رواية هلاك العشق الفصل الاول 1 - بقلم الاء محمد

 رواية هلاك العشق الفصل الاول 1 - بقلم الاء محمد 

رواية هلاك العشق الفصل الاول 1

كانت لابسه فستانها وداخله مع حب حياتها اوضتهم ف الاوتيل بعد ما اتجوزوا .. دخلوا وكانت ابتسامتها مرسومه علي وشها لكن فجأة اختفت لما سمعت اللي هو قاله .. 

زياد بقسوة / اسمعي بقي .. انتي هتفضلي هنا في الاوتيل ده وانا همشي وهجيلك بعد نهاية الأسبوع اللي حجزته .. 

هاجر بصدمه / انت بتقول ايه يا زياد .. انت رايح فين .. 

زياد / ملكيش دعوة انا رايح فين .. المهم خليكي هنا و انا هجيلك بعد ما الزفت يخلص وأياكي حد من اهلنا يعرف اي حاجة .. فاهمه ..

هاجر مسكت فيه / استني بس .. انت ليه بتعمل كده .. طيب انا زعلتك ف حاجة ..  

زياد زقها بعيد عنه / قولتلك ابعدي عني ... انتي ايه لازقه .. معندكيش كرامه .. واحده جوزها بيقولها مش عايزك ومش طايقك ف ليلة دخلتهم .. يبقي اي .. 

هاجر بصتله بعدم تصديق وفضلت تهز دماغها بلا وبعدت عنه ف هو قال .. 

زياد / متتحركيش من الاوضه الا ف أضيق الحدود ولو حد كلمك وسأل عني قوليلهم اي حجه وانا هبقي اكلمهم.. 

سابها وخرج وقفل الباب بعنف .. دموعها نزلت .. كانت بتعيط بحرقه اوي .. اسعد يوم ف حياة اي بنت بقي اسود يوم ف حياتها .. فضلت تعيط لحد ما نامت مكانها .. صحيت من النوم ودخلت غيرت هدومها ومسكت الفون وكلمت مامتها .. 

هاجر بدموع / ماما وحشتيني اوي .. 

الام / صباحية مباركة يا حبيبتي .. اي ده مالك يا بت بتعيطي ليه .. 

هاجر/ زياد يا ماما .. 

الام / ماله.. 

هاجر حكت لامها اللي حصل/ وانا مش عارفه اعمل ايه مقدرش ارجع البيت يا ماما الناس هتقول عليا ايه ..

الام / يا حظك المنيل يا بنتي .. يا شماته مرات عمك فيا .. اسمعي يا بت انتي فعلا مينفعش ترجعي دلوقتي .. انا هحولك فلوس ع حسابك تصرفي منها أما نشوف الموضوع هيرسي علي ايه .. وانا هتصرف ف الباقي ..

هاجر / حاضر يا ماما ..

قفلت مع امها وفضلت تعيط .. مر يومين وهاجر مش بتأكل او بتشرب وحابسه نفسها ف اوضتها وهتتجنن مش عارفه سبب تصرف زياد لحد ما قررت تنزل تتمشي شوية .. لبست فستان اسود وفضلت تتمشي علي البحر لحد ما لمحت حاجة صدمتها وكسرت قلبها .. 

زياد / حبيبتي البسي الجاكت عشان الجو برد اوي ...

شيماء / تسلملي يقلبي .. خد كل دي بقي مني .. 

زياد / تسلم ايدك .. 

كانت شيفاهم ومش مصدقه .. مين دي وبتعمل اي معاه .. معقوله سبها ف ليلة دخلتهم بسبب دي .. دموعها نزلت وجريت عليهم .. 

هاجر / زياد انت بتعمل اي هناا.. ومين دي .. معقوله دي اللي سايبني عشانها .. سايبني انا مراتك وقاعد مع واحده شم.ال .. 

زياد ضر.بها بالقلم وقال بغضب / اخرسي .. دي مراتي و قبلك كمان .. هي الأصل وانتي الصورة .. هي الأساس انا بحبها هي ومعاها هي .. 

هاجر بصتله بصدمه وسابته وجريت وهي بتعيط .. 

شيماء بصتله بخبث وتصنعت العياط / شوفت يا حبيبي نتيجة اننا خبينا بيتقال عليا ايه .. ده يرضيك !

زياد حط ايده علي وشها ومسح دموعها / حقك عليا انا يا قلبي .. انتي عارفه اني لو أطول اقول للدنيا كلها انك مراتي بس ابويا لو عرف مش هينفذ وعده ليا .. 

شيماء حضنته وقالت بخبث / عارفه يا حبيبي واديك شايف انا بضحي بأيه .. 

