رواية زين الصعيد كاملة بقلم دودي عبر مدونة دليل الروايات
رواية زين الصعيد الفصل الحادي عشر 11
وفوقت من سرحاني علي صوت جمبي بيقولي ازيك ي ملك
ملك بتبص تشوف مين ده طلع احمد بس ملك مردتش
احمد :إيه طاب ردي طيب
ملك بضيق :نعم عايز إيه
احمد :عايز اتكلم معاكي
ملك :اظن مفيش بيني وبينك كلام علشان نتكلم
احمد :لا في وانتي عارفة كويس اووي انا اقصد اي
ملك وهي بتحول تتملك أعصابها علشان متلفتش نظر الناس اللي في العربية ليها وبتقول لأحمد لا حضرتك معرفش قصدك اي واللي في بالك ده واتكلمت معايا فيه مرة اظن أنك عارف رأيي كويس اوي ولا اي !اه وعلي فكرة أنا متقدملي عريس ووافقت انت مين اصلا علشان اتكلم معاك انت ولا حاجة مش شايف نفسك عامل ازي بلا قرف انا مشفقة عليك والله بشكلك ده انت شما*م عارف يعني اي شما*م خلي عندك دم بقا يخي واتفضل انزل بكرمتك أحسن بدل م ازعق وأخلي الناس تتفرج الفرجة اللي بجد
احمد وهي بيبصلها بنظرة توعد وعصبية :تمام اووي بس خليكي فاكرة الشما*م ده ممكن يعمل ايه دي المرة التانية اللي جيت واتكلمت معاكي وكل ما بفكر في حاجة برجع فيها تاني وبقول تيجي بالطيب وبالذوق احسن ما تيجي بالعافية بس واضح أن الطيبة مش جاية معاكي سكة انا همشي وخليكي فاكرة كويس المرة دي واه مبروك ي عروسة علي العريس ابقي اعزميني بقا وبيبصلها بشر سلام ي حلوة.......ونزل من العربية
ملك وقلبها بينبض من طريقة كلامه مش عارفة هو فعلا هيبعد عنها بجد !بس لحظة دي طريقة كلامه مختلفة وغريبة متعصبش لما قالت إن متقدم لها عريس
ملك في نفسها :يارب انا زهقت بجد مش عارفة اعمل اي ومحتارة تعرف أهلها ولا لا وان احمد بيطردها بتقول علشان جارها وكدا وبيشوفها علي طول قدامه فده اللي خلاه يحبها وبعدنا احمد مين ده اللي افكر فيه بس هي ناقصة قرف
ومحطتش في دماغها وفاقت علي صوت السواق وبيقول يلا ي حضرات أخرنا هنا ونزلت ملك علي المستشفي ...
.....................
ماجد :اذيك ي عمي
عز الدين بحب :أهلا اهلا عامل اي ي ماجد ي بني
ماجد :الحمد لله ي عمي كويس اومال فين جنة
عز الدين :لسه موصلتش السواق راح يجبها زمانها جاية في الطريق تعال نقعد برا في الجنينة لحد م توصل
ماجد :ماشي يلا
وراحوا الجنينه وماجد استغل الفرصة أن هو لوحدهم وافتكر كلام خالد له
ماجد :احم بقولك ي عمي عايز اتكلم معاك في موضوع كدا
عز الدين :موضوع اي!
ماجد :انا بقول لو نقدم ميعاد كتب الكتاب يعني ده بعد اذنك
عز الدين بتفكير :والله ي ماجد معنديش مانع بس ده قرارك انت وجنة
ماجد :م انت الخير والبركة كمان وجنة لو فتحت معاها الموضوع هتفضل تبرر زي م بتعمل كل مرة إنما حضرتك هتعرف ازي تقنعها
عز الدين :انا مش عارف اقولك ايه بس هحاول اتكلم معاها
ماجد :انت عارف كمان يعني أن انا وجنة علاقتنا ببعض مش قد كدا وكل م بحاول اقرب لجنة واتكلم معاها تتحجج ومش بنشوف بعض غير في الشغل ولو نزلنا إجازة مش بتخرج
عز الدين :انا عارف كل ده خلاص سيبلي الموضوع ده وانا هتكلم معاها
ماجد بضحك :ياللي دايما نصفاني وفي ضهري انت ي حلو
عز الدين بضحك : ماشي ي بكش ...
