رواية سلف و دين كاملة بقلم لولو محمد عبر مدونة دليل الروايات
رواية سلف و دين الفصل الاول 1
فى محل فول و طعميه و شورما شاب فى العشرينات واقف بيعمل شاورما مجموعه شباب رابعه جامعه يدخلوا عليه
الشاب اللى بيعمل الشاورما / اهلا اهلا باحلى شباب اخبار الامتحان ايه
شاب واحد / بتسال مين يا على اخوك قفل الماده كالعاده
شاب تانى / اعوذ بالله ايه العيال دى
على / هههههههههههههه خشوا شوفوا ترابيزه فاضيه و انا هظبطلكوا كام سندوتش و ابعتهولكوا
شاب تالت / يا على يا جااااامد
التلت شباب يدخلوا جوه و يقعدوا على يبص جنبه يلاقى بنت تالته ثانوى مبتسمه و ماسكه فايدها بون يرتبك و ياخده منها تروح تقف بعيد
////////////////////////////////
على / دى ندى اجمل بنت شفتها فحياتى احلى حاجه فيها انها علاطول بتدحك ساكنه فى البلكونه اللى قدام بلكونتنا و لما اقول ساكنه فى البلكونه يعنى حرفيا ساكنه فى البلكونه ليل نهار قاعده فى البلكونه تزاكر مبتدخلش غير دقايق و ترجع تانى تقريبا مدمنه شاورما على الاقل يوم اه و يوم لا تيجى تشترى شاورما و انا بتوصى بيها اوى الصراحه
////////////////////////////
على يخلص الساندوتشات و يغلفها و يحطها فى الكيس و يروح عندها يديهالها ترد عليه بمنتهى الرقه
ندى / شكرا
على يتنح و هى تمشى
راجل واقف /خلصنا و النبى يابنى مستعجلين
على / اسف يا حج ثوانى ورينى البون
………………….
جوه المحل
التلت شباب قاعدين بيدحكوا
واحد / هو اخوك نسينا و لا ايه يا سى عمر
عمر / انت مش شايف ضغط الشغل و لا ايه
شاب يدخل شايل صينيه مليانه سندوتشات و بطاطس محمره و مخلل
عمر / تسلم ايدك يا احمد
احمد / اى خدمه
شاب اتنين / الساقع بقى
احمد / بس كدا من عنيا
عمر / اهو الاكل جه اهو يا مفاجيع انجزوا بقى عشان نلحق اليوم من اوله
عمر يمسك اول سنداوتش و يرفع راسه على تلت بنات تانيه ثانوى قاعدين على ترابيزه بعيد علامات الفرح اللى على وشه تروح و يظهر مكانها علامات الحزن
شاب واحد / انت لسه واخد بالك حالا و لا ايه دانا متابعهم من اول مدخلنا
عمر يبص الناحيه التانيه
شاب اتنين / خليك انت تتابع من بعيد لحد مفى براشوط حط عليهم
عمر يبص عالترابيزه يلاقى شاب واقف عند البنات بيكلمهم
…………………….
عند الترابيزه
الشاب /انا مش بعاكس والله انا فعلا بشبه عليكى
بنت 1/ انا متاكده ان عمرنا متقابلنا ياريت بقى تسبنا فحالنا
الشاب / ايه ده انتوا ثانوى انا كنت باخد عند المستر ده لما كنت قدكم
الشاب يمسك مزكره من عالترابيزه البنت تقوم تشدها منه
بنت 1/ احترم نفسك بقى
فثانيه الشاب يلاقى نفسه عالارض و عمر فوقيه و نازل فيه ضرب و يجى صحاب الشاب يدخلوا صحاب عمر يقوموا و اللى شغالين فى المحل يدخلوا و يشدوا اللى كان بيعاكس و تلاته صحابه بره المحل
صاحب المحل / مشوفش وشكوا هنا تانى ياولاد ال….
بنت 1/ عمر !!!!
عمر يبص عليها بحزن و يسيبها و يمشى و هى تطلع تجرى وراه تلاقيه ركب تاكس و خده و مشى
بنت 2/ انتى كويسه يا أية
أية واقفه بتعيط صاحب المحل يجيب ازازه حاجه ساقعه و يديها ل أية
صاحب المحل / حقك علينا يا بنتى الحساب عندنا بس اهدى
أية تشد حاجتها من عالترابيزه و تمشى و هى بتعيط و صحباتها يجروا وراها
على / هو عمر راح فين
شاب 1/ مش عارف والله فجاه اختفى انا هطلبه عالموبايل
عمر يدخل المحل و هو مش طايق نفسه
على / كنت فين
عمر / موجود اهه
على / انت كويس
عمر / كويس
على / طب اقعد كمل اكلك
على يروح لصاحب المحل
على / انا اسف على اللى حصل
صاحب المحل / مفيش حاجه حصلت يا على انا لو كنت خدت بالى بدرى كنت اتصرفت بس حصل خير و عمر دا ابنى الصغير روح كمل شغلك متخليش الطلبيات تتكوم عليك
على يهز راسه و يمشى
……………………..
فى شقه تلت اوض و صاله الباب يتفتح و أية تدخل بتعيط ترمى الشنطه و الكتب عالارض و تدخل اوضتها تعيط امها تشوفها تجرى عليها
الست / فى ايه يا بت مالك بتعيطى ليه
أية / مفيش سبينى لوحدك
الست / لا والله ميحصل هو ايه اللى اسيبك فى الحاله دى انتى مش شايفه نفسك و لا ايه
أية / سيبينى فى حالى سيبينى فى حالى بقى ارحمونى بقى ارحمونى يارب خدنى بقى يارب خدنى و ريحنى
الست / للدرجادى
أية / انا عاوزه انام سبينى انام
الست / ماشى بس اعملى حسابك لما تصحى تحكيلى كل حاجه و الا
أية / ربنا يسهل سبينى بس دلوقت ابوس ايدك
الست تطلع مالاوضه و أية تفضل تعيط
///////////////////////////////
من خمس سنين
أية اولى اعدادى و عمر تالته ثانوى قاعدين على ترابيزه السفره فى بيت أية و هو قاعد بيزاكرلها
عمر / فهمتى و لا اعيد
أية / فهمت
عمر / طب حلى المساله دى لوحدك وورينى
أية / حاضر
الست تدخل و تحط طبق سندوتشات
الست / انزل يا عمر ارمى الزباله
عمر / حاضر يا ماما
عمر يقوم يدخل المطبخ يجيب كيس الزباله و ينزل الست تقعد مكانه
الست / اقسم بالله يا أية لو معملتى اللى قولتلك عليه لا انتى بنتى و لا اعرفك
أية تبص لامها بحزن
//////////////////////////////////////
أية تحط المخده على وشها و تنام
…………………………….
