رواية من اجل طفلي الفصل السادس 6 - بقلم يارا عبد السلام

  رواية من اجل طفلي كاملة بقلم يارا عبد السلام عبر مدونة دليل الروايات 

 رواية من اجل طفلي الفصل السادس 6

 _احم انت عامل كدا لى...

حسام دخل وفجأه طلع مسد'س. و.....

شكله كان متغير ،عينيه كانت كلها شر ،كان بيتكلم وعينيه في كل مكان بصلي نظرة اول مرة اشوفها في عينيه معقول السنة بتغير كدا معقول حسام بقى عامل كدا شكله كان غريب مكنش طبيعي بصيتله وانا الدموع بتتكون في عينيا بخوف..

_ااي دا يا حسام اي المسدس دا انت عاوز اي واي جابك هنا في اي فهمني..

قرب منى:منة أنا مطارد الحكومة بتجري ورايا 

بصيتله بصدمه:اي حكومه!لي انت عملت اى..انطق في اي يا حسام واي جابك هنا انت عاوز اي بالظبط..

وجه المس'دس تجاهى خفت ورجعت لورا:الي يا حسام انت هتعمل اي..

_انتى هتسمعى الكلام والا تتشاهدى على روحك..وروح ابنك..

بصيتله بصدمه ومش مستوعبه أنه بيقول ابنك اللى هوا ابننا وبيساومنى على روحه قد اي انسان حقير وقذ:ر.

_انت بتساومنى على ابنك يا حسام انت مش خايف عليه ..

حسام:بقولك اي مبحبش الصعبنيات بتاعتك دي هتنفذي اللي هقولك عليه ولا تتشاهدي على روحك..

دموعى نزلت وبصيتله بأسف وبعدين هزيت راسي بقلة حيلة عيني كانت على الباب دائما عوزا حازم يجي ينقذني اه هوا بقى طوق نجاتي وبقى كل حياتى...

حسام ابتسم بخبث:هاتيلي لبس من عند حازم علشان البسه واعرف أخرج من هنا وتاني حاجه هم هييجوا هنا دلوقتي والمطلوب منك تعملى اي حاجه علشان يمشوا انتى فاهمه..

هزيت راسي ودخلت وبصيت لياسين اللي كان قاعد بيلعب وغمضت عيني بخوف عليه ...كنت بحمد ربنا انى مضعفتش قدامة زمان واختارت لاول مره الانسان الصح..

جبت لبس ليه وخرجتله وشاورتله على الاوضه اللي هيغير فيها واستغليت وجوده جوا ومسكت التليفون بسرعه وبعدت رساله لحازم ...

خرج وانا ماسكه التليفون بلعت ريقي بخوف كنت حاسه ان روحى بتتسحب منى بصلي بشر وقرب مني وشد التليفون وشاف انى كنت فاتحه الشات بتاع حازم رمى التليفون على الأرض بكل عصبيه واتكسر ويصلي وعينيه مكنتش تبشر بالخير..

_انا مش قولتلك متعمليش اي حركة غدر انتى شكلك مستغنيه عن نفسك انتى وابنك..

مسك المس:دس :انتى اللي جبتيه لنفسك..

في الوقت دا الباب خبط..

حسام قرب من الباب وشاف من العين السحريه واتخض لما شاف البوليس..

بص لمنه:لو قولتيلهم حاجه انسي ابنك اللي جوا دا انتى فاهمه 

منه بدموع:حاضر حاضر بس بلاش ابني ارجوك يا حسام..

حسام سابها ودخل الأوضه اللي فيها ياسين

ياسين بصله وحسام قرب منه  وهوا بيلعب ياسين مكنش لسه بيمشي كان بدأ يتكلم بس مكسر كدا كلام مش مفهوم ...

حسام ابتسم لما شافه تلقائيا مش عارف لى قلبه اتحرك تجاهه خصوصا أنه شايف نسخة منه قاعده قدامه قرب منه وقعد ياسين لما شاف بيقرب قلب وشه ولسه هيعيط ويعلى صوته حسام حط أيده على بقه ياسين سكت وهوا بيبصله باستغراب حسام جتلة فكرة أنه يلعب معاه علشان يسكت..

