رواية تاج الفهد الجزء الثاني 2 البارت السادس والعشرون 26 بقلم مريم مصطفى
رواية تاج الفهد الجزء الثاني 2 الفصل السادس و العشرون 26
ؤف جناح فهد نصار ..
عيسي :قصر السيوفي ؟!!
فهد:اها يابني قصر أبوك وجدك
عيسي :ازاي لما ده قصر جدي اصلا !!
فهد :ده قصر جدك الكبير وقصر العيله،ابوك وجدك بنوا قصر غير ده
عيسي :ولي أنا معرفش حاجه عنه!!
فهد بسخرية:احنا منعرفش حاجات كتير مش دي بس ياعيسي
عيسي:انت كنت كبير وقت مااهلنا ماتوا اكيد فاكر حاجه
فهد قعد ع الكرسي ورجع رأسه لورا وهو مغمض عينيه وبيحاول يفتكر :كل اللي فكره أن ف يوم كان العيله كلها متجمعه وعمتي جميله ...
قطعه عيسي بذهول :عمتك انت ليك عمه؟
فهد:لا دي خالتك انت أخت مامتك تاج التؤام
اتصدم عيسي من كلام فهد :هي امي ليها تؤام ؟انت فاكر شكلهم طيب اي حاجه عنهم
فهد:اهدا وانا هحكيلك كل حاجه وع قد مااقدر هحاول افتكر
عيسي :طب نسأل فيروز هي تؤامك واكيد فكره حاجه.
فهد بص ف ساعتها :بص هو الوقت متأخر خلينا ناجل كلام لبكره علشان عندي ماموريه أنا وايوب
عيسي بإصرار :لا كل حاجه هعرفها النهارده وكويس أن عمتو ورد نايمه لأن كل ماحد فينا بيفتح الموضوع ده بتتعصب وبحس أنها مخبيه حاجه علينا .
فهد :حاضر ياعيسي ..هرن ع فيروز تيجي .
تحت ف القصر ...
اسيا بستغراب :جميله مين يافاروق أنا اسيا ؟
فاروق بتوتر :مين قال جميله انا قصدي انتي جميله
اسيا بغباء:طب ماانا عارفه اني جميله اي الجديد فكيني بقا يكش نجوزك بدل ماانت بورت كده
فاروق :بورت !!!! هي حصلت يا اسيا .
اسيا:طب فكني وانا هصالحك
اتنهد فاروق بتعب :حاضر يااسيا
طلع ع السلم وهو بيفكها براحه علشان دماغها متتخبطش ف الارض ...قامت اسيا من ع الارض وهي بتفرد جسمها :اها ياعضمي اللي انك"سر ع ايد ابن نصار .
فاروق :ربنا يستر الصبح من فهد لما يعرف ان أنا اللي فكيتك
اسيا:متخفش يافاروق وراك اسد ف ضهرك اجمد كده
حضنها فاروق بحنان وهي بيرتب ع ضهرها:انتي وأخواتك ضهري ف الدنيا يااسيا .
اسيا حضنتها أكتر :واحنا كلنا بنحبك ياعمي انت عوضتني عن ابونا .
فاروق غمض عيونه بندم:مفيش حد يعوض مكان فهد السيوفي يااسيا خليكي عارفه كده .
باس جبينها بحب :تصبحي ع خير ياحبيبتي
طلع فاروق ع جناحه والندم بينهش ف قلبه ...
فوق ف جناح فهد..
دخلت فيروز بنوم:ف اي احنا الفجر وعندنا شغل الصبح ؟!
عيسي:أنا آسف يافيروز بس انا لازم اعرف كل حاجه النهارده
ضمت حواجبها بستغراب:تعرف اي مش فاهمه ؟
فهد :عيسي عايز يااعرف كل اللي حصل لااهلنا او حتي اللي احنا فكرينه بما أننا كنا كبار ف الوقت ده
فيروز:طب ماهي عمتو ورد قالت إن كل اللي أنا وأنت فكرينه تهياوات وان اهلنا ما"توا ف حا"دثه وهما طالعين مصيف عائليه ؟!
فهد:لا يافيروز لو تهياوات مش هبقى انا وانتي اللي فكرين كده احنا سكتنا طول السنين دي بس خلاص عيسي كبر واحنا كبرنا ولازم نعرف الحقيقه كلها .
عيسي :ف حاجه احنا مفكرناش فيها
فيروز:حاجه اي ؟
عيسي :ازاي كل مره الذكره السنويه بتاعت اهلنا بتيجي ف شهر 2اللي هو اصلا شتا ازاي كانوا طالعين مصيف وف الوقت ده الدنيا بتكون مبهدله امطار وعواصف ومعتقدتش أن ابويا وأبوك او حتي ابو فريده هيتهوره أنهم يطلعوا مصيف ف وقت زي ده والعيله كلها معاهم ع الأقل كانوا هيروحوا تغير جوا لوحدهم!!!!
