رواية العروسه الهاربه وانتقام الشيطان الفصل الثامن عشر 18 - بقلم سلمى محمود
رواية العروسه الهاربه وانتقام الشيطان الفصل الثامن عشر
يُسر حطت إيدها على ايد أسد وقالت: شكرا.
بص لإيها وقلبه دق بعنف لتلك حفيدة الخديوي وهز راسه.
طلعت برا الباب وهو وراها وراحتلها ودخلت كانت بتتكلم معاها بحنية ولُطف وبتواسيها وتحكيلها قصص من كتاب الاطفال اللي في الاوضه وعائشة فرحانة وباستها وقامت معاها واخدتها من ايدها وشاورتلها لما مشيت مع امها وابوها
أسد كان واقف وباصص ليها وقعدت بتعب
يُسر كانت بصاله وقالت: تشرب قهوة يا ابن العشماوي
هز راسه وقال: اشرب يا حفيدة الخديوي
يُسر: واتبي بلاش رسميات
أسد: قولي لنفسك
يُسر: مش حِمل خناقات، ثواني وجاية
قامت وهو كان باصصلها وكانت ماشية وشافت واحد بيصرخ: دكتووووور دكتور، دكتوررة ساعديني
يُسر بصراخ: على اوضة الطوارئ
دخلوه بسرعة وهي دخلت لوحدها كان آخد رصاصه وهي حطت ليه الاسلاك كان جهاز القلب بيصفر
دخل اللي كان بيصرخ وطلع سلاح وجهه عليها
يُسر صرخت: اااه، نزل المسدس نزله
هو بغضب: ساعديه ساااعديه
يُسر: اطلع برا علشان انقذه اطلع
كانت خايفه وهو حط المسدس وقال: اخلصيييي
الجهاز صفر والمتصاوب كان واصل ميت يُسر حطت ايدها عند انفه ومسكت نبضة وبلعت ريقها وقالت: اتوفى.
برق ليها اللي حاطط المسدس على راسها وقال بهستريا: لالالا لا
الممرضين كانوا بيصرخوا بإسمها: دكتووورة يُسر.
زاحها وسط الكل وقربها لعندها وحط المسدس على راسها
أسد لما سمع صراخ طلع يجري وقال: يُسر
كان بيجري بعنف وبسرعة رهيبة، ودخل ما بينهم شافها هي وبصاله
أسد بصدمه: يُسر!
يُسر بخوف ودموع: أسد
الشاب بهستريا: شغلتكم انكم تنقذوا المريض مش يموووت انتوا دكاترة ليه هاااا بتاخدوا فلوس على الفاضي وتسلموووونا جثث
يُسر صرخت وقتها وأسد قال: اهدى... اهدى
_محددددددش يقول اهددددى ابعددددد
كان حاطط اصباعه على الزناد وهي خايفه وبتبكي
_ششش متبكيش ششش
يُسر بدموع: حاضر.... حاضر
أسد كان بيشاور لُه انه يهدى ومركز مع يُسر وهي بصاله نزل ايده وهز راسه مره واحده ضربته بكعب الهاڤ بوت ونزلت لتحت أسد طلع مسدسه وداس على الزناد اتصاوب في كتفه اللي ماسك بيه المسدس وصرخ: اااااه
وقع المسدس ويُسر جريت عليه هو حضنها وقال: انتِ بخير
يُسر بخوف هزت راسها وبعدت عنه
وقال أسد بغضب هو وباصص للدكاترة: خدش بسيط، عالجوه.
مسك إيد يُسر وكان ماشي بيها وسط المتواجدين
وطلعوا من المستشفى عربيته كانت خايفه وبتنهد أسد شربها مياه وقال: اشربي
شربت واتنفس بقوة
بصلها وقال: احسن دلوقتي.