فى شقه فوق المحل فيها مجموعه شباب و اوضه منهم فيها سريرين على و عمر قاعدين
على / وله اعدل بدل معدلك انت من ساعه الخناقه تحت و انت قالب وشك حتى مكلتش لقمه
عمر / قولتلك مفيش حاجه يا على متافورش بقى
على / و لغيت الخروجه مع صحابك ليه
عمر / قولتلك مفيش قولتلك مفيش
على / بشوقك انا هطلع البلكونه انفخ سجاره لحسن اتخنقت
عمر يبص لعلى و يبص فى الارض على يشد علبه سجاير من عالكومدينو و يطلع البلكونه يولع سجاره و هو مدايق و ينفخ و يبص عالشارع يرفع عينه يلاقى ندى واقفه مبتسمه يتعدل فوقفته و يبتسم تعمل بايدها كانها بتشرب سجاير على يبص عالسجاره ندى تعمل نفسها مقروفه اوى و تمثل انها بتطفى سجاره فايدها على يبص عالسجاره و يطفيها فى الترابيزين ندى تعمله ممتاز بايدها و هى مبتسمه و تدخل مالبلكونه على يدخل و هو مبتسم و يروح الاوضه يلاقى عمر نايم عالسرير و باصص فى السقف يقعد عالسرير قدامه
على / انا قررت هبطل سجاير
عمر يبصله على ينام عالسرير و يبص فى السقف
عمر / كانت أية
على يقوم يقعد و على وشه غضب
على / أية أية !!!
عمر / ايوه
على يخرج مالاوضه و يرزع الباب وراه عمر يقوم يقعد و هو بينفخ
////////////////////////////////////////
من خمس سنين
راجل ماسك عمر و نازل فيه ضرب بالحزام و أية واقفه بتعيط و امها حضناها
الراجل / يابن الكلب يابن الكلب
عمر / والله معملت حاجه والله معملت حاجه
الراجل يشد عمر و يطلعه بره
الراجل / مشوفش وشك تانى هنا انت فاهم
الراجل يقفل الباب عمر يرزع عالباب و هو بيعيط
عمر / والله معملت حاجه والله معملت حاجه
///////////////////////////////////
عمر يقوم يدخل الحمام و يغسل وشه
…………………….
فى الشارع على ماشى و هو سرحان يبص للسما و ينفخ
على / يارب
///////////////////////////////
من اتناشر سنه فى شقه تانيه على 12 سنه و عمر 8 سنين و بنت كمان 10 سنين شعرها قصير اوى
راجل / انا اتجوزتك من غير عيال و دا كان اتفاقنا من الاول
الست / يعنى ارميهم فالشارع
راجل / يوووووه
الست / خليهم يعيشوا معانا و اوعدك مش هيعملوا مشاكل
الراجل / انا مش ملزم غير بمصاريفك اديكى شايفه البير و غطاه
الست / انا هلاقى شغل
الراجل / امرى لله بس ولادك بس انا قولت اهو مش هربى فى ولاد جوزك كمان
عمر يبص لعلى الست توطى و تقعد على ركبها
الست /رجع عمر لابوه يا على
على / هتموته يا ماما
الست / مفيش فايدى حاجه يا على يرجع يا كلنا هنبقى فى الشارع
على يبص لعمر و يمسك ايده جامد
على / اوعدينى انك هتاخدى بالك من عبير
الست تبص عالبنت
على / انا هرجع معاه
على يحضن الست و ياخد اخوه و يمشو
///////////////////////////////////
على يخبط فواحد و هو ماشى
على / انا اسف
الراجل / حصل خير يابنى
على ينفخ و يرجع البيت
……………………………
فى البيت عند عمر على يدخل
عمر / انت زعلان منى
على / لا طبعا ازعل منك ليه
عمر / حتى لو كانت واحده غريبه كنت هعمل معاها كدا برضه
على / ابوس ايدك يا عمر انا عشت عمرى كله بحاول انسى الناس دى ابوس ايدك
عمر/ اسف
على / انا داخل انام
عمر / تصبح على خير
على يدخل ينام
…………………………….
فى شقه ندى
ندى قاعده فى البلكونه و فى الصاله ابوها قاعد بيتفرج عالتليفزيون
الست / بقولك ايه يابو ندى كنت عاوزه انزل اشترى شويه حاجات للبيت
الراجل / مش قادر خليها يوم تانى
الراجل تليفونه يرن مراته تقوم تجيبهوله ياخد التليفون و يكنسل
الست / مردتش ليه
الراجل / مليش مزاج ووسعى بقى عشان اشوف الماتش و خشى حضرى العشا
الست / بس كدا تؤمر
الست تدخل و التليفون يرن تانى الراجل يرد
الراجل / الو… ازيك عامله ايه …. لا وقت مش مناسب ايه دانتى تؤمرى و انا تحت امرك …. اه ربع ساعه و اكون عندك باذن الله … مع السلامه مع السلامه
الراجل يقوم يلبس مراته تشوفه
الست / انت نازل دلوقت
الراجل / ايه فى حظر تجوال و انا معرفش
الست / مش قصدي بس كنت فكراك تعبان
الراجل / واحد صحبى تعبان و هروح اطمن عليه مش هتاخر
الست / صاحبك مين ده
الراجل / انتى هتحققى معايا و لا ايه
الست / و لا احقق و لا حاجه انا بس عاوزه اطمن
الراجل يبصلها و يزقها بايده و ينزل
………………………………..
فى شقه أية
امها / ايه مش هتقوليلى ايه اللى حصل
أية / شوفت عمر
امها تتصدم و تبصلها و تسكت
أية / ايه مش هتقولى حاجه
الست / عوزانى اقول ايه
أية / عارفه شوفت عمر فين يا ماما عارفه عمر عمل ايه يا ماما
الست / انتى كلمتيه هو عملك حاجه اوعى يكون عمل فيكى حاجه
أية / خفتى يا ماما لا متخافيش عمر متربى و عمره مهياذينى عمر اتخانق مع واحد كان بيعاكسنى و ضربه و مشى مشى من غير ما يقولى و لو كلمه واحده
الست / و انتى بتصدقى الكلام ده تلاقيه هو اللى سلطه عليكى اسمعى يا أية الواد ده متتكلميش معاه و لو شوفتيه فى شارع اوعى تمشى منه يا بنتى
أية / انا عاوزه ازاكر يا ماما لو سمحتى
الست / ماشى
الست تقوم توصل للباب
الست / انتى هتقولى لابوكى حاجه عن اللى حصل
أية / انتى مش ناويه تقوليله و لا ايه
الست / اوعى يا أية عمر مات و انتهى متفتحيش علينا فتوحه
أية / والله ؟؟؟
الست / انتى تعرفى حاجه عنه تعرفى هو فين اصلا
أية / لا لا لا
الست / خلاص يبقى تقلبى على ابوكى المواجع ليه كفايا اللى هو فيه من ساعه موت بنته
أية / خلاص بقى خلاص
الست تطبطب على البنت و تخرج مالاوضه
///////////////////////////////////
عمر قاعد بيعمل الواجب عالسفره 10 سنين و أية خمس سنين بتلون فى كراسه فوق الترابيزه يهرش بالقلم فى راسه تهرش زيه يشوفها يبتسم تبتسم
أية / خلصت ؟؟؟
عمر / اخر صفحه
أية / هروح اجيب الكوره
عمر / ماشى
أية تنزل من عالترابيزه و هى بتنزل تشد المفرش الفازه تقع عمر ميلحقهاش تقع تتكسر ام أية و الراجل اللى كان بيضربه بالحزام يطلعوا من جوه
الست / مين اللى كسر الفازه كدا
أية تجرى تدارى فى عمر
عمر / وقعت غصب عنى
الراجل يقلع الحزام
الراجل / هو ده اللى قاعد بتزاكر هو ده اللى بتعمل الواجب
عمر / كان غصب عنى كان غصب عنى
أية تجرى تتحامى فى امها و الراجل ينزل على عمر بالحزام
////////////////////////////
أية / انا اسفه يا عمر … اسفه اوى
أية تمسح دموعها و تحاول تزاكر
………………………………
بعد فتره على و عمر نايمين على يقوم مفزوع
على / لاااااااااااااااااااا
عمر يقوم مفزوع يناوله كبايه مايه
عمر / نفس الكابوس
على يهز راسه و هو بيشرب و عنيه كلها دموع عمر يقعد جنبه ساكت
على / قوم قوم عشان ننزل الشغل
عمر / لا انا هروح اخلص ورق التعيين بتاعى فى الجامعه و بعدين اجيلك
على / تمام
عمر / انت كويس يا على
على يقوم و ميردش على عمر و يدخل الحمام
………………….
