رواية سلف و دين كاملة بقلم لولو محمد عبر مدونة دليل الروايات
رواية سلف و دين الفصل الواحد و العشرون 21
فى شقه عمر اخر الليل
أية تحدف نفسها على السرير
عمر / للدرجادى
أية / انا مش هحط ايدى فى قشايه لمده اسبوع و تعمل حسابك تظبطنى دليفرى
عمر / ههههههههههههههههههه بس كدا تؤمرى
أية / ماما كانت زعلانه اوى و انا ماشيه
عمر / بكره تفك
أية / يا ترى الصبح لما هتفتح المحل هتلاقيه مبهدل هو كمان
عمر / هو المحل كلو على بعضه قد ايه يعنى
أية / ما تبقاش قاسى يا عمر
عمر / انتى عارفه فى تحت ايد امك بضاعه بكام عارفه انا سايبلها فلوس قد ايه قاسى ايه يا بنتى انا لو قاسى عليها كنت حاسبتها على الجنيه و اديتها مصروف ما ياكلهاش عيش حاف بس انا مش هعمل كدا عشانك انتى بس على فكره
أية / انت مش فاكرلها اى حاجه حلوه خالص كدا
عمر / فاكر لسه امبارح و هى بتقولى هخلعك
عمر يقعد على السرير جنب أية
عمر / بقولك ايه
أية / لو هتطلب منى اى طلب يخلينى اقوم من السرير انسى انا مش قادره اتقلب حتى
عمر / ههههههههههههههههههههه يا كبدى لا و على ايه انتى مش ناقصه خليكى بدل ما تتكسرى فى ايدى
أية تقوم تقعد
أية / انت كنت هتطلب ايه
عمر / الصحه جت دلوقت نامى ياختى و بكره نبقى نتكلم انا كمان صاحى من بدرى و مش قادر
أية / انا مش فاهمه منك حاجه
عمر / هههههههههههههههه يخربيت عقلك يعنى هكون عاوز ايه يعنى هستغل ان انا و انتى لوحدينا و الشيطان تالتنا و اغرر بيكى طبعا امال انا كان ايه مصبرنى الفتره اللى فاتت غير ان امك كانت بتنام ورا الباب و لا تكونى فكرانى ما كنتش باخد بالى يعنى
أية / المنحوس منحوس يا حبيبى ما تحاولش مش هينفع
عمر / مانا كدا كدا قولت خليها بكره
أية / و لا بكره و لا بعده احنا اتفقنا مفيش دخله من غير فرح
عمر / امتى الكلام ده
أية / ايه زهايمر دا كان اتفاقى انا و انت حتى لو زفه عربيات بس يتعملى فرح هو بعد العيد بيتفت الكحك و لا ايه ليكون مش عاجبك و لا يكون عندك اعتراض و لا حاجه
عمر / لا ما عنديش نستنى لما الاربعين يخلص يعنى هى جت على الكام يوم دول ما انا بقالى ياما اوى مستنى عادى فيها ايه مفيهاش حاجه استنى هتهددينى و لا ايه انا اصلا ما يهمنيش و لا يفرق معايا
أية / هههههههههههههههههههههههههههههههههههه
عمر / وربنا ابدا حلالى اوعى يا بت
عمر ياخد أية فى حضنه و هى بتضحك
………………………………………….
فى شقه امينه
نهاد بتلم هدومها و حاجتها تدخل اوضه امينه نايمه تاخد شنطه الفلوس و تنزل و تقفل الباب بالراحه
………………………………………
تانى يوم فى المخزن تحت بيت حسام
محمد / بتعمل ايه يا حسام يابنى
حسام / بنضف المخزن يا بابا مليان كراكيب ما لهاش لازمه
محمد / قولت لامك انك هترتكب الجريمه دى
حسام / ههههههههههههههههههه مش فاهم ماما ايه حبها فى الازايز و البرطمانات دى كلها دا نص الحاجات اللى هنا ملاهاش تلاتين لازمه
محمد / والله غلبت معاها الله يرحم اما كانت بتملى البيت بيها فى كل حته ما بترميش حاجه لتحتاجها فى يوم اخر ما زهقت قولتلها حطيهم فى المخزن
حسام / دا انا لقيت شنطه المدرسه بتاعه ابتدائى بتاعتى و جواها الكتب
محمد / هههههههههههههههههههههههههه دا اقل واجب
حسام / انا هشوف حد من بتوع الروبابيكيا يشيل الحاجات دى كلها و انضف المكان
محمد / والله انا عن نفسى لا ارى لا اسمع لا اتكلم انت و امك اصطفوا مع بعض انا غلبت معاها فى الموضوع ده
حسام / لا سبهالى انت و انا هقنعها
محمد / اصلا ما حدش بيقدر عليها غيرك صحيح انا هروح لعمك مش عاوز تيجى معايا
حسام / ماله عمى خير
محمد / كويس الحمد لله احسن بس لا بيرد على تليفوناتى و لا راضى يكلمنى
حسام / والله احنا اللى لينا حق نزعل يا بابا والله
محمد / معلش بنته الوحيده برده و اذا كنت انا لسه مش قادر اصدق اللى حصل ابوها هيصدق اعزره
حسام / بكدب انا يعنى
محمد / يا ابنى ما جبتش سيرتك انا اقصد ان اللى حصل كان صعب حد يتوقعه خصوصا ان ندى تربيه ادينا يلا ربنا يعمل اللى فيه الخير كلو نصيب انا ماشي هتعوز حاجه
حسام / ربنا يخليك يا بابا
……………………………
فى شقه منال
على شايل الشنطه و يدخلها و منال وراه
على / الف حمد الله على السلامه
منال / اخبارك ايه يا بنى
على / الحمد لله بخير طول ما حضرتك بخير انا هنزل اجيب اكل فى حاجه معينه فى دماغك يا حجه
منال / يا ابنى هو انت ما بتقعدش ابدا على الاقل ارتاح حبه و طمنى عليكوا
على / كلنا زى الفل الحمد لله و بندعيلك …. هو انتى عاوزه تعرفى حاجه معينه
منال / اه اقعد تعال
على يروح يقعد
على / خير
منال / اخبار نور ايه
على / كويسه الحمد لله و هو حضرتك ما قولتيلهاش انك جايه و لا ايه
منال / بص يا على انت عارف انك بالنسبالى اكتر من ابن و انا من يوم ما سافرت و انا عقلى ما فيهوش غير حوار واحد بس مجننى قولت اكلمك و اريح نفوخى
على / اؤمرينى يا حجه خير
منال / انت عارف ان نور غاليه عندى اوى و انا شيفاك الفتره اللى فاتت مقرب منها و حاسه كدا يعنى ان فى
على /نور زى اختى بالظبط انا صحيح برتاح فى الكلام معاها بس فى حدود والله
منال / انا نفسى افرح بيك يا على
على / ما حدش بيتجوز اخته يا حجه و انا و نور عيالك
منال / دا انا لما لقيتكوا قريبين كدا فرحت و قولت اخيرا لقيت بنت الحلال اللى تريحك و تلمك بقى
على / ادعيلى الاقيها يا حجه
منال / ربنا يعترك فيها يا ابنى انا مش فاهمه كل البنات دى و مش لاقى واحده تملى عينك
على / مهو العين المليانه ما بتشوفش بنات يا حجه و انتى عارفه
منال / معقول مش قادر تنساها
على / حاولت والله بس ما قدرتش ادعيلى يا حجه الاقيها
منال / دى متجوزه يا ابنى
على / هتطلق
منال / مش بالبساطه دى يابنى فوق لنفسك بلاش تمشى ورا اوهام
على / معلش يا حجه سبينى على راحتى
منال / اعمل اللى يريحك بس على الله ترتاح فعلا يا على يا ابنى اخبار عمر و أية ايه
على / كويسين و بيدعولك يا حجه
منال / الحمد لله ابقى سبلى رقم أية عوزاها
على / خير يا حجه
منال / وصيه الحج يا على أية لازم تلبس احلى فستان و تعمل احلى فرح
على / من غير ما تفكرينى يا حجه والله انا و عمر مش هنتاخر بس هنستنى على الاقل الاربعين
منال / و ماله و من هنا للاربعين فى مليون حاجه للفرح كفايا تاجيل بقى يابنى دى بت يتيمه و غلبانه و اخوك كمان يتيم و غلبان خليهم يفرحوا يا ابنى ما تاجلش فرحتهم اكتر من كدا
على / اللى تشوفيه يا حجه من عنيا حاضر
…………………………………….
