رواية خادمة الصقر كاملة بقلم يوستينا سامي عبر مدونة دليل الروايات
رواية خادمة الصقر الفصل التاسع و الثلاثون 39
في اوضة معاذ ..دخل صقر و لقه قمر بتع*يط و حاضنة معاذ
صقر بغيره / ايه بقالك كاك يوم متغيرة معايا و مش عارف اشوفك ولا حتي اتكلم معاكي ، انتي بتع*يطي ليه
قمر بتمسح دمو/عها / و طي صوتك معاذ نايم و انا ما صدقت انه ينام شوية
صقر / طيب تعالي نتكلم في البلكونة علشان مايصحاش
....و اخدها صقر و دخلوا البلكونة و قمر كانت واقفة و مش عايزة تبصله و صقر كان مضا*يق و متغا*ظ منها اوي
صقر / انتي بتعامليني كدة ليه ، بتعقبيني يعني انا عايز افهم
قمر بد*موع / بعد كل اللي انت عملته ده لسه بتسالني يا صقر ، انت ازاي بجح كدة و بتبصلي و تسالني ولا كانك عملت حاجة فيا .. انت اغتص*بتني
صقر بحد*ه مسك ايدها / انتي هبلة يا بت ولا شكلك كدة ، انا اه قولتلك خلي جوازنا في السر و محدش يعرف بيه بس مش معني كدة انك تنسي اني جوزك و اللي حصل ده طبيعي بيني و بينك
قمر بانهيا*ر / طبيعي لما يبقي معروف بجوازنا ، يبقي طبيعي لما نكون في اوضتنا زي اي اتنين متجوزين مش في السر في اوضة محدش يعرفها غيرك انت و خالد و انا و كاننا بنسر*ق او بنعلم حاجة حر*ام
هيبقي طبيعي يا صقر لو كنت حسيت بحبك و انت معايا لكن انت كنت بتن*تقم مني منغير ما اعملك حاجة و كانك بطلع حز*نك كله فيا انا
....و بدات قمر تع*يط جامد و صقر مكنش قادر يتكلم و لاول مره صقر يحس بالع*جز انه يدافع عن نفسه بالشكل ده
قمر بدمو*ع / عشت طول عمري بتمني اليوم ده ..اللي ابقي فيه مراتك علشان بحبك
فتحت عيني علي الدنيا لقيتك انت السند و الضهر
كنت بستخبي في حضنك من اي حد حتي من امي
لكن انت عملت ايه جريت ورا ريهام و اتجوزتها بس علشان ترضي ابوك و قامت حر*ب بعدها بسببها
و كانت بتعاملني وحش اوي لانها كانت حاسة اني بحبك ..
كل الناس عارفة و حاسة اني بحبك و انك بتحبني بس محدش يقدر يتكلم علشان صقر باشا مش هيتجوز خدامة ، بس استحملت يا صقر و الله استحملت و عشت و شيلت ابنك من واحدة غيري علي ايدي و ربيته و حبيته اوي كانه ابني
صقر / ياه ده انتي جواكي كتير اوي يا قمر ، و انا اللي كنت فاكرك بتحبيني و هتستحمليني .. شكلي كنت فاهم غلط
قمر بعص*بية / بعد كل ده لسه بتسال بحبك ولا لاء
انت غ*بي للدرجة دي ، ايوة انت غب*ي اللي يبيع كل الناس اللي بتحبه دي علشان شوية فلوس يبقي غب*ي ... اطلع برا يا صقر ، خالد كان عنده حق لما قال عليك معندكش قلب و عمرك ما هتحس بيا
صقر بو*جع / هخرج يا قمر بس لازم تعرفي ان الي حصل بينا ده علشان انا بحبك بجد .. اقسم بالله بحبك و عشت طول عمري بستني اليوم ده
بس غصب عني من اللي حصلي معرفتش اعبرلك عن حبي بجد ، قمر انا اسف
و خرج صقر من الاوضة كلها و ساب قمر واقفة مصدومة من كلامه / معقول هو قالي بحبك و قالي انا اسف كمان .... واضح ان القيا*مة قربت بجد .
