رواية سجينة مع وقف التنفيذ كاملة بقلم اميرة اسامة عبر مدونة دليل الروايات
رواية سجينة مع وقف التنفيذ الفصل الاول 1
قبل رمضان بخمس أيام..
في منطقه الهرم
هدي…يلا يا بنات خلصوا بقي أيه اللكاعه اللي انتوا فيها دي عالصبح الفطار هيبرد.
عاليا..انا جايه اهو يا خالتو.
هدي…يلا يا حبيبتي وهاتي معاكي جوز الخيل الكسلانين دول.
خرجت عاليا بأبتسامه مشرقه و ضحكه عذبه.
عاليا….صباح الخير يا خالتو
هدي…بأبتسامه صباح الفل يا قلب خالتك فين ضحي وريم.
عاليا…جايين ورايا بيكملوا لبسهم قوليلي أساعدك في ايه.
هدي…تعالي خولي معايا الاطباق انا خلصت كل حاجه خلاص.
عاليا…تسلم أيدك يا حبيبتي .
هدي…تسلمي من كل شر وكنلت بصوت عالي يلا يا بت منك ليهااا.
خرجت ضحي من اوضتها.
ضحي…هو في ايه يا ماما عالصبح علي طول صوتك عالي كده نفسي افهم بس هي الدنيا هتطير.
هدي…ايوه هتطير هتتأخروا ساعه كمان هتلاقي شارع الهرم كله مقفول وأبقي قابليني لو عرفتوا تخرجوا من الزحمه.
ريم….صباح الفل يا خالتو
هدي…صباح الخير يا كسلانه زي بنت خالتك يابت ملاقتيش غير ضحي وتطلعي زيها نفسي اعرف مخدتيش نشاط أختك ليه.
ريم…انا اللي نفسي أعرف انتي مستعجله علي ايه الساعه لسه 8
خرجت عاليا بالاطباق.
عاليا…علي فكره خالتو بتتكلم صح شويه كمان والشارع هيقفل.
ريم…بضحك وهي بتاخد بطاطس من الطبق وايه بقي اللي هيقفله الريس معدي
هدي…..لا يا أم نص لسان انتي ناسيه ان رمضان عالابواب خلاص والناس بتنزل تجيب اللي ناقصها ده موسم يا بنتي.
ضحي….بكسل والله يا ست ماما أحنا موسم مش موسم لازم نصحي بنفس الطريقه دي خلاص أتعودنا.
هدي…و ياريتكم أتعلمتوا ده انتوا نحستوا مفيش حاجه بتحوق فيكم
عاليا…بضحك طب ايه مش هنخلص من الخناقه بتاعت الصبح الاكل جهز يلا بقي أحسن اتأخر الشركه.
ريم….يلا أحنا كمان هنتأخر لسه عندنا سفر انا وضحي.
هدي….اخيرا أفتكرتوا ان عندكم سفر أنا عارفه صاحب الشركه مبيرفدكوش ليه ويريحني من صوتي اللي بيتنبح كل يوم.
ريم….بضحك قربت من خدها باستها اوي انتي اللي مبتريحيش نفسك يا هدهود
هدي….بضحك يابت اوعي خدي فعصتيه.
قعدوا كلهم يفطروا مع بعض.
عاليا…هترجعوا أمته؟
ضحي….ممكن علي عشره بليل كده إن شاء الله انا والله لولا ان في سفر كنت خدت اجازه اول مره مبقاش عايزه اروح الشغل.
عاليا…بضحك عشان النوم طبعاً
هدي…أوعوا تتأخروا عن كده يا ضحي انا مش ناقصه قلق.
ضحي…متقلقيش يا ماما مستر علي هيوصلنا لحد هنا وبعدين انتي لسه قايله احنا في موسم و رمضان داخل يعني الناس مش بتنام والشوارع كلها زحمه.
هدي…بردوا يا بنتي انا طول ما انتوا في سفر بفضل قلقانه مبرتاحش غير لما اشوفكم قدامي.
ريم…اطمني يا خالتو مستر علي بيجبنا لحد هنا لما بيكون عندنا سفر.
هدي…انتي كده يعني بتطمنيني وانتوا جايين مع راجل غريب.
ضحي….راجل غريب ايه بس يا ماما ده صاحب الشغل وبعدين بقي مستر علي بعيداً عن إنه موز وشاب كده مفيش زيه بس محترم وعارف ربنا وبيخاف علينا.
هدي…شوفي قلت الادب البت بتعاكس الراجل قدامي.
عاليا…بضحك معلش يا خالتو أمسحيها فيا انا انتي تايهه عن ضحي يعني
ضحي…بضحك الله هو انا قولت ايه مش بمدح في خلقه ربنا وبعدين يا ستي متقلقيش انا لا ليا في المعاكسه ولا الكلام الفارغ ده هو صحيح قمر بس بأمانه يعني بحسه اخويا الكبير وهو كمان بيتعامل معانا علي اننا أخواته.
ريم…فعلا مستر علي محترم جدا وبجد لولا انه بيتعامل علي اننا اخواته كان زماني انا اول واحده معلقاه بس هو طريقته واحترامه يجبروكي تتعاملي معاه علي انه اخوكي وفعلاً هو بالنسابلنا أخ.