فى القسم
مروان / انتى بتقولى ايه يا ماما
امينه / بقولك اللى حصل ادى اللى انت جبتها وسطينا سرقتنا و هربت صحيت الصبح لا لقيتها و لا لقيت الفلوس و تليفونها مقفول من ساعتها
مروان / مستحيل تعمل كدا
امينه / دى طول الليل يا ابنى تقنعنى انى ما اديش الفلوس للمحامى دى مش باقيه عليك خالص يا ابنى
مروان / مش قادر اصدق
امينه / انا ما كنتش ناويه اقولك بس لازم تعرف عشان ما ترجعش تلومنى انا عملتلها محضر سرقه و زمان البوليس بيدور عليها فى كل حته دلوقت و الفلوس هترجع باذن الله و انت هتخرج و ما تخافش انا مش هسيبك انا روحت لحسام على فكره و قالى ان ما لوش علاقه بالموضوع
مروان / و انتى صدقتيه
امينه / مراتك اتبلت على اخته و جيرانكوا فى شقتكوا انهم ضربوها و حاولوا يسقطوها بالكدب و انا متاكده ان هى اللى سممت دماغك ناحيه نور و عيلتها يا ابنى الناس دول ما شوفناش منهم حاجه وحشه من سنين
مروان / يا امى سممت دماغى ايه بس بقولك حسام جالى لحد هنا و قالى بنفسه لو طلقتها هخرجك من هنا
امينه / والله بعد اللى عملته ما تقعد على زمتك يوم واحد اللى زى دى تطلق
مروان / و ابنى اللى فى بطنها يا امى
امينه / هنجيبه من حباب عنيها قولتلك البوليس بيدور عليها و مش هسيبها بنت الحراميه دى طلقها يا مروان
مروان يبص لامه
امينه / طلقها دى ما لهاش تقعد على زمتك يوم واحد
مروان يبص لامه و يهز راسه
………………………………………..
فى شقه امانى
الباب يخبط نور تروح تفتح تلاقى حسام
نور / ايه اللى عمل فيك كدا يا ابنى
حسام / امك يا ستى كنت فى المخزن تحت ايه ده دا ولا مغاره على بابا
نور / هههههههههههههههه طب ادخل الحمام اغسل ايدك ووشك
حسام / امك فين
نور / فى المطبخ بتعملك محشى
حسام / اموت انا
نور / هههههههههههههههههههههه
تليفون نور يرن نور تروح تشوف مين و حسام يدخل الحمام
نور / الو
امينه / ازيك يا نور يا بنتى
نور / الحمد لله يا طنط اخبارك عامله ايه
امينه / مروان عاوز يكلمك
نور / خير
امينه / انا عارفه انك زعلانه منه بس انتى ما تعرفيش اللى جراله من بعدك معلش كلميه يا بنتى افتكريله حاجه واحده حلوه بس عملها معاكى و كلميه انتى بنت اصول برده
نور / و المطلوب اروحله الحجز
امينه / لا يا بنتى مروان معايا خدى كلميه على ضالتليفون
نور / ماشى هاتيه
مروان ياخد الموبايل من مامته
مروان / ازيك يا نور
نور صمت
مروان / الو الو
نور / معاك
مروان / انا عارف انك زعلانه منى و انى ظلمتك و عاملتك وحش و كدبت عليكى عارف انى غلطت فيكى بس انا والله ما كنتش عمرى افكر ان الموضوع يوصل للدرجادى انا
نور / عدى يا مروان فات و عدى لو سمحت ما تفتحش فى اللى فات ما فيهوش فايده
مروان / انا اتبهدلت من بعدك عرفت قيمتك بس بعد فوات الاوان حقك عليا
نور / شده و تزول و باذن الله ربنا هيظهر الحق و تخرج من الحبس ده و ترجع تكمل حياتك عادى مع مراتك و ابنك
مروان / مراتى !!! مراتى سرقت فلوس الشقه و هربت
نور / ازاى الكلام ده
مروان / اللى حصل المحامى طلب فلوس عشان يظبط القضيه بعت الارض و الشقه و دهب امى و خدت الفلوس و هربت استخسرت فيا و فى خروجى انا بقولك عشان تعرفى ان ربنا انتقملك منى
نور / صدقنى عمرى ما اتمنيت انك تتاذى و لا حتى فكرت ان اللى بيحصلك ممكن يكون بسببى و لا اتمنى ده ده بلاء من ربنا لينا كلنا و باذن الله تصبر عليه و هتخرج منه
مروان / انا هطلق نهاد و مليش اى علاقه بيها
نور / دى حاجه ترجعلك
حسام يطلع من الحمام و يقف جنب اخته و يشاورلها مين
نور / مروان
حسام يشاورلها تديهوله
نور / حسام عاوز يكلمك
نور تدى التليفون لحسام
حسام / اخبارك يا صاحبى
مروران / انا هطلق نهاد
حسام / ما تقلقش يا صاحبى انا هبعتلك المحامى بتاعى و متاكد انك هتخرج منها فى اسرع وقت
مروان / شكرا
حسام / لو احتجت اى حاجه كلمنى ما تتكسفش احنا اهل برده
مروان / اكيد … انا هستاذنك انا الزياره خلصت و لازم اقفل
حسام / ابقى طمنى عليك من وقت للتانى و انا هحاول اجى ازورك اشوف القضيه وصلت لفين سلام
حسام يقفل و يدى الموبايل لنور
نور / صعبان عليا اوى
حسام / ما يصعبش عليكى غالى ما حدش قاله يعمل كدا
نور / انا متاكده انه مظلوم
حسام / انتى بجد زعلانه عليه حتى بعد اللى عمله دا فضل عليكى واحده زباله
نور / صدقنى لو قولتلك ان مروان نفسه ما عادش يفرق معايا بس ربنا ما يرضاش بالظلم يا حسام
امانى تطلع من المطبخ
امانى / متجمعين عند النبى فى ايه مالكوا
حسام / سيبك انتى يا ست الكل ايه الروايح الجامده دى
امانى / يا بكاش ربع ساعه و الاكل يكون جاهز
حسام / لما ارجع بقى اصل ورايا مليون مشوار
امانى / خير يا ابنى فى ايه
حسام / كنت بفكر افتح صيدليه بدل قعدتى دى و احط فيها القرشين اللى معايا بدل ما يتصرفوا على الفاضى
امانى / والله فكره
حسام/ و عندى معاد مع سمسار هيفرجنى كذا مكان كدا على الله الاقى حاجه تنفع
نور / طب و هو المخزن ما ينفعش
