رواية اسمعني الفصل الثالث 3 - بقلم فاطمة سالم

  رواية اسمعني كاملة بقلم فاطمة سالم حصريا علي مدونة دليل الروايات 

 رواية اسمعني الفصل الثالث 3

-ضربت قفل بي حديده ..ونفتحت الخزنه والخزنه ملقوش فيها القناع!!

اكرم :شفتو؟..انتم تعبتو روحكم على ففاضي مستحيل مدرسه زي مدرستنا احني يكون فيها شي زي هك

الشرطه:سامحونا على ازعاج 

اكرم :على رحب على رحب ..هدا شغلكم ..بس مفروض تتأكدو من مصادر لي تجيبلكم في الأخبار ..عشان ما يصيرلكمش مواقف محرجه ..هك الافضل اظن!

الشرطه :ليلتك سعيد يا استاد اكرم 

-اكرم ابتسم بخبث وهز راسه

...

...........

رضا :شني يا حضره ضابط ؟

مخلوف :نعتذرلكم عن ازعاج ..فتشو خزنه راكان وملقوش شي الضباط ..الباين صار سوء فهم 

رضا ابتسم :معلش معلش حصل خير 

...............

تاني يوم ..

في المدرسه ..

ميليسا :راكان حبيبي ليش طايرتلك 

راكان :الافضل تركزي على من مصاحبه انتي؟

ميليسا:شن قصدك كيف ؟,

راكان :يقيين الحقيره هذيي 

ميليسا :يقييين ؟

   تكلمم شن داارت

راكان شد راسه بعصبيه :مبلغه عليا الشرطه..شافت قناع في خزنتي 

ميليسا :لاااعاااد هدي وصلت حدها ...

راكان :وممكن نفهم القناع كيف وصل لخزنتي؟

ميليسا :ليش تسأل فيا اني ..اسال نزار!!

نزار :سمعتت اسميي شن في؟..هه اكيد اكيد عشان لي صار امس صح ؟

راكان :وتضحكك؟انت عارف روحك قريب ودرتني ولا

نزار :تمام تمام عارف لي درته غلط ..بس كنت نختبر في احسان هل هو سالك موضوعه معانا ولالا 

راكان :يعني احسان لي حطه ؟..ويعنيي تختبر احسان على حسابي انيي 

نزار بعصبيه :بدل ما تحاسبوني حاسبوو يقين لي مشت وبلغت ..ولا انت لي امس مضيفها في كافي يا الرومنسي 

ميليسا :نزاار ..

راكان :ماهو لو انت ما حطيتش قناع ره اني ما عزمتهاش ..

نزار :على أساس درت حل يعني انت؟..ما اهو بلغت فيك 

راكان :من تحت راسك كلهه ماهووو 

نزار :تمام تمام خليها عليا 

ميليسا :شن بدير ؟

نزار بخبث :ح تشوفوو 

.............

في الفصل ...

فرج :اهيا جت جت 

-الاولاد قعدو يخبطو 

-خشيت للفصل وهم يخبطو على طاولات استغربت ..جيت وقعمزت على كرسي حسيت بشي تحتي نضت لقيت حبر احمر ؟.....حي على احررراج اووف كيف بنوض توا 

-كلهم قعدو يضحكو ..نحرجتت بكل ..نضت وقعدو كلهم يصورو ويضحكو ..نخنقت مشيت نجري وقفتني الاخصائيه ..مش شن هالمدرسه كل مره يديرو في شي!!

الاخصائيه اكرام :خيرك يقين شن في 

يقين :ولا شي ..

اكرام :تمام على راحتك ..بس لما تبي تحكيلي تفضلي ..

يقين هزيت راسي 

اكرام :تمام ليوم في حفله بخصوصكم ترحيب ليكم 

يقين هزيت راسي:تمام 

...وخليتها لين تمشي وروحت ..

.................

على العصر ..

بدت الحفله ..

ليلى :يقييين امشي بالله عليك ..على اقل تحكيلي وتغيريلي جوي..

يقين :المدرسه هذي تعبتني يا ليلى تعبتنيي 

ليلى :هياا بس بالله عليك ..حقا تعرفي واحد اسمه راكان !

