رواية هذة ليلتي الفصل الثاني 2 - بقلم نجمة براقة

  رواية هذة ليلتي كاملة بقلم نجمة براقة عبر دليل الروايات 

 رواية هذة ليلتي الفصل الثاني 2

ناردين تنظر ل ليلي بشما.ته _ قولتلك يا ماما بلاش تقعد معانا

صلاح _ نااردين امشي روحي اوضتك فوراً

ناردين _ بتزعقلي ليه هو انا اللي قعدت معاه لوحدي ولا هي

ناهد _ انتي بنت قلـ.يلة الادب امشى علي اوضتك

ناردين تذهب وهي غاضبه بسبب انفعال ناهد عليها امام ليلي.

صلاح _ ليلي مش عاوز اللي حصل ده يتكرر تانى اوضتك تتقفل عليكي طول الليل

ليلي ببكاء _ عمي انا معملتش حآجه.

صلاح بمقاطعه_ وانا مش هستنا حآجه تحصل زي ما قولت الباب يتقفل من جوه

ناهد _ خلاص يا صلاح براحه عليها روح انت وانا هكلمها

صلاح _ ماشي،،، ويذهب لغرفة ادم

ناهد _ حبيبتي انا متاكده انك معملتيش حآجه

ليلي ببكاء _ انا معملتش حآجه وحشه لناردين عشان تعمل معايا كده، انا ذنبي ايه ان اهلي ماتو وجبتوني هنا

ناهد تحتضنها_ حبيبتي متقوليش كده حقك عليه انا

غرفة ادم

صلاح _ الوضع ده مش هينفع يستمر، انت خلاص قربت تخلص ثانوية عامة وهسفرك بره تكمل تعليمك

ادم_ لا يابابا انا مش عاوز اسيب هنا

صلاح _ مطر تعمل كده، مينفعش انت تكون قاعد في البيت مع بنت غريبه عنك

ادم_ يا بابا ليلي زي ناردين عمري ما اعمل حآجه غلط انت ليه صدقت ناردين في اللي قالته ومصدقتنيش

صلاح _ صدقتها ماصدقتهاش ملهاش حل تاني، انا لو شايف ان ليها قرايب كنت بعتهالهم وارتحت من القلق ده بس هي دلوقتي ملهاش حد غيرنا

ادم_ خلاص انا ممكن اسكن بعيد وبلاش السفر

صلاح _ مش هينفع كده كده انا عامل حسابي انك تكمل تعليم بره اولاد الوزراء ورجال الأعمال مش احسن من ابن صلاح المنياوي

ادم_ بس انا مش عاوز يا بابا مش هستحمل الغربه بعيد عنكم

صلاح _ ادم_ انتهينا خلاص انت مبقتش صغير

ادم _ يا بابا..

صلاح_ خلاااص قولت اللي عندي، يلا نام

ادم بقلة حيله_ حاضر يا بابا اللي تشوفه

غرفة ناردين

ناردين بغل _ تستاهلي عشان تبقي تكر،هي ماما فيه تاني، انا مش عارفه قاعده هنا ليه ما تموت زي ابوها وامها

تدخل عليها ناهد _ انتي عاجبك الي عملتيه ده

ناردين _ وانا عملت ايه

ناهد _ بتكد.بي وانا عارفة انك. كد.ابه بس مرضتش اقول قدام ابوكي

ناردين _ مش بكدب انا لقيتهم مع بعض بيضحكو وماسكين ايدين بعض كمان

ناهد _ اتعدلي يا ناردين عيب الي بتعمليه ده مش مناسب لسنك ولا لتربيتك

ناردين _ قولي بقا انك بتحبيها ومش عاوزاها تتعاقب مهما عملت

ناهد _ ايوة بحبها علشان هي بنت كويسه ومبتكدبش ولا بتغلط زيك

ناردين _ يعني انا بغلط يا ماما؟!

ناهد _ ايوه بتغلطي وبتكدبي كدب كبير يودي في دا.هيه كمان انتي ازاي طفله عندها 14 سنه

ناردين _ خلاص براحتك طالما انا طلعت وحشه وابنك وليلي مش بيغلطو

ناهد _ انا تعبت منك، بقيت خايفه تكبري علي كمية الشـ.ر اللي جواكي دي

ناردين تشيط غضبآ وشـ.ر يخرج من عينيها _ خلاص امو.ت نفسي لو كرها.ني اوي كده

ناهد بذهول _ مش مصدقه انتي جايبه الجبروت ده منين يابنتي، لا انا ولا ابوكي ولا اخوكي كده، ربنا يستر من الأيام الجايه، تصبحي على خير ولا متصبحيش بقا

ناردين تنظر نظرات كلها شـ.ر _ البيت دا وانتو ليه انا مش هي والبس وكل حآجه معاها ليه انا لوحدي،

بعد شهور….

