رواية عريس الغفلة كاملة بقلم اسراء ابراهيم عبر مدونة دليل الروايات
رواية عريس الغفلة الفصل الثالث 3
مريم: هو في ايه
علي من وراهم: ايه يا نجمه معندكيش خبر ان صورك القذ*ره ماليه السوشيال مديا وحط التلفون في وشها
ووقعت مريم مغمي عليها علي الارض
اسيل: مريم حبيبتي فوقي
ومسكت ازازه الميه ودلقت شويه علي وشها
مريم فاقت وقامت لمت حاجاتها وجريت
جريت اسيل وراها
اسيل: مريم مريم بالله عليكي ماتعملي فيا كده ونبي انتي اكيد عارفة اني مش مصدقه صح
مريم وقعت علي الارض وهي بتعيط
مريم: هو بجد انتو مصدقين الصور دي صوري
اسيل وقعدت قدامها: يا حبيبتي انا متاكده دي مستحيل تكون صورك ومستحيل انتي تكوني كده يا بنتي انتي صحبتي من ١٧ سنه
وبدات تمسح دموعها وقالت
اسيل: دموعك دي اغلي حاجه عندي وهيكون حسابه عسير اللي خلي دموعك تنزل وحضنوا بعض
وكله واقف باصص لهم نظره احتقار وفجاءة اسيل قامت وقالت
اسيل: ايييييه بتبوصوا علي ايه انتو مصدقين انتوا مش طبيعين انتو شعب مش طبيعي بتصدقوا اي حاجه علي السوشيال مديا بجد انتوا بقيتوا حاله ميئوس منها بتصدقوا اي حاجه انتوا شايفنها من خلال ازاز حاجه ماسكنها في ايديكم لا ازاي متصدقوش مثلا علشان مريم بقالها خمس سنين في الكليه دي ولو كانت مريم هي نفسها اللي في الصور دي كان بان من زمان الشمال بيبان بس اقول ايه لعقلكم المريض وشدت مريم اللي كانت قاعدة علي الارض حاطه وشها في الارض ومش قادره ترفع عينها
اسيل: قومي كده وارفعي عنيكي مش انتي اللي في الصور واتفضحتي علشان تبصي كده في الارض
وفجاءة جه عليهم علي وقال
علي: انسه مريم العميد عايزك
مريم والدموع مغرقه وشها: حاضر وكانت ماشيه
اسيل شدتها وقالت: رجلي علي رجلها
علي: بس مينفعش
اسيل: بس انا هروح مليش دعوة مش هسبها
علي: انا مقدر انها صحبتك بس بردك
اسيل: ونبي يا دكتور خليني ادخل معاها
علي: تمام
في مكتب العميد
العميد: مريم انا عارف وواثق ومتاكد من ان مش انتي اللي في الصور بس ده اجرأ روتيني لازم يحصل وحاجه خارجه عن ارادتي
مريم: وهو ايه
العميد: هتاخدي فصل من الجامعه السنادي كلها
اسيل لسه هتتكلم لاكن مريم بصت ليها
مريم: تمام شكرا وطلعت وراحت الكافتريا وقعدت وراحت وراها اسيل ووراهم علي
في الكافتريا
مريم كانت قاعده منهاره
اسيل بحده: لا بقولك ايه مفيش وقت للعياط والانكسار مبدايا احنا لازم نثبت انك بريئه ونمسح الصور من علي النت
علي: انا صاحبي شغال ظابط في مباحث الانترنت هخليه يشوف الصور ويثبت انها متفبركه وكمان بعلاقاته يعرف العنوان اللي اتنشر منه الصور وكمان يمسحهم ويسجن اللي عمل كده
اسيل: حلو ده يلا اعمل كده مستني ايه كلمه
علي: تمام
اسيل: يلا تعالي اروحك
في بيت مريم
كانت مريم واسيل وصلوا ولسه هيدخلوا اخوها فتح الباب واول ما شافها مسكها رماها علي الارض ونزل فزقيها ضرب
خالد: انا يا بنت الجزمه تعملي فيا كده تخلي الناس تبصلي النظره دي اقول ايه ما انتي امك معرفتش تربيكي
اسيل مكانتش عارفة تعمل ايه لحد ما شافت فازه قدامها ومسكتها وخبطته بيها علي دماغه واغمي عليه
مريم بعياط: انتي عملتي ايه وديتي نفسك في داهيه
اسيل بانهيار ومش عارفة تعمل ايه: انا ازاي واغمي عليها
ووقفت مريم بين اخوها من ابوها اللي واقع علي الارض واسيل اللي مغمي عليها لاكن حسن حظها او سوء حظها ان جارها كان نازل وكان باب الشقه مفتوح فشاف الوضع
سيد: ايه اللي بيحصل هنا انا لازم ابلغ الشرطه
مريم وهي بتجري عليه: لا اياك تعمل كده والا هبلغ عليك وانت بترجع في انصاص الليالي كل يوم بوحده شكل
سيد خاف ونزل
مريم: كانت ابتدت تهدي شويه وتفكر وفوقت اسيل واتصلت علي هدي مامت اسيل علشان هي دكتوره فتيجي تعالج اخوها وهي هتعرف تسكت اخوها وفعلا هدي جت وعالجت خالد بما ان الجرح سطحي
وبعد شويه خالد فاق ولقي مريم في وشه وكانت اسيل ومامتها روحوا
مريم: مبدايا كده انا هعدي ليك موضوع انك ضربتني ده بمزاجي علشان اخدت نصيبك عليه لاكن بقي يا حلو لو فكرت مجرد تفكير مش نفذت انك تبلغ عن صحبتي فهقول لامك الحيزبونه دي انك بتشرب مخدرات وضربته في منطقه الجرح ودي علشان لسانك القذ*ر ده جاب سيرت امي ومشيت
عند اسيل كانت اخدت تهزيق كتير وانتهي بانها تقطع علاقتها بمريم لانها بنت مش كويسه بس طبعا بطالتنا بتنفذ اللي يتقال ليها لا طبعا ده يبقي عيبه في حقنا
(اه وملحوظه مريم وخالد اخوات من نفس الاب)
عند علي كان قاعد بيفكر في اسيل وفي شجاعتها وهي بتتكلم قدام الجامعه كلها وبتدافع عن صحبتها وفي حركتها التلقائيه والعفويه وجاتله مكالمه من صاحبه احمد (الظابط) وقال فيها ان الصور متفبركه وكمان جابوا اللي نزل الصور وفبركها
وكلم علي اسيل اللي راحت لمريم واخدتها علي القسم
في القسم
اول ما مريم دخلت وشافت الولد رزعته قلم وقالت
مريم: انت انت طلعت للدرجه دي حقير انا بجد مكنتش متخيله
- يتبع الفصل التالي اضغط على ( رواية عريس الغفلة ) اسم الرواية