رواية هن (غرف مغلقة) كاملة بقلم ياسمين النحاس عبر مدونة دليل الروايات
رواية هن (غرف مغلقة) الفصل الثالث عشر 13
ملك في شقتها بتفكر هتحط كل حاجه ازاي في مكانها .. سيف دخل وبصلها وابتسم كان نفسه يحضنها اوي ويقولها ان مش مهم عنده الشقه قد ما مهم وجودها جنبه ومشاركتها في حياته
وقف جنبها وهمس : مش مهم علي فكره
ملك اتخضت وبصتله : يارخم خضتني
سيف ضحك : احلي واحده مخضوضه
ملك ضحكت وبصتله وبعدت خطوات وحطيت ايدها علي دقنها بتفكير : قولي كدا انت جاي قمور ومهندم كدا ليه
سيف استغرب وضحك : ايه اللي ليه ؟ هي دي طبيعتي
ملك بتفكير : امممم طبيعتك !! (بصيت قدامها ) هغيرهالك ان شاء الله
سيف : ليه .. اعتقد الاهتمام حلو ولا عايزاني منكوش
ملك قربتله : اقولك سر
سيف قربلها : امممم قولي
ملك بغيره : اصل انت مز اوي وجميل كدا وبصراحه انا مش عايزه حد يشوفك كدا زيي
سيف ضحك : مز !! خطيبتي تقولي مز لا ياملك انتي اتغيرتي .. وبعدين فيها ايه ؟ احنا مسلمين ولازم نكون نضاف وحلوين ومرتبين ومش موضوع لبس او شياكه هو تعبيرعن دياتنا واهتمامنا بنفسنا وبس
ملك ابتسمت بتفكيره وانه اقنعها بسرعه كدا : انت هتقلل الخناقات ما بينا كدا
سيف ضرب كف بكف : مالك هابه معاكي ليه كدا
ملك ضحكت : بهزر والله .. وكمان بهزر علي شكلك
سيف بهزار : قولي بقي انك غيرانه
ملك رفعت حاجبها : مين دي .. انا ! .. ابدا .. ابسلوتلي يابيبي
سيف : ماشي ياستي هعديها .. طب انتي لما بتكوني جميله كدا مش بقولك حاجه وبديكي ثقه بنفسك وجمالك
ملك سكتت لثواني واتكلمت : انا مقصدش كدا ابدا !! انا فعلا غيرت عليك وبقولها بجد .. مش قصدي اقلل منك ابدا يا حبيبي ولا اهز ثقتك بنفسك
سيف ضحك وشدها برا بعيد عن العمال : انا فاهم ياعبيطه وعشان اسمع كلامك كدا لازم انكشك
ملك ضربته في كتفه : تصدق انت بارد
سيف ضحك بصوت عالي وسمع العمال من جوا : الله يسهلوو يا استاذ سيف
ملك اتحرجت وسيف دخلهم لدقايق وطلعلها
سيف يبضحك : احرجينا بقي
ملك ضحكت وسكتت بحرج
سيف زقها بهزار : ايه بقي .. ها .. ايه (غمزلها ) ايه
ملك قلبت وشها : ايه يا حبيبي .. ايه يابابا (زقته عنها ) ايه يا عسل
سيف بذهول وضحك : عسل !! دا احنا اتغيرنا خالص
مشيت لبرا الشقه وسيف وراها وبيضحك علي شكلها وتوترها
___________________________
عند شادن واقفه في المطبخ بتحضر الغدا ومدام شادن دخلت مفيش حد بيدخل وراها حتي مامتها
خلصت الغدا وكان رز بسمتي وكفته وطحينه وسلطات كتير حلوه جدا وعصير لمون نعناع لبعد الغدا وكله عملته بنفسها
ناديت علي ميار تحط الاكل علي السفره معاها وسمعت جرس الباب ومازن فتح .. اتفجئ وحاول يبتسم وبص وراه لشادن وبص للي قدامه تاني ومش عارف يعمل ايه وكانت بنت خالته
ليندا : ايه مش هتقولي اتفضلي
شادن بصيت وراها علي الصوت وقعدت ونادتها تدخل وتمنع الحرج عن مازن
شادن ابتسمت ابتسامه صغيره : اهلا يا ليندا تعالي
ليندا بابتسامه صفرا : ايه دا انتي هنا !! مازن مقالش انك جايه
ميار عقدت ايدها علي صدرها : ومازن هيستأذن منك اخته تيجي ولا ايه ؟!
