رواية ضرتي كاملة بقلم مني محمد عبر مدونة دليل الروايات
رواية ضرتي الفصل الثاني عشر 12
اميرة لو حد قرب منى هقتله الحقو….
مسكها واحد منهم من أيدها والتانى كتم نفسها عشان متصو*تش
نور اسيبكم بئا يارجالة تستمت*عوا بس قبلها هقولك حاجة
قربت نور منها وقالت بهمس فى ودنها عايزة اقولك على مفاجأة مش زياد الل حاول يقتل نادر كنت انا
عضت أميرة الراجل وجت تجرى بس واحد منهم مسكها وضربها بالكف
اميرة بصراخ انتى إنسانة حقيرة وقذرة فاااكرة ان نادر هيسيبك نادر هياخدلى حقى منك ابعدوا عنننى ابعدددوا ياكلاااا*ب
نور بشماته الل كنتى بتتحامى فيه بيموت محدش هييجى وينقذك منى المرادى كان نفسى احضر اللحظات الجميلة دى بس مضطرة اروح اودع جوزى للمرة الاخيرة باى باى
فتحت نور الباب بس انصدمت لما لقت زياد الل كان لسة هيخبط ومعاه مالك بصولها الاتنين بتعجب
زياد انتى بتعملى ايه هن… اميرة ودخل يجرى
لقى التلاته بيحاولوا يعتد*وا على أميرة اول ماشافوه هجموا عليه
نور بصوت عالى خلصوووا عليهم هما الاتنييين
كان زياد فى قمة غضبه خصوصا لما شافهم بيحاولوا يعتدوا على اميرة ضربهم زياد بعصبية وجنون ومعاه مالك مع بعض الاصابات ليهم
زياد اطلب البوليس يامالك قبل ماولاد الكل*ب دول يفوقوا
جت نور عشان تخرج بس زياد شافها مسكها من ايدها وفضل يضربها بالكفوف
اميرة من الصدمة كانت فقدت الوعى
مالك خلاص يازياد سيبها هتموت فى ايدك
كانت نور مش قادرة تتكلم من كتر الضرب
زياد خليك مراقبها لحد ماالبوليس ييجى
مالك انت ناوى تحبسها ؟ انا رأيى نقول لنادر وهو الل يعاقبها
بعد شوية
جت الشرطة وخدت الل حاولوا يتهجموا على أميرة وخدوا نور كمان
اول مااميرة فاقت وافتكرت عيطت بهستيرية
زياد اهدى ياااميرة محصلش حاجة
اميرة ببكاء حاولوا يختصبو*نى نور الل قالتلهم
زياد هتتعاقب على الل عملته البوليس خدهم كلهم ممكن بئا تهدى
مالك فضلنا نرن عليكى كتير مكنتيش بتردى ماما قلقت عليكى وبعتتنا احنا كنا جايين نقولك على خبر حلو
مسحت اميرة دموعها خبر ايه ؟
مالك نادر فاق ياستى وبقى كويس الحمد لله
اميرة بفرحة بجد
مالك أيوة
اميرة عايزة اشوف نادر واطمن عليه
زياد طب يلا هوصلكم المستشفى واروح النيابة عشان أبدأ التحقيق مع ولاد الكل*ب دول هوديهم فى ستين داهية
اميرة زياد انا آسفة لأنى ظلمتك وافتكرت انك المسئول على الل حصل لنادر
زياد أنا الل اسف ياااميرة على كل الل عملته معاكى انا ندمت واتمنى تسامحينى
اميرة باابتسامة مسمحاك وبجد شكرا لو مش انت كان زمانهم
قاطعها زياد كله بفضل ربنا ولانك بنت حلال وعمرك مااذيتى حد ربنا انقذك
___________________________
وصلت أميرة المستشفى ودخلت لنادر كانت والدته وولاده ورنا معاه
حضنته اميرة بحب
حمد لله على سلامتك ياحبيبى انا كنت هموت لو حصلك حاجة
نادر بمقاطعة بعد الشر عنك
زياد حمد لله على سلامتك يانادر
فرح نادر لانه حس أن زياد سامحه الله يسلمك يازياد
والدة نادر انا آسفة يابنتى عشان طردتك بس والله كانت اعصابى تعبانة عشان حالة ابنى
اميرة لا ياماما متعتذريش انا عارفة انه كان غصب عنك
جنة عمو مالك هيا فين ماما انا عايزة ماما
