رواية بريئة في عالم المافيا كاملة بقلم ملك شكري عبر مدونة دليل الروايات
رواية بريئة في عالم المافيا الفصل السابع عشر و الاخير 17
عايزه تفاعل بقا عشان انزل الروايه الجديده
زينه اتصدمت: اء انا
حمزه بحب: اه انتي من اول يوم شوفتك فيه وانا بحبك بس مكنتش عايز اعترفلك غير لما اتأكد من مشاعرك واتأكدت انهارده انا بحبك يازينه تتجوزيني
زينه دموعها نزلت بسعاده وهزت دماغها ب اه كلهم قامو سقفو بسعاده وادهم صفر: ياجاااامد
ضحكو كلهم وقدو يوم في قمه السعاده وهما مع بعض
تاني يوم الصبح كان يوم اجازه رعد
نزلت ملاك وهي لابسه فستان بيبي بلو عند الركبه وشوز ابيض وسايبه شعرها وكانت قمرر
شافت رعد قاعد في جنينه الفيلا ومديها ضهرو خرجت براحه وحطت ايدها على عينه: صباح الخير
رعد شال ايدها بلطف وباس ايدها: صباح الجمال ياروحي اقعدي
قعدت ملاك جمبه ولان الكنبه الي كانو قاعدين عليها كبيره ف نام رعد وفرد جسمه وحط راسه على رجلها
ملاك وهي بتلعب ف شعره: مالك شكلك منمتش كويس
رعد: دي حقيقه نمت متأخر ولما طلعت الاوضه فضلت افكر
ملاك: تفكر ف اي
رعد: مش عارف مش في حاجه معينه بس بفكر ف قد اي ربنا عوضني بيكي مع اني مكنتش الانسان الصالح ابدا دموعه ابتدت تنزل وكأنه طفل: كنت بشتغل ف المافيا كنت بقتل بدم بارد كنت بني ادم قاسي وصعب ومتحبش مكنش ليا حد بيحبني غير صحابي الي هما ادهم وحمزه مكنش ليا صحاب غيرهم حبيت بنت وخانتني وطلعت كانت مع العدو بتاعي والي هو البرت عشان كده اشتغلت مع البرت عشان انتقم منه مكنتش بحس بحد غير نفسي انا اتولدت لقيت نفسي من غير ام وابويا متجوز واحده كانت بتستناه يطلع من البيت عشان تضربني وقبل مايرجع تهددني اني لو قولتلو هتضربني تاني ومكنتش بقدر اقولو لانو اصلا مكانش بيسأل مكانش بيهتم بيا ولا بيحبني كنت بالنسباله الغلطه الوحيده ف حياته بعد وقت مات من اشد اعدائه وبعدها ب وقت مرات ابويا كل شويه تخرج وتتكلم ف الفون كتير وعرفت انها كانت متجوزه قبل ابويا واتطلقت وبتكلم طليقها ده تاني وبتتفق معاه انها تاخد كل الثروه لما اخدها انا تهددني لاني كنت طفل وامضيلها ب اوراق ان الثروه دي ليها وتهرب ويتجوزو تاني انا كان عندي15سنه لما سمعت الكلام ده ومن هنا ابتديت ابقا انسان تاني مبقتش اخاف منها ولا اتهدد ونزلت ادير الشركه وبدل ما كانت شركه واحده بقت شركات حول العالم كله بقيت رعد الحديدي الي اكبر واحد ف البلد ده اذا كان في اكبر منه بيعمله الف حساب فكراني كنت حابب نفسي انا كنت اكبر عدو ل نفسي وبعد كل ده انتي جيتي ف طريقي ورجعتيني للطريق الصح خلتيني بني ادم تاني انتي عارفه امبارح كنت صاحي لقيت الفجر بأذن قولت طب ما اقوم اصلي واقرب من ربنا وفعلا ده الي عملته واول ما قولت الله اكبر عرفت فعلا قيمه ربنا وانه كبير اوي فضلت اعيط زي
