رواية خادمة قلبي (2) الفصل الرابع عشر 14 - بقلم زهرة عصام

    رواية خادمة قلبي كاملة بقلم زهرة عصام عبر مدونة دليل الروايات

رواية خادمة قلبي (2) الفصل الرابع عشر 14

ملوك :-لا مفيش غير حازم بس اللي بيحبني و هياخدني معاه الشغل مش كدا يا حازم

حازم حضنها جامد و قال:-

و هخليكي تشيلي مالك كمان

وليد بصله بصدمة و قال:-

إنت بتقول إيه يا حازم ؟ الواد لسة صغير دا لسة مكملش أسبوع إزاي تشيلة غلط عليه

حازم بصله جامد و قال بثبات:-

متقلقش يا وليد إبنك في أمان و ملوك بتحبه مش كدا يا ملوك ؟

ملوك هزت رأسها ببراءة و قالت:-

أه بحبه بس مش بحب وليد

و خرجت لسانها

حازم بصلها و قال:-

طب إجري إقعدي جمب منه و ربعي رجليكي إجري

ملوك بسرعة دخلت أوضة وليد و قعد جمب منه على السرير و ريعت رجليها

كلهم دخلوا وراها و مستنين يشوفوا حازم هيعمل ايه

حازم راح عند ملوك و حط إديها على رجليها بطريقة معينة و جاب مالك و حطة على رجليها

ملوك بصلته و عنيها لمعت و ضحكت بسعادة و هي بتقول:-

صغير أوي يا حازم

حازم بعقل:-

عشان كدا ملوك مينفعش تشيله أول ما يكبر شوية إبقي إلعبي معاه

ملوك بتذمر:-

و فيها اية لما ألعب معاه دلوقتي يعني

حازم :- بصي يا ملوك مش إنتي بتحبي مالك الصغير ؟

ملوك بصت لية و هزت رأسها بايجاب و قالت:-

أيوة عشان هو أخويا.

حازم :- عشان كدا مينفعش تشلية عشان هو ممكن يتعب إنتي لسة صغننه و هو نونو كدا يتعب

ملوك زمت شفتيها بتذمر و قالت:-

خلاص خده أنا مش هلعب معاه تاني غير لما يكبر

حازم شال مالك و حطه في إيد وليد اللي بيبصلهم بزهول و رجع شال ملوك و بقي يناغشها

كلهم بصلهم بحب و إبتسموا برضا على موقف حازم و إزاي عالج الموضوع

أخد ملوك و رجع تاني الشركة

❈-❈-❈

رهف واقف في المكتب مش عارفه تعمل اية بقت تتاوب و تقول:-

يخربيت الملل أنا جاية أشتغل وإلا أتفرج على نفسي مش كان زماني دلوقتي بضر.ب في طاهر إبن إعتماد

قعدت على الكُرسي اللي قدام المكتب و ميلت رأسها على المكتب و نامت و هي بتقول:-

مش عارفه دماغي تقيلة كدا لية هقيل شوية على ما المُدير فرق لوز دا يجي و راحت في النوم

بعد نصف ساعة

حازم داخل الشركة و شايل ملوك على إيده و كل شوية يبوسها

ملوك بزهق:-

كفاية بوس بقي إنت إية مبتزهقش ؟!

حازم بضحك :- أنا لو زهقت من الدنيا كلها عُمري ما أزهق منك يا ملوك

ملوك بلوية بوز:- ماشي يخويا هنروح فين دلوقتي

حازم بضحك :- إنتي عاوزة تروحي فين ؟

ملوك بتفكير:- نروح لمالك عشان أغيظه مكنش راضي يجبني الشركة و بعدين نروح على مكتبك

حازم ضحك بصوته كله و الموظفين بقوا مستغربين حط ملوك على الأرض و وقف يتكلم مع واحد

ملوك شدته من هدومة و قالت:-

حازم فين مكتب مالك فين أنا هروح و إنت تعال بعدي

حازم شاور ليها على مكتب مالك و ملوك جريت عليه و دخلت شافت السكرتيرة قاعدة مكلمتهاش و جد تدخل المكتب السكرتيرة وقفتها و قالت:-

إنت راحة فين هي زريبة مش في واحد قاعدة قدامك

ملوك :- إي دا ؟ هما بقوا يسيبوا الكلاب تهوهو من غير ما يربطوها

بصت ليها و قالت:-

خليكي في حالك يا شاطرة و لسة هتمشي السكرتيرة مسكتها من إديها

ملوك بصت ليها و قالت:-

إنت قد الحركة دي جدعة خليكي مسكاني كدا و أنا هخلي مالك يطردك عشان إنتي خنيقة أصلاً

