رواية حين تقع في الحب بقلم ندي علي حبيب الجزء الرابع عبر مدونة دليل الروايات
رواية حين تقع في الحب الجزء الرابع الفصل الثالث و العشرون 23
في الصباح اشرقت الشمس في السماء تطل علي بلكونه ندي اللي نسو يقفلوها بليل ومنظر البنات وهما نيمين ندي وحبيبه وفرحه علي سرير واحد وزهره وعزه علي مرتبه علي الارض واميره ونورا واسماء علي الارض من غير سجاد
ناديه دخلت الاوضه وضحكت علي منظرهم :يلاااا يا بنااات صباح الخير اصحو الفطار جاهز برا يلاا
اميره واسماء وحبيبه صحو وصحو الباقي
اسماء بغيظ :يعني انتو تنامو مرتاحين واحنا نام علي الارض اي قلة الذوق دي
ندي ببرائه :في اي يا اسماء انا عروسه يعني مينفعش ابهدل نفسي ودول اخوات جوزي وضيوف عمدنا انيمهم علي الارض ولا اي
فرحه :والله يا اختشي معرف هي الاصول بتقول صحاب البيت بيكونو صحاب الواجب ولا انتي عمله نفسك غريبه يا اسماء
ندي بمياعه :بصو احنا نحل الموضوع دا بعدين يا فروحه دلوقتي تعالو ناكل اصل حسه نفسي جعانه خالص
اميره بقرف :جعاانه دا انتي وكله حلة كوارع لوحدك
فرحه بصت لمدي :في لسه شويه واميره مدوقنهاش وبصت لاميره نجيبلك يا ميرو حته
اميره طلعت جري وراها ولاد عمها
نيرا بضحك :انتو فيكو كيد مش في حد اقسم بالله
فرحه :الفطار بقااا علشان ننزل نجهز لبسنا يلاا وطلعو لقو مصطفي ابن خالت ندي واقف علي الباب
مصطفي :مبروووك ياست زفته
ندي بفرحه لما شافته حضنته :درش وحشتني يا راجل
مصطفي : وانتي كمان يا ندووش كبرتي يابت وهشوفك عروسه اخيرا
ندي :كبرت عقبالك يارب
مصطفي بحزن وتغير الحوار :انتو حطين فطار لاء دا انا لازم اكل بقااا وقعد وندي قعدت
فرحه بهمس لندي :مين البطل دا يا ندوش
ندي بغمزه :مصطفي ابن خالتي الكبيره مش مرتبط وجاهز للإرتباط
فرحه بضحك :بعدين نعرف التاريخ المشرق بتاعه
ندي سلمت عليها :اشطااا يا كبير
………………..
في الشارع الاغاني شغاله والناس بتاكل في الطباخ وغسان ومحمد وقاسم وعمر واسر مشغولين بتجهيز كل حاجه في فرحه
اسر :ابااااا غسان عاصي فين
غسان بص ليه :الراجل بتاع الستاير فوق وهو معاه علشان اهل ندي بيرتبو هدومها فوق
اسر :طيب يا غالي انا فعلا مش قادر اتحرك هطلع اريح شويه كدا قبل الحنه وهنزل علطول
غسان طبطب عليه :اطلع ريح شويه انت مطبق من امبارح
اسر طلع علي شقة نڤين وقبل ما يدخل خبط :احم انا داخل يا جماعه
نور طلعت ليه :ادخل يا حبيبي ادخل
اسر :انتي عرفه لو عملتي ليا كوباية شاي عليا النعمه هزود مهر بنتك
نور بضحك :اعملك يا حبيبي ادخل انت ارتاح شويه وانا هعملك سندوتش صغير واجيبلك كوباية الشاي واجيلك
اسر باس ايدها :تسلميلي يا غاليه ودخل الاوضة بتاعته غير هدومه وقعد يلعب في الفون وفتح الواتس وبعت لحبيبه ( يا نسيني ومشغول عني بتعملي اي )