هدي…شايفه اختك المزغوده بتقول ايه يعني لولا الراجل محترم معاهم كان زمانها راحت طلبت ايده
ضحكوا كلهم علي هدي وكملوا اكل.
هدي…وانتي يا عاليا هترجعي امته انا عايزه انزل انهارده أشتري شويه طلبات واجيب زينه رمضان نعلقها في البلكونه وقدام باب الشقه .
ضحي…الله هتجيبي الزينه انهارده مش كنتي أستنتينا.
هدي…لا انا هنزل اجيبها مش هستناكم خلي السفر ينفعكم
عاليا…بأبتسامه ربنا ما يقطعلك عاده يا خالتو رغم اننا كبرنا عالكلام ده بس بجد بفرح اوي بالجو ده.
هدي…كبرتوا ده ايه يابت انتوا لسه صغيرين انتي بس اللي مكبره نفسك انتي والعيال دي شوفي انا قد ايه ومقدرش يجي رمضان ومعلقش زينه وفانوس احس ان فب حاجه ناقصه لازم انزل اشتري حجات جديده للمطبخ وشويه مفارش والزينه وامسك الشقه انضفها وازينها وقتها بس احس ان رمضان جه بصحيح انا عارفه انتوا طالعين لمين.
ضحي…الله وانا اتكلمت ما انا فرحانه.
عاليا…مش حكايه كبرنا يا خالتو بس بحس ان رمضان لوحده كفايه عشان افرح
هدي…لا مكبرين نفسكم طب دي ام دينا جارتنا لسه كانت بتتكلم معايا بتقولي انها مستخسره قعدتكم انتوا التلاته هنا في المنطقه بتقولي دول عايزين يقعدوا في مكان يليق بيهم قال وتقولي ايه بناتك يحلوا من علي حبل المشنقه فضلت أقرأ المعوذتين واكبر في وشها اصلي عرفاها عينها وحشه
ريم…بضحك اهي هي دي خالتو يا ساده لا عاجبها مدح فينا ولا حتي ذم
هدي…بضحك يابت بخاف عليكم أعمل ايه طيب
عاليا …طيب بقول ايه انا خلصت وهمشي حالا عايزين اوصلكم الشركه بتاعتكم تقوموا حالا عشان متأخرش هتكملوا رغي خليكم انا ماشيه
ضحي…ماشيه ايه استني نازلين اهو .
هدي…مقولتليش يا عاليا راجعه امته.
عاليا….علي خمسه إن شاء الله هكون عندك
هدي…خلاص هستناكي نتغدي سوا وننزل انا وانتي نتمشي ونشتري الحاجه.
عاليا…ماشي يا حبيبتي يلا سلام.
ضحي…سلام يا ماما.
ريم…سلام يا خالتو.
هدي…سلام يا حبايبي ربنا يسترها معاكم ويبعد عنكم ولاد الحرام خلوا بالكم من بعض
ضحي….حاااااضر
هدي….وانتي يا عاليا سوقي براحه.
عاليا…حاضر يا خالتو متقلقيش.
قفلت هدي الباب وهي مبتسمه و بتدعيلهم وراحت شالت الاكل.
…………..
في الصعيد في قنا تحديداً
أجتمع كل من ناصر كبير و عمده البلد رغم سنه الصغير إلا ان الناس كلها وافقت وبإجماع علي إنه يكون عمده النجع بعد وفاه جده الكبير.
وفكريه جدته والتي تبلغ من العمر 75 عام
وابن عمه سيف الذي يصغره بست أعوام.
ناصر….إصباح الخير ياست الكل
فكريه…يسعد صباحك يا نور عيني.
سيف…صباح الخير يا ناصر.
ناصر….صباح النور.
فكريه..أجعد يا ولدي يلا أفطر.
قعد ناصر معاهم .
ناصر…ايه ياسيف هتاچي معايا علي الأرض ولا خلاص مبجتش تحب الارض وشغلها.
سيف…بضحك أزاي بس يا ابن عمي انت بس اللي مش راضي تديني فرصتي انا وعلي.
ناصر…بأبتسامه أديكم فرصتك عشان تخرب.
فكريه…بضحك تخرب كيف يا ولدي عيله المنشاويه ما هيخربوش
ناصر…أسمعي مني بس ياستي سيف وعلي خلاص خدوا علي عيشه مصر وجوها نسيوا الزرع والارض بجوا ولاد ذوات مش شايفه بجي بيتحدد كيفهم أزاي
سيف ..بضحك من عاشر القوم أربعين يوم واحنا عشنا نص عمرنا هناك بين دراسه وشغل بس أقولك علي سر يا ستي
فكريه…بضحك جول يانضر عين ستك.
سيف…ناصر بيقول كده بس عشان يكسر من مقاديفنا بس هو من جواه عارف اننا لو نزلنا الارض هنعلم عليه.
