رواية خادمة قلبي (2) الفصل الثاني عشر 12 - بقلم زهرة عصام

   رواية خادمة قلبي كاملة بقلم زهرة عصام عبر مدونة دليل الروايات

رواية خادمة قلبي (2) الفصل الثاني عشر 12

رهف :- بقولك ايه يا جدع أنت أنا واقفة ألطف و أقول يا بت مش قاصده حظك إني مش فضيالك خدلك سكه بقي عشان أطلع أشوف فرقع لوز اللي راعب الكل دا

حازم بصدمة:- فرقع لوز أنا فرقع لوز دا أنتِ ليلة أبو.كي مش فايتة النهارده

و دخل الشركة و هو متعصب جدا من كلامها

الموظفين كانوا أول مرة يشفوه بعد ما سافر و رجع و كانوا لسه هيسلموا عليه لكنهم اتراجعوا بمجرد ما شافوه متعصب أد اية

حازم دخل الاسانسير لقي رهف جوه و عمالة تدعي إنها تتقبل دخل و متكلمش ولا كلمة

رهف أول ما شافته برقت و قالت:- أنت كمان جاي تقدم على وظيفة

حازم مدهاش إهتمام و مردش عليها فـ رهف اضايقت و قالت بصوت واطي:-

يخربيت الغرور يا أخي كتك نيلة و انت شبه الأتراك كدا

حازم سمع همسها و قال:-

هتعرفي أنا مين بس مش دلوقتي سلام يا قطة

رهف :- قطة بيقولي أنا قطة ماشي يا اللي معرفش اسمك اية اخرتك معايا هتبقي زي إبن إعتماد

و كملت بسخرية:-

شوفي الزمن يا رهف بقيتي قطة شوية و هرمولك شوية لبن تشربهم بس اللي انت متعرفهوش يا بشا إن القطة بتعرف تخربش و تعض كمان مياو

❈-❈-❈

حازم دخل غرفت الإجتماع و اتصدم لما لقي ملك قاعدة و قدامها أكل كتير و هي بتاكل و بتبص في الملفات و كأنها فاهمة

حازم :- اية اللى إنتي عملاه في المكتب دا

ملك :- اية مش عاجبك تعال خدلك ساندوتش تعال

حازم :- ساندوتش اية بس و البانية اللي كنتي بتاكلية الصبح ؟!

ملك :- انت هتبصلي في الأكل يا ابن

بصت لـ مالك و قالت:- حبيبي هي أمك إسمها أية

مالك ضحك و قال ليها :- سلوي

ملك رجعت بصت لـ حازم تاني و قالت:- أنت هتبصلي في الأكل يا إبن سلوي وإلا أية ؟

حازم :- ولا ابصلك ولا تبصيلي لمي الأكل دا قدامك و قومي من على الكرسي بتاعي

ملك :- لهو انت متعرفش

حازم :- لا معرفش

ملك أصلك هتقعد على الكرسي دا قدام المتقدمين لكن أنا مش هقوم من مكاني تدري ليش لأن أنا اللي هختار و ياك حد يتدخل في اختياراتي

حازم بص لـ مالك و قال:- انت عاجبك اللي بتقوله دا ؟

مالك :- لو عرفت تقومها قومها أنا مش هدخل بينكم لأن الداخل بينكم خسران

حازم نفخ و قال لـ ملك :-

يا ملك هيبقي شكلي وحش قدام الموظفين تعالي انتي اقعدي هنا محدش هياخد باله منك

ملك شاورتله بإديها و قالت:-

شششش قولت مش هقوم من مكاني و إياك شوف إياك تعارضني في اختيار اختاره

حازم حز على سنانه و قال بغضب:-

لا بقي كدا كتير دي مبقتش عيشة دي ما تشوف مراتك يا مالك

مالك :- هششش و مسك ايد ملك و باس عليها و قال:-

أنا روح قلبي تعمل اللي هي عاوزاه مش بس تكرشك من مكانك لا دا من الشركة كلها

و بص لـ ملك و قال:-

مبسوطة كدا يا روحي ؟

ملك هزت رأسها بايجاب و قالت:-

مبسوطة قوي قوي يا روح قلبي أيوة كدا خليك دلع فيا بدل ما اقلبها عليك انت و أخواتك نكد و بكلمة واحدة و أنت عارف

