقوله لما فهد يعلقها:ماخلاص بقا ياجميله ..
اسيا باستغراب :جميله مين يافاروق ؟!أنا اسيا ..
- تابع الفصل التالي عبر الرابط: (رواية تاج الفهد الجزء الثاني) اضغط على أسم الرواية