رواية القاسي و نور الصعيد كاملة بقلم سنسن ضاحي عبر مدونة دليل الروايات
رواية القاسي و نور الصعيد الفصل الاول 1
يقف “سيف محمد العادلي” او بالمعني الاصح عمدة بلده وحاميها لايعرف سوي العمل والجد فـِ حياته، يمتلك ملامح وسيمة ساحرة جنونية وعيون كالصقر المتربص بفرائسه، كل شئ و اي شئ اسير تحت قبضته
لايعرف للحب مكاناً لايسكن ف قلبه سوي الكبرياء فقط، لن أنكر ع احدا ان قولت إنه لم يذق حبا ولم يفتح له بابا قارب ع الانتهاء من عامه الثلاثون ولم يتزوج الي الان، لديه سطوة من المال ورجال واراضي واعمال وكل م يملئ فؤاده العمل والتوسه
سيف /اهنه ميسكنش غريب، ولو كان حتي عابر سبيل، انا الحكومة وانا القانون هنا
توتر الرجل الواقف امامه واردف
….. امرك ياجناب العمدة يرجعوا تاني بس، شكلهم غلابة وصعبوا عليا وانا عارف قلبك طيب.
سيف بغضب: ….. بــقولك محدش يسكن اراضينا، تروح تمشيهم وتجبلي شحاته صاحب البيت اللي هياجرهم مطرح من ورايا وكاني طيشة!
…….=هدي نفسك ياعمدة محصلش حاجة وجينا نقولك اها وعمي شحاته كبير مقدرشي يجيلك ولا قدر ياجرهم الل لما نشوف رايك اي الاول ياحضرت العمدة.
لم يزيده هذا الا غضبا فقبض ع عصاه التي تعطيه هيبه ووقار وتحدث آمرا
ــــ اللي جه يمشي اي يجيب ناس من مصر عندي في الصعيد زي ماجم يمشوا ومش هعاقب شحاته بس لو فكر يسكنهم، يحصلهم، البلد هناا بلدي وباسمي خابر ياعزيز
…. خابر، خابر هقوله يمشيهم
******
رقيقة جميلة، حنونة عينان سوداء ملامح بسيطة بلمسة ساحرة تجلس بجانب والدها فـ بيت” شحاته عبد الله”خالها قد جاءو من القاهرة بسبب ظروف خارج عن ارادتهم والدها مصري الهوية ووالدتها من اصل الصعيد، ولاسباب ما قادتهم للاستقرار ف عزبة سيف وهذا الاسم الحقيقي لهذه البلد
شحاته بتوتر /نور ي بتي نورتي الصعيد والله
…..=تسلم ياخالو منور باهله والله.
ــــ والدك لي فترة تعبان والله زعلت ع اللي حصله
=الحمد لله ياخالو ع كل شئ
ـــ بكلمه مش بيرد!
=ماهو مش بيسمع والسماعة باظت هبقي اكشفله واشوف الدنيا.
ــ ربنا يعفو عنه ي بنتي
=خالو انا جيالك هنا عشان انت ملاذي الوحيد، وانا عارفة ان البيت التاني بتاجر ف شقق وكدا لاهالي انا جاية وهنعيش هنا وجاية اتاجر منك والفلوس معايا
ــــ مش موضوع فلوس يبنت اختي، كل الحكاية مش هقدر اسكنك هنا
=ليه بئا؟
ـــــــ عشان دي مش بلدي يانور، ولا انا ليا اني اتصرف من غير مرجع لسيدها
=مش فاهمة ياخالو
ـــــ اسم البلد ايه يانور؟
=اسمها عزبة سيف، ثواني يعني ايه هرجع القاهرة تاني؟
ـــ للاسف يبت اختي! العمدة هنا ليه قانون صارم محدش يسكن غريب كلها اهالي ف بعضها اللي بيخرج مبيدخلش حتي المرحومة والدتك كانت عارفه اكده وده مش من دلوقتي، ده من وقت جده وابوه والعمده ماشي علي نظامهم لايعكرها غريب واللي يخرج بيكون
طريد للابد.
=خالي والنبي هتبهدل ب بابا فين، مش قادره اعيش في القاهره مش قادره والله انا تعبت وكمان لسه بدرس وحاجة اخر تعب والايجار في مصر غلي عليا شوفلي اي مكان وهو مش هيعرف.