...................وبعد شوية جاه حد من الخدم يبلغ عز الدين أن جنة وصلت ودخل هو وماجد
جنة بفرح وهي بتحضن والدها :حبيبي ي زيزو وحشتني اووي اوووي ووضعت ق*بلة علي خده كدا بلطف
عز الدين بحب :وانتي كمان ي قلبي حمدالله ع السلامة
جنة :الله يسلمك ي زيزو
عز الدين :ايه مش هتسلمي علي ماجد ولا اي
جنة :اه سوري مخدتش بالي اذيك ي ماجد
ماجد :الحمد لله وحشتني ي جنة
جنة بإبتسامة من تحت ل تحت كدا :اه ميرسي
عز الدين لاقا أن مفيش كلام فبص ل جنة وقال شوفتي ي جنة ماجد اول م عرف انك جاية قرار يجاي يشوفك ويطمن عليكي
جنة بضحك :بجد هو اللي جاه برضوا ي زيزو وبتغمز له
عز الدين :اه طبعا اومال اي يلا اطلعي غيري هدومك وانزلي علشان نتغدا سوا وانا هقول ل جميلة انك وصلتي
جنة بضحك :متتعبش نفسك ي زيزو جيجي اول واحدة شافتني اصلا اول م دخلت وانتوا قاعدين برا في الجنينه
يلا هطلع انا بقا خد بوسة في الهوا اهي اههههههه...
عز الدين بضحك :اه ي مجنونة
بعد شوية كانت جنة غيرت ونزلت وكلهم قاعدوا علي السفرة علشان يتغدوا وفي وسط الغدا
عز الدين :بقولك ي جنة بعد الغدا ماجد قالي انك هتخرجي انتي وهو تتفسحوا
جنة:لا ي بابا مش هقدر عايزة انام شوية
عز الدين :انتي قمر اهو وبعدنا اخرجي اتفسحي شوية بقا انتي واخدة الإجازة علشان تنامي
ماجد :خلاص ي جنة لو مش حابة براحتك بس فكرت نخرج سوا م دام نزلنا إجازة نقضيها مع بعض
عز الدين بحب : وجنة مش قالت حاجة يلا خلصوا اكل وأخرجوا سوا استمتعوا كدا ...
ماجد :حاضر ي عمي
جنة بتبص لابوها بنظرة توعد اللي هو طيب بس لما ارجعلك بس ماشي ي زيزو
..................
الممرضة داخلة عند زين
الممرضة :صباح الخير ي فندم
زين :صباح النور
الممرضة : اتفضل ميعاد الدواء بتاع حضرتك
زين بإستغراب :اومال فين الدكتورة جنة
الممرضة :الدكتورة جنة نزلت إجازة
زين :إجازة!طاب هترجع امتا
الممرضة : والله معرفش للأسف
زين :طيب خلاص ماشي
الممرضة أدت لزين الدواء وخرجت ...
..................
جنة بعد م خرجت مع ماجد ورجعت البيت
طلعت علي أوضتها خدت شاور ولبست بيجامة لطيفة كدا كيوتة ورفعت شعرها فوق كحكة وقعدت علي السرير وجابت رواية من الروايات اللي في المكتبة بتاعتها تقرأها وهي بتقرأ ومندمجة اووي مع بطل الرواية ومشدودة له كدا مع الاحداث
لقت ملك بترن
جنة :الو
ملك :الو ي نادلة بقا كدا تنزلي إجازة ومش تقوليلي ماشي
جنة بضحك :والله واحشني ي بت ي ملك اعمل اي نزلت فجأة كدا والله
ملك :ي سلام فجأة برضوا ي كدابة
جنة بضحك :اخس عليكي ي ملوكتي انا برضوا هكدب عليكي يعني طمنيني عاملة اي
ملك :الحمد لله بس برضوا زعلانة منك
جنة بضحك :لا لا بقا ملك ام شبر ونص زعلانة مني طاب يصح ي جدع برضوا هههه
ملك : طيب يختي بقولك اي اخلصي هشوفك امتاا
جنة : نتقابل بكرا مش حوار يعني
ملك : اممممم هفكر
جنة بضحك :تفكري! اه قولتيلي يلا سلام ي بت فصلتيني من الرواية
ملك :اه هي الحلوة كانت بتقرأ رواية بقا علشان كدا مش فاضيلي وبتقولي اقفلي والله الروايات دي هتأكل عقلك إن شاء الله
جنة بسرحان :وماله انا عايزاها تأكل عقلي انتي اللي فاهمك في الروايات ده عشق متيم اووي متعرفيش يعني اي رواية يكون البطل كدا فيه حلو وقمر والبطلة كمان ويقبلوا بعض صدفة ويشاء القدر يتجمعوا ياااه نفسي اووي اعيش في رواية واكتبها واحكيها كدا رواية اكون انا البطلة بتاعتها يااااااه
ملك بضحك :اههههه روحي نامي بطلي أحلامك دي يما بلا بطلة بلا جزره اههههههه
جنة :ماشي ي ظريفة فصلتيني خالص كان لازم ترني يعني دلوقتي
ملك : فصلتك يعني دلوقتي طاب انا ولا الرواية بقا
جنة بضحك :سيد عيب متقولش كدا الرواية طبعا
ملك :اتصدقي انك غلسه سلام ...وقفلت
جنة بضحك :يلهوي عليكي مصاحبه قموصة انا عارفة
ملك قفلت وجنة فضلت ماسكة الفون تقلب فيه شوية
وهي بتقلب وبصدمة شاهقت مرة واحدة وبتقول ايه ده معقولة !...
- يتبع الفصل التالي اضغط على ( رواية زين الصعيد ) اسم الرواية