رواية هذة ليلتي الفصل الثامن و العشرون 28 - بقلم نجمة براقة

  رواية هذة ليلتي كاملة بقلم نجمة براقة عبر مدونة دليل الروايات 

 رواية هذة ليلتي الفصل الثامن و العشرون 28

فهد _ تعاله ياحبيبي

عز يدخل بخطوات بطيئة وقلبه منفطر من الحزن

فهد _ اتفضل البيت بيتك

عز_ متشكر ويقعد علي الكرسي ودموعه تنزل

فهد _ استهدا بالله

عز بحزن _ لا إله إلا الله

فهد _ هي كده ارتاحت ادعيلها

عز بحزن _ ماتت بين ايديه وانا مقدرتش اعملها حآجه . اول مره تكون قريبه مني واتاريها كانت بتاخد المسدس عشان تنتحر.. حذرته وقولتله هتعمل فى نفسها حاجه مصدقنيش. ليه هي بذات يافهد

فهد بحزن _ نصيبها ياصاحبي

عز ببكاء _ مش نصيب انا السبب هي انتحرت بمسدسي. وقدام عيني ومقدرتش امنعها والله ما قدرت

فهد _ وانت كنت هتعمل ايه يعني

عز بانفعال _ ايه حآجه غير اني ملحقهاش. بقولك ماتت بين ايديه وانا كنت قليل الحيله.. بس هو السبب هموته زي ما موتها

فهد_ قصدك مين.

عز_ نادر.. انا قولتله جيلان هتعمل حآجه في نفسها ومسمعنيش وحذرني اتكلم تاني .. والله لا اقتله

فهد _ انت مش عارف كلامك ده ممكن يوصلك لأيه. اهدا

عز ببكاء _ اهدا.. انا بموت، ومقهور يافهد عاوز اروح افرغ فى قلبه عشرين طلقه يمكن قلبي يبرد شويه

فهد _ انت دلوقتي تعبانه تعاله نام جوه وبعدين نتكلم

عز بحزن _ سيبني مش عاوز انام

فهد_ علشان خاطري متعملش في نفسك كده

عز _ مش هرتاح غير لما اجبلها حقها… حق جيلان ف رقبتي

فهد _ طيب ممكن تدخل تنام وبكره نشوف هنعمل ايه

بيدخل عز الأوضة ويتمدد على السرير ويشوفها قدامه وهي مبتسمه ولابسه لبس ابيض مضئ

بيقوم من مكانه والدموع في عينيه

عز _ انتي مش كنتي..

جيلان بإبتسامه _ زعلان ليه

عز بدموع _ عملتي كده ليه

جيلان بإبتسامه _ متفكرش كتير. انا كويسه دلوقتي

عز بدموع _ بس انا مش كويس انتي خدتي فرحتي وكل امل كنت عايش علشانه

جيلان _ انا هنا مروحتش مكان

عز بدموع _ طيب انتي وحشتيني ارجعي يلا.

جيلان بإبتسامه _ انا رجعت وهفضل على طول جمبك.. كل يوم وفي كل وقت وانت نايم هاجي اشوفك

عز ببكاء _ الحقيقة انك وهم انا شايفه وهتمشي تاني… كنتي خدتيني معاكي طيب

جيلان تقرب منه بإبتسامه وتقرب ايدها من عينيه لغيت ما يغمض وبعدين يفتح ميلقهاش

عز بانهيار_ قولتلك اني موهوم.. انتي فين ارجعي يلا انا هاجي معاكي . جيلاااان

فهد بيدخل عليه ويحضنه _ عز مش كده ياصاحبي اهدا عشان خاطري

عز ببكاء _ كانت هنا يافهد والله كانت هنا

فهد’_ بسم الله .. حبيبي هي خلاص عند ربنا هتيجي هنا ازاي . استهدا بالله وادعيلها

في بيت شامي

شامي في اوضته وقافل علي نفسه الاوضه من يوم اللي حصل وبيأنب نفسه علي اللى قالهولها لغيت ما بتتصل ناردين برقم توقه

شامي _ الو

ناردين _ هتفضل كده لامتي

شامي بحزن_ انا السبب يا توقه لو مقولتلهالش اللي قولته مكنتش انتحرت. مكنتش اعرف ان زياد مات وهي كانت بتقول هروحلو وانا مفهمتش

ناردين بحزن_ معرفش القصه بس انتي لازم تخرج وتشوف شغلك

شامي _ مش عاوز اشتغل ولا اشوف حد ولا اتكلم مع حد

ناردين _ ولا حتي البنت اياها

شامي _ ياريت بس هشوفها فين

ناردين _ يمكن لو نزلت تحت تلاقيها في وشك انا دعتلك

شامي _ بجد

ناردين _ ايوه

شامي بيقفل معاها ويطلع بسرعه يلاقيها واقفه تحت في الدور الاول وبتبصله بإبتسامه

بينزل بسرعه وبدون إدراك يحضنها بقوة وهى تضمه باشتياق متناسيه الفارق الكبير بينهم غير مهتمه بأحد

