رواية زين الصعيد كاملة بقلم دودي عبر مدونة دليل الروايات
رواية زين الصعيد الفصل التاسع و العشرون 29
فارس :ايه ي عم مالك
شريف :مفيش ي فارس
فارس:مفيش إيه يعم انت مش شايف متغير كدا ليه مش عويدك يعني م تقول في إيه مش يمكن أساعدك ويكون عندي حل
شريف :والله م اعرف ي فارس بس نور بقت متغيرة اوي معايا
فارس:متغيرة ازي يعني!
شريف:عندك مثلا كنا بنتكلم إني هسافر كام يوم وكدا تبع الشركة م انت عارف ان ابويا لو اي تعامل وصفقات مع شركات برا لازم يطلعني ويخليني اتولهااا.
فارس:ايوه فين بقا المشكلة
شريف:الست نور مفكراني بروح اتفسح في السفرية وحاطة في دماغها أن بعد الجواز لازم اشتري لها بيت برا مصر تحت مسمي أن علي طول بسفر ومش هكون فاضي لهاا وهي مش عايزة تقعد في مصر ع بعضهااا وتسافر معايا حتي عرضت عليهااا تشوف احسن بيت هنا وانا اشترهولها برضوا رافضة وحقيقي مش عارف اعمل ايه.
فارس:شريف اقولك رايي بصراحة ولا هتزعل
شريف:قول عايز تقول اي
فارس:بصراحة كدا نور خطيبتك دي مش كانت تنفعك من الاول انا اسف إني بقولك كدا بس انت اللي جايباه ل نفسك وماشي وراهااا في كل حاجة اعمل ايه ي شريف ومتعملش ايه زي م تكون ساحبك وراها ومشية كلامها عليك تقدر تقولي انت فين من كل ده
شريف:انا بعمل كل ده علشان بحبها ي فارس ومعنديش استعداد اخسرهااا فأكيد بعمل اللي يريحهااا وتكون راضية ومبسوطة دايمااا
فارس:تعمل اللي يريحهااا ،طاب وانت مرتاح!
شريف:اكيد مرتاح ،علشان هي مرتاحة
فارس:شوفت بقا إنك رابط راحتك بيها ومش عارف تقرر إذا كنت مرتاح فعلا من جواك ولا لا
شريف:نور طيبة وبتحبني كل الحكاية بس أن دماغها ناشفة شوية وانا مش عارف اقنعهاا ازي أنها تغير رايهااا في حوار السفر ده
فارس:لا بسم الله م شاء الله واثق اووي انت أنها بتحبك انا فخور بيك والله ،من الاخر انا عمري م ارتحت للي اسمهاا نور دي معرفش بتحب فيها ايه بس يصحبي نور مش بتحبك دي بتحب فلوسك بتحبك علشان غني وبتسافر وعندك شركات وباباك يعتبر من أكبر رجال الأعمال في الشرق الأوسط كله وأشهر من النار ع العلم يعني مش محتاجة كلام
شريف :تقدر تقولي إزي بتحبني علشان فلوسي مع أن باباها غني هو كمان وعنده شركات ورجل أعمال برضوا فين الاختلاف!
فارس بضحك :ايوه ايوه عنده وعنده بس لو جيت قرنت باباك هتلاقي الفرق فين بالضبط وان دي لعبة عليك ي معلم وانا اقدر اكشفهااا ليك كمان
شريف بإستغراب:لعبة!!تقصد إيه!!انت فاهم نور غلط خالص
فارس:طيب ماشي هنروح بعيد ليه لو انا فعلا كلامي غلط عنها كدا تعال اقولك تعمل معاها ايه في حوار السفر وساعتها بس هتعرف هل فعلا بتحبك زي م بتقول ولا لا واللي في دماغي ده تطلع اوهام
شريف :اكيد أوهام
فارس:يااارب يسيدي تطلع اوهام فعلا وتطلع صادقة واطلع انا كداب وظالمهااا زي م بتقول .
_________________________
صالح الجبالي :ي تفيدة فين قمر عااد
تفيده :هتلاقيهااا فوق يخويااا ،عاوزهاا في حاجة
صالح الجبالي:ايوه ،اندهلهاا
تفيدة:طيب هطلع لهاا
وجات قمر
قمر :خير ي بوياا امي قالتلي انك عاوزاني
صالح الجبالي :ايوه اقعدي يقمر ي بتي
والله كبرتي يقمر وبقيتي عروسة ،النهاردة الحاج عتمان طالبك مني
قمر بإستغراب:ايه كيف عااد يبوي الحاج عتمان مين ده اللي هتجوزهولي هتجوزني لراجل كبير
صالح الجبالي بضحك :ي بت مش هو ،هو طالبك مني لابنه حامد ،هاا قولتي ايه
قمر :لا يبوي مش عاوزة اتجوز دلوقيت
صالح الجبالي:وه ليه ي بتي بتقولي كدهااا
انتي كبرتي ولازم تتجوزي كدا هتكبري يقمر
قمر:انا عاوزة اكبر يبوي مش ده اللي هتجوزه حامد مين ده اللي ابصله ولا حتي افكر اتجوزه في يوم من الايام الله يسيقك يبوي سبني وبلاش تفتح معايا الموضوع ده واصل تاني وطلعت ع فوق
صالح الجبالي :الله يهديكي ي بتي مش عارف هتفضلي ترفضي كدا لحد امتاااا بس.
_______________________
بتعدي الايام والعلاقة بين جنة وماجد بتقرب اكتر واكتر
وجنة يعتبر بقت بترتاح ل ماجد حتي لو بنسبة بسيطة وعلي وشك تحديد كتب الكتاب
ماجد :هااا ي جنة هنحدد ميعاد كتب الكتاب امتااا
جنة:هنشوف ي ماجد لما انزل الإجازة الجاية ونشوف بابا وماما وناخد رأيهم كمان
ماجد بحب متصنع:ماشي يروحي انا ع نار والله ومستني اليوم اللي هتكوني فيه مراتي بفراغ الصبر
جنة بحب:إن شاء الله ي ماجد معلش انا هقفل دلوقتي علشان الشغل عايز حاