رواية مطلقة في قلب صعيدي كاملة بقلم مروة ماجد عبر مدونة دليل الروايات
رواية مطلقة في قلب صعيدي الفصل السابع 7
نغم فتحت باب اوضه المكتب ودخلت ، الاوضه اللى حسن منبه على كل الناس فى الفيلا ممنوع حد يدخلها، واخيرا دخلت نغم وفتحت النور ، لكن غريبه حسن برضو مش موجود والاوضه فيها مكتب بسيط وكرسي هزاز ، غريبه الاوضه مفيهاش اى حاجه سر تخلى حسن يمنع دخول اى حد فيها ،
استنوا كدة 🤫🤫 ، ايه ده فى لوحه كبيرة متغطيه بملايه ، وادوات رسم
نغم بتقرب من اللوحه وعاوزة تخرج تدور على حسن ، لكن جواها فضول انها تشوف ايه اللى حسن مخبيه
واخيرا استجمعت قوتها وكشفت اللوحه ، علشان تشوف نفسها ، ايوة تشوف نفسها مرسومه بالزيت على لوحه بالحجم الطبيعى
نغم رجعت خطوه لورا ، وفجأه بتخبط فى حد ، نغم بتصرخ من الخطه وتحط ايدها على بوقها …..
حسن ، ايه دة ؟
حسن كان فى الاوضه وراها وهى مش حاسه
اهدى يا نغم ، ولو سمحتى بلاش تفهمي الموضوع غلط واديني فرصه اشرحلك الموضوع
نغم بتحاول تستجمع قوه اعصابها وقالت بعد تنهيدة ونفس عميق
دكتور حسن ممكن تطلع معايا فوق لان الحاجه والدتك تعبانه
حسن بفزع
ايه امى تعبانه …..
حسن بيجرى على اوضه والدته ونغم وراه ، وكأن الحاجه روحها ردت تانى لما شافت حسن وبعد اكتر من ساعتين من الرعايه الطبيه للحاجه ارتاحت والحمد لله وغمضت عيونها ونامت
نغم دخلت اوضتها اخيرا بعد ليله طويله من التعب والمجهود ، والغموض
نغم بتغير هدومها وترمى جسمها على السرير ، ومليون سؤال بيدوروا فى عقلها
ليه حسن راسم صورتها
الصورة شكلها مرسومه من زمان اوى ، وتقريبا مر على الصورة دى سنين ،
طيب ازاى انا لسه عارفاه من حوالى شهر و و و و اكتر من مليون سؤال عاوز اجابه ، واجابه سريعه كمان ولكن نغم خلاص التعب مش مخلى عندها تركيز لأى حاجه
وفى القاهرة وبالتحديد فى شقه نعمه هانم والساعه دلوقتى ٣ وش الفجر
نعمه قاعده ورابطه راسها ربطه مطلقات🤨 وبتندب وتقول
يا ويلك يا نعمه جوزك بقى بيبص برة يا نعمه ، وبيبص لمين ، لبنات على الموضه ، هتعملى ايه يا حزينه وسط البنات الحلوة اللى متلونين ولابسين على القالع ، يا مرارك الطافح ياااااختى
وهنا بيدخل هادى وهو خايف انها تكون لسه صاحيه لان الوقت اتأخر اوى وهادى مفكر انها نايمه ، ميعرفش انها قاعده فى انتظارة على احر من الجمر
الاستاذ هادى بيقلع جزمته ويدخل على طراطيف صوابعه زى الحراميه وفجأه والدنيا ضلمه كحل بيحس بايد حد بتخبطه على قفاه وتمسكه زى حرامى غسيل وتقول …
ما لسه بدرى يا هادى بيه مهى لوكندة تاكل فيها وتنام ، وياترى بقى الليله كانت مع مين رقاصه ولا خدامه ولا مدرسه فرنساوي
هادى بيبلع ريقه ويتنفس الصعداء (عليا شويه مصطلحات ) ويقول …
نعمتى مساء الخير يا روحى انتى لسه صاحيه ليه يا قلبى ، انتى متعرفيش ان النوم بدرى مفيد جدا لصحة البشرة والشعر
نعمه بتجز على سنانها وتقول 😬
وحياه امك يا هادى ان ما نطقت وقولت كنت سهران فين لاخلي اللى ما يشترى يتفرج عليك ، انطق كنت سهران عند البت سماح شخلعه 💃 الراقصه صح
هادى
اسكتى يا نعمتى مش البت سماح عقبال عندك ربنا تاب عليها وسابت الرقص 💃💃
نعمه
والله ما شاء الله ، واشتغلت ايه ، تكونشى اشتغلت مدرسه فرنساوي
هادى بكل فخر بيقول
لا لا دى سابت الرقص وفتحت بيت دعا،رة اد الدنيا 😁
نعمه 🤨
ببت دعا،رة يا راجل يا مهزق
هادى
لا مش اى بيت دة حاجه لخدمه البلد وشباب البلد 😄
نعمه بتصرخ فى وشه وتقول
ياااااارب صبرنى عليه ، انا خلاص تعبت من كدبه وعينه الزايغه امال يا راجل لو مكنتش متجوز احدة تقول للقمر قوم وانا اقعد مطرحك زيى كنت عملت ايه
