رواية خادمة قلبي (2) الفصل الثامن 8 - بقلم زهرة عصام

  رواية خادمة قلبي كاملة بقلم زهرة عصام عبر مدونة دليل الروايات

رواية خادمة قلبي (2) الفصل الثامن 8

ملوك بص لـ وليد و قالت:- وليد ما تطلق أم كرش دي بقي و تريحنا دي قرفتنا كلنا في عشيتنا و كملت بصحبانية و قالت:-

و مش عاوزة تديني المكرونة بشامل

منه بصدمة:- أم كرش و يطلقني هي وصلت لـكدا ؟

وليد:- سيبك منها انتي دلوقتي هو مين دا اللي حما ر ؟!

منه :- اسني بس يا وليد اما أشوف أم نص لسان دي

و قامت عشان تضر بها راحت ملوك جارية على منال و قالت:- الحقيني يا منال بنتك اتهـ ـبلت و هتضر بني

منال خبت ملوك وراها و قالت:- عاوزة اية يا بت إياك إيدك تتمد عليها هكسر هالك

منه :- نهار منيل إنتي بتهدد يني عشان خاطر مقصوفة الرقبة دي ؟!

ملوك حطت ايديها في وسطها و قالت:-

و مالها دي يختي مش مش مش

و شدت منال من رجليها لحد ما نزلت ليها و قالت:-

أقول اية يا منال في المواقف دي نسيت

منال همست ليها و قالت قوليلها :-

و مالها دي يعنيا مش مالية عينك وإلا اية ؟

ملوك سمعت كلام منال و قالت:-

مره تانية بقي عشان كنت ناسية و حطت ايديها في وسطها و قالت:-

و مالها دي يعنيا مش مالية عينك وإلا اية ؟

منه واقفة فاتحة بقها و يتقول:-

لهو إنتي اللي بتعلميها تقول اية و تعمل اية و أنا أقول طفلة زي دي جايبة الكلام دا منين اتاري أمي الجميلة هي اللي بتخفظها و مخلياها تضرب في الكل

منال بلا مبالاة:- اسكتي انتي و روحي شوفي جوزك يكش يتجوز عليك و يريحنا و سبيلي حتت الجلاشه دي أكلها

و مسكت ملوك تزغزغها و تبوس فيها

ملوك بضحك:- خلاص يا منال خلاص مش قادره و يضحك جامد

منه سألتهم و هي بتضر ب ايد على التانية و بتقول:-

أقسم بالله عيلة من أولها لأخرها مجنونة أنا جاية غلط في العيلة دي أنا الوحيدة اللي عاقلة فيهم .

وليد سمعها فقال بسخرية:- و نعم العقل يا حبيبتي

و جري عليها و قال:-

دا انتي هيطلع عليكي القديم و الجديد يا روح قلبي من جوه

منه بقلق:- هتعمل ايه يا وليد أعقل يا حبيبي دا أنا بكرش قدامك أهو

وليد شالها مره واحده و بصلها و قال:-

متقلقيش يا روحي أنا بس هحطلك قطرة بس بضمير شوية

منه ضحكت بصوت عالي مالك سمعها فتح الباب و قال:-

طب ما الدنيا والعة معاك انت كمان أهو يخويا جت على تتح و تتريق و غمزلة و كمل :-

ماشي يا عم الله يسهلك و يقويك

وليد بلا مبالاة:- خليك في اللي في إيدك يا بشا

مالك :- متنساش بكره بدري هنطلع على الفيلا عشان حازم

وليد هز رأسه من سكات و دخل الاوضة و قفل الباب في وش مالك

مالك :- انا يتقفل في وشي الباب ماشي يا ابن الجذ مة أما طلعته عليك ميبقاش إسمي مالك

ملك جت من وراه و سمعت اللي قاله فضحكت و قالت:-

مالك بيهم يا لوكا تعال أدخل نام يا حبيبي هنصحي بدري بكره

مالك لف ليها و حط ايده على كتفها اخدها في حضنه و قال:-

لا نوم اية بس تعال إحنا بعون الله هنطبق للصبح

ملك ضحكت جامد و غمزتله و قالت:-

فاكر آخر مره قولت فيها كدا اية اللى حصل ؟

مالك كشر بوشة و هو بيدخل بيها جوه و قال:-

خلاص متفكريش كنت تعبان و نمت الله هو حرام إن الواحد ينام في أم البيت دا

ملك زغزغته و قالت:- خلاص يا بيبي متزعلش و دخلت نفسها في حضنه و اتنهد و قالت:-

تعرف إني بحبك اكتر مما تتخيل مقدرش أتخيل خياتي من غيرك انت و ملوك يا مالك انتوا بقيتوا النفس اللي بتنفسه