عند هاجر دخلت الاوضه وفضلت تعيط بحرقه كانت حاسه ان روحها بتتسحب منها وقلبها اتفتت .. زياد كان حب حياتها اللي كانت بتدعي بيه ف كل صلاه يعمل فيها كده .. وافتكرت موقف ليهم وهما صغيرين .. 

فلاش .. 

هاجر / زياد انت ممكن تبعد عني وتصاحب واحده تانيه .. 

زياد/ لا طبعا يهاجر انا مش هسيبك ابدا .. 

هاجر / بس انت كنت بتلعب مع البنت التانيه دي وسايبني.. انا زعلانه منك .. 

زياد / عادي انا كنت بلعب معاها عشان كانت لوحدها .. ومهما لعبت مع بنات هتفضلي انتي صحبتي اللي بحبها وهاجي العب معاها .. 

هاجر / وعد .. 

زياد / وعد .. 

بااك ..

هاجر / مطلعتش قد وعدك يا زياد .. طلعت كداب اوي .. 

وفجأة زياد دخل عليها الاوضه بغضب .. 

زياد/ انتي ايه اللي عملتيه ده ! 

هاجر وقفت وقالت بغضب / انا برضه ولا انت ! لما انت مش عايزني ومش بتحبني اتجوزتني ليه .. 

زياد / اخرسي خالص .. و اه مش بحبك ولا عمري حبيتك انا اتجوزتك عشان مصلحتي وبس .. ابويا شرط عليا اني اتجوزك عشان يدفعلي فلوس المشروع بتاعي .. لكن حبيبتي ومراتي هي هند .. إنما انتي ولا حاجة .. سامعه .. 

هاجر بصدمه / مصلحه ! انت ايه اللي بتقوله ده .. وانا اللي كنت بقول هو ليه بيعمل كده وليه مش مهتم بيا ولا بيكلمني و كنت بقول تلاقيه مضغوط في الشغل ولا فيه حاجة مضيقاه .. 

زياد بتريقه / لا نبيهه .. انتي يا ماما كنتي شايفه كل حاجة وعارفه اني مش بحبك لكن رفضتي تواجهي نفسك بالحقيقه دي لان ساعتها كنتي هتضطري تسبيني .. وانا بالنسبالك انتي وامك عريس لقطه مترفضش .. مصدقتوا طبعا.. 

هاجر حطت ايدها علي ودنها / اسكت اسكت .. انا كملت رغم كل حاجة لأني كنت بحبك وعندي استعداد اتحمل اي شي عشانك لكن واضح اني كنت غلطانه .. انت انسان اناني و مش بتفكر غير ف نفسك .. 

زياد / احسبيها زي ما تحسبيها .. المهم ان كل واحد فينا خد اللي عايزة من التاني.. انتي اتجوزتي جوازه كل قرايبك وصحاب ييحسدوكي عليها وانا هاخد فلوس المشروع بتاعي واتجوزت حبيبتي .. غير كده متننظريش مني حاجة .. واتفضلي معايا بقي عشاه تعتذري لهند .. 

هاجر / نعم ! لا طبعا مستحيل.. 

زياد قرب منها ومسكها من دراعها بعنف / هتيجي معايا وهتعتذري يا اما والله اطلقك دلوقتي وافضحك وانتي حره .. 

هاجر بصتله بانكسار .. طلاق .. طلاق ايه .. الناس هتقول عليها ايه .. لقيت ان مفيش قدامها غير انها تعتذر .. 

هاجر بكسره / حاضر هعتذر .. 

خرجت معاه لاوضه هند اللي كانت قريبه اوي من اوضتها .. ابتسمت بسخرية للدرجادي مش فارق معاه انها تعرف .. للدرجادي بايعها ومستهتر بمشاعرها .. وصلوا عند الاوضه و زياد فتح الباب ودخل ينادي هند .. وبعدين خرجوا وكانت ماسكه فيه اوي وبتبصلها بانتصار .. 

زياد / حبيبتي هاجر جاية تعتذرك .. وبص لهاجر .. 

هاجر/ انا .. انااا .. انا اسفه..

شيماء ابتسمت بسماجة / لا يا حبيبتي ولا يهمك انا عارفه انك مكنتيش عارفه .. ومش زعلانه منك واتمني نبقي صحاب.. 

هاجر/ ان شاء الله.. 

زياد / طبعا مش محتاج اقولك ان ابويا ميعرفش اي حاجة عن الموضوع ده فاهمه .. 

هاجر / بعد اذنك .. 

هاجر مشيت ونزلت قعدت على البحر وهي بتعيط لحد ما قررت قرار ومسحت دموعها و مسكت الفون .. 

هاجر/ ايوا يا ماما .. 

الام / ايوا يا هاجر .. عملتي ايه .. 

هاجر/ طلع متجوز يا ماما .. متجوز واحده تانيه غيري وقبلي كمان .. انا قلبي وجعني اوي .. 