ضحك ناصر بحب طب ده أحب ما علي جلبي يا واد أشوفكم فالحين في كل حاچه
سيف…بحب عارف يا حبيبي واقولك علي حاجه انا عارف والله انك بتتعب وشايل كل حاجه علي راسك وفعلاً احنا من غيرك كان زمان كل شغلنا ضاع انت الوحيد اللي عارف كل حاجه عن الشغل والاراضي والمخازن والتجار علي مشغول في شركه المقاولات بتاعته وانا مشغول في مكتب الصرافه احنا يادوب بنيجي يومين في الاسبوع وبس
ناصر….ياسيدي انا راضي المهم اشوفك ديماً انت وعلي أحسن الناس
فكريه…ربنا يخليكم لبعض ياولدي ومايفرجكن ابداً
سيف…ويخليكي لينا ياقمر انتي.
ضحكت فكريه جمر مين دي ياواد يابكاش اللي جمر ماخلاص بجي هناخدوا زمننا وزمن غيرنا.
سيف….زمن ايه بس وكلام فاضي ايه انتي لسه شباب طب بزمتك يا ناصر ستك قمر ولا مش قمر.
ناصر ..بأبتسامه أحلي من الجمر كمان♥️
فكريه…بحب إلهي يسعدكم ويچبر بخاطركم .
رن تليفون ناصر في الوقت ده.
فتح ناصر وهو مبتسم.
ناصر….اهلا يا أبن المنشاويه تو ما أفتكرت تصبح علينا.
علي…بضحك يا صباح الفل علي اجدع عمده فيكي يا مصر.
ناصر…لا ياواد بلفتني انت إكده.
علي….بضحك انا اقدر بردوا ده انت تبلف بلد بضواحيها
ناصر….ماشي يا سيدي طمني عليك عامل ايه وأحوالك كيفها
علي….انا زي الفل الحمد لله عندي سفريه الوقت إسماعيليه في شغل
ناصر…وه امال هتاچي ميته أوعاك تجول إنك مش چاي سيف وصل امبارح وانت جولت هتوصل إنهارده ولا مش ناوي تجضي معانا كام يوم جبل رمضان.
علي….لا جاي والله بأذن الله هخلص من السفريه دي وأرجع بس البنات اللي شغالين معايا وهطلع عالطريق علي طول كام ساعه وتلاقيني عندك.
ناصر…بنات!! جولتلي
علي…بضحك لا والله مش زي ما انت فاكر بس دول بنتين شغالين معايا مقدرش أسيبهم يرجع ا لوحدهم خصوصا اننا هنرجع اخر النهار.
ناصر…ماشي يا سيدي بس متعوجش يا علي.
علي….ماشي يا حبيبي
سيف…وحشتني يا علوه من امبارح
سيف…بضحك قوله بس يا واطي ياللي مرضتش تستناني نرجع سوا.
ناصر…إني اللي جولتله أدام خلصت شغلك تعالي وانت تاچي علي مهلك.
سيف….شوفت بقي ياعلوه ديماً ظالمني كده.
علي….ماشي يا اخويا لما اجيلك بس.
فكريه….أتوحشتك ياعلي.
ناصر….ستك بتجولك إتوحشتك.
علي…اديهالي.
ناصر…خدي معاكي اهه.
فكريه….إيوه ياولدي
علي….حبيبتي والله وحشتيني اوي.
فكريه….انا اللي أتوحشتك أكتر.
علي…إن شاء الله هخلص شغل وعلي الفجر هتلاقيني قدامك المهم انا عايز اكل كتير وحشني اكلك.
فكريه…عاود انت بس وكل اللي نفسك تروحله يتعمل.
.علي…ربنا يديكي الصحه يا حبيبتي
فكريه….بالسلامه ياحبيبي
علي….مع السلامه يا حبيبتي
ناصر…هاتيه
فكريه…ناصر رايدك ياولدي
ناصر…ايوه ياعلي.
علي….خير يا حبيبي.
ناصر…متعوجش يا علي وخد بالك من الطريج وطمني اول ما توصل.
علي….حاضر يا حبيبي.
ناصر….يلا بالسلامه إن شاء الله
علي…سلام يا حبيبي
ناصر….ها يا سيف باشا خلصت فطور ولا لسه.
سيف….لا خلصت مش يلا بقي ولا ايه مش ورانا شغل
ضحكت فكريه علي خفه دم سيف ومشاغبته اللي مش بتخلص مع ناصر.
ناصر…بأبتسامه بتضحكي يا فكريه ماهو لادد عليكي دلعه هو علي .
سيف…بضحك الله وانت غيران ليه ياعم ناصر.
ناصر…جوم ياواد جدامي أحسن ما أفتح راسك
سيف…بضحك رفع أيده انا بستسلم
خرج سيف وناصر مع بعض بعد ما ودعوا فكريه.
دخلت فكريه علي المطبخ تشوف الشغالين.
محاسن…خير ياست فكريه عايزه حاچه.
فكريه….محاسن انتي والبنته عيزاكم تچهزوا الوكل اللي سيف بيحبه عالغدا وتحضروا احلي غدا لبكره لزينه الشاب علي وتصحوا من الفچر تخبزوا الفطير عشان يفطر زين.
محاسن…بسعاده يوصل بالسلامه إن شاء الله أطمني يا حاچه هنعمل كل حاچه كيف ما انتي رايده.
هزت فكريه راسها برضا وخرجت من المطبخ.