شامي _ كنت محتاجلك اوى

ناردين بدموع_ علشان كده جيت

شامي بحزن _ انا تعبان بجد يا ناردين حاسس روحي بتتسحب منى

ناردين _ بعد الشر عنك متقولش كده انت ملكش دعوه

شامي يبعد عنها بارتباك _ اناا انا اسف محستش بنفسي

ناردين _ مش مشكله .. تعاله معايا

شامي _ على فين

ناردين _ هنمشي بالعربية شويه

بيركبو العربيه وتمشي لبعيد عند المكان اللي قابلته فيه اول مره

شامي_ جبتينا هنا ليه

ناردين _ دا المكان اللي قابلتك فيه اول مره

شامي_ صحيح .. بس جايبانا تاني ليه

ناردين _ عشان اقولك اني بحبك

شامي بخيبه _ مش هينفع.. مكنتيش قولتيها

ناردين _ كنت هموت لو مقولتش.. شامي انا بجد بحبك

شامي _ كان ممكن اكون اسعد انسان لما اسمعها منك .. بس انا مكنتش اتمنا اسمعها

ناردين بدموع _ ليه

شامي_ علشان انتي الهانم

ناردين بدموع _ وانا مش عاوزة اكون هانم. انا عاوزاك انت وبس

شامي _ وانا لوحدي منفعش عمرنا ما هنجتمع، مستحيل حد يوافق وانا عمرى ما هقدر اعيشك زي مانتي عايشه

ناردين _ انا راضيه اعيش معاك في اي حته ان شاءلله في الشارع . شامي خليك جمبي علشان خاطري

شامي بدموع _ انا اللي اتمنا تكوني جمبي بس مش هينفع..

ناردين بدموع _ هينفع انا هسيب كل حآجه عشان اكون معاك..

شامي يلمس وشها بأيده ويركز النظر في عينيها بحب _ انتي عارفه. انك بنسبالي حوريه بجد مش مجرد كلمه قولتها.. وهعيش طول عمري اتمنا اوصلك بس للأسف الحوريات ملهمش مكان في حياتي اخري بس ابصلهم من بعيد

ناردين بدموع _ يعني كنت عارف اني توقه

شامي بإبتسامة _ ايوه وكنت نفسي افضل مخبي عنك علشان اتواصل معاكي علي طول واقولك اني بحبك طول الوقت

ناردين بدموع _ شامي لو بتحبني بجد خلينا مع بعض انا مستعده اهرب معاك. بس متسبنيش

شامي يحضنها بشغف _ بحبك يا ناردين

ناردين بفرحه مختلطه بدموع _ يعني موافق

شامي_ لأ

ناردين تبعد عنه_ امال بتقول بتحبني ازاي وانت مش عايزني

شامي _ بحبك وعاوزك. بس مش هقدر اظلمك واجيبك للفقر معايا دا غير ان ابوكي مش هيسيبني. ومش هتأذي انا لوحدي. انا معايا امي واخواتي لولاهم كنت خدتك وهربنا وسبنا كل حآجه ورا ضهرنا

ناردين ببكاء _ اكيد في حل تاني

شامي بإبتسامة باهته _ فيه أنك ترجعي وتنسيني

ناردين ببكاء _ وأنا لو هقدر انساك. كنت جيتلك ليه وقولتلك

شامي _ بكره يجيلك اللي ينسيكي ويكون مناسب ليكي.. انا مش هنفعك

ناردين ببكاء _ انا مش عاوزة غيرك انت

شامي _ مش هينفع يا ناردين . يلا ارجعي ومتجيش تاني

ناردين تمسك ايدك _ متسبنيش

شامي يشيل ايدها _ ارجعي ومتجيش تاني . وبينزل من العربيه وبيمشي وقلبه منفطر من الحزن علي عجزه اللي بيمنعه يكون معاها

ناردين تبص عليه هو وماشي وتبكي لغيت ما بيختفي عن نظرها

الشركه

ادم بيدخل الشركه ويروح علي مكتبه من غير ما يسلم على حد وبسمه بتروح وراه

بسمه _ حمدالله علي السلامه

ادم _ الله يسلمك ورانا مواعيد ايه النهارده

بسمه _ انا اعتذرت للكل عن مواعيد النهارده

ادم _ كويس.. عاوز قهوه ساده لو سمحتي

بسمه _ حاضر يافندم

بتروح تجيب القهوة وهو تليفونه بيرن برقم ليلى ف يقفل عليها ويرجع بضهره علي الكرسي ليحدث نفسه _ الظاهر ان دمك تقيل علي البنات ولكده مش بيكملو معاك .. بس دي بتتصل ليه تانى فكراه عادي تسبني وترجع تقولي صحاب. انا من امتي ليه صحاب بنات لما هصاحبك بعد ما اتجوزتي..

