رواية الان اقول احبك كاملة بقلم ندي سامي عبر مدونة دليل الروايات
رواية الان اقول احبك الفصل السادس عشر 16
ف مطعم ف شارع شيراتون
كانو كلهم مستنين الاكل و وهما بيتكلو كلهم لقو واحده جايه بتجرى ناحيه مراد
البنت بدلع : مراااد وحشتنى اوى بقالى كتير مشوفتكش
مراد باستغراب : معلش اسف انتى مين !؟
_ لا بتهزر مش فاكرنى انا ميرو إلى كانت معاك زمان ف الجامعه
مراد : اه لا معلش مش فاكرك
كل ده كانت نيروز بصالهم بغيره هى مستغرباها
_ لا بجد ازعل منك كده
نيروز و تاليا بصولها برفعه حاجب و قرف م إلى هى بتعمله و بصو لبعض و ضحكو بسخريه و الياس لاحظ ده
الياس : معلش لو مش هنزعجك دى قاعده عائليه عايزين نقعد مع بعض و نتكلم ف روحى شوفى انتى كنتى جايه مع مين
تاليا ف سرها و هى بتضحك : يخربيت الصراحه يأخى
نيروز و تاليا بصوت لبعض و بعدين بصولها و ابتسمو ابتسامه مستفزه و البنت اتحرجت و مشيت
زهران : مين دى يا مراد
مراد : مش عارف مش فاكرها بس غريبه اوى بجد
نيروز يصوت واطى : غريبه بس
قالت بصوت واطى ع أساس محدش سامع بس مراد سمع و بصلها و ابتسم و هى خدت بالها انو سمعها و بدل م كانت بتضحك بسخريه قلبت وشها فجأه و كشرت و بعد دقايق الويتر جه و حط الاكل و بدأو ياكلو و بعد م خلصو قعدو شويه و بعدين خرجو يتمشو و وهما بيتمشو لقو واحد واقف ب كاميرا بيصور
نيروز : الله م تيجى نتصور يا بت
تاليا : يلا بس قولى ل عمو فارس الاول
نيروز كانت لسه هتروح تقولو لقتو بيقول : تعالى نتصور كلنا صوره جماعيه يا جماعه بما اننا متجمعين كده
ساره : فكره حلوه والله يلا
فارس راح قال للمصور و صورهم كلهم صوره جماعيه و صور نيروز و تاليا لوحدهم و فارس و ساره لوحدهم واليأس و مراد اتصورو و فارس و زهران اتصورو و كانت الصور كلها حلوه اوى
تاليا بفرحه : الصور حلوه اوى
نيروز : ايوه بجد تحفه
الياس حب يرخم ف قال بصوت واطى بس مسموع عشان هو كان قريب منهم : بس لو الى ف بالى مكنش موجود كانت هتبقى احلى
تاليا سمعتو ف بصت وراها بحزن و بصت قدام تانى و نيروز كمان سمعت و بصت ل الياس بعصبيه و عتاب
مراد بصوت واطى : انت اهبل يا ابنى
الياس ببرود : ايه !؟
مراد : ايه !! انا مشوفتش حد متخلف زيك بجد هى عملتلك ايه عشان تقول كده و تكسر فرحتها يعنى هى كانت بتعذبك ولا حاجه
الياس : بطل سخافه و بعدين هى الى وافقت ع الجوازه تستحمل بقى
مراد بصلو بعصبية و قله حيله و سكت و كملو مشى و قضو اليوم و رجعو الشاليه
_______________________
تانى يوم
كانو بيلبسو كلهم عشان ينزلو البحر بس قبل م تاليا تدخل تلبس لقت باب الاوضه بيخبط و لما فتحت لقت الياس واقف بيديها مايوه محجبات
تاليا باستغراب : ايه ده
الياس باستفزاز : بدله رقص .. هيكون ايه يعنى مايوه
تاليا : ظريف .. معايا واحد
الياس ببرود : مش هتلبسيه ده لو لقتيه اصلا
تاليا : نعم !!