هزت راسها وقالت: خلينا نمشي
ساق أسد عربيته وهو وباصص ليها ولما وصلوا نزلت يُسر من العربية ودخلت القصر والكل كان بيتعشى مكانتش مركزه وكانت خايفة بتطلع بالعافية أسد كان باصصلها وسندها على السلم: يُسر انتِ بخير
يُسر هزت راسها وطلعت اوضتها كانت كلها باللون الأبيض والسرير اسود والدولاب أسود وكل حاجه في الاوضة راقية اترمت على السرير محستش بنفسها ونامت
بعد عدة ساعات أسد كان في اوضته بيفكر فيها طلع من الاوضة بتاعته دخل اوضتها كانت نايمه بالجزمه وملابسها راح لعندها وقال: اه يا حفيدة الخديوي اه
خلع ليها الجزمه بتاعتها وغطاها وقال هو وبيلمس على شعرها بص ليها وابتسم ابتسامة غريبة كُلها شرّ: هضطر امثل اني بحبك يا بت جبل وبهتم بيكِ، وهكمل في اللعبة علشان توقعي انتِ واهلك واعرف مين اللي قتل ابويا ويوم ما هعرف هنتقم وانتقامي هيوجعكم هدمر عيلتك فرد فرد واول حد هبدأ بيه انتِ هكسر قلبك يا دكتورة، خوفي عليكِ وحبي ليك جزء بسيط من اللعبة علشان اضمن ثقتك فيا.
رنّ على شخص مجهول وقال: طلعت من المستشفى ولا لسه؟
_طلعت يباشا.
أسد بمكر: وكِتفك عامل إيه.
_متخفش يا بيه كله تمام، واخدت الفلوس اللي سبتهالي.
كان نفس الشخص اللي خدشه بالرصاصة في المستشفى.
أسد قفل معاه وابتسم هو وباصص ليها وهي كانت نايمة بكل براءة وتعب.
أسد ابتسم ابتسامة غريبة كُلها شرّ وقال: هضطر امثل اني بحبك يا بت جبل وبهتم بيكِ، وهكمل في اللعبة علشان توقعي انتِ واهلك واعرف مين اللي قتل ابويا ويوم ما هعرف هنتقم وانتقامي هيوجعكم هدمر عيلتك فرد فرد واول حد هبدأ بيه انتِ هكسر قلبك يا دكتورة، خوفي عليكِ وحبي ليك جزء بسيط من اللعبة علشان اضمن ثقتك فيا.
رنّ على شخص مجهول وقال: طلعت من المستشفى ولا لسه؟
_طلعت يباشا.
أسد بمكر: وكِتفك عامل إيه.
_متخفش يا بيه كله تمام، واخدت الفلوس اللي سبتهالي.
كان نفس الشخص اللي خدشه بالرصاصة في المستشفى.
أسد قفل معاه وابتسم هو وباصص ليها وهي كانت نايمة بكل براءة وتعب
كان بيلمس على شعرها والشر باين من نظرة عينيه قام وطلع من الاوضة وهي كانت نايمة بكل براءة.
طلع من اوضتها دخل اوضتة قفل الباب وشد الدولاب بتاعه كان فيه باب وراه فتحه شاف صور كل عائلة الخديوي ويُسر في النص وحوليها ليلى امها وجبل ابوها وعمها فخر وصالح عمها والخدامة حسيبه.
كان باصص ليهم وباصص بحقد لـ صورة يُسر وشالها وقال: من خلال استغلالي ليكِ هقدر اكسب كل عائلة الخديوي وهدمرهم واحد واحد على قهر امي واخواتي وانا على موت ابويا يا بت جبل.
كانت بتضحك في الصورة حطها وقفل الباب بالمفتاح وشد الدولاب.
نام على السرير هو وباصص للسقف.
.............................
في اوضة أيان كان بيلعب ملاكمة وكان لابس شورت واسع اسود وتي شيرت بحملات اسود واسع وبيضرب بقوة ويضرب كان عرقان ومكمل وفي تفكيره يُسر ضحكها وبكاؤها ومع كل ضربه بيصرخ ويقول: مش هسيبك تنتقم منها علشان ابوك، مش هسيبها ليك يا أسد
كان بيضرب وكمل: مش بإيدي إني حبيتهااااا يا ابن العشماوي
وضرب بقوة: مش بإيدي.