مالك خرجها من حضنه و حاوط وشها بايدة و قال:-

انتي أحلي حاجة حصلتلي في حياتي يا ملك حبيتك و انتي جميلة و عشقتك و انتي ملك و لو يوم عدي عليا من غير ما أسمع صوتك ببقي قاعد مش على بعضي و بلاقي نفسي جايلك من غير كلام معنتش اقدر أبعد عن حضنك خلاص بقي بالنسبالي إدمان

اتنهد و قال:-

أما بالنسبة بقي لـ ملوك فـ دي تاني أحلي حاجة حصلتني في حياتي حبيتها عشان منك و عشقتها عشان واخدة طبعك و ضحكتك اللي مهونا عليا كتير انتوا عندي بالدنيا كلها يا ملك

ملك حضنته جامد و قالت:-

ياااه يا مالك بقالك كتير مقولتش كلام حلو و رومانسي كدا انت هيجرالك حاجة يا راجل لو سمعتني كل يوم كلمتين حلوين رجالة آخر زمن

مالك يصلها و خرجها من حضنه و قال:-

صدقي بالله إني استاهل ضرب الشبشب إني بعبرك يا بنت الصر’مة انتي هي دي اللي هعيش معاك اللحظة الرومانسية يا مالك هي دي اللي قولي كلام رومانسي و في الآخر تقطعي اللحظة و تبوظيها غوري من وشي بدل ما اخنفك و زقها بايده و راح نام

ملك :- يا مالك معلش طب

و راحت نحيته لقته نام فعلا فقال باعتراض:-

هو دا اللي سهرتنا صباحي و هنطبق يا اخي يخربيت كدا بقي أنا مش عارفه الحظ بتاعي النحس دا هيسيبني امتي اووف بقي استغفر الله العظيم و نامت جمبه

مالك أول ما أتأكد أنها نامت زحف ناحيتها و اخدها في حضنه و نام و هو بيقول:-

مش عارف بحبك على اية حتي لما بتعصبيني بعشق أمك برضوا

❈-❈-❈

وليد دخل و هو شايل منه و مخبية وشها في كتفه و بطنها قدامها مترين

أول ما دخلوا الاوضة راحت بصاله و ضربته في كتفه و قالت:- كدا يا وليد تكسفني قدام مالك اوريله وشي إزاي بعد كدا

وليد بسخرية:- انتي هبله يا بت انتي مراتي يا جحشة و حامل كمان هو أنا شاقطك من جامعة الدول

منه :- برضوا في حاجة اسمها حياء و أنا الصراحة بتكسف

وليد :- لا و انتي وش كسوف فعلاً يا بيبي اظبطي يا بت بدل ما اظبطك انا سايب رجالة هنا في البيت دا انتي شوية و هتربي شنبك

منه :- أربي شنبي أنت قد الكلام دا يا دغف انت

وليد رماها على الأرض نزلت واقفة و قال:-:

هو مين دا اللي دغف يا بنت الجذ مة انتي و ضربها على رقبتها و هو بيقول:-

لمي لسان أ.مك دا بدل ما اقطعهولك يا روح امك

منه و هي بتقلده بنفس الضر.ب

و لو ملمتوش يا وليد هتعمل اية يعني

وليد :- هعمل كتير يا روح قلب وليد و راح بايسها بغل و قال:-

تحبي أكمل و إلا كفاية عليكي كدا

منه :- انت إزاي تسمح لنفسك تعمل كدا يا جدع أنت أنا سمحتلك تعمل كدا

وليد بصلها بحاجب مرفوع و شفه مرفوع نصها و راح بايسها تاني و قال:-

أنا أعمل اللي انا عاوزة في الوقت اللي يريحني يا بت انتي .. انتي فاهمة انتي كلك على بعضك أصلا ملكي و باسها تاني و قال بغمزة :-

اية رأيك بعرف احط قطرة حلو وإلا تحاول نظبط الأداء

منه ضربته في كتفه بدلع و قالت:- انت قليل الأدب كدا لـ مين نفسي أعرف

وليد:- قليل الأدب مين يا بنت كوم الشكاير انتي مراتي يا بنت الحلال يعني بالعقل كدا لو مقلتش أدبي معاكي هقله مع مين يعني اتجوز عليكي هتبقي مبسوطة