فهد:احنا زي ملاحظناش النقطه دي ؟
عيسي:اقعدوا بقا كده واحكوا كل اللي انتو فكرينه حتي لو حاجه صغيره وكمان جميله دي فين لما هي مش مدفونه اصلا معاهم ؟
فهد:بص ف يوم التجمع العائلي اللي جدتي سماح كانت بتعمله كل جمعه كان الكل موجود ف القصر حتي أهل ولدتك تاج ابوها وامها بس عمي زين كان مسافر علشان شركاته بره ف اليوم ده خرجت عمتي جميله من المطبخ وهي بتجري بفزع وبتقول ان ف ناس هجمت ع القصر وقتها ابويا وعمي حسام طلعوا ع سطح القصر ونزلوا قالوا إن القصر متحاصر بناس مسل"حين ..
كملت فيروز بتفكير:وقتها العيله كلها اتنفضت من مكانها بخوف لحد ماعمو فهد زعق ف كل الموجودين وأنهم ياخدوا كل الاطفال ويطلعوا من مكان تاني ف القصر بس الكل رفض لحد مابدوا الناس دي يقربوا من بوابات القصر الداخليه .
كمل فهد بسرحان وأكان عقله رجع باالزمن لورا وهو شايف سليم ابوه:خلي بالك من ولاد عمك وولدتك يافهد انت الراجل مكاني أنا وعمامك .
فاق فهد من ذكرياته:ودي الجمله الوحيده اللي بترن لحد دلوقتي ف ودني صوته لسه بيتكرر يمكن ف حاجات كتير من اليوم ده عقلي مشوش عليها إلا الجمله دي فكرها وفاكر شكل ابويا فيها .
عيسي :قصدكوا تقولوا أن اهلنا اتق"تلوا غدر ؟!!
فهد اتنهد بوجع:هي دي الحقيقه واللي متأكد أنا عمتي ورد عارفه كل حاجه.
عيسي بصوت مبحوح:طب وجميله تؤام امي فين ؟
فيروز:اهي خالتوا جميله دي بقا زي اسيا بالظبط كانت بتحب تهزر معانا وديما كانت تتفق معايا أنا وفهد ع مقالب ف العيله روحها كانت حلوه وشقيه اوي عكس ولدتك تماما رغم الشبه اللي بينهم
عيسي :هما كانوا شبه بعض ؟
فهد ابتسم ابتسامه باهته:محدش كان بيعرف يفرقهم غير أبوك وجدك كانوا شبه بعض زيك انت وايوب كده القريب منكوا يعرف مين عيسي ومين ايوب .
عيسي:ايوه يعني هي فين دلوقتي ؟
فيروز:ف الوقت اللي طلعنا منه من القصر جميله وقتها رفضت تخرج مع عمتي ورد وماما قابلنا حارس وهي أصرت تدخل معاه تاني القصر .
فهد:جميله قبل ماتدخل القصر مع الحارس الشخصي ركبت ماما بالعافيه من خوفها علينا .
عيسي:برضو فين جميله لما هي مش مي"ته ؟
فهد:ده اللي محدش يعرفه لحد دلوقتي جميله اختفت فين واي اللي حصلها ...علشان كده خالك زين لما بينزل مصر بيختفي بالايام وهو بيدور عليها لحد دلوقتي مياسش لاحظه واحده وف نفس الوقت مبقاش حابب يعيش هنا وهو مش عارف أخته فين .
عيسي عيونه احمرت بدموع ع أهله:طب الحارس الشخصي ده مات برضو ؟
فهد:للاسف معنديش اي فكره عنه ولا حتي فاكر اسمه.
عيسي :طب حد فيكوا يعرف مكان القصر بتاعنا فين؟
بص فهد وفيروز لبعض بأسف فااتكلمت فيروز بحسره:احنا حتي منعرفش قصر نصار مكانه فين اللي هو بيت ابونا .
عيسي بتفكير:طب لي مندورش ف الارشيف عن جرا"ئم الق"تل اللي تمت سنه 2022 .
فيروز:اعتقد صعب بعد كل السنين دي
فهد:لا مش صعب لو فعلا زي ماعقولنا فكره أن الحا"دثه كانت كبيره وأنهم اكيد اتق"لتوا يبقا بسهوله هنقدر نوصل للحصل بالظبط
عيسي :ازاي هنعمل اي ؟
فهد: دلوقتي عيله السيوفي ونصار والدالي ف الوقت بتاعهم كانوا من اكبر العائلات ف البلد..شركاتهم معروفه واسمهم معروف يعني اكيد يوم قتل"هم الدنيا اتقلبت الناس كلها اتكلمت الصحافه والاعلام..ده غير أن اكيد ف ملف في الداخليه للقضيه دي
فيروز:وده سهل نوصله ؟
فهد:مش سهل طبعا لان فرق السنين كتير جدا ،بس هحاول اوصل لااي حاجه الفتره الجايه.