ليندا حسيت انها مش هتعرف تتكلم والتلاته متجمعين عليها : لا خالص دا حتي شادن وحشاني
شادن : اممم فعلا ( بصيت لمامتها تناديها ومامتها جت اول ما شافت ليندا استغفرت في سرها )
رجاء : اهلا يا ليندا تعالي اتغدي معانا
ليندا شميت ريحه الاكل وعجبتها جدا وقعدت معاهم وشادن عملتلها طبقها وحطيته قدامها
وبدأت تاكل باستمتاع وكلهم مبسوطين بالاكل جدا ودي اول مره شادن تعملهم الغدا بعد رجوعها
ليندا بصيت لرجاء : خالتو الاكل تحفه تسلم ايدك .. عملتي الكفته دي ازاي ؟ وازاي ماسكه نفسها كدا وريحه الفحم ظاهره .. علطول بتبوظ مني وبتفك
رجاء بصيت لشادن بفخر : اسألي اللي عملت مش انا
ليندا بصيت لشادن باستغراب واتكسفت من كلامها عن نفسها : ايه دا بجد انتي اللي عامله .. متوقعتش ان الاكل يبقي حلو زي ما بسمع
شادن سمعتها ومرديتش وكملت اكلها او بتمثل انها بتاكل وبتقلب في طبقها وساكته
ليندا قامت وشالت طبقها وغسلته والكل متجاهلها وبصوا علي شادن وهي بصيتلهم وشاورتلهم بايدها علامه اللايك وانها زي الفل
ليندا رجعت لهم وصبت العصير واستغربوها وسكتوا وشالوا الاكل وهي مستنياهم يجوا واديت لكل واحد كوبايته
بصيت لشادن : ايه يا شادن اللينسيز ليه بتلبسيها في البيت محدش شايفك يعني ولا لسا شايفه نفسك غريبه عننا (شادن هترد ليندا كملت كلامها ) انا عارفه ان اللي بيتكسر جوانا مبيتصلحش وانتي مكسوره وباين عليكي
شادن ضحكت كتير وبصتلهم واتأسفت : سوري سوري بجد مقصدش (بصيت ل ليندا ) ولا اقصد اقلل منك خالص ..( بصتلها بجديه ) مين دي اللي تتكسر ياحبيبتي ؟.. انا ؟!
متعرفنيش خالص يا ليندا .. (سندت بإيدها علي مخده صغيره علي رجلها ورجعت شعرها ورا ودنها ) ياحبيبتي اللي بيتكسر دا مبيعرفش يحقق نجاح ! .. ولا بيعرف يقف علي رجله
(قامت وضحكت ) وكويس فكرتيني اشيل اللينسيز انا نسيتها في عيني من حلاوتها
ليندا سكتت من كلامها ومعرفتش ترد عليها وتخيلت انها هتدمع او تقوم وتمشي من القعده بس فجئتها
مازن بص لـ ليندا : ايه مناسبة الكلام دا يا ليندا شايفه انه مهم اصلا ؟! وشادن جميله في كل حالاتها
ليندا اتكسفت وحسيت بشكلها الصغير بينهم كلهم وحسيت ان شادن مش سهل تضايقها زي زمان وهما عيال وتحرجها قصاد الكل او تقول عليها من وراها مشوهه زي ما كانت بتقول علطول
قامت تمشي واستأذنت ورجاء قالتها تفضل وهي رفضت واتحججت انها بتزورهم ومش عايزه تتاخر
شادن وقفت توصلها للباب ومازن واقف جنبها .. قربت لاخوها
شادن بعفويه : نسيت احكيلك علي موقف كان حكايه
مازن استغرب : ايه ؟
ميار وقفت ليندا تسألها علي حاجه تخصها وليندا وقفت معاها وكانت ودنها مع شادن
شادن بهزار : واحد فرنسي جالي المطعم كان شكله مش مظبوط كدا المهم عملت الاوردر بتاعه وهو بيحاسب مسك ايديني وقالي انتي فاتنه !!