يقين :ايي نعرفه مرتبط بي وحده اسمها ميليسا ..تحسيها مطرشقه هذي وهو احرف منها 

ليلى نصدمت :كيف؟

يقين :خيرك ليلى ؟

ليلى :هاا ولا شي ولا شي ..سااد قعدت مشلوله ..ولي في عمري كلهم بصحتهم اعتازيت في رجليا وصحتي 

يقين :ليلى ؟

ليلى :اطلعي يقين اطلعي عني 

يقين :خلاص على خاطرك تو نمشي خيرك؟

ليلى سكتت 

يقين :خلاص حاضر اهدي 

ليلى :اطلعي 

-تنهدت وطلعت ..لبست تيشرت وسروال و وشاح وطلعت ..مشيت للمدرسه ..

ولقيت هدوكا طرحات كلهم من اغلى ماركات لبسهم..ومكياج والعطر يفحفح من بعيد ..لدرجه اغلبهم ممعرفتهنش الا من صوتهن ..

وشوي ولقيت راكان جاني 

راكان :شجو ؟

يقين :همم تمام 

راكان :حتى اني جوي تمام ؟

يقين :همم 

راكان :بااهي كنتي تأكدتي سألتيني هل اني ليا ايد في لموضوع او لا ..مش مشيتي بلغتي عليا مش عيب منك هالشي ؟

يقين :سوى انت او غيرك ح ياخد الحق مجراه

راكان : تهددي؟

يقين :افهمها كيف ما تفهمها 

راكان :صدقيني اني ملياش علاقه بالموضوع ..دوري على غيري احسنلك احسن ما ضيعي وقت 

يقين :همم وشن يدير عندك القناع ؟

راكان :اني بروحي نصدمت لما شفته 

يقين :هممم 

........

جيداء :ميليسا هذيم ليهم ساعه يهدرزو ؟

ميليسا :البنت هذي شكلها تبي تموت ناقصه عمررر

جيداء :لازم نوقفوها لعند حدها من حاسبها روحها هذي 

نزار :خليها عليا 

ميليسا :جربناك ما درتش شي لقيناك شفتي نتيجه بعينك صحح 

..................

نهاد تصور في بث على انستا ..

وجايب نسبه مشاهده قويه ..من ضمنهم ليلى وسراج يتفرجو عليه ..

....

......

في المحل..

سراج :اووف شن هالفلوس لي طايحين فيها 

السيد :السلام عليكم

سراج :عليكك بخت 

السيد :احمم سرااج 

سراج نخلع:نعم نعم 

السيد :نوض جيب لي باكو دخان بدل هالتقعميزه يا مدهوب الشيرة 

ملاحظه : السيد يكون بو عويشه +عويشه تمشي للمدرسه بدون علم بوها..بس امها تعرف ..وبوها لو عرف مش ح يخليها عشان زي ما نعرفو ان المدرسه ليها ايد في الحادث..

السيد يتمتم :شن كان داهبله شيرته الفرخ .."وقرب على التليفون وطاحت عينه على عوييشه ..."...طاار عقله وفار دمه ..مشي يجري طووول لي مرته ورفعها لي المدرسه ..يدور في عويشه 

السيد :عوويشه عويييشه 

مرته :اسسس تو نلقوها فضحت بينا الناس 

السيد :هدا زعميته ماشيه تقرا مع يقين ..هكي ادير تستغفل فياا

مرته :المدرسه دايره حفله بسس 

السيد شبحلها : شنوو وحتى انتي تندري يعنيي 

مرته ارتبكت 

السيده :عوويششه "ولقاها شدها من شعرها "

شافه خليل جاه يجري 

خليل :خوي السيد اهفت شن قاعد ادير 

السيد :وحتى تندري يا خليل ؟؟..حسابك بعدين حسابك بعدييين

خليل :يا حول الله استغفر الله وخلاص 

........

-وقعدت عويشه حديث الموسم ..كلهم يتهامزو ويحكو عليها ويضحكو ...فضيحه عاد ولقاها بلوشي 

.......

تاني يوم 

ميليسا :اليوووم جنازتتتك يا يقين ح تشوفيييي 

نزار :اهي جت ..اذكر القط يجيك ينط 

.....