عيسي وعيونه مليانه دموع:طب وعشق .
فهد :عشق دي بقا أبوك كان يطيق العمي وميطقهاش ده غير كده مش داخل عليا أن امي كانت صحبتها علشان تتنازل عن نص أملاكها ليها .
فيروز:أنا برضو مش قادره اصدق ان ماما تتنازل عن حقها ف حاجه غلط .
عيسى :أنا لي حاسس ان عشق دي وراها سر كبير
فهد بسخرية:هي عشق بس عمك اللي من دمك ده انا متأكد أنه لي علاقه بكل اللي حصل
عيسي بصله بذهول:انت بتقول اي عمي فاروق لو بيكره ابويا فعلا مكنش خلني امسك كل حاجه أنا وفيروز ومكنش ادلنا حقنا ف الأملاك أنا وأخواتي .
فهد:ماهو ده اللي هيجنني لما هو كل مشاكله مع خالي فهد كانت بسبب الأملاك ازاي بقا كده دلوقتي
عيسي :كل حاجه هتبان ..المهم ان محدش فيكوا يحكي اي حاجه من اللي اتقالت دي ل ايوب أو اسيا.
فهد:من غير ماتقول محدش هيعرف حاجه .
خرج عيسي من جناح فهد وهو بيمسح دموعه اللي نزلت ع مو"ت أهله ...
فيروز :هنوصل للحقيقه يافهد ؟
حضنها فهد بحنان اخوي:اكيد هنوصل وهننتقم لكل اللي عملوا ف عيلتنا كده..
تاني يوم الصبح صحي الكل بكسل من ليله امبارح..اتجمعوا كلهم ع السفره ودخلت اسيا وهي بتشرب عصيرها المميز .
اسيا:انتو لسه بتفطروا ؟ عندنا شغل ولا اي يافهد !
فهد:مين اللي نزل البت دي ؟
فاروق :أنا يافهد عندك اعتراض ؟
بصله فهد بضيق ورجع كمل اكله ف اتكلمت اسيا بسعاده:بما أن الكل ماتجمع هنا ف انا عملتلكوا عصير مانجا بااللبن وعزمكوا عليه.
بصلها عيسي بعدم فهم:عصير مانجا بااللبن ازاي يعني ده
ايوب بسخرية:ياريت تيجي ع كده دي بتشرب اللبن وعليه بيضه
فجر :ماتبطلوا قرف بقا خنقوتنا
ورد :ربنا يهديكي يا اسيا يابنتي
فهد:مين قالك اننا هنشرب من المشروب ده اصلا
اسيا بغرور مصتنع:علشان أنا أمرت أن الكل هيشرب منه
عشق بصتلها بسخرية :مجاش غير العيال اللي يتمروا علينا ع اخر الزمن بلاش كلام فاضي
اسيا بتحدي:من حقي اؤمر أنا ظابط شرطه وقبل مااكون كده ف أنا بنت فهد السيوفي وخطيبه فهد نصار يعني الدنيا كلها تحت رجلي ولا اي ياعشق .
صقف ايوب بفخر ع كلام اسيا :الله عليكي يابنتي بتقولي عظمه اديلها كمان .
بص فهد لعشق بخبث :مش هرد عليكي المره دي هي قامت بالواجب معاكي كفايه عليكي كده بدل ماتمو"تي والعه.
عشق بصتله بغل وحقد للحظه شافت أن سليم اللي بيكلمها مش ابنه سحبت شنطتها بعن"ف وخرجت من اوضه السفره ..
ورد :عيب كده يولاد ميصحش دي كبيره برضو
فاروق بص لورد وفهم أنها خايفه عليهم من خطط عشق ف اتكلم باطمئنان:والكبير لازم يحترم نفسه علشان الصغير ميقلش منه يامدام ورد وعشق كل مره بتقصد تضايقهم ف من حقهم يخدوا رد فعل ...وطول ماانا موجود معاهم محدش يقدر يدوسلهم ع طرف .
بصتله ورد برتياح من كلامه وان الأولاد ف حمايته ...قربت فجر وهي بتبوس رأسه :والله انت راجل ميه ميه وبتفهم
قربت اسيا وهي بتبوس رأسه:من غيرك احنا ولا حاجه يافاروق
فاروق ابتسم بسعاده ع حبهم لي بس ابتسامته اختفت لما شاف نظرات الكر"ه ف عينه من فهد
فاروق :طب ياستي هاتي العصير الغريب بتاعك نشربه بقا .
دخلت هاله وهي بتحط لكل واحد ف الكاس قدامه .