بص مالك لزياد بحزن ماما ياحبيبتى راحت عند تيته يومين
زياد انا مضطر امشى دلوقتى هجيلك بكره بااذن الله يانادر اطمن عليك عن اذنكم
والدة زياد استنى يازياد يابنى انت ومالك شكلكم مش عاجبنى هو حصل حاجة؟
خد زياد مامته وخرج حكى لها كل الل حصل وطبعا هيا موافقتش على تصرف زياد وانه عايز يحبس نور لانها برضو مرات ابنها وغير انها خافت على الفضيحه كانت رنا واقفة بتسمع لاحظ زياد توترها وخدها على جنب
زياد بشك مالك يارنا
رنا بتوتر م مفيش انا بس دايخة شوية
زياد بشك اممم اوعى تكونى كنتى مع نور فى الل عملته
زاد توتر رنا لا طبعا انا صحيح مش بحب اميرة بس مش توصل انى ابعتلها حد يختص*بها
زياد اتمنى والا مصيرك وقتها هيبقى زى نور وهنسى نهائى انك مراتى وام ابنى
عند أميرة
نادر يلاا يااميرة عشان تروحى
اميرة برفض لا انا هفضل معاك هنا لحد ماتخرج
نادر أسمعى الكلمة يااميرة روحى دلوقتى وابقى تعالى بكره مش هينفع تباتى معايا هنا
اميرة مش هسيبك لوحدك وبعدين مين الل هيفضل معاك
نادر مالك هيوصلك وهييجى يبات معايا مالك وصل اميرة بيت اخوها
مالك طب ماتخليها تبات مع ماما فى البيت
نادر اعمل يامالك زى ماقولتك
_____________________
سها قومى يابت ياملك شوفى مين بيخبط
ملك بكسل ماتقومى انتى انا لسة هقوم
قومى يابت بدل مااقلع*لك الشب”شب طالعة كسولة كدة لابوكى
فؤاد بتقوووولى اييه ياولية
سها مش بقول ياراجل بيبقى نايم وسامع دابة النملة
ملك عمتتتتى جت يامااااما
سها ياخرا*بى ياترى جاية مطلقة ولا عملت مصيبة إيه
ملك والله ياعمتى واحشانى اوى
اميرة انتى كمان ياملك اخبار دراستك ايه
ملك ادعيلى ياعمتى انجح ده أنا السنة الل فاتت شايلة ملحقين وماما مش مبطله زل فيا
مالك طب انتى شيلتى ملحقين انا عدت السنة وزياد حالف لو منجحتش فى الثانوية هيخرجنى من المدرسة واروح اشتغل
سها اهلا وسهلا ازيك يااميرة ياختى ده البيت نور ازيك ياد يامالك
مالك الله يسلمك ياطنط
لاحظت سها مالك وملك وهما بيبصوا لبعض وبيبتسموا
سها بصوت واطى اتظبطى يابت بدل اضبطك
مالك يلا همشى انا بئا سلام عليكم
سها استنى يابنى أما اعملك حاجه تشربها انت لسة قعدت
مالك مرة تانية عشان رايح المستشفى لنادر
سها يامصيب*تى مستشفى ليه ماله
اميرة روح انت يامالك وهبقى احكيلك ياسها
ملك مش ماما حامل ياعمتى ده احنا فضيحتنا بقت على كل لسان
اميرة بااستغراب فضيحة ايه ياملك العيال رزق من عند ربنا
ملك ايوة ياعمتى بس ده اختى مجوزة وقربت تخلف الولية دى مش بتستفض*ح
سها ياقلة الادب فى حد يتكلم على امه كدة وبعدين انا لسة صغيرة وفى غيرى ياختى بيتمنوا دف*ر عيل
زعلت اميرة وسابتهم
ملك ايه ياماما مش تحاسبى على كلامك مانتى عارفة أن عمتى مش بتخلف
________________________
اول مااميرة صحيت جهزت وراحت المستشفى لنادر شافت زياد كان لسة خارج من أوضة نادر
اميرة تمام حست اميرة بالدوخة وفقدت الوعى
زياد بخوف اميرة هاتو ترولى بسرعة
كان زياد واقف بخوف لحد ماخرج الدكتور
الدكتور لازم تهتم بتغذية مراتك اكتر وكمان واضح انها متوترة وده مش كويس عشان الجنين
زياد بصدمة جنين!؟
- يتبع الفصل التالي اضغط على ( رواية ضرتي ) اسم الرواية