الطفل الصغير ودعي كتير قد اي كنت مرتاح ومبسوط القسوه والاملاك مش هتجيب كل حاجه الفيلا دي الي حصلي فيها كل الذكريات الوحشه كنت قاعد فيها عشان كل ما اشوف اي جزء فيها افتكر كل عذابي هنا وابقا اقوى وقاسي اكتر بس خلاص انا هسيب الفيلا دي ونروح فيلا تانيه ونبتدي حياه جديده سوا من غير اي مشاكل وعارف اني اتجوزتك بطريقه غير الطريقه العاديه لقيتي نفسك مره واحده مكتوب كتابك بس انا هعملك فرح كبير اوي عشان كل الناس تعرف مين مرات رعد الحديدي
قام من على رجلها لقاها بتبكي ببرائه وهي مسحت دموعه بكفها الصغير: انت عانيت كتير اوي وانا هفضل معاك ياحبيبي وهفضل جمبك ووالله مش فارق معايا افراح كل الي فارق معايا انت واني افضل معاك لاني حسيت معاك بلأمان حسيت بأحساس ابويا نفسه مخلانيش احسه انا معاك وجمبك وبحبك
رعد حضنها بكل قوته وكأنه بيقولها انتي ليا انا وبس انتي ملاك الرعد بعد وقت قام رعد من جمبها وقال: شوفي ياستي احنا دلوقتي هنطلع نلبس ونعدي على ليان وزينه ونروح نجيب فستان فرح ليكي عشان الفرح ولا اي ياعروسه
ملاك ابتسمتله بحب وفرحه: بجد يارعد
رعد بحب: بجد ياقلب رعد
دلوقتي هنعدي عليهم ونخلي حمزه وادهم يقابلونا ونروح المول احنا ف ناحيه وانتو ف ناحيه احنا هنجيب البدل وانتو هتجيبو الفساتين اوكي
ملاك بفرحه: اوكي يلا بينا
طلع رعد لبس قميص كحلي وبنطلون اوف وايت وشوز ابيض وساعته الروليكس السيلفر وبرفانه الجذاب وسرح شعره بطريقه ساحره
عند ملاك لبست فستان ابيض في ورود حمره بعد الركبه وشوز ابيض وشنطه بيضه وعملت شعرها كحكه فوضاويه ونزلت منها خصلات وحطت ليب جلوس ورشت برفانها الجميل وتكون المزه بتاعتنا جهزت
نزلو سوا وهما ماسكين ايد بعض ورنو على ليان وزينه عرفوهم وكذلك ادهم وحمزه
عدو على بيت ليان الي نقلت بيتها هي وزينه ل بيت واحد نزلت ليان وزينه وركبو مع ملاك ورعد وصلو قدام المول لقو ادهم وحمزه مستنينهم دخلو المول البنات ف ناحيه الفساتين جابت ملاك فستان ابيض منفوش وليه اكستينشن طويل وفي فصوص من الالماث تؤدي على فخامه وجمال الفستان قاست الفستان وكان شكلهاف قمه الجمال
ليان وزينه عيونهم دمعت بسعاده: ياروحي بسم الله ماشاء الله قمر ياروحي
ملاك بفرحه: حلو اوي يابنات
البنات الي ف المحل انبهرو ب جمال ملاك بالفستان
بنت منهم: بسم الله ماشاء الله قمر
ملاك ببتسامه لطيفه: ربنا يخليكي
البنت التانيه بمرح: مين الي مامته دعياله وهياخد القمر ده
ملاك ببتسامه: رعد، رعد الحديدي
كل البنات الي ف المحل فتحو بوقهم من الصدمه معقول رعد الحديدي الي كل البنات هتتجنن عليه هيتجوز