______________________________________________
في الجنينة 🏕️🥰
نغم ضر*بت خالد في كتفه / ايه حبكت الحب في الجنينة يا خالد
حبيبة بغي*ظ/ انتي بتعملي ايه هنا ، خالد هي البت دي لسه علي ذمتك ليه
نغم / نعم نعم ..بت مين يا حبيبتي لا ده انتب تقفي معوج و تتكلمي عدل بدل ما ابل*عك دلوقتي
خالد كان ماسك نغم علشان يبعدها عن حبيبة / خلاص با نغم والنبي لتهدي شوية ، هي اتفاجات بس والله .. انا هفهمها كل حاجة
يا حبيبة قمر مراتي و هتفضل علي ذمتي انا مش هطلقها
حبيبة / لا والله اومال راجع ليا تطلب مني اعيش معاك هنا ليه طلاما انت عايزها هي ... خلاص يا خالد انا همشي و اسيبك تتهني
نغم بغ*يظ / سابت مفاصلك يا بعيدة
خالد بحد*ه / بس يا نغم بقي مش كدة الله
و انتي يا حبيبة انتي عارفة كويس اني مقدرش استغني عنك لانك اهم حاجة في حياتي .. بس دي ظروف و انا هحكيلك عليها بعدين بس ممكن تدخلي ترتاحي في اوضتك
نغم اتغا*ظت اوي و مقدرتش تستحمل طريقته معاها و مسكت ايده و عض*تها بغ*ل و خالد كان بيصر*خ بو*جع
خالد بيبعدها عنه / ابعدي يا بت المفجو*عة ، ايه هتك*لي دراعي . الله يحر*قك يا نغم بجد
حبيبة حضنت خالد بحب/ حرام عليكي . بجد متو*حشة ، انت كويس يا خالد حرك ايديك كدة
نغم بغ*يظ صر*خت / اعاااا و رحمة ابويا لا*عضك يا باردة يا ساقعة .
.....و بدات تجري نغم ورا حبيبة و حبيبة كانت خايفة منها جدا و خصوصاً ان باين انها مجنو*نة و في الوقت ده صقر كان متابع الحوار من بعيد و قرب منهم
صقر بحد*ه / بس انتي و هي مش عايز اسمع واحدة فيكم ، ايه علي اخر الزمن الأمن يشوفوكوا بالمنظر العب*يط ده .
...حبيبة كانت واقفة مرعو*بة من وجود صقر و من كلامه و ده اللي يفرق ما بين صقر و خالد هي هيبته
صقر بص لحبيبة / نورتي الفيلا يا حبيبة بقالنا كتير اوي ما اتقابلناش
حبيبة بتو*تر / ها اه طبعا .. ازيك صقر
خالد انا هطلع اوضتك ارتاح شوية علشان تعبا*نة بعد اذنكوا
وطلعت حبيبة الاوضة و نغم كانت واقفة بت*غلي من وجود حبيبة و صقر بصلها بحده / و انتي كمان انا مش بحب الصداع خالص ، و أعقلي و بطلي شغل الاطفال ده
نغم بغ*يظ/ و انت مالك انت ، حد قالك انك ولي امري و لا حاجة ده انت حيالله اخو جوزي اللي هطلق منه قريب كمان
صقر بحد*ه/ انتي متعرفيش تتكلمي عدل ابدا كل كلامك نطح كدة
نغم بعص*بية / نطح ليه حد قالك اني من عيلة الحديدي يا لذيذ
صقر في اللحظة دي اتع*صب جدا و بص لخالد اللي كان بيضحك جامد ..
صقر بغ*ل / متقفش تضحك كدا و اتصرف مع مراتك يا خالد بدل ما اتصرف انا
خالد قرب من نغم و بعدها عن صقر. / حقك عليا انا ...و ياريت يا صقر متوجهش كلام ليها تاني لان البت دي قليلة الادب و أنا اللي هربيها .
