رواية خادمة قلبي (2) الفصل الرابع 4 - بقلم زهرة عصام

    رواية خادمة قلبي كاملة بقلم زهرة عصام عبر مدونة دليل الروايات

رواية خادمة قلبي (2) الفصل الرابع 4

 

مالك قاعد حاطط ايدة على خده و مفتقد ملك جدا قال في سره:- كلة من بنت الكـ ـلب ملوك هي اللي ماشية ترمي كلام و الكبار العاقلين بيصدقوا اتنهد بقلة حيلة و قال:- وحشتوني أوي يا عفاريت البيت ملوش لازمة من غيركم

شوية و وليد قال:- لا بقي كدا كتير انا مش قادر و قام جري على اوضتة لم هدومة بعشوائية و قال:- جايلك يا منه جايلك يا ام عيالي و خرج لـ مالك

مالك بص للشنطة باستغراب و قال:- إنت مسافر أنت كمان وإلا اية

وليد بغرور :- لا طبعاً أنا رايح لـ منه يا حبيبي خليك أنت هنا بقي

مالك :- يعني أنت و مراتك يا ابن الصر مة السبب في انهم يطفشوا و عاوز تسيبني و تطلعني انا اللي وحش أبدا لازم تنستني اجي معاك

وليد بزهق:- طب أخلص عاوز الحقها قبل ما تنام يا مالك

مالك في ثواني كان لامم شنطة هدومة و خارج و الاتنين بصوا لبعض و ابتسموا بخبث

❈-❈-❈

كانوا قاعدين مع بعض بيتكلموا و يضحكوا على اللي ملك عملته في الست و فجأة الباب خبط

منه قامت تفتح الباب و هي بتاكل ليب لقت وليد و مالك قدامها كل واحد ماسك في ايده شنطة و على وشه ابتسامة عريضة

منه شافتهم كدا و قفلت الباب في وشهم و رجعت تاني

منال:- مين اللي كان بيخبط

منه :- لا دول وليد و مالك عادي يعني

ملوك بفرحة:- بابي و جريت فتحت الباب و حضنته

مالك شالها و قال:- وحشتيني في الشوية الصغيرين دول يا قردة يا صغيرة

ملوك باسته من خده و قالت:- و أنت كمان وحشتيني كتير خالص

وليد دخل قعد جمب منه اللي بتاكل ليب و مش مدياله إهتمام خالص

وليد :- اذيك يا حبيبتي عاملة اية

منه بصتله بابتسامة خلت وليد فرح و ضحك لكن ضحكته مدامتش كتير

منه :- حبيبتك ؟ حبك برص و عشرة خرص يا عنيا قال حبيبتي قال:- يا أخي حبتك عقربة

وليد :- اية مسورة و اتفتحت افصلي شوية

منه :- جاي لية كنت خليك مع اللي ما تتسمي

وليد :- إسمها ديما

منه بز.عيق:- و كمان جاي تقولي إسمها شايفني مـ ـيتة في هواها أوي

وليد مسك ايديها و باسها و قال:- خلاص و ربنا حقك عليا دا انتي اللي يزعلك تسود الدنيا في عينه

منه بحاجب مرفوع:- المفروض إني كدا اتثبت و كملت بابتسامة وليد يا روحي

وليد بابتسامة:- نعم يا حبيبتي

منه :- أطلع بره

وليد كشر بوشة و منه قالتلة:- شوفت بتزعل إزاي و سابته و دخلت اوضيتها

وليد قعد على الكرسي و حط ايده على خده و قال:- وربنا انا استاهل ضرب الشبشب

❈-❈-❈

مالك قاعد جمب ملك اللي بتبصله من تحت لـ تحت

مالك :- عاملة ايه يا مراتي يا حبيبتي

ملك بلا مبالاة مصطنعة:- هكون عاملة ايه يعني كويسة زي ما أنت شايف

مالك بغيظ:- طب الحمد لله إنك كويسة و كمل بجدية سبتي بيتك لية يا ملك

ملك :- و اللي أنت عملتة دا اية يا أستاذ بعد اذنك أنا غضبانة دلوقتي

مالك بجدية:- هو دا اللي اتفقنا علية يا ملك إنك تسيبي البيت و تمشي مش اتفقنا من أول يوم لينا إن لو حصلت خناقة أو سوء تفاهم بينا متخرجيش بره البيت و عتابنا يكون بينا ؟