……………….
وصلت عاليا تحت الشركه بتاعت علي كانت شركه من دورين في كذا مكتب للموظفين مكانتش شركه كبيره اوي لكن كانت ليها أسمها في السوق
عاليا….يلا انتي وهي انزلوا اخلصوا هتأخر علي شغلي.
ريم…طيب بس متزوقيش
ضحي….أشوفك بليل يا قلبي هتوحشيني
عاليا…بحب انتوا اللي هتوحشوني خدوا بالكم من نفسكم وياريت لما أكلمكم تردوا مش ناقصه قلق وإلا والله أسلط عليكم خالتو.
ضحي….لا وعلي ايه خلتك مبتتوصاش
عاليا…يبقي تردوا وتطمنوني عليكم لما توصلوا.
ضحي…ماشي يا حبيبتي بقولك ايه و انتي بتجيبي الزينه مع خالتك هاتيلي فانوس
ريم…بضحك وانا عروسه بتغني وحوي يا وحوي
عاليا…يلا يابت منك ليها اخلصوا
ضحي….بأبتسامه سلام يا لولو
ريم…باي
عاليا…..بأبتسامه سلام♥️
…………
طلعت ضحي وريم الشركه ودخلوا علي مكتب علي بعد ما خبطوا.
علي…ادخل.
ضحي…صباح الخير يا مستر علي
ريم…صباح الخير.
علي…صباح الخير كل ده يا ضحي انتي وريم.
ضحي…الطريق والله يا مستر علي معلش هنمشي امته
علي….الوقت حالاً مفيش وقت مش عايزين نتأخر عشان نخلص بسرعه عشان لسه عندي سفر بليل للصعيد.
ضحي….طيب يلا بينا.
علي…معاكم الورق والعقود.
ضحي…كله تمام متقلقش حضرتك.
علي…طيب يلا بينا.
نزلوا مع بعض ركبوا عربيه علي وطلعوا علي الطريق متوجهين للاسماعيليه.
………..
وصلت عاليا علي شركه الدعايه والإعلان اللي بتشتغل فيها وكانت متأخره ساعه إلا ربع.
طلعت جري علي فوق.
عاليا…صباح الخير يا ندي
ندي….صباح النور يا عاليا انتي فين يا بنتي مستر جمال سأل عليكي عشان كان عايز نسخه من اسماء الشركات اللي عايزه الاعلان وكلمتك تليفونك مقفول.
عاليا….معلش غصب عني والله الطريق وحش اوي طلعت تليفونها
ياخبر ده معمول وضع طيران
ندي…طب ادخلي بقي أستلقي وعدك من مستر جمال.
عاليا….بتوتر ربنا يستر وكملت في سرها منك لله يا ضحي انتي وريم كله بسبب كسلكم.
خبطت عاليا ودخلت وهي راسمه إبتسامه علي وشها.
صباح الخير يا مستر جمال.
جمال…الساعه كام في ايدك يا عاليا؟
عاليا…أسفه والله يا مستر جمال الطريق واقف والدنيا زحمه جدا
جمال…عاليا اليومين دول بالذات موسم شغل ومينفعش ابدا اننا نتأخر علي اي حاجه انتي متأخره ساعه إلا ربع والشغل واقف بسببوان الورق مع حضرتك وده مينفعش.
عاليا…بإحراج اسفه والله مش هتتكرر تاني يا مستر جمال.
جمال…أتمني ياعاليا يلا بسرعه علي مكتبك وشوفي الشغل اللي اتأخر مفيش وقت.
عاليا….حالاً يا افندم بعد إذن حضرتك.
خرجت عاليا وهي بتشتم ضحي ورين في سرها للمره الالف وراحت علي مكتبها تشوف الشغل.
……………….
في أرض المنشاويه وسط غيطان العنب.
سيف….بسعاده يا سلااااام اهو المنظر ده لوحده بيخليني احس اني اسعد واحد في الدنيا قال ويقولك ملكوش في الأرض والزرع قال
ضحك ناصر ضحكه جذابه ورزينه.
ناصر…ومين في الدنيا يا حزين ما هيحبش يشوف المنظر ده علي إكده يبجوا كل اللي هيحبوه صعايده وناس ليها فالارض والزرع والفلاحه أياك
سيف…بضحك انت عايز مني ايه يا جدع انت
ناصر…..ولا حاچه يا خوي هعوز منيك أيه بجولك أيه
سيف…قول.
ناصر …..بكره الصبح تچهز حالك انت وسي علي عندينا دبايح كتير وانتوا بيدكم اللي هتشتغلوا.
سيف….والله عيب كده بقي انا اجي عشان تشقوني وتتعبوني.
ناصر….عايزكم تاخدوا الثواب ياواكل ناسك أنت ناسي اننا داخلين علي رمضان كمان كام يوم الناس يا سيف بتنتظر اليوم ده بفارغ الصبر.
سيف…يوم ايه اللي بتستناه
ده انت كل شهر بتدبح.
