رواية احببته اعمي كامله بقلم نور ابراهيم عبر مدونة دليل الروايات
رواية احببته اعمي الفصل الخامس عشر 15
وبدأت عشق تساع. الدكتورة فى انها تفك الشاشة من على عيونه أدهم و هناك المزيج من المشاعر المختلطة بداخلها بين الخوف والفرحة
الدكتورة : دلوقتى تقدر تفتح عيونك يا أدهم باشا
أدهم وهو بيحاول يفتح عيونه ولكن هناك ضباب من النور يعبر إمامه
عشق : أدهم انت شايفنى انا عشق يا أدهم
أدهم وهو بيبص ليها وهنا قد تمكن من رؤية ذاك الملاك البرئ الذى بدل سواد حياته
أدهم وهو بيمسك وشها بين ايديه : يااااه كان نفسى اشوفك اوى يا عشق كان نفسى اشوف الشخص اللى قدر يتملك من قلبى قبل م عينى تشوفه
الدكتورة : الف سلامة على حضرتك يا أدهم بيه مدام عشق كانت قلقانه على حضرتك اوى مبطلتش عياط
أدهم بضحك : هى عشق علطول كدا اى حاجة تعيط عليها زى الطفلة
عشق بتذمر : انا مش طفلة عفكرة
الدكتورة بضحك : طايب استأذن انا عشان اعرف حاتم باشا
أدهم: تمام وشكرا لحضرتك على تعبك معايا طول فترة العلاج
الدكتورة : وانا تحت امر حضرتك
وبالفعل خرجت الدكتورة وهنا لم يتماسك أدهم واخذ عشق بين احضانه
أدهم : عشق بجد انا عاوز اشكرك على كل حاجة عملتيها معايا وانك وقفتى جنبى كتير
عشق : انا اللى عاوزة اشكرك انك قدمت ليا حنان الاب و الأخ رغم القسوة اللى بتتظاهر بيها بس انا عارفة انك عكس كدا وقاطع حديثهم دخول حاتم وحسام ….
حسام بمشاكسة : احم احم احنا هنا يا عم الولهان
وهنا ابتعدت عشق بخجل احمرت له وجنتاها
أدهم : فى حاجة اسمها تخبط يا غبى
حسام : ماشى يا عم هعديها بس عشان انت لسه تعبانه واخذه بين احضانه وحشتنى اوى يا صاحبى
أدهم: انت اللى وحشتنى اوى كان واحشنى شكلك وكل حاجة بينا
حاتم : حمد لله على سلامتك يا بنى
أدهم بجمود : الله يسلمك اومال ماما فين
امينه : انا هنا يا حبيبى بس كنت بحاول اتصل على اخوك عشان اعرفه انك قومت بالسلامه كان خايف عليك اوى
أدهم وهو يأخذها بين احضانه : وحشيتنى اوى يا ماما وحشنى حضنك ويمسك وشها بين كفوفه و وحشنى كل تفصيلة عشتها معاكى فى طفولتى وكل حياتى
امينه بتظاهر الحنان : وانت يا حبيبى وحشتنى اوى
عشق : يلا يا أدهم عشان هتخرج انهاردة بس الدكتورة قالت لازم ترتاح
أدهم : ماشى بس انا هروح الشركة الاول قبل م نروح القصر
عشق : لا يا أدهم انت لسه تعبان
أدهم : معلشى يا عشق هعمل كام حاجة وبعدين هرجع القصر علطول
عشق : خلاص هاجى معاك مش هسيبك لوحدك طول م انت لسه تعبان
أدهم: تمام وانت يا حسام اسبقنا هناك واعمل اجتماع لكل العمال وانا و انت وعشق هنحضره عشان نقدر نشوف الغلط كان فين ومين اللى عمل تسريب لمعلومات الشركة
حسام : تمام يا أدهم هستأذن انا بقى
أدهم: تمام وانت يا بابا خد ماما و ارجعوا القصر كلها ساعتين وهرجع انا و عشق
امينه: بس انت لسه تعبان يا بنى
أدهم بحنيه : معلشى يا ماما مش هتأخر
امينه : ماشى يابنى وبالفعل توجه أدهم وعشق إلى الشركة و هناك الكثير من الخفايا تدور حولهم ..