ملك هزت راسها ببراءة و قالت:- عشان انت خنتني و ملوك

ملك قاطعها و قال:- متكمليش ملوك اية اللى أنت ماشية ورا كلامها البت مكملتش خمس سنين يا هانم

ملك بتزمر:- ما انت مرضيتش تجيب التليفون يا مالك

مالك بجدية:- ما التليفون معاكي ليل نهار و عارفة الباسورد كمان جيت في يوم لقيتك مسكاه قولتلك سبه

ملك هزت راسها يمين و شمال و قالت:- صراحه تتقال لا

يتسبهولي علطول

مالك بصلها جامد و هي عرفت غلطها و جت تتكلم بصلها و قال:- لما تبقي تعقلي كدا ابقي تعالي كلميني لكن طول ما انتي ماشية ورا بنتك دي لسانك ميجيش على لساني عشان تبقي تخلفي وعدك ليا أوي و سابها و دخل اوضتها

ملك اتخنقت و قعدت تعيط و منال راحت ليها و قالت بشماتة:- أحسن عشان تبقي تتربي و قلديتها انا كمان عاوزه اغضب

ملك بصتلها يزهق و منال كملت :- زهقتي يختي زهقتي و هيطلقك قريب حقة والله ما هلوم علية كتكم الأرف

ملك عيطت اكتر و صوتها علي

❈-❈-❈

مالك جوه الاوضة قاعد مش على بعضة من صوت عياطها

مالك :- طب أخرج اخدها في حضني دي وإلا أعمل فيها اية ما هي اللي غبـ ـية و بتجيب لنفسها الكلام دايما

ملك صوت عياطها بيعلي و مالك قال لنفسه جمد قلبك كدا عشان متعدهاش تاني

ملك قاعدة تعيط لقت ايد صغيرة بتطبط عليها بصت لقيتها ملوك

ملوك :- معلش يا مامي هما الرجالة كدا منخدش منهم غير وجع القلب

ملك ضحكت من بين دموعها و حضنتها و عيطت اكتر

ملوك شافت أمها بتعيط راحت فاتحة في العياط هي كمان

مالك أول ما سمع ملوك بتعيط خرج جري بس لقاهم حتضنين بعض و بيعيطوا هما الاتنين

مالك بحاجب مرفوع:- دا اللي هو إزاي يعني ؟ و قف قدامهم و قال:- دا على أساس كدا بتشاركوا احزانكم يعني

ملك و ملوك هزوا رأسهم بنعم

مالك أخد ملوك و قال لـ ملك تعالي ورايا يلا ملك بصت ليهم و دموعها نزلت بصمت و ملوك ضربت مالك على كتفة و بصت لـ أمها ببراءة

مالك نفخ بغيظ و قال:- طب متزقيش كدا و مسك ايد ملك و دخلوا الاوضة

حط ملوك على الأرض و بصلها و قال:- كله منك انتي يا نص شبر

ملوك :- مش هرد عليك عشان عاوزة أنام و طلعت نامت على السرير

ملك بصت لية ببراءة و مالك بصلها من طرف عنيها و عمل نفسه مشغول

ملك حضنته و غمضت عنيها

مالك بصلها و كان عاوز يبتسم بس منع نفسة و بصلها بحاجب مرفوع و قال:- المفروض إني اتثبت كدا صح ؟

ملك بقت تشم في ريحته بجنون و قالت:- مش مهم المهم سيبني كدا أنت ريحتك حلوة أوي

مالك ضرب كف على التاني و قالت:- يخربيت هرمونات الحمل اللي تخليكي تعملي حاجات مش في وقتها

ملك طنشته و حضنته و غمضت عنيها

مالك بجدية:- ملك ابعدي بجد أنا زعلان منك

ملك بعدت عنه و هو قعد على كرسي في الاوضة و ملك بقت تفكر تصالحة إزاي لحد ما جت في دماغها فكرة و خرجت من الاوضة جري