الام / يا ميله بختك يا بنتي .. منه لله البعيد كسر فرحتك ..

 

هاجر / ماما انا لازم اتصرف .. لازم ارجع زياد ليا .. مستحيل اسيبه لواحده تانيه .. 

الام / وهتعملي اي يعني .. 

هاجر / هقولك بس عيزاكي تنزلي لعمو حسين تحت وتقوليله اللي حصل بالظبط وتخليه ميعملش اي تصرف واني هتكلم معاه أول ما ارجع ومحتاجة مساعدته.. 

الام ضحكت / استر يارب ناوية على ايه يا مصيبه .. 

هاجر/ ولا حاجة هعرفه واعرفها ازاي يضحكوا عليا ويستغفلوني .. 

قفلت مع امها ومسحت دموعها وقررت انها هتنتقم منهم .. قعدت شوية وطلعت اوضتها ونامت .. أما عند شيماء وزياد .. 

زياد / يلا عشان ننام يا شوشو.. 

شيماء / هاا لا يا حبيبي نام انت انا هقعد شوية عشان اكلم ماما وحشتني اوي .. 

زياد / طيب انا هنام .. تصبحي علي خير .. 

شيماء / وانت بخير .. 

فضلت شوية لحد ما أتأكدت ان زياد نام ...و خدت المفتاح ونزلت من الاوضه راحت الجنينه .. 

شيماء كانت بتتكلم ف الفون / الو .. انت فين .. اه اه شوفتك .. 

مجهول/ ها كل حاجة تمام .. 

شيماء / .. الموضوع شكله هيبوظ مراته عرفت وممكن تحكي لابوه .. 

مجهول/ نعم .. لا ده لو ابوه عرف هيحرمه من الفلوس ونبقي طلعنا من غير حاجة.. 

شيماء/ طيب اعمل اية .. 

مجهول / اتنحنحي عليه واتدلعي كده ومتخلهوش يركز ف حاجة وانا هتصرف .. 

شيماء / حاضر انا لازم امشي احسن يصحي وميلاقنيش .. 

مجهول/ طيب سلام ..  

سابته وطلعت الاوضه تاني و راحت نامت .. 

جه تاني يوم وكانت هاجر واقفه قدام المرايا بتحط ميكب .. بصت لنفسها بانتصار وقالت / متقلقيش كل حاجة هتبقي تمام .. 

نزلت من الاوضه وراحت قعدت ف المطعم و زياد وشيماء كانوا قاعدين علي الترابيزة اللي قدامها واول ما دخلت عيون الكل بقيت عليها .. 

شخص/ أوباا شايف القمر اللي دخلت دي ..

 

شخص ٢ / يخربيتها جميلة اوي.. 

زياد سمع كلام الشباب دي وكان مضايق .. 

شيماء / مالك يا زياد ! 

زياد بتوتر / هاا لا ابدا.. بس خايف حد يعرف انها مراتي .. 

شيماء/ وفيها ايه أما يعرفوا .. كبر دماغك .. 

زياد / اه طبعا عادي.. 

كملوا اكل و هاجر كمان كانت بتأكل وواخده بالها من بصات زياد عليها .. كانت بتبتسم من وقت للتاني وزياد كان هيتجنن هي ازاي بقيت كويسه كده من امبارح .. المفروض بعد اللي عرفته تبقي منهارة .. كانت بتاكل لحد ما زياد ما اتفاجت بزياد بيقرب منها وبيشدها وراه بعنف وخدها برا المطعم .. 

هاجر شدت ايدها منه / انت اتجننت ازاي تشدني كده .. 

زياد بعصبيه/ وانتي ايه اللي بتعمليه ده .. مين سمحلك تنزلي من الاوضه وايه اللبس اللي انتي لبساه ده .. 

هاجر / لا ما انا مش جايه هنا اتحبس .. انا من حقي انزل اخرج اشم هوا .. و انت خليك ف حالك مع مراتك وملكش دعوه بيا زي ما قولت .. 

زياد بعصبيه / مهما كان انتي مراتي وعلى اسمي ومسمحش ابدا ان الشباب تقعد تبصلك كده وتتملي ف جمالك.. ولا انتي عاجبك نظراتهم دي .. 

هاجر / روح لمراتك يا زياد وخليك معاها .. ولو سمحت ملكش دعوه بيا يا اما هنزل القاهرة وساعتها ابقي فسر الموضوع لعمو حسين .. 

زياد قرب منها وقلع الجاكت بتاعه وحاطه علي كتفها وقال بهدوء ربكها/ انا مبتهددش .. وأياكي تاني مرة اشوفك نازله باللبس ده .. سامعه.. 

سابها ومشي وهي اتنفست بعمق وابتسمت وطلعت لاوضتها .. أما زياد رجع المطعم ملقاش شيماء ف طلع الاوضه وهو متعصب ..

