رواية خادمة الصقر الفصل الواحد و الثلاثون 31 - بقلم يوستينا سامي

  رواية خادمة الصقر كاملة بقلم يوستينا سامي عبر مدونة دليل الروايات 

رواية خادمة الصقر الفصل الواحد و الثلاثون 31

و فجاه و هما بيتكلموا باب الشقة خبط .. و قامت عزة تفتح الباب و لقت قدامها كريم و عساف ..

عزة / ايه ده .. انتوا عايزين ايه هو انتوا افتكرتوا ان البيت ده بتاعكوا ولا حاجة و هي تكية مثلا منغير بواب

و بصت لجاسر بحد*ه / وانت ايه اللي جابك هنا ..هو انا مش قولتلك اني لو شوفتك في حتة هضا*يقك اوي

جاسر / يلا يا بت امشي من وشي ..وروحي نادي صاحبة البيت ..اول مرة اشوف ضيفة زيها زي بتتكلم يلا يا بنت انتي لسه هتنحي كدة كتير

عزة / انت قليل الذوق بجد ..انت ازاي بتتكلم كدة . اقولكوا اطلعوا برا بقي البيت

كريم / جاسر اخرس بقي شوية ، و انتي يا عزة ارجوكي انا جاي و قاصدكوا في موضوع مهم جدا .. نادي نغم يمكن تقدر تساعدني ..

عزة / حاضر يا كريم ..هناديلك نغم علشان انت بس واحد محترم و ابن اصول بس بعدها هدخل البلكونة ..لاني مش طايقة اشوف الكائن ده

و فعلا راحت قالت لنغم ونغم استقبلتهم في الصاله وعزة دخلت بعدها البلكونة و جاسر حب يرخم عليها و دخل وراها

_______________________________________________

في الصالة في بيت نغم ..

كريم / بس يا نغم .. دي كل الحكايه وياسمين رافضه ترجع لابوها ، فبصراحه ملقيتش غيرك ممكن تيجي تقعد عنده يومين بس بالعدد لحد ما اعرف اتصرف

والده نغم / طبعا يا ابني انت بتقول ايه ده انتوا وقفتوا معاننا و انتوا متعرفوناش حتي … ده احنا هنشيلها في عينينا

نغم / ايوة طبعا يا كيمو ..دي الحب بتاعك يا عم ، عموما متخفيش عليها والله ..بس طبعا مش محتاجة اقولك انك تسيب فلوس اكلها و شربها و الحاجات دي طبعا

كريم فضل يضحك جامد و ام نغم برقتلها / في حد بيقول كدة برضو اعذرني يا ابني .. الدكتور اصله شد*ها من لسانها بعد ما اتولدت ..

…و فأجاه و هما قاعدين سمعوا صوت حد بيصرخ في البلكونة..

كريم قام وقف بسرعه / ايه ده هو صوت اللي سمعتوا ده تقريبا من البلكونه صح

 نغم خب*طت علي راسها / يا خبر ابيض ..ده جاسر و عزه اللي في البلكونه مع بعض و لوحدهم واكيد حد فيهم اكل التاني ..

…نغم قامت وكريم راح معها عشان يخش البلكونه لكنهم يتفاجئوا بجاسر خارج من البلكونة بيجر*ي من عزه ووقف ورا الكرسي

 جاسر / وربنا لو جيتي جنبي لارش عليكي مبيد *حشري انت سامعه ولا مش سامعه… انا عارف الحشر*ات اللي زيك دي بتمو*ت من المبيدات

عزة بعص*بية و بتحاول تجري وراه / بقي انا برضو اللي حشر*ة . طب تعالي يا جاسر و انا هوريك نفسك يا جبا*ن

اخرج من عندك لو مش خا*يف

جاسر. / لا مش خا*يف يا عزة و مش هقرب منك عارفة ليه علشان انا ماخدتش التطعيم ضد القرود

كريم / طيب بس كفاية خنا*ق .. عساف انزل نادي ياسمين و خليك انت تحت ..علشان مش عايزين مشا*كل و لا عايزين الجيران يسمعوا صوتنا برضوو

عزة. / نعععم يا سي كريم ..والله ما هينزل غير لما ا*عضه الاول علي الكلام اللي قاله ده ..و ابقي انزل اشتكيني لسهيلة يا حبيب سهيلة.. صحيح اللي تامن للرجال

جاسر / طقي كدة منها .. و انتي لسه ما شوفتيهاش ..اومال لما تشوفيها ، كريم تعالي اقف قدامها علشان اعرف اعدي من قدام البت دي منغير ما تضر*بني

و كريم وقف قدام عزة و نغم راحت مسكتها و جاسر جري و عزة بغيظ / ماشي يا جاسر لحقوك مني المرة دي لكن المره الجاية والله ما هسيبكو الست سلعوة بتاعتك

____________________________________________

في الشارع ..

