رواية علي عرش قلبي الفصل الرابع عشر 14 - بقلم همس محمد

 رواية علي عرش قلبي كاملة بقلم همس محمد عبر مدونة دليل الروايات

 رواية علي عرش قلبي الفصل الرابع عشر 14

لفت سدل وكانت هتمشي بس اتجمدت مكانها وشحب وشها لما شافت جاسر واقف بيبصلها بنظرات ناريه..

سمعت صوت صُهيب بيقول بخبث : أهلاً بالدكتور جاسر..

كمل وهو بيبص لسدل اللي بتبص لجاسر بخو”ف : مكنش ينفع تيجي مكان زي ده من غير جوزك ما يعرف فعملت اللي عليا وبلغته..

اتكلم جاسر بقوه وهو بيبص عليها بتو”عد : مراتي مش بتخبي عليا حاجه، ولا إيه يا سدل؟

بلعت ريقها اللي جف وهي بتبصله بر”عب، قرب جاسر وهمس في ودنه بفحيح : جنيـ ـت على نفسك وانا كُنت مستني منك الغلطه دي، إستلقى وعدك بقى..

زقه بقوه لغاية ما وقع على الكرسي وراه وسحب سدل من كفها البارد بقوه وخرج من المكان..

دخلها السياره جامد وقفل الباب بعصبيه..

ركب هو كمان وساق السياره بسرعه عاليه.. كانت سدل خا”يفه تتكلم من تعبير وشه اللي مش بيدل على خير..

همست بخو” ف وتردد : جاسر هدي السرعه.. بالله عليك!

صر”خ فيها جامد : إخرسي.. مسمعش صوتك دلوقتي يا سدل قسماً بالله لهعرفك ازاي تخبي عليا حاجه زي دي..

زود من سرعة السياره وده خلاها تنكمش على نفسها بر”عب وبدأت تبكي بنحيب وهي بتقول : أ.. أنا آسفه.. !

حطت كفها المُرتجف على كتفه وهي بتقبض عليه همست بشهقات : إهدى وأنا هقولك كل حاجه..

زق إيدها بعنف ووقف السياره مره واحده : تفهميني ايه ها؟ ان مراتي راحت لطليقها في السجن وقاعده في نص النظرات المقر” فه دي؟ تفهميني إني مش عارف احكم مراتي لدرجة إنها تخبي عليا حاجه زي دي ولا إنك شايفاني مش راجل كفايه عشان تقوليلي؟ ردي عليا وفهميني عايزه تقولي ايه؟ للدرجه دي شايفاني صغير يا سدل؟ بتثبتيلي ايه باللي عملتيه ده.. كنت منعتك من ايه ولا خو” فتك عشان متقوليش؟ أقولك كان ناوي على ايه ولا مش هتصدقي؟ اصل عقلك شايف كل حاجه بالإستخفاف اللي بتتصرفي بيه.. متحاوليش تثبتي قوتك بالتصرفات الغبيه دي.. انا لصبري حدود وانتِ عارفه كده كويس، انا قادر أجبرك علي اي حاجه انا عايزها بس مش هعمل كده يا سدل! فاهمه مش هعمل كده عشان انا مقدرك بس انتِ لا، مش مقدره إني جوزك وليا كلمه عليكي.. لما يتبعتلي صوره وانتِ قاعده جنبه وقلبي يتحر”ق عليكي من الخو” ف إني مش عارف هيحصلك ايه لغاية ما أوصل يبقى أستاهل شما”تة اللي ما يتسمى إني مش عارف أحكمك!

كانت بتبكي بقوه وهي حاسه بقلبها بيوجعها وصوت شهقاتها عالي همست وهي بتد”فن وشها بين كفوفها جامد : مكانش قصدي صدقني، صدقني انا كنت هقولك على كل حاجه بس اعرف عايز ايه مني، قولتلك اني مش مُستعده أخسرك مهما كان التمن! أرجوك إفهمني.. أرجوك !

مسكها من دراعها جامد وهو بيجز على اسنانه بغضب أعمى وبيهزها : إخرسي قولتلك ، أنا مش طفل عشان تخا”في عليا، كل مره بتثبتيلي إن غبائك بيزيد.. غبائك قادر يهلـ ـكك ويد” مر الباقي منك.. ، ازاي محستيش بالخو”ف وانتِ شايفه كلهم رجاله ومفيش ولا حد غريب! لولا إنه غير خطته على آخر لحظه كان زمانك جـ ـثه دلوقتي، مفيش فيكي حته سليمه!

شهقت بقوه وهي بتتنفس بصعوبه : مكنش هيقدر يعمل حاجه!

هزها بقوه وهو بيهمس بفحيح : لا قادر وانتِ عارفه كده كويس، عارفه إنه قادر يعمل أي حاجه سواءً جوه السجن او بره..

صر”خت وهي بتبكي بقوه : شوفت! أهو قولتها إنه قادر يعمل أي حاجه، إزاي عايزني أستناه ينفذ تهد”يده بأذ”يتك وأقف بدون حيله! رد عليا..

ساب دراعها وهو بيحاول يسيطر على غضبه عشان ميأ” ذيهاش واتحرك بالسياره بسرعه عاليه..

كان سامع صوت نحيبها فإتعصب أكتر وز”عق فيها : مسمعش نفسك لغاية ما نوصل..!

صر”خت بإنفعال : وقف السياره..

مردش عليها، همست بإرتجاف وهي بتحط ايدها على مقبض الباب : نزلني يا جاسر..

وقف السياره على جنب بهدوء وهو بيسند راسه على المقود وبيزفر أنفاسه بوتيره عاليه ..

همست من وسط بكاها وهي باصه قدامها : مكنش قصدي، صدقني!

رفع راسه وهو بيبصلها بتفحص وقال بقوه : عايزه تثبتيلي ايه؟

خرجت شهقه ضعيفه منها ود”فنت وشها بين كفوفها : ولا حاجه!

خرجت تليفونها من الشنطه بإيدها اللي بتترجف وفتحته عشان تدور على المسدچ اللي اتبعتتلها متلاقتهاش..

افتكرت إنها عملت سكرين شوت ليها ففتحتها وحطتها قدامه وهي بتقول بحر”قه : إقرأ..

مسكها التليفون منها بغضب وقرأ المسدچ اللي كان مكتوب فيها ” تيجي بكره على السجن وتقابليني، وقت الزياره 11 الظهر لو مجيتيش إستني جُـ ـثة الدكتور توصلك.

صُهيب ”

رمى التليفون في حجرها وقالها بغضب : ومقولتليش ليه؟ مش مالي عيونك عشان أعرف اتصرف؟

بلعت ريقها وهي بتهمس بحر”قه : والله لا، أنا عارفه إني غلطت.. بس انت مش شايف الموضوع من نظري!

جذب خصلاته الناعمه لورا بقوه وهو بيعض على شفايفه بقهـ ـر : قوليلي اعمل فيكي ايه دلوقتي؟ ايه اللي المفروض أعمله عشان تعرفي الصح من الغلط..