ضربه ناصر علي راسه ياض أجصد يوم الدبيح مش الدبح اللي جبل رمضان
سيف..ااااه خلاص فهمت ياساتر
عموما ياسيدي انا عن نفسي موافق ومبسوط كمان انا بحب يوم الدبح ده
ناصر…تمام بجولك أيه خلينا نتحدت چد شويه جولي متابع شغل الفاكهه مع التچار في مصر
سيف….متقلقش كل حاجه تمام بس يا ناصر انا لسه عند رأيي لازم تفتح مكتب هناك ونجيب ناس وموظفين وشويه شويه نكبرها وتبقي شركه كبيره الشغل معاك يا ناصر ماشاء الله كبر اوي مينفعش بعد كل ده ميبقاش عندك شركه ليك في القاهره خصوصا ان اغلب تجارك من هناك انا عارف ان التجار اللي بتتعامل معاك من كل مكان في مصر بس لو جينا حسبناها هنلاقي ان اللي في القاهره اكتر ناس يبقي القاهره تبقي مقر.
ناصر…أفهم يا سيف هو أني يعني مجادرش أعمل الشركه دي من بكره بس اني مش حابب او بمعني دوشه ووچع راس عالفاضي واني بنفسي علي طول بنزل علي مصر وبتابع كل حاچه بروحي وبجابل العملاء والتچار يعني مش محتاچ أي حد غير أوجات بضطر أحتاچلك انت وسي علي تحصيل فلوس تأكيد أستلام شويه تفاصيل إكده
سيف…يا سيدي وأحنا أشتكينا دي اقل حاجه اصلا نعملها معاك انت شايل كل حاجه بس صدقني برده كده أحسن فكر فيها يا ناصر وممكن المكان او المقر ده انا اختاره قريب من مكتب الصرافه بتاعي عشان طول الوقت ابقي بعدي عليه واتابعه اول بأول.
ناصر….بتفكير …هي فكره زينه بس تعرف لو ستك عرفت هتخرب الدنيا هتجولي حتي أنت يا ناصر هتنجِل شغلك مصر.
سيف…شغل ايه اللي هتنقله انت شغلك كله هنا اصلا بس ده مكتب عالاقل لما تنزل مش كل مقابلاتك واجتماعاتك تبقي في فندق ولا تبقي في مطعم لازم يكون ليك مكان خاص الناس تجيلك لحد عندك.
ناصر….صوح يا سيف انت بتتكلم صوح عچبتني الفكره
سيف…بغرور عشان تعرف بس انك من غيري تلف حوالين نفسك.
ناصر…بضحك اني معترف يا سيدي من غيرك انت وعلي مش بس الف حوالين نفسي اني يچرالي حاچه
سيف…بحب بعد الشر عليك يا حبيبي عارف يا ناصر طبعاً انتوا كلكم عارفين انا وعلي قريبين لبعض أزاي علي ده بحسه تؤأمي نصي التاني اللي مينفعش اكون في مكان من غيره طب انت عارف انا الوقت هنا في الصعيد وهو هناك بس حاسس اني مش علي بعضي بفرك كده وفي حاجه ناقصه كأن روحي متعلقه بيه.
بس انت يا ناصر ليك في قلبي غلاوه غريبه صدقني معرفش أوصفها عارف انت أحساس انك ليك سند.. حد واقف في ضهرك حد انت مطمن اصلا انه موجود في الدنيا عشان يحسسك بالراحه بس انا اتحرمت من ابويا وامي. بدري اوي يا ناصر فتحت عيني لقيتكم قدامي وعمي ومرات عمي الله يرحمهم اعتبروني ابنهم وكبرت في وسطكم انت وعلي ومن بعدها ياناصر بقيت انت الاب والاهل وكل حاجه لينا وجودك ديماً مطمني وحبي ليك حب من نوع خاص
ناصر…بحب باس راسه انت وعلي يا سيف دنيتي وحياتي اني لو بعمل أي حاچه بعملها عشانكم عشان أشوفكم أسعد الناس ياض اني بحسكم ولادي رغم ان الفرج بيناتنا مش كبير
سيف…ربنا يخليك لينا ياناصر.
ناصر…ويخليكوا ليا يا سيف بجول ايه
سيف…ايه
ناصر…أوعاك يا واد تفكِر ان الكلمتين دول نسوني إحنا چاين ليه يلا جدامي علي الشغل
سيف….بضحك يا ساتر انت لسه فاكر
ناصر….بضحكه جميله جدامي يا واكل ناسك
……………..
عدت كام ساعه كان علي وضحي وريم وصلوا الاسماعيليه.
والمفروض ان كان في مشروع سكني ومحلات تجاريه خاص بشخص معرفه علي من الصعيد اصلاً وبما إن علي عنده شركه مقاولات فا طلب إن هو اللي يمسك المشروع من أوله لأخره وطبعاً علي مسكه من فتره لكن كان لازم يروح بعد بناء مرحله معينه من المشروع .
وصلوا و أطمن علي عالجزء الكبير اللي خلص من المشروع و إتقابل بالشخص ده وشكره عالمجهود اللي عاملينه ووقف تاني هو وضحي وريم يتابعوا شغلهم لحد معاد الراحه خدهم علي وراحوا في مطعم يتغدوا سوا.
في المطعم…
علي….في ايه مالكم قاعدين تتوشوشوا من الصبح ليه
بصت ضحي لريم.