وقف بتعب وكان مدمع وقال هو وباصص في السماء: ايوا انا بحب بت جبل يارب
وكمل وكل حرف طلع من قلبه: عشقتها.
كان واقف وقعد في الارض سند على السرير وسمع حد بيدق على الباب وقال: ادخل
دخلت زهرة وجابت له قهوة: أيان
بصتله وكملت: انت مش بخير خالص اشرب جبتلك قهوة.
قعدت جمبه على الارض وهو بص للقفازات وقال: ايه مصحيكِ دلوقتي
زهرة: مش جاييني نوم.
أيان: زهرة كنت عايز اسألك حاجه
زهرة: ها سمعاك
أيان: تعرفي إيه عن يُسر الخديوي.
زهرة: انها دكتورة جميلة وقلبها طيب ومتواضعة اوي وانا اتعرفت عليها السنه دي، جدعه اوي وقلبها طيب يا أيان تعرف انها بتوقف مع اي حد في المستشفى بتسدّ مكان اي دكتور غايب او مش موجود بتعافر بكل طاقتها وقت الشغل شغل، مشفتش منها غير كل خير ، قوية وتصارح دايمًا ومحدش يقدر يجي عليها ان كان معاها حق بتكلم بمية راجل قوية عنيدة و.....
كانت بتحكيله وتكمل لهُ وهو مسهم معاها وابتسم غصب عنه وبصلها وتخيل يُسر في قلبه قبل عقله تنح ومكنش سامع صوت زهرة هي وبتنادي عليه لغاية ما هزته: أيان
أيان: هااا
زهرة بشك: ليه سألتني.
أيان: هاا، لا مفيش حاجه
زهرة: بكرا نعرف في ايه.
غمزت له وطلعت من الباب: تصبح على خير
أيان: وانتِ من أهل الخير
طلعت زهرة وقفلت الباب وراها وهو اترمى على السرير هو وبيبتسم وقام اخد غيار ودخل الحمام وبعد ما طلع من الحمام كان لابس شورت أبيض وتي شيرت بحملات رفيعة وواسع لونه أخضر اخد دفتر كبير من الدولاب وطلع صورتها طبعها من على التيلفون وحطها في الدفتر وكتب تحتها.
_إنيِّ أُقاتِلُ مِنْ جَديد، وأنتِ معركتي الأخيـرة.
ابتسم وبص للصورة واترمى على السرير هو وباصص لملامحها وبيلمس عليها.
.............................
في بيت أحمد كان بيتكلم في التيلفون في اوضته وقال بصدمه وزهول: عائلة الخديوي قتلوا ابو اسد العشماوي.
_ايوا يا باشا زي ما بقول ليك كده
أحمد: ابعت المعلومات ليا في ايميل دلوقتي
_امرك يا بيه.
قفل منه وكان بيقرأ ويبص على كل المعلومات قفل اللاب توب بتاعه.
قعد على السرير وقال: وبكده اقدر اكُب البنزين على النار يا عائلة الخديوي.
.............................
_في صباح اليوم التالي _
قامت يُسر من نومها فتح عينيها وقالت: ينهار اسود نمت بهدومي ي...
قاطعت كلامها لما شافت بوكية ورد على الطربيزه
وفستان جمبيها لونه بيبي بلو طويل للأرض وعليه من فوق جاكيت أبيض بشراشيب وجزمة لونها أبيض بحزام طويل قرأت الورقة اللي على البوكية كان مكتوب فيها: يلا البسي وافطري وعندي ليكِ مفاجأة.
التوقيع.... أسد.
•تابع الفصل التالي (رواية العروسه الهاربه وانتقام الشيطان) اضغط على اسم الرواية