بسمه _ القهوة يافندم

ادم _ متشكر

بسمه _ حضرتك كويس دلوقتى

ادم_ الحمدلله

بسمه_ متزعلش نفسك ده عمرها

ادم_ وانتي شيفاني ببكي يعني علشان تقولي كده ما تنتحر ولا تولع في نفسها انا مش باقي على حد لا هي ولا غيرها. دي حتي ريحتني

بسمه_ هي باين عليها كانت تعبانه نفسيآ ف عملت في نفسها كده، مش علشان تخلص منك

ادم_ عادي ياستي هي دلوقتي متستاهلش غير ندعيلها بالرحمة، خلصت مني او من نفسها ميفرقش معايا، انا مش هموت من غير حد

بسمه_ حضرتك تستاهل كل خير والله مش بجامل. بكره هتلاقي اللي تحبك

ادم بخيبه _ اه ان شاءلله. اتفضلي علي شغلك

بسمه_ حاضر

بتروح مكتبها وهو بيقوم ويبص من الشباك علي الدنيا من فوق ويحدث نفسه _ هتكون اكتر من ليلي اللي معايا من 14 سنه واكتشفت فجأه انها مش عاوزاني، اي واحده هتيجي بعد كده هتبص لمركزك وفلوس عمرك ما هتتحب بجد،

بيت يامن

يامن بيدخل علي ليلي يلاقيها زعلانه

يامن _ مالك

ليلي بدموع _ آدم مش بيرد عليه

يامن _ ادم ؟ وبترني عليه ليه

ليلي _ بطمن عليه بعد ما خطيبته انتحرت اكيد زعلان دلوقتي

يامن بعصبيه _ لا ازاي ده احنا كده نروحلو وناخدو في حضننا ونطبطب عليه علشان ميزعلش.. مكالمة التليفون مش كفاية

ليلي _ انت بتكلمني كده ليه شوفت ايه مني علشان تقول كده

يامن _ شوفت انك مزوداها ومش عملالي اي اعتبار

ليلي بدموع _ انا قولتلك يا يامن اني مش هقدر ابعد عنه

يامن بعصبيه _ وسبتيه ليه من الاول

ليلي _ عشان بحبك وعاوزك انت

يامن بخيبه _ايوه علشان كده مش قادره متتكلميش معاه برغم انه قالك متتصليش تاني

ليلي بدموع _ آدم صديقي من صغرنا ياما استحمل نرفزتي وقولتله كتير متكلمنيش وبردو كان بيكلمني، دوري جه دلوقتي اني استحمله في ضيقته

يامن _ طيب وانا جوزك مشاعري عادي عندك

ليلي ببكاء _ انت حآجه وهو حآجه تانيه

يامن يمسك السلسلة بتاعته بغيظ _ ودي بتعمل اية لغيت دلوقتي في رقبتك

ليلي _ وعدته مقلعهاش يا يامن

يامن بخيبه _ لا طبعا لازم تحافظي علي وعدك معاه علشان ميزعلش واولع انا، عاوز افهم سبتيه ليه طالما عاوزاه

ليلي بدموع _ ده رايك فيه

يامن _ ده اللي شايفه مجبتش حآجه من دماغي

ليلى بدموع _ كتر خيرك. متشكره بجد وبتمشي وتسيبه ليحدث نفسه بغضب _ خايفة على زعله واولع انا،،، الظاهر ان قصة رانيا هتتعاد تاني

في بيت فهد

فهد قاعد مع نور على السطوح

فهد _ مدمر خالص مش عارف أخرجه من اللي هو فية

نور _ الوقت بينسي

فهد _ امتي طيب كام يوم دلوقتي وهو محاولش يخرج ولا يتعامل مع حد

نور _ اديلو فرصه، مش بأيده ينسا اللي حصل انت بتقول انتحرت بين ايديه

فهد _ ايوه.. بس انا قولتله سيب الشغل ده ونعمل حآجه مع بعض هو اللي قالي مش هسيبها

نور _ باين عليه كان بيحبها اوى

فهد _ حب ايه وقرف ايه. كان خد ايه من الحب دة عمرها ما بصتله ولما قربتله في مره كانت بتسحب منه المسدس طول عمرها انانية وماتت انانية