***************** ****************
فى القصر …
امينه: كنت فين يا كريم وازاى تمشى من غير م تطمن على أدهم
كريم : لا متقلقيش انا مطمن انه هيموت
امينه : لا يا كريم عملية ادهم نجحت وخرج من المستشفى كمان وراح هو و الست عشق الشركة عشان فى اجتماع عاوز يحضره بنفسه
كريم بغضب: ايييييه اللى بتقوليه دا ازاى عايش انا متأكد ان أدهم هينتهى خلاص
امينه بشك : كريم انت اللى دبرت الحادثة دى ل أدهم
كريم بغل : ايوة انا و المفروض كان يموت بس ازاى عايش والعملية نجحت
امينه بخضة : انت عارف لو أدهم عرف انك اللى كنت ورا اللى حصل دا هيعمل فيك اى
كريم : هيعمل اى يعنى انا مبقاش فارق معايا حاجة غير روح أدهم طول م هو عايش انا مش هعرف اخد حاجة وهتكون كل حاجة ليه ..
***************** ******************
فى بيت اهل عشق..
صباح : يوسف انا عرفت ان أدهم جوز البت عشق عمل حادثة
يوسف: ايوة وانا اللى كنت وراها كمان
صباح بخضة : يا لهوي اى اللى بتقوله دا ، دا لو عرف مش بعيد يقتلك فيها انت متعرفش غضب أدهم ممكن يعمل فيك اى
يوسف : لا لا متقلقيش قبل م يعمل فيا حاجة اكيد هيعمل فى اخوه
صباح : مش فاهمة تقصد اى براحة عليا كدا وفهمنى كل حاجة
وقص عليها يوسف ما حدث ..
صباح : اى الدماغ دى يعنى كدا نعرف نستغل البت اللى اسمها عشق عشان ناخد كل اللى احنا عاوزينه
يوسف بطمع : بالظبط كدا دى طلعت الجوازة دى كنز و قاطع حديثهم رنة فون يوسف
يوسف : ايوا يا باشا اقول مبروك
كريم بغضب : اخرس با ز*فت أدهم عايش والعمليه نجحت انت مش قولت انك هتموته
يوسف : ازاى يا باشا حصل دا انت قولت بنفسك انه بين الحياة والموت
كريم بغضب : معرفش بس مش هبطل احاول اقتله لحد م اخد كل حاجة وتبقى ليا انا لوحدى .
****************** ******************
فى الشركة…
أدهم دخل بهيبته و ثقته المعتادة تحت أنظار الكثير من إعجاب
ومن حب واحترام ومن كره
الموظفين بحب : حمد لله على السلامة يا أدهم باشا
أدهم بابتسامه: الله يسلمكم جميعا
حسام : غرفة الاجتماعات جاهزة وكل الموظفين مجتمعين
أدهم وهو بيمسك بيد عشق : يلا يا عشقى واجهزى كدا عشان انتى هتكونى مسؤولة عن إدارة حسابات الشركة كاملة
عشق بتوتر: لا يا أدهم بلاش انا عشان خاطرى دى مسؤولية كبيرة اوى وانا ممكن مكنش قدها وساعتها هتحصل مشاكل كتيرة
أدهم: هششش اهدى يا عشق انا واثق فيكى وعارف انك هتكونى قدها
وسحب يديها ودخل بكل ثقة أمام الموظفين
أدهم بجمود : طبعا انا عارف ان حصل حاجات كتير الفترة اللى فاتت و عارف كمان ان حصل تسريبات لمعلومات الشركة بس دا اكيد هيتكشف بعدين كل اللى هنركز عليه دلوقتى ازاى نرجع الوضع افضل من الاول وعشان يحصل كدا عشق اللى هتكون مسؤولة عن إدارة حسابات الشركة
الموظفين : تمام يا أدهم باشا احنا تحت امر حضرتك
أدهم : تمام اتفقنا وانهاردة فى حفلة فى القصر احتفالا برجوعى الشركة وتولى مدام عشق إدارة الحسابات
حسام : تمام يا أدهم وانا هتولى تنظيم الحفلة
أدهم : تمام تقدروا تتفضلوا دلوقتى
************************
عند كريم وهو بيتحدث فى الفون ..