حبيبه مسكت فونها ببتسامه (قلبي وحشتني خااالص انا بفطر مع البنات هنخلص وانزل اجيلك )
اسر :(لو جيتي ولقتيني نايم اوعي تصحيني علشان مطبق من امبارح ومش شايف قدامي )
حبيبه (خلاص يا قلبي مش هصحيك هسيبك نايم)
اسر (يلا خدي بالك من نفسك ومن بيت ندي للبيت بتاعنا يا حبيبه متبعديش عن كدا )
حبيبه (حاضر يلا باي )
اسر حط الفون جنبه ونور دخلت وكانت معاها صينيه عليها اكل عباره عن لحمه وفصوليا وشوربه ورز
اسر :يا غاليه بقولك سندوتش خفيف علشان انام جيبه غدا
نور :يابني علشان تعرف تصلب طولك دا انت من كل الكوارع بتاعت بليل حرام عليك نفسك
اسر اخد الصينيه :هاتي يا امي هاكل
نور ببتسامه :كل علي ما اجيب الشاي واجيلك وطلعت
نور للحريم اللي في الصاله :يلا يا جماعه الرجاله خلصت اكل يلااا علشان ناكل احناا
الحريم كلهم قامو ونزلو عند الطباخ وكدالك الناس اللي عند ندي
وعاصي حاسب بتاع الستاير والشقة خلصت وكل حاجه بقت تمام
نسمه :نور اتصلي بغسان خليه يجيب صنية اكل لسوسو ولماما علشان مش هيقدرو ينزلو تحت
نور وهي بتدوب الشاي :حاضر خدي وودي الشاي لاسر في قوضته علي ما اتصل بيه وراحت اتصلت بيه
غسان :نعم يا قلبي في حاجه
نور :لاء انا كويسه يا حبيبي بس كنت عوزه منك طلب
غسان :اطلبي علطول
نور :هات اكل فوق علي ماما نڤين ومامتي مش هيعرفو ينزلو تحت
غسان :عيوني انتي اكلتي ولا لسه
نور :هاكل معاهم بقاا
غسان :طيب كلي واوعي تنسي الدوا يا نور ولما اطلع نشوف حوار الحقنه
نور بغيظ:مبتنساش ابدا
غسان بضحك :تؤتؤ يلااا هطلع ليكم بأكل اهو وقفل ونور دخلت
سكينه لنور :اعدي يا نور شويه علشان اللي في بطنك يا بنتي
نور قعدت جنبها :والله يا ماما حسه ضهري هيتقطم رغم ان مش بعمل حاجه
سكينه :في الحمل بتاعك دا هم كدا ليه
نور :مش عرفه صعب اووي المره دي
سكينه :يكملك علي خير يا نن عيني ومتشوفيش وحش في عيالك ولا جوزك ابدا انتي واخواتك يارب
نورهان كانت قعده جنبها علي الشمال ونور علي اليمين باست راسها :ويخليكي لينا يا بركة
نسمه اللي قعدة قدمها علي الكرسي :احنا من زمان اووي مقعدناش القعده دي يا سوسو
ياسمين حضنت سكينه :لاء انا كدا اغير مليش دعوه هي امي انا كمان
سكينه :نور عين امك من جوااا يكملك علي خير يارب مش هعوز حاجه في الدنيا غير لمتكم حواليا دي ربنا يخليكو ليااا يا رب
فرحه وزهره وحبيبه دخلو البيت
فرحه :ياااا اهل القبيله يلي هنااا
نورهان :تعالو ادخلو يا شوية صيع
حبيبه :شيفه امك بتغلط فينا ازاي واحنا لو كنا سبنا ندي لوحدها مع ولاد عمها كانو بلعو البت
نور بضحك :لي كدا
زهره قعد جنبهم :عندها 3عقاااارب ولاد عمها عقارب سودا سمه حقوده من كل حاجه
فرحه :البت الكيد والغيظ باين في لسانها
