رواية غرام الاكابر (3) الفصل الخامس عشر 15 - بقلم منال عباس

    رواية غرام الاكابر الفصل الخامس عشر 15

رواية غرام الاكابر الفصل الخامس عشر 15

بعد اتفاق غرام مع عاصم للذهاب إلى خالتها حسناء 

عاصم : طيب حبيبتي هبعتلك السواق حالا

غرام : لا مفيش داعى ..انا هاخد تاكسي ..فرصه انى خلصت بدرى ..

عاصم : المهم طمنينى عليكى لما توصلى ..

اغلقت غرام الهاتف واستبدلت ثيابها ونزلت للاسفل 

لتبحث عن تاكسي ....

لتجد يحيي وشروق 

يحيي : دكتور غرام كويس أنك موجوده 

غرام : خير مالك يا مدام شروق ...

شروق : صداع مميت مش قادرة استحمله ..احنا جايين ليكى ارجوكى شوفيلى حل 

نظرت غرام لساعتها ..

غرام : طب اتفضلى فوق فى المستشفى 

وصعدت معهم ..وقامت بالكشف عليها 

وعملت لها اشعه ...

غرام : حضرتك محتاجه تقعدى معانا يومين تحت المتابعه ..

شروق : هو فى حاجه خطيرة ؟ 

غرام : أن شاء الله خير .بس فى شويه تحاليل واشعه تانيه هنحتاجهم ...

يحيي بقلق واضح عليه : ما تقلقيش يا حبيبتي أن شاء الله حاجه بسيطه .....

استاذنتهم غرام .وخرجت 

خرج ورائها بسرعه يحيي

يحيي : دكتور غرام حضرتك بتشكى فى حاجه 

غرام : الحقيقه الاشعه المبدئيه أمامى بتقول أن فى ورم بسيط  فى المخ ...الافضل نعيد الاشعه مع التحاليل ...

يحيي : ورم !!!

غرام : ربنا كريم ..ويكون حميد ...كل دا هيظهر بعدين ..

يحيي : بأسي ....طيب ايه الحل 

غرام : ادعى ليها ..وربنا قادر على كل شئ..

شعر يحيي بتأنيب الضمير تجاه غرام ..كيف له أن يدبر لها الشر ..وهى كالملاك .تساعد الناس والمرضي ..

يحيي : طب ممكن نبدأ من امتى 

غرام : انا كتبت ليها كل الاشعه والتحاليل ..

المعمل ..هيوصل ليها دلوقت ويقوموا باللازم 

الف سلامه عليها ..وتركته وغادرت

يحيي : تعبك دا يا شروق ماكنش على البال والخاطر

ذهبت غرام واستقلت تاكسي إلى خالتها ...

عند ادهم بالشركه 

ادهم : ياااه اخيرا خلصنا 

سامر : فعلا كان يوم شاق بس احنا اتفقنا نبنى نفسنا وانت اول واحد رافض يتدخل والدى أو والدك فى الشغل ..

نورين : كدا احسن ..اهلنا عملوا لنفسهم اسم ..واحنا كمان لازم نثبت نفسنا ...

نورى : انا مش عارفه لما الدراسه هتبدا ازاى هنوفق بين شغلى فى الجامعه وشغلى هنا معاكم 

نظر إليها سامر 

سامر : نورى هو دا بجد كل اللى شاغلك 

نورى : اووومال ايه يعني هيشغلنى 

ادهم : تعالى يا نورين نشرب حاجه وأخذها وخرج 

سامر : انا كنت متخيل أن اللى يشغلك هو مستقبلنا سوا ...

وازاى هنختار الاثاث وكل حاجه لشقتنا ...

نورى : مالك يا سامر ليه بتتكلم بالحده دى ..ثم انك عارف انى بشتغل معاك معيده وعارف انى كمان مجتهده وبعرف انظم وقتى 

فاجئها سامر بهذا السؤال 

سامر : نورى ..انتى بتحبينى ؟

نورى باحراج : انت لسه بتسأل يا سامر !!