بنت من الي ف المحل بغيظ:ممم طب وهو مش معاكي يعني
ملاك ببرود: اعتقد ان الفستان ده بيبقا سوربريز للعريس سوري اقصد مفاجأه يعني
البنت واسمها مها مها بحقد: مم بس بردو من حقو يجي ويشتريه معاكي
ملاك بصت ل صحابها وكأنها بتقول شويه كمان وهنقض عليها(اه ياجماعه بطلتنا عصبيه سيكا ))
ليان وزينه فهموها وادوها نظره خدي راحتك(عايزه النوع ده من الصحاب بيفهمو بعض بنظره)
ملاك ولأول مره تتعامل بغرور: بقولكو يابنات اتصلو ب رعد حبيبي يجي على ما اغير الفستان عشان ميشوفهوش
ليان بمرح: هتولعع
زينه اتصلت ب رعد وقصدها تسمع مها: الو بقولك يارعد انت فين
رعد: احنا ف المحل الي قبل الفوتكورت
زينه: حلو احنا قريب منكو تعالى على محل****علت صوتها بطريقه تضحك: اصل ملاك عيزاك
رعد بستغراب: تمام جاي
قفل معاها وخد ادهم وحمزه وراحو على المحل الي فيه البنات
رعد: اي يازينه فين ملاك
زينه: بتغير الفستان
مها بصت عليه بحقد وصدقت فعلا ان هو رعد الحديدي
اما البنات الي ف المحل دعولهم بالسعاده لانهم حبو ملاك جدا وحبو لطافتها
بعد دقيقتين تقريبا خرجت ملاك بصت على رعد الي بيبصلهم بستغراب: كويس انك جيت ياحبيبي
رعد ببلاها: حبيبي الله
ملاك خبطته ف كتفه: احمم انا جبت الفستان بس مفاجأه بقا بس تحفهه بصراحه البنات الي هنا ساعدوني ف اختياره
رعد ببتسامه: مبروك عليكي ياحبيبتي ميرسي يابنات
البنات بهدوء: العفو
ملاك بصت ل مها الي بتبص ل رعد بهيام بتحذير
ملاك بتتنفس بصعوبه من عصبيتها وبتكلم نفسها: لا كده كتير الا رعد واحد اتنين تلاته
اتكلمت بصوت عالي: انتي شوفتي جوزك الي ضايع من تلت سنين ولا اي اي البسمه والانشكاح الي على وشك ده عينك ياماما لا اشيلهوملك
مها ببعض الخوف مشيت من قدامها كل ده تحت نظرات ادهم وحمزه وزينه وليان وبالأخص رعد المصدوم
ملاك بتحذير: يلا مش وقت صدمه هي حاسبو على الفستان ومشيو اول ما خرجو من المحل انفجرو ف الضحك ل درجه ان في ناس كانت بتبص عليهم بستغراب
حمزه الي وقع على الارض من الضحك:مش قااااادر ملاك الرقيقه الكيوت قلبت سواقه توكتوك
حمزه قال الكلمه دي وادهم ركن جمبه من كتر الضحك عيونهم دمعت
ادهم: مش قااادر يخربيتككك
ملاك كانت بتبصلهم بغيظ بعد كده شاركت معاهم ل الضحك
اما رعد ف هو مصدوم وفطسان ضحك: حبيبي بيغير ياناس
ملاك ضربته ف كتفه: طب يلا يالذيذ بقاا
راحو الشباب يجيبو البدل والبنات راحت محل فساتين سواريه ل ليان وزينه
ليان جابت فستان موڤ بعد الركبه ب حاجات بسيطه ضيق لحد الوسط ونازل ب منفوش وهيلز سيلفر وهربيز سيلفر
زينه جابت فستان احمر عن الركبه نص كم شيفون وضيق من عند الوسط ونازل ب منفوش وجابت هيلز(كعب) اسود في لمعه بسيطه وهربيز(تاج رقيق) سيلفر حلو اوي