السكرتيرة:- إنت مين يا بت و إية مالك دي ؟ إطلعي بره أنا مش ناقصة وجع دماغ

ملوك لوت شفتيها بحركة شعبية و قالت:-

لا هو إنتي فيكي دماغ أصلا دا إنت بني آدمة برأس كلـ.ـب

السكرتيرة كانت هتضربها ملوك في ثواني كانت شادة إديها و لقت ورا ظهرها و وقعتها على الأرض و قالت:-

الله يمسيك بالخير يا مالك علمتني إزاي أدافع عن نفسيتي

السكرتيرة:- أقسم بالله لقتلـ ـك

ملوك صرخت و قالت بصوت عالي:-

يا مالك يا بابي إنت فين في واحدة من أكلي لحوم البشر سابت الغابة و جت تقعد قدام مكتبك

السكرتيرة بصتلها بغيظ و قامت من على الأرض و راحت نحيتها و لسة هتمد إديها عليها مالك خرج و قالها بعصبية:-

إنتي بتعملي إية

السكرتيرة:- يا فندم دي بنت قليلة الأدب و مش. متربية

ملوك كشرت و راحت لـ مالك رفعت اديها فمالك شالها و باسها من خدها و ملوك حضنته و قالت:-

بابي بتقول علي ملوك وحشة

السكرتيرة لما سمعت كلمة بابي صاعقة نزلت عليها و بقت مبرقة و قالت بهمس :-

بابي ؟ أخر يوم ليا في الشركة

مالك طبطب على بنته و همس ليها و قال:-

ملوك أجمل بنت في الدنيا بس لسانها طويل شويتين

ملوك بصت لية ببراءة فمالك ضحك و قالها:-

المفروض أتثبت كدا ؟ أقسم بالله قدام نظرتك دي ما بقدر أتمالك نفسي

و بص للسكرتيرة و قال ليها بصرامة :- بنت مالك العدوي متربية أحسن تربية

و بص لـ ملوك و قال:-

إية إللي حصل ؟

ملوك :- مش كانت راضية تخليني أدخل يا مالك

مالك :- قلب مالك إنتي مين إللي جابك هنا ؟

ملوك :- هو فيه غيره حازم هو اللي بيحبني

حازم دخل عليهم لقي السكرتيرة واقفة مش علي بعضها و مالك شايل ملوك سأل بحذر :-

في إية

ملوك :- تعال يا حازم شوف البت دي قالت على ملوك وحشة

حازم بصلها بغضب و قال:-

الله في سماه لو ما عارف إنك مخلصة في شغلك لكُنت رميتك لكلا.ب السكك

راح لـ ملوك و خدها من مالك و مشي

مالك بصلها و قال:-

حازم متعلق بـ ملوك جداً و أي حد يغلط في حقها حتي لو أنا شخصياً بيقوم الدُنيا

أنا ممكن أتساهل لأن عارف بنتي شقية بس عمها لا و تاني مرة تيجي تدخل متكلميهاش و كمل في سره

تربية منال لازم أتوقع منها أي حاجة

❈-❈-❈

حازم دخل المكتب و بيدور بعينه عليها ملقهاش قاعدة حط ملوك على الأرض و قالها:-

طلعي لعبك بقي و إلعبي هنا

ملوك هزت رأسها بايجاب و قالت:-

ماشي يا حازم

حازم قعد على مكتبة و هو بيقول:-

أحسن إنها مشيت مش ناقص ضغط على أعصابي أنا و بدأ يشتغل

ملوك بتلعب و مركزة جداً و بقت تتحرك في المكان لحد ما وقفت مره واحده و عنيها وسعت و جريت على حازم و هي بتقول:-