لاحظ جسمها اللي بيترجف بطريقه ملحوظه، اتنهد بقوه واتحرك بالسياره بسرعه متوسطه..

وصلوا فيلا الخولي، مسك إيدها بعد ما خرجوا من السياره ودخلوا..

قالت صفاء بقلق وهي بتتفحص وش سدل الأحمر وعيونها الحمراء : في ايه؟ انتِ كنتي بتبكي؟

بصت سدل في الأرض وهي بتنفي براسها..

شدها جاسر بهدوء وطلع تحت نظراتهم المستغربه..

قعدها على السرير وبص عليها شافها بتترجف وهي بتبلع ريقها بصعوبه، حس بخو”فها فإتنهد وقعد جنبها..

دخلت في حضنه مره واحده وهي بتمسك فيه جامد..

لف دراعه حواليها وهو بيغمض عيونه بألم..

انتفض جسمها بقوه وهي بتقول : أنا آسفه..

جز على أسنانه وهو بيقول بحر”قه : انتِ مش حاسه بكم الخو”ف اللي حسيت بيه يا سدل عشان غبائك كلمتك دي مش هتمحيه ولا هتقلل منه…..

قاطعته بسرعه وهي بتضم نفسها لحضنه : مكنش هيعملي حاجه يا جاسر، العساكر بره واقفين! ده غير إن في ناس تانيين كانوا في الزياره..

خرجها من حضنه ووقف وهو بيقول ببرود : خليكي هنا..

خرج من الغرفه بدون ولا كلمه وهي قعدت تبكي بقوه..

في الليل..

جاسر بصلها بجمود وقالها : عايزه تقولي حاجه ؟

بصتله وهي بتعض على شفايفها وعيونها دمعت..

قربت منه وهي بتزفر بحر”قه وحضنت كفه الكبير بين كفوفها، استنته يقبض على كفها فقبض عليه بعد دقيقتين..

إبتسامه هاديه ارتسمت على وشها فإتنهد وهو بيقول : اللي عملتيه مش بالساهل يا سدل..

همست بإرتجاف : عارفه يا جاسر، غصب عني بفكر غلط..

– صُهيب متغيرش، شره مش هينتهي غير بمو”ته.. رغم أنه مسجو” ن إلا أنه قادر يحركك بطريقه مُستفزه لأي راجل في مكاني! إحتوائي ليكي نابع من حُبي، انا قادر أ”قسى عليكي وأخلي كلمتي مفروضه بس أنا مش هتخذ الإسلوب ده معاكي عشان عارف ومتأكد إنك واعيه بطريقه كافيه عشان تشوف أبعاد الموضوع ده.. الحياه مش كلها ألوان يا حبيبتي.. انتِ قادره في لحظه تحوليها لإسود بتفكيرك! لما تخبي حاجه مهمه زي دي هتعملي ايه بعدين؟ رغم اني متضا”يق منك أوي بس أنا مش هز”علك عشان دي غلطتي من البدايه، يمكن شوفتي مني جانب خلاكي تخبي! بس مع ذلك انا مش قادر أمنع نفسي أو أكبح غضبي..

سمع صوت بكاها بيزيد فهمس بيأس : مش بقولك كده عشان تبكي، لا أنا بفهمك بهدوء بدل ما أستخدم العُنـف معاكي، انتِ واعيه يا سدل.. مينفعش التصرفات دي تخرج منك! انتِ قادره تحددي الصح من الغلط، وتتصرفي صح كمان.. ليه بتختاري الصعب دايماً؟ ليه متاخديش الموضوع بسهوله ولين وتيجي تقوليلي؟ إنك تقوليلي كل حاجه بتحصل ده مش بيضا”يقني بالعكس بيخليني أحس بثقتك فيا! بيحسسني بأهميتي في حياتك.. انتِ مشوفتيش نظرة صُهيب اللي كلها شما”ته عشان روحتي من غير ما تقوليلي..

همست ببطء وهي بتمسح دموعها : كان نفسي أحل الموضوع لمره في حياتي.. كنت ناويه أروح من قبل ما يقول أصلاً! ده غير تهد”يده يا جاسر.. الموضوع ضاغط عليا من كل ناحيه.. من ناحيه انت ومن ناحيه تانيه خو”في من اللي ممكن يحصل!

اتنهد وهو بيطبطب عليها، كملت وهي بتغمض عيونها جامد : ز”علك مني واجع قلبي اوي! أنا آسفه يا جاسر على كل حاجه بسببهالك.. أنا اقتنعت دلوقتي إني مش بعرف أتصرف في ولا حاجه وكل اللي بعمله إني بسببلكم كلكم قلق.. أنا آسفه بجد!

زفر يضيق وهو بيقول : مش كل ما هتعتذري هتفتكري الموضوع اتحل يا سدل، انا مش ز”علان منك زي الصبح بس الإعتذار مش كافي! انا جوايا غضب لو طلع هينسفك بس انا مش قادر أأذ”يكي عارف إن تفكيرك غصب عنك.. قوليلي بقى ايه الموضوع اللي عايزه تحليه؟

همست بضعف وهي بتفرك كفوفها : أرجع فلوس معتز وخالد.. هو قالي إنه عارف مكان كاميليا وهيقولهولي بشرط إني أحاول أخرجه، هو مش عايز يقول للشرطه لأنه بكده مش هينتفع بحاجه.. بس انا رفضت كده وقولتله إنه وقع في شر أعماله، أنا مكنتش عارفه إنه هيقولي كده.. بس روحت عشان أعرف عايز إيه حتى لو هرفض بس عشان يبعد عنك..

ابتسم بخفه وهو بيمسح على خدها : بس كده؟ انا هتصرف في الموضوع ده متشغليش بالك، اللي حصل ميتكررش تاني يا سدل! أنا والله كنت ناوي أعقابك بس قلبي مش مطاوعني..

اتقوست شفايفها وهي بتقول : لسه ز”علان مني؟

هز راسه بأيوه واتنهد : انا كده كده كنت متضا” يق من منظرك في حُضن اللي ما يتسمى أسامه، مش عيب كده يا سدل؟

بلعت ريقها وهي بتبصله بإستفهام : عيب ايه؟ ده أخويا يا جاسر..

– بس لما أدخل في نص الليل وأشوف المنظر ده هتبسط؟ انتِ معملتيش كده معايا! بعدين ده أخوكي في الرضاعه يعني لازم في حدود.. انا لسه مش متقبل وجوده حواليكي وانتِ مش في بالك وقاعده تحضني فيه وتبوسيه عادي!

قضبت حواجبها بإستغراب : أتف عليه يعني؟ ليا فتره طويله مشفتهوش، وبعدين ده أخويا الصغير!

قال بهدوء : سدل أنا عارف كده، بس أرجوكي إلزمي حدودك معاه! عشاني..

اتنهدت بخفه وهي بتهز راسها بهدوء : ماشي يا جاسر المهم متز”علش مني!