وملاك جابت الهيلز بتاعتها ابيض رقيق
عند الشباب جاب رعد بدله سودا وقميص ابيض وبيبيونه سودا وجزمه سودا شيك وفخمه جدا وادهم جاب بدله سودا قميص اسود وجزمه سودا وكان بردو شيك اوي
حمزه جاب قميص نبيتي وبدله سودا وجزمه سودا وكان قمرر
خرجو من المحل وطلب رعد منهم يدخلو محل مجوهرات جاب رعد تاج مطعم ب فصوص الماث وكان شكله ف قمه الفخامه وجاب طقم عباره عن سلسله وخاتم وحلق وانسيال الماث وحمزه جاب طقم تاني الماث
وادهم نفس الكلام (كلنا عارفين ل مين بس مش هنقول ) خلصو وراحو لقو البنات قاعدين ف كافيه بيضحكو
رعد بمرح: ممكن نعاكس
ملاك بتداري ضحكتها وبتمثل التكشير: لا مش ممكن
رعد بغمزه: ليه بس ياقمر
حمزه: ده احنا نيتنا حلوه
ملاك: لا بقا كده كتير
بصت للبنات بنظره ذات مغزه وهما فهموها وحاولو يدارو ضحكتهم
ملاك: فين مدير المكان ده
جيه المدير بسرعه: تحت امرك يافندم
ادهم ورعد وحمزه بصولهم بصدمه الي هو في اي
ملاك بتحاول تكتم ضحكتها: الشباب دول بيدايقونا
المدير بصلهم: اتفضلو بره
ادهم: هو اي الي بره
المدير:بقولكو بره عشان مستخدمش معاكو اسلوب مش حلو
رعد بحده: بجد طب يلا وريني
المدير بخوف: اي ده رعد بيه انا اسف ياباشا مشوفتش حضرتك
رعد: طب واديك شوفتني ودي مراتي ودول مراتات صحابي في حاجه
المدير: لا ابدا بافندم بعد اذن حضرتك
مشي المدير بسرعه ورعد بصلهم بشر
اما البنات ف انفجرو ف الضحك
عدا يوم واتنين وتلاته لحد ما جيه معاد فرح رعد وملاك
صحيت ملاك بنشاط وابتدت تجهز عشان يروحو الجناح الي رعد حجزهولهم ف الفندق عشان يجهزو
جت خديجه الي حمزه وصلها وجم ليان وزينه الي عدا عليهم ادهم البنات راحو الفندق وجت الميكب ارتست
الميكب ارتست واسمها فرح: بسم الله ماشاء الله مش محتاجه اي ميكب زي القمر
ملاك ببتسامه: ربنا يخليكي انا عايزه ميكب خفيف يعني ميخفيش ملامحي فهماني
فرح: اه طبعا والبنات
ليان: لا احنا لمسات بسيطه بس
بدأت الميكب ارتست تعمل ل ملاك الميكب وكانت شكلها ملاك اسم على مسمة كان ميكب رقيق وقمر اوي وليان كانت حلوه اوي وكان الفستان لايق عليها
وزينه كانت عسوله اوي
رعد جهز وكان شكله جذاب جدا وكان مثال للرجوله والجاذبيه
رعد بحماس وفرحه: شكلي حلو
حمزه ببتسامه: قمر ياحبيبي ربنا يهنيك يارب
ادهم وقف قدام رعد وابتدا يعدلو البيبون بتاعه وعيونه بتدمع: الف مبروك ياصحبي ربنا يسعدك ياري
رعد حضنه بفرحه وبعد كده حضن حمزه بسعاده ونزلو رعد خد العربيه المزينه بطريقه حلوه اوي ومشي بيها اما ادهم وحمزه ف مشيو وراه بالعربيه
رعد ف نص الطريق بجنون فتح سقف العربيه وابتدا يقول بصوت عالي: رعد الحديدي هيتجوز ياناااس