سامر : طب ردى عليا 

اقتربت منه وبصوت ناعم : بحبك 

أمسك سامر يديها وقربها من صدره لتسمع دقات قلبه السريعه

سامر : سامعه دقات قلبي دى يا نورى كل دقه فيها بتقولك بحبك 

وحاوطها بيديه أكثر 

لترفع رأسها  إليه وتنظر إلى عينيه بحب هى الأخرى ...

ليضع سامر اول قبله له على شفتيها ...

تحرج نورى وتبتسم له ..

نورى : قل*يل ال*اد*ب

سامر : بعشقك 

يدخل ادهم هو ونورين 

ادهم : الحمد لله مش بيتخانقوا 

سامر : هو انا اقدر ازعل روحى 

ادهم : نخرج احنا احنا منها ....ليضحك الجميع

نورين يلا بينا بقي نروح زمان ماما قالبه الدنيا علينا ....

عند غرام 

تستقبلها حسناء بحب 

حسناء : حبيبتى يا غرام طمنينى عليكى وعلى اولادك وزوجك ..

غرام : كلنا بخير الحمد لله ..المهم صحتك انتى يا خالتووو 

حسناء : الحمد لله بخير .

هنا : انتى بجد يا غرام حاجه كبيره اووى وكلنا بنفرح بوجودك وبنفتخر بيكى ..

غرام بحب : انتم عائلتى اللى بحبها ربنا ما يحرمني منكم ...

احمد : واحنا بنحبك اوووى يا غرام ..وانتى فعلا زى ما هنا بتقول بنفتخر بيكى ..

غرام : اومال فين بيسان الجميله 

بيسان : انا اهو. يا طنط غرام ..كنت برسم الرسمه دى ليكى ..

غرام : الله جميله اوووى ..رسمتك تحفه يا بيسان 

والوانك جميله ..

بيسان : انا لما هكبر هشتغل مع اونكل عاصم فى الازياء ..

غرام : اكيد حبيبتى .. وخصوصاً انك مميزة 

هنا : يلا الغدا جاهز ...

ويذهب الجميع لتناول الطعام

       عند يحيي 

يجلس بالقرب من زوجته وهو حزين على حالها 

شروق : يحيي 

يحيى : ايوا حبيبتى ..

شروق : هو سامر عرف أنى هنا ؟

يحيي : الحقيقه انشغلت ونسيت اعرفه ..ثوانى هكلمه ..وأخذ فونه وخرج ..

اتصل يحيي على سامر 

سامر : الو ايوا يا بابا

يحيي : انت فين يا سامر 

سامر : انا فى طريقي للفيلا ..مالك يا بابا صوتك زعلان ليه ..

يحيي : مامتك تعبت شويه واحنا فى المستشفى

سامر بخوف : ماما مالها وتعبت ازاى ..انتم فى مستشفى ايه 

أخبره يحيي عنوان المستشفى

سامر  : انا جاى حالا واغلق الهاتف للذهاب إليهم .....

يستدير يحيي ليدخل إلى حجرة شروق ولكن يأتيه اتصال مرة اخر ..وكان المتصل ..البيج بوص

يحيي بزهق مش وقتك خالص ويرد 

يحيي : الو ..

البيج بوص : عرفت انك والمدام فى المستشفى عند غرام ..

يحيي : ايوا ..المدام تعبانه 

البيج بوص : كويس انك اخترت المستشفى دى 

كدا هتسهل علينا حاجات كتير..

يحيي : انا فى ايه ولا ايه علشان تقولى كدا ..

البيج بوص بحده : خليك مطيع احسن ليك ولا تحب افكرك 

ينادى الطبيب على يحيي 

الطبيب : المدام لازم تتنقل حالا ل مركز الاشعه المقطعيه ..

اغلق يحيي المكالمه وذهب معهم ...

عند عاصم. يأتيه اتصال من مصطفى 

عاصم : ازيك يا درش 

مصطفى : الحمد لله ..انا كويس ..وعندى اخبار ليك اعتقد تهمك اووووى 

• يتبع الفصل التالي عبر الرابط (رواية غرام الاكابر) اضغط على أسم الرواية