رواية حلم كاملة بقلم ايمان شرقاوي عبر مدونة دليل الروايات
رواية حلم الفصل الخامس 5
الام بغضب : انتي مين يا بتاعة انتي وازاي تتدخلي بيني وبين ابني .
حلم بصدمة : اااااانتي بتشتميني وبعدين يا ستي انا حلم معلمة القرآن بتاعت عمرو وعاوزة اتكلم معاكي شوية .
الام بزهق : اهلا يا ختي بس انا مش فاضية الصراحة وبغضب هو الولد ده عمل حاجة .
حلم بحزن علي عمرو : بالعكس عمرو ده شاطر خالص وولد مؤدب جدا ممكن اتكلم معاكي بقي .
الام بموافقة :طيب اتفضلي ........ ها ادينا وحدينا في ايه .
حلم بهدوء : انا شايفة ان مش معاك غير عمرو اومال ليه الولد حاسس بالمعاناة دي معاكي .
ام عمرو : معاناة ايه يا عنيا ابن بياكل احسن أكل وبيلبس احسن لبس ناقصه ايه بقي .
حلم بحزن : حضرتك انك تحسسيه انك بتحبيه وخايفة عليه وواقف جمبه احسن من مليون اكلة حلوة ... انك تفرحي لم يفرح وتوقفي جمبه لم يزعل احسن من اللبس اللي بتقولي عليه .
ام عمرو بغضب : انتي جايه تعلميني اربي ابن ازاي اناااا ...
حلم بمقاطعة : ابنك مريض .
ام عمرو بخوف : ايييه انتي بتقولي ايه .
حلم بحنان : يا حبيبتي ابنك تعبان حاسس انه ملوش حد حاسس انك بتكرهيه بيقعد يشوف الاطفال مع امهاتهم قدام المسجد وعيونه مليانة دموع انتي ليه بتعملي فيه كده حرام عليك ده طفل .
ام عمرو وهي تنفجر باكية : مش انا السبب والله مش انا .. انا تعبت مش عارفة اعمل ايه هو السبب مش انااا .
حلم بتهدئة : اهدي طيب مين السبب وان شاء الله نلاقي حل .
الام بحزن : ابووه ... ابو عمرو مش بيشتغل انا اللي شغالة وعشان مكملتش تعليمي ملقتش شغل غير في مدرسة جمبنا هنا ك عاملة نظافة اليوم كله في المدرسة بشتغل من هنا لهنا وبطلع وانزل في اليوم مية مرة لم برجع البيت بغير هدومي واشوف طلبات البيت والطبيخ ....الخ باجي علي العصر مبقدرش حتي اتكلم ببقي مخنوقه وتعبانه لم بيجي عمرو من المسجد بيبقي عاوز اسمعله واذاكرله بس مش ببقي قادرة اتحرك حتي عشان كده بزعق فيه عشان يسيبني لوحدي .
حلم بدموع : يا حبيبتي ربنا يصبرك ويعينك يارب ....بصي نصيحة مني حاولي تقربي منه شويه وحاولي تقعدي معاه وتحسسيه انك بتحبيه وانا ان شاء الله من دلوقتي هحاول اشوفلك شغل يكون كويس ان شاء الله خير .
ام عمرو با بتسامة : انتي طيبة جدااا زي ما بيقول عمرو عليك ربنا يحفظك يارب .
حلم بطيبة : ربنا يباركلك يارب يا حبيبتي .... يلا نشوف عمرو .
بعد شوية وهي تحتضن عمرو
الام : انا بحبك اوي اوي يا نور عيني انا اسفة اني زعلتك .
عمرو بسعادة : وانا بحبك اووووي يا ماما انا فرحان اويييي عشان انتي بتحبيني .
الام بدموع : بحبك اكتر من اي حاجة في الدنيا .
مساءا عند حلم .
عبد الرحمن بحنان : يومك كان عامل ازاي النهاردة يا زءردة .
حلم وهي تقبل يده : زي الفل يا حبيبي متقلقش عليا بنتك اسد .
عبد الرحمن بحب : انا واثق من كده .
احلام بضحك : حذروا فزروا مين اللي عمل الكيكة دي .
ادهم بحب : اكيييد انتي يا ست الكل .
احلام بحنان : لا يا حبيبي دي عمايل حلم .
ادهم بفزع : ايييييييييييييه ..طب يا جماعة انا افتكرت مشوار مهم عن اذنكم.
عبد الرحمن بحسرة : مش حافظ رقم الأسعاف شوفه معاك كده يا ادهم .
احلام بمساندة لحلم : طب علي فكرة الكيكة حلوة جدااا كفايه انها من ايدين حلم .
حلم وهيا تحتضنها : بحببك يا ماما .
عبد الرحمن بحب : اكيد حلوة مش حلم اللي عاملها .
ادهم بضحك : يلا نجرب .
بعد شوية .
عبد الرحمن وهو يقبل رأسها : حلوة جدااا يا حلم تسلم ايدك... بس المرة الجايه ابقي استني عليها في الفرن شوية .
حلم بسعادة : بجد يا بابا هييييه اخيراا عملت حاجة حلوة .
ادهم واحلام : تسلم ايدك يا لوماااااا جميلة جدااااا .
حلم بفرحة : ده هغرقكم كيكة من دلوقتي ... بعد اذنكم بقي هدخل انام عشان مرهقة شوية تصبحوا علي خير .
الجميع : وانتي من اهل الجنة يا حبيبتي .
بعد رحيل حلم .
ادهم : الفوار بسرعة يا ماما .
احلام بضحك : مش للدرجة دي يا ادهم ... وبعدين مقلتوش ليه الحقيقة قدامها بدل المنافقة دي ها .
عبد الرحمن بحب : مش لازم يا احلام نكسر بخاطرها ونقولها وحشة كده مرة واحدة لازم نراعي تعبها ونراعي انها فكرت واجتهدت عشان تعمل حاجة تفرحنا .
ادهم بتكملة :فعلا يا ماما كفاية نشوف الفرحة اللي في عيونها انها عملت لينا حاجة صحيح المرة دي مش مستوية كويس المرة الجايه هتبقي اجمل وان شاء الله في تقدم .
احلام بدموع وهيا تحتضنهم : الحمد لله علي وجودكم في حياتي ربنا يحفظكم يارب .
عبد الرحمن بمشاكسة : اوعااا يا ولد متحطش ايدك عليها .
ادهم بعند : لأ دي امي يا حاج مليش دعوة .
عبد الرحمن بغضب مصتنع :قوم يا ولد احسنلك .
ادهم : لا يعني لا .
عبد الرحمن : يا ابن .....
احلام بضحك : باااااس خلاص انا اللي همشي .
عبد الرحمن : لا يا حبيبتي ادهم اللي هيمشي .
ادهم بضحك : كان نفسي اعاند بس ميعاد نومي خلاص تصبحوا علي خير
عبد الرحمن بحب : كده يا باشمهندس من غير ما ترمي السلام حتي .
ادهم وهو يحتضن والده : مقدرش يا بابا انام من غير ما احضنك طبعا ده شئ اساسي ربنا يحفظك لينا يارب .
عبد الرحمن بحنان : ربنا يباركلك يارب يا بني .
في صباح يوم جديد عند رحمة صديقة حلم .
يرن جرس الباب وتذهب لتفتح الباب وتجد زوجها ومعه فتاة اخري .
رحمة : مين دي .
محمد ببرود : مراتي .
رحمة بصدمة :.............
- يتبع الفصل التالي اضغط على ( رواية حلم ) اسم الرواية