حسام / هو ينفع طبعا و خصوصا انه متشطب فهيوفر عليا فلوس كتير اوى هصرفها على تشطيب محل بره بس بابا قالى ان ماما عاينه فى حاجات مهمه
نور / حاجات مهمه ايه دى كراكيب ايه رايك يا ماما مش احسن من قفلته على الاقل الصيدليه تبقى تحت البيت بدل ما يروح و يجى
حسام / هى هتبقى تحت البيت بس دا انا ممكن بعد ما اوضب و اصرف صاحب المحل يعمل معايا مشكله و يزود عليا الايجار و يطفشنى و ابقى وضبتله المحل على حسابى
نور / دا غير الايجار اللى هتدفعه يا ابيه دا لوحده هيقطم وسطك
حسام / على رايك يا نور والله بس اعمل ايه كلو يهون عشان خاطر ماما ما تزعلش
امانى / خلصتوا غنيتوا و رديتوا على بعض
حسام / ههههههههههههههههههه ايه يا حجه كميه الحاجات اللى فى المخزن دى بقولك ايه انا ممكن اجبلك فيهم قرشين حلوين
امانى / فلوس ايه بس يا حسام
حسام / ما تقنعنيش يا ماما انك لو احتاجتى برطمان هتنزلى تجيبى برطمان من المعفنين اللى تحت دول دا كلهم تراب و عناكب و قرف ما داهيه لتكونى بتعمليلنا المخلل فى البرطمنات دى يا حجه فين وزاره الصحه فين بتوع الانفكشن كونترول
نور / هههههههههههههههههههههههههههه
امانى / ههههههههههههههههههههه هو انت حد يقدر عليك فضى المخزن و ابتدى شغل فيه يا بكاش وورينى الهمه هتفتحها امتى
حسام / دا انا هشرفك و اهو بالمره نور تلاقى حاجه تتسلى بيها بدل قاعده البيت دى
نور / بجد يا حسام
حسام / طبعا امال مين هيساعدنى يعنى اروح اجيب حد غريب يسرقنى انتى اولى
نور / ايوه بقى ههههههههههههههههههههههههه
………………………………….
فى شقه مصطفى
تهانى / يا مصطفى صدقنى ما حدش حاسس بيك قدنا بس اللى انت بتعمله ده مش وقته
مصطفى / لو كانت بنتك يا تهانى
تهانى / انا لو بنتى عملت اللى عملته ندى كنت دبحتها بايدى هى ما فكرتش فيك و لا فى امها و هى بتعمل المصيبه دى ما فكرتش فى اللى فى بطنها هى ايه مفا كرتش فى سمعتها هتورى وشك للناس ازاى دى لو بنتى كنت عملت صوان و خدت فيها العزا
مصطفى / الحمد لله انها مش بنتك انا لا ههدى و لا يرتاحلى بال الا لما الاقيها و اسمع منها تقولى الحقيقه و حتى لو غلطت انا اولى بيها و بعدين انا ما طلبتش منكوا حاجه عندكوا كلمه حلوه قولوها ما عندكوش خليكوا ساكتين
محمد / يا مصطفى احنا خايفين عليك انت لسه خارج من المستشفى و مش حمل تعب و سفر و بهدله
مصطفى / انا ادرى بنفسى كتر خيركوا
محمد / طب قولى نقدر نساعدك ازاى ده العنوان جبته من حسام بس هو قال انه سلم الفيلا قبل ما يسافر يعنى ندى مش هتكون هناك
مصطفى / كتر خيرك انا هعرف اتصرف
تهانى / دا اخر كلام عندك
مصطفى / والله انا ما فييش حيل اتكلم اصلا عندكوا انتوا كلام قولوه
محمد / لا ما عندناش عن اذنك
مصطفى / نورتوا
……………………………………
فى شقه عمر
عمر و أية نايمين تليفون عمر يرن يرد
عمر / الو
غاده / انت فين يا ابنى قلقتنى عليك ما جتش الكليه و كمان ما جتش الشركه فينك
عمر / اخدت النهرده اجازه عادى يعنى ما وراييش شغل متاخر اصلا
غاده / انت بتتكلم كدا ليه
عمر / بتكلم ازاى انا لسه ما صحتش من النوم اصلا
غاده / نايم لحد دلوقت
عمر / يوم اجازه من نفسى يا غاده ما حصلش حاجه بلاش شغل المديرين الرخمين ده
غاده / مديرين رخمين تصدق الحق عليا انى بتصل اطمن عليك
عمر / حقك عليا يا ستى و ادى راسك ابوسها
عمر يبوس الموبايل من فوق
غاده / روح نام يا عمر روح ربنا يهديك سلام
عمر يقفل ويحط الموبايل جنبه يلف يلاقى أية صاحيه تديله بالبوكس فى فم معدته
عمر / ااااااااااه ايه الغباوه دى على الصبح
أية / عشان تبوس حلو بعد كدا
أية تديله ضهرها يحضنها جامد
أية / اوعى انا زعلانه منك
عمر / و انا ما اقدرش على زعلك و بعدين هو انا بوستها بجد دا انا بوست الموبايل فكيها بقى
أية / انت لو شوفتنى ببوس حد هتفكها
عمر / دا انا هفك راسك عن كتفك بس انا والله ما كنت ببوسها و يا ستى معاكى حق حقك عليا مش هعمل كدا تانى سماح بقى
أية / انت بتاعى انا بس فاهم و لا لا
عمر / فاهم و انا اقدر اعترض
أية / ايوه كدا
عمر / طب ايه هتفضلى مديانى قفاكى كدا كتير
أية / ان كان عاجبك
عمر يبوسها من قفاها تغير و تضحك تليفون عمر يرن تانى
عمر / لا بقى ما كانش يوم هو
عمر يمسك الموبايل يلاقى على
عمر / ايوه نعمين اؤمر يا برنس
على / هههههههههههههههههههه ايه يا عم مالك مين حط عليك بتخلصه فيا
عمر / مفيش حاجه يا عم بهزر معاك قول خير
على / الحجه منال جت و بتسال على أية
عمر / أية ؟؟؟ ليه خير
على / عاوزه تخلص موضوع الفستان
أية بتزغد فى عمر عاوزه تعرف فى ايه
عمر / الحجه منال عوزاكى عشان تشوفوا موضوع فستان الفرح
على / ايه ده هى جنبك انا قولت زمانك فى الشركه و لا الكليه ااااااااااااااااااه نسيت ان سمر نقلت و راحت شقه بابا ماشى يا عم الله يسهلوا
عمر / تعرف تخليك فى حالك
على / ههههههههههههههههههههه اعرف يا سيدى ليك حق تتنرفز انى اتصلت ماشى هخلع انا الله يسهلوا
عمر / على
على / خلاص خلاص سلام
…………………………………..
فى عربيه محمد
تهانى / قولت ايه يا محمد
محمد / والله يا تهانى انتى فاجئتينى بالموضوع ده انا لسه حتى كنت بتكلم مع حسام الصبح و ما ٠قاليش حاجه خالص
تهانى / هو اتكلم معايا و مع اروى و محرج منكوا جدا خصوصا يعنى ان جوازته من ندى لسه ما عداش عليها حاجه بس الواد مقهور يا محمد اوعى تغرك ضحكته دا كلو تمثيل بيدارى بيه وجعه من اللى جراله دى كرامته و شرفه برده يا محمد
محمد / ايوه يا تهانى بس مصطفى هيقول علينا ايه
تهانى / و هو مصطفى فايق لنا اديك شوفت حتى كبايه الميه ما اتحطتلناش فى بيته و الست المعدوله فتحت الباب و دخلت قفلت على نفسها باب اوضتها و ما رضيتش حتى تسلم علينا
محمد / الله يعينهم اللى هما فيه مش سهل
تهانى / و هو اللى هما فيه ذنبنا و لا ذنب حسام يعنى هو الواد قصر فى ايه ما على يدك قدلها صوابعه العشره شمع و جابلها كل اللى بتحلم بيه و لففها الدنيا و صرف عليها دم قلبه و فى الاخر ساب شغله يا حبه عينى عشان مش قادر يبص فى وش زمايله لما يعرفوا ان مراته سابته و خسر فلوس بالهبل و رجع لسه بيحاول يبدا حياته نسنده و لا نقوله اركن اما نطمن على بنت عمك الاول
محمد / اديكى قولتيها بنت عمه برده
تهانى / يا محمد هو انا لو ما كنتش واثقه ان حسام ما لوش ذنب خالص فى اللى حصل كنت هقولك نجوزه بنتى الوحيده دى اللى طلعت بيها من الدنيا
محمد / طب بصى نقسم البلد نصين نعمل خطوبه على الضيق كدا و قرايه فاتحه و لما الجو يهدى شويه نبقى نعمل فرح و دخله ايه رايك
تهانى / والله يا محمد انا ما عنديش مانع ابدا نشوف بس راى الولاد ايه
محمد / على بركه الله لما هروح هتكلم معاهم
……………………………..
فى شقه تهانى
اروى بتتكلم فى التليفون
اروى / ممكن افهم كنت فين طول النهار ما كلمتنيش من ساعه ما كنت عندنا و كلمتك كتير ما راديتش عليا
حسام / كنت مخنوق شويه ايه مش من حقى و لا ايه
اروى / لا طبعا من حقك بس افهم انا عملت ايه غلط
حسام / هو انتى بتسمعيلى اصلا انتى بتعملى اللى فى دماغك و بس و طظ فى حسام مش كدا ممكن افهم ايه الكلام اللى امك قالتهولى ده
اروى / هو انت مش عاوز تتجوزنى يا حسام
حسام / لا طبعا ما قولتش كدا انا بس ما بحبش اسلوب التدبيس ده
اروى / تدبيس يا حسام اخص عليك
حسام / انا فى ايه و لا فى ايه انتى مش حاسه بالمشاكل اللى حوليا ابويا و عمى و مليش شغل و قرف من كل حته و انتى كل اللى بتفكرى فيه الجواز
اروى / عاوزه ابقى جنبك يا حسام
حسام / انا تعبان يا اروى ممكن نكمل كلامنا بعدين هخش انام شويه بعد اذنك سلام
حسام يقفل السكه فى وش اروى و يقفل الموبايل
……………………………
فى شقه امانى
نور بتغسل المواعين و تشطف اخر طبق و تحطه فى الرشاقه و تلم كيس الزباله و تطلع ترمى الزباله على السلم تشوف اروى و هى بتتسحب و طالعه فوق شقه حسام نور توارب الباب بالراحه و تطلع ورا اروى تلاقيها واقفه بتتكلم على السلم مع حسام
حسام / انتى اتجننتى هو كل شويه تنطى هنا انتى مصره تعملى فضيحه مش كدا
اروى / ما انا لازم افهم راسى من رجلى انت كنت بتضحك عليا كنت بتستغلنى
حسام / انا ما وعدتكيش بحاجه و ما غصبتكيش على حاجه و لحد اللحظه دى مفيش فى نيتى غدر بس لو استمريتى باسلوبك ده هعند و اقولك اعلى ما فى خيلك اركبيه انا مش ناقص قرف مش على اخر الزمن حد يجبرنى اعمل حاجه مش عاوزها
اروى / دا اخر كلام عندك
حسام / اه و ياريت تبطلى حركات العيال دى لمصلحتك انتى على فكره
اروى / انا غلطانه انى جيتلك اصلا عن اذنك
حسام / سلام
حسام يقفل الباب و اروى تنزل تلاقى نور فى وشها تزقها و تجرى و هى بتعيط نور تقف مصدومه من اللى سمعته
…………………………………
فى شقه امانى
محمد قاعد مع امانى بيشربوا شاى و يتكلموا
محمد / لا طبعا لازم اتكلم مع حسام الاول و اشوف هو جد فى الحوار ده و لا بيعوض الفراغ اللى سابته ندى فى قلبه و لازم يفهم ان الحوار ده مش سهل لانه لو باظ ما حدش هيقف فى صفه هيبقى العيب فيه
امانى / و هو حسام ذنبه ايه فى اللى حصل يا محمد
محمد / مش هو اللى مستعجل و قفل الجوازه فى اسبوع و دلوقت مستعجلين على الجوازه التانيه بدات احس ان فى حاجه غلط
نور تدخل و تقفل الباب
امانى / ايه يا نور كل ده بترمى الزباله تعالى الشاى برد
نور تروح تقعد وسطيهم و هى مصدومه
امانى / انت عارف يا محمد ان ندى كانت صغيره و ملهوجه كدا لكن اروى الوضع مختلف عاقله وراكزه اكيد مش هتدخل فى حوار زى ده لمجرد نزوه او ملو فراغ
محمد / مش هخسر اخويا و اختى يا امانى
امانى / و مين قال ان الحوار ده هيفشل بس اتفائل يا محمد و بعدين لعله خير لما ربنا يكرم ابنك مع اروى الناس تسكت و تبطل تشمت فيه و اخوك نفسه يعرف ان العيب كان فى بنته
محمد / انا قولت لتهانى انى موافق على خطوبه على الضيق و لما الجو يهدى شويه و نطمن على ندى نبقى نعمل دخله و فرح براحتنا و لا انتى ايه رايك يا نور
نور / هاه ؟؟ معلش يا بابا ما كنتش مركزه
امانى / تلاقيكى عماله تفكرى فى مكالمه مروان ما هم الرجاله كدا يروحوا يرمرموا و يرجوا يندموا