رجع خصلاتها وهو بيبتسم بهدوء : أنا مرضيتش اقول حاجه لصفاء هانم عشان الموضوع ميتعقدش، أنا عارف قد ايه هي شديده بالذات في الموضوع ده..

اتقوست شفايفها وهي بتقول بصوت مهزوز : حتى وانا غلطانه؟

ضحك بخفه : لو ايه..

حسس على كفها : حقك عليا..

هزت راسها بنفي وهي بتهمس : انا ز”علانه من نفسي مش منك!

– أنا مش عايز ز”عل خالص.. ايه رأيك نخرج؟

بصتله بإستغراب : دلوقتي؟

همهم بخفه، بصت للساعه اللي متعلقه وابتسمت : انت مش شايف الساعه كام؟ الساعه 11 يا جاسر..

ضحك وهو بيوقف ووقفها معاه : وماله.. ده احلى وقت أصلاً..

ز”قها بخفه وهو بيقول بإبتسامه : يلا روحي غيري وإلبسي حاجه تقيله عشان الجو برد..

قالت بذهول وصدمه وهي بتبصله : جاسر انت بتتكلم بجد؟

قال بهدوء وهو رايح ناحية السرير : شكلك مش عايزه تخرجي معايا..

قبل ما يكمل كلامه سمع صوت باب الحمام بيتقفل..

ابتسم بحنان وقعد على طرف السرير وهو بيمسح على وشه بضيق..

افتكر نظرات صُهيب ليها قبل ما يدخل ولما شافه..

مش قادر يتحكم في النا”ر اللي في قلبه، عارف إنها إتصرفت كده خو”فاً عليه بس مش هينفع يكون ده اللي بيحركها..

خرج من تفكيره لما حس بيها خرجت من الحمام..

شافها بتبصله بتساؤل : انت هتخرج كده؟

بص للقميص والبنطلون اللي لابسهم بإستغراب : مالهم؟

زفرت وهي بتقول بقلة حيله : بلاش الرسميه دي معايا يا دكتور ، إلبس تيشرت وبنطلون..

راحت ناحية الدولاب وإختارت من الهدوم اللي جابها إمبارح ورجعتله وهي بتديهمله بإبتسامه لطيفه : دول حلوين..

زفر بإستسلام وأخذهم منها ودخل الحمام..

وقفت قدام المرايه وسرحت خُصلاتها قبل ما تلبس الحجاب..

خرج وسرح شعره وحط من البيرفيوم بتاعه، بصلها بهدوء : خلصتي؟

هزت راسها وهي بتمسك شنطتها : أيوه باقي الشوز بس..

مسك إيدها بعد ما خلصت ونزلوا تحت، بلعت ريقها لما شافت صفاء وقفت كلام مع معتز وبصتلها بقوه : رايحين فين؟

رد عليها جاسر بإبتسامه خفيفه وهو بيحك مقدمة انفه : سدل مخنو”قه شويه فهخرجها تغير جو..

هزت صفاء راسها بهدوء وقالتله : خلي بالك منها..

ابتسم ابتسامه واسعه وقرب منها باس راسها وهو بيقول : في عيوني، محتاجه حاجه؟

هزت راسها بنفي وهي بتبتسم ،قربت منها سدل وباست راسها وايدها كانت هتبعد عنها بس همستلها صفاء : لما ترجعي تعالي غرفتي.. عايزه اتكلم معاكي..

بلعت ريقها وهي بتهز راسها وبعدت عنها..

لوحت ليهم ومشيت مع جاسر اللي شبك كفوفهم..

ركبوا السياره وخرجوا من الفيلا..

همست لجاسر بتوتر : ممكن تفتح الشباك؟

كان مركز مع الطريق وقالها : ليه؟

قالت بإشمئزاز وهي بتحط ايدها على مناخيرها : ريحة السياره و”حشه اوي، انت قعدت تد” خن كتير مش كده؟

همهم بلا مُبالاه وهو بيفتح الشباك اللي عنده..

– كده كويس ؟

هزت راسها وهي بتقول : مالك ساكت ليه؟

– متضا”يق شويه متشغليش بالك..

زفرت بضيق وهي بتلوي شفايفها..

همست بعد فتره : هي طنط إحسان هترجع إمتى؟

رد بهدوء : في خلال شهر ونص كده.. خالتو مُصره تقضي معاها الشتاء كله بما إنها بتروحلها مره في السنه..

برمت شفايفها بتفكير : هي مش ز”علانه؟

– أكيد ز” علانه إنها بعيد عننا بس برضو معاها حد بتحبه بيهون عليها.. كده كده انا وماما متعودين على كده، انا شويه أسافر وشويه هي يعني تقدري تقولي إني كنت بسافر بشكل متكرر قبل ما اتجوزك، اول مره أقعد الفتره دي كلها بدون سفر..

بهت وشها وهي بتقول بترقب : قصدك ايه؟

رسم إبتسامه هاديه على شفايفه وقال بهدوء : تقدري تقولي إني محتاج السفر لسبب نفسي وعملي، عندي شغل بره أصحابي بيخلصوه مكاني طول الوقت اللي فات.. ونفسياً لأني متضا”يق، بعتبر الوقت اللي بسافر فيه زي فترة نقاهه بعمل فيه ريفرش لجاسر اللي معاكي دلوقتي عشان أقدر أكمل..

همست سدل ببطء : يعني إيه محتاج السفر؟

ضيقت عيونها وهي بتكمل : انت عايز تسافر يا جاسر؟

همهم بخفوت وهو بيقول : ممكن سفرية الصعيد تمحي رغبتي دي، بس حتى لو سافرت فأنا مش هسيبك يعني عشان تفكيرك بس..

سندت راسها على الشباك وهي بتبص للطريق، همسلها بهدوء : عايزه تروحي فين..

ابتسمت بخفه وهي بتشبك كفها بكفه : اي مكان انت حابه، انا وانا معاك مش بيفرق معايا..

ابتسم بإتساع وهو بيحسس على كفها ببطء : عارف إني زهقتك فيه بس بحبه..

وقف السياره في الباركينج ونزل لف ليها وفتحلها الباب وهو بيمد إيده ليها : مش بتحبيه؟

سندت على كفه ونزلت وهي بتبص للبحر بلمعه..

همست بسعاده : لا بحبه اوي اوي..

كشر وهو بيقفل السياره وبيتقدم ناحية البحر وبيسحبها وراه : أكتر مني؟

حمرت خدودها وهي بتقول : وبعدين؟

شهقت بفرحه لما شافت محل الآيسكريم فاتح، هزته من دراعه وهي بتشاور على المحل : نفسي في آيسكريم..

أتقدم بيها وهو بيقهقه بخفه ناحية المقعد الفاضي : صفاء هانم قالتلي أخلي بالي منك مش أخليكي تعبا”نه، الدنيا تلج يا سدل حتى كفك بارد جداً..

بصتله ببراءه وهي بتقعد : نفسي فيه يا جاسر..