بدأ يعمله حركات هبله وبهلوانيه وياسين بدأ يستجيب معاه ويضحك ..

منه فتحت الباب وبصتلهم بتوتر :حضرتكم عاوزين اي أنا ست لوحدي هنا وجوزي في الشغل ميصحش تتهجموا عليا كدا ..

_احنا اسفين يا مدام بس في مجرم هربان فياريت تساعدينا أننا نلاقيه..

_يعنى اعمل اي يعنى اسيب بيتي واجى اشتغل معاكوا لو سمحتوا انفضلوا من غير مطرود علشان ميصحش اللي بيحصل دا انا ست ولوحدي...

كانت بتكلمهم بتوتر وصوت محشرج بالبكاء..

الظابط بصلها بشك وحس أن في حاجه علشان كدا شاور العساكر تخرج برا وهوا كمان..

_احنا اسفين يا مدام على الازعاج عن اذنك

عند حازم شاف الرساله وقام بسرعه وخرج من المطعم واتصل على البوليس للاحتياط ...

ركب العربيه بسرعه وساق بأقصى سرعه وصل البيت بسرعه دا لأن البيت قريب من المطعم ...

نزل من العربيه وشاف أن في عربيات تبع البوليس وفي عساكر كتير في المنطقه..

وقف واحد:هوا في اي..

_في واحد هربان ومطلوب القبض عليه.ودخل في عماره هنا ومش عارفين نوصله...

حازم دخل العماره وطلع الشقه..

منه دخلت الأوضة شافت حسام قاعد مع ياسين وبيلاعبه..

_اللي يشوفك وانت بتلعب معاه كدا ميشوفكش اليوم اللي عرفت فيه أنه جاي على الدنيا ....

حسام بصلها وسكت وبعد عن ياسين 

منة:البوليس مشي ياريت بقى تتفضل من غير مطرود 

حسام بأسف:منه أنا آسف أنا مكنش قصدي كل دا

منه :لا عادي أنا اتعودت منك على الغدر بقتش فارقه يا حسام بس اظن انك عملت اللى انت عاوزه ممكن تتفضل بقى..

_تمام يا منه شكرا على مساعدتك ليا..

حازم من وراه:لي ما تستني تتغدى معانا كمان..

حسام لما شاف حازم بصله بشر وبص لمنه وياسين..

ياسين بفرحه:بببااا بببااا..اابح ااابح..

حازم قرب من ياسين وشاله بهدوء وشد ايد منه  ودخلهم اوضه وقفل عليهم .منه كانت معترضه لكن حازم قفل الباب بعصبيه ومنعها من الكلام...

ياسين بدأ يعيط ومنه قربت منه وخدته في خضنها وبدات تطبطب عليه وتدعى أن الموضوع يعدي على خير وحسام ميعملش حاجه في حازم...

حسام كان واقف وحازم قدامه

حازم:انت مفكر انك لما دخلت هنا انك هتخرج من هنا على رجليك يا مج"رم يا حر"امى ..

حسام بصله بغل:هخرح من هنا وغصب عنك ورفع المسدس ولو مخرجتش يبقى تتشاهد على روحك ...

حازم:ارمي اللعبه اللي في ايدك دي وبطل هبل انت عارف كويس أن البوليس محاصر العماره كدا فانت مش هتعرف تعمل حاجه ...

_انت شايف كدا..

_اه للاسف انت شايف غير كدا

في الوقت دا اقتحم البوليس المكان ...

_سلم نفسك يا حسام المكان كله محاصر ..

حسام بص لحازم اللي ابتسم بخبث وغمزله..

حسام بصله بشر ..

ورفع المس"دس اللي هيقرب منى هق"تله محدش هيقدر يقبض عليا أنا مش هتسجن لا مش هيحصل...

بص لحازم:انت خدت منى كل حاجه وانا هاخد منك روحك..

وفجأة خرجت من مسدسه رصاصه...

منة من جوا سمعتها:حااااااززززممممم

• يتبع الفصل التالي اضغط على (  رواية من اجل طفلي ) اسم الرواية