ـــــ استغفله يعني، انتي عاوزاني أغفل كبير البلد يانور هتحبيلي الاذية؟
=لأ لا مش قصدي.. ثم اكملت وقد انساقت دموع عيناها… بس ساعدني انا مالييش ضهر ولا سند ياخالو الا انت بعد ربنا والله بابا هيقعد ف الشقة وانا هشتغل ف البيت انا بشتغل اصلا مع ماي واي يعني ع النت وكدا، يعني مفيش داعي لخروجي الا وقت الدراسة واحنا في اجازة اصلا.
ـــ طيب يانور بالليل هاخدك البيت واللهي تنستري انا مالييش حيل للتعب
=لا والله مفيش تعب متقلقش.
****
ـــ جناب سيف بيه
=فيه ايه ياوهدان؟
ــــ جنابك النهاردة ميعاد نزولك مصر!
=خابر
ـــــ وحاجة تاني،كان فـ عركة قبلي الترعة وسيرة جنابك جت اكده
عقد جبينه بغضب واردف
=جت اكده كيف ياواكل ناسك
تحدث بخوف وبدا تعرقه جلياً ع وجهه واردف الرجل
ـــــ ابدا جنابك ده عيل سكران ميتخدش عليه
=بتدافع عنه،نهار ابوك اسود انت وهو
ــــ ابداً جنابك جينا نلحقه ونجبهولك غـ****ـز عوض بمـ**،طوي وفلق بره العزبة
=عاااال قوي وكمان غريب،لا وايه علم عليكم ي نطع منك ليه،وغريب ويعلم علي رجالتي في عزبة سيف العادلي،الغي معاد مصر وانا هتصرف معاكم ومع كل كلب غريب خطي عزبتي
****
انهت “نور”تنظيف الاطباق ف بيتها الصغير واساسه القديم،ثم توجهت ب كوبا من الشاي لوالدها واطمئنت عليه،وبعد ذالك فتحت شباك غرفتها قليلا وجدت الهدوء لا احد ف الشارع اهذا بفعل الشتاء اسكن الناس منازلهم ام ماذا؟منطق غريب الحياة هنا هادئة عكس صخب القاهرة شتان بين هذا وذاك،امسكت هاتفها وغلقت النافذة،ولكن هناك قبضة اعتصرت فؤادها،ف همت بالاتصال بصديقتها شيماء
ـــ شيماء ازيك وحشاني والله
=انتي اكتر ي نور اخبارك اي ف الصعيد
ــــ خايفة هنا هدوء اوي وناس طيبة
=الله يابنت الايه يامحظوظه،نفسي اعيش عندك،وانتي قاعده مع خالك ولا لوحدك
ـــ لا لوحدي
=الله ع الروقان ي نور اشقطيلك حد مز من هناك
ـــــ هو انتي فاكراني ف تركيا ولا اي
=اه صح نسيت دا مفيش حد عليه العين
ــــ ثم انا احتمال مكملش هنا ده انا عندي نار القاهرة ولا جنة هنا يبنتي انا مكاني وخايفة!
=ليه كل ده؟
ــــ مش عارفة انا قاعدة هنا مستخبية اصلا!
وجاء الصباح وكل ماقاله لها خالها تناسته ارتدت ملابسها وجمعت شعرها للخلف،ونزلت قاصدة السوق لتجلب ما نقص من المنزل
استغربت نظرات الناس المتربصة بغرابة لها
…… مين دي
ــ معرفش والله شكلها من البندر
……لع انت مش شايف بتنقي طماطم
ـــ ايوة باينلها ساكنة هنا
……دي ماشية بشعرها!
ــ وهو العمدة سيف عنده علم بكده ي دواهي ياولاد بس شايف زي القشطه كيف
…… شايف صوتها ياوله
ــــ شايف شايف
….. فلق بينا وهدان جاي يطقس اكيد
*****
بغضب اردف
=حرمه بشعرها وبنطلون؟…..
وهدان بخوف /ايوة ي جناب العمدة
=دخلت كيف؟مين هيا!مين اهلها
وهدان/شكلها مش من اهنه واصل شكلها بندريه
=ليلتك سودة انت وهيا
- يتبع الفصل التالي اضغط على ( رواية القاسي و نور الصعيد ) اسم الرواية