رواية حلم كاملة بقلم ايمان شرقاوي عبر مدونة دليل الروايات
رواية حلم الفصل الثالث 3
ادهم بحنان :علي فكرة لمحة الحزن اللي في عيونك دي مش هتعدي عليا اكيد .
حلم : انا بفكر اسيب التعليم يا أدهم .
ادهم بصدمة وعصبية : نعم يا ختي .....وبهدوء ... ايه اللي حصل يا حبيبتي انا مش متعود عليك ضعيفة كده .
حلم بدموع : اللي حصل .... وتحكي لادهم كل شئ .
ادهم بغضب : وانت ازاي تسمحيلهم يكلموكي بالطريقة دي .
حلم بحزن : دول مهما كان اصحابي يا ادهم وكنت عاوزة افهمهم بهدوء .
ادهم بحنان : يا حبيبتي انتي فاهمة موضوع الصداقة غلط الصديق اللي يقلل من صديقه ويكسر قلبه ويسخر منه ميبقاش صديق بالعكس ده يبقي عدو ليكي ولازم تبعدي عنهم عشان مش هتلاقي منهم خير أبداا ... الصديق اللي بجد هو اللي يوقف جمبك في كل حالاتك ... هو اللي يحافظ علي احترامك في حضورك وغيابك... ونصيحة من اخوك ابعدي عنهم ماشي وركزي علي دراستك خلاص فاضل اخر سنة وتبقي اجمل دكتورة وتحققي حلمك وحلم بابا وماما .
حلم بأمل : حاضر يا ادهم هسمع كلامك... وبفرحة خلاص هبقي دكتورة هييييييييييييييييييه .
ادهم بضحك : ربنا يفرحك دايما يا مجنونة .
حلم وهي تحتضنه : ربنا يخليك ليا يارب يا غالي وتفضل سندي العمر كله.
حلم ببراءة : ادهومتي القمر .
ادهم وهو يضيق عينيه : استر يارب .
حلم بهدوء : هو بابا اكل الايس كريم بتاعه ولا لسه .
ادهم بشماتة : اكله كله ... فيه حاجة ولا ايه .
حلم بضحك : فلت مني المرة دي .
ادهم بضحك : نصيبك في التلاجة يا زءردة .
حلم بفرحة : يعيش ادهم يعييييششش .
عند شيماء .... في عيادة الدكتور
عبد الله والد شيماء : خير يا دكتور بنتي مالها .
الدكتور بهدوء : بنتك عندها كام سنة يا حاج .
عبد الله : اربعة وعشرين سنة .
الدكتور : متجوزة بقالها قد ايه .
عبد الله : بقالها 8 سنين وعندها 4 اولاد وبقلق هو في حاجة ولا ايه .
الدكتور بغضب : انت السبب في تعب بنتك ده... اللي زيها لسه متجوزش المفروض ازاي واحدة في السن ده متجوزة ومعاها 4 اولاد ... بنت حضرتك اتجوزت بدري وخلفت بدري وده ادي الي ضعف عام في عضلات الجسم بسبب صغر سنها جسمها مستحملش الحمل والولادة اكتر من مرة ودلوقتي مفيش في ايديكم غير الدعاء ليها .
الاب بقلق : طيب مفيش علاج يا بني اي حاجة نقدر ننقذها بيها .
الدكتور : للاسف مفيش في ايدينا حاجة دلوقتي هيا تستمر علي العلاج ده وربنا يسهل .
الاب بحزن : حاضر يا دكتور .
عند حلم ..... تقتحم غرفة ادهم .
حلم بصراخ : ادهمممممم .
ادهم بفزع : ايه في ايه .
حلم بفرحة : حفظت سورة الكهف .
ادهم وهو يضربها بالمخدات : منك الله خضتيني .. وبعدم فهم يعني عاوزة ايه دلوقتي .
حلم بخبث : تسمعلي اولا وثانيا بقي ال 500 جنيه اللي وعدتني بيهم لو حفظت السورة .
ادهم بتمثيل النسيان : انا مش فاكر اني وعدتك بحاجة زي كده .
حلم بصراخ : ادههههمممم .
ادهم بانزعاج : خلاص افتكرت ... هاتي يا ستي المصحف .
عند احلام ......
احلام : انت هتنام يا عبد الرحمن .
عبد الرحمن بهمس : الحق ارتاح شوية قبل قنبلة الازعاج ما تيجي هيا مشغولة مع ادهم دلوقتي .
احلام بضحك : دايما بتحب تنكشك كده وبعدين استحمل بقي مش انت اللي مدلعهم .
عبد الرحمن بحب : ربنا يباركلنا فيهم وافضل ادلعهم العمر كله احنا لينا مين غيرهم وبعدين الحمد لله متربين تربية سليمة وحافظين ربنا يبقي لازم ادلعهم وافرحهم طالما مش بيعملوا حاجة غلط .
احلام بحنان : الحمد لله ربنا يحفظهم ويفرحنا بيهم يارب .
عبد الرحمن : امييين يارب .
احلام بضحك : فاكر خناقتها وهي في 6 ابتدائي مع احمد ابن صباح جارتي .
عبد الرحمن بقهقة : ودي حاجة تتنسي .
فلاش باك .
حلم في طريقها للبيت بعد انتهاء اليوم الدراسي .
احمد " احد جيرانها طالب في الصف الاول الاعدادي ": حلومتي العسل عامله ايه ياقمر النهاردة .
حلم بغضب : حلومتك ....خليك في حالك يا بابا لحسن تندم بعد كده .
احمد بسخرية : يا ماما الحقيني اصل حلم خوفتني .
حلم بخبث وهي تفتح شنطتها : خلاص انت حر ... اخذت من شنطتها كثير من الحجارة الضخمة واخذت ترمي بها احمد .
احمد بصراخ وهو يجري : خلاص يخرب بيتك كنت بهزر اااااه ..يصرخ احمد بعد اصطدام قدمه باحد الحجارة .
حلم بتصميم : ابداااا والله يا نا يا انت النهاردة وبتريقة تعال يا احمد هنا كلم حلومتك .
احمد بصراخ : يا ماما ....... يا ماما .
عودة من الفلاش باك .
عبد الرحمن بضحك : الشارع كله حاول يقنعها تسيبه وهيا ابداا مرضتش تسيبه غير والواد يا عيني دماغه مفتوحة .
احلام بلوم : وانت عملت ايه جبتلها شكولاته وحضنتها .
عبد الرحمن : اولا جرح الواد كان سطحي ومش خطير ثانيا هي مغلطتش انا لو عاقبتها كانت دلوقتي هتتساهل مع الناس كلها كده احسن انا علمت بنتي ازاي تحافظ علي نفسها من الكل وادي الدليل قدامك الشارع كله معجب با اخلاقها وتربيتها وبعض البنات بيعتبروها قدوة ليهم .
احلام بموافقة : فعلا الحمد لله ربنا يحفظها ويسعدها يارب ... وبضحك انت عارف احمد لم بيشوفها في الشارع دلوقتي بيرجع يعدي من شارع تاني .
عبد الرحمن بضحك : يستاهل عشان يتربي .
خبط علي الباب وصياح حلم من برا افتحي يا مامااااا .
عبد الرحمن بحزن مصتنع : مفيش نوم خلاص .
احلام بضحك : قدرك بقي .... وتفتح الباب .
حلم بفرحة :بابا ...................
عبد الرحمن بصدمة : ايييييييييييييييه .
- يتبع الفصل التالي اضغط على ( رواية حلم ) اسم الرواية