فى المحل
على بيشتغل و كل شويه يبص يمين و شمال يدخل عمر ماسك ورقه
عمر / ايه ياعم متركز اللى واخد عقلك
على /ههههههههههههههههه خليك فحالك
عمر / مانت حالى يا بتاع انت
على / مش عارف بقالها فتره طويله اوى
عمر / زهقت يا اخى مهو بصراحه مشوفتش حد بياكل شاورما بالكميه دى بصراحه ليها حق تزهق
على / طب انا ذنبى ايه طيب
عمر / هههههههههههههه متلخص و نروح نخطبهالك و ننجز
على / ايه ياض خفه الدم دى .. خد ياخويا الطلبات روح وصلها للزباين مش ناقصه خفه دمك عالمسا
عمر / هههههههههههههههههههههه
على يبص وراه يلاقي ندى نازله مالبيت و تمشى بعيد متعديش عالمحل يتنهد و يكمل شغل
……………………………
بعد كام يوم
ابو ندى يدخل البيت امها تجرى عليه
امها / خير يا مصطفى
مصطفى / فين الست هانم
ندى تطلع مالاوضه تجرى على ابوها
مصطفى / ندى بتعمل ايه يام ندى بتزاكر ياخويا ندى فين يام ندى فى الدرس ياخويا عاوزه فلوس ليه يام ندى عشان دروس ندى ياخويا و فى الاخر الست هانم جايبلى 85%
مصطفى يلطش ندى بالقلم امها تحوش عنها يزقها فى الارض
امها / خلاص يا مصطفى خلاص مش هيفيد خلاص خلاص
مصطفى / ابو مصطفى على ابو اليوم اللى جه فيه مصطفى جرا ايه هو انا مليش حق اربى بنتى
امها / دى مش تربيه هى معملتش حاجه عشان تضربها كدا
مصطفى / والله … مانتى اللى مدلعاها مانتى لو زى اى ام عدله بتشوف شغلها مكناش هنبقى فى الوضع ده دلوقت
امها / ايوه ايوه لف لف و هاتها فيا
ندى تقوم و تفتح البلكونه و تدخل و تسيبهم بيتخانقوا
……………………….
عند على
على يطلع البلكونه بالليل و يقف يبص مفيش اثر لندى ينفخ و يجى يدخل باب بلكونتها تتفتح و تدخل و هى معيطه على ينتبه تشد كرسى و تقعد و تبص تلاقيه واقف يشاورلها تبصله بحزن يشاورلها على وشها الدموع ليه تعمل بصابعها لتحت يشاور على بقه ادحكى تهز راسها لا و تبص فى الارض و تدخل
و على بيبص و هو هيطق عاوز يعرف فى ايه
//////////////////////////
على / اول مره اشوفها بتعيط من يوم مسكنت فى الشقه دى اول مره اشوفها بتعيط اول مره اشوفها حزينه عمرى مهنسى كل مره كنت بدخل البلكونه مدايق كانت تشاورلى بايدها و اول مبصلها كانت تشاورلى ادحك كنت بدحك غصب عنى و كل مره كنت بتخنق كنت بطلع ادور عليها فى البلكونه عشان اشوفها و انسى همى كبرتى بسرعه اوى يا ندى و بقالك هم انتى كمان و كانى فى اللحظه دى شلت همين فوق همى هم انى اعرف ايه هو هم ندى و هم انى ازاى اشيل الهم ده من عليها ياربى
/////////////////////////////////
ندى و امها يدخلوا البلكونه عمر يدخل
عمر / فى ايه
على / مش عارف
عمر / تفتكر عملت وحش فى النتيجه
على يبصله
عمر / نتيجه الثانويه العامه بانت النهرده
على يبص على ندى
عمر/ مش هى ثانويه عامه برده
على ينفخ و يدخل و عمر وراه يعدوا من على شويه شباب بيتفرجوا عالتليفزيون
واحد / اخبار الجو ايه يا علوه
على يقف و يبص اللى جنبه يزغده عمر يزق على و يدخلوا اوضتهم
………………….
فى اوضتهم
عمر / بقولك يا على مبتفكرش تكمل تعليمك
على يبصله و يدحك
عمر / ايه يا عم قولت نكته انا
على / هتفيدنى بايه بقى الشهاده ان شاء الله و بعدين هو انا لاقى وقت اصلا
عمر / الوضع اتغير انت معدتش مسؤل عن مصاريفى خلاص تقدر تفضى نفسك الصبح تروح الكليه
على / بعد مشاب ودوه الكتاب يعنى
عمر / فكر فيها كدا انت لما هتروح تتقدم لندى هتقولها ايه ثانويه عامه
على / ندى !!!