حازم حاطط ايده في وسطة و واقف يتفرج عليهم و قال:-

لا و النبي إحنا في اية وإلا في اية يخربيت الرومانسية المقر.فة بتاعتكم دي

ملك برقت ليه و قالت:- بتقول حاجة يا حازم

حازم قعد على الكرسي اللي قدامهم و قال:-

مبتز.فتش اديني اتلقحت اهو يكش بس تكوني مبسوطة كدا ؟

ملك رجعت بظهرها على الكرسي و قالت بانشكاح:-

مبسوطة بس دا انا طايرة من الفرح يجوا يشوفوا اللي راعبهم بيتعمل فيه اية ولا يقدر يفتح بوقه بحرف

حازم خبط على المكتب بإيدة و قالت:-

نعمم

ملك خبطت هي كمان و قالت:-

ايية عندك اعتراض على كلامي

حازم قعد و هو بيبرطم و بيقول:-

و ربنا ما ينفع الكلام دا هيبتي هتضيع كدا

ملك :- بس انا حاسة إنك مش حابب وجودي يا حازم

حازم :- حاسة مش متأكدة

ملك :- اية شايف أخوك يا مالك

مالك بسخرية:- و انتوا خليتوا فيها مالك يلا يختي إنتي و هو عشان نبدأ

ملك أخدت ساندوتش من قدامها و قالت:-

يلا يا حبيبتي ابدا أنا معرفش أركز غير و أنا بأكل

حازم في سره:- والله لأقول لـ ملوك عليكي و هخليها تزلك زي مهي زالة منه كدا

❈-❈-❈

مالك عطاهم أوامر إنهم يبدأوا يدخلوا الناس

رهف قاعدة بره و ضاربة الدنيا خالص بس بتفكر هل هتتقبل في الشغل وإلا لا و بصت للبنات و قالت بحسرة:-

أدي البنات وإلا بلاش مش انتي يا اللي جاية من غير ما تغسلي وشك حتي

البنات كانوا شافوها و عمالين يتهامسوا عليها رهف انتبهت ليهم و لسه هتقوم غمضت عنيها و ضغطت على اديها جامد و قالت:- صبراً مش في الشركة يا رهف صبراً بصت عليهم و حفظت شكلهم و قالت:-

و رحمت أمي لـ اوريكم مين هي رهف لكن صبراً

❈-❈-❈

ملك جوه قاعدة بتاكل و حاطة رجل على رجل

مالك:- اقعدي براحتك يا ملك في اية بس يا حبيبتي

ملك :- انت مش عارف حاجة يا مالك دي قاعدة المعلمين

حازم :- نعم يختي ؟

ملك قاعدة الجامدين يعني

مالك بصلها و رفع حاجة و ملك نفخت و هي يتقول:-

قاعدة الناس الاتيكيت يا ملوكي اسكت بقي

مالك :- اتكيت اية و زفت اية يا بنتي إنتي حامل حامل

ملك :- مالك بس و خليني أركز في الموزة اللي داخلة دي

مالك بص على اللي ملك باصة عليه و هي كملت :- أيوة هي زهرة عباد الشمس الأصفريكا اللي جاية علينا دي

مالك كتم ضحكته بالعافية و حازم مقدرش يمسك نفسه فإبتسم و ضحك لـ جوه

ملك بصوت مسموع ليهم :-

صاروخ أرض جو عليا الطلاق بس للأسف مش هتعمل تدري ليش

حازم همس ليها:- ليش يا أخرت صبر أخويا

ملك :- هعديها بمزاجي و قالت:- عشان لا أنا ولا منه هنرضي بالوضع المنـ ـحل دا

الكل تصنع الجدية و حازم تحمحم و قال:-

احم احم السي في بتاعك لو سمحت

البنت اديته السي في و قعدت قدام حازم بعد ما شاور ليها

حازم :- جميل

لسة هيكمل ملك قالت:- بتعرفي تعملي أم علي ؟

البنت بصتلها باستغراب و قالت:- افندم ؟!