حمزه ابتدا يشاركو جنونه وابتدا يزمر بالعربيه وفتح شباك العربيه: مبرووووك ياصاااحبيييي
ادهم شاركهم جنونهم: مبرووووك ياارعووووود
ضحكو كلهم والناس كلهم ابتدو يضحكو عليهم وفي شباب كانت راكبه العربيه ابتدت تزمرلهم بالعربيه وبيصفرو
ضحكلهم رعد ورجع مكانه وابتدا يسوق لحد ما وصل للفندق
طلع وعلى شماله ادهم وعلى يمينه حمزه وكانو داخلين وشكلهم فخم جدا خبط رعد على الباب وفتحتله ليان
ادهم بهيام: اوباااا اقرصني يلا ياحمزه
حمزه قرصو
ادهم بغيظ: اهه ياغبي
حمزه: مش انت الي قولت اقرصني
ادهم: اسكت ياض وكمل بغمزه: بس اي القمر ده ياليلو
ليان بكسوف: شكرا
ادهم: لا شكرا اي بقا تعالي يابنتي جمبي كده على ما كل واحد ياخد حبيبته احنا سناجل زي بعضينا
ليان ضحكت وخرجت وقفت جمبه
رعد: يلا بينا
دخل هو وحمزه ووراهم ادهم وليان
رعد وقف لقا ملاك مدياه ضهرها
رعد: طب اي شعرك حلو ماشي فين وشك بقا
ملاك ضحكت:لازم يعني
رعد: ايوان
اما حمزه ف كان مبرق من جمال زينه: لا كده كتير عليا اي القمر ده
زينه بخجل: شكرا ربنا يخليك
حمزه مسك ايدها بحب ووقف جمب ادهم وليان
ملاك لفت ل رعد اما رعد ف فضل واقف مصدوم ومبرق حرفيا من جمالها
ادهم بضحك: هههه اقفل بوقك ل الدبان يدخل
رعد بهيام: هشش اسكت انت خالص اي القمر ده ياملاكي اي ده
ملاك بخجل: انت احلى على فكره
رعد بعشق باس راسها ومسك ايدها ونزلو سوا لحد العربيه ووراهم ليان وزينه الي بيظغرطو بسعاده ركبو العربيه ووصلو القاعه وابتدا الفرح وكانت دخلتهم على اغنيه طلي بالأبيض
كانت داخله وسط زهول المعازيم من جمالها وفي الي بيقول يابختو بيها
رعد كان عايز يخبيها من نظراتهم ليها
فضلو يرقصو وبعد وقت قليل اشتغلت اغنيه وابتدت موسيقى ا لاغنيه
ملاك بحب مسكت مايك وقالت: الاغنيه دي بهديها ل اكتر بني ادم انا عشقتو ف الدنيا دي
ابتدت اغنيه انا كلي ملكك
(انااااا انا كلي ملكك انا كل حاجه حبيبي فيا بتناديك اناا انا مش بحبك الحب كلمه قليله بالنسبه ليك انت فرحه جت ل عندي بعد عمر من التعب السعاده الي بعيشها ياحبيبي انت السبب)
بعد ما خلصت الاغنيه شالها رعد وفضل يلف بيها بسعاده وقال: بعشقكككك ياملااااكي
بعد وقت قليل الانوار كلها اتطفت ل القاعه كل الي ف القاعه استغربو حتى ليان اتفتحت الانوار مره واحده ليان لقت ادهم قاعد على ركبته قدامها وفاتح علبه قطيفه فيها خاتم الماث شكله فخم جدا
ادهم ببتسامه جذابه وحب: تتجوزيني
ليان حطت ايدها على بوقها من الصدمه وهزت راسها ب اه وهي كلها سعاده وفرحه ان اخيرا حس بيهة وحبها زي مابتحبه