كريم : صدقنى انا حاولت اظبط كل حاجة عشان أدهم يخسر شركته بس …
الجوكر بغضب : بس اى انت فاشل فى كل حاجة وهو دايما متميز
كريم بغضب : بس عشق مرات أدهم قدرت تظبط كل الحسابات من تانى وانا مقدرتش اعمل حاجة لأنها هى اللى هتمسك حسابات الشركة
الجوكر : اتصرف والا انسى انك تكون معانا فى الشغل تانى و كل الفلوس اللى بتاخدها دى هتتمنع انت فاهم وأغلق الخط فى وجهه
كريم بغضب جحيمى: بقى كدا يا أدهم انت وعشق اللى جاى جحيم عليكم أما دمرتكم زى م دمرتوا كل حاجة انا بعملها مكنش كريم
و اخذ الفون وأجرى مكاملة حينما علم بقيام حفلة الشركة فى المساء
**************** *****************
بعد مدة وصل كلا من عشق و أدهم و صعدوا إلى الجناح الخاص بهم ..
عشق : أدهم هى الحفلة دى هنعمل فيها اى انا اول مرة احضر الأجواء دى وانا معرفش اى حد خالص
أدهم وهو يمسك بيدها : عشق حبيبتي متقلقيش انا معاكى ولازم تكونى واثقة من نفسك اكتر من كدا انتى مرات أدهم المنشاوى
عشق بحب لتلك الحنيه التى ملكت قلبها : وانا واثقة فيك يا أدهم
******************** *****************
فى المساء ..
ارتدت عشق فستان اسود يظهر جمال ملامحها و وضعت القليل من مساحيق التجميل التى برزت جمال كل انش فى وجهها وانتظرت خروج ذاك الادهم من غرفة الملابس وبالفعل خرج أدهم وهو يرتدى ساعته الخاصة به ولم ينتبه وحينما رفع عيناه ووقعت على تلك الملاك الخجول
أدهم بهيام : اى الجمال دا
عشق بخجل : أدهم يلا الناس مستنيه تحت
أدهم : احم طايب يلا ولينا كلام بعدين
و بالفعل اصطحبها ونزل إلى الاسفل وحينما انتبه الجميع لجمال تلك الجوهوة اللمعة التى يصطحبها
أدهم بغضب غيرة : دول بيبصوا على اى اطلعك فوق ولا اعمل اى
عشق بتذمر : لا يا أدهم عشان خاطرى
أدهم بجمود: طايب بس مش تقومى من جنبى ولا تكلمى حد انتى فاهمة
و رحب أدهم المعازيم وكانت تسود حالة من الفرحة والحب والتقدير منهم له
عشق : انا مبسوطة اوى يا أدهم حاسة انك كل حاجة بقت كويسة وان كل حاجة اتحلت
أدهم بحب : وانا مبسوط طول م انتى معايا يا عشق دايما سند ليا وقاطع حديثهم دخول شخص وهو يقول
ازيك يا أدهم وحشتنى اووى
أدهم بغضب : انتييييى اى اللى جابك هنا …
- يتبع الفصل التالي اضغط على ( رواية احببته اعمي ) اسم الرواية