زفر بقوه وهو بيقعد جنبها : قولت لا، اطلبي حاجه تاني او تسكتي بقى..

سكتت وهي بتبص للبحر، همست بعد دقايق بشهيه : عايزه سناك..

مسك كفها اللي على فخدها وقعد يلعب فيه وهو بيقول بإبتسامه : أي حاجه دافيه.. غير كده لا!

رجعت بصت قدامها بشرود ومردتش..

سند راسه على كتفها وهو لسه ماسك كفها : مالك؟

همست سدل ببطء : متضا”يقه من نفسي أوي.. جاسر هي ماما قالتلك ايه؟

رد عليها بهدوء : إني أشد عليكي..

قالت بإستغراب : وانت مش بتعمل كده ليه؟ مش شايفني أستحق كده؟

بيتنهد وقال بحنان : تستحقي أكتر من كده.. بس لو شديت عليكي هتز” علي جامد.. انا سايبك بمزاجي يا سدل، رغم اللي بتعمليه بس مش هقدر از” علك.. وانتِ قادره تعملي كده!

بعدت عنه وهي بتبصله برجاء وبتهمس : مش بيكون قصدي يا جاسر والله، عارفه اني غبيه.. أنا حتى مش مقتنعه إني سيدة أعمال بالغباء ده! لو في إيدك تشد عليا عشان تفكيري يتعدل إعمل كده..وده أنا اللي بطلبه منك!

زفر بضيق وهو بيبص قدامه : مترجعيش تبكي بعدين..

قعدت تتابعه وتتأمل ملامحه من الجنب..

بصلها بمشاكسه وغمز بطرف عيونه : حلو؟

اتنهدت وضمت كفوفها : ربنا يرزقني بطول بالك عليا.. تصدق يا جاسر؟ أنا دلوقتي إتأكدت الناس مستخسرينك فيا ليه..

– ليه؟

إبتسمت بإستنكار : أكبر دليل إنك مش ملاحظ..

رفع كفها وحطه على قلبه وهو بيقول : حاسه بإيه؟

حسست على موضع قلبه لغاية ما حست بيه بيدق جامد إبتسمت إبتسامه هاديه وهي بتهمس : ده بسببي؟

همهم وقال بإبتسامه خفيفه : ده حاله كل ما أشوفك أو ألمسك.. مش هيوقفه كلمه من حد او غيره، هما شايفين جاسر وسدل، مش عارفين شخصياتنا اللي بتخرج واحنا مع بعض.. هتلاقيني رسمي مع الناس وببتسم كتير وده اللي مفهمهم صوره غلط عني.. لكن لما بكون معاكي تلقائيتي بتخرج بتصرف كجاسر مش الدكتور وغضبي بيخرج كإنسان عادي.. انتِ بتباني شخصيه متفائله وبتحب الحياه والإبتسامه مش بتختفي من على وشك لكن وانتِ معايا جانبك السلبي بيظهر! متفتكريش إنك بس اللي بيحسدوكي عليا، لا ده انا مش بمشي في مكان إلا وقالولي يا بختك بسدل، في النهايه كلام الناس مش بينفع ولا يفيد.. كله شايف الظاهر بس، انتِ اللي هتعاني بعدين..

اتنهدت بإبتسامه حز”ينه : بس هما معاهم حق..

رد عليها بسرعه : لو ايه والله، انتِ اللي واخده الموضوع بحساسيه زايده يا سدل والموضوع ده هيأثر عليكي نفسياً إذا كان مأثرش.. مشكلتك شايفه كل الناس مثاليه حواليكي جايبه النقص من عندك رغم إني شايفك كامله من جميع النواحي.. صح إنك إتأثرتي باللي حصلك لكن دي طبيعتك! ومش هتتغير.. إنتِ حساسه يا سدل وده اللي عامل حاجز عشان اتصرف معاكي بقوه..

قوست شفايفها وعيونها لمعت بالدموع وهي بتقول : كلامهم قاسي اوي يا جاسر، عارفه إنك خساره فيا وبعترفلك بده.. لكن لما بسمعه قلبي بيوجعني، للدرجه دي أنا وحشه ومستحقش حاجه حلوه زيك؟

رفع خصلاته اللي كان الهواء بيطيرها وقال بهدوء : طول ما انتِ شايفه نفسك متستحقيش يبقى متستنيش حاجه غير كده من اللي حواليكي..

مسك كفها وخرج حاجه من جيبه وهو بيقول : أنا بحبك يا سدل، اللي بتقوليه مش فارق معايا طول ما انتِ جنبي.. اللي بتمناه إني أشوفك بخير دايماً والضحكه مش بتختفي من على وشك..

حست بحاجه بارده دخلت صوباعها..

بصت بسرعه وإتفاجئت بخاتم رقيق بيزين بنصرها..

شهقت وهي بتسحب كفها وبتتحسس الخاتم بإرتجاف : ايه ده؟

باس كتفها بحنان وهو بيقول بهدوء : عارف إنه متأخر بس مش هينفع تطولي كده من غير حاجه تثبت ملكيتك ليا..

همست بإرتجاف وهي بتتأمل الخاتم بذهول : ا.. انت بتهزر ؟

لمعت عيونها بالدموع وهي مسلطه نظرها عليه وشفايفها بتترجف..

ضحك بخفه وفتح دراعه وهو بيقول بحنان : طب تعالي..

رمت نفسها في حضنه وهي بتبكي بصوت عالي..

همسلها وهو بيضمها : ششش هتفضحينا يخربيتك..

شهقت بقوه وهي لسه بتبكي..

شاف واحد كان ماشي باصص ليهم بإستغراب، فقاله جاسر بضحكه : مراتي والله..

ابتسم الراجل وكمل طريقه..

خرجت من حضنه ومسحت دموعها بإيدها المرتجفه وقالتله بصوت باكي وهي لسه بتمشي صوباعها على الخاتم : انا مستاهلش..

مسح دموعها بحنان وقرب باس راسها : انا لو هديتك الدنيا كلها مش هيكفيكي..

شهقت بخفه وهي بتبصله برجاء : بلاش الكلام ده أرجوك..

مسك كفها وباس مكان الخاتم بعُمق وبصلها بإبتسامه حنونه : الخاتم ده مش عايز أشوفه مفارق إيدك.. كل ما تشوفيه إفتكري اللحظه دي..

طلع دبله من جيبه ومدها قدامها..

بصتله بلمعه وقلبها بيدق جامد ، مسكتها منه بإيدها المرتجفه ومسكت كفه الدافي ودخلته في البنصر..

همستله بإبتسامه دافيه : كل ما تشوفه افتكرني..

ضحك بخفه وهو بيشبك كفوفهم اللي فيها الخواتم : كإنك بتروحي عن بالي عشان افتكرك..

كمل بهدوء وهو شايف نظرها متعلق بكفوفهم : نفسك في آيسكريم؟

رفعت عيونها اللي بتلمع عليه والسعاده باينه على وشها : جداً..

مسك إيدها بحنان ووقف وهو بيسحبها وراه ناحية المحل..