مسك فهد الكأس وهو بيحاول يشربه قربه من ع بوقه براحه والكل بيتابع رياكشنات وشه لحد مرفع الكاس ع بوقه مره واحده وهو مبتسم .
تيام بفضول:اي يافهد طعمه عامل ازاي .
فهد: طعمه جامد ياض ياتيام جرب كده.
مسك تيام الكأس بتاعه وهو بشرب من براحه لحد ماعجبه طعمه وخلصه:اي الجمدان ده يااسيا
اسيا بفخر :مبخترعش أنا حاجه وحشه ياحبيبي
ايوب :حطيلي واحده كمان ياداده دي البت طلعت مخترعه مش اي كلام
فجر :يابنت اللعيبه يا اسيا طلع واو .
فريده كانت قاعده جمب ورد بتشرب ف هدوء ..ف اتكلم فاروق :أنا عجبني ..ومن الواضح أنه عجب فريده
بصتله فريده بابتسامه ورجعت تكمل شُرب
فيروز:اول مره يطلع منك حاجه صح
استاذن عيسي ع جناحه يجب منه اوراق خاصه باالشغل واتحرك تيام وفيروز ع الشركه ،وفريده انسحبت ع الكورس بتاعها ف الجامعه وفجر ع شغلها ف المستشفى وورد طلعت علشان تشوف سيا ،
ايوب :يلا يافهد علشان نطلع ع القسم
اسيا بتحدي :جايه معاكوا ومش هسمح بكلمه هطلع اجيب سلا""حي
بصلها ايوب بملل وطلع يجهز عربيته وآسيا طلعت فوق ،فهد جه علشان يتحرك فاروق نادا عليه .
فاروق :استنا يافهد عايز اتكلم معاك
فهد:خير تتكلم معايا ف اي وياريت بسرعه علشان عندي شغل
فاروق :انت لي بتتعامل معايا كده لي ديما شايف نظره الكر"ه ف عينك اتجهي
فهد :علشان منستش اللي حصل زمان يافاروق
فاروق بتوتر :وهو اي اللي حصل زمان .
فهد:اوعي تكون فكرني نسيت مشاكلك مع خالي فهد وابويا زمان وانك ديما كنت بطالب بحق مش حقك تنكر ده ؟
اتنهد فاروق برتياح :لا يافهد منكرش ده وفعلا أنا كنت بطالب بحق مش من حقي بس بعد مو"ته ندمت ع كل لحظه زعلته فيها بقيت بحاول اعوض ولاده عن غيابه تعويضا ع اللي عملته زمان ادتلهم حقهم بالمليم مخدتش حاجه لنفسي فوقت بس متأخر كلنا بنغلط وبنتوب يابني.
بصله فهد بضيق وف حاجه جواه مش مصدقه حاسس بحاجه تانيه هو مخبي عليه سابه ومشي من غير ما يتكلم كلمه تاني معاه ..
وصلت فريده الجامعه اللي بتحضر فيها كورسات الرسم نزلت من عربيتها..كان ف شله ولاد وبنات ديما بيرخموا عليها حاولت تعدي من قدامهم من غير ماتلفت الإنتباه ليهم علشان ميضيهوقش ..
واحده م البنات بصوت عالي :مش دي فريده الخر"سه
بص الشاب اتجاه بابتسامة خبيثه :اها هي جامده بس خر"سه للاسف .
الشاب التاني :وانت بيفرق معاك خرسه ولامشلوله حتي .
الشاب :عندك حق ...سابه ومشي ورا فريده وهو بينادي عليه وهي متجاهله ومكمله طريقها .
قرب منها وشدها من ايدها:طب خر"سه وقولنا ماشي إنما طرشه كمان .
حاولت فريده تستغيث ب اي حد ف المكان بس الطريقه كانت فاضيه لأن مفيش فيها محاضرات .
فادي :مش هتعرفي تصوتي علشان للاسف خرسه ..
كان بيقرب عليها بخبث وهي بتحاول تبعده عنها وصوت عياطه بقا عالي ..
ف الوقت ده دخل الكورس ودور بين الموجودين عليها ملقيهاش فخرج بضيق ونزل يستناها تحت علشان يشوفها ..وهو معدي من جمب الطرقه كان سمع صوت عياط أو حد بيسغيث قرب بهدوء علشان يشوف ف اي اتصدم لما شاف فريده وهي بتحاول تبعد فادي عنها وبتعيط ..ف لحظه هجم عليه وهو بيبعده عنها وبيضربه بكل قوته وفريده وقعت ع الارض وهي منهارة.
ف قصر السيوفي ...
نزل عيسي وهو ماسك ملفاته شاف ورد نازله من السلم التاني وماسكه ادوات الرسم بتاعت فريده .