ريم…بصراحه بقي يا مستر علي احنا مش مرتاحين للي اسمه عزام ده.
علي….بأستغراب عزام في ابه ضايق حد فيكم.
ريم….اولا انا اسفه اهو معرفه حضرتك اوي صح.
علب….لا خالص كل الحكايه ان اهله من الصعيد عندنا لكن مش من قرايبنا ولا اي حاجه انا بس وافقت عشان هو ابن بلدي زي ما بيقولوا وهو اللي جالي بنفسه وبصراحه انا ملاحظتش عليه اي حاجه خصوصا ان اهله ناس طيبين اوي وفي حالهم يمكن عزام هو الوحيد فيهم اللي خرج وعمل شغل و استقر هنا بيروح اوقات المواسم ديماً لكن طول السنه هو عايش في اسماعيليه
بس بردوا لنا مش فاهم هو ضايقكم في ايه.
ضحي….مستر علي بعيداً عن انه ضايقنا او لا بس حضرتك ملاحظتش طلبه اللي اتقال وسط الكلام.
علي…مش فاهم طلب ايه؟
ريم…مستر علي عزام من كلامه مخطط ان في دورين زياده هيتبنوا علي كل عقار وحضرتك عارف ده معناه ايه.
علي….كلام ايه ده طبعاً مستحيل انا أزاي مخدتش بالي من كلامه ده.
ضحي…لان عزام عارف هو بيعمل ايه وعارف امته يقول الكلام و عارف يسمعه لمين ومين لا هو كان قاصد يسمعني انا وريم الكلام ده وانت بتتكلم مع شريكه عشان وقت ما يحصل اي حاجه يقولك انه طلب منك ده وطبعا احنا سمعنا. فهمت.
علي…فهمت بس انا مش عايزكم تقلقوا سواء سمعكم مسمعكوش العمال مش هيقدروا يعملوا غير المطلوب منهم والمطلوب ده بياخدوه مني انا مش من عزام.
ريم…يامستر علي العمال كلهم هناك بيتكلموا علي ان بكره الصبح في صبه لاخر دورين.
علي….مستحيل.
ريم…والله العظيم هما عرفوا يشغلوك و يضيعوا الوقت بالكلام عشان كمان العمال يشوفوك معاه مرتاح وتمام فا يتأكدوا من الكلام بتاعه .
ضحي….مستر علي انا سامعه العمال بيتكلموا مع بعض عنه وعن كرمه حلو جدا بيقولوا عالاكل اللي بيجيبه و عالفلوس اللي مغرقهم بيها كل شويه هو عرف يكسبهم.
علي…بتفكير طيب انتوا كلتوا
ريم…الحمد لله.
علي…احنا لازم نمشي لازم اروح اوقف المهزله دي حالا العقار مش بس ميستحملش دورين ده ميستحملش طوبه واحده فوقه.
ضحي…بس يا مستر علي انا قلقانه.
علي…قلقانه من ايه هو يقدر يعمل حاجه الحق معانا يا ضحي يلا قوموا.
ريم…ربنا يستر.
وصل علي للموقع بتاع الشغل واتكلم مع عزام في البدايه الكلام كان هادي بينهم رغم عصبيه علي وشويه شويه أحتد الكلام بينهم
لدرجه كبيره.
علي بصوت عالي للعمال البي تبعه.
علي…..اللي فيكم هيفكر بس يحط طوبه زياده هيتحاسب سامعين الشغل وقف لحد كده اللي مطلوب منكم تفنيش شغل وبس اكتر من كده انا بنفسي هبلغ عاللي هيعمل اللي في راسه مفهوم. اللهم بلغت اللهم فاشهد.
مشي علي بغضب علي عربيته ومعاه ضحي وريم وطلع بالعربيه.
ريم….مستر علي ممكن تهدي شويه.
علي…بتنهيده غضب انا بخير يا ريم
ضحي….بس انا مش مطمنه يا مستر علي.
علي…اعلي ما في خيله يركبه انا هنزل حالا عالقاهره وهخلي مسؤوليتي شغل العمال في العقارات دي فاضل عليه التنفنيش لو منسحبوش بعدها هبلغ عالكل
وعموما باقي المرحله التانيه مبدأنهاش يعني هو اللي روحه في ايدنا ومضطر يعمل اللي اقول عليه.
ضحي….ربنا يستر بقي.
علي….انا نفسي اعرف انتي خايفه كده ليه بس.
ضحي…مش عارفه انا قلبي مقبوض اوي وخايفه.
ريم…خايفه من ايه ياهبله انتي ما احنا سبناهم هيولعوا في مكانهم وريحه الشياط طلعت منهم ومشينا
ضحك علي غصب عنه قوليلها يا ريم ده انتي كارثه.
ريم …ايوه كده اضحكوا الحق معانا احنا هتضايقوا نفسكم ليه بس.
ضحي….ربنا يسترها بقي.
علي…قولولي عايزين اي حاجه قبل ما نطلع عالطريق.
ريم…اه والنبي انا عايزه ادخل الحمام.
ضحكت ضحي انتي يابت بتقولي ايه
علي…بضحك حاضر يا ستي هنشوف مكان ونجيب مايه وعصاير الجو حر اوي.