حبيبه :لسانها اييي يما دا مكتووب علي وشها حقوده كدا
فرحه بضحك :بنقول لنيرا تعالي معانا عندنا يلاا قالتلي واسيل ندي مع 3 غوريلات دول
ياسمين بضحك :اسمهم ايه دول
فرحه :احنا سمينا اميره الدبه واسماء المنتوفه علشان مفيش عندها حواجب اصلا البت شيلاهم وحطه مكانهم بلستر اما نورا دي غلبانه 2 كيلو ونص كلها علي بعضها
كلهم ضحكو عليها
نورهان :انتو ريحين تشتمو الناس في بيتهم
حبيبه قامت شغلت اغاني :النهارده فرح عاصي يا جدعان عاوز كل يبقي تمام
فرحه :لقيتها ماشيه مشيت وراها عرفين قولتلها ايي
زهره :بعد اذن سيادتك انا معجب بسعدتك
سكينه بفرحه بيهم :ربنا يفرحكم يولاد يارب
فرحه :ويخليكي لينا يا سوووووسووو
نور قامت وفضلت ترقص ويضحكو والباب خبط وهما مش سمعين ففتح
غسان وهو شايل الاكل :يعني انا نازل خبط وانتو نزلين رقص طب دا كلام يا ناس
نور بصت ليه بضحك :بنفرفش علي نفسنا شويه
غسان راح باس دماغ سكينه :منوره يا غاليه
سكينه :بنورك يا غالي
غسان حط الاكل :الاكل اهو اومال امي فين ويمني مرات محمد
نور :ماما طلعت شقة عاصي تشوفها ونازله دلوقتي ويمني راحت تغير هدوم سيف علشان اتغرق ميه علشان ميخدش برد
غسان مسك ايدها :طيب نستأذن ربع ساعه يا جماعه وهرجعها ليكم تاني وشدها طلعو شقتهم
نور برجاء وهي طالعه معاه :بالله يا غسان سبني دلوقتي والله هتوقف رجلي وانا هبطانه خلقه
غسان :كانت المفروض تتاخد النهارده الصبح بس كنسلتي عليها ويلا هتخديها دلوقتي علشان شويه وهتشغل بناس ومش هكون فاضي ودخل الشقه
نور علي وشك البكاء :طيب استني اول ما المغرب يأذن والله هقولك تعالي اديهالي
غسان وهو بيعبي الحقنه :نامي علي بطنك وارفعي هدومك يلااا
نور برقت :انام علي بطني هي حصلت كمااان
غسان شدها من ايدها :بصي يا عمري اصل انتي كدا هتخديها وكدا هتخديها علشان كدا بالله بطلي مناحه يلااا
نور بدموع :ماهي بتوجع اووي
غسان :طب بصي لو اخدتي الحقنه هجبلك اللي انتي عوزاه
نور مسحت دموعها :احلف كدا
غسان :وحياتك عندي
نور :طيب هقولك انا كنت عوزه اشرب شيشه هتجيبلي
غسان بص ليها بغضب :وحياة امك اقوم اك**سرك الثانيه دي دلوقتي
نور قوست شفيتها اللي تحت بزعل :خلاص هجيبلي اي بقا
غسان :يا نور والنبي انا هبطان خلقه يلا تعالي خلينا نخلص
نور :طيب بص انا هنام واديها ليا بسرعه
غسان فتح الحقنه وقام :يلا يا قلبي
نور نامت وهو ادها الحقنه بسرعه
نور بصويت :بتوجع يا غسااان زي كل مره وبتكذب علياااا
غسان رمي السرنجله في الزباله :بشفااااا يا حبيبي يارب
نور قامت وعدلت هدومها ومدت ايدها ليه :هات فلوس
غسان طلع المحفظه :عوزه كام ؟
نور :خمسين جنيه
غسان طلع 50 :خدي يلا ننزل ولا عوزه ترتاحي شويه
نور مسكت ايده :لاء هنزل معاك ونزلت وهو نزل عند الرجاله
……………..