لبست الخاتم ودخل مأذون والجارسونات جابو ترابيزه وقعد المأذون وقعد جمبه من ناحيه ادهم ومن ناحيه حمزه وقعد معاهم رعد وحسن قريب ادهم الي نزل هو وابنه من امريكا من اسبوع بظبط وده يبقا صاحب ابو ادهم وربا ادهم لحد ما كبر وسافر هو وابنه كريم وهما الي شهدو على عقود الجواز مع رعد
وتم الزواج وانهى المأذون بكلمته الشهيره بارك الله لكم وبارك عليكم وجمع بينكم في خير
اول ما المأذون قال الكلمه دي قام حمزه بسرعه وخد زينه ف حضنه بشتياق وسعاده وبيقول: اخيراااا انا بعشقك يازينتي
وادهم قام وحضن ليان بسعاده وبيقول: مبروك عليا انتي ياروحي
خديجه حضنت حمزه بفرحه: مبروك ياحبيبي مبروك يازينو مبروك ياليان مبروك يا ادهم مبروك ياملوكه
كريم فضل باصص على خديجه ومزبهل بطريقه تضحك
حسن ضربه ف كتفه: في اي ياض
كريم وعيونه بتطلع قلوب: خديجه يابابا مش مصدق اني شوفتها لما كبرت واحلوت اكتر من الاول
حسن: طب ومستني اي
كريم: انت صح
راح ناحيتهم وقال: استنا ياشيخنا نلحق نكتب الكتاب احنا كمان يلا ياديجه
حمزه بستغراب:نعم ياخويا في اي ياض
كريم: انت هتستعبط ما انت عارف اني بحب اختك من زمان ومن قبل ما اسافر ف يلا بقا وبدل ما نفرح تلت مرات نفرح اربعه ولا اي يارعد
رعد: بظبط
كتبو الكتاب حضنها كريم وقال: الف مبروك ياحياتي
خديجه ببتسامه لانها بتحبه من وهي صغيره:الله يبارك فيك
رعد: الف مبروك ياروحي انا اسعد بني ادم في الدنيا
ملاك بحب: الله يبارك فيك ياحبيبي انا كمان فرحانه اوي
رعد: يارب دايما ياحبيبتي
بعد اسبوعين تم فرح ادهم وليان وحمزه وزينه وكريم وخديجه ف يوم واحد وكانو حوريات بجمالهم
عدا اليوم بسعاده على الكل ونقل رعد وملاك فيلته الجديده وجمبه فيلا ادهم وليان وجمبه فيلا حمزه وزينه وجمبه فيلا كريم وخديجه
بعد ست سنين كان رعد وملاك عندهم حور وليث تؤام عمرهم 7سنين ومليكه6سنين جت بعدهم ب سنه
اما ادهم وليان ف عندهم ليليان6سنين ادم8سنين وليل8سنين
اما حمزه وزينه عندهم تميم9سنين وكارما6سنين
اما كريم وخديجه عندهم فريده5سنين وزين9سنين وروح7سنين
رعد اتصل بيهم عشان يتجمعو سوا ف فيلا رعد
وجم كلهم واتجمعو سوا
رعد ببتسامه بيكلم مليكه بنته:ملوكه حبيبتي صورينا ياروحي
ملاك بغيره: رعددد
رعد ضحك: في حد يغير من بنته
مليكه: مث عالفه مامي بتغيل ليه بابي حبيبي وطلعتلها لسانها
ملاك بصتلها بغيظ لانهم على طول قط وفار بس طبعا بتحبها اكيد يعني اتصورو وكان كل واحد ليه ابتسامته الخاصه الي بتميزه
رعد: ربنا يديمنا لبعض ونفضل على طول متجمعين
الكل: امين يارب
رعد لو كان حد قاله انه هيعيش ف سعاده وسط اولاده وعيلته الي بيحبهم وبيحبو مكانش هيصدق ان البيت الكئيب اتملى بالسعاده والفرحه ودي كانت نهايه روايه رعد وملاك توته توته خلصت الحدوته
الخاتمه.
