رواية كيان الصقر كاملة بقلم روني
رواية كيان الصقر الفصل الرابع 4
الدكتورة : لازم نبلغ البوليس لأن دى حالة اغتص”اب
صقر بغضب سحب سلاحه ورفعه ف وش الدكتورة: حالة ايه
الدكتورة : أهدى يا صقر بيه هي محصلهاش حاجه
صقر : حالتها ايه دلوقتي
الدكتورة : هي كويسه بس فيه كدمات فى وشها هتروح بسرعه وهي شويه وهتفوق
صقر ببرود : تمام وسابهم ودخل اوضة كيان
سويلم : معلش يا دكتورة احنا اسفين على اللى حصل
الدكتورة بخوف : لا عادى هو انا ممكن امشى
سويلم : ايوه طبعا والعربيه تحت هتوصلك مكان ما تعوزى
الدكتورة مشيت والكل دخل اوضة كيان وكان صقر قاعد على كرسى جنب سريرها ومتابعها بهدوء
سعيد بغضب : اخوك فين يا صقر
صقر : سليم هيجيبه
كريم : اوعى تكون عملت فيه حاجه
سعيد بغضب : ده أقل واجب يتعمل مع ابنك بعد اللى عمله ف بنتى أنه يتقتل وانت خايف عليه
الباب خبط ودخل سليم
سليم : كيان كويسه
صقر : كويسه
سعيد بغضب : مالك فين
سليم بتوتر : اصل
صقر بتركيز : اصل ايه
سليم : هرب منى
صقر قام بعصبية ومسكه من قميصه : هرب ازاى يعنى
سليم : معرفش انا كنت ساحبه معايا ولسه هركب العربيه لقيت حد خبطنى وجرى معاه وحاولت الحقه معرفتش
كيان بدأت تفوق واول م فتحت وشافت الكل حواليها اتخضت
كيان بخوف : فيه ايه
ورد قعدت جنبها
_ أهدى يا حبيبتى انتى كويسه ومحصلكيش حاجه
كيان بصتلها باستغراب وثوانى وافتكرت اللى حصل وبدأت تعيط وسعيد قعد جنبها م الناحيه التانيه واخدها ف حضنه
_ أهدى متخافيش انا جنبك
صقر ببرود خارجى : ممكن نعرف ايه اللى خلاكى تهرب*ى بالطريقة دى يا كيان هانم
كيان بغضب وصوت عالى : انا مش عامله حاجه غلط عشان اهرب و٠٠٠٠٠٠
صقر قاطعها ومسكها من شعرها ونطق بغضب
_انتى ليكى عين تعلى صوتك بعد اللى عملتيه
ساب شعرها وبعد وهو بيضر*ب الكرسى برجليه وكمل
_ عارفه كان هيحصل ايه لو مكنتش لحقتك
كيان ببكاء : انا مكنتش اعرف ان ده هيحصل انا كنت هلبس عشان ورد قالت إن المأذون على وصول لقيت مالك بيتصل وقال إنه عمل حادثه وهو راجع من القاهرة وهو فى بيت فى اخر البلد و انا قولتله هقول اصبر يجيلك قالى لا مش عايز حد يقلق
ورد : والدم اللى كان على فستانك
كيان بحرج : وانا بنزل من الشباك اتعورت والفستان اتقطع ف غيرته ومشيت
صقر : اسمها وهربت من الشباك زى الحراميه
سويلم : خلاص يا صقر ووجه كلامه ل كيان
_وانتى يا حبيبتي ارتاحى ومتقلقيش من حاجه وورد هتفضل معاكى هنا
الكل نزل وورد فضلت معاها
ورد : هجيبلك هدوم تاخدى شاور وتغيرى عشان ترتاحى
كيان هزت راسها بمعنى ماشى وهي بتعيط
ورد بهدوء : صقر مش هيسيب حقك متخافيش
كيان بخوف : خايفه يقت*له
ورد بعصبية: انتى لسه خايفه عليه بعد كل اللى عمله فيكى
كيان بسرعه : لا انا خايفه على صقر ومش عايزاه يورط نفسه
ورد : متخافيش صقر عارف هو بيعمل ايه
عند مالك
نايم والدكتور بيخيطله الجرح اللى ف وشه ومحمود جنبه
محمود : قولتلك بلاش
مالك بوجع: ورحمة امى ما هسيبه
محمود : تانى
مالك : تانى وتالت ولو فيها موتى بس هو ميفرحش يوم واحد
محمود : سيب الموضوع ده عليا انا
مالك : هتعمل ايه
محمود : هقولك ……..
مالك ابتسم بخبث : مطلعتش سهل
محمود : منكم نتعلم
تانى يوم
كريم : ايه اللى عملته ده يا ز*فت
مالك : ملحقتش اعمل حاجه.
كريم : صقر لو شافك هيقت*لك
مالك : مش هيقدر وبعدين انت معاه ولا معايا
كريم : انتوا الاتنين ولادى
مالك : بس هو ابن الست اللى سابتك وهربت وجابتلك العار ف البلد ولا نسيت
كريم بعصبية: متجبش السيرة دى تانى
مالك : ماشى عندى خطه هتخلي كل حاجه ليك انت وبإسمك
كريم : ايه هي
مالك : اسمع………
الكل صحى ونزل ماعدا كيان ولقوا مالك تحت
صقر: كويس انك جيت برجلك ولسه هيضر*به كريم أتدخل
_ استنى اسمعه
مالك : انا عارف انى غلطان بس مكنتش قادر اشوفك وانت بتاخدها منى كده وانا بحبها بس خلاص هي من دلوقتي زى ورد بالظبط واوعدك مش هاجى ناحيتها
صقر بص لسليم وبعدها اتكلم
مالك قرب منه وحضنه : انا اسف ياخويا
صقر بعد عنه ومالك اتكلم
_هطلع اغير واجى عشان اروح الشركه
كيان كانت قاعده فى أوضتها وفجأة الباب اتفتح ولقيت مالك قدامها وبيبصلها بشر و………….
- يتبع الفصل التالي اضغط على ( رواية كيان الصقر) اسم الرواية