إلحق يا حازم واحدة مفتو.لة ورا الكنبة

حازم :- بس يا ملوك بتقولي إية إنتي

ملوك :- تعال بس

و شدته من إيده و خدته إتصدم لما شاف رهف نايمة ورا الكنبة و قال:-

دا إية الهم اللي الواحد جابه لنفسه دا

نزل على ركبته و ملوك جمبه و هزها و قال:-

إنتي إصحي

رهف :- شششش شبوني أنام أصل إبن إعتماد حارق دمي و فرقع لوز دا كمل عليا

حازم بص لـ ملوك اللي بصلته و شاورت على دماغها بمعني محنونة

حازم همس لـ ملوك و قال:-

هاتي كوباية الماية من على المكتب

ملوك جابتها و جت بسرعة و حازم بل إيده و رش عليها بهدوء

رهف :- الله ماية الدُنيا بتمطر حلو أصل الجو حر

حازم بصلها بصدمة و قال:-

الدنيا بتمطر و الجو حر ؟

بص للكوباية في إيده و دلقها عليها

رهف إتفزعت و قالت:- في إية

بصت لـ حازم و قالت:-

في إنسان خلوق محترم زي حضرتك يصحي حد كدا ؟

ملك بصلتها و قالت:-

إنت عايشة دا إحنا كُنا فقدنا الأمل

حازم بصلها و قال بحدة:-

و في موظفة مُحترمة تنام في شغلها كدا

رهف إتاوبت و حطت ايديها على بوقها و قالت:-

معلش أصلك إتاخرت أوي و أنا الصراحة بزهق فقولت أنام شوية لحد ما تيجي

حازم بصلها بزهول و ملوك قالت ليها :-

طب و منمتيش على الكنبة لية ؟

رهف بصتلها و ضحكت و قالت:-

أنا إستعملت ذكائي الخارق كُنت نايمة على المكتب خُفت حد يدخل عليا هيكون شكلي وحش قعدت أدور على حته مستخبية محدش يُشفني فيها ملقتش غير هنا فنمت عادي يعني ؟

ملوك بصت ليها بإعجاب و قالت:-

ذكية أوي يا حازم عجبتني و هنضمها لحزب منال

حازم بص لـ ملوك و قال :-

نعم يختي تضمي مين لـ مين ؟ هي المشرحة ناقصة قُتله ؟

ملوك :- ششش يا حازم

و بصت لـ رهف و قالت:-

تعالي إلعبي معايا أنا غضبانة و سايبة البيت تعالى تعالي

رهف بحماس:-

يلا أنا أصلاً عندي طفولة متأخرة

قامت وقفت و لسة ماشية وراها حازم مسكها من قفاها و قال:-

راحة فين ؟

رهف :- هلعب معاها في اية الله

حازم :- تلعبي مع مين ؟ ورانا شغل يلا هاتي الملف الأزرق من المكتبة عندك

رهف راحت للمكتبة و رجعت تاني و قالت:-

الملف لونه إية معلش عشان نسيت

حازم بابتسامة صبر:-

الملف الأزرق

راحت للمكتبة و رجعت تاني وقالت :-

اللي متكعب وإلا إللي مش متكعب

حازم بصلها و قال:-

إللي مش متكعب

راحت و رجعت تاني و قالت:-

أزرق فاتح وإلا أزرق غامق؟

حازم مسكها من قفاها قعدها على الكُرسي و هو بيشتم و قال:-

سنه عشان تجيب الملف سنه كُنت روحت جبته أنا و خلصنا ينهار منيل على كدا

حازم راح جاب الملف و قعد يشتغل و رهف إتسحب و راحت تلعب مع ملوك

حازم كان سرح في شغلة و نسيها أصلاً مفاقش غير على صوتها و هي بتقول:-

أنا كسبت مع إنك كُنت بتغشي

ملوك بصت لـ حازم و قالت:-

أنا هاجي معاك كُل يوم ألعب معاها يا حازم كدا كدا مش هروح الحضانة تاني

حازم حط إيده على وشة و بقي يعيط بإصطناع و هو بيقول :-

كانت ناقصة بلاوي هي الصبر يا صاحب الصبر

❈-❈-❈

ملك قاعدة في بتأكل في نفسها و منال بتبصلها و تضحك

منال :- حسيتي باللي أنا كُنت بحس بيه أحسن أهي ملوك دي اللي هطلع عليكي اللي عملتيه فيا

ملك :- إنتي بتصبريني وإلا بتفرسيني أكتر

منه ضحكت و قالت:-

ربنا يُسترها على إبني و ميتعلمش منها

ملوك :- إسكتي إنتي ، انتي مش حمل كف مني و انتي بحالتك دي

و بقت تأكل في نفسها و تقول:-

ماشي يا ملوك ماشي يا بنت مالك يا تربية منال

منال بصتلها و كتمت الضحكة و قالت:-

و مالها منال بقي يا روح أمك إتظبطي بدل ما أظبطك

ملك:- ماشي يا ملوك ماشي

❈-❈-❈

مالك دخل المكتب لقي رهف منفضة لـ حازم و بتلاعب ملوك يصلهم و بص لـ حازم و إنفجر ضحك