جاسر كان نازل بينهج بتعب ..

سهيلة / ايه ده مالك بتنهج ليه كدة يا ابني .. هو في حد كان بيجري وراك ولا ايه

جاسر / انتي بتتريقي ، دي حقيقة فعلا في بت مفتر*ية كانت عايزة تع*ضني بس انا نفدت منها باعجوبة ..المهم اطلعي يا ياسمين ، كريم مستنيكي فوق

ياسمين/ لا يا جاسر انا اتكسف اطلع لوحدي بيت حد غريب و بعدين انا معرفش نغم دي يمكن كريم يعرفها و واخد عليها انما انا لاااء

سهيلة / خلاص ولا تزعلي نفسك … انا اطلع معاكي انا و جاسر و بالمرة اشوف العيلة دي اللي كانت بتلعب مع جاسر

جاسر / عيلة اه .. اطلعي بقي اسئلي عليها هتحبيها اوي ، دي دمها شرباات و هتحبك من اول نظره بس المهم انك تقوليلها اسمك

و فعلا طلعت سهيلة هي و ياسمين البيت عند نغم ..

_____________________________________________

صقر روح هو قمر و دخل اوضته علشان ينام لكن لقه

نانسي بتكلمه و عمالة ترغي

صقر بخ*نقة / انا مش فاهم مش انتي كلمتي مهندس الديكور والمصمم بتاع الفستان وضبطتي كل حاجه بخصوص الفيلا والجنينه…. صح

نانسي / ايوة يا بيبي .. انا ظبط كل حاجة

صقر / اومال بقالك ساعتين يا نانسي بتتكلمي في اي حاجة ، ايه هو استهلاك طاقة و خلاص

نانسي/ اخس عليك يا صقري كدة برضو ..طب ده انا من اسعد لحظات حياتي لما اكون بتكلم معاك و شايفاك قدام عيني … ده انا بحبك اوي

صقر بملل / يا سلام

عموما ماتقلقيش انا عارف انك بتحبيني واوي كمان

 بس انا عندي شغل ومش فاضي للرغي ده

نانسي / كدة يا روح قلبي.. ده انا بعد الايام علشان نتجوز بقي .. عارف انا نفسي في ايه حالا

صقر نفخ بزهق / الووو نانسي انا مش سامعك .. الووووو

و قفل التليفون في وشهااا و بدا يكلم نفسه / ايه الرغي اللي منغير سبب ده ، هو انا ناقص قرف

فاجاه و صقر قاعد على السرير لقي الباب بيتفتح ودخل معاذ وهو كان شكله مك*شر ومتضايق

صقر اتصدم / ايه ده هو مش المفروض ان قبل ماتدخل اوضة حد تخبط يا معاذ ولا ايه

معاذ وهو لسه مكشر و قرب و قعد علي السرير بتاعه وقال له / ايوه المفروض اعمل كده مع اي احد غريب مش بابا ، ممكن اعرف بقى انت فين من الصبح

صقر اتبسط قوي من جواه ان معاذ بدا يتكلم وقرب منه بقى بس حاول يتصنع الحده / اولا المفروض تخبط على الباب قبل ما تخش لاي احد حتى انا

 ثانيا انا كنت في الشغل يا معاذ غصب عني بس اوعدك اول ما اخد اجازة هخرجك في مكان حلو اوي

معاذ بز*عل / بس انا مش فارق معايا الخروجه انا زعلان عشان النهارده جدتي فقالتلي ان انت هتتجوز نانسي وتجيبها تعيش هنا

انا مش بحبها خالص يا صقر ..بجد متجبهاش البيت لانها هتمنعني اشوف نغم و قمر انا بحبهم اوي

صقر قرب منه و حضنه / خلاص يا حبيبي..متعيـ*ـطش وانا هخليك تشوفهم و تقعد معاهم كمان … بس و حياتي عندك اوعي تعيط تاني يا معاذ ..

يلا تعالي انت هتنام في حضني النهاردة

معاذ بفرحة / بجد هنام جمبك يا بابي ، انا عمري ما نمت في حضنك قبل كدة

صقر بحزن / بعد كدة هتنام جمبي علطوول

واخذ صقر معاذ في حضنه وناموا مع بعض و بدا يكلم نفسه بحزن / انا مش هبقي نسخة منك يا بابا

و اللي زمان خالد عاني منه مش هخلي معاذ يعيشه ابدا

______________________________________________

في بيت نغم .