منه فتحت عنيها بصدمة و قالت:- تتجوز على مين يا روح امك دا انا كنت قتلـ ـتك و قتـ ـلتها قبل ما تعمها و لفت وشها بلوية بوز

وليد باس على كتفها و قال:- يا بت بهزر معاكي تعالي دا كنت ناسي في موضوع مهم جدا لازم اتكلم معاكي فيه فوراً

منه باستغراب:- موضوع اية دا يا وليد انت مخبي اية عليا يا راجل انطق

وليد بصلها و شدها عليه و قال:-

تعالي بس دا موضوع حياة أو مو.ت

❈-❈-❈

حازم نايم في الطيارة و بيحلم و بيفتكر اللي حصل زمان

فلاش باك

حازم مسمهش كلام ملك و أصر أنه يكمل مع ماهي و بقي يخرج و يسهر معاها علطول

ماهي:- حازم اية رأيك نجرب حاجة جديدة ؟

حازم :- حاجة جديدة زي اية !!

ماهي:- اية رأيك نروح ديسكوا ننبسط شوية ؟

حازم بصدمة:- دسيكوا يا ماهي ؟ يا بنتي الأماكن اللي زي دي حرام ؟

ماهي:- اووف بقي يا حازم هو إحنا هنعيش فيها دا فضول مش اكتر انا عاوزه أجرب معاك كل حاجه أنا بحلم بيها اية أنت مش بتحبني يبقي جرب معايا

حازم بتردد :- بس مفيش شرب ولا حاجة من الحاجات دي مفهوم

ماهي بسعادة:- شور يا بيبي إحنا هنرقص شوية بس مش هنعمل حاجة تاني

حازم و ماهي راحوا الديسكو و اتفاجئ إن في ناس كتير هناك تعرف ماهي بداء يشوف جانب منها هو مكنش شايفة و كلام ملك بيتردد في عقله و هي بتقول:-

مش هتنفعنا دي يا حازم عاوز تجرب جرب بس انت الوحيد اللي هتندم في الآخر

ماهي :- حازم انت روحت فين ؟!

حازم فاق من سرحانه على اديها و هي قدام وشه و قال:- ها بتقولي اية

ماهي :- لا دا انت مش معايا خلاص

حازم :- معلش كنت سرحان شوية

ماهي بدلع :- سرحان في اية يا بيبي بقي

حازم استغرب إن ماهي بتدلع عليه بالطريقة المقرفة دي بس صبر و قال:-

مفيش شوية مشاكل انتي كنتي عاوزه اية ؟!

ماهي قدمت لية كاس و قالت:-

كنت بقولك جرب إشرب كان من الفوديكا دي طعمها مش عاوزه أقولك خطير

حازم باستغراب:- و انتي عرفتي طعمها منين يا ماهي انتي بتشربي خمرا ؟

ماهي بتوتر:- لا يا بيبي دي كانت مره واحده كان عندي فضول اجربها بس هو انت مش بيبقي عندك فضول تجرب الحاجات دي ؟

حازم :- دي حاجات محرمة أكيد لما ربنا حرمها كان لية حكمة في كدا و هيعوضنا عن حرمانا منها في الجنه باذن المولى صراحه أنا عمري ما كان عندي فضول إني أشرب القر.ف دا

ماهي في نفسها:- اه دا هيديني محاضره بقي في الأدب و الأخلاق انا مش عارفه هفضل مستحملة القرف و الحياه المملة دي لحد أمتي منك لله يا جاسم انت السبب في المرمطة اللي الواحد فيها دي

حازم :- اية رحتي فين مش يلا نمشي بقي أنا عندي شغل في الشركة بكره

ماهي:- و انت بتشتغل جمب دراستك

حازم :- أيوة طبعاً دي حاجة مفروغ منها مالك صدر منه الأمر يبقي لازم يتنفذ

ماهي بحاجب مرفوع:- أنا حاسة إنك بتنفذ الأوامر و بس فين بقي شخصيتك إنك تقول اه و لا

حازم :- شخصيتي موجودة في الحاجة اللي تخصني لكن موضوع الشغل دا علينا إحنا التلاتة كل واحد ماسك حاجة معينه و مالك كان شايل شغلي من ساعة ما أبويا مات و خلاني أمسك مش تعب لا عشان اتعود أنا فاهم كل واحد و دماغه اية

حازم بص المكان اللي المزيكا بدأت تعلي و الولاد بدأوا يتحر.شوا بالبنات و البنات المبسوطة بدأ فبدأ يتخنق و قال بصرامة و لهجة لا تقبل النقاش:- يلا بينا من هنا بدل ما أعمل مشكلة