ريم…لضحي في ايه وانا قولت ايه غلط
ضحي….اسكتي بقي الله يكسفك
ريم…بضحك اديني ضحكتكم اي خدمه.
علي…شكراً لكرمك يا ست ريم.
………………
وصلت عاليا البيت طلعت اتغدت هي وهدي وبعد وقت بسيط لبست هدي ونزلوا يتمشوا.
هدي….الله شايفه ياعاليا النور ده .
عاليا….اللي هناك ده كمان حلو اوي .
هدي…ما تعالي قربي ندخل المحل شكله في حاجات حلوه اوي
عاليا…يلا يا ستي.
دخلوا مع بعض وفضلوا يتفرجوا وهدي تختار
لمحت عاليا مكان الفوانيس والعرائس أبتسمت وافتكرت ضحي وريم.
ضحي….ابقي هاتيلي فانوس.
ريم ..وانا عايزه عروسه بتقول وحوي يا وحوي.
عاليا…بضحك مع اني مش طيقاكم عشان أخرتوني عالشغل الصبح وسمعت ني كلمتين ملهمش لازمه من مستر جمال بس يلا خليها عليا♥️
اختارت عاليا عروسه وفانوس.
وبعد إنتهاء هدي من الشراء في المحل ده حاسبوا عالحاجه وخرجوا.
هدي…ليه بس كده يا عاليا صممتي تدفعي يا بنتي.
عاليا….مالك بس يا هدهود دي حجات بسيطه يا حبيبتي وبعدين انا قبضت انهارده وكمان في زياده من المدير عشان رمضان يعني براحتنا.
هدي…بردوا يا بنتي لازم تشيلي حاجه للزمن.
عاليا…انا شايله وكله تمام ومأمنه نفسي انا والبنات يعني متقلقيش.
هدي…ربنا يسعدكم يارب واشوفكم احلي عرايس يارب.
عاليا….يارب يا حبيبتي بقولك ايه ما تيجي نشرب عصير قصب نفسي فيه اوي.
هدي…بس كده بس انا اللي عزماكي قولتي ايه
عاليا….بس كده اعزميني ياستي انا موافقه.
راحوا شربوا العصير وكملوا مشي وهما مبسوطين وبيتفرجوا وبيشتروا اللي ناقصهم من مشتريات رمضان.
هدي…بقولك ايه انا رجلي وجعتني وخلاص مش عايزه حاجه تاني ما تيجي نروح يلا عشان كمان احط الارز عالنار اخواتك زمانهم جايين الساعه 9 يادوب علي ما نروح اعلق عليه.
عاليا….طيب ماشي يلا بينا وعلي بال ما تحطيه اكون انا فضيت الشنط وشلت كل حاجه.
هدي….بكره إن شاء الله هقوم اعمل الشقه وانضفها وبليل بعد ما نفرش نتسلي في تعليق الزينه
عاليا….ان شاء الله وانا ياستي هسهر معاكي عشان بعد بكره مش راحه الشغل
هدي….بسعاده احسن بردو بلا شغل بلا هم قعدتكم معايا وفي حضني بالدنيا.
حضنتها هدي من ايدها اوي وهي بتضحك ونصرف مين يا ست هدهود
هدي….اهو ربنا يرزق بقي.
روحوا مع بعض عالبيت. وبدأت عاليا تشيل الحاجه من الشنط
وراحت حطت الفانوس و العروسه في دولابها .
اما هدي فا بدأت في تحضير الاكل.
…………
في عربيه علي..
علي….ضحي انتي وريم معلش اليويمين الجايين هتقل عليكم شويه انتوا عارفين اني مش هاجي غير تالت يوم رمضان انا اجازه اسبوع وعز معاكم يعني متقلقوش لو احتاجتوا اي حاجه هيكون معاكم
ضحي…طيب واللي اسمه عزام ده.
علي….ممكن متخافيش كده هيعمل ايه يعني ميقدرش يجي الشركه اصلا وانا هبلغ كل اللي معانا في الشركه باللي حصل يعني اتطمنوا.
ريم…انا نفسي اعرف انتي خايفه كده ليه هيعمل ايه عزام ده كمان
وفجأه صرخت ريم و ضحي بفزع بمجرد ما لمستهم عربيه تانيه وراهم فضلوا يصرخوا وعلي يحاول يسيطر علي العربيه
علي….ضحي اطلعي وراء بسرعه.
ضحي….انا خايفه
علي….قولت اطلعييييي
بعد محاولات كتير من علي عشان يسيطر علي العربيه حس انه في ورطه عربيتين بيحاولوا يقفلوا عليه وهو مش عارف.
علي….محدش ينزل من العربيه مهما حصل.
ضحي…بدموع انت هتعمل ايه.
ريم….متنزلش والنبي يا مستر علي
علي…قولت متخافوش لو فضلت مكمل هيقلبوا العربيه لازم اقف.
ضحي…ابوس ايدك بلاش
وقف علي وبصلهم قبل ما ينزل
علي….بمجرد ما انزل اقفلوا علي نفسكم من جوه ولو حصل ايه متفتحوش.. الكرسي اللي انا قاعد عليه ده تحتيه فيه مسدس لو حصل اي حاجه طلعوا خليه معاكم.