في شقة يمني
محمد نايم علي بطنه وسيف بيمشي علي ضهره
محمد :اطلع شويه ياسيف عند رقابتي كدا سيف طلع علي رقابته ذات نفسها محمد صوت مش هنا يحماار تحت شويه
سيف نزل من علي ضهره بغضب :يعني انا سيب اللي ورايا وعمال ادوس علي بطنك وانت نازل تشتم فيا بس
محمد مسكه من لياقه الترنج بتاعه :ولااا انا عارف انك تربية عاصي الكلب بس عليا النعمه لو طلعت و سخ زيه كدا هع لقك
سيف :سيب الشاكت هيبوظ
محمد بضحك :شاكت اييي يلااا دا انت شويه وهتختفي من قصرك
سيف بغضب :مش احسن ما اكون انا والعمود واحد
محمد بصدمه :تقصد اييه يلاا انا عمود
سيف :والله كل واحد ادري بنفسه استني نسيييت اوريك البدله الجديده اعد هنا علي مااجي وراح لامه
سيف :ماما ماما ماما البدله فين بسرعه
يمني وهي بتغسل الاطباق :عوزها لي يا سيف هتتوسخ قبل ما تلبسها كل دقيقه تطلعها لي
سيف :هوريها لبابا بس هي فين بقااا
يمني نشفت ايدها :هو بابا صحي من النوم
سيف بغرور :ايواا انا رحت صحيته قولتله ماما النار مسكت في شعرها قام بسرعه بس قولته دا مقلب علشان تصحي بس وبعدين مشيت علي ضهره
يمني بصدمه :يخربيت تفكيرك انت طالع لمين يلاا
سيف بعدم فهم :مش طالع لحد انا عاوز البدله اوريها لبابا لكن مش طالع فوق لحد
يمني ضحكت وراحت جابت البدله بتاعته من الدولاب :امسكها من فوق وارفعها من علي الارض وهاتها لما توريها ليه
سيف اخدها وراح لمحمد :شوف الجمدان بقاا
محمد :اش اش اش اي البدله الحلوه دي ماما جابتها امتي
سيف:لما كانت مع نسوم بيجيبو الفساتين بتاعت فرح الواد عاصي
محمد :لاء جامده امك فين
سيف :بتغسل الطبق الابيض اللي عليه رسمه فراشه اللي اكلنا فيه امبارح وو
محمد :خلاااااص بتغسل المواعين وقصر خلاص
سيف شد البدله :يلا لما اروح اخبيها بقااا
………………….
بليل علي الساعه 8 الاغاني تحت شغاله والمزمار والخيل والدنيا جميله اووي غسان ومحمد وعمر وقاسم واسر لبسين كلهم قمصان سودا وبناطيل سودا وجزم بيج وكل واحد بيرقص واخر روقان
ندي بقااا صدمتهم كلمهم بلبسها ولبست عبايه صعيديه ونقاب مقرم زي الصعيدين وميكب صعيدي وكل حاجه علي الرغم من شكلها المثير اللي الكل بقا مذهول من شكلها وجمالها
حبيبه بصت ليها :علشان كدا مرضتش تورينا هدوم الفرح
فرحه بغمزه :عاصي ايده في البن
ندي :اي رأيكم فياااا
نيرا بهمس ليها :اخر جمداااان
اسماء واميره متغاظين اووي من شكلها علشان ندي رغم نحافة جسمها لكن تمتلك مفاتن رائعه
الكل زغرط :العريس وصل يولاد
ندي وقفت متوتره لان هيا كانت مفكره الحنه هتكون فوق وترقص مع البنات بس
عاصي دخل وبص علي ندي راح عندها ورفع النقاب بصدمه :انتي مين
ندي بمرح :انا ندي يا راجل يخص عليك نسيتني
عاصي بهمس :هولع فيكي دا اي اللي انتي لبساه دا
ندي بمرح :حنتي بقاااا