شيماء بعصبيه/ انت ازاي تسيبني كده وتروحلها .. 

زياد / شيماء انا مش ناقصك بجد .. مهما كان هي مراتي .. 

شيماء / انت مش قولتلي انه هيبقي جواز علي ورق .. وان هي ولا اي حاجه بالنسبالك مالك بقي غيران كده لي وهتتجنن أما سمعت الشباب بيعكسوها.. 

زياد / انا مش غيران بس برضه طول ما اسمها علي اسمي هي تخصني ومقبلش عليها اي حاجة مهما كانت .. 

شيماء بخبث / خلاص طلقها من غير ما حد يعرف ولا حتي هي لكن كل شوية تقعد تسيبني وتروحلها يبقي لا بقي .. 

زياد حاول يهدي نفسه وقال / طلاق اي بس يا شيماء .. ابويا راجل ذكي جدا جدا وممكن يعرف ده انا حاسس انه شاكك فيا اصلا .. عشان كده عايز اكلمه فيديو كول معاها عشان يبقي متأكد ان كل حاجة تمام .. 

شيماء / ايوا بس ده مكنش اتفاقنا.. 

زياد / معلش يا حبيبتي.. يرضيكي كل حاجة تتكشف وابويا ميرضاش يديني الفلوس .. 

شيماء قالت بسرعه / لااا .... لا طبعا .. خلاص يا حبيبي اعمل اللي انت شايفه صح .. لو كده روج فعلا كلمه دلوقتي عشان مش يشك .. وانا اصلا عايزة اقولك اني عايزة القاهرة انزل عشان ماما وحشتني اوي .. 

زياد باستغراب / تنزلي القاهرة ! دا احنا مكملناش اسبوع .. وانا مقدرش انزل دلوقتي هيشكوا فينا .. 

شيماء/ خلاص يا حبيبي خليك انت هنا معاها ويومين وانزل باي حجه .. اسفه بس فعلا محتاجه ماما .. 

زياد باستسلام / تمام يا قمري.. انا هخرج بقي اروح عشان اكلم ابويا واطمنه .. 

شيماء بدلع/ تمام روح وانا هجهز الشنطه بتاعتي و هستناك تزصلني المطار .. 

زياد خرج وراح لاوضه هاجر وقعد يخبط ومحدش فتح ف فتح بالكارت بتاعه و دخل وكانت شيماء خارجة من الحمام ولابسه كاش قصير اوي .. ف فضل واقف مصدوم من جمالها .. 

هاجر/ احم .. انت جاي ليه يا زياد.. وازاي مخبطش قبل ما تخش .. 

زياد قرب منها وقال بتوهان/ انتي حلوة اوي .. 

هاجر بتوتر / لو سمحت اخرج عقبال ما ألبس واخرجلك وجودك هنا ميصحش.. 

هاجر جت تخش الحمام تاني ف زياد مسكها وقرب منها .. 

زياد / انا جوزك علي فكرة.. وعادي اصلا اني اكون موجود هنا وعادي اني اشوفك باللبس ده .. 

هاجر زقته وقالت بحده / لا مش عادي تكون هنا .. ولا عادي انك تقرب مني كده اصلا .. 

هاجر دخلت الحمام تاني وفضلت تعيط كانت حاسه انها مجرد سلعه بالنسباله .. اشتراها وعايز يحتفظ بيها يقرب وقت ما يعوز ويبعد وقت ما يعوز .. أما زياد كان قاعد برا علي الكنبه مش فاهم اي اللي حصله وقت ما شافها وازاي حس ان عايز يكون قريب منها ..

 

فضل قاعد شوية لحد ما خرجت وهي لابسه لبس خروج وقعدت علي الكنبه اللي قصاده .. 

هاجر/ كنت عايز اي يا زياد .. 

زياد / احم كنت عايز نكلم بابا فيديو كول مع بعض عشان ميشكش فينا .. مهما كان انتي عارفه ان بابا صعب ولازم يشوف بعينه اننا مبسوطين عشان يصدق .. 

هاجر ابتسمت بسخرية / عارفه .. خلاص نكلمه دلوقتي .. 

زياد / هننزل تحت احسن نكلمه من علي البحر ..

نزلوا وكلموا والد زياد ..

هاجر/ ازيك يا عمي .. انت كويس ..

الاب / انا تمام وانتوا .. اوعي تكون الواد ده مزعلك.. 

زياد قرب منها وباس راسها / وانا اقدر برضه يا بابا.. دي هاجر ف عيني وف قلبي .. 

هاجر / ايوا يا عمي ده زياد حنين معايا اوي وبنحاول دايما يراضيني .. 

الاب / ربنا يسعدكوا يا ولاد.. يلا سلام بقي .. 