ناهد ببكاء _ خلاص هتسافر ياحبيبي

ادم _ ايوه يا ماما، بس هكلمك كل يوم وكأني معاكم

ناهد _ مش كفاية ياقلبى، على عيني انك تبعد عني يوم واحد

ادم_ معلش بقا لازم علشان مستقبلي ولا انتي مش عاوزه ابنك يكون بشمهندس كبير وتفرحي بيه

ناهد_ عاوزه يا حبيبي، تروح وترجع بالسلامة ان شاءلله

ادم_ الله يسلمك ياحبيبتي، امال فين ليلي و ناردين

ناهد_ ناردين راحت لصحبتها بتقول مش هتقدر تشوفك انت وماشي وليلي في اوضتها

ادم_ ههههه ناردين طلع عندها احساس اهو،

ناهد_ صغيرة بكره تفهم وتعقل

ادم بتردد_ ماما ممكن اروح دقيقه عند ليلي اسلم عليها

ناهد_ روح ياحبيبي

ادم بإبتسامة_ شكراً يا ماما

يذهب ادم لغرفة ليلي ويفتح الباب ويجدها جالسه على المكتب وترسم شيء ما، وعندما تشعر بأن احد دخل عليها تغلق الدفتر بسرعه

ادم بإبتسامة _ احم بتعملي ايه

ليلي بارتباك _ مفيش

طيب ممكن ادخل

ليلي_ اه تعاله اقعد

ادم _ شكراً، ها عامله ايه دلوقتي

ليلي _ كويسه

ادم _ عاوزه حآجه مني قبل ما اسافر

ليلي بحزن _ هو انت لازم تسافر مينفعش تكمل تعليمك هنا

ادم _ انتي عاوزاني اقعد يعني

ليلي _ ايوه

ادم بإبتسامة شارده_ مطر اسافر، بس انا هتواصل معاكي كل يوم واعرف اخبارك وانتي كمان لازم تكتبيلي

ليلي _ انا خايفه الله يخليك متسافرش

ادم _ خايفه من ايه

ليلي تنظر للارض بدون كلام

ادم _ خايفه من ناردين لا تعمل معاكي زي ما بتعمل كل شويه؟!

ليلي _ ايوه، انت كل مره تدافع عني بس دلوقتى انت هتسافر

ادم بتنهيده _ لو عملت وحاجه كلميني بس وانا انزل اعقبها

ليلي بإبتسامة _ ماشي

ادم يخرج سلسله على شكل نصف قلب من جيبه _ ايه رأيك في دي

ليلي بأنبهار_ الله حلوه اوي

ادم _ دي فضه زي ما بتحبي

ليلي بفرحه _ يعني دي ليا انا

ادم _ اها، تعالي هلبسهالك

ليلي تستدير وترفع شعرها ليلبسها ايها

ادم بإبتسامة _ احتفظي بيها لذكره

ليلي تمسك بها _ حلوه عليه؟!،

ادم بتأمل _ انتي زدتيها حلا

ليلي ببراءة_ شكرا، استنا انا كمان عملالك هديه

ادم _ بجد، هي فين

ليلي تفتح الدفتر وتريه رسمه

ادم بإبتسامة _ مين دول

ليلي _ دي انا وانت وعمي صلاح وماما ناهد

ادم_ حلوين بس انتي مفرقاهم ليه كده،

ليلي_ ماما في المطبخ و عمي في المكتب اهو، ودول انا وانت واحنا بنكتب ونرسم

ادم بإبتسامة_ شكلها حلوه وبتعبر عننا فعلاً بس فين ناردين

ليلي _ مرسمتهاش

ادم_ ههههه ماشي انا هخدها وهتحفظ بيها،

ليلي _ لما تيجي هسالك عنها ولو ملقتهاش هزعل منك

ادم_ اوووكي وانا كمان لو ملقتش السلسلة هزعل منك

ليلي_ ماشي مش هضيعها متخفش

ادم _ طيب انا همشي

ليلي دموعها تتساقط _ خليك شويه

ادم _ اتاخرت الطياره هتفوتني

ليلي ببكاء _ خليك شويه لسه بدري

ادم يمسح دموعها بحب_ متبكيش، انا هكلمك كل شويه ومش هتحسي اني سافرت

ليلي ببكاء_ اه بس انت هتسافر

ادم بحزن_ غصب عني، مكنتش حابب اسيبك، اقصد اسيبكم، خلي بالك من نفسك، ثم ينوي ان يذهب واذا بها تمسك يده، لينظر لها وقلبه يعتصر لفراقها، وما كان عليها الا ان يفلت يدها