عمر / انت ناوى تتقدملها صح
على / اتقدم ايه يابنى انت شطحت اوى كدا ليه
عمر / مش فاهم
على / انا معرفهاش انا اطول حوار دار بينى و بينها كان لو سمحت …حاضر … ممكن استنى هناك عشان الزحمه … حاضر … اتفضلى… شكرا ….و جبرت على كدا
عمر / ههههههههههههههههههههههههه
على /انت بتدحك انا اول مبتقرب بس بحس انى اتخشبت و لسانى اتمسمر بمسمارين عشره سنتى
عمر / ايوه و اخرتها يعنى هتفضل تعملها فى سندوتشات لحد ميعزموك على فرحها و لا ايه
على / فرح ايه
عمر / البنات مبتقعدش يابا فوق عاوز البت اتحرك
على / انت هربت منك خلاص يا عمر … ياربى ماشى عاوزها اتحرك اعمل ايه بقى
عمر / كلم ابوها يابنى قوله يا عمي انا يشرفنى و يسعدنى انى اطلب ايد بنتك ايه مبتشوفش افلام
على / اه عشان اخد الشلوت التمام اللى يخلينى امسح السلم بهدومى مش كدا
عمر / ههههههههههههههههه دانت ضايع
على / و من زمان
عمر / نام نام دانت مسخره ههههههههههههههههه
على / هقوله ايه يا عمر
عمر يتعدل فقعدته
على / هتجوزها فين يا عمر هجيبها تنام جنبى هنا بلاش دى لما يسالنى عن اهلى هقوله ايه متجاوب
عمر / قوله الحقيقه الحقيقه اللى متعيبناش انا و انت عارفين كويس ان لحم كتافنا من خيرنا احنا و مفيش مخلوق و لا حتى اهلنا له فضل علينا ان محترمش فيك رجولتك يبقى هيحترم صراحتك و اصلا هو يطول يجوز بنته لراجل زيك هو هيلاقى احسن منك فين اساسا
على / ان كان عالاحسن فدول على قفا من يشيل
عمر / لو فاكر ان عيل امه هتجهزه احسن منك تبقى غلطان و لو مقتنع بده تبقى اكبر غلطان غلطان فى حق نفسك و غلطان فى حقها عشان انت فرطت فيها
على / تعرف تنام
عمر / اعرف بس انت هتعرف ؟؟؟
على / انت عاوز ايه يا عمر
عمر / عاوزك مبسوط يا على عاوزك تتحرك يابنى … ياربى دانت بطلت السجاير اللى كنت بتقفل تلت علب فى اليوم عالاقل لما عملتلك قال ايه مقروفه مالسجاره
على / لا انا طفيت السجاره لما عملت مقروفه بس بطلت لما عملت ممتاز
عمر / يارب هتنقط هتشل هتفقع على نام مش ناقصك عالمسا
على / احسن احسن
عمر ينام و على يبص عالسقف و يسرح
///////////////////////////////////
من سنتين
على واقف قدام سيخ الشاورما بيعمل سندوتشات و ينتبه على صوت دحكه بناتى عاليه قريبه منه يبص يلاقى ندي بتدحك هى و تلاته صحباتها
ندى / يخرب عقلك انتى مسخره
بنت 1/ يابنتى انتى بتتكلمى جد و لا بتهزرى
ندى / لا طبعا و لا فالحلم حتى
بنت 2/ ليه يعنى
ندى / عشان انا
على / 25
ندى / انا … انا
على / اتفضلى
ندى / شكرا
ندى تاخد الكيس و تجرى على صحباتها
بنت 3/ مش كنا جبنا من اى حته تانيه
ندى / عمرها مهتبقى حلوه زى دى يلا بينا بقى نشوف هنروح فين
ندى و البنات يتحركوا و على عينه مع ندى شاب جنبه يزغده
الشاب / اسمها ندى
على / ايه
الشاب / ندى يا علوه بنت الاستاذ مصطفى زغلول اللى فالتانى يا راجل دا الشقه قصاد الشقه ايه انت هتصيع عليا
على / انا مش عارف انت بتتكلم عن مين
الشاب / بقى كدا و ماله انجز انجز خمسه شاورما فراخ فرنساوى بسرعه
على / حاضر
……………………..
بالليل شويه
على / هتعوز حاجه يا حج
صاحب المحل / تسلم يا على كفايا عليك كدا
على / سلام انا بقى
على يطلع و فى ايده كيسه يدخل اوضته يلاقى عمر بيزاكر
على / العشا
عمر / تسلم ايدك والله كنت جعان
على / هطلع اشرب سجاره و ارجع
عمر / مش هتاكل
على / مش جعان
عمر / هعينلك منابك
على يطلع البلكونه و يحط سجاره فبقه و لسه هيولعها يسمع صوت صريخ يبص عالصوت يلاقى بنت فى الشارع بتصرخ و بتبص لفوق يبص لفوق يلاقى ندى كانت هتقع و هى بتحدف مفتاح للبنت اللى فالشارع و نايمه عالسور و ماسكه بايدها الترابيزين و بالايد التانيه حبل الغسيل و تعدل نفسها و بايدها ترفع شعرها من على وشها و تبص تلاقى على السجاره وقعت من بقه و مخضوض عليها تشاورله هاى لا ارادى يشاور زيها تشاور على بقه و بصوابعها على طرفين بقها ادحك يبتسم تعمله ممتاز بايدها و تشاورله باى و تدخل و هو بيعمل باى
///////////////////////////////////
على يتقلب و ينام
………………………….
بعد فتره
وقت زحمه و على مشغول فى الشغل يبص بعيد يلاقى ندى واقفه بتبصله تبتسمله يفضل باصص تعمل تلاته بايدها يهز راسه حاضر يعمل السندوتشات و هو مبتسم عالاخر و يحطهم فكيس و يستاذن من الزحمه اللى حواليه
ندى / مش عارفه اشكرك ازاى انت هتدخل الجنه حدف انا قولت مستحيل هوصل
على باصصلها و مبتسم و هى تاخد الكيس و تمشى و هو عينه عليها لحد متدخل العماره و يرجع شغله تانى
…………………………
فى الشارع بتاع أية تحت بيتها محل موبايلات و الراجل اللى كان بيضرب عمر واقف فيه و عمر واقف الناحيه التانيه بيبص عليه و عينه مليانه دموع يبص فوق يلاقى أية واقفه بتبص عليه يرفع عينه و يبصلها و يمشى تقعد فى ارض البلكونه بتعيط
…………………………………
بعد فتره فى المحل
صاحب المحل بيتكلم مع ابو ندى
صاحب المحل / يا راجل كل ده عشان جالها تجاره طب تدفع كام و اقولك خبر بمليون جنيه
مصطفى / والله انت فايق و رايق دانا دفعت دم قلبى فى مصاريف الدروس و فى الاخر تجاره
صاحب المحل / الله نصيبها كدا و خير مين قالك ان نصيبها و حش ما عندك عمر اخو على
صاحب المحل يشاور على على و هو بيشتغل
صاحب المحل / لسه متعين السنادى معيد فى تجاره دفعه السنه اللى فاتت
مصطفى / ايوه بس
صاحب المحل / استنى استنى … على يا على
على يسيب اللى فى ايده و يروحلهم
صاحب المحل / بقولك يا علوه عاوز منك خدمه
على / اؤمرنى
صاحب المحل / الاستاذه ندى بنت الاستاذ مصطفى دخلت تجاره كنت عاوزك توصى عموره عليها
على / بجد !!! ينهار ابيض دانا اوصيه و اوصيه و اوصيه كمان
مصطفى / تسلم يا على
على / حضرتك بس تؤمر والله تؤمر
مصطفى / كتر خيرك هستاذنك انا بقى
على / ثوانى ثوانى
على يجرى يحط تلت سندوتشات فى كيس و يجيلهم لمصطفى بسرعه
مصطفى / ايه ده
على / والله مهم راجعين اقسم بالله مهم راجعين
مصطفى / ايوه بس
على / متقول حاجه يا حج
صاحب المحل / خلاص بقى يا مصطفى خدهم للانسه ندى انا عارف انها بتحبها
مصطفى / بتحبها بس دى مدمنه داحنا هندخلها مصحه قريب تتعالج مالشاورما بتاعتكوا دى
صاحب المحل / ههههههههههههههههههه انت ناوى تخرب بيتى بقى
مصطفى / انا اقدر سلام … شكرا يا على … صح على
على / على اه حضرتك على … على
مصطفى يهز راسه و يمشى يروح
صاحب المحل / نهار ابيض الراجل خد الشاورما و نسى الفول و الطعميه العشا
على / انا هطلعهمله بعد اذنك
على يخطف الكيس و يطلع يجرى ورا الراجل يقف باب الشقه و يعدل هدومه و يضرب الجرس و يقف و هو بينهج و متوتر ندى تفتح الباب يتنح بتاكل ساندوتش شاورما و هى مبتسماله و هو متنح
ندى / لو جاى تاخد الشاورما انسى انا خلاص كلتها
على / ههههههههه الف هنا اجيبلك تانى
ندى / ههههههههههه
على / ال… العشا … بابا … هههههههههههههههه
مصطفى يطلع من جوه
مصطفى / مين يا ندى … على ازيك اتفضل
على / حضرتك نسيت الكيس ده تحت
مصطفى / تعبت نفسك والله من ساعه ما دخلت الشقه و انا حاسس انى ناسى حاجه ههههههههههههههه
على يبص على ندى و هى بتدحكله
على / طب …. طب انا بقى يعنى .