هاجر / سلام يا عمي .. 

قفلوا الفون وزياد ابتسم وبصلها ..

 

زياد / انا متشكر اوي يا هاجر.. 

هاجر/ انا معملتش كده عشانك انا عملت كده عشان عمي انا عارفه انه تعبان ومش هيتحمل لو قولتله حاجة .. وعموما خلاص انا لقيت حل .. 

زياد باستغراب/ حل اي .. 

هاجر/ هنتطلق بعد ٦ شهور .. تكون اخدت فلوس المشروع بتاعك وانا كمان اكون قعدت مده معاك عشان محدش يتكلم عليا .. بعدها هنتطلق وانت تشوف حالك وانا اشوف حالي .. 

زياد بارتباك / طلاق! وبعد ٦ شهور ! مش شايفه انها مده قليله .. 

هاجر قالت بسرعه / خالص .. مده كتيره جدا وبعد اللي انت عملته صدقني كان مفروض اطلق ف ساعتها بس سمعتي فوق كل شيء.. 

زياد/ خلاص اللي تشوفيه .. ولو حابه تفضلي عاب زمتي ومنطلقش ابدا صدقيني معنديش مشكلة.. 

هاجر/ نعم! ليه ان شاء الله .. واقعد عمري كله اسمي متجوزه وخلاص .. ليه وانا مش من حقي احب واتحب واكون مع راجل بيحبني بجد ويتمنالي الرضا .. انت للدرجادي اناني ... 

زياد اتضايق انها اتقبلت اللي حصل بسهولة وبتتعامل عادي محاولتش تكلمه ف الموضوع تاني و كمان بتفكر ف الجواز تاني وبتخطط لحياتها بعده .. و جوازها من راجل تاني وحس انها بتاعته ومينفعش تعيش مع غيره بس غير الموضوع وقال .. 

زياد/ أما يخلصوا الست شهور يبقي يحلها ربنا .. 

هاجر / هيخلصوا .. 

جه الليل وفعلا شيماء سافرت وزياد كان قاعد لوحده وقام يقعد ف الفرانده .. لقي شيماء لسه قاعده علب البحر ف ضميره انبه .. 

زياد / يا ترا ممكن اكون ظلمتها .. ممكن اكون جيت عليها .. ما طبيعي توافق ما هي بتحبني وانا عارف ده .. بس انا مش بحبها وف نفس الوقت عايز الفلوس عشان اعمل المشروع.. زياد قرر انه ينزلها ويتكلم معاها .. 

زياد / ممكن اقعد معاكي شوية يا هاجر ..

هاجر ابتسمت / طبعا اتفضل يا زياد.. في حاجة ولا اي ؟ 

زياد قعد علي الكرسي اللي قدامها / بصراحه اه .. انا عايز اعتذرلك علي اللي حصل .. انا حقيقي مكنش قصدي اخدعك واكدب عليكي انا بس اتحطيت قدام الامر الواقع بسبب ابويا.. كمان لازم تكوني عارفه يا هاجر انا عمري ما قلت لك ان انا بحبك.. و 

هاجر قطعته وقالت / حصل خير يا زياد انا خلاص مش متضايقه ونسيت الموضوع ده وخلينا نتفق نكون اصدقاء .. على الاقل عشان نقضي الفتره الجايه في سلام .. 

زياد باستغراب وصدمه / اصدقاء ! انتي شايفه كده انتي شايفه ان الموضوع كان سهل عليكي .. 

هاجر قالت بلامبالاه / ايوه ما انكرش ان في الاول الموضوع كان صعب واتصدمت بس بعد كده عادي انت مش ملزم تحبني ومن حقك تتجوز اللي بتحبها فعشان كده قررت ان انسى كل حاجه .. ولو كنت قولتلي كنت هساعدك اصلا واروح اخطبهالك انا .. 

زياده صدم من كلامها و اتضايق انها بتتعامل كده .. وان الموضوع مبقاش فارق معاها .. ازاي تخطت الموضوع بسهولة كده .. معقوله نسيت بالسرعه دي .. دي قاعده بتأكل و باصه ف الموبايل وبتضحك.. 

زياد بعصبيه / انتي ازاي بارده كده .. هي دي تصرفات واحده اكتشفت ان جوزها متجوز قبلها و سابها يوم فرحها كمان .. 

هاجر / علشان ببساطه الموضوع فعلا ما بقاش فارق معي الحب مش بالعافيه يا زياد وانت اخترت.. ف انا كمان من حقي اختار .. 

زياد / تمام يا هاجر .. 

قام وهو متعصب وهيتجنن من كلامها وتصرفاتها وهي ابتسمت ان خطتها بدات تنجح .. فات اليوم وكل واحد فضل ف اوضته .. 