مازن بعلو صوته : فـ ايه ياروح امك !!!! ايه فاتنه دي ياختي
(ليندا وميار ورجاء بصوا عليهم وشادن ومازن مكملين كلامهم )
شادن ضحكت علي طريقته و وشه اللي قلب احمر فجأه : طب استني بس ومتزعقش
مازن بزعيق: ايه يابت انتي هتصيعي ولا ايه انا مربيكي علي كدا
شادن كانت بتضحك وسكتت لما اتعصب عليها
مازن بص حواليهم وكانت ليندا بتضحك علي شادن وزعيق مازن عليها وشد شادن لاوضته
شادن بوجع من ايدها : يا مازن براحه عليا
مازن : لا فهميني بقي ازاي يقولك كدا وتسكتي
شادن اتعصبت : ازاي تفكر اني سكت اصلا ! انت تصدق علي اختك كدا !!
طلعت من اوضته ودخلت اوضتها وقفلت علي نفسها الباب ومازن مشي وراها وفتحه وقفل وراه
مازن بعصبيه وزعيق : انتي فاكره لما اسيبك تخرجي مع واحد يبقي كل حاجه تنفع ويتسكت عليها !!!!
________________________
رقيه انتبهت للباب وخافت وباباها بصلها بعينه وطمنها
احمد قام يفتح وعبد الله شاورله يقعد واحمد قعد وعبدالله قام وفتح الباب
وكانت سعاد !
سعاد بهمجيه : فييين .. فين العقربه بنتك يا اختي
نيره قامت وعبدالله منع سعاد تدخل وزعق وكانت اول مره يزعق في واحده ست
عبد الله بشده : امشي يا سعاد ملكيش حد هنا تجيله
سعاد اتنرفزت وحاشت ايده وجريت علي رقيه تشدها من شعرها
سعاد : والله ما هسيبك غير لما اخليكي عبره لمن لا يعتبر (شديت رقيه عليها و بترفع ايدها تضربها ، الكل اتخضوا وهيمنعوها وايد نيره سبقت الكل ومسكت ايد سعاد )
نيره بزعيق : سعاااد اييه انتي وابنك هتضربوا بنتي ولا ايه ؟؟ شايفين بنتي طريه وهتداس بالرجلين دا انا اشرب من دم اللي يأذيها حتي لو اختي
سعاد وقفت مصدومه من نيره وطريقتها : والله بقي بتقولي كدا ومين دا اللي بيضرب ؟!
بنتك اتخانقت من جوزها وضربته علي دماغه وابنك المحترم ضربه وعمله نزيف داخلي وكليته اليمين مش نافعه ومحتاج متبرع
نيره بزعل : الاهي تزعلي عليه زي ما زعلتيني علي بنتي ..(عبدالله بص لنيره واستغرب لان عمرها ما دعت علي حد ) محمود اجهضها بدل المره اتنين .. مين دي اللي تستحمل المُر والذل اللي كانت فيه كل الشهور دي ؟ ها .. ردي عليا .. مين يستحمل البخل والكدب والخداع وكله اتجمع في ابنك ما شاء الله ! .. ( زعقت اكتر ) ابنك كان بيضربها وبيهينها كل يوم (شديت رقيه ليها وعريت لها ايدها و وريتلها الازرق اللي عليها ) شايفه ابنك عملها ايه !! ودا اقل ضرر في جسمها .. انتي عارفه رقيه ضعيفه ازاي وبتتعب بسرعه وهو عمل فيها ايه ؟!
