رواية ظننا انه باب الامل الفصل الثاني عشر 12 - بقلم ملك ناصر

  رواية ظننا انه باب الامل كاملة بقلم ملك ناصر عبر مدونة دليل الروايات 

 رواية ظننا انه باب الامل الفصل الثاني عشر 12

جاسر اتنهد بحزن: عشق.. عشق كانت مراتى وبنتى واختى

وحبيبتى وكل حاجه.. انا لحد الان مش مصدق انها مش

معايا.. انا بكلمها كل يوم قبل ما انام وقبل ما انزل.. لما اكون

مضايق ببعتلها رسايل على الواتساب.. بيكون عندى امل انها

ترد!

كيان كانت بتسمعوا بتأثر شديد: هو ممكن حد يحب حد كده

ويكون مخلص ليه حتى بعد ما يموت!!

جاسر: انا مكنتش بحبها انا كنت بعشقها..

كيان: ربنا يرحمها.. وحاولت تلطف الجو: اوعدنا يارب هه

جاسر: انتى جميله يا كيان وطيبه وهتلاقى اللى يحبك زي

ماكنت انا بحب عشق.. واكمل بضحك.. بس مظنش انو

هيحبك اكتر ما كنت بحب عشق يعنى..

كيان ابتسمت وهي بتفكر فى كلاموا..

…… كل الكلام ده كان متسجل وفى حد بيسمعوا………

بعد وقت البنات جت من الكليه وراحوا المستشفى عند كيان

وجاسر مشي…….

♡♡♡♡♡♡فى قصر الجارحى♡♡♡♡

كانت العيله متجمعه على السفره علشان يتعشوا..

داليا: الا قولى يا جسورة..

الكل بصلها باستغراب وصدمه..

وجاسر ومردش..

داليا باحراج: جاسر انا بكلمك..

جاسر: نعم..

داليا: هي كيان لسه في المستشفى ولا خرجت..

جاسر: هتخرج بكره..

داليا بخبث: اممم دانت متابع كل اخبارها بقا.. ايه اللى مخليك مهتم كده يعني..

جاسر حس بارتباك بس تظاهر بالبرود: معليش..

داليا اتنرفزت اوى من برودوا معاها فى الكلام.. انا شبعت بعد

اذنكوا.. وقامت طلعت على اوضتها..

عم جاسر: اخبار الشغل معاك ايه يابنى..

جاسر: كل حاجه تمام يا عمى متقلقش..

♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡

&تسريع الاحداث&

كيان خرجت تانى يوم وابتدت تنزل شغلها عادى وعدا على

الكلام ده اسبوع كل يوم كيان وجاسر يقربوا من بعض اكتر

وجاسر كان كتير بيحس بتأنيب الضمير ناحيه عشق وانو

بيخونها وابتدا يحط حدود بينو وبين كيان..

.. فى يوم..

جه تليفون لجاسر بليل..

جاسر: الو..

شخص: الو جاسر الجارحى..

جاسر: ايوة مين..

شخص: انا صاحب البا.ر اللى داليا هانم الجارحى بتيجي فيه

وهي دلوقتى مكتره فى الشرب ومش هتعرف تروح عايزين

حد يجي ياخودها..

جاسر قام بسرعه: تمام انا جاي حالا قولى العنوان..

الشخص:…………….

نزل جاسر بسرعه للعنوان وركب عربيتوا واتجهه للمكان اللى

فيه داليا دخل لقاها واقفه وسط شباب كتير وشاربه على الاخر..

جاسر بحده وصوت عالي: داليااا

داليا اتفزعت من الصوت وبصت وراها وابتسمت لما لقت

جاسر..

داليا بدون وعي: جاسر.. انت جيت عشانى..

جاسر قرف جدا من منظرها وراح شدها من اديها بسرعه..

داليا كانت هتقع بس جاسر لحقها وكانت مقربه منو اوى..

حد من صحاب داليا صوروهم وكان متفق مع داليا على كده

جاسر: داليا انتى كويسه..

داليا: تؤتؤ مش كويسه.. انت ليه مش بتحبنى يا جاسر.. انا بحبك..

جاسر: داليا من وقت الكلام ده يالا امشي معايا..

داليا وهي بتحضنوا تؤتؤ مش عايزه..

جاسر اضطر يشيلها وطلع بره وركبها العربيه واتجهه للقصر..

اول ما دخلوا طلعها اوضتها وخرج منها بسرعه..

♡♡♡♡♡♡♡♡تانى يوم♡♡♡♡♡♡♡♡♡♡♡♡♡♡♡♡

كانت كيان بتفطر مع مامتها واخواتها وكانت اسيل ماسكه الفون وهي بتاكل..

دهب: يابنتى شيلي البتاع ده من ايدك وكلي..

اسيل: مانا باكل اهو ي…… وبصت بصدمه للفون..

مليكه: فى ايه يابت..

اسيل ورتلها الصورة اللى شافتها على الفون..

مليكه بشهقه: جاسر الجارحى وداليا الجارحى..

كيان انتبهت لحديثهم لما سمعت اسمو..

كيان: في ايه..

اسيل ادتلها التليفون.. شافت صور لجاسر وداليا مع بعض

وكانوا في البا.ر وصور وهي حضناه.. وكان مكتوب فوق الصور..

(قصه حب جديده بين جاسر الجارحى وابنه عمه داليا الجارحى )

كيان مكنتش مصدقه اللى هي شايفاه بس متكلمتش وادت التليفون لاسيل وكملت اكل..

اسيل: انا مكنتش متوقعاه كده كنت بحسبوا راجل محترم..

مليكه: اممم عندك حق..

كيان: انا شبعت يالا سلام علشان متأخرش.. مشيت كيان

بسرعه وركبت عربيتها وانطلقت للشركه..

&&&&&&&&&&&&&&&&&&عند شروق……..

شروق كانت فى الاوضه بعد ما خلصت فطار وقاعده على

الفون وفجاه شافت الصور وكانت على كل مواقع التواصل

الالكترونى وطبعا ده بسبب اسم عيله الجارحى الكبير..

حطت اديها على بوقها بصدمه ونزلت جري على جاسر..

شروق وهي نازله من على السلم ورايحه باتجاه الجنينه تلحق

جاسر قبل ما يمشي: جاااسر..

جاسر باتسغراب: في ايه يا شروق..

شروق وجهت التليفون لعينه: ايه ده؟!

جاسر غمض عنيه بغضب: يابنت ال..

مسك الفون وطلع والغضب عميه لاوضه داليا ووراه احمد

وشروق..

احمد: اهدا يا جاسر..

فتح جاسر الباب بغضب وداليا كانت ماسكه الفون وسبته

بفزع: ايه مش تخبط..

جاسر بغضب: انتى اللى عملتى كده صح..

داليا بتمثيل: عملت ايه..

جاسر: دااااليا انتى اللى صورتي الصور دي مش كده

داليا: انا مش فاكره حاجه من امبارح ولسه شايفه الصور دي

زيي زيك..

احمد بغضب: وانتى ايه اللى وداكى المكان الز.فت ده..

داليا ببرود: والله انت ملكش دعوه انا اعمل اللى انا عايزاه

مانت بتروح وبتعمل اللى انت عايزوا انت كمان..

احمد ضربها على وشها بالقلم وداليا بصتلوا بصدمه….

• يتبع الفصل التالي اضغط على (  رواية ظننا انه باب الامل ) اسم الرواية