عند والد زياد .. كانت والدة هاجر قاعده معاه ف كافيه وبيتكلموا.. 

والدة هاجر / يرضيك اللي ابنك عمله ف بنتي ده يا حسين .. أنا بنتي تكلمني يوم صباحيتها وهي مفلوقه من العياط بسبب اللي المحروس عمله .. 

والد زياد / والله يا امال عارف ان ابني غلطان و ظلم هاجر وانا زعلان عليها .. ما انتي عارفه اني بعتبر هاجر زي بنتي واكتر واوعدك هحل الموضوع .. أما كلموني اتعاملت عادي ومحسستوش اني عارف حاجة.. أما اشوف مين البت اللي متجوزها دي وعايزة منه اي .. 

والدة هاجر / أما نشوف.. دي يا حبيبتي قاعده لوحدها ف الاوضه ولا بتاكل ولا بتشرب .. والله لولا انه ابنك وعامله حساب ليك كنت قطعته بسناني ... 

والد زياد / طول عمرك اصيله يا امال والعيبه متطلعش منك ابدا .. 

فضلوا ساكتين شوية لحد ما حسين اتكلم .. 

حسين / مش ناوية بقي تريحي قلبي وقلبك ونلم شملنا .. 

امال بكسوف / يااااه بعد العمر ده كله .. انت عارف رأيي ف الموضوع ده .. مقدرش اخون سعيد بالشكل ده .. 

حسين بعصبيه / سعيد مات من زمان .. افهمي بقي سعيد مات وانتي اصلا مكنتيش بتحبيه ولا مبسوطة معاه ده كان بيضربك كل يوم علقه وانتي كنتي ساكته .. وأما حاولت اساعدك رفضتي .. انتي خايفه من اي .. 

أمال قامت / انا لازم امشي .. 

مشيت أمال وحسين اتنهد وقال / ربنا يهديكي يارب .. 

جه الصبح وهاجر صحيت علي الباب وهو بيخبط قامت تفتح وكانت لابسه لبس عريان اتفاجت بزياد .. 

زياد/ انتي ازاي تفتحي بالشكل ده ..

 

هاجر بصت لنفسها واتكسفت / مختش بالي كنت نايمه وصحيت علي صوت الباب .. ثواني هغير واجي .. 

زياد قرب منها ومسك دراعها جامد / المنظر ده مشفكيش فاتحه بيه تأني فاهمه ..

هاجر خافت منه بس مبينتش / طيب سيبني بقي .. 

زياد سابها و هاجر دخلت بسرعه غيرت وزياد دخل الاوضه وفضل قاعد مستني .. شوية وهاجر خرجت وقعدت علي الكرسي اللي قدامه.. 

هاجر/ ايوا كنت جاي ليه .. 

زياد / بابا كلمني وقال نرجع عشان فيه حاجات ف الشغل فيها مشاكل .. 

هاجر/ خلاص ننزل .. هجهز الشنطة وانت جهز العربية.. 

زياد / تمام .. 

هاجر جهزت الشنط و نزلت وركبوا العربية وكانت طول الطريق ساكته وباصه للشباك .. 

زياد/ اعملي حسابك هيبقي فيه نظام .. تلت ايام عندك وتلت وأيام عند شيماء عشان مبقاش ظلمتك برضه .. 

هاجر ابتسمت/ لا عادي خلي كل الايام عندها وانا متنازله عن حقي مفيش مشكلة يعني .. 

زياد/ انا عمري ما شوفت كده .. انتي ايه لوح تلج مش بتحسي .. 

هاجر/ لا بحس .. بس منتظر مني اي مش فاهمه.. منتظر اني اعيط واقولك لا طبعا ازاي تعمل فيا كده .. انا مش فاهمه انت عايز اي .. عملت فيا كل ده ورغم كده قولت عادي و اللي حصل حصل وبحاول اتأقلم وانت كل اللي بتفكر فيه اني مش بحس .. 

زياد / انا مش قصدي بس يعني .. 

هاجر قطعته / خلاص يا زياد قفل علي الموضوع ده .. 

زياد سكت ومتكلموش تاني لحد ما وصلوا و طلعوا علي بيت والد زياد الأول لان شقتهم ف نفس العمارة... 

حسين / حمد لله علي السلامه يا ولاد .. انبسطوا .. 

زياد مسك ايد هاجر/ اوي يا حج والله .. ولولا الشغل كنا قعدنا شوية كمان.. 

حسين / سامحيني يا بنتي بس الشغل فيه مشاكل كتير ولازم تتحل .. 

هاجر/ متقولش كده يا عمي .. تتعوض بإذن الله .. 

فضلوا قاعدين من والد زياد بيتكلموا ويضحكوا .. 

حسين/ يلا اطلعوا بقي استريحوا من السفر ومن بكرا الصبح تكون ف الشغل يا زياد .. 