مصطفى / ادخل اتعشى معانا
على / الف شكر الف شكر عن اذنكوا … اسف انا اسف
على ينزل السلم و كل شويه يبص على ندى اللى بتقفل الباب بالراحه خالص
/////////////////////////////////
من اربع سنين
فى شارع مامه على … على مروح و شايل كيس ساندوتشات يبص يلاقى ناس متجمعين و بنت 18 سنه غرقانه دم واقفه على سور البلكونه فى الدور الرابع و عماله تعيط كيس السندوتشات يقع منه و السندوتشات تتبعتر فى الارض و يجرى علي البيت البنت تشاورله باى و ترمى نفسها يقع على الارض على ركبه فنص الشارع عربيه تفرمل جنبه بالظبط و هو مصدوم ماللى حصل
////////////////////////
على يقوم مفزوع
على / لااااااااااااااااااااااااا
عمر / على على
عمر يجرى عليه و يناوله ميه على بيعيط
عمر / انسى بقى يا على انسى هتفضل فى الكابوس ده لحد امتى
على يبصله باستغراب و يقوم يدخل الحمام و يقفل على نفسه عمر يقف على باب الحمام واحد من اللى معاهم فى الشقه يدخل
الشاب / هو كويس
عمر / صحيناك معلش
الشاب / الله يعينه على اللى هو فيه تصبحوا على خير
الشاب يمشى و على يطلع من الحمام و راسه غرقانه ميه
عمر / انت كويس
على يهز راسه و يدخل ينام على السرير
عمر / ممكن انام جنبك
على يستاخر جوه و عمر ينام جنبه
على / متسالى فى الكليه ينفع اكمل دراستى و لا لا يا عمر
عمر / ههههههههههههههه
على / انت بتدحك على ايه يا جزمه انت قوم من جنبى
عمر / انت عاوز تكمل عشان كلامى اللى قولته قبل كدا و لا عشان ندى دخلت تجاره
على / مهو الكلام اللى قولته انت كان انى اكمل عشان ندى
عمر / تصدق صح هات بوسه بقى
على / هات
عمر / اوعى كدا الله يقرفك
على / هههههههههههههههههه
عمر / انا بحبك اوى يا على
على / و انا كمان يا عمر … دانا مليش فى الدنيا غيرك ياله
عمر يروح ينام فى سريره
……………………….
فى شقه ندى بعد فتره
الست / مين مى منير اللى على موبايلك دى
مصطفي / انتى بتفتشى فموبايلى و لا ايه
الست / ازاى ميصحش لكن يصح انها كل مره تتصل بيك تنزل تجرى و تروحلها مش كدا
مصطفى / ان كان عاجبك
الست / و ان مكانش عاجبنى
مصطفى / الباب يفوت مليون جمل
الست / دى اخرتها يعنى
مصطفى / بصى انا مش ناقص وجع دماغ اقولك انا سيبهالك و نازل
الست / مانتش نازل يا مصطفى
مصطفى / و انتي بقى اللى هتمنعيني
الست / اه همنعك انا من حقى امنعك
مصطفى يزقها تقع فى الارض و يفتح الباب و يمشى ندى تطلع من اوضتها وتقوم مامتها من على الارض و هى بتعيط مامتها تسيبها و تدخل اوضتها و تقفل على نفسها الباب
………………………..
بعد فتره فى الكليه عند عمر
فى اوضه المعيدين عمر قاعد مع شاب اكبر منه
عمر / هههههههههههه مالموضوع طلع سهل اهو امال فى ايه بقى
الشاب / هههههههههههه اى خدعه يا عم كمل انت بقى انا ماشى عاوز حاجه
عمر / متحرمش
الشاب يمشى و تدخل معيده شابه فى سن عمر و تقعد و هى بتنفخ
عمر / للدرجادى
البنت / سبنى فى حالى بالله عليك يا عمر
عمر يبصلها و هى بتبص الناحيه التانيه و بعدين تبصله
البنت / طب هشهدك
عمر / و انا سامعك
البنت / طلبت من مروه تخلينى انقل التحضير بتاعها تقوم تبصلى من فوق لتحت و تقولى التحضير ده لازم يعبر عن تفكيرك و دماغك و تسيبنى و تمشى
عمر / دا اللى مدايقك اوى كدا
البنت / هى يعنى اول ما اتعينت عرفت تحضر لوحدها من اول مره يعنى و لا فى حد ساعدها
عمر / طب هدى نفسك خدى تحضيرى انا
البنت / انت لحقت تحضر
عمر / هههههههههههههههههههه انتى هتنقى عليا و لا ايه هتنقلى و لا لا
البنت / و الله و رخصت يا تفاح الله يرحم ايام مكنت بصورلك السكاشن و المحاضرات و تنقلهم انت منى
عمر / هههههههههههه الله الله الله انتى هتعايرينى من اولها خلاص ياختى خدى انقلى و نبقى خالصين
البنت / هههههههههههههههههه شكرا يا سيدى
عمر / بقولك ايه انا جعان هروح اجيب بسكوت و لا حاجه
البنت / و على ايه اقعد اقعد انا جايبه سندوتشات من البيت استنى
البنت تطلع لانش بوكس من شنطتها و تفتحه متقسم نص سندوتشات و ربع تفاح متقطع و ربع شرايح خيار و جزر و تطلع ترمس صغير من شنطتها غطاه على شكل كبايه و تجيب المج بتاعها من جنبها و تصب فيهم و تطلع ازازه ميه و تحطها
عمر / هى الشنطه دى منفده عالمطبخ عندكوا و لا ايه … فى ايه تانى جوه
البنت / هههههههههههههههههه فى مناديل و شاحن الموبايل و الموبايل و المحفظه و …
عمر / كفايا أية هى شنطه على بابا
البنت / استنى استنى لقيت بسكوت كمان يلا كدا فطار محترم
عمر / انا عاوز شنطه زى دى
البنت / هههههههههههههههه شوف انا معاك بقالى كام سنه مفيش حد قدر يدحكنى زيك يا عمر
عمر / طب هناكل و لا هنقعد نتفرج عالاكل ده و لا ايه
البنت / ههههههههههههههههههه ازاى اتفضل يا سيدى الف هنا
عمر يشد كرسى و يقعد جنبها ياكل معاها
………………………………..
بعد فتره عند الكافيتريا فى الكليه عند عمر
على بيتكلم فى التليفون و فايده كبايه شاى
على / يابنى انا بقالى ساعه مستنى عند ام الكافيتريا دى انت فانهى داه….