رجعوا بعد دقايق لمكانهم وهما معاهم الآيسكريم..

مدت إيدها ناحية بوقه وهي بتقول بلطافه : دوق ومتكسفنيش..

مسك إيدها وأكل منها بهدوء، سألته وهي بتقضب حواجبها : متضا”يق من ايه؟

باس كفها وهو بينفي بهدوء : مليش..

بعد يومين..

كانت سدل في الشركه بتقرأ ورق المناقصه بتركيز..

قطع تركيزها صوت تليفونها اللي رن برقم أسامه..

حطته على ودنها بسرعه وهي بتقول بإبتسامه : السلام عليكم ورحمة الله وبركاته.. فينك يا أسامه إختفيت؟

بعد عشر دقايق ..

دخلت سدل المستشفى برجلها اللي بتترجف وهي حاسه بوجع في قلبها، شافت أسامه من بين دموعها اللي مغرقه وشها الشاحب واقف قدام الغرفه وباصص للأرض بشرود..

جريت عليه وهي بتشهق بخفه وبتقول بصوت مهزوز : في ايه يا أسامه.. جا.. جاسر ماله؟

زفر بهدوء وهو بيرسم إبتسامه هاديه على وشه وبيطبطب على كتفها : متقلقيش هو بخير ومستنيكي..

دخلت الغرفه بدون ما تستنى بمجرد ما سمعت كلمته الأخيره..

جسمها إتجمد لما شافته نايم على السرير ودراعه متجبس وفي جرح في جبهته..

أبتسم بوهن أول ما شافها واقفه متجمده في مكانها مد دراعه السليم وهو بيقولها بصوت حنون : إقفلي الباب وتعا…….

مكملش كلامه لما شافها جريت عليه ورمت نفسها في حضنه وهي بتبكي بحر”قه وبتقول من بين شهقاتها القويه : كنت.. حاسه إن في حاجه هتحصل وأهي حصلت…

بكت بصوت عالي وهي بتد” فن وشها في رقبته ودموعها غر”قته..

ضغط على شفايفه جامد من الم دراعه وهو بيقولها بهدوء : سدل إهدي..

بعدت عنه بسرعه لما إستوعبت ضغط جسمها عليه وهي بتشهق جامد وبتحسس على دراعه : ايه اللي حصلك؟

اتنفس بهدوء وهو بيبتسم : متخا”فيش.. حا”دثه بسيطه على الطريق وانا رايح العياده..

بلعت ريقها اللي جف من الخو”ف وهي بتهمس بصوت مرتجف وبتمسح على جبهته : انت كويس، حاسس بإيه؟ هروح أنادي الدكتور..

اتنهد بقوه لما شافها رايحه ناحية الباب وناداها بخفوت وهو بيتعدل : سدل إستني..

لفتله بقلق ولهفه وقربت منه تسنده وهي بتحط إيدها على دراعه السليم..

حس بإرتجاف إيدها لما قبضت على دراعه فإتعدل وشدها من إيدها عشان تقعد قدامه..

مسح وشها الشاحب من الدموع اللي بتنزل بدون إرادتها واتكلم بهدوء : إهدي خالص، أنا كويس بفضل الله..

شاورت على دراعه اليمين بأيدها اللي بتترجف جامد وهي بتهمس بتشتت : بس.. بس……

احتوى كفها بدراعه السليم وهو بيهمس بتعب وبيغمض عيونه : اهدي والله انا كويس، قدر الله وما شاء فعل..

ضمت كفه وإرتعاشها بيزيد وهي بتهمس بحر”قه : ليه ما إنتبهتش وأخدت بالك؟ عاجبك اللي حصل؟

همس وهو بيبلع ريقه : هتعترضي على قضاء ربنا؟

همست سدل بصوت باكي وهي وبتحاول تسيطر على إرتجافها : إستغفر الله العظيم، مش قصدي يا جاسر..

مسح على راسها وهو بيبتسم بخفه : متقلقيش يا حبيبتي انا كويس والله، الحاد”ثه كانت سهواً وانا قدامك اهو حي مش ميـ ـت! أومال لو مـ ـت هتعملـ……….

عيونها اتجمعت فيها جامد وكانت هتبدأ تبكي راح وقف كلامه وقال بضحكه : انا كده عرفت غلاوتي عندك..

وقفت وهي عيونها بيلمع فيها القهـ ـر، دخل اسامه مع الدكتور اللي كان هيلف جرح جاسر اللي في جبهته، وقفت بعيد شويه وهي مسلطه نظرها عليه بتفحص..

فتحت تليفونها اللي رن لثانيتين بإيد بارده وعيونها اتجمدت على المسدچ اللي اتبعتت..

خلص الدكتور ورجعت قربت منه وهي بتبصله بجمود وبتعض على شفايفها..

قالتله بصوت قوي رغم الرجفه اللي فيه :…………

قالتله سدل بصوت قوي رغم الرجفه اللي فيه : مين اللي عمل كده يا جاسر؟

رد جاسر عليها بهدوء وهو بيتفحص ملامحها : محدش يا سدل.. الحاد”ثه دي كانت قضاء وقدر!

قالت سدل بجمود وهي بتتقدم منه وبتبص على دراعه : لآخر مره هسألك، مين اللي عمل كده؟

قال جاسر بعصبيه وهو بيتعدل : في ايه؟ قولتلك محدش انتِ مش بتفهمي؟

بصتله بنظرات طويله ولفت لأسامه : هروح أشوف الدكتور..

هز راسه بهدوء وهي خرجت من الغرفه..

وقفت قدام الباب وهي بتبلع غصه قويه : أنا هعرف أتصرف..

راحت للدكتور وسألته على حالته وإنه هيخرج امتى، طمنها عليه وقالها إنه يقدر يخرج النهارده..

رجعت الغرفه وشافته نايم على السرير وباصص للسقف بشرود، قربت منه وقعدت جنبه على السرير وضمت راسه وهي بتقول بحر”قه ودموعها بدأت تنزل تاني : ليه بتخبي عليا كل حاجه؟

اتنهد جاسر وقال بتعب وهو بيغمض عيونه : سدل ،أنا تعبا”ن دلوقتي.. بالله عليكي أجلي أي كلام لبعدين!

مسحت على خُصلاته وهي بتهمس بقلق : حاسس بإيه؟ انادي الدكتور؟

نفى براسه وهو لسه مغمض عيونه : هخرج امتى؟

حسست بطرف سبابتها المرتجفه على الجرح الملفوف وهي بتهمس : النهارده، جاسر متصلتش عليا ليه؟ مين اللي جابك المستشفى؟

– السياره اتخبطت في الشجره جامد لما اتفاديت سياره كانت قادره تقلبني، حسيت بالكسر في ايدي فإتصلت بأسامه ولما اتطمنت على حالتي وانه مفيهاش خطر كلمتك، مش هقلقك يعني على الفاضي!