عدا تلات سنين وكان فاضل على رمضان اربع ايام كانو كلهم متجمعين مع بعض
لقو حور جايه ماشيه بغيظ ووراها تميم حاطط ايده ف جيبه ببرود
حور: عمو ادهم لم ابنك بقا
ادهم بصدمه من اسلوبها ك صدمه: لم ابنك
اما تميم اتكلم بطريقه لا تليق على طفل تماما: اعتقد اني قولتلك فوق ال100مره الفستان الموڤ ده ميتلبسش والا هقطعو لكن انتي بقا الي مصممه
حور بغيظ: وانت مالك البسه ولا لأ
تميم: مالي ونص ومسمعكيش تقولي الكلمه دي تاني ياحور والا هنزعل سوا
رعد: ولا تزعل مين هقوملك
تميم: عمي لو سمحت سيبني اتعامل معاها
لسه رعد هيرد لقا كارمه بتقول ل ليل: والله يا ليل زميلي ل الكلاس عادي يعني
ليل بعصبيه استحاله تليق بطفل لانه هو وتميم وادم وليث نسخه طبق الاصل من عصبيه وبرود وغيره رعد: يعني اي زميلك عادي ازاي تمشي معاه وتسمحيلو يجيبلك ايس كريم كمان قولتلك بعد كده لو عايزه حاجه تجيلي الكلاس وهجيبلك لكن انتي الي عنديه زي خالتو ملاك اسف ياخالتو
ملاك بضحك: خد راحتك ياقلب خالتو
ادهم بصدمه: وربنا ما كنا عيال
اما حمزه وليان وزينه وخديجه وكريم ورعد وملاك واقعين من كتر الضحك
ليث ببرود: فريدهههه
فريده ببرائه: نعم يا ابيه
ليث بغيظ: 100مره اقولك متقوليش يا ابيه انا مش ابيه اوك وبردو لو شوفتك خرجتي الجنينه وشعرك الحلو الدهبي الطويل ده مفرود كده هقصه تمام
فريده ببرائه: حاضر يا ابي اقصد ياليث
ليث ابتسملها اما هما فضلو يبصو ليهم بصدمه
نزلت روح من فوق بفرحه وهي بتقول: خالتو ملاك خالتو ملاك
ملاك: نعم ياروحي
روح بفرحه ولانها طالعه نسخه من ملاك ف عشق الروايات: روايه الكاتبه ملك شكري الجديده اخر
فصل منها انهارده ومنزله بوست بتقول ان الروايه الجديده هتبقا احلى من اي روايه تانيه وبتحمسنا تفتكري هتبقا روايه اي
ملاك بحماس زي الاطفال: بجد اخر فصل انهارده طب نزل
روح اتاخرت رعد بضحك وقعدت جمبها: طبعاا نزل وفي ناس كتير شجعتها وقرت الروايه وعجبتهم اوي وهي ردت على كل الناس وهي بتقول انها بتحبهم كلهم وفرحانه انها حققت نجاح ف فتره صغيره بس وفي ناس كتير حبتها
ملاك: بصراحه تستاهل حب الناس كل روايتها جميله
عدا تلت ايام وكان فاضل يوم واحد على رمضان كانو متجمعين ومشغلين اغاني رمضان وفيلا رعد مليانه بهجه وسعاده
ملاك وهي بتعلق عقد من الزينه على الحيطه: ادم حبيبي
ادم: نعم ياخالتو
ملاك: ناولني فرع النور الجولد ده
ادم ناولهولها وروح بتساعد رعد هي وباقي الولاد ف تعليق الزينه وادهم معاهم اما حمزه وليان وزينه وخديجه وكريم بيجهزو السحور اتسحرو كلهم سوا والفجر اذن وصلو سوا وفضلو يدعو ان ربنا يديم لمتهم وسعادتهم دي
رعد: ربنا يجمعنا ف الخير دايما ياولاد وتفضلو مع بعض على طول
كلهم: ويخليك لينا
ودي خاتمه روايه بريئه في عالم المافيا عشنا فيها احداث كتير سوا وحسيت فعلا انها قصه حقيقيه
- يتبع الفصل التالي اضغط على ( رواية بريئة في عالم المافيا ) اسم الرواية