محمد / ايه حكايه مكامله مروان دى يا امانى الباب ده مقفول كفايا اوى القضيه اللى عليه
امانى / طبعا و هو بعد اللى عمله فى رجوع لا طبعا نور اعقل من كدا تلاقيه بس صعبان عليها برده ما كانتش عشره يومين و كمان انت عارف نور طيبه و قلبها ابيض و لا ايه يا نور
نور / اللى تشوفوه
محمد / هو ايه اللى نشوفه مالك يا نور مش معانا خالص
نور / اسفه يا بابا مرهقه شويه
محمد / طب يا بنتى شورى عليا انا بثق فى رايك اعمل ايه فى حوار اخوكى ده
نور / حوار ايه يا بابا معلش
محمد / عمتك كلمتنى ان حسام كلمها عاوز يتجوز اروى و انا قولت نمشيها خطوبه لحد ما الجو يهدى شويه نعمل فرح
نور / ما لوش لزوم يا بابا بعد اذنك اصلا اروى و حسام مش محتاجين فتره خطوبه عشان يعرفوا بعض فمفيش داعى للخطوبه انا بقول يتجوزوا علاطول احسن
محمد / ايوه بس ندى
نور / يا بابا ايام ندى مختلفه هما كانوا مستعجلين فعلا ندى كانت صغيره و سابت الكليه و ما كانش فى شقه و سافروا بره و هى صغيره و مش فاهمه الدنيا و لا الجواز و ما كانش فى اهل يقفوا جنبها و كلنا شوفنا ازاى ده اثر عليها دا غير ان حتى لو عمى لقى ندى مستحيل يبقى فى علاقه بين حسام و ندى الشرخ اللى حصل فى العلاقه اللى بينهم مستحيل يتصلح
محمد / ايوه بس
نور / يا بابا غير ان الشقه جاهزه و هيبقوا تحت عنينا و حسام مش هيسافر هيشتغل فى الصيدليه تحت البيت و اروى شاطره فى شغل البيت و كبيره و متعلمه و كلنا هنبقى حواليها الظروف مختلفه خالص و انا رايى اننا نسرع الجوازه دى عشان حسام و نفسيته و اكيد اروى هتعرف تخرجه من الصدمه اللى حس بيها مع ندى
امانى / والله يا نور ده رايي برده
نور / انا رايى نعمل الفرح فى اسرع وقت
محمد / طب على الاقل اطمن على اخويا يكون رجع من السفر مش هيكون هو بيسافر يدور على بنته و انا هنا بجوز ابنى
نور / معلش يا بابا عموا مصطفى كدا كدا عمره ما هيحضر الفرح و لا هيفهم مشاعر حسام و هيلومه على فشل جوازته من ندى فمفيش داعى و انا رايى كمان مراعاه لمشاعره الفرح يكون على الضيق يعنى مش محتاجين بهرجه زى فرح ندى على الاقل عشان العين و كدا
امانى / والله يا بنتى طول عمرى بثق فى دماغك انا رايى يا محمد ان فعلا خير البر عاجله و انك تتكلم مع حسام و تحسسه انك جنبه اى كان قراره و مش معنى انه اخد قرار غلط فى حياته اننا هنتخلى عنه و كمان مش عاوزين نخسر تهانى
محمد / نخسر تهانى
امانى / امال لما تحس اننا كنا مستعجلين على ندى و بنتامر على بنتها هتقول ايه هى بنتها قليله و لا ايه
محمد / ست البنات هو حد يقدر يتكلم خلاص على بركه الله هتكلم مع حسام و نشوف ناوى على ايه
نور / انا هطلع اشوف حسام عنده غسيل و لا لا عشان هشغل الغساله
……………………………….
فى شقه سمر
سمر تمسك التليفون و تتصل بأية
سمر / الو
أية / الو ازيك يا ماما
سمر / لما افتكرتى ان ليكى ام
أية / والله يا ماما طول اليوم نايمه
سمر / طبعا من هده الحيل امبارح امال لو شوفتى المحل دا انا طلعت روحى فيه النهرده منه لله اللى قفله
أية / اهو اتفتح يا ماما طمنينى عليكى ناقصك حاجه
سمر / ناقصنى ؟؟؟ قولى عندك حاجه البضاعه اللى فى المحل اكل عليها التراب و شرب محتاجه على الاقل كام حاجه جديده كدا تشد الزباين زى ما ابوكى كان بيعمل الله يرحمه كان شاطر
أية / يا ماما البركه فيكى توقفى المحل على رجله تانى و تملى مكان بابا محمود انا بسالك انتى ناقصك حاجه
سمر / ناقصنى وجودك جنبى يا بنت بطنى قوليلى المعدول جوزك ما كلمكيش فى حاجه امبارح
أية / حاجه زى ايه يعنى
سمر / اهو اى حاجه ايه الجديد طمنينى عمل معاكى ايه امبارح اول مره تباتى بعيد عنى يا قلب امك
أية / يعنى هيعمل فيا ايه يعنى يا ماما ربنا يخليه ليا
سمر / ربنا يخليه ليكى ؟؟؟ ماشى ياختى يعنى مفيش جديد
أية / ماما
سمر / ايوه ياختى
أية / انا و عمر اتجوزنا امبارح
سمر / لا ناصح عرف يلعبها صح
أية / انتى بتقولى ايه يا ماما
سمر / بيحرق الكارت اللى كنت مسكاه عليه
أية / كرت ايه يا ماما بس مش هتبطلى بقى
سمر / ابطل ايه يا خايبه يا بنت الخايبه ابقى قابلينى لو اتعملك فرح يا بنت الوارمه ما خلاص خلصت حاجتى من عند جارتى يا بنت الجزمه
أية / فى ايه ايه الشتايم دى كلها هو انا عملت حاجه هو مش انتى قعدتى فتره طويله تنصحينى اعمل كدا انا تعبت والله مش عارفه ارضيكى ازاى
سمر / ما عشان غبيه ما بتفهميش دا انتى لو ناصحه كنتى عرفتى تلعبيه على الشناكل بس اقول ايه ادى الله و ادى حكمته
أية / على العموم يا ماما عمر راجل و راجل اوى كمان ما بيكسرش كلامه طنط منال وصلت النهرده و عوزانى اروحلها بكره نشوف هنعمل ايه فى الفستان
سمر / هى رجعت اهلا و سهلا رنى عليا و انتى ريحالها هاجى معاكى
أية / حاضر حاجه تانى
سمر / كتر خيرك يا اختى ما اتحرمش يلا سبينى دلوقت اما اشوف هعمل ايه يلا سلام
أية / هتعملى ايه فى ايه
سمر / سلام دلوقت يا اية بقى سلام
أية / سلام
……………………………………….