اتعدلت وهي بتبصله في عيونه اللي فتحها برجاء : جاسر صارحني! مين اللي بعت السياره دي؟

باس كفها اللي شبكته مع كفه السليم وهو بيقول : قوليلي انتِ ايه اللي وصلك خلاكي تتأكدي؟

همست بقـ ـهر وهي بتمسح دموعها : صُهيب بعتلي..

استناها تكمل كلامها فشهقت وهي بتقول من وسط بكائها : قالي إنك المره دي فلت من ايده بس المره اللي جايه هيخليك.. هيخليك…..

إنهارت في البكاء وهي بتقول بتشتت : كنت عارفه إنه.. مش هيسيبك ! قولتلك يا جاسر والله كنت حاسه!

حاوط ضهرها بدراعه السليم وهمسلها بحنان : أنا بخير يا سدل، ربنا كاتب كل حاجه بتحصل.. حتى لو مـ ـت!

د”فنت وشها في كفوفها وهي بتشهق جامد وبتقول : بعد الشر عليك.. إن شاء الله هو!

ابتسم بحنان وهو بيمشي ايده على ضهرها طولياً : خلاص يبقى تهدي خالص، والله حالتك دي مضا”يقاني يا سدل، اعملك ايه عشان تصدقي إني بخير؟

شافته بيتعدل فوقفت بسرعه وهي بتقوله : محتاج ايه اجيبهولك؟

– هنمشي يلا، أسامه سبقنا على الفيلا.. تعالي اسنديني عشان اقوم..

وقفت جنبه وهي بتحاوط دراعه السليم وبتشده عشان يوقف قدامها همست بقلق وهي لسه بتتفحصه : انت متأكد انك كويس؟

بصلها بحده ومردش عليها..

بعد ساعتين..

سدل ساعدته يطلع الغرفه بعد ما كلهم اتطمنوا عليه..

قعدته على السرير ومسحت على شعره وهي بتقول : استنى هجيبلك تيشرت بدل القميص عشان ترتاح ..

راحت ناحية الدولاب واختارتله تيشيرت أسود ورجعت قدامه تاني..

قالتله بهدوء وهي بتقعد جنبه : هتعرف تلبس لوحدك؟

رفع حواجبه بإستنكار : لوحدي إزاي؟

زفرت بهدوء وهي مبتسمه بتوتر : خلاص انا هساعدك..

بدأت تلبسه التيشيرت، رفعتله دراعه المكسو”ر بالراحه شويه وهي بتبص على وشه تتفحصه : بيوجعك؟

نفى براسه بهدوء وهو بيكتم ألمه، ابتسمت بإرتجاف ورفعته شويه كمان اتآوه بألم وهو بيقولها بوجع وبيمسك كفها : حاسبي..

سابت دراعه بسرعه وعيونها دمعت وهي بتقول بإرتجاف : أ.. أنا آسفه..

رفع دراعه شويه وقالها بهدوء : كده كويس ،دخليه..

رجعت تمسك دراعه وهي بتتنفس بإضطراب ودخلته في التيشرت..

بلعت ريقها وهي شايفه الألم مرتسم على ملامحه : هروح اجيبلك الغداء عشان تاخد الدواء..

هز راسه وهو مبتسم بهدوء..

خرجت من الغرفه ووقفت تتنفس بإضطراب وهي حاطه إيدها على قلبها، دمعه نزلت من عيونها وهي بتهمس بحسر”ه : حسبي الله ونعم الوكيل فيك يا صُهيب.. ربنا ينتقـ ـم منك!.

شافت فاطمه بتتقدم منها بقلق وحطت كفها على كتف سدل اللي إنهارت في البكاء وقالتلها : في ايه يا سدل؟ الدكتور بخير ليه خا”يفه؟

بصتلها سدل بعيون مهزوزه وهمست بإرتجاف : هو السبب يا فاطمه.. هو السبب..

اخدتها فاطمه في حضنها وهي بتطبطب عليها بقلق : هو مين يا سدل؟

بلعت ريقها وبعدت عنها وهي بتمسح دموعها : ولا حد، عايزه اعمل غداء لجاسر..

مسكت كفها ونزلت من السلم معاها وهي بتهمس لها بحنان : متخا”فيش يا سدل، الحمدلله جات بسيطه.. هو بخير وده المهم عندك صح؟

هزت سدل راسها ببطء وهي بتقول بشرود : المفروض أعمل إيه؟

قالتلها فاطمه بتفكير وهي فاكراها بتتكلم عن جاسر وبيدخلوا المطبخ : خليكي معاه الفتره دي لغاية ما يشيل الجبس، متخليهوش يعمل أي حاجه لوحده، انتِ في الفتره دي دراعه اليمين.. صح؟

ابتسمت سدل ببهوت وهي بتروح ناحية الفريزر : بالظبط.. بس الشغل هعمل فيه ايه؟

– يوم تروحي معاه ويوم هو يروح معاكي.. أكيد انتِ مش هتقبلي تسيبيه لوحده ودي طبيعه انا عارفاها فيكي.. مش هتسيبيه يروح لوحده او يقعد لوحده والطريقه دي هتخليكي تخلصي في شغلك وشغله كمان.

قالت سدل بتفكير : وهو هيخليني أروح معاه العياده؟

ابتسمت فاطمه وهي بتاخد الخضراوات عشان تقطعها : ليه لا؟

قعدت جنبها وبدأت تقطع معاها وهي بتقول : ممكن ميرضاش..

– خلاص ياخد أجازه!

كان صوت صفاء اللي دخلت المطبخ ومسلطه نظرها على سدل بقوه، وقفت فاطمه وهي بتسيب اللي في إيدها وقالت لسدل : هسيبكم شويه..

خرجت فاطمه واتقدمت صفاء وهي بتقعد قدامها وبتبص لوشها الباهت : مالك يا سدل؟

مرفعتش عيونها وهي بتقول بنبره عاديه : ماليش يا ماما..

اتكلمت بحنان وهي بتمد ايدها لكف سدل اللي كان بتقطع بيه بهدوء : على ماما برضو؟

سابت سدل اللي في ايدها ورفعت عيونها الحمراء وهي بتبصلها بعذ”اب : تعبت اوي يا ماما.. اوي !

طبطبت على كفها وهي بتبصلها بحنيه : كله بيعدي يا حبيبتي، دي حاجات وارده تحصل لكل شخص، متقلقيش من كل حاجه يا سدل، هتتعذ” بي اوي كده!

مسحت عيونها بعنف وهي بتقف وراحت ناحية البوتجاز : بس دي مش صدفه يا ماما..

– سمعاكي..

بدأت سدل تحكيلها كل حاجه من اول ما راحت لصُهيب لغاية اللحظه دي..

بعد نص ساعه..

دخلت سدل الغرفه وعلى وشها ابتسامه بشوشه وشايله في ايدها صينيه عليها الأكل اللي طبخته..