عيسي :ف حاجه ولااي ياعمتو شكلك خارجه
ورد:اها يحبيبي فريده نسيت أدواتها هروح الجامعه اوصلهم ليها
عيسي :طب ماتبعتي اي حد من الحرس متتعبيش نفسك
ورد :ماانت عارف فريده بتتعصب لما بتلاقي حد ماسك اي حاجه من الأدوات دي .
عيسي بتفهم:خلاص انا هوديهم متشغليش بالك .
ورد:لا ياحبيبي انت اتاخرت ع الشركه أنا هوديهم
عيسى :لا لسه متاخرتش هاتيهم بس وبعدين ف طريقي ياحبيبتي.
ادتهم ورد بابتسامه لعيسي وهي بتدعيله بحب باس ايديها ومشي ..
ف الجامعه..
الطلبه اتلموا كلهم ف المكان والأمن مسك حمزه بصعوبه عن فادي اللي مرمي ف الأرض غايب عن الوعي .
حمزه بعصبية:وحيات اهلك ماهسيبك يلا أنا هوريك مين هو حمزه الاسيوطي .
بص حمزه جمبه وشاف فريده وهي منكمشه ف نفسها والبنات بيحاولوا يهدوها فلت من الأمن بصعوبه وراحلها وهو بيقعد ف الأرض قدامها .
اتكلم حمزه بنبره هاديه:انتي كويسه اهدي ياانسه فريده مفيش حاجه والك"لب ده والله ماهيشوف النور تاني ..
رفعت فريده وشها ف وشه وبتعيط ..بص حمزه ف عيونها العسلي واتكلم بتوهان:وغلاوه العيون دي لندمه هو وأهله.
بصله فريده بذهول من كلامه وهي باصه بإحراج..
قطع نظراتهم صوت عالي ف المكان :اي اللي بيحصل هنا ؟ .
فاقت فريده من نظراتها لحمزه وهي بتبص ع عيسي وف لاحظه جريت عليه وهي بتحضنه وبتعيط .
حضنها عيسي وهو بيطبطب عليها: ف اي مالك يافريده
اتفأج حمزه أنها بتحضن واحد غريب لانه سأل عليها ف الجامعه من اول يوم شافها في وعرف أنها معندهاش غير اخت بنت .
طلعها عيسي من حضنه :فريده فهميني ف اي اهدي طيب ..
قرب حمزه عليه بغيظ :الانسه الحيو"ان ده حاول يته"جم عليه و ..
عيسي بصوت هز المكان:يتهجم ع مين ..
قرب عيسي من فادي المرمي ف الأرض وهي بيمسكه من قميصه وبيضربه اكتر ..قرب الأمن عليه وبعدوا عنه وخدهم كلهم لمكتب العميد ..
ف القسم ..
كان قاعد فهد ع مكتبه وآسيا وايوب قاعدين قدامهم.
فهد: لما فتحت الفلاشه اللي جابتها اسيا اكتشفت انها عليها معلومات لبنات بيستخدمهم عساف ف شقق الد"عاره والكلام ده
ايوب:فعلا لان ف شقه جمب الكبا"ريه بتاعه خاصه بكده ..بس انت مش شايف ان دي قضيه صغيره وهتخلص عادي لي مكبرين الموضوع كده
فهد:حاسس ان الموضوع ف حاجه تانيه غير الد"عاره والكلام ده .
اسيا كانت قاعده بتبصلهم بنظرات سخريه لاحظها ايوب :اي يااسيا متقولي افكارك ولاانتي ملكيش غير ف شغل الهئ والمئ.
ردت اسيا عليه ببرود وتريقه:والدربندح .
خبط فهد باايده ع المكتب بحده : ماخلاص انتو الاتنين احنا مش البيت ده زفت شغل .
قامت اسيا وقفت وطلعت من جمبها ملف وحطته قدام فهد واتكلمت بثقه:أنا مش لسه هقعد اتوقع عساف بيشتغل ف حاجه تانيه ولا لا واضرب أخماس ف اسداس زيكوا الورق اللي قدامكوا ده بيثبت أن عساف شغال مع ما"فيا كبيره ده غير أن لي ف الاع"ضاء وغسيل الأموال والهر"وين اللي بيتاجر ف من الاخر راجل ش"مال ومسنود .
ايوب كان ماسك الورق وبيقرا ف ومصدوم من اللي كم العم"ليات اللي عساف عملها ..فهد كان باصص لا اسيا بنظرات فخر بس اتكلم بجديه وخوف عليها:وانتي وصلتي للورق ده ازاي بقا؟
اسيا :ده شغلي ياحضره المقدم بقا.
فهد:وانا القائد بتاعك ومن حقي اعرف وصلتي للورق ده ازاي وأمته ؟
قعدت اسيا مكانها واتكلمت بثبات:بعد مافاروق نزلني وكل اللي ف القصر نام خرجت من القصر و...
Flash Back..