حد يخبط على من ورا الشاى يقع على ايده يلسعه الموبايل يقع فى الارض يمسك كبايه الشاى بالايد التانيه يوطى يجيب الموبايل صوت من وراه
ندى / انا اسفه والله انا اسفه جدا هى اللى زقتنى بجد سورى اوى انا اسفه هو اتكسر
على يبص يلاقيها ندى
ندى / انت … هههههههههه انت اشتغلت هنا
على / احم لا لا انا بدرس هنا
ندى / انت بتشتغلنى …. لا …. بتتكلم جد …. واو بجد انا كنت فكراك كبير
عمر يدخل
عمر / اخيرا لقيتك … اوووه اهلا
ندى / هاى … سورى تانى بجد سلام
ندى تمشى و تشاور لعلى باى يشاور لا ارادى لحد متختفى من قدام علينه
على / انت ايه اللى جابك يا زفت انت دلوقت
عمر / لا يا شيخ بجد !!! طب تصدق انا الغلطان يلا يا ياض من هنا
على / خلاص خلاص جبت الورق
عمر / جبت الزفت خد خساره فيك كنت سبتك تدوخ … و لا على ايه كفايا اللى انت فيه الله يعينك
على / انا يادوب ارجع الشغل سلام
على يشاور لتاكس و يركب قدام و اول مالتاكس يبدا يتحرك يلاقى ندى و صاحبتها واقفين بيوقفوا تاكس على يطلع فلوس و يديها للسواق
على / وصلهم هما … شكرا
السواق يركن جنب البنات و على ينزل و يفتح الباب الورانى و يمشى و ندى بصاله
السواق / يا استاذه هتركبى ؟؟؟ عشان الطريق
ندى و البنات يركبوا
……………………
عند البيت
ندى تيجى تدى السواق فلوس
السواق / الاستاذ اللى كان راكب حاسب
ندى تفكر ثوانى
ندى / شكرا
ندى تنزل مالتاكس و تروح تبص على على متلاقيهوش لسه وصل تطلع شقتها و تقف فى البلكونه شويه و ينزل من تاكس و يطلع شقته ندى تجرى تدخل المطبخ تلاقى مامتها بتعمل الغدى
ندى / ماما انا جعانه
مامتها / ثوانى و الاكل يكون جاهز
ندى / لا انا مش هستنى هنزل اجيب ساندوتش اتصبر بيه
مامتها / انتى من كتر الشاورما هتبقى شبه السيخ
ندى / هههههههههههههههههههه مش هتاخر
ندى تنزل تاخد المحفظه و تنزل تجرى تشوف على خارج من العماره تجرى عليه قدام البوابه يقف
ندى / انت تحاسبلى بمناسبه ايه هاه ؟؟؟
……………………………..
على / انا … انا
ندى / امسك فلوسك
على يبصلها
ندى / امسك
على ياخد الفلوس بحزن ندى تبتسم يستغرب و تطلع شقتها و تجرى و على ماسك الفلوس و مستغرب لحد ميشوف ندى واقفه فى البلكونه بتبص عليه و هو واقف فى مكانه يحط الفلوس فجيبه و يروح يشتغل و هو مدايق ندى فوق تنفخ و تدخل لمامتها
مامتها / ايه فين الشاورما
ندى / لقيت الواد التانى هو اللى واقف عليها و الواد ده بخيل بيلحس الساندوتشات
مامتها / على العموم متزعليش نفسك انا خلصت الاكل
ندى تغرف
ندى / انا هاكل فى البلكونه تراوه
ندى تاخد الطبق و تفضل واقفه تبص على على و هو بيشتغل
…………………….
بالليل فى اوضه على
عمر / انا هغسل عندك حاجه اخدها معايا
على / اه ثوانى
على يقوم يجيب هدوم من ورا الدولاب و يمسك البنطلون و يطلع منه الفلوس و المحفظه و يحطهم فى درج الكومدينو و يدى لعمر البنطلون و يروح ينام مكانه عالسرير
عمر / انت كويس يا على
على / يا اخى البنات دول ايه مفيش دم خالص كدا
عمر / بنات مين هو ايه اللى حصل
على / ياعم كنت راكب تاكس و مروح لقيتها واقفه محتاسه هى و صحباتها نزلت مالتاكس و حاسبت جايه تتخانق معايا و تدينى الفلوس
عمر / هههههههههههههههههههه
على / انت بتدحك طب انت لو مكانى كنت هتعمل ايه
عمر / مش عارف
على / قفلتلى اليوم والله
عمر / بقولك ايه كبر مخك
عمر ياخد الهدوم يروح يحطها فى الغساله و يجى يجيب المسحوق يلاقى العلبه فاضيه
عمر / اووووف
عمر يدخل الاوضه و يفتح المحفظه و يبص لعلى بيلعب فى الموبايل
عمر / على معاك فكه انزل اجيب مسحوق بدل مفك
على / خد من الدرج اللى انت عاوزه
عمر يفتح الدرج يلاقى المحفظه و الفلوس اللى ندى ادتها لعلى بتطبيقتها ياخدها و ينزل
…………………..
عند الماركت
عمر ياخد كيس مسحوق و يجى يحاسب يفك الفلوس يلاقى ورقه جواها مطبقه
عمر / شكرا !!!… رقم مين ده …. معقول ؟؟؟ لا
عمر يحاسب الراجل
عمر / شكرا
عمر ياخد المسحوق و يطلع يجرى عالاوضه
عمر / على على
على / عاوز ايه تانى يا زفت
عمر / زفت طب تصدق انا الغلطان
على / يوووه يا عمر عاوز ايه
عمر / هى الفلوس اللى ندى ادتهالك انت صرفتها و لا عملت بيها ايه
على / متلقحه عندك فى الدرج بتطبيقتها
عمر / ههههههههههههههههههههههه يا غبى يا متخلف كنت افتحها
على يقوم يقعد
على / قصدك ايه
عمر يمسك الورقه فايده
عمر / قصدى ان كان فى دى جواهم
على يقوم يحاول ياخد الورقه عمر يكرمشها فى ايده و يقفل عليها جامد
على / مش وقت هزار بقى يا عمر هات الورقه
عمر / لا مش انا زفت ابدا
على / عشان خاطرى يا عمر بقى طب هى كاتبه ايه فيها
عمر / تدفع كام و انا اديهالك
على / خد اللى انت عاوزه المحفظه عندك صندوق التحويشه عندك انا كلى عندك هات بقى الورقه يا اخى الله
عمر / خلاص خلاص صعبت عليا اتفضل يا سيدى
على ياخد الورقه و يفردها يلاقى جواها شكرا و رقم موبايل
عمر / اراهنك ان ده رقم موبايلها
على يمسك الورقه و يفكر
عمر / انت لسه هتفكر اتصل بيها
على / لا الوقت اتاخر ممكن اعملها مشكله
عمر / يا حنين
على / وله
عمر / خلاص خلاص انا هروح احط المسحوق فى الغساله و اشغلها و انت بشوقك بقى
عمر ياخد كيس المسحوق و يطلع مالاوضه و على ماسك الورقه و بعدين يمسك موبايله و يكتب رساله و يبعتها
……………………..
فى اوضه ندى الرساله توصل و هى نايمه
……………………..