قربت منه وشافته ماسك تليفونها بيقلب فيه، كرمشت ملامحها وهي بتحط الأكل على جنب وقلعت الحجاب وقربت منه بتساعده عشان يقوم : بتعمل ايه؟

ارتسمت على وشه ابتسامه خفيفه وهو بيبصلها بتفحص عن قرب : ولا حاجه.. اتأخرتي ليه؟

هزت كتفها وهي بتقعد قدامه وبتحط الأكل على رجلها : لأول مره هتدوق أكلي.. أنا اللي طبخت!

ابتهجت ملامحه وهو بيبص لها بحنان : بتعرفي تطبخي؟

ابتسمت بإشراق وهي بتمد ايدها بالمعلقه : انت قولي..

أكل من ايدها وهمهم بتلذذ أول ما داقه : مكنتش اعرف أن أكلك حلو.. شبه أكل صفاء هانم بس للصراحه انتِ أحلى!

لمعت عيونها وهي بتقول : بجد عجبك؟

– جداً، انا مش هاكل بعد كده غير من ايدك..

ابتسمت بخجل وهي بتضيق عيونها : طول عمرك أوفر يا دكتور.. بس معنديش مانع اطبخلك كل يوم.

غمزلها بخفه وهو بياكل من ايدها : سبب الرضا ده كله ايه؟

ارتسمت على وشها ابتسامه هاديه : عارفه إني بستوعب متأخر، بس لنفس السبب اللي نابع من خو”في عليك..

كملت بجديه وهي بتبصله في عيونه بقوه : هتاخد أجازه ولا تروح يوم ويوم؟

– مش هقدر أقعد في البيت كتير فهروح يوم ويوم.. هتروحي معايا؟

همست بإستنكار : اومال هسيبك؟ عموماً ده احسن حل عشان شغلي وشغلك..

همس بهدوء : كده هتتعبي يا سدل! الضغط الكتير بيأثر عليكي..

ضحكت بخفه وهي بتأكله : انت مش عارف ان وجودك بيخفف عني أي حاجه؟

همس بهيام وهو بيتأملها : انا متعبتش من زمان ليه..

رجع الحز”ن يحتل وشها وهي بتبلع ريقها وسكتت..

اتنحنح بإرتباك وهو بيقول : محتاج أقولك على حاجه..

بصتله بإهتمام وهي بتمسح بوقه بالكلينكس : سمعاك..

بصلها بتركيز قال بجديه : اوعديني انك هتسمعيني للآخر..

حطت الصينيه على جنب ومسكت كفه بإيدها الاتنين : أوعدك.. قول بقى!

قال بهدوء وهو مركز على عيونها : من إسبوع كده.. اتفاجئت بساره داخله العياده ومعاها واحده بنت خالتها وعندها مشاكل نفسيه..

سكت لما حس بكفوفها بردت عكس وشها اللي تعابيره مكنتش بتدل على حاجه، كمل كلامه ببطء : انتِ عارفه إني كطبيب عملي محصور إني مليش اي حق أخلط علاقاتي العاطفيه والشخصيه بشغلي وطالما الحاله فعلاً محتاجه علاج فده خلاني مرفضش معالجة البنت دي، وفهمتها بكل هدوء انها لو هتيجي متجبش معاها اللي اسمها ساره دي ولا أشوفها في مكان انا فيه.. كنت عارف انها هتوصلها الكلام ده وانها كواحده ست هتتجر”ح من الكلام ده ومش هترضى تيجي.. بس العكس اللي حصل، متوقعتش انها تكون بكل الجراءه دي وهتنطلي كل يوم في العياده.. مره بحجة إنها بتطمن على بنت خالتها ومره بحجة انها نسيت الروشته ومره تيجي معاها.. وانتِ من اللي شوفتيه يوم المطعم هتفهمي طريقة تصرفها معايا.. كلها دلع وتلميحات ومفيش أي حياء في التعامل معايا ده غير لبسها اللي زاد عن يوم ما شوفناها!

سكت وهو بيتابع ملامحها اللي اتجمدت وهي بتبصله بهدوء ، همست بصوت جامد : كمل..

اتنهد بضيق وبرم شفايفه : هقولهالك صريحه يا سدل، امبارح جات مع البنت اللي بعالجها وإتكلمت معايا وفهمتني إنها ند”مانه على خسار”تي ولما شافتني يوم المطعم وعرفت اني متجوزك ز”علت وحابه إننا نرجع حتى لو في السر، عارفه انا حسيت بكم من الغضب والإحتقا” ر عمري ما حسيت بيه وطردتها من المكان! مش قادر أخبي عنك حاجه زي دي يا سدل.. لازم تكوني عارفه باللي بيحصل! قوليلي اعمل ايه؟

خرج صوتها مهزوز وهي بتبلل شفايفها اللي جفت : تعمل ايه في ايه؟ اللي زيها يا جاسر مش بييأس، هتحاول تلف عليك وهتوقعك في الآخر.. مهما عملت مش هتوقف! عارف لو كنت خبيت عليا وشوفتها عندك في مره انا متأكده انها كانت هتحصل مشكله كبيره بيننا،وجودها مش هيشكل خطر على علاقتنا إلا لو ميلت ليها او حسيت بالإنجذاب.. بس هيشكل توتر، انا واثقه فيك يا جاسر ثقه مش هتقدر تتخيلها، ثقه مش هتتهز بسبب واحده زي دي.. لكن هي للأسف لا! معندهاش مبادئ ولا أخلاق هتكون قادره تعمل أي حاجه، امتى جلسة البنت؟

اتنهد براحه ومسح على شعرها الناعم ببطء وهو بيقول : كانت المفروض النهارده بس بسبب اللي حصل هخليها بكره.. مش عايز اتخلى عن البنت بسببها!

ابتسمت بهدوء : هروح معاك بكره.. بس قولي إنك بتحبني..

قهقه بخفه وهو بيشدها لحضنه وبيشم في شعرها : بعشقك مش بحبك..

ضمته وهي بتبتسم براحه وبحنان : ربنا يشفيك ويعافيك يارب ويحفظك ليا..

كملت وهي بتبعد عنه : بس برضو ز”علانه منك.. لما تخبي حاجه زي دي اوثق فيك ازاي تاني يا جاسر؟تقدر تقولي؟

اتنهد بحز” ن : مكنتش عايز اقولك عشان متز”عليش وبعدين اعتبريها رد على اللي عملتيه من يومين..

بصتله بز” عل وهزت راسها..

تاني يوم..

ساعدته سدل في إنه يلبس هدومه وظبطتله شعره ورشتله من البيرفيوم بتاعه.. همست وهي بتمسح على جبهته بلطافه : قمر والله..

بعدت عنه وهي بتقول بسرعه وهي بتتجه ناحية الدولاب : استناني هجهز ورجعالك.. عايز حاجه ؟

نفى براسه وهو بيبتسم بجاذبيه : لا يا حبيبي..

بعتتله بوسه في الهواء وهي بتدخل الحمام وبتقفل الباب وراها..

قعد على السرير وهو بيفكر هيعمل ايه مع ساره وصُهيب همس بضيق : اتنين افظع من بعض.. يلا كلها كام يوم واخدها ونسافر..