نور _ هي خلاص ماتت انت بتتكلم في ايه

فهد _ الله يرحمها عمري ما استلطفتها من بعيد حتي

نور _ ياساتر يارب انت قلبك اسود علي فكره

فهد _ بالعكس انا مفيش اطيب مني بس مبحبش الانسان الاناني، يعني هي مثلا عاشت مؤذيه وأذت ابوها وخلت منظره زفّت قدامنا ولما ماتت اذيت ابوها وعز وخطيبها مفكرتش غير في نفسها

نور _ البنت انتحرت فاهم يعنى ايه البني آدم يخلص علي نفسه بأيده ياخي دي فكرت الموت لما بتيجي في بالنا جسمنا بيسخن ونترعش من الخوف. ف اكيد اللي وصلها تعمل في نفسها كده كان فوق احتمالها. مش كل واحد باين مبسوط ومرتاح معندهوش مشاكل زي مانت فاهم ..

فهد بإبتسامة _ وانتى مضايقه عليها اوى كده ليه رغم ان هى السبب فى اللى انتى مريتي بيه

نور _ وايه اللي انا مريت بيه . بالعكس انا مبسوطه بالمغامره دي. وانا مش مضايقه عليها انا مضايقه منك انت

فهد بإبتسامة _ ناخد كلامك على. جزئين. الجزء الأول ليه مضايقه منى والجزء التاني ليه مبسوطه بالمغامره دي.. ايه المميز فيها

نور _ مضايقه منك عشان كلامك قاسي ومفهوش رحمه

فهد _ والجزء التاني

نور’ مبسوطه علشاااان. جربت حآجه جديده . اصلي متخطفتش قبل كده

فهد _ مبسوطه علشان كده بس

نور _ ايوه هيكون في ايه تانى

فهد بإبتسامة _ كنت فاكر في سبب تاني

نور _ اممم لا فيه . بصراحه كده انا اتعرفت علي حد جديد ومبسوطه اني عرفته وعايشه معاه في نفس العماره

فهد بإبتسامة _ هو مين

نوربضحك _ روكي الكلب. سو كيووت

فهد بقرف_ الكلب

نور بإبتسامة _ ايه مبتحبش الكلاب ؟

فهد _ لااا بحبها بس بعرف انقي الفاظي مش زيك

نور _ ومالها الفاظي

فهد _ منيله بستين نيله

نور بضحك _ الله هو انا كلمتك

فهد_ اه كلمتيني قولتي مبسوطه علشان عايشه معاه في نفس العماره وهوب رميتي في وشي كلمة الكلب

نور بضحك _ طيب ماهي دي الحقيقه، انا بحب روكي الكلب ومبسوطه اني عايشه معاه

فهد _ روكي بس مفيش حيوان تاني قابلتيه في ام العماره لفت انتباهك

نور بإبتسامة خجل _ فيه

فهد بإبتسامة _ هو مين

نور _ جارنا اللي ساكن في الدور الاول

فهد _ نعم

نور بضحك _ جارنا اللي في الدور الأول معاه هامسترو تحفه افتكرته فار في الاول وكنت هضربه بشبشب بس قالولي ده هامسترو

فهد بقرف _ هامسترو

نور _ اه مشفتهوش قبل كده

فهد _ لااا مشفتهوش ولا عاوز اشوفه

نور _ استنا اوصفهولك

فهد بقرف_ اوصفي

نور بإبتسامة _ هو أول ما تشوفه تعوز تقتله لانك هتفكره فار رزل وملزق وعاوز الضرب علي وشه

فهد _ دا الهامسترو

نور _ اااه. وبعد ما تعرفه تلاقيه كويس ولطيف كده

فهد بضحك_ وبعدين كملي

نور بإبتسامة _ وبس كده

فهد _ قولتيلي لما اشوفه اعوذ اضربه علي وشه وملزق

نور _ لابعد حد

فهد بإبتسامة _ فكرتيني بالبومه اللي عند جارنا في الدور التاني

نور بغيظ_ قولتلي بومه

فهد _ اه بومه. بس بومه جميله وفيها « نور» كده

نور _ وبعدين مالها يعنى

فهد _ بوظتلي الدنيا قبل كده وحلفت لا اوريها واخليها تحبني

نور _ وبعدين

نور بإبتسامة _ حبيت بومه

فهد _ اعمل ايه ماهي عينيها مميزه وتشد اي حد

نور بخجل _ هي كده عيون البوم. طيب انا هروح اغسل. باي

فهد بضحك _ استنى مقولتليش انتي حبيتي الهامسترو ده ولا مجرد اعجاب

نور بتدخل اوضتها وتقفل عليه

فهد بإبتسامه _ فهد البادي جارد بقا هامسترو

• يتبع الفصل التالي اضغط على ( رواية هذة ليلتي ) اسم الرواية