ماهي خرجت معاه و هي خايفة و حازم أخدها وصلها للمكان اللي بتنزل فيه و طار رجع على البيت دخل اوضتة و قفل على نفسة و قعد على السرير يفكر في أحداث اليوم و إزاي سمح لنفسة يدخل مكان و يشوف مناظر زي دي

حازم لنفسة:- اتغيرت أوي يا حازم من ساعة ما حبيت ماهي لو هي هتغيرك كدا يبقي بلاها حب انا عاوز واحدة زي ملك و منه اللي أنا متأكد إني مش هلاقي منهم أصلا قرر أنه يكمل في الموضوع و يحاول يغير من ماهي لحد ما في يوم راح ليها و قال:-

اية رأيك تيجي معايا الحفلة النهارده اهلي عاملين حافلة عائلي و اهو فرصة تتعرفي على الكل انتي هتعيشي معاهم برضوا

ماهي :- اممم مش عارفه بس انت متأكد إن مفيش حد منهم هيتكلم

حازم:- انتي قلقانة كدا لية انتي مش شفتي ملك أهلي كلهم ناس طيبة محدش فيهم هيتكلم معاكي بالعكس هيرحبوا بيكي أوي

ماهي :- خلاص اوكي عدي عليا خدني و اروح معاك

حازم :- تمام و سابها و مشي

❈-❈-❈

حازم دخل البيت و قال لـ ملك إن ماهي هتحضر النهارده معاهم الحفلة

ملك بلوية بوز:- ماشي يا حازم بس افتكر إني قولتلك بلاش و انت اللي مصر

حازم:- خلاص بقي يا ملك حاولي تتقبليها

ملك :- شوف يا أخي والله حاولت اتقبلها لكن اية بقي في حاجة كابسة على نفسي كدا مخلياها تنزل من هنا

و شاورت على زورها و كملت و قالت:-

بس عشان خاطرك انت يا حازم بس

حازم :- دا العشم برضوا يا ملك

ملك :- أ.بو أ.م دي شغلانه يا جدع على أ.بو أ.م دي بنت عاوزة تتربي من أول و جديد

❈-❈-❈

جه معاد الحفلة و حازم أخد ماهي عرفها على العيلة كلها

منال بهمس لـ ملك:- اية البت اللي قالعة اكتر من اللي لبساه دا يختي عشتي و شوفتي موزز المسلسلات في الحقيقة يا منال

ملك :- بقولك ايه يا منال البت أصلا مش نزلالي من زور و شوية و هقوم اجبها من شعرها اللي فرحانة بية دا

منال:- لا اجمدي كدا و امسكي نفسك مش عاوزين مشاكل و مالك كمان ممكن يطلقك فيها

ملك :- هو اللي حايشني عنها غير مالك

ماهي قعدت تبصلهم من فوق لتحت باستفزاز و هما ماسكين نفسهم عنها بالعافية

مالك راح لـ ملك و قال:- اسمك نفسك يا وحش مش كدا

ملك :- مش قادره يا مالك شايف بتبصلي ازي بنت الصر’مة دي

ملك ضحك بصوت عالي و قال:-:

معلش عشان خاطر حازم

ملك نفخت بغيظ و شالت ملوك و قالت ليها :-

روحي عند حازم البت اللي معاه دي هتاخده منك

مالك اتصدم من تصرفها فـ ملك قالت:- اللي مش هعرف أعملة بنتشي حبيبشي تربية منال تعملة

ملوك راحت جري على حازم و مسك البنطلون لحد ما حازم شالها و باسها من خدها و قال:- حبيبت قلب حازم

ملوك :- حازم عاوزة كيكة من دي و شاورت على الكيك

حازم:- بس كدا عيون حازم و قلب حازم و اخدها يجبلها كيك

حازم كان ماشي لقي تليفونة رن برسالة فتحها و مخدش باله أنه فتح البلوتوث و السماعة اشتغلت فسمع تسحيل صوتي لـ ماهي بتقول فيه

حازم اية بس اللي أحبه دا واحد ماشي ورا أخواته انا متفقة مع أخويا من الأول هنقلبه في قرشين و اضربله الصابونة

حازم اتصدم و ملك عنيها وسعت و ماهي برقت و ثبتت مكانها

• تابع الفصل التالي عبر الرابط: (رواية خادمة قلبي) اضغط على أسم الرواية