ادم بارتباك_ كده هتاخر، اشوف وشك علي خير ، ويعطي لها ظهره هربآ من النظر إليها وهي تبكي ويذهب ادم ويتركها تبكي ألمآ لفراقه، فهو احن شخص عليها في ذلك المنزل قبل ناهد ودائمآ ما يساعدها في واجبتها المدرسيه ويشتري لها الحلوي المفضله لديها ويحن عليها في كل مره تؤ،ذيها تلك المشعو،ذه الصغيره، حتي أصبح شيء اساسي في حياتها لا تستطيع الاستغناء عنه

بعد مرور عشر سنوات

ها هي ليلي الجميله ، ذات الشعر البني المموج و عينان واسعة بلون القهوه و شفاه صغيرة مثل حباة الكريز وبشره بيضاء ناعمه مثل بشرة الاطفال تجلسُ امام شاشة الاب توب تراسل بطل قصتنا ادم

ليلي بفرحه _ اخيرا دا انا قولت ادم طفش ومش راجع

ادم _ خلاص مهمتي هنا انتهت، خلصت كليه وعملت دبلومه مش فاضل حآجه تانيه اعملها هنا

ليلي بإبتسامة _ توصل بسلامه

ادم _ هتستقبليني في المطار

ليلي _ مش عارفه مظنش ان عمي ممكن ياخدني

ادم _ انا هقوله

ليلي بفرحه _ اوكي، قولي بقا شكلك اتغير ولا زي ما انت، ما تبعتلنا صوره بقا يا ادم

ادم _ لما اجي هتشوفيني

ليلي _ ياخي تعبتني بقالي عشر سنين اترجاك تبعتلنا صورة وانت تقولي خليها لما ارجع بزمه ده كلام، اعرفك ازاي انا دلوقتي

ادم _ مظنش اني اتغيرت يدوب تقدم في السن بس نفس الملامح

ليلي بإبتسامة_ مش قادره استنا بصراحه، قولي انت عنيك لسه خضره ولا استوت

ادم _ ههههه لسه خضره مستوتش

ليلي _ اكيد طولت عن ما انت طويل صح

ادم _ انتي مستعجله ليه بكره هتشوفيني، خلينا فيكى انتي لسه مش عاوزه تبعتي صوره بردو

ليلي _ انت مش احسن مني علشان تشوفني وانا لا

ادم بإبتسامة _ ماشي كلها بكره وهنشوف بقيتي ازاي

ليلي بإبتسامة _ مظنش انك هتعرفني

ادم _ هعرفك انا ومغمض كمان

ليلي _ وده ازاي بقا

ادم _ مش هقولك

انظرو الي الباب هناك بوم تتنصط وتنظر إليها بكر.ه نعم انها هي المشعو.ذه الصغيره ولكنها كبرت الان واصبحت مشعو.ذه كبيره واصبح عمرها 24 عام،

ناردين في سرها_ اهو جايلك يختي مش قادره تستني مترغيش معاه لبكره، وهو كمان ميجلهوش نوم غير لما يتكلم مع ست الحسن

ناهد تأتي من خلفها وتضع يدها علي كتفها

ناهد _ بتعملي ايه عندك

ناردين بفزع_ ايه يا ماما في حد يخض حد كده

ناهد _ وفي حد يتجـ.سس علي حد كده، واقفه عندك بتعملي ايه

ناردين _ انا اتجـ.سس علي دي، لا طبعا، انا بس كنت معديه ف شوفتها بترغي مع الاستاذ ااادم، مش صابرين يكون وصل والله ما مرتحالهم وحسا بينهم حآجه

ناهد _ وانتي مالك بينهم حآجه ولا لا، بس ياريت يتجوزها

ناردين _ نعممم ادم اخويا يتجوز اليتيمه دي، دي نحـ.س وممكن يحصله حآجه بسببها

ناهد تقر.صها في دراعها_ اهي النحس دي بدخولها بيتنا بقينا من اسياد المجتمع وعندنا بدال العربيه خمسة وبدل الشركه شركات، مش زيك ما شوفناش من وراكي خير