ريم…طيب خليه معاك انت
علي…معايا غيره خلي ده معاكم
ريم…صوري بالموبايل اللي معاكي اي حاجه تعرفي تصوريها.
ضحي…عشان خاطري بلاش
ركن علي بسرعه.
مبقاش ينفع لازم انزل اقفلوا ورايا بسرعه.
…………..
بعد حوالي 3 ساعات…
هدي…بقلق وهي بتخبط بأيدها علي رجلها وبتهز جسمها لقدام وبعدين يا عاليا الساعه بقت 12
ومحدش فيهم فاتح تليفونه راحوا فين حصلهم ايه يارب
عاليا…بقلق ياخالتو والنبي متقلقنيش اكتر من كده هما قالوا هيجوا علي عشره كل الحكايه ساعتين اه كتير بس متنسيش انهم جايين من سفر
هدي….طب والموبايلات مقفوله ليه.
عاليا….اكيد خلصت شحن
هدي…قلبي مش مطمن انا هنزل ابص عليهم.
عاليا…استني بس هنبص عليهم فين استني شويه كمان لو محدش جه هنزل انا وانتي ندور
هدي…طيب بقولك ايه انتي مش معاكي رقم الموبايل بتاعت المدير بتاعهم.
عاليا…لا والله يا هالتوا هاخده ليه بس ممكن نجيبه من عالنت عادي او من الدليل في التليفون بس هما اكيد الوقت قفلوا
هدي…طيب يا بنتي انتي عارفه العنوان بتاعهم.
عاليا…ايوه ما انا بَوصلهم كل يوم
هدي…طيب قومي بينا نروحلهم
عاليا…نروح فين يا خالتوا دول كل الموظفين بيخرجوا علي سبعه بالكتير .
هدي….طيب وبعدين يارب نعمل ايه.
عاليا…بقلق قومي بينا خالتوا ننزل نبص عليهم تحت.
نزلت هدي بسرعه مع عاليا وفضلوا يدوروا عليهم ويروحوا ويرجعوا يقفوا علي خل البيت الوقت بيعدي ومفيش حد ليه آثر .
يمكن الوضع كان اهدي شويه في الصعيد لانه كان راجع الفجر او بعد الفجر.
لكن عاليا وخالتها وضعهم كان مختلف تماماً
القلق بينهش فيهم وبدأ التوتر يعلي اكتر دموعهم مش بتقف
مع طلوع النهار راحت عاليا تسأل عليهم في الشركه اكيد عندهم خبر.
وصلت عاليا في شركه علي قابلت عز صاحبه كان باين عليها الخوف والتوتر وشكلها معيط.
عاليا….صباح الخير لو سمحت استاذ علي المنشاوي موجود.
عز…لا للاسف مش موجود مين حضرتك او عيزاه في ايه.
عاليا….انا اخت ريم وضحي هما بيشتغلوا معاه هنا المفروض سافروا امبارح ولحد الوقت مرجعوش عايزه اطمن عليهم
عز….يبقي كده في حاجه غلط.
عاليا…تقصد ايه؟
عز…علي المفروض كان هيرجع اخوات حضرتك ويطلع عالصعيد ولما كلمته كتير ولقيت مقفول قلقت بس قولت يمكن الشبكه حاولت اكلم ريم وضحي افهم منهم عملوا ايه لانه حكالي كده علي مشكله في الشغل فا كنت حابب اعرف ايه اللي حصل هما كمان تليفوناتهم مقفوله. انا فكرته سافر بس كده في حاجه غلط.
عاليا…يعني ايه
عز…احنا هنستني شويه كمان لو محدش ظهر هتصلح علي اخوه في الصعيد او ابن عمه سيف
عاليا…احنا لسه هنستني انا هطلع حالا عالقسم أبلغ
عز…ارجوكي متعمليش حاجه الوقت غير لما نسأل اهله يمكن حصل حاجه في العربيه وطلع بيهم هناك يمكن هما عارفين مكانه .
عاليا….هيطلع بيهم هناك ليه وازاي هما محدش فيهم يطمنا لا طبعا.
عاليا…..انا مش هقدر استني لو سمحت ده رقم موبايلي لو حصل اي حاجه او عرفت حاجه من فضلك كلمني.
عز….تمام اتفضلي ده رقمي بردو تابعيني بالموبايل لو وصلتي لحاجه قوليلي.
عاليا…تمام بعد إذنك.
…….
في الوقت ده في الصعيد كان القلق بدأ يوصل لعيله المنشاوي وبدأ سيف بأتصالاته وعرف من عز انه مرجعش وعز عرف منه انه مراحش الصعيد.
اما ناصر كان ساكت لكن دماغه في الف مكان وحاسس بوجع غريب من جواه بيحاول يتجاهله بأي طريقه لكن القلق اللي كان جواه اكبر من التجاهل.
………….
وصلت عاليا تاني عالبيت وبمجرد ما وصلت أتفاجئت بالمنظر
وفجأه
- يتبع الفصل التالي اضغط على ( رواية سجينة مع وقف التنفيذ ) اسم الرواية