هادى بيكتم ضحكته ويدخل الاوضه وينام، لكن قبل ما ينام بيرمى كلمتين لنعمه يخلوا دمها يتحرق ويقول
نعمتى ، انتى ازاى سايبه حسن اخوكى لوحدة مع الصاروخ ارض جو اللى اسمها نغم ، ايه مش خايفه المطلقه دى تلف على اخوكى وتتجوزة
نعمه افتكرت حسن ونغم وانها لازم فعلا تسافر تانى الصعيد
اعمل ايه يا اخرة صبرى ما انت مخلى عينيه فى وسط راسى اروح فين واجى من فين لو سيبتك اهنه هنلعب بديلك 🐒 ولو قعدت وسيبت المطلقه مع اخوى المطلقه هتلعب بديلها 💃
وبتقرر نعمه هانم انها من النجمه هتسافر الصعيد ، بس المرة دى هتاخد هادى فى ايدها علشان ميلعبش بديله 🙈🙈
ومع طلوع شمس يوم جديد على فيلا الايوبي، عصام بيتصل برقم نغم وتقول
الو ، مين معايا
عصام
اهلا مدام نغم اخبارك ايه معاكى عصام بيه الايوبي
نغم
اه ، اهلا عصام بيه ، ااااا هو حضرتك جبت رقمى من فين
عصام
ليه هو رقمك سر ولا ايه
نغم
لا مش سر ولا حاجه ، بس دة حتى الدكتور حسن مش معاه رقمى، يعنى الصعيد كلها محدش معاه رقمى، يبقى انت بقى جيبته من فين
عصام بيضحك على طيبه نغم ويقول
ههههه وهو انتى متعرفيش ان مصر كلاتها تحت امرى بصعيدها او البندر ، مدام نغم انتى لو محتاجه نجمه من السما او حتى لبن العصفور اللى بيقولوا عنه يكون تحت امرك
نغم بتحاول تقطع الكلام معاه وتقول
تمام اوى ، كنت عاوز منى حاجه يا عصام بيه
عصام
اااا كنت عاوز اطمنك ان الدكتور الامريكانى جاى بعد شهر وانا خلاص حجزت لادهم معاد معاه مبروك علينا
نغم بفرحه
الحمد لله ، تمام اوى وانا فى انتظارة بإذن الله ، ومتشكرة اوى لاهتمامك يا عصام بيه مع السلامه
وقفلت نغم السكه مع عصام اللى بقى متغاظ اوى لانه كان ناوى ياخد ويدى معاها فى التليفون ولكنه لاقى ان نغم دى حيطه سد
وبعد ما نغم خلصت شغلها مع الحاجه وفطرت كمان معاها اخدت قهوتها وقعدت فى البلكونه تشربها وبيدخل عليها حسن وقال
مدام نغم استنيت على الفطار انك تيجى نفطر سوا لكنك من الواضح انك زعلانه
نغم
لا خالص يا دكتور حسن، بس عاوزة افهم من فضلك
حاضر انا هافهمك
وبدا حسن يحكى ويقول
من عشر سنين اتعرفت على والدتك الله يرحمها وعرفت انها عايشه لوحدها وطلبت منى اروح ازورها كل اكون فاضى وبدأت ازورها فعلا ومن اول زيارة لفت نظرى صورك المتعلقه فى مكان فى البيت ، حتى لما كنت اقف مع امك فى المطبخ نعمل قهوة كانت صورتك على مج الشاى ، سألتها عن صاحبه الصورة وبدأت تحكى عنك وعن طيبه قلبك وحنانك وكانت بتخلينى اقرا الجوابات اللى كنتى بتبعتي ليها كنت حاسس انك بتكتبى ليا انا مش لوالدتك وانا اللى كنت باكتبلك الرد ، وعلشان انا هوايتى الرسم لاقيت نفسى عاوز ارسم الجمال دة ، ورسمته فعلا وعيشت مع طيفك سنين وسنين ، وعمرى ما تخيلت ان الحلم هيصبح حقيقيه فى يوم من الايام ، حتى بعد ما والدتك اتوفت وانا مسافر عمرى ما نسيت حكاياتها عنك ، وكنت على طول عاوز اطمن عليكى لانها قالتلى انك على خلاف من والد ادهم
نغم بتبص لحسن وتبتسم ومش مصدقه اللى بيتحكى ، معقول لسه فى الزمن دة قلوب حنونه بتحس بالناس بالشكل دة
نغم بتقرب من حسن وتقول…
دكتور حسن عاوزة اعترفلك اعتراف
وهنا حسن بيحس ان الدنيا كلها قلوب بمبى والعصافير بتزقزق
💖💖💝💝💝💘💘💘💘💘
ولسه نغم بتفتح بوقها وتتكلم ….. وفجأه الغفير بيدخل ويقول
سى الدكتور حسن الست نعمه هانم وصلت بالسلامه ومعاها الاستاذ هادى وبتسال عليك …
يووووه الله يخرب عقلك يا نعمه قطعتى الحته الحلوة……
معلشى بقى نستنى لبكرة ونشوف قلب الصعيدى شايل ايه لجميله البندر
انتظرونى ……
- يتبع الفصل التالي اضغط على ( رواية مطلقة في قلب صعيدي ) اسم الرواية