يقين :اووف لازم نكلمو عمي السيد لازم يفهم ان لي يدير فيه غلط 

بوبكر :بنمشي توا بنلعب مع الولاد كوره 

يقين :تمام 

-مشي بوبكر بيلعب معاهم قعدو يضايقو فيه ويطيحو فيه 

بوبكر :خلوني نلعب خيركم 

راكان غمز لي نزار 

راكان :تمام خود كوره هي 

-وقعدو كل ما بياخد الكوره يطيحو ويضربوه 

-يقين ضايقت ..حاسه ح يصير شي ..

اخخ خلي نمشي نحط كتاباتي في الخزنه ..

وبالفعل مشيت نحط في كتاباتي ..طبعا الخزنه هي في دار المسبح ..وشوي تخش وراي ميليسا ونهاد وجيداء وهيفاء 

ميليسا :همم اظن عارفه انه راكان اني وياه مرتبطين..ليش تتلصقي؟

يقين :شن تقطفي 

ميليسا :همم شن نقطف؟..وامس مني كان لاصق فيه ؟..ولا مني لي راكب في سيارته وماشي معاه لي كافي لاتي !؟

يقين قلبت عيوني :اوووف مش محتاجه نبرر ..بري اسألي حبيبك 

ميليسا :همم "وغمزت لي هيفاء "

هيفاء فكت مني تليفوني ..وعطاته لي ميليسا 

يقين :هاتييي تليفون ميليساا 

ميليسا غمزتلهن ..طول شدني كتفني ..

:همم يا سمحه قولييي شن الرمز 

يقين :بلا وقاحه وهاتي التليفون 

ميليسا :ما تحرقيش دمي وقولي الرمز 

هيفاء شدتلي شعري بقوه :قولييي 

يقين :ااه 1500 

ميليسا :همم ما تكوني قنيننه من الاول ..ايي ابدو يا بناتتت 

-قعدت يريشن في دبشي وشعري 

يقين :حولننن شن قاعدات اديرنن "كل ما نقاومهن يزيدن ..وميليسا تصور ..اني من هول موقف لقيت روحي نعيط بس وهن يزيدن بسس "

.......

في الجيهة التانيه مكتفين بوبكر ويضربو فيه ويشركو في دبشه ..شوي هرب منهم لحقوه وزادو ضربوه ..لقي قدامه عزيز وراكان 

بوبكر :عززيز راكان ساعدوني حد يساعدنيي

-مكتفينه ويضربو فيه 

-شوي وشدوني اني ورفعوني لي بوبكر ..

ميليسا :همم شن يكون العنوان مع صور هادو ؟؟..قض.يه تح.رش ؟؟..ولا علاقه غرام !!

مش من الاول قلتلك يقين اهفتيي ما تنبشيش ورانا ..مش كان هفتي خيرلككك 

-فكوني لبنات ..طحت ..طول نضت وضربت ميليسا 

ميليسا :قصدك انتي قاااعده تقاوميي ؟..تمام ح انزل صور هذين على حسابببك في الانسان يا هانم تماام 

بوبكر :لا ميليسا لاا ..يقين تكلمي خيرك ساكته 

يقين :مش ح نجدا حدد 

نزار :يا وحش هه ..تمااام زيدي صكري راسك ح تشوفي شن يصير فيك 

-يقين ..مش ح نبكي مش ح نبكي مش ح نبين ضعفي ..

بوبكر :خلااص خلاصص نوعدكم معاش نبحثو على قضي.ه هذي بس ما تنزلوش 

ميليسا :همم عرض مغري 

نزار غمزلها :بس نفكروو قبل ..

ميليسا :لكن يقين ضربتني ..كسرتلي قلبي هك..لالا ح انزل 

-اني جبدتها من رجلها وطيحتها ميليسا 

نزار :ح تشوفيي شن ندير فيك تمام 

-شوي ورن جرس تنبيه 

ميليسا ناضت خايفه :حرريق اهربوو اهربوو 

-كلهم طلعو والكلب نزار ياخد دبشنا ويصكر علينا الدار بالمفتاح ...

-اني نهرت وقعدت نعيط ساعدونااااااا ..

• يتبع الفصل التالي اضغط على ( رواية اسمعني ) اسم الرواية