 

طلعوا بيتهم واول ما دخلوا.. 

هاجر / انا هنام ف اوضه الأطفال وانت ف اوضه النوم .. 

زياد / ماشي بس لو مامتك جت الصبح هنقولها اي .. 

هاجر/ متقلقش أنا هتصرف .. 

زياد/ تمام .. 

كل واحد دخل اوضته وزياد مسك الفون وكلم شيماء .. 

زياد / حبيبتي لنا رجعت القاهرة .. 

شيماء / طيب ليه مش قولت هتقعدوا كام يوم .. 

زياد/ ابويا كلمني وقالي ان فيه مشاكل ف الشغل ولازم ارجع .. 

شيماء/ مشاكل اي .. يعني مش هيديك الفلوس .. 

زياد / لا طبعا متقلقيش مشاكل بسيطه كده وبتتحل .. انتي قولتيلي صحيح هتخلي قريبك يجيب ورق المشروع ولحد دلوقتي مجابوش .. 

شيماء بتوتر / اصل .. يعني هو بس مشغول شوية واول ما يفضي هيجيبه.. 

زياد / تمام يا حبيبي .. المهم بقي انتي وحشتيني اوي.. 

شيماء بدلع/ وانت كمان يا حبيبي .. كان نفسي تبقى معايا دلوقتي.   

زياد / وانا كمان يا قلبي.. 

فضلوا يتكلموا طول الليل وناموا.. وزياد صحي الصبح لبس ونزل الشغل .. وهاجر نزلت عند والد زياد .. 

هاجر/ صباح الخير يا عمي .. 

حسين / صباح النور يا هاجر.. تعالي اقعدي معايا عايزك .. 

هاجر/ عارفه هتتكلم معايا ف اي .. 

حسين / انا اسف يا بنتي والله انا عملت كده عشانك وعشانه.. 

هاجر/ انا بس عايزة افهم اي اللي حصل .. 

حسين / هحكيلك .. 

فلاااش .. 

زياد/ انا عايز اتكلم معاك ف موضوع يا حج.. 

حسين/ قول ف اي ايه .. 

زياد/ انا عايز اتجوز ..

حسين بفرحه / بجد .. الف مبروك يا ابني وعروستك عندي بنت حلال ومؤدبه ومتعلمه ومن مستوانا .. 

زياد / بس انا لقيت العروسه خلاص يا بابا ..كانت زميلتي ف الجامعه وكويسه اوي واهلها ناس طيبين بس علي قد حالهم .. 

حسين / لا طبعا مش موافق.. مين دي و بعدين تضمن أخلاقها منين وتضمن منين انها مش طمعانه فينا .. 

زياد / انا واثق فيها يا حج .. ولو شوفتها هتغير رايك والله .. 

حسين بعصبيه/ مش هشوفها ومش هغير رايي يا تتجوز البنت اللي انا اخترتهالك يا تنسي فلوس المشروع اللي انت عايز تعمله وكمان هكون غضبان عليك .. 

زياد / بس كده ظلم يا حج .. أنا من حقي اختار شريكه حياتي بنفسي .. والبنت التانيه دي انا معرفهاش وانا مستحيل اتجوز بالطريقه دي .. 

حسين / لا تعرفها العروسه تبقي هاجر بنت امال قريبتي .. وهي دي اللي هتتجوزها .. غير كده انسي كل حاجة.. فكر كويس ..

باااك .. 

حسين / وبعد كام يوم لقيته جي بيقولي انه فكر وموافق .. والله يا بنتي كنت بحسبه عقل وحسبها صح اتفاجت انه عمل كده.. 

هاجر/ انا مش زعلانه منك يا عمي انا عارفه انك كنت عايز مصلحته .. بس انا بقي عيزاك تساعدني.. 

حسين / طبعا يا بنتي قوليلي اي اللي ف دماغك .. 

هاجر فضلت تتكلم مع والد زياد شوية وبعدين طلعت شقتها و قعدت تتفرج علي التلفزيون .. وشوية ومامتها جتلها وفضلوا قاعدين مع بعض..

أما عند زياد فضل طول اليوم ف الشغل بيظبط كل حاجة وبيحل كل المشاكل بهدوء وذكاء واول ما خلص راح لشيماء بيتهم .. كانوا قاعدين مع بعض ف اوضتهم علي السرير.. 

شيماء بدلع / وحشتني اوي يا قلبي .. متتخيلش كنت هتجنن من غيرك .. 

زياد / وانا كمان والله يا حبيبتي.. 

فجأة وهما قاعدين تليفونه رن وكان ابوه خده ورد ... 

حسين / انت فين يا زياد .  

زياد بتوتر / انا انا مع صحابي شوية يا حج..

