رواية طفلة هزت كيان فرعون بقلم مروة موسي
رواية طفلة هزت كيان فرعون الجزء (2)الفصل الخامس و العشرون 25
وحد اللي ما بيغفل ولا بينام
في الفجر عند نور في المستشفي سمع صوت الفجر
عز: الله اكبر الله أعظم لقي صوت الجامع قريب قرر ينزل يصلي وفعلا سأل علي المكان ونزل الجامع واتوضي ووقف مع الناس يصلي وفي السجود كان بيدعي وبيترجي ربه ان نور حياته تقوم بخير وكان صوته شبه مبحوح من كثرة الالحاح
عز خلص وقعد يقرأ قرءان وكان الجامع بدأ يخلي وهو قايم سمع صوت واحد بيبكي
عز: حضرتك بتعيط بيه
الراجل: مفيش ي ابني حاجة روح ربنا يجعلك في كل خطوة سلامه
عز: اللهم امين ويبارك في عيالك
الراجل: عيالي هيموت منهم واحد اللهم لا اعتراض علي قضاءك
عز: ازاي كدا مش فاهم
الراجل: انا كل اللي املكه هو بيت صغير والرزق بتاع ربنا ابني تعب ومطلوب منه عمليه كبيرة يجي ١٣٠ الف جنيه ومعرفتش ادخر منهم غير فلوس رمزية يجي ٢٠ الف جنية
عز : متقلقش ربنا هيدبرها ان شاء الله وانا ابنك زي اخويا تقبل مني المساعدة
الراجل: لاء يبني كل واحد فيه اللي مكفيه
عز: انا ربنا عطيني المال اللي ممكن اساعدك بيه ارجوك مترفضش وطلع وصلات وكتب له وصل بمبلغ ٢٠٠ الف جنيه يسحبهم بكرة من البنك
الراجل بدموع الفرحة: يارب انا كنت عارف وواثق انك هتدبرها شكرا يارب وشكر ليك كمان بس دا كتير
عز :مش كتير صدقني
الراجل: ربنا ينور طريقك ويصلح حالك يا ابني ويطلعك بالخير منها محنتك ايا كانت اي كفاية انك جبرت خاطري متعرفش ربنا كبير اد اي وهيجبر خاطرك انت كمان وقام وشكره والراجل مشي
عز لسه مكانه وجاله تليفون من المستشفي خاف يرد لكن استجمع قواه ورد
الدكتور: عز
عز: ايوا اتفضل
الدكتور: سبحان الله المدام بقت كويسة جدا جدا وفاقت وبقت عال العال لدرجة انك لو عاوز تاخدها حالا وتمشي
عز : حاضر ي دكتور انا جاي وقفل وسجد لربه
وما ظنكم برب العالمين الحمد لله
وذهب للمستشفي ودخل لنور وحضنها
نور: انا بخير لكن وشك مش كويس انت تعبان
عز: لاء كنت خايف عليكي
نور حطت ايدها علي وشه: انا بخير متقلقش جبت أي
عز: بيقولوا بنوته
نور: وانت مشوفتهاش
عز: لاء كنت قلقان قلقي كان معمي عيوني عن اي حاجة
نور : طب انا عاوزة اخرج عشان اشوف بنتي
عز: حاضر انا هجيب اذن خروج من المستشفي
رجعوا البيت وش الصبح كدا وسمية فتحت لهم وجابت ليها تاكل
نور: بسم الله ماشاء الله جميلة ي عز اوي
عز: جميلة زيك تحبي تسميها اي
نور: حابة اول خلفة ليا تكون انت اللي مختار الاسم
عز: أي رأيك في سيلين عز الحفناوي
نور : ربنا يبارك فيها وتشوفها عروسة قدام عيونك
سمية: عقبال ما تأخيها
نور: انشالله يارب انشالله
عز: يلا ارتاحي وحاولي ترضعيها
نور: حاضر ونامت
مش هتيجي جمبنا
عز: لاء عشان تاخدوا راحتكوا
نور بحب: بس انت عارف فين راحتي ونام جمبها وسيلين في النص بينهم وعز كان فرحان جدا جدا
خالد : انا هطلع لعادل عشان نروح لنور
شمس بنوم : طمني عليها معلش هنام ساعه واحدة وخديجة نايمة
خالد : طيب علي العموم هي بقي عندها سنتين وشوية اهو هنقدم ليها في حضانه تروح مستمعة
شمس : ماشي ي حبيبي
خالد وعادل وقفوا تحت ولحظوا عربية فرعون تحت عرفوا انهم فوق
خالد” اكيد جاين بعد الساعه ٢ لان كنت في البلكونه ومكنش في عربيات تحت هنا
نسيبهم لحد ما يصحوا ونحس بحركتهم ونطلع ليهم
عادل: طيب تعالي اشرب معايا قهوة
خالد: لاء هطلع شوية
عادل: طب تعالي في هنا الصبح بدري عربية فول حلوة اوي تعالي نفطر عليها
خالد: يلا بينا
سيلين صحيت بتعيط
نور: انا لسه مشبعتش نوم عاوزة انام
عز: خليكي وانا هشيلها بس رضعيها
نور بنوم: خالي دادة تعمل ليها الراضعة