ملك بجدية:- اية مسمعتيش السؤال نعيد تاني بعرفي تعملي أم علي و صوابع زينب

مالك بهمس:- مش كانت أم على بس ؟

ملك :- ملكش انت فيه سبني أشوف شغلي

مالك :- المايك معاكي يا مدام

البت قالت بأسف:- لا يا فندم مع الأسف الشديد مش بعرف بس انا مش فاهمة اية علاقة دا مع شغلي هنا ؟

ملك :- طبعا لية علاقة جدا الشركة هتفتح سلسلة مطاعم و حلويات اومال إحنا عاوزين ناس جديده لسه ولازم طبعا يكونوا بيعرفوا يعملوا أم على و صوابع زينب تدري ليش

البنت هزت رأسها بـ لا و قالت:-

لأن دول الحلويات المفضلين عندي اديش دمي خفيف كركركر

البنت بقت تبصلها بزهول و حازم حط ايده على رأسه من تصرفاتها و مالك مش قاعد يبطل ضحك على اللي بتعمله

ملك بجدية:- كدا تمام و هنبقي نكلمك يا اصفريكا يا عسل انتي ابعتي بقي اللون اللي بعدك و خودي الباب في إيدك

البنت قامت أخدت السي في و مشيت و هي مزهولة من اللي حصل معاها

حازم بغيظ :- اية اللى إنتي بتعملية دا يا ملك ؟ حرام بحد مش قادر همو.ت لو مزعقتش

ملك بصرامة:- صوتك ميعلاش و تقعد بأدبك بدل ما اقوملك يظهر إني تسيبت معاك جدا و انت خدت عليا أوي

مالك و حازم بصولها بصدمة و مالك قال:- اية دا

ملك ضحكت و بصتله و قالت:- اية رأيك يا ملوكي انفع أكون أم صارمة

حازم خبط بإيدة الاتنين على المكتب و خبط دماغه في اديه و هو بيقول:- سأخبر الله بكل شئ سأخبر الله بكل شئ

ملك :- هشش انت دلوقتي و بصت لـ مالك بحب و قالت:-

ملوكي

مالك بصلها بابتسامة و قال :-

عيونه

حازم :- و كبدته و فشته و بنكرياسة

الاتنين بصولوا و هو رفع ايدة مستلم و قال:- خلاص خلاص

ملك بصت لـ مالك تاني و قالت:- البيبي عاوز عصير مانجو

حازم بسخرية:- مانجو يا بنت منال الله يرحم أبوكي يختي

ملك بكيد : و يبشبش الكوبة اللي تحت راسة تعرف يا حازم ؟

حازم :- لا معرفش اية اللى حصل

ملك :- أبويا كان بيشرب الشربه زيك بالطبق و على بوقه على طول

حازم رفع صوابه للسما و كأنه بيدعي عليها و قال:-

اهي يا رب خدلي حقي منها اهي اللي هتجبلي جلطة

مالك بضحك :- بعيد الشر عنك يا برنس دي ملك كتكوته و حبوبة و كيوبة خالص و باس على رأسها

ملك :- بقولك ايه يا مالك

مالك:- اية يا حبيبتي

ملك :- انت رومانسي النهارده زيادة و أنا ابقي غبية إن ضيعت الفرصة دي من ايدي عاوزة منك حاجه يا ملوكي

مالك :- حبيبتي تؤمر و أنا أنفذ

ملك :- عوزاك حطلي قطرة زي زمان

مالك نزل على الأرض من كتر الضحك و حازم صر.خ في وشها و قال:-

راعي إن في ناس متلقحة معاكي انتي مش متنيلة قاعدة لوحدك

ملك :- مهو لو البعيد عنده دم كان انكشح بره لحد ما حطلي قطره قوم ياض أخرج بره أنا بقي طقت في دماغي دلوقتي

مالك :- بطني مش قادر خلاص يا ملك هحطلك قطرة لما نروح اهمدي بقي

ملك برومانسية:- ملوكي اكرش الواد دا مش عارفه أخد راحتي أنا و البيبي

حازم في سره:- هتلبس الواد في كل حاجه مفتريه و تعملها

و مع دخول البنوتة التانية كلهم اتعدلوا و قعدوا في مكانهم

ملك بجدية مصطنعة:- السي في بتاعك يا قوس قزح

البنت بصتلها و قالت:- افندم اية قوس قزح دي ؟

ملك :- انتي هتراجيني في اللي أنا بقوله لا سكسكيوز مي بقي انتي لابسة اية ؟

البنت فستان ملون

ملك :- و ألوانه دي اية ؟

البنت :- قوس قزح

ملك :- يبقي هاتي السي في و اقعدي

البنت قعدت و ملك سألتها:- بتعرفي تعملي محشي ورق عنب ؟

البنت بصتلها و تنحت من صدمتها و ملك اديتها السي في و قالت:- نورتينا

البنت قامت بزهول لدرجة أنها خبطت في الباب و هي ماشية

بعد ما خرجت كلهم بصوا لبعض و ضحكوا جامده

❈-❈-❈

رهف داخلة و لا في دماغها أي حاجة دخلت و قالت:-

صبح صبح

حازم برق و بصلها و ملك بصتلها بفرحة و قالت:- هي دي يا جدعان تعالي يا حبيبتي اقعدي