حسين / حد يسيب مراته وهي لسه عروسه ويروح لصحابه .. معقول ده .. يلا تعالي وعدي عليا قبل ما تطلع .. 

زياد / حاضر يا حج .. قفل الفون وبص لهاجر شيماء اللي كانت بصاله بغيظ .  

شيماء / يعني اي يعني .. هتسيبني وتروحلها .. 

زياد / غضب عني .. اديكي شايفه ابويا كلمني وكمان عايز يشوفني يعني لازم اروح .. 

شيماء / دي حاجة تقرف .. من اولها كده .. وطبعا بعد كده مش هتعرف تجيلي غير بالنهار وتروحلها بالليل عشان ابوك ميشكش .. 

زياد / يا حبيبي ما ده مش بمزاجي.. اصبري بس اخد الفلوس وبعد كده هطلقها اصلا .. 

شيماء/ أما نشوف .. 

زياد لبس و نزل ركب العربية و مشي ... شوية ووصل للبيت ودخل لوالده اللي كان قاعد ف الصاله .  

زياد / خير يا حج .. 

حسين / اسمع بقي السرمحه دي زمنها انتهي .. انت دلوقتي متجوز ولازم تقعد مع مراتك .. انت بتقفل المحلات الساعه ١٠ .. يبقي اخرك ١٢ وتبقي ف البيت .. عندك ساعتين تقضي فيهم مشاويرك وترجع تنام ف حضن مراتك.

زياد / هي اشتكتلك .. 

حسين/ مراتك اصيله ومبطلعش أسرار بيتها برا إنما أنا اللي مش حالك المايل ده من اولها .. 

زياد / حاضر يا حج.. تصبح علي خير..

زياد طلع وهو غضبان وبيتوعد لهاجر.. واول ما دخل البيت رزع الباب ونده علي هاجر.. 

زياد/ انتي يا هانم.. هااااجرر.. 

هاجر جت بسرعه بخضه/ في ايه يا زياد مالك بتزعق كده ليه

زياد بعنف / انتي اشتكيتي لابويا ان انا بقعد وقت كثير بره البيت .. 

هاجر لا طبعا وانا اشتكيله ليه يعني ..

زياد / امال ايه الكلام اللي هو بيقوله لي ده عمال يقول لي لازم ترجع بدري ولازم تقعد مع مراتك انتي اكيد اشتكيتي له ما هو مش هيقول الكلام ده من نفسه .. 

هاجر / محصلش وانت يعني انت شايفني مقطعه نفسي عليك .. دا انا اللي قولتلك خليك معاها طول الوقت .. 

زياد كلامها استفزه / طبعا وأنتي اصلا فارق معاكي اي حاجة.. دا انتي حتي مش معتبراني جوزك ولا بتغيري عليا .. 

هاجر/ والله اللي انت شايفه بقي .. انا زهقت .. 

فات كذا يوم وهاجر وزياد تقريبا مفيش كلام بينهم .. اول ما زياد بيجي من الشغل هاجر بتقوم من غير كلام تجهزله الاكل وتحطه علي السفرة وتدخل اوضتها وتفضل فيها لتاني يوم .. وزياد كل ما يروح لشيماء يتخانق معها خناقه كبيره .. 

شيماء / انا زهقت بقى من العيشه دي انت طول الوقت سايبني لوحدي ومش معايا ومش بتقول لي اي حاجه كمان عن المشروع.. بعد كل اللي عملته عشانك .. 

زياد بعصبيه / طيب وانا اعمل اي يعني.. ابويا عنده مشكلة ف السيولة وقالي اصبر عليه .. 

شيماء / اهاا طبعا وانت مستحليها وعايش مع الهانم ومقضيها .. 

زياد/ احترمي نفسك يا شيماء هي برضه مراتي زيك بالظبط.. وانا مفيش في أيدي حاجة .. 

شيماء/ طبعا وانت بقي عيل صغير مش عارف تاخد موقف مع ابوك ولا تحل حاجة.. خايف منه زي العيل الصفير .. 

 زياد / لا طبعا أنا بحترم ابويا.. وبعدين ازعله ولا اجبله جلطه عشان الفلوس .. وبعدين انا لحد دلوقتي اصلا مشوفتش ورق للمشروع ده ..

 شيماء / وقريبي برضه مش فاضي وعنده مشاكل زي ابوك تمام..

...... زياد / خلاص اما يبقي فيه ورق يبقي فيه فلوس ... انا ماشي ..

...... سابها وخرج وهو مضايق ... مبقاش مرتاح ف حياته من ساعه ما بدا يفكر في المشروع ده و اتجوز شيماء .. رجع البيت واول ما دخل اتفاجئ باللي شافه وسمعه.. 

 •يتبع الفصل التالي "رواية هلاك العشق" اضغط على اسم الرواية