ناردين بغيظ_ متقارننيش ببنت الميتين دي، هي مش وش خير ولا حآجه بابا هو اللي تعب وعمل الفلوس دي كلها

ناهد _ طيب يختي اتلمي و شوفي رايحه فين

ناردين تنظر لها بغيظ وتذهب لتكمل ناهد النظر لتلك الجميله وهي تراسل ادم

ناهد _ ربنا يجعلها من نصيبك يابني ليأتيها صوت صلاح من خلفها،

صلاح _ اللي بتفكري فيه انسيه ادم مش هيتجوز غير واحده من نفس مستوانا الاجتماعي

ناهد _ ودي مالها ماهي من نفس مستوانا الاجتماعي

صلاح _ شكلك نسيتي هي مين ، دي يتيمه واحنا بنعطف عليها لكن عطفنا ميوصلش اننا نجوزها للولد اللي حيلتنا

ناهد باستغراب _ انت يا صلاح اللي بتقول كده

صلاح _ ايوا انا، حياتنا مينفعش فيها العواطف يا ناهد، وبعدين انا لقيتله عروسه خلاص

ناهد _ لقيتله عروسه؟! هو عيل علشان تلاقيلو انت

صلاح _ محدش هيعرف مصلحته قدي

ناهد _ انت اكيد بتهزر،

صلاح _ مبهزرش انا كلمت نادر المنشاوي علي موضوع جواز ادم من بنته والراجل رحب جدا بس مستني يقابل ادم

ناهد _ ازاي تعمل كده مش كان لازم تقوله الاول

صلاح _ مسيره يعرف وهي كلها يوم ويكون هنا

ناهد بتنهيده _ انا متأكده انه مش هيوافق، ربنا يستر

في اليوم التالي امام المطار

انظرو هناك اللي ذلك الشاب الوسيم ذو الجسد الرياضي والمظهر الانيق وهو يخرج من سيارته الفارهه ويتجه نحو المطار لاستقبال شخصآ ما، .. ما هذا بمن اصتدم ذلك الشاب،، نعم نعم لقد اصتدم بجميلتنا ليلي

ليلي_ اااه مش تفتح

يامن _ Sorry ويذهب دون ان ينظر إليها حتي

ليلي بصوت مرتفع_ ناس قليلة الذو.ق

يامن يعود خطوتين للوراء وينزع نظارته وينظر لها _ بتقولي ايه

ليلي_ بقول ناس قليلة الذوق

يامن يرتدي نظارته ويهز رأسه بتقليل منها ثم يذهب

ليلي بغيظ_ مغر.ور وفرحان بنضارته الغـ.بيه

صلاح يأتي من خلفها_ مدخلتيش ليه مش قولتلك هركن بعيد وراجعلك

ليلي_ كنت مستنيه حضرتك

صلاح_ ماشي يلا

بجانب ثور الانتظار يقف الجميع ويلوحو بأيديهم للقادمين من السفر، واذا ب ليلي ترا ذلك الوسيم مره اخري وهو ينتظر شخص ما وعقلها يخبرها بأن تضر.به وسط الزحام بدون ان يراها، وها هي تتسلل بحذر من جانب صلاح الا ان وصلت اليه وضر.بته بقدمها في ركبته وعادت مسرعه، ولكن لسوء الحظ هو رأها، وبغيظ ذهب نحوها ليلقنها درسا، واذا به يرا صلاح وينسا لما هو أت الي هنا

يامن_ عمي انت هنا

صلاح_ ايه ده يامن انت جاي هنا ليه

ليلي ف سرها_ احيه طلعه يعر.فه روحتي في دا.هيه

يامن_ جاي استقبل ادم

صلاح_ واحنا كمان

يامن _انتو مين

صلاح_ احنا وليلي، سلمي يا ليلي علي يامن

صلاح _ زي بنتي انا اللي مربيها

يامن بحده _ اهلااا ويمد يده لها

ليلي بارتجاف تمد له يدهها لتسلم عليه، واذا به يضغط علي اصابعها بقوه وهو مبتسم كي لا يشك صلاح في الامر

ليلي بوجع_ اااه ايدي يا غبـ.ي.

صلاح_ بنت عيب

يامن_ سيبها تلاقيها اتوجعت، انا اسف يا انسه انا بسلم كده دايما

ليلي بوجع _ متبقاش تسلم تاني

• يتبع الفصل التالي اضغط على ( رواية هذة ليلتي ) اسم الرواية