خرجت بعد دقايق ووقفت قدام المرايه وهي بتسرح خُصلاتها وبتبص لإنعكاسه بشرود : مالك يا جاسر؟

بصبها وهو بيزفر بيأس : كله بيتعقد يا سدل، مفيش حاجه بتتحل! اللي اسمها ساره دي غيظاني اوي.. أنا عارف ان مش سهل عليكي تسمعي اللي قولته امبارح لكن رغم كده سمعتي وحاولتي متضا”يقيش..

ابتسمت بسخريه وهي بتقول بحنان : ايه يا دكتور، بقيت سلبي كده ليه؟

كملت بشرا”سه : انا هطلع غلي فيها النهارده والله مش هرحمها.. قال عايزه تقرب منك قال.. صح متضا” يقه وجداً كمان بس بقدر ما انا متضا” يقه ز”علانه منك بس مكلمتكش عشان حالتك النفسيه! تقدر تقول إن حالتك خليتني أسيبك تفلت من إيدي بعد ما خبيت اللي بيحصل ولما عرفت إني رايحه النهارده خو”فت اشوفها بالصدفه!

رفع كتفه بإستسلام : مش هنكر..

همست وهي بتبدأ تلف حجابها بتكشيره : ليه خبيت عليا يا جاسر؟

– عشان شوفت حساسيتك تجاه الموضوع ده المره اللي فاتت..

قالها وهو بيقرب منها، بصتله بلوم ومردتش عليه..

زفر وهو بيقولها بقلة حيله : طيب قوليلي أعمل ايه عشان أصالحك؟.

– تسيبني اعمل اللي أنا عايزاه فيها..

قالتها بخبث وهي بتبصله ببراءه، اتنهد بهدوء وهو بيقول ببساطه : ماشي، بس بشرط..

بصتله بترقب فكمل وهو بيشاور على خده..

رفعت حاجبها ببطء : وانت اللي هتصالحني ولا انا؟

حمحم بحرج وهو بيحك رقبته : قلبك ابيض بقى..

لفت وهي بتمسك قلم الكحل وبتقرب من المرايه وتبدأ تحطه في عيونها : قولي انت اعا”قبك ازاي؟ لما خبيت عليك اني روحت لصُهيب عملت مشكله كبيره.. دلوقتي لما اشوف طليقتك بتطلب منها ترجعوا ومقولتليش مستني مني ايه؟

ارتسمت على وشه ابتسامه خفيفه وهو بيرفع كفه وحطه على كتفها : يا ستي انتِ بترديها وخلاص؟ انا مالي بتصرفاتها؟ هتحاسبيني عليها؟ الحاله هنا مختلفه جداً لأني في النهايه جيت صارحتك على عكسك تماماً..

– مع إنك كنت ناوي تخبي.. واللي دفعك هو الخو”ف زيي بالظبط..

قالتها ببرود وهي بترسم على وشها ابتسامه جميله وبتلفله…

قرب باس راسها وهو بيضحك : شخصية سيدة الأعمال بتظهر أهي..

ابتسمت بحماس وهي بتسأله : ايه رأيك فيها؟

غمزلها بطرف عيونه : جامده..

ابتسمت بخجل ومسكت ايده وهي بتقول بصوت رقيق : يلا عشان اتأخرنا..

أخدت شنطتها ونزلوا تحت مكنش في حد قاعد فخرجوا من الفيلا.. وقفت عند السيارات بحيره : هناخد سيارتي ولا سيارتك؟

بصلها بحنان : انتِ نفسك في ايه؟

ضيقت عيونها من قوة الشمس وهي بترفع كفها تحجب عيونها : سيارتي.. عشان سيارتك مكسره.

دخلوا سيارتها واتحركت بيها..

بصتله وهي مكمله سواقه : هنروح كافيه عشان تفطر..

نفى براسه وهو مركز معاها : لا يا حبيبي مش جعان..

رجعت بصت قدامها وهي بتبتسم : تعرف تسكت؟ انت بالذات مش هسمع كلامك بالذات في الاكل..

همس وهو لسه مركز معاها : سدل انتِ جميله اوي..

حمرت خدودها من الخجل وعملت نفسها مسمعتش، رجع وهو بيقولها بهدوء : سدل..

همهمت بإهتمام ،فقال بخفوت : انتِ جميله اوي..

بلعت ريقها بتوتر وهي بتهمس بإرتجاف : شكراً يا جاسر..

قهقه بخفه وهو بيمسك كفها اللي على المقود : عفواً يا عيون وقلب وروح جاسر..

همست بترجي ونظرهت على الطريق : جاسر بالله عليك سيبني، خليني أركز مع الطريق.

ضحك بصوت عالي وهو شايفها بتوقف بالسياره قدام الكافيه ..

في نص اليوم..

– هتيجي امتى؟

ابتسملها بحنان : لسه في الليل..

قعدت على الكنبه وهي بتمط دراعها بملل : انت كل اللي بتعالجهم ستات؟

نفى براسه وهو مستنيها تكمل كلامها : مش معقول يعني دي خامس ست تخرج! هو انت ليه مش بتتناقش معايا في حالتهم؟

ريح ضهره على الكرسي وراه بتعب فقامت وقفت وراه وهي بتدلك كتفه عشان تفك عضلاته، غمض عيونه براحه وهو بيأن بتعب، همست بقلق : كفايه عليك كده.. إلغي الباقي !

همهم بخفه وهو لسه مغمض عيونه : أنا بخير، المهم يا ستي.. حالتهم دي سريه تامه، محدش المفروض يعرف عنها أي حاجه وإلا انا كده بخالف أسرار المهنه.. قوليلي يا سدل، كنتي هتحسي بإيه لو روحت قولت لماما على كل حاجه مريتي بيها لمجرد انك اتلاقتيني حد ثقه تقدري تبوحي ليه بكل اللي جواكي ولكن انا قولت أسرارك لحد؟ مليش الحق اصلاً.. هما شايفيني محل ثقه وأنا مقدرش أخالف توقعاتهم وازيد من سوء حالتهم صح؟ بمثال أصح.. لو عايزه تكسبي صفقه مش هينفع تخلي اوراقك مكشوفه للكل وإلا هتروح من إيدك!

لفت الكرسي ليها وهي بتقول بتساؤل : عايز تفهمني انك مقولتش لطنط إحسان على حالتي؟

بص لعيونها بصدق : لا، بس وصفتك ليها.. حتى لما قالتلك فلقة قمر زي ما وصفك أول مره شوفتيها فده من كلامي عليكي..

مسحت على الجرح اللي في جبهته وهي بتقول بإبتسامه جميله : افهم إنك كنت مُعجب بيا من زمان؟

– بالظبط ومازلت والله..

ابتسمت بحياء وهي بتهمس : كلامك جميل زيك يا دكتور..

قطع كلامهم دخول ساره بقوه بعد مازقت الباب..

• يتبع الفصل التالي اضغط على ( رواية علي عرش قلبي ) اسم الرواية