صقر بغي*ظ / اظبط مراتك يا خالد و خليها تتكلم معايا بادب ، انا مش هقبل الدبش اللي بترميه ده
و بصلها باحتقا*ر و سابها و مشي .. خالد ضر*ب نغم علي دماغها
نغم مسكت راسها بو*جع / اعاا. حاسب راسي يا ابني انت
خالد / ينفع اللي انت عملتيه ده ، ما تلمي ام لسانك ده و ايدك كمان .
نغم ضر*بته في بطنه / يا بجح عايزني انزل الاقيك حاضنها في الجنينة و اسكت ، لا و رحمة ابويا ده انا اروح فيك في داهيةة
خالد بو-جع و هو بيضحك / يا بت بس دي مراتي يا نغم يعني عادي لما احضنها ، و انتي لازم تتعودي علي كدة بقي لحد ما الموضوع ده يخلص
نغم بز*عل / لا مش هقدر اشوفها بتحط ايدها عليك او بتلمسك و اسكت ، خالد انا ممكن اقتل*ها و اقتل*ك و اقت*ل صقر البايخ ده
لو حصل بينكم حاجة سامع ولا لاء
خالد / لا اطمني انا عمري ما هعمل كدة علشان انا بحبك انتي صدقيني ، بس بجد ساعديني انا محتاجك اوي الفتره دي يا نغم
نغم / ما انا جمبك اهووو ..و قربت نغم منه و حضنته جامد و هو كمان حضنها
نغم شافت الع*ضة اللي في ايده / تحب تديني ايدك التانية اعملك ساعة زي دي
خالد ضحك جاامد و اخدها في حضنه و باس راسها بحب
______________________________________________
في مكتب عساف 🌺💔
عساف/ يوسف انت بتعمل ايه هنا ، ايه وحشك القس*م و المكتب فقولت تيجي تشقر
يوسف / اكيد وحشني اينعم انا اللي سيبته و مشيت بكامل ارادتي الا انه بيحشني لانه في كل ذكرياتنا فاكر يا عساف
عساف بحد*ه / لا مش فاكر لانها ايام زبا*لة ، اخلص يا يوسف انت جاي هنا عايز ايه .
يوسف ابتسم بخبث لانه عارف ان عساف فاهمه و قرب ناحية همس و قال / انتي همس مش كدة ، هو والدك عارف انك بتروحي البيت عند عساف وساكت
عساف م*سك يوسف من رقب*ته / اوعي توجهلها كلام تاني يا يوسف ، كلامك معايا انا و همس دي انضف من عشره زيك يا و*اطي
يوسف/ انت اتحمقت ليه كدة ولا كان كلامي صح اوي ، بقولك ايه انا مقصدش حاجة انت بس اللي اعصابك تعبا*نة اوي الفتره دي ، انا جاي اديك الدعاوي دي بتاعة فرحي مش اكتر
عساف بغي*ظ / ماشي يا يوسف.. مبروك عليك
اطلع بقي برا علشان انا مش فاضيلك .
يوسف ببتسامة / حاضر يا عساف بس ياريت انسة همس تشرفنا برضو ، الفرح هينور بيها حرفيا
اه صحيح اكد علي الشلة انها تيجي و متنساش
و خرج يوسف من المكتب بتاع عساف و عساف قعد علي الكرسي و هو متغا*ظ اوي و حاطط ايده علي وشه..
همس حطت ايديها علي كتفه/ انت هتروح الفرح يا عساف و انا كمان هاجي معاك ، انت لازم تنسي نور دي باي شكل .. سامع ولا لاء
عساف بصلها بنظره هي فهمتها و بدات تفهم كلامه منغير ما يقولها حاجة ..
همس بتو*تر / انا بعمل كدة علشان احنا صحاب و لا انت عندك مانع و بعدين اطمن انا لايمكن احبك لان ابويا عايز يجوزني لابن عمي اصلا ، فتقدر تقول انا بعمل كدة من باب اننا صحاب مش اكتر
عساف ابتسم / صحاب عندك حق يا همس بس انا لازم امشي دلوقتي ، عايز اروح الفيلا عند صقر و خالد لان جاسر و كريم هيجوا و عايزينا نتجمع معرفش ليه .