فى شقه حسام
حسام يفتح الباب يلاقى نور واقفه تبصله
حسام / ايه مش هتخشى
نور تدخل و تقعد يقفل الباب و يروح يقعد جنبها
حسام / مالك شايله طاجن ستك ليه
نور / انت عارف بابا و ماما بيتكلموا فى ايه تحت
حسام / انتى هتقوليلى مش كدا
نور / بيتكلموا فى جوازك من اروى
البسمه تروح من وش حسام
نور / انا سمعتك و انت بتتكلم مع اروى على السلم و دى مش اول مره اشوفها طالعالك على فكره
حسام يبص الناحيه التانيه
نور / انت مش صغير على فكره و لا هى بس دى بنت عمتك انت عارف لو عمتك عرفت هيجرالها ايه انت عارف لو عمك عرف هيحصل ايه
حسام / انا ما غصبتهاش هى اللى جتلى هنا
نور / اسكت
حسام / ايه المطلوب منى دلوقت
نور / لم الموضوع ده باسرع وقت انت مش متخيل اللى هيحصل لو اروى الهبله دى قالت اللى بينكوا بجد
حسام / هو ايه اللى بينا بالظبط بس انتى فاهمه ايه
نور / انا مش هبله ماشى حوار الجواز اللى اتفتح فجاه من امتى بتحب اروى انت و لا حتى بتبصلها ما هى قدامك طول العمر الكل عارف انك بتموت فى ندى فجاه اروى احلوت
حسام / و اخدت ايه من ندى
نور / يبقى ما تاذيش اروى فى الاول و الاخر بنت عمتك و اى كلمه عنها هتسيئلك لم الموضوع
حسام / و انا كنت اعترضت قولتلها هنتجوز بس تصبر
نور / مفيش لازمه للصبر بابا هيكلمك فى موضوع الجواز حسسه انك مستعجل و هو موافق و ماما موافقه و عمتك موافقه
حسام / و عمى و ندى
نور / ما لكش دعوه بيهم كدا كدا خسرتوا بعض حافظ على اللى بقيلك بقى بدل ما تلاقى نفسك لوحدك و ما حدش متعاطف معاك
حسام يبص الناحيه التانيه
نور / انا حاسه بيك و فهماك بس ما ينفعش حرام
حسام يبصلها
نور / اتجوزوا
حسام / ما قولت ناوى بس الوقت
نور / الوقت مش فى صفك لو اروى حملت مش هنعرف نلمها
حسام / حمل ايه اللى بتتكلمى عنه
نور / انت ادرى يا حسام انا نازله فكر فكى لامى قبل ما بابا يكلمك سلام
نور تنزل و تقفل الباب و حسام يشوط الحاجات اللى على الترابيزه جنبه بايده و هو مخنوق و يمسك موبايله و يتصل
حسام / الو
اروى بتعيط / ايوه
حسام / مالك
اروى/ و انت مالك
حسام / بصى انا مخنوق و فيا اللى مكفينى مش ناقصك
اروى / طبعا ما انت ما تفتكرنيش غير و انت مخنوق
حسام / كنت فاكرك بتحبى تخففى عنى
اروى/ و المقابل انك بعد ما ترتاح ترمينى على اخر دراعك صح
حسام / تخرجى
اروى / دلوقت ؟؟
حسام / لا طبعا بكره تحبى تخرجى
اروى / هنروح فين
حسام / مشوار كدا تحبى تيجى معايا
اروى / هتصالحنى يعنى
حسام / انتى اللى مزعلانى و انتى اللى هتصالحينى
اروى / انا برده
حسام / نور شافتك و انتى نازله من عندى و كلمتنى
اروى / طب والله كويس انى اتفضحت
حسام / اخرسى يا بت انتى مراتى
اروى تبتسم فى خجل
حسام / مساله وقت مش اكتر انتى كدا كدا مراتى فهمتى
اروى / فهمت
حسام / خلاص بكره نتقابل و نخرج سوا
اروى / اتفقنا
………………………………..
تانى يوم فى شقه منال
سمر / والله اول ما عرفت انك جيتى سبت اللى ورايا و اللى قدامى و جيت اطمن عليكى
منال / فيكى الخير ازيك يا أية
أية / الحمد لله تمام
منال / قوليلى بقى الفستان اللى كان عاجبك كان شكله ايه
سمر / اما كان حته فستان كان ولا بتاع سندريلا منفوش كدا و ابيض و فى من عالصدر من هنا كدا استرسات و ورد و من علة الضهر بقى ديل طويل كدا و منفوش والله كان رهيب بجد
منال / طب بصى احنا نروح لواحده صاحبتى بس ايه ايديها بتتلف فى حرير و اتفرجى على شغلها لو عجبك اوصفيلها الفستان و هى امينه لو هتعرف تعملهولك زى ما فى خيالك هتقولك و الحلو بقى انك ممكن تعدلى اى حاجه فى الفستان تعجبك و تغيرى فى الموديل و هى بالها طويل و مش هتمشيكى غير و انتى مبسوطه ايه رايك
سمر / لا معلش يا ست منال معلش يا اختى الجاهز ارحم بكتير الحاجه قدام عينى بدل ما اروح اشترى سمك فى ميه و اروح ادوخ على قماش و يطلع شايط و لا تقصه غلط و تبوظه و لا ما يطلعش زى ما تخيلته هو يبقى ابنى على كتفى و اروح ادور عليه
منال / اخبارك ايه يا ست سمر
سمر / بخير طول ما انتى بخير تعيشى
منال / سمعت انك فتحتى المحل تانى الف مبروك
سمر / اه الحمد لله فتحته امبارح بس ما قولكيش حالته تحزن
منال / ليه بس كدا كفا الله الشر
سمر / مقفول بقاله فتره و طبعا فى بضاعه كتير ناقصه و مفيش سيوله اجيبها
منال / الله طب و ما قولتيش لعلى ليه الموضوع ده
سمر / على ؟؟؟ اقوله مع انى كنت طمعانه فى كرمك تكلميه انتى انتى عارفه ان انا و على يعنى ما بنتفقش
منال / والله يا ست سمر على ما بيتاخرش فى حاجه و محترم و طيب و ابن حلال و انا متاكده انك لو طلبتى منه مش هيتاخر بس على العموم لو عوزانى اكلمهولك اكلمه المهم نخلينا فى موضوعنا ايه رايك يا أية تحبى نروح نشوف الخياطه صحبتى و لا ايه
أية / ما عنديش مشكله
منال / على البركه هقوم اكلمها فى التليفون و اشوف نروحلها امتى
منال تقوم و سمر تبص لأية و تنفخ
………………………………
فى عياده نسا
اروى / انت جايبنى هنا ليه
حسام / لو عاوزه نتجوز انا ليا شرط واحد
اروى / ايه
حسام / مفيش عيال
اروى / ايه ؟؟
حسام / على الاقل الفتره الاولى من حياتنا انا ما عنديش استعداد اغلط غلطتى مع ندى تانى
اروى / بس انا ذنبى ايه
حسام / ده شكل مؤقت لما نتاكد ان انا و انتى جاهزين للخلفه هنخلف لكن فى الاول لا على الاقل نستمتع بحياتنا شويه مش هعيش شهرين فى نعيم و بعدين تقلب على نفوخى انا مش مكنه هنا
اروى / ماشى
حسام / خلاص اتفقنا
…………………………
فى شقه عمر
أية نايمه على السرير عمر ينام جنبها و يحضنها من ضهرها تبصله و تنام
عمر / اخبار يومك كان ايه
أية / روحت مع ماما لطنط منال و حددت معاد مع الخياطه بكره هنروح نشوف الفساتين بس ماما طبعا مش عاجبها
عمر / و انتى ايه رايك
أية / انا ما حدش هيجبرنى على حاجه لو لقيت شغلها حلو و فى حاجات حلوه كان بها مفيش خلاص هشوف حاجه على قدى مش لازم يعنى الفستان الغالى ده
عمر / و مالك بتقوليها من غير نفس ليه
أية / عشان مخنوقه مش عارفه اريح حد
عمر / ارضاء الناس غايه لا تدرك يا بنتى
أية / ايوه بس دى مش ناس يا عمر دى امى هى ما لهاش غيرى و عوزالى احسن حاجه
عمر / طب ما انا كمان عاوزلك احسن حاجه
أية / عارفه يا حبيبى والله بس بتصعب عليا ما بتريحش نفسها ابدا
عمر / دا فراغ بس مش اكتر و بكره لما تنشغل بالمحل هتنشغل عنك شويه
أية / دا غير الزن لما عرفت اننا اتجوزنا بقى هتحضرى الفرح و انتى حامل ازاى و هتكملى دراستك بالعيال ازاى
عمر / هههههههههههههههههههههههههه
أية / انت بتضحك
عمر / اصل معاكى حق ما بتريحش نفسها هى مش جابتلك قميص نوم و اتوزعت عشان تفضيلنا الجو دلوقت بقى فى حمل و دراسه و لما كنتى فى ثانويه عامه ما كانش فى حاجه
أية / والله تعبت
عمر / تعرفى تكبرى دماغك و ما تشيليش هم بصى يا أية اليوم اللى بيعدى ما بيرجعش فانا لو منك استغل كل يوم على قد ما اقدر و ما اضيعش منه لحظه فى التفكير لا فى امبارح و لا فى بكره تعرفي تعملى كدا
أية / على اساس انها سهله يعنى
عمر / حاولى هتخسري ايه و خليكى دايما فاكره انك مش لوحدك انا فى ضهرك اهو و عمرى ما هتخلى عنك و لا هسيبك طول ما انا عايش هفضل فى ضهرك كدا و اسندك
أية / وعد
عمر / وعد
أية تبتسم و عمر يحضنها اوى
……………………………..