مالك:- استرها يا رب انا مش متفائل

❈-❈-❈

وليد بيخبط على الباب و قال:- يا ست افتحي بقي وربنا أنا آسف اعمل اية بس عشان تسامحيني

منه :- معرفش عشان تبقي تعرف تكرشني من الشركة أوي و تتعصب عليا قدام ست بتنجانة بتاعتك دي

وليد :- حقك علي راسي يا منه و الله ما هتكرر تاني دا الله يخربيت اللي يزعلك

منه :- وليد أنا تعبانة و عاوزة أنام سيبني دلوقتي

وليد بقي يفكر يعمل ايه عشان تفتح الباب و تسامحة لحد ما شاف ملك خارجة من الاوضة مستعجلة

وليد :- انتي راحة فين كدا

ملك :- يا أخي يخربيت اللي يزعل أخوك مش راضي يسامحني و أنا بعون الله قررت أنه يسامحني

وليد :- هتعملي اية

ملك بخبث:- اسمع و حكت لية اللي ناوية تعمله

وليد بفخر:- صدقي حلوة و أنا كمان هعمل كدا و بص على الباب و قال:- صبرك عليا يا منه هخليكي تيجي في حضني علطول كدا

بعد نص ساعة كانت ملك ماشية براحة لحد ما وصلت لـ باب الاوضة و خبطت و قالت و هي بتفتح الباب:- ممكن أدخل يا سعادة البيه الحليوة

مالك وقف مره واحده و بص عليها دقيقة و الابتسامة ظهرت على وشة و هو بيهز راسة بمعني لا فائدة و راح اخدها من اديها دخلها و قفل الباب

❈-❈-❈

وليد لابس جلبية و عمة و طاقية و خبط على منه و قال:- ست هانم افتحي دقيقة بس

منه فتحت الباب و قالت:- نعم عا ملحقتش تكمل الكلمة و بص ليه جامد

وليد و هو بيلاعب حواجبه:- ينفع ادخل يا ست البنات

منه هزت رأسها و هي بتضحك جامد و قالت:- مش معقول وليد أنت اتجنتت امتي

وليد بغمزة:- من اليوم اللي حبيتك فية يا روحي

وليد دخل و منه دخلت وراه و هي بتضحك على منظرة و قالت:- عملت كدا ازي يا وليد

وليد حضنها جامد و قال:- مش مهم إزاي المهم أشوف الضحكة الحلوة دي على وشك من تاني

منه ضحكت جامد و وليد غمز ليها و قال:- فاكره ليلة دخلتنا يا منه

منه سرحت شوية و بصتله و ضحكت جامد و هو ضحك معاها

فلاش باك

منه :- نعم يا سعادة البيه كنافة بالمنجة طلبتني يخويا

وليد بصدمة و صراخ:- جميلة تاني لاااااا

منه بهلع:- اية يا سعادة البيه كنافة بالمنجة خضيتني يخويا ينفع كدا و جت تقرب منه وليد جري منها في الاوضة كلها و قال:- يعني النهارده ليلة دخلتنا تطلعيلي فيها بنسخة من أختك يا منه

منه و هي بتجري وراه :- و فيها اية بس يا سعادة البيه كنافة بالمنجة دا أنا حتي بخليك تسترجع ذكرياتك

وليد بينهج من الجري و بيقول:- مش عاوز استرجعها يختي ادخلي اغسلي اللي في وشك دا أنا عاوز مراتي اللي اخدتها من الكوافير

منه :- كدا يا وليد دا بدل ما تقولي انتي حلوة في كل لوك انتي حلوة في كل حاجة

وليد :- و دا برضوا لوك تطلي عليا بيه في ليلة الدخلة

منه :- اقعد بقا انا فرهدت دي كانت فكرة منيلة

وليد :- الحمد لله إنك اقتنعتي إنها فكرة مش لطيفة

منه قعدت و هي بتقول:- كدا برضوا يا كنافة بالمنجة ماشي هـتنام على الكنبة النهارده

وليد اتصدم من اللي هي بتقولة و لسة هيعترض لقاها حطت المخدة على الكنبة و نامت على السرير