خرجت اسيا من القصر وهي بطلع الموتسيكل بتاعها من الچراج وبتبعد عن القصر ،وقفت قدام ڤيله عساف وطلعت سلاحها ومفاتيح الڤيله كلها اتاكدت أنه ف شقته اللي فيها الأعمال المشبوها والخدم نايمين ...نطت من ع سور الفيله علشان الأمن اللي واقف عليها ودخلت براحه لحد مافتحت باب الجنينه ودخلت منه ع الريسبشن شغلت الكشاف بتاعها وطلعت ع السلم بخطوات حذره لحد ماوصلت لاوضه نومه دخلت وقفلت الباب وراها وبدأت تقلب ف الإدراج أو الخزانه الخاصه بي .. شافت برواز كبير متعلق ع الحيطه شالته بصعوبه ولاقيت الخزنه ورا..كلمت نفسها بهمس:اي الغباء ده هو لسه حد بيخبي الخزنه ورا لوح وبروايز حركه ساقطه اوي ابن السقطه ..
طلعت المفتاح بتاع الخزنه وفتحتها كان فيها فلوس وكذا ملف ماعدا ملف واحد مكتوب عليه "خطر" شدته وقرات اللي ف بسرعه وبتفتح عيونها بصدمه من الصفقات المقرفه والمصا"يب اللي بيعملوها ف البلد حطت الملف ف الچاكت الجلد بتاعها وقفلت الخزنه ورجعت كل حاجه ف مكانها وخرجت زي ماجت .
Back....
فهد وايوب كان بيسمعوها وملامح وشهم واضح عليها الغضب اتكلم ايوب بعصبية وصوت عالي : انتي اتجننتي ازاي تعرضي نفسك لحاجه زي دي..افرض كنتي اتمسكتي وق"تلوكي ولا كان سفرك بره مع البنات اللي بيهربهم وشغلك غصب عنك ف القرف بتاعه واحنا منعرفش عنك حاجة كان اي اللي حصل وقتها طب عرفي البها"يم اللي معاكي حتي .
اسيا بلامبالاه:ومحصلش حاجه من كل ده اهو يبقا مش هنوجع دماغنا كتير بقا
فهد بعصبية:واحنا كنا هنستنا لما يحصل وقتها كان اي موقفنا .
اسيا بهدوء:خلاص يا ايوب أنت وفهد محصلش حاجه لكل ده والورق بقا معانا دلوقتي لازم نشوف هنقبض عليه ازاي من غير ما الجماعه اللي بره يحسوا بحاجه علشان نعرف نجبهم .
فهد :يا اسيا احنا فخورين بيكي وبشغلك بس ف الاول والاخر احنا خايفين عليكي
قربت اسيا منه بحنان:اخر مره ومش هتكرر تاني
فهد بابتسامة خبيثه:وعد يااسيا .
ضحكت اسيا بصوت عالي وهي بتهمس ف ودنه:وعد يروح يا اسيا .
صرخ ايوب هو بيشدها من أيدها :ماتحترمي نفسك بقا يخربيت وقحتك انتي متربتيش لا انتي مشوفتيش خمس دقايق تربيه .
اسيا ببرود:طب ماهي دي حقيقه فعلا أنا متربتش .
ضحك فهد بصوت عالي ع كلام اسيا وايوب ف بصله ايوب بغيظ :وانت احترم نفسك لما تتنيل تكتب كتابك ابقي اتمرقعوا براحتكوا
فهد:وانت غيران لي خطيبتي وبدلعها .
فتح ايوب الباب بغيظ وهو بيزعق :انتو الاتنين متربتوش والله ماشوفته تربيه .
قفل ايوب الباب ورا ف ضحكت اسيا وقربت من فهد وهي بتكلم بجراءه كالعاده:ماتجيب بوسه يافهد .
فتح ايوب المكتب مره واحده بعصبية وشدها بعيد عن فهد :والله لخلي عيسي يربيكي ..انتو الاتنين مش هتقعدوا تاني لوحدكوا ف مكان ياعديمين التربيه يا شويه اوباش .
خدها ايوب معاها بره المكتب وفهد اتكلم بصوت عالي :وحيات أبوك لتجوزها وماهخليك تشوف وشها تاني ...
رجع قعد ع مكتبه وهو بيفتح الملف اللي قدامه وبيكلم نفسه :قليله ادب بس بحبها بنت السيوفي .
ف شركه السيوفي ....
تيام كان بيتكلم ف الفون وهو مبتسم ..دخلت فيروز عليه وهي بتبصله بخبث .
تيام بارتباك : هكلمك تاني يا غزل علشان عندي ميتنج .
قفل تيام الفون وهو بيبص لفيروز :دي غزل كانت يعني ...
قطعته فيروز بابتسامة هاديه:مالك اتوترت لي ده انا أختك ياتيام وعارفه انك بتحب غزل وده مش عيب الحب مش حرام ياحبيبي بس برضو لازم تتقدملها من خالوا زين .