سعاد بغل : ايه يعني ياما جوزي ضربني وسكت وكلنا بنسكت عشان بيتنا
عبد الله : لما يبقي راجل بجد تبقي تحافظ علي بيتها معاه يا سعاد وانا مربتش بنتي علي الاهانه واللي يهينها ميبقاش راجل اصلا
سعاد تجاهلت عبدالله وبصيت لرقيه : بقي كدا يارقيه تهون عليكي خالتك .. خلاص شيطان دخل مابينكم قاعده هنا ليه وسايبه جوزك لوحده
احمد قربلها : مبقاش جوزها ياخالتي .. رقيه وكلت محامي ورفعت قضيه خلع
سعاد برقت وضربت علي صدرها وبتقطع في هدومها : يالهوي يا نصيبتي يانصيبتي .. خلع !!! ابني المستشار يتخلع .. يالهوي
زقت احمد وقربت لرقيه ومسكت ايدها تبوسها : بالله عليكي ماتعملي في كدا دا شكله يبقي ايه وسط شغله وزمايله
رقيه بعدت ايدها عنها وخافت واحمد شد رقيه وراه : ابعدي عنها واهدي كدا … ابنك اذاها بدل المره الف وهي بتسكت وبنت اصول وبتستحمل لحد ما جابت اخرها والمُر طفح خلاص
سعاد عيطت وبصيت لرقيه واحمد دخلها جوا عشان متضعفش
دخلها وبص لرقيه وزعق : قسما بالله لو اتهاونتي في حقك وضعفتي لا تبقي اختي ولا اعرفك
رقيه عيطت واحمد صوته علي : ايه يا رقيه .. لامتي هيبقي قلبك ضعيف كدا وبيتأثر بالناس
رقيه بعياط : بس هو تعب وعايز متبرع اهو
احمد حط ايده علي وشه بعصبيه : يعني ايه بقي ؟ ايه معني كلامك دا ؟! عايزه ترجعي !!!
رقيه بسرعه : لا والله بس دا رزقه الوحيد وتعب عشان يوصله .. خليها طلاق وبلاش خلع
احمد اتصدم وزعق اكتر: دا اجهضك يا رقيه !!! مش عايز منك اي صله ولا علاقه اصلا !!! دا اقل تعبير عن كرهه ليكي !! انتي ايه بقي مش حاسه انك كنتي في مستنقع !!
رقيه مسحت عينها وقامت : والله ما اقصد كدا .. انا اتذليت حرفيا وخلاص تعبت بس مش عايزه حاجه من الدنيا .. عايزه اعيش بسلام وراحه وبس .. افهمني عشان خطري .. انا عايزه ارتاح مش اكتر
احمد بهدوء : هريحك وهعلي قيمتك زي ما كنتي وهتكوني .. بس اسمعي كلامي مره واحده .. الحيوان دا عايز ضهره يتكسر ويتربي وانا واقفله علي غلطه وهنهي بيها حياته اللي بناها كلها
________________________________
شادن واقفه مذهوله من كلام مازن وسكتت مستنياه يكمل باقي كلامه
مازن : هو معني اني سايبك براحتك تروحي وتيجي يبقي الناس تقولك كلام مايع وتسيبيهم يتمادوا
شادن قعدت علي كرسي التسريحه ببرود : تمام وبعد ما اتمادوا ايه اللي حصل ؟؟
مازن سكت واستغرب طريقتها
شادن ببرود : وبعدين احكيلي وهو عمل ايه ؟ باسني مثلا ؟ ضربني ؟ عمل ايه كدا قولي ؟
بتبصلي كدا ليه ؟! انا عايزه اعرف منك ما انت اللي كنت موجود مش انا !