وليد:- لله الأمر من قبل و من بعد و نام على الكنبة

بعد شوية قام و نام على السرير و خدها في حضنه و هو بيقول:- تعبتيني و نام معاها

باااك

وليد بغمزة:- بس اية رأيك في اللوك بتاعي أنفع بواب

منه بضحك:- تنفع و نص كمان عشان كدا يلا اقعد تعت قدام العمارة يلا

وليد بحاجب مرفوع:- والله طب تعالي بقي و حضنها جامد و هو بيقول:- دا انا هطلع عليكي القديم و الجديد يا مني القلب

منه بدلع:- أهون عليك يا بعلي

وليد بزهول:- بعلك أنا لية حاسس إنك كنتي عاوزة تقولي حاجة تانية و واخدة دي حجة

منه :- انا برضوا يا كنافة بالمنجة

وليد بسخرية:- كنافة بالمنجة أنا كدا اطمنت إنك بتحبيني حب السنين يا عمري

❈-❈-❈

مالك لف لـ ملك و قال بضحك:- انتي مش هتعقلي ابدا

ملك بدلع:- و أنا لما اعقل حياتك هتبقي ليها طعم يا روحي ؟

مالك :- بس انا برضوا زعلان منك يا ملك

ملك :- انت زعلان من ملك بس مش زعلان من جميلة

مالك عضها و قال:- و ملك و جميلة اية مش واحد

ملك :- لا مش واحد يا سعادة البيه الحليوة بصت لـ عيونة ببراءة و قالت:- مش هتزعل مني تاني صح يا حليوة

مالك ضحك على حركاتها و قال:- و هو في حد يقدر يزعل منك يا ملك دا انتي حبيبتي يا ملك

اتنهد و قال:- انتي عارفه إني بعمل كدا عشان متكرريش غلطك تاني لكن لو عليا أنا مهما تعملي مش بزعل قلبي الخايب دا بيحبك

ملك :- قلبك دا روحى روحي يعني لو هشحت كدا مبحبش غيره

مالك باس على رأسها و خدها في حضنه و ناموا جمب ملوك

❈-❈-❈

تاني يوم الصبح منه صحيت و اتسحبت جابت بيض و حطيته جمب وليد علي السرير و قالت:- استعنا على الشقا بالله و حطت لون على وشه و شعرة و قالت:- يلا حلال عليك عشان تبقي تزعلني تاني و سابته و خرجت

ملوك صحيت من النوم بصت على ملك و صر.خت و هي بتجري و بتقول عفرييييت عفررررريييت يا منال الحقيناي

ملوك بقت تعيط و تجري و هي يتقول:- الحقي يا منال العفريت اللي في الصورة خرج و أكل مامي و نام جمبنا طول الليل

منال اخدتها في حضنها و قالت:- اهدي يا حبيبي دي أمك مش عفريت ولا حاجة

ملوك بتعيط و يتقول:- لا يا تيتا العفريب أكل ماما و بقي هو ماما

مالك صحي على صريخها و بص على ملك و شكلها و هز رأسه و قال:- البت اتصرعت و قام من على السرير

ملك فاقت على حركته و قالت:- في اية يا مالك

مالك :- ملوك خايفة من شكلك قومي شيلي الميكب دا

ملك هزت راسها بنعم و قامت

وليد صحي على صوت الصرا.خ و اتحرك فجأة راح البيض متكسر شتم منه في سره و قال:- يخربيت كدا بقي

قام عشان يخرج لمح نفسة في المرايا وقف فجأة وقال:- سلاما وقوما من رب الرحيم انصرف انصرف

أخد لحظات على ما استوعب إن دا شكله و خرج جري و هو بيزعق:- مني انتي روحتي فين اطلعي و ربنا ما أنا سايبك

ملوك مستخبية ورا منال بصت على وليد و عنيها فتحت و بقت تصرخ بهسترية و تقول:- عفرييييت يا تيتا عفريت تاني أكل وليد العفريب هيجي ياكلني و يجيب واحدة شبهي

ملك خرجت جري على صوت صريخ ملوك و مالك كان سبقها و أخد ملوك في حضنه يطمنها

ملك و وليد بصوا لبعض و صرخوا هما الاتنين بخضة و قالوا عفرييييت يلهوي

• تابع الفصل التالي عبر الرابط: (رواية خادمة قلبي) اضغط على أسم الرواية