فى اوضه على ماسك الموبايل عمر يدخل
عمر / هتفضل قاعد كدا و لا ايه
على / نام ياله نام
على يحط الموبايل جنبه و ينام
………………………….
تانى يوم الصبح ندى تصحى تبص فى الموبايل تلاقى رساله تفتحها
ندى/ العفو !!!
ندى تجرى عالبلكونه تلاقى على واقف بيشتغل تكتب رساله و تبعتها توصل رساله على موبايل على يسيب اللى فايده و يبص فى الموبايل ندى تعمل يس فى ايدها و تجرى على اوضتها و تقعد تتنطت عالسرير
…………………….
تحت عند على يقرا الرساله و يكتب
على / مين ؟؟؟ ايه ده …. انا على
……………….
توصل رساله لندى تقرا الرساله و تكتب
ندى / انا على ….. انا ندى
………………….
ندى تجرى تبص مالشباك نص متوارب تلاقى على بيبص عالبلكونه تدحك توصلها رساله تقراها و تكتب
ندى / انا اسف ان كنت بعت الرساله فوقت متاخر بس انا مكنتش شوفت الورقه الا ساعتها …. طب الحمد لله انك شوفتها انا قولت انها ضاعت منك او انك شوفتها و قطعتها و جه فبالى مليون حاجه
ثوانى و توصل ندى رساله تانيه تقراها و تكتب
ندى / ازاى ؟؟؟…. يعنى بصراحه انا مكنتش عارفه انا عملت كدا ازاى قولت اكيد قولت عنى انى بنت مش متربيه او حاجه بس بجد مش عارفه انا عملت كدا ليه
…………….
على توصله رساله يقراها و يكتب
على / ابدا ابدا بصراحه انا مش عارف اقولك انا فرحان قد ايه باللى حصل انا عمرى متخيلت انى هقدر اكلمك اصلا
صاحب المحل / فى حاجه يا على
على / اسف اسف
على يكتب / انا اسف انا مزنوق فى الشغل
على يروح يكمل شغل شويه و يلاقى حد بيديله بون ياخده و يبص يلاقيها ندى مبتسمه يبتسم و يعملها الساندوتشات و يديهالها
ندى / عندى بكره ساعتين فاضى فى الكليه من 12
على / هاجى
ندى تاخد الكيس و تطلع و هى فرحانه
…………………………
بالليل فى اوضه على
على عمال يكوى هدومه
عمر / دا رابع طقم تكويه ياعم نقى الطقم الاول و بعدين اكوى
على / بقولك ايه متوترنيش
عمر / متتقل شويه ياعم مش كدا ميصحش دانت اخويا حتى
على / انت عاوز ايه ياله
عمر / اللبس القميص الاسود بيبقى حلو عليك
على / بس هى مبتحبش الاسود
عمر يتعدل فى قاعدته و يحط ايده تحت خده
عمر / و انت لحقت تعرف بتحب ايه و مبتحبش ايه
على / البنت بتلبس الالوان اللى بتحبها و عمرى مشوفتها لابسه حته واحده سودا
عمر / ربنا يجعلها من نصيبك يا على و الا هتتجنن بجد
على / يارب يا عمر بجد يارب
على يخلص كوى قميص لبنى و يقيسه
على / ايه رايك
عمر / هههههههههههههههههه حلو بس عارف ايه الاحلى
على / ايه
عمر / سندوتشين شاورما
عمر يغمز لعلى و على يفكر
……………………………..
تانى يوم فى الكليه
على واقف فى الكليه تايه و فايده كيس ندى تيجى من وراه
ندى / بتدور على حد
على / هاه ؟؟؟ اه عليكى
على يدى لندى الكيس
ندى / انتوا بقيتوا بتعملوا دليفرى و لا ايه هههههههههههههههههههههههه
على / انا كنت عاوز اجيب ورد بس حسيت انه مش هيبقى مناسب للكليه اسف مش عارف ههههههههههه
ندى / الشاورما احلى كتير مالورد على الاقل بتتاكل
على / ههههههههههههههههه
ندى / طبعا انت بتقول عليا طفسه مش كدا الحقيقه انا متاكده انك بتقول عنى كلام كتير اوى
على / انا ابدا ابدا والله
ندى / انا اسفه بس انا بقالى كتير اوى مستنيزحه انك تعمل اى حاجه بس انت مش معبرنى خالص
على / انا ؟؟؟ لا انا
ندى / ايه مش هنقعد و لا ايه يلا تعال
ندى تمشى و على واقف بيبص عليها تبص وراها و تشاورله تعال يجرى وراها و يروحوا يقعدوا و تفتح الكيس و تطلع ساندوتش
و تعزم على على يهز راسه لا
على / شكرا كلى انتى
ندى / دا حتى طباخ السم بيدوقه
على / ههههههههههههههههه مش جعان
ندى / ماشى تحب نبدا منين بقى
على / نبدا ايه
ندى / مش عارفه بصراحه عمرى ما اتحطيت فى موقف زى ده مش عارفه بفكر فايه و بصراحه البت نهى بهدلتنى لما حكيتلها
على / بهدلتك ليه
ندى / يعنى انا معرفكش معرفش انا زى عملت كدا مش عارفه انا ازاى قاعده معاك اصلا حقيقى مش مصدقه بس انا اصلا دى مشكلتى مبفكرش خالص بعمل اللى بحسه و بس
على / احلى حاجه فيكى
ندى / احلف
على / والله
ندى / احلف انك مش شايفنى بت شمال
على / والله ابدا … اقسم بالله مفنيتى اى حاجه وحشه نحيتك انا اصلا عمرى محاولت اقرب من بنت عمرى مبصيت لبنت غيرك اصلا
ندى / اشمعن انا
على / المفروض انا اللى اسال اشمعن انا يعنى بصى لنفسك انتى الف … مليون من يتمناكى لكن
ندى / لكن ايه
على / يعنى مين انا عشان تبصيلى اصلا
ندى / بتتكلم كانى انجى و انت على ابن الجنينى
على / بالنسبالى كدا … بس بما ان الموضوع اتفتح ليه انا ليه ادتينى رقمك انا من زمان نفسى اكلمك حتى بس عمرى متجرات عمرى محلمت حتى باللحظه دى… لا الحقيقه حلمت و كتير كمان بس عمرى مفكرت انها ممكن تبقى حقيقه
ندى / هو انا ممكن اثق فيك بجد يا على
على / اكيد
ندى / انا مش عارفه انت فاكر و لا لا بس زمان اول مسكنا فى البيت يوم العزال ماما طبعا ملحقتش تعمل اكل انا كنت فاولى اعدادى بابا ادانى فلوس و قالى انزلى اشترى سندوتشات و نزلت و الناس كانت زحمه اوى فضلت واقفه بعيد ابص عليك و انت بتشتغل و اقول اكيد الواد ده بياكل ببلاش
على / هههههههههههههههههههههههههههه
……………………………….