مازن فهم طريقتها عرف انه اتنرفز من لاشيئ وقعد بهدوء قدامها
ميار فتحت الباب وكانت ليندا مشيت بعد زعيق مازن واطمنت ان شادن اتعكنن عليها ولو شويه
شادن بصيتلها : في ايه ؟
ميار : انتو اللي في ايه ؟ مالكم كنتوا كويسين وبتضحكوا؟
شادن بتعب بتخبيه : مفيش حاجه يا ميار بتكلم مع مازن شويه
ميار فهمتها ومشيت
شادن بصيت لمازن : مسيبتوش يتمادي يا مازن .. زقيته وقعت عليه الصنيه .. هزقته بأكتر من طريقه مش ظريفه (مازن بصلها وساكت ) رميت الفلوس علي الارض للي رايح وجاي يدوسله عليها زيه قيمته بالظبط (اتنهدت ) نفسي تفهمني .. اختك مش صغيره ولا ضعيفه ولا بسيب الناس تتمايع وتتمادي معايا
مازن بضيق : مش قصدي اتعصب عليكي انا اتنرفزت وغيرت بس
شادن : قدام ليندا !!
مازن بنرفزه : وانتي بتحكي قدامها ليه ؟
شادن بزعل : معرفش … فعلا معرفش
مازن قام : لا انتي عارفه .. عشان تقولي ان راجل اتغزل فيكي صح ؟! وانك حلوه !!
شادن اتصدمت : ايه الهبل دا لا طبعا !!
مازن : امال ليه بقي ؟
شادن بخنقه : عشان ابين ان علاقتي بيك كويسه وانك بتسمعني وبتحبني بس انت بينت العكس وزعقت وظلمتني كمان !
مازن : شادن انا الف مره كنت ببعدك عنها عشان خبيثه وبتحب تهينك وتكلم بطريقه وحشه وعلطول بقف لها ودا كان من ضمن اسباب زعلك مني صح ؟!
شادن بدموع محبوسه : متضيعش وتقول كلام تاني .. انت زعقتلي قدامها
مازن باستهزاء : زعقت قدامها غصب عني، عشان بغير علي اهل بيتي ! يعني ايه تقوليلي راجل قالك انك فاتنه وهسكت ! شايفاني بقرون !!! .. ما انا علطول بسمعك وبفهمك ومحتويكي ايه الجديد !؟ بس في حاجات مقدرش اتحكم في نفسي فيها !
شادن بزهق : معرفش بقي انا لقيتني بقول الموقف دا وخلاص .. انا غلطت بس معرفش ليه عملت كدا
مازن وقف قدامها : عشان في حته جواكي صاحيه .. وجعها ملمش لحد دلوقتي .. ومعرفش وجعك دا مني ولا بسبب تاني ؟ وعايزه تبيني انك تمام وخلاص بأي طريقه
شادن ضحكت : وجع ايه ياعم انت هتقلبها غم ليه ؟ انا كنت عايزه اغيظها وخلاص وقلبت علي دماغي في الاخر
مازن ضحك لثانيه واتكلم بجديه : عشان دا ميرضيش ربنا انك تكيدي حد دا حاجه مش حلوه ومش متعود عليها منك ولا انتي ليكي في شغل الستات دا (مسك كتفها ) انتي عاليه جدا وغاليه وانا متأكد ربنا هيكرمك بحد هيحفي عليكي لحد مايطولك وهو الوحيد اللي هيستاهلك بجد
شادن بزعل من نفسها : انا اسفه
مازن : بغض النظر اني عايز اوعل فيكي (شدها من شعرها ) لما يحصل معاكي حاجه زي دي وعدتيها متحكيش ليا ابدااا ولا لأي راجل عزيز عليكي عشان هيبقي عايز يربيكي قبل ما يربي اللي زعلك
طلع بيها برا ورفعها عن الارض : وكمان اخر مره تكيدي فيها حد حتي لو عدوك , فاهمه !!
_______
حلقه امبارح اتلخبطت في جزء ابراهيم ومسك وقولت انه دور علي دكتور لليلي وانا كنت اقصد مسك واتلخبطت 🌸♥
- يتبع الفصل التالي اضغط على (رواية هن (غرف مغلقة)) اسم الرواية