عز: لاء مش عاوزها تتعود علي اللبن الصناعي يلا نور
نور رضاعتها وعز شالها وسكتها ونور من تعبها نامت
الساعة ٢ الضهر سيلين صحيت تاني ونور صحيت وعز نايم لانه طول الليل منمش
نور خرجت بسيلين برا وندهت علي الكل وخصوصا أدهم
ادهم: نور هي عيونها بني ليه
نور: عشان ربنا عاوز كدا
ادم: شوفتي ي خديجة جميلة زيك
خديجة : دي جميلة زي دي وبتشاور علي نور
ادهم: هروح اجيب ليها تاكل ماما عاملة كيكة جميلة انا بحبها
ملك: بس دي لسه صغيرة جدا ي حبيبي شوية كدا
ادهم بزعل: ماشي هستني لما تكبر
خالد وهو بيبارك لاخته ويبوس دماغها
عز خرج ساعتها من الاوضة وشافه
نور بصت لعز
عز بجرأة : أي ي خال البت مش مسموح ليك تقرب
خالد : وهو حد قالك انها مش من لحمي ودمي
عز: بقولك اي انت تسمع الكلام
خالد : طب كدا وقرب منها
عز قعد جمبها اكتر : وانا اهو
خالد: طب انا هاخدها في حضني عندك مانع
عز: ي خال سيلين متحاولش
خالد بضحك: يعم دا انا اخاف عليها اكتر منك لكن حتة الغيرة دي بقي منقدرش عليها
بس اسم سيلين جميل مبروك ي عز
عز : الله يبارك فيك
نور: انتوا بتتخانقوا وانا في النص كدا
شمس: سيبك من كلامهم وخليكي معايا انا اهم حاجة متفضليش شيلاها كتير عشان متتعودش وعلي فكرة تربيتهم مش سهلة
علي سنة واتنين وتلاته وعشرة ونور بقي معاها سيلين وسليم و حور
شمس معاها خديجة وعمر و جنة
أدهم علي السلم : وحشتيني
سيلين: علي فكرة هنادي لبابا اتلم
أدهم بضحك: اعمل اي من صغرك علي ايدي
سيلين :ماما بتفضل تحكي ليا كتير انها كانت بتحبك من صغرك وكمان كنت نفسك انها تجيب بنت عشان تلعب معاها
ادهم: طب هي بتحبني انت مش هتقوليها بقي
ملك : اطلع ي زفت ياللي فاضحنا اطلع
سيلين: يرضيكي ي طنط ابنك معطلني عن دروسي كدا
ادهم: يلا ي ست اخر سنة ثانوية عامة وبعد كدا اتمني تكوني في كلية كويسة
سيلين: يعني هو عشان محدش غيرك مهندس بقي
ملك: اطلع ي أدهم ي حبيبي وراك شغل ولو عز شافك انت ولا ابني ولا اعرفك
ادهم: امي باعتني ي حجة امشي يلا ومتتأخريش
عمر بعصبية: وحضرتك بتقفي ليه معاه اصلا في البريك
حور: هو االي نادي عليا صدقني
عمر : متقفيش مع حد تاني فاهمه
حور: ملكش الحق اصلا انك تقولي أقف مع مين واكلم مين انت فاهم
عمر: حووووور
حور ببرود لانها بنت نور : خير
عمر: اسمعي الكلام
حور: ورايا مذاكرة ومشيت من قدامه
نور: عز الحقني عشان انا زهقت من عيالك
عز في الشغل: حاضر شوية وجاي
نور: بقولك زهقت ومدوخني
عز : اعمل اي انا حالا وقفل واتصل علي سيلين كنسلت عرف انها في الدرس
واتصل علي سليم
عز: انت علي طول مشغول كدا
سليم : مشاغل ي بابا
عز : ومشاغل جنة مبتخلصش صح
سليم بتوتر: ها جنة جنة مين
عز : بحدة اقفل اي سوشيال وذاكر فاهم
سليم: حاضر والله ي بابا
حور: ايوا ي بابي
عز: اخبارك واخبار المذاكرة اي
حور: كويسين والمذاكرة تمام بس كنت عاوزة حد يقعد معايا في الماس شوية
عز: عمر كويس جدا فيه خليه يقعد معاكي وقفل
حور: اه ي بابي لو تعرف إن عمر بيحبني هتبعدوا من طريقي خالص
آدم وهو في المستشفي: خلصتي ولا لسه ي خديجة
خديجة بعياط مكتوم: انا تحت البيت اهو
آدم: صوتك ماله
خديجة وهي بتمسح دموعها: مفيش بس دا شوية برد عشان كدا صوتي متغير
ادم: ودا كلام عملي ي دكتورة يعني متنسيش اني دكتور وانتي كذلك وكلامك غلط لانه مش برد
خديجة: بابي موافق علي واحد متقدم ليا
آدم بحدة : ازاي خالد يعمل كدا وانتي رايك اي
خديجة : رأي بتسأل عن رأي
آدم: يووووه انتي مالك كدا اصبري خليني افكر
خديجة : لاء متفكرش وقفلت
- يتبع الفصل التالي اضغط على ( رواية طفلة هزت كيان فرعون ) اسم الرواية