عاصي :طيب مش هتنزلي تحت بمنظرك دا هترقصي هنا بقااا دا عقاب ليكي
ندي بصدمه :والنبي يا عاصي علشان خاطري ساعه وهذلع تاني بالله عليك يا عاصي نزلني كل العرايس بترقص مع اجوزها في الحنه اشمعنا انا
عاصي بنزفزه :لبسك مفصل جسمك كله هنزلك وافرجك الناس عليكي يا ندي
ندي بزعل علي وشك البكاء :خلاص عادي انزل انت وانا هفضل هنا
عاصي غمض عينه ومسك ايدها :اتزفتي انزلي
ندي شدت ايدها :خلاص انزل انا مش هنزل هفضل هنا
عاصي قرب منها بهمس:حقك عليا يلا تعالي متزعليش نفسك
ندي بمرح مسكت ايده ونزلت معاه والكل عمال يزغرط ويسقف ونور ونورهان ويمني وياسمين ونسمه والكل سلم عليها وعلي عاصي
نيرا راحت عند الديجي وقالتله يشغل اغنيه معينه
الديجي :واللي ابوه صعيدي ما يخاااااف
غسان ناول عاصي عصايه وهو عاصيه وفضلو يرقصو سوا علي الاغنيه
غسان بضحك :لاء جدع
عاصي بغرور:اومااال دا انا اعجبك اوووي وانضم ليهم الرجاله والكل بيرقص بفرحه
وندي ونيرا وعزه وفرحه ونور والكل بيرقصو معاها وفرحانين اوووي
عاصي راح عند ندي وحط العصايه علي وسطها وفضل يرقص معاها وهي مبسوطه اووي
عاصي بهمس :كل دا هطلعه عليكي صبرك عليا بس
ندي بمياعه وهي بتميل عليه :في اي يا عاصي الفرح دا فرحي يعني لازم ارقص واهز
وايجة فقرت الحنه ناديه جابت صنيه كبيره مرصوص عليها كذا دور من الحنه نور اخدت حته من الحنه وحطت علي ايد ندي
نور بحب :نورتي عيلتنا يا ندوش
ندي بمرح :مش عرفه انتي حماتي ازاي دا انتي احلي يا نوراه
نور بضحك :كلامك بيحسسني ان عندي 20 سنه لسه
ندي حضنتها بحب
ناديه مسكت ايد ندي وحطت حته في كف ايدها اليمين والشمال :اتمنالك حياة سعيده واللي مقدرتش اوصل ليه واحققه تحققيه
ندي حضنت امها واخدت حته من الحنه واديتها لعاصي
عاصي بعدم فهم :اعمل فيها ايه
ندي :هتاخد منها حته وتحطها علي ايدي
عاصي اخد حته وحطها علي ايدها :كدا
ندي ببتسامه :كدا انت حنتني
عاصي باس راسها بحب :نورتي حياتي يا ندوش
وفضلو يتصورو وعاصي راح عند ابوه وسلم علي الظابط اصحاب غسان
واحمد نزل من العربيه وفي ايده سلوي اللي شيله عند وجنبه انتصار غسان قبله بحب وسلم عليهم
غسان :تعالي يا عمتي نورتني والله وعاصي راح سلم عليها
انتصار :ايدك في البن يا عاصي ربنا يسعدك
عاصي بضحك :يخليكي ليا
نور والبنات اخدو سلوي ترقص معاهم وندي كانت فعلا فرحانه
فرحه بهمس :شوفي ام حواجب بتبص علينا ازاي
زهره :ولا الدبه ناقص تيجي ترشقني قلب تلوح رقابتي
فرحه :ملناش دعوه بحد
ندي بهمس ليهم :ملناش دعوه اييييه يا شيخه دا احنا الشيطان بيصلي جنبنا ضحكو كلهم
والبنات اتصورو كتيرررر اووي مع بعض واخيرااااا اليوم خلص بعد ضحك وفرح كتير اوووي
- يتبع الفصل التالي اضغط على (رواية حين تقع في الحب ) اضغط على أسم الرواية