سهيلة و ياسمين طلعوا شقتها و كانت ياسمين مكسوفة اوي و ماسكة ايد كريم ..

كريم / مالك يا ياسمين مكسوفة ليه كدة يا بنتي ، دي نغم هتحبيها اوي .. معندهاش اي مشكلة انك تقعدي عندها اليومين دول . صح يا نغم

نغم / أيوة طبعا .. بقولك ايه يا عن كريم .. سبهالي انت بس و انا هفوقها و اخليها تفك كدة. و اوعي تقلق عليها ابدا

سهيلة / طب لو مافيهاش رخامة مني ممكن اجي اطمن عليها بكرة مثلا

نغم / أيوة طبعا تعالوا اي وقت .. البيت هينور

و قعدوا كلهم مع بعض شوية و بعدها قام كريم

كريم / طيب انا لازم امشي دلوقتي

ياسمين بخو*ف مسكت ايده / هتمشي خلاص كدة ..ما تخليك شوية

نغم / ليه ما يبات معانا احسن بقي بالمرة . يلا يا كريم انزل روح لصاحبك علشان الوقت اتاخر اوي

و لو ياسمين مثلا وحشتك ابقي كلمها في التليفون ..

يلا يا حبيبي مش ناقصة تلزيق

……و نغم شبه طردت كريم و سهيلة من الشقة علشان كانت خايفة احسن خالد يصحي و هما موجودين و اخدت ياسمين و دخلت بيها اوضة النوم بتاعتنا علشان تفرجها عليها.

_____________________________________________

في اوضة نغم  

نغم / ايه رايك يا ستي في اوضتي انتي هتنامي معايا و الله يعيني عليكي لو كنتي بترفسي بقي

ياسمين / لا والله انا مش بتحرك خالص ..طب بصي انا ممكن انام علي الكنبة دي و ..

نغم قاطعتها في الحوار و هي بتضحك / ايه يا حاجة

انتي صدقتي ولا ايه ده انا بهزر معاكي ده انتي تعملي الي نفسك فيه

ياسمين ابتسمت / انتي جميلة اوي يا نغم برغم الفصل اللي انتي عملتيه معايا في التليفون ..بس بجد بشكرك انك وافقتي اقعد في بيتك

عزه / باقولك يا ست ياسمين احنا القواعد في البيت هنا ان ما فيش كلمه شكرا كثير

بس اقولك حاجة يا ياسو و متزعليش مني ..كريم بيحبك اوي

ياسمين ابتسمت وقالت لها / و انا تعبانة يلا ننام بقى

و فاجاه سمعوا صوت شخص بينادي علي نغم .

ياسمين بكسوف / ايه ده .. هو والدك موجود او اخوكي

نغم بتوتر/ هاا لا ابدا.. ده ابن اختي بس كان نايم

انا هقوم اشوفه حالا

عزة / ابن اختك مين ..ده خا

نغم بغيظ / عزة يلاا اطلعي برا .. زمان خالتك خايفة عليكي اوي ، يلا يا حبيبتي

و طردت نغم عزة من البيت و سابت ياسمين تنام و دخلت الاوضة عند خالد

______________________________________________

في اوضة خالد

نغم قربت منه و قعد علي السرير / حبيبي كنت بتنادي عليا ، انت كويس

خالد و هو مغمض عنيه / اممم

و فاجاه شدها من ايديها و نغم و قعت عليه / انت بتستهبل ماما في الاوضة اللي جوا يا خالد..و بعدين و ريني راسك …. الحمدلله السخنية راحت

خالد / بحبك اوي و لولا اني محترم والدتك كنت اخدت بوسة دلوقتي حالا ، بس اعمل ايه انا محترم

نغم بعدت عنه و ضحكت / انت قليل الادب علفكره

و يكون في علمك في ضيفة هنا تبع كريم

خالد بغيظ / بس انا قولتلك مش عايز حد منهم يعرف اني هنا يا نغم ..افف بقي

نغم/ خلاص هقولها انك قريبي ..او اقولك متخرجش من الاوضة اصلا خالص

خالد ضر*بها في كتفها / لا والنبي ، شوال بطاطس هتحبسيه في الاوضة .. بقولك قوليلها اني اخوكي في الرضاعة

نغم ضحكت جامد/ طيب اسكت بقي .اروح احضرلك الاكل ..

و فعلا قعدت جمبه تاكله و قضوا الليل يتكلموا مع بعض لحد ما تعبت و دخلت نامت

_______________________________________________

في الجنينة .

صقر صحي من النوم و اتفاجاه بصوت ت*كسير. .

صقر بخضة حضن معاذ بسرعة / استر يارب

• يتبع الفصل التالي اضغط على ( رواية خادمة الصقر ) اسم الرواية