راحت فتحت الحمام تشوف المايوه إلى كانت سيباه جوا ملقتوش ف رجعتلو تانى
تاليا بعصبيه : واخد بالك انك افورت زياده انت مالك ب لبسى
الياس : مش هفضل اعيد و أزيد ف الكلام المايوه بتاعك إلى مش مغطى حاجه ده لو عايزه تلبسيه تلبسيه ف البيت و كمان وقت م يكون بابا مش ف البيت .. خمس دقايق و تكونى خلصتى
دخل حط المايوه ع السرير و خرج و هى بصتله بغيظ و ضيق و خدت المايوه و دخلت تلبس و بعد شويه خرجت و نزلتلهم و اول م نزلت نيروز بصت ب استغراب عشان كانت عارفه انها هتلبس مايوه تانى بس معلقتش و الياس بصلها بنظره انتصار و خرج م الشاليه و كلو خرج وراها عشان يروحو البحر و نزلو كلهم
_______________________
بليل ف الشاليه
نيروز : انا عايزه اروح الملاهى اوى
تاليا : وانا بقالى كتير جدا مروحتش من اخر مره جينا مصر
نيروز : يلهوى يا بنتى ليه معندكوش ملاهى ف امريكا
تاليا : لا كان فى بس مكانتش احسن حاجه
نيروز : طب استنى هروح اقول ل بابا فى هنا crazy land ممكن نروحها
تاليا بفرحه : تمام اوى
~~~~~~~~ برا ف الصاله
خرجت نيروز لقت كلهم قاعدين برا بيتفرجو ع التليفزيون و بيتكلمو ف راحت قعدت جمب فارس و هى مبتسمه
فارس : خير فى ايه
نيروز : كنت عايزه اقولك حاجه صغننه خالص
فارس بضحك : قولى م انتى عامله زى ساره لما كانت بتطلب حاجه من عم فؤاد الله يرحمه
نيروز بضحك : كنا عايزين نروح الملاهى
مراد و الياس بصولها فجأه و مراد ضحك ع طفولتها و الياس استغرب من كلمه ” كنا ”
فارس : كل ده عشان كده .. ماشى يا ستى هوديكو بكره
الياس باستغراب : لحظه بس ايه كنا دى
نيروز برخامه : وانت مالك
ساره : نيروز عيب
نيروز بضيق : ماما انا اصلا مش عايزه أكلمه
الياس : و ليه بقى
نيروز : انت عارف ليه
قالت كده و قامت طلعت اوضتها هى و تاليا
ساره بشك : عملت ايه يا الياس
مراد ساعتها بصله بعتاب هو كمان و مسك فونو و سكت
الياس : معملتش حاجه
فارس بشك اكبر : متأكد
الياس بصله و سكت و فارس عرف أن الياس عمل حاجه ف بصله بلوم و سكت و كمل كلامو مع زهران و ساعتها الياس قام و طلع قعد عند البسين
~~~~~~~~ ف اوضه البنات
نيروز بفرحه : وااافق
تاليا بفرحه اكبر : بجد الحمدلله هنروح امتى
نيروز : بكره بعد الغدا
ضحكو بفرحه هما الاتنين و قعدو يتكلمو شويه لحد م نامو
~~~~~~~~ عند الياس
الياس بعصبيه : مكنش ناقصنى غير أن أهلى يضايقو منى بسببك .. انا ايه إلى خلانى اوافق انا مش فاهم انا اصلا مش بطيق ف الصنف ده غير ماما و نيروز
قال كده و قام و هو متعصب و طلع ع الاوضه ينام
_______________________
تانى يوم بليل
خلصو اكل و كل واحد قام يلبس و تاليا قالت تريح دماغها و تلبس لبس واسع عشان ميتخانقوش تانى و فعلا لبست بنطلون طويل و تيشرت اوفر سايز و حطت ميكب خفيف هى و نيروز و نزلو و ساره كمان نزلت و كانت لابسه فستان اسود و طرحه حمرا
فارس بوشوشه : هما اه بيقولو الاسود ع الأسد بيمنع الحسد بس مش كده
ساره بضحك : اتلم العيال هتسمعك و بعدين م الطرحه ملونه اهو
فارس : انا هسكت بس مش عشان العيال لا عشان عارف انك عايزه تخرجى مش اكتر
ساره بصتلو بصدمه لما فهمت قصدو و هو ضحك و مشى و كلهم كمان مشيو بعدو و ركبو و راحو الملاهى
_______________________
ف الملاهى
نيروز : تيجو نلعب الديسكافرى
مراد بضحك : متأكده !؟
نيروز بثقه : ايوه طبعا
راحو و لعبو و كان طول م هما بيلعبو نيروز و تاليا كانو بيصوتو و الياس و مراد ميتين ضحك عليهم لحد م اللعبه خلصت و نزلو و الاتنين كانو دايخين و نيروز كانت هتقع بس مراد لحقها و قعدها ع الكرسى
مراد بضحك : بس الثقه إلى كانت ف الاول تحفه
الياس بسخريه : خلو قلبكو ميت زينا كده
تاليا : يا عم اتنيل انا قلبى كان هيقف ” بصت ل نيروز و كملت ” كلو بسببك
الياس : لحظه كده انتى جبتى كلمه اتنيل دى منين
تاليا بصت ل نيروز إلى بصت فجأه للسما و كانت بتتأمل فيها ف كلهم ضحكو مره واحده عليها و هى اتحرجت
نيروز باحراج : احم انا بقول نكمل لعب
قالت كده و قامت مشيت ف ضحكو و مشيو وراها و لعبو كام لعبه كمان و كانو بيتمشو ف الملاهى لقو بتاع غزل بنات
تاليا : احم انا هروح اجيب غزل بنات حد عايز
الياس : استنى منك ليها انتو معاكو اراطيس لب يعنى ولا ايه
بصوله و هما كاتمين ضحكهم و مراد و الياس راحو يجيبو غزل بنات و رجعو و كان على شكل ورد
تاليا بابتسامه : الله شكلو حلو اوى
نيروز : اه اوى تعالى نصوره
صوروه و قعدو يتصورو و الياس و مراد بصو لبعض و ضحكو عليهم و راحو قعدو شويه و بعدين مشيو عشان فارس و ساره و زهران مستنينهم ف الكافيه الى قدام الملاهى و كلهم كانو مبسوطين
_______________________
اخر يوم في السفر
كان الياس قاعد قدام البسين وفاتح اللاب بيشوف الشغل و تاليا كانت بتدور عليه ف لما شافته راحتله
تاليا : ممكن اقعد
بصلها شويه و بعدين اتاخر ع جمب و هى قعدت جمبو
تاليا : هو ممكن اسألك سؤال
الياس : اسألى
تاليا : هو انت ليه بتعاملنى كده !؟
الياس بصلها بتعمق شويه و بعدين لف وشو و قعد يفتكر حاجات كتير اوى و ذكريات ليه زمان مع البنت الى كان بيحبها و بعدين بصلها تانى و هى كل ده كانت منتظره رد
الياس : عشان ….
- يتبع الفصل التالي اضغط على ( رواية الان اقول احبك ) اسم الرواية