رواية حلم كاملة بقلم ايمان شرقاوي عبر مدونة دليل الروايات
رواية حلم الفصل الثالث عشر 13
يجلس ادهم في الصالون مع والده والدته وحلم ووالدة سلمي في انتظار سلمي بعد فترة من السلامات والسؤال عن الاحوال تدخل سلمي حاملة صينية العصير وتبدأ بالتقديم للضيوف .
سلمي بتوتر: السلام عليكم ورحمة الله وبركاته .
الجميع : وعليكم السلام ورحمة الله وبركاته .
احلام بحب : بسم الله ماشاء الله بنتي القمر تعالي جمبي هنا يا حبيبتي .
سلمي بابتسامة لطالما احبت هذه المرأة الحنون : ربنا يخليك يا طنط .
احلام بحنان : بعد كده هتبقي ماما مش طنط .
سلمي بحب : ده شرف ليا يا طنط .
عبد الرحمن : احنا يا حاجة جايين النهاردة ويشرفني اني اطلب ايد الانسة سلمي لابني ادهم قولتي ايه .
فاطمة : ده شرف لينا يا حاج عبد الرحمن بس الرأي الاول والاخير لسلمي .
عبد الرحمن : ايه رأيك يا بنتي .
سلمي بخجل : انا عاوزة فرصة افكر كويس يا عمو ممكن .
عبد الرحمن بحنان : انتي زيك زي حلم بنتي وانا مش هعمل غير اللي في مصلحتك ومعاكي الوقت اللي عايزاه عشان تفكري كويس .
سلمي بامتنان : ربنا يخليك يا عمو ده شرف ليا .
عبد الرحمن : طيب انا ووالدتك وحلم والحاجة احلام هنقعد في الصالة هنا جمبكم عشان ادهم عاوز يتكلم معاكي كلمتين .
سلمي بتوتر : ك ك كلمتين اييه .
عبد الرحمن بضحك : اهو عندك اهو يالا بينا يا جماعة .
بعد خروجهم …
ادهم بهدوء : انا آسف .
سلمي بصدمة : آسف علي ايه .
ادهم وهو ينظر لها : آسف اني زعلتك زمان وقولت كلام مش كويس .. بس ربنا يعلم اني كنت خايف عليكي وكان نفسي تبطلي الشغل ده .
سلمي بدموع وضحك : يااه لسه فاكر الموضوع ده .
ادهم بحنان : مقدرش انسي أي حاجة تخصك .
سلمي بخجل وتوتر : ادهم انااا .
ادهم بمقاطعة : سلمي انا هقولك اهم حاجة دلوقتي … ربنا يعلم انا من امتي وانا بحلم باليوم اللي هتبقي فيه مراتي ووعد اني هتقي ربنا فيكي وهعاملك بما يرضي الله .. اتمني بجد انك توافقي معاكي مهلة اسبوع وهاخد الرد اناااااا.. وبصدمة حلم .
حلم بضحكة مكتومة : احم بابا بيقولك احنا هنمشي يالا .
ادهم بغموض : انتي هنا من امتي .
حلم بقهقة : من اول بحلم باليوم اللي هتبقي فيه مراتي …. ايه رايك يا سلومتي .
سلمي وهي تكاد تموت خجلا : حلللللللم بس بقي .
حلم بضحك : خلاص يا جماعة انا طالعة بكرامتي اهو .
بعد خروج حلم .
ادهم بهدوء : اتمني تفكري في كلامي كويس وصدقيني بتمني الرد يبقي ب موافقة .
سلمي بخجل : ان شاء الله خير .
……………………………………….
في منزل حلم … بعد عودتهم من عند سلمي في جو يسوده الهدوء والسعادة مهلااا لكن ما هذا ……………..
حلم بصراخ : يا مااااامااااا …. يا بااااابااا تعالوا شوفي ابنكم ده.
ادهم وهو يركض وراءها : استني هنا يا جزمة بقي انا تحرجيني قدام سلمي وتضحكي علينا البنت كانت هتموت من الكسوف .
حلم بضحك : اهدي بس يا دومي ده بابا اللي قالي استعجلك .
عبد الرحمن بضحك : ايوااا يا ادهم انا اللي قولتها اوماال كنا هنسيبك عند الناس .
حلم : الحمد لله براءتي ظهرت .
احلام وهي تشد حلم نحوها : بقولك يا بت كان بيقولها ايه .
ادهم بصدمة : مااااماااا .
احلام بتذمر : خلاص مش عاوزة اعرف .
…………………….. صلوا علي رسول الله ………………………..
عند رحمة
رحمة لنفسها: بقالي تلات ايام يعني حاطة السحر ومفيش حاجة حصلت … فأجاة الفون رن .
رحمة بغضب : ايوااا يا ورد ياريت تكوني جايبه خبر كويس المرة دي .
“” ورد احد جيران محمد ورضوي والصديقة المقربة لرضوي .. تأخذ من رحمة المال مقابل التجسس علي رضوي ومحمد ومعرفة جميع اخبارهم “”
ورد بقلق : والله يا ست رحمة حياتهم زي ما هيا وبقيت اجمل كمان مش عارفة في ايه .
رحمة بغضب : بقولك ايه تروحي عندها النهاردة وتعرفي السبب فاهمة انا مش هفضل ادفعلك فلوس وخلاص .
ورد بطاعة : حاضر النهاردة هروح عندها .
……………………………………..
صوت دقات علي الباب :…. تفتح رضوي .
رضوي بسعادة : ورد وحشاني اوي يا حبيبتي اتفضلي .
ورد بحب مصتنع : وانتي كمان يا حبيبتي عاملة ايه .
رضوي بطيبة : الحمد لله يا حبيبتي تعالي ادخلي محمد مش هنا وانا قاعدة وحدي زهقانة .
ورد : ايه ده طفشتيه ولا ايه .
ورد بضيق : اه طيب يا حبيبتي انا بس كنت عاوزة اسالك علي حاجة .
رضوي بحب : اتفضلي يا حبيبتي .
ورد : يعني بما انك بتصلي وقريبة من ربنا….. واحدة صاحبتي فأجاة طالعة من البيت لقيت واحدة جارتهم بترشلها حاجة علي باب البيت ف هيا خايفة ليكون سحر ولا حاجة تعرفيش تعمل ايه .
رضوي بحزن : لا حول ولا قوة الا بالله العلي العظيم … الناس بعدت عن ربنا وغرتهم الدنيا دول لو يعرفوا عقوبة السحر ايه هيندموا العمر كله وهيطلبوا ليل نهار المغفرة من ربنا .. ده اللي بيموت علي سحره ده بيبقي مات كافر والعياذ بالله واصبح من اهل النار .
ورد بملل : يعني في الاخر تعمل ايه يا رضوي مش فاضية .
رضوي :خليها تواظب علي سورة البقرة يوميا … طالما مواظبة عليها مستحيل حاجة تضرها حتي لو السحر دخل بيتها .
ورد بغموض : طيب يا حبيبتي هو انتي بتشغليها ولا ايه .
رضوي بطيبة : يوميا والله وساعات في اليوم مرتين بتدي طاقة ايجابية رهيبة وبتحفظنا من شرور السحر والشياطين السورة دي عظمة والله الحمد لله علي نعمة الإسلام .
ورد بضيق :………………
- يتبع الفصل التالي اضغط على ( رواية حلم ) اسم الرواية