عند الخياطه
أية بتفر فى مجله فساتين افراح و رايحه جايه على صوره موديل منهم
منال / ايه رايك يا أية فى حاجه فى المجله عجبتك
ست / كل الموديلات دى عملناها قبل كدا و فى منها صور على الطبيعه
سمر / هو الفستان ده يتكلف كام
الست / بالقماش و كلو خمس تلاف
منال / و هيطلع زى الصوره بالظبط
الست / لو ما عجبهاش ما تستلمهوش
منال / ايه رايك يا أية
أية / مش عارفه كلهم حلوين
سمر / عشان كدا قولت الجاهز احسن على الاقل تشوف الفستان عليها
منال / اى كان الفستان أية اللى هتحليه
الست / و هى ما شاء الله عليها جسمها يليق مع اى موديل
منال / انا شيفاكى رايحه جايه على الموديل ده هو عاجبك
٦سكر تبص و تزق المجله
سمر / لا لا لا دا بسيط اوى ما ينفعش طبعا
منال / بسيط و رقيق اوى فعلا زى أية هو عاجبك يا أية
أية / اه هو حلو اوى فعلا انتوا ايه رايكوا
سمر / يا بنتى الواحده بتلبس فستان الفرح ليله واحده فى العمر يبقى تلبسى فستان يهبل
أية / يهبل مين يعنى الفساتين دى مش هعرف اتحرك فيها لكن ده حلو اوى هو بكام
الست / بالفين بس
سمر / دا ارخص من الايجار
الست / والله الاسعار دى عشان الحجه ام منال بس اصلا
سمر / طب بصى كدا لو حبينا نضيف ديل كدا من الورد حتى يبقى شكله حلو فى الصور
منال / البنت بتدور على حاجه تعرف تتحرك فيها
سمر / و ماله الديل تتصور بيه و بعدين تفكه و هى بترقص
الست / بسيطه و ممكن بدل الديل يبقى كاب كامل لو تحب
سمر / لا الكاب هيعرضها لا لا
منال / انتى ايه رايك يا أية
أية / انا عاجبنى الفستان ده و شايفه ان طرحه حلوه عليه كفايا و تاج كدا رقيق
منال / والله يا بت بتفهمى
سمر/ طب بصى صورى الموديلين دول و وريهم لجوزك انا متاكده انه هيختار التانى مش ده و بالمره تبصى فى حته تانيه لا مؤاخذه ياختى يعنى
الست / لا ولا يهمك خدى راحتك عن اذنكوا لو استقريتوا على حاجه قولولى
الست تقوم و منال تبص لسمر
………………………….
فى شقه محمد
حسام داخل و محمد قاعد بيقرا القران
محمد / هل هلالك شهر مبارك
حسام / ايه يا حج محسسنى انك بقالك سنه ما شوفتنيش
محمد / انا اخر مره شوفتك فيها فى المخزن ياله قولى جاى منين كدا من الصبح ما شوفتكش
حسام / كنت زهقان قلت اخرج اشم شويه هوا
محمد / بتشم الهوا لوحدك هههههههههههههههه
حسام / اااااه لا كدا قريتك قولى بقى عاوز توصل لايه
محمد / كنت مع اروى فين يا حسام
حسام يروح يقعد جنب ابوه و هو مبتسم
محمد / انا مش هكلمك انا هستناك تيجى انت تكلمنى
حسام / ماشى انا عاوز اتجوز اروى
محمد / ليه
حسام / ليه !!!
محمد / ما هو ما تقنعنيش انك حبيتها فى اسبوع يعنى
حسام / مش حب … عقل
محمد / انت متاكد من اللى بتعمله ده
حسام / انا مرتاحلها و بنتكلم كتير اوى على الموبايل و لما ببقى مخنوق بلاقينى بروحلها انا شايف انها حاسه بيا و فاهمه احتياجاتى
محمد / و احتياجاتها هى
حسام / هى ما بتطلبش منى اى حاجه لا عاوزه فرح و لا ليها احلام خرافيه و لا كل تفكيرها فى الشوبينج و الفلوس فى فرق كبير اوى يا بابا انا كنت بالنسبه لندى محفظه و اول ما لقت نفسها مش قادره تعيش اللى فى خيالها بسبب الحمل قرفت منى انا و هى ما كناش عايشين زوج و زوجه و حضرتك شوفت بنفسك الجنان اللى كانت بتعمله لما زهقت من الجواز
محمد / اللى يشوفك بتتكلم دلوقت ما يشوفش لهفتك عشان تتجوزها
حسام / زى ما باعتنى هبيعها و زى ما جرحتنى هنساها
محمد / باروى
حسام / احسن منها مليون مره
محمد / يعنى دا اخر كلام عندك
حسام / صدقنى يا بابا الموضوع مع اروى مختلف
محمد / و انا بثق فى رايك على بركه الله
محمد يقوم و يسيب حسام
………………………………..