بعيد شويه عمر و غاده ماشيين عمر يقف و يبص على على و ندى غاده تاخد بالها
غاده / حلوه فعلا تحب اخطبهالك
عمر يبصلها
عمر / هههههههههههه انا ببص على اخويا على فكره اللى قاعد معاها
غاده / سورى مكنتش اعرف
عمر / عمرى مشوفته مبسوط اوى كدا
غاده / عقبالك
عمر / قولى يارب يلا هنتاخر
غاده /يلا
………………………………
عند على
على / هههههههههههههههههههههههههه
ندى / متدحكش عليا
على / اسف
ندى / المهم الزحمه فكت و انا فضلت سرحانه لقيتك جيلى بتقولى البون يا انسه
على / مش فاكر خالص
ندى / انا فاكره اديتهولك روحت انت تعمل السندوتشات و انا لزقت فى البتاعه اللى انت بتشتغل عليها و اتفرج لقيتك بتزقنى و تقولى حاسبى هتتلسعى
على يبتسم
ندى / دى كانت اول مره اشوفك بس احنا عندنا الشقه صغيره اوى يعنى اوضتين و صاله و اوضتى حر جدا حتى المروحه زباله زى قلتها فانا بقيت بزاكر فى البلكونه طول الصيف عشان صوت التليفزيون بيدايقنى
على / التليفزيون بيدايقك و الشارع لا
ندى / لا مبيدايقنيش فى الاول كان بيدايقنى بس بعد كدا لا لقيت فى الشارع حاجات حلوه اوى
على / زى سيخ الشاورما صح
ندى / ههههههههههههههههههههههه لا طبعا الشاورما دى كانت مجرد حجه
على / بتهزرى
ندى / ابدا و الله انا لما بقيت بشوفك فى البلكونه كنت دايما حزين و ساعات كنت بتعيط مكنتش عارفه فيك ايه كان نفسى اسالك مالك
على / صحيح يوم مكنتى بتعيطى كان ليه
ندى / مجبتش مجموع فثانوى و بابا زعل
على / الحمد لله
ندى / الحمد لله طبعا بس ليه
على / اولا لانى قاعد معاكى اهو شوفى بقى لو كنتى دخلتى طب و لا هندسه كنتى عليتى اكتر مانتى عاليه
ندى / صحيح انت عندك كام سنه
على / 24
ندى / و لسه فى الكليه
على / لا انا سبت التعليم فتره و اشتغلت و لما عمر اتعين شجعنى انى اكمل
ندى تبتسم
على / انا بشتغل من و انا 12 سنه على فكره
ندى تبتسم اكتر
على / انا مش فاكر الموقف اللى قولتيه بس فاكر يوم كنتى مع صحباتك و بتدحكى بصوت عالى يوميها انتبهتلك و فاكر اكتر لما كنتى هتقعى و انتى بتحدفى المفتاح
ندى / ههههههههههههههههههههههههه انت لسه فاكر الخضه على وشك كانت رهيبه
على / انتى بالنسبالك عادى بتلاقى نفسك زهقانه بترمى نفسك مالبلكونه خميس و جمعه و لا ايه
ندى / ههههههههههه لا طبعا هو انا هبله عشان اموت كافره
الابتسامه من على وش على تروح
على / تموتى كافره ؟؟
ندى / طبعا اللى بينتحر بيموت كافر دا الاكتر من كدا ان اللى بينتحر ده بيفضل يتعذب لحد يوم القيامه ماما مره قالتلى ان اللى بيرمى نفسه من عالكوبرى بيفضل لحد يوم القيامه يقع من عالكوبرى
على يقوم يقف و تايه
ندى / على !!!
على / انا اسف انا لازم امشى
ندى / على …. على
على يسيبها و يجرى
……………………………………….
فى قاعه ندى قاعده مع بنت
البنت / شوفتى عشان متبقيش تسمعى كلامى تانى
ندى / مبيردش برده
البنت / و لا عمره هيرد انا قولتلك انتى ربطتى حبل حوالين رقبتك و اديتهوله فى ايده و اهو هيسحبك وراه زى الجموسه
ندى / على مش كدا
البنت / انتى تعرفيه اصلا دى اول مره تتكلموا تعرفى عنه ايه اساسا انا قولتلك من الاول مفيش بنت تعمل كدا دلوقتى يروح لابوكى و يوريله رسايلك و ابوكى يقتلك
ندى / على ميعملش كدا
البنت / الرجاله كلهم زى بعض هو مبيحبكيش هو بيتسلى بيكى عمره حاول يكلمك قبل كدا عمره حتى عمل اى حاجه تقول انه بيحبك انتى اللى طول الوقت عملاله قيمه و هو مقشف اصلا
ندى / انتى غلطانه غلطانه
ندى تقوم و تمشى و البنت تنفخ
………………………….
فى مسجد
على / انا حكيتلك كل حاجه قولى ارجوك اختى ماتت كافره
الشيخ / يابنى مش محتاجه فتوه اللى بينتحر بيموت كافر
على / يعنى ايه يعنى اتعذبت فى الدنيا كل ده و هتتعذب فى الاخره كمان
الشيخ / ادعيلها يابنى ربنا يغفرلها
على / انت اكيد غلطان انا متاكد انها….
الشيخ / ربنا غفور رحيم يابنى و هو الوحيد اللى يقدر ….
على يسيب الشيخ و يقوم يمشى تليفونه يرن يبص فيه و يكنسل و يمشى ثوانى وواحد يخبط فى كتفه
على / انا اسف
الراجل / انت كويس يابنى
على يبص للراجل و ميقدرش يرد
الراجل / انت كويس انت …
على يقع فى الارض و الناس تتلم عليه يغمى عليه
…………………………
فى البيت عند ندى
ندى تدخل تلاقى ابوها و امها بيتخانقوا
امها / انت ايه مبتستحيش مبتحسش كل حاجه تعمل عليها مشكله فالح بس لما اى واحده تتصل بيك ترمى اللى وراك و اللى قدامك و تنزل زى الدلدول
مصطفى يلطشها بالقلم تقع فى الارض و ينزل فيها ضرب
مصطفى / انا دلدول يا عديمه الربايله يا زباله الشوارع يا ….
مصطفى يرفع راسه يشوف ندى واقفه بتعيط يقف و يعدل نفسه و امها تقوم
امها / انتى جيتى يا ندى خير جيتى بدرى
ندى / عندى صداع انا داخله انام عن اذنكوا
ندى تدخل الاوضه و تقفل الباب و تنام فى السرير بهدومها ابوها يخبط و يدخل
مصطفى / سلامتك يا قلبى مالك
ندى تبصله و تسكت
مصطفى / لو جعانه انزل اجيبلك سندوتشات الشاورما اللى بتحبيها تتصبرى على مامك تعمل الغدى
مصطفى يبص فى الارض و يسكت
…………………………
ندى / انا عاوزه انام
مصطفى / هى اللى عصبتنى هى اللى
ندى تنام و تشد الغطا على راسها و تعيط
مصطفى / مش هعمل كدا تانى اوعدك انى هتحكم فى اعصابى بعد كدا اوعدك يا ندى انى مش هعمل كدا تانى
ندى تقوم تقعد و هى بتعيط
ندى / كل مره تعمل كدا اوعى تفتكر انى مباخدش بالى اوعى تفتكر انى بصدق انها خبطت راسها فى الكومدينو و هى نايمه زى مبتقولى انا معدتش صغيره انا بقيت بفهم كل حاجه
مصطفى يطبطب عليها و يخرج و هى تنام و هى بتعيط
- يتبع الفصل التالي اضغط على ( رواية سلف و دين ) اسم الرواية