حازم برق ليها و قالت:- نعم حبيبتك ؟ دا اللي هو إزاي اوعي تكوني ؟

ملك هزت رأسها بايجاب و قالت:- أيوة هو دا

حازم :- حراااام حراااام بجد

رهف :- في حاجة يا حليوة

ملك كانت بتشرب عصير سابته و قالت بجدية:-

لا هنا في نظام اسمه كريم شانتيه أما الحليوة دا ملوكي بس اشطا يا معلمة

رهف قعدت على الكرسي قصدها و قالت:-

فل يا سيد المعلمين

حازم بص لـ مالك و هز رأسه بـ لا و مالك رفع ايدة بمعني لا فائدة

ملك قعدت ترغي مع رهف و حازم بيندب حظة فاق على سؤال ملك :-

و انتي عندك موهبة بتمارسيها ؟!

رهف:-موهبة واحدة بس لا أنت متعرفنيش دا انا عندي مواهب كتشير

مالك :- زي اية ؟!

حضرتك أنا ممكن اجبلك الضغط السكر القلب البنكرياس لا و عندنا اوبشن خد أربعة و هنجبلك المرارة عليهم هدية تحب تختار حاجة معانا يا فندم

حازم :- اية مستشفى متنقلة

رهف:- بقولك ايه يا كريم شانتيه على رأي المودام خليك في حالك يخويا انا أصلا مبقوقة منك و مش راضية اتكلم و مسكته لساني أهو

ملك:- لا اتكلمي و قولي اللي انتي عاوزه حازم عادي و مالك ايزي

ملك فتحت الدرج و طلعت منه شكولاتة و اديتها لـ رهف و قالت:-

خدي بس حلي بوقك بالشكولاته دي

رهف بشك :- اوعي تكوني حاطة فيها بورشام أو حاجة اصفرة ؟

ملك ضحكت و قالت:-

لا متخافيش كلي بقلب جامد و أنا هاكل معاكي

حازم :- بطلي طفح بقي و إنتي هاتي السي في بتاعك

ملك :- انت بتكلمني أنا كدا ؟ شايف يا مالك عشان بترجع تتحمق ليه أوي

مالك يصلها و متكلمش و حازم بص لـ رهف و قال :- السي في

رهف :- و هو لازم السي في يكون في الايد و على ورق

حازم بصلها و قال:- و الله اومال السي في بيكون فين سعاتك

رهف شاورت على دماغها و قالت:-

السي في هنا يا اذكي اخواتك

حازم برق و بصلها و ملك سقفت و قالت بفرحة:-

الله عليكي يا بنتي الله عليكي حبيتك و انتي أتعينتي خلاص

رهف بصتلها بفرحة و قالت:- بجد و النبي استني ازرغط و النبي لـ ازرغط و زرغطت فعلاً

مالك :- بس في اية و بص لـ ملك و قال بصرامة:- اسكتي انتي شوية

ملك :- ما كنت ماشي كويس هو فرقع لوز دا اللي قومك عليا و حسدنا في رومانسيتنا

رهف:- جامدة عليا الطلاق جامده و بصت لـ حازم و قالت:-

عشان تعرف إن مش أنا لوحدي اللي بقول عليك فرقع لوز

ملك :- معلش يا رهوفة السؤال التقليدي بتاعي لكل اللي دخل بتعرفي تعملي محشي الكرنب

رهف :- إلا بعرف و عليا خلطة خاصة بيا تخلي المحشي زي الفل تاكلي صوابعك وراه

ملك :- صوابع زينب

رهف قاطعتها و قالت:- و أم على كمان

ملك قامت و أخدت رهف و قعدوا على ترابيزة الاجتماعات و قالت:-

لا انتي تقولي الوصفات بقي منال لو عرفت مش هتسيبك هات يا حازم ورقة و قلم بسرعة

رهف في سرها بإبتسامة خفية :-

الله الكريم شانتيه طلع اسمه حازم جد حبيت

حازم بصدمة قال بزعيق خلي ملك تبرق :-

• تابع الفصل التالي عبر الرابط: (رواية خادمة قلبي) اضغط على أسم الرواية