تيام :هي هتنزل كمان يومين هي وطنط ماسه وااخواتها وخالوا زين هينزل بعدهم بفتره وناوي افتحه ف الموضوع.
فيروز بسعاده:يعني هنفرح قريب بقا .
تيام ملامحه اتبدلت الحزن :تفتكري لما تعرف ان امي تاج اتبنتني من الملجا هترفضني ؟
فيروز:واي اللي هيعرفها خالوا مقلش لوحده من بناته ع اي حاجه تخص العيله ولا حتي الموضوع ده لأنهم كمان ديما مسافرين يعني معندهمش فكره عن حاجه.
تيام:بس لازم اعرفها أنا مش عايز اكدب أو اخبي عنها حاجه ده حقها ولازم تعرف هي هترتبط بمين بس خايف من رد فعلها .
فيروز بحنان:أنت الف واحده تتمناك ياتيام انت راجل ويعتمد عليه ونضيف من جواك وغزل أنا متاكده أنها هتتمسك بيك اكتر من الاول لأنها بتحبك .
تيام بحماس :يبقا هقولها كل حاجه لما تنزل من السفر،شكرا يافيروز انك ديما بتسمعيني
فيروز:يواد ده انا أختك لو مسمعتكش مين هيسمعك غزل مثلا .
ابتسم تيام بحب : ربنا يخليكوا انتو الاتنين.
فيروز:ويخليك لينا ياحبيبي ..صحيح نسيت عيسي شكله هيتاخر ع الاجتماع ده احضر أنت مكانه لان يونس الجندي زمان ع وصوله.
تيام:ده الشريك الجديد ف صفقه الادويه مش كده
فيروز:اها هو عيسي قالي أن شاركته معانا هترفع اسم الشركه اكتر .
تيام :هو اسم الشركه هيترفع فين اكتر من كده بس
ضحكت فيروز :ادينا بناخد السوق لحسابنا وبنكبر اسم اهلنا .
دخلت السكرتيره وبلغت تيام أن يونس الجندي موجوده في غرفه الاجتماعات..قام تيام ومعاها فيروز ودخلوا اوضه الاجتماعات كانوا يونس بيتناقش مع المحامي بتاع عيسي ف التوكيلات .
تيام:اهلا يادكتور يونس .
يونس قام وقف ورحب بتيام: اهلا بيك يادكتور تيام .
تيام قدم فيروز : دكتوره فيروز نصار بنت عمتي وشريكه ف الشركات .
بصلها يونس بانبهار وبعيونها الشبيه لعيون الغزلان مد ايده بترحيب ليها: اهلا وسهلا يادكتوره فيروز.
فيروز :اهلا بحضرتك.
قعدوا ع ترابيزه الاجتماعات الكبيره تيام ع كرسي المقدمه وفيروز جمبه من الجهه اليمين ومن الجهة الشمال يونس قدام فيروز.
اتناقشوا ف الصفقه ويونس اعجب بذكاء فيروز واقتراحاتها تيام كان ملاحظ نظراته لفيروز ف بص ليونس بضيق .
تيام:كفايه كده النهارده باقي الصفقه هتم ف وجود عيسي اخويا
فيروز بستغراب من لهجه تيام:لي ياتيام خلينا نخلص كل حاجه النهارده
تيام:لا معلش عيسي لازم يكون موجود.
حمحم يونس :اللي تشوفه يادكتور تيام .
يونس وصله لحد باب المكتب ورجع تاني قعد مكانه ..رجعت فيروز شعرها لورا بتعب :لي حسيتك قفلت مره واحده ؟
تيام:هو ينفع ف الاجتماع الجي متحضريش
فيروز:لي اي السبب
تيام: بصراحه مش مرتاح ليونس ده نظراته ليكي مش عجباني
فيروز بإحراج:أنا حسيت بكده برضو بس هو معروف عنه أن شخص كويس يعني
تيام:احنا منعرفهوش اوي علشان نثق في علشان كده بلاش تحضري المره الجايه لحد مانشوف آخره اي .
فيروز :حاضر ياتيام...
ف الجامعه عند عميد الكلية..
عيسي كان قاعد ع الكنبه وف حضنه فريده وجسمها بيتهز بخوف وحمزه واقف قدام العميد وجمبه فادي بعد ماالامن فوقه .
شاور عيسي لصحبه فريده تقعد جمبها وقام هو وقف وبيزعق بصوت عالي وعصبيه:اللي حصل النهارده ده مش هيعدي والواد ده لو ابن مين هودي ف داهيه .
عميد الكلية:اهدا ياعيسي باشا كل اللي عايزو هيحصل وانا بنفسي هتابع الموضوع.