حازم بصله جامد فمالك رفع ايدة و قال:-

خلاص خلاص ، يلا عشان الوقت إتاخر و ملك متصلة بقالها ساعة بتصرخ

بص لـ ملوك و قال:-

إنتي عملتي إية دي ناوية ليكي على نية

ملوك :- أنا انا أعمل حاجة ، دا انا كيوتة ، دايما ظالمني كدا و الله

و بصت للسما و قالت:-

أهم يا رب أهم إنت شايف و أنا مش هتكلم

و بص لـ مالك و قالت:-

هي ناوية على نية أوي يعني

مالك هز رأسه بايجاب و كتم ضحكته فملوك قالت:-

يلا أنا مش خايفه منها أصلا حازم هيحوش عني و مسكت إيد رهف و قالت:-

تعالي معايا عشال لو حازم جاب ورا إنتي تحوشي عني

حازم بصلها بصدمة و قال:-

إنتي بتقولي اية يا بنت إنتي

ملوك :- إحنا هنضحك على بعض دي ملك بتبص ليك البصة بتقول ليها سمعاً و طاعة

حازم :- طب يلا و متخافيش مش هخليها تضربك

ملوك بصت لـ رهف و قالت:-

برضوا مش عاوزة تيجي معايا

رهف ضحكت و قالت:-

والله كنت أبغي بس لسة في كام معركة كدا هدخلها فعاوزة أكون بصحتي و إنتي الصراحة أمك مفترية

ملوك :- والله عندك حق

مالك أخد ملوك و حازم و روحوا ملوك بقت واقفة على الباب مش راضية تدخل

بصت لـ حازم و قالت:-

ما تيجي نهرب يا حازم

حازم ضحك بصوت مكتوم و مالك بصلها بصدمة و قال:-

هتهربي تروحي فين يختي

ملوك :- مش عارفه بس أكيد حازم عارف

حازم كان لسة هيرد عليها لقي ملك بتصرخ جوهو بتقول:-

إدخلي يختي إدخلي يا رافعة رأسي إدخلي بدل ما أجيلك

ملوك بصت لـ حازم و قالت:-

مُتاكد إننا مش هينفع نهرب

مالك:- تعالي متخافيش أنا أهو معاكي

ملوك بصلته بسخرية و قالت:-

و النبي يا مالك إسكت إنت دا إنت بتخاف منها يا راجل

حازم ضحك و مالك بصلها و قال:-

طب إدخلي حلال فيكي اللي هيحصلك

ملوك دخلت بثقة و وقفت قدام ملك و قالت:-

أي يا ملك عمالة تزعقي لية

ملك بصتلها و قالت بغضب :-

يا برودك يا شيخة عاوزة نمو.تيني يا بت ؟ شوفوا داخلة إزاي و لا كأنها عملت حاجة

منه ضحكت وقالت:-

خلاص يا ملك و الله ما قادرة أضحك

ملك بصت لـ ملوك و قالت:-

أنا يجيلي إستدعاء ولي أمر أنا يا ملوك

خُدي هنا يا بت عملتي اية إحكيلي و مش هضر.بك

ملوك :- مش أنا الغلطانة دي الميس يا ملك هي أصلاً خنقة و أنا مبحبهاش

منال بضحك :- لية إية إللي حصل ؟

ملوك :- هي قالتلي إرسمي كلـ ـب

منه :- و بعدين أكيد مش دي المشكلة

ملوك :- لأ ما هي لما قالتلي كدا قولتلها إقفي متتحركيش عشان أعرف أرسم بضمير

الكُل بصلها بصدمة و إنفجروا في الضحك و منال قالت ليها :-

تعالي في حضني تعالي بتخلصي ذنوبي

إنتي بتشجعيها يا ماما خدي هنا يا بت والله العظيم لتنضر.بي النهاردة

ملوك :- يا شيخه إسكتي إنتي قادرة تقفي على رجلك بطلي أكل الأول و بعدين كلميني

ملك بصت ليهم و كلهم ضحكوا عليهم و قامت وقفت مره واحده و…

• تابع الفصل التالي عبر الرابط: (رواية خادمة قلبي) اضغط على أسم الرواية