فى القسم
نهاد / انا مش فاهمه سرقه ايه ما حضرتك فتشت الاوضه ما لقيتش حاجه غير هدومى
الظابط / حماتك السيده امينه خليل بتتهمك بسرقه شنطه فيها نص مليون جنيه من بيتها
نهاد / حضرتك نص مليون جنيه اللى هسرقهم انا اتخانقت معاها بالليل و لميت هدومى و سبت البيت و وروحت قعدت فى فندق لحد ما الاقى شقه ايجار هو انا لو معايا نص مليون جنيه كان هيبقى دا حالى و الله الواحد تعب من كتر الافترا
الظابط / فى اى حاجه تحبى تضيفيها
نهاد / اه حضرتك انا و مروان جوزى كنا زمايل فى الشغل و اتجوزنا على عكس رغبه حماتى و بعد جوازنا بشهرين اتقبض عليه بتهمه تسهيل الاتجار فى المخدرات و انا بعت دهبى و اديته لحماتى و بعنا فعلا شقه الزوجيه بتاعتنا و روحت عشت معاها و من ساعتها و هى بتعاملنى اسوء معامله لحد ما سبتلها البيت و انا مش هقبل اعيش فى وضع زى ده
الظابط / امضى على اقوالك
نهاد / حاضر
………………………………
فى شقه تهانى تانى يوم
تهانى / انتى قولتى لحسام انك مش عاوزه فرح و انك عاوزه كتب كتاب على الضيق فى البيت عشان ظروف عمك
اروى تسكت
تهانى / انا مش قادره افهمك بصراحه هو انتى خرج بيوت يا بنتى عشان ما يتعملكيش فرح
اروى / يا ماما مش حوار خرج بيوت بس الظروف و كدا و بعدين احنا مش ناقصين العين علينا قد كدا و حسام وعدنى ان بفلوس الفرح هنقضى شهر عسل فى اى حته اختارها هعمل ايه انا بالفرح
تهانى / انا هعمل … دا يا اروى اليوم اللى استنيته سنين
اروى / يا ماما مش هينوبنا غير كلام الناس و التفاق كل واحد هيجى يرمى كلمتين من قدامنا او من ورانا و مصاريف مش هنستفاد بيها فى حاجه
تهانى / انتى شايفه كدا
اروى / انا بقول نسافر المالديف و لا اندونسيا نقضى شهر عسل نفصل بيه عن الدنيا فكرى فيها كدا و ان كان على الفستان و الكوافير و الاستوديو هنعمل برده و هنفرح و ننبسط وسط الناس اللى بيحبونا بجد
تهانى / يعنى بنت مها يتعملها فرح و انا بنتى لا
اروى / و هى عملت ايه بالفرح فى الاخر مهم اطلقوا و ما لهاش عين ترجع و لا تورينا وشها بعد ما اتفضحت لكن انا هتشال من على الارض شيل و هعيش فى شقتى
تهانى / حقه يا اروى كان مين عارف دا انا كنت بفرشها قشايه قشايه و اقول ربنا يرزقك باللى يجيبلك زيها
اروى / شوفتى ربنا بقى اهو ادهانى انا
تهانى / خلاص يا بنتى اللى تحسى انه هيريحك انا معاكى فيه
اروى / تسلمى يا ماما عن اذنك هكلم حسام افرحه بقى انك وافقتى
تهانى / ههههههههههههه سلميلى عليه
……………………………………..
فى القسم
امينه / يعنى ايه هيفرجوا عنها
المحامى / مفيش اى حاجه تثبت انها سرقت الفلوس حضرتك
امينه / الفلوس كانت فى الشقه و ما كانش حد يعرف ان معايا فلوس غيرها و خدتها و هربت
المحامى / هى بتقول انها اتخانقت مع حضرتك و مشيت وراحت قعدت فى فندق و لما الشرطه جت فتشت ما لقتش فعلا معاها اى فلوس غير خمسميه جنيه و قالت انها كانت مستنيه اختها من اسكندريه تيجى تدفع باقى حساب الفندق و تاخدها عندها
امينه / حسبى الله و نعم الوكيل فيها عوزاك تسلمها ورقه طلاقها
المحامى / حاضر عن اذنك
………………………………………..
فى شقه عمر
أية بتتصل بحد ما بيردش تنفخ
عمر / ما بتردش برده
أية / انا تعبت معاها مش عارفه ارضيها ازاى انا مش قادره اتخيل نفسى فى الفستان اللى هى اختارته
عمر / تحبى نروحلها نتكلم معاها مع انى واثق ان مفيش فايده من الكلام معاها
أية / يعنى هو الفستان ده مش انا اللى هلبسه
عمر / انتى اخترتى الفستان اللى عجبك المفروض الكل يحترم رغبتك اقولك بكره هننزل نتفرج على القاعات ابعتيلها رساله قوليلها لو تحبى تيجى معانا و شوفى هتقولك ايه
أية / ماشى هجرب
أية تجرب تبعت الرساله توصلها رساله
أية / بتقولى قال يعنى راي يفرق معاكوا خدى عمر معاكى افيد
عمر / ههههههههههههههههههههه ابعتيلها و قوليلها عمر هيخلص شغله الساعه سته و هيعدى عليا ياخدنى قولت اقولك يمكن تغيرى رايك
أية / يعنى دى تفرق يعنى
عمر / اتحداكى انها هتيجى
أية / اجرب
أية تبعت الرساله توصلها رساله
أية / بتقول ربنا يوفقكوا
عمر / هتيجى و افتكرى كلامى اقعدى بقى كملى اكلك
أية / اما نشوف
…………………………………….
فى شقه على
على / اخيرا سمعت صوتك
نور / انا اسفه اوى بس بجد الفتره دى كانت صعبه عليا
على / كنت فاكر الامور هديت لما اتكلمنا اخر مره قولتى كدا
نور / اه كنت فاكره كدا طلع الهدوء اللى قبل العاصفه صدقنى لو قولتلك تعبت
على / انتى قدها
نور / حماتى قصدى سابقا اتصلت و قالتلى ان مروان طلق
على / كان شئ متوقع سيبك انتى ايه رايك فى الموضوع
نور / موضوع ايه
على / يعنى مروان و كدا
نور / مش هقدر يا على انا تعبت اوى عشان اطلعه من حياتى مش هقدر انسى و مش هقدر ارجع مش هقدر اعذب نفسى اكتر
على / كلنا بنغلط يعنى
نور / اللى بيموت ما بيصحاش تانى يا على و العلاقه الحلوه اللى كانت بينا ماتت اه فى لسه شويه زكريات حلوه بس برده فى زكريات وحشه فى غدر الثقه ماتت يا على و من غير الثقه مفيش علاقه
على / ما اقدرش اللومك فى الاول و الاخر هى حياتك
نور / اخويا هيتجوز
على / ايه السرعه دى
نور / لو كنت سالتى من فتره كنت قولتلك مستحيل اوافق و انهم مختلفين لكن دلوقت الجوازه دى لازم تتم
على / ههههههههههههههههههههه مش فاهم بس على فكره دا الطبيعى فى مصر بيعاملوا الراجل المطلق زى الست الوالده بالظبط العيل ينزل من هنا الفرخه تنزل مكانه من هنا
نور / ههههههههههههه ازاى يعنى
على / يطلق من هنا و يجوزوه من هنا و كان مفيش فرصه للصلح
نور / مفيش فرصه للصلح يا على
على / مفيش مستحيل يا نور ربنا قادر على كل شئ و انتى ياما حكتيلى عن حب اخوكى لمراته يبقى ازاى فجاه لحق يحب غيرها العلاقه دى عمرها ما هتستمر بالظبط زى علاقه مروان و مراته قصدى طليقته بيملا بيها نقص عنده بس مش هتحل المشكله
نور / سبق السيف العزل الفرح الاسبوع الجاى و يادوب نلحق نجهز
على / كنت عاوزك تتصلى بأية و تعرضى عليها تساعديها فى حاجه فرحها بس واضح انك مشغوله بفرح اخوكى خلاص مش مشكله لسه بدرى اصلا على فرح أية
نور / اهى أية دى كمان اللى غريبه اوى
على / ليه بتقولى كدا
………………..
- يتبع الفصل التالي اضغط على ( رواية سلف و دين ) اسم الرواية