همس / طيب بس هتوصلني لحد عربيتي علي الاقل و لا انت ايه رايك
عساف / طبعا يا باشا ..اتفضلي
ووصل عساف همس و اتفقوا ان كلهم يتجمعوا مش في الفيلا لكن في بيت عساف ..
______________________________________________
في بيت عساف 🤓🤫
والد عساف وهو بيحضن خالد وصقر وبيضحك / على فكره بقى انا طول عمري بيتلخبط بينكم
كفايه مقالب مين فيكم صقر ومين فيكم خالد
خالد بضحك / شوف يا عم الحاج تعرفني بقالك قد ايه و تعتبر انت اللي مربينا اصلا وبرده بتتلخبط ما بيننا
ابو عساف/ خلاص طالما يا عم الحاج يبقى انت خالد واحشني قوي يا ابني بقى لك كثير ما جتش
خالد / معلش بقى ظروف كنت مكتئب مع نفسي شويه .. بس اديتي رجعت
والد عساف / طب حمد لله على السلامه و انت يا صقر قولي ايه اخباره دنيتك واخبار ظروفك الماديه ايه
صقر استغرب قوي من السؤال ومش بس هو خالد وكريم و و جاسر عساف كمان استغربه
صقر بالاحرا*ج / تمام يا عمي الحمد لله الدنيا ماشيه تمام
والد عساف / يا ابني طلاما ماشيه معاك تمام والحمد لله ربنا كرمك فين 300 الف جنيه .
في اللحظه دي يا عساف و كريم و جاسر ضحكوا جامد اوي
صقر باحرا*ج / اه في البورصه يا عمي و عامله شغل كويس اوي ... ان شاء الله اول ما تجيب فلوس هارجعهم لك على طول ... بعد اذنك بقى عشان احنا محتاجين نتكلم شويه يلا نخش على اوضة عساف يلا
____________________________________________
في اوضة عساف 👊😌
جاسر بضحك / ابوك ده رهيب بجد شوف فات قد ايه ولسه فاكر 300,000 جنيه
صقر وهو بي*رمي المخده على العساف / طبعا لازم نفتكرهم هما 300 جنيه .. عاجبك اللي انت عملته ده يا لذيذ شكلي قدام ابوك بقي زي الز*فت
عساف وهو ماسك المخده وبيضحك / والله العظيم ما كنت فاكر انه هيركز معاك قوي كده وبعدين يا عم هارجعله الفلوس اسكت بقى .
خالد بستغراب / على فكره انا مش فاهم اي حاجه الفلوس ايه اللي بتتكلمه عليها هو انت فعلا استلفت المبلغ ده منه
صقر بحد*ه / عجبك كدة يا عساف الز*فت ، لا طبعا ماختش حاجة من حد يا عم ده الحيو*ان ده اخد الفلوس من ابوه و لبسني انا فيها .
بس يلا مش مشكلة... نتكلم بقي قي المهم
خالد / عندك حق .. كل واحد فينا عنده د*اهية
و الصح بقي اننا نتفق مع بعض ..و لو في حد خا*ين بينا يتكلم و يقول اللي عنده .. لان دي هتبقي اخر مره نديله الفرصة دي
عساف / انا عن نفسي معملتش حاجة خالص
شوفوا غيري
كريم با*رهاق / انتوا عارفين اني برا كل المواضيع دي و دايما مخرج نفسي من مشاكلكوا كلكوا
خالد / صح يا كيمووو ...و انت بقي يا جاسر مش ناوي تتكلم ..
جاسر / و انا كمان يا خالد ماليش دعوة باي حوارات
انا لما ساعدت نانسي كان بطلب من صقر و هو كان عايز يفهم دماغ نانسي بتلف علي ايه و بتخطط بايه لكن غير كدة .. أقسم بالله ما عملت
خالد / صادق منغير ما تحلف .. بس انا بقي عملت
- يتبع الفصل التالي اضغط على ( رواية خادمة الصقر ) اسم الرواية