حمزه:حضرتك دي المفروض جامعه كبيره ومعروفه ازاي اشكال زي دي تكون موجوده فيها ؟
عميد الكلية:ياحمزه انت متخرج من كام سنه واكيد عارف ان ف طلابه مستهترين .
عيسي:الطلابه المستهترين دول مش بيكونوا معروفين ف الجامعه والمفروض يكون عليهم رقابه؟! مش اخت عيسي السيوفي اللي واحد زي ده يتعرضلها ده انا امحيكوا من ع وش الدنيا .
عميد الكليه بعدم فهم :انسه فريده المحمدي اخت حضرتك ازاي ؟
عيسي :مش شغلك الواد ده يتفصل من الجامعة نهائي وكلها ربع الساعة والكلب ده هينور ف القسم .
حمزه اتنهد براحه لما عرف ان عيسي بيعتبر فريده أخته ...فادي كان واقف مش حاسس باللي بيتقال لانه كان شبه فاقد الوعي .
دخل ظابط من القسم وخد اقوال حمزه وعيسي وصا عليه ف الظابط كويس وخدوا فادي معاهم ..
بص عيسي لحمزه:شكرا ع وقفتك جمب فريده اختي النهارده يا..
حمزه:حمزه الاسيوطي..وبعدين مفيش اي شكر ده واجبي حضرتك .
عيسي ابتسم بهدوء وقرب خد فريده ف حضنه وخرج بره المكتب وحمزه ورا.
حمزه:عيسي باشا لاحظه لو سمحت .
وقف عيسي وهو بيبص لحمزه:ف حاجه تاني؟
حمزه بإحراج:هو ينفع اخد رقم حضرتك؟
عيسي :خير ؟
حمزه:خير ان شاء الله بس محتاج اتكلم مع حضرتك قريب
طلع عيسي الكارت بتاعه وادهوله :اتفضل ..بس انت مش المفروض متخرج بتعمل اي هنا؟
حمزه:أنا دفعه الانسه فريده وبحب اجي احضر الكورسات اللي بتعملها الجامعه بعد التخرج وكده استفاده اكتر .
عيسي:تمام ..عن اذنك علشان هي محتاجه ترتاح.
خرج عيسي من الجامعه وركب فريده جميع ف العربيه ورجع ركب جمبها.
عيسي :الي حصل النهارده ده محدش هيعرف عنه حاجه الموضوع خلاص وعدا ع خير دلوقتي هخدك تقضي اليوم معايا ف الشركه
بصتله فريده برفض ف اتكلم عيسي :هترفضي طلب اخوكي الصغير وبعدين أنا اول مره اطلب منك حاجه ..وانتي ازاي القمر كده .
ابتمست فريده وهزت راسها بموافقه.
ضحك عيسي :الله يسمحها ورد كان لازم ترضعنا يعني علشان نبقا اخوات اديني مش عارف اتجوزك .
أتحرك بالعربيه وهو ماسك أيدها علشان يطمنها لانه عارف ان فريده شخصيه ضعيفه وهشه اي موقف بيخليها تخاف من اللي حواليها فقدان ابوها اثر ف شخصيتها ونفسيتها لحد كبير ..
ف اسكندريه..
جميله كانت قعده قدام التلفزيون بملل وبتقلب ف القنوات الرياضيه سابت الريمود بزهق وقامت من قدام التلفزيون لحد ما سمعت اسم عارفه كويس رجلها ثبتت ف الأرض حاولت تتحرك لحد ما رجعت لتلفزيون تاني وشافت 3صور معروضين ع شاشه التلفزيون الكبيره والمذيع بيعلن أسماءهم.اسيا فهد السيوفي وايوب السيوفي وفهد سليم نصار ..
قربت من الشاشه اكتر وهي مش مصدقه جابت الريمود بسرعه وثبتت الصوره كويس وهي بدقق ف عيونهم وبتصرخ:هما ولاد اختي وابن سيا عايشين هي نفس لون العيون هما عايشين موجودين لسه ..
يتبع ....
#تاج _الفهدج2 ابناء السيوفي*
بقلم/مريم مصطفي الجلاب.
علشان ف ناس اتلغبطت ف الشخصيات ف هعرفكم عليها من الاول علشان محدش يتوه .
فهد وتاج ..الأبناء(تيام ،عيسي،ايوب،اسيا)
سليم وسيا.. الأبناء (فهد ،فيروز)
حسام وورد ..الابناء(فريده،فجر)
زين وماسه..الأبناء(غزل ،موج،تاج)
ملحوظه..ولاد فهد وتاج التوأم اخوات فجر وفريده ف الرضاعه علشان محدش يتهوه 🤝❤️
(ملحوظه كده عصير المانجا بااللبن ده من اختراعي وحقيقي لو جربتوا مش هتندموا )😂♥️
- تابع الفصل التالي عبر الرابط: (رواية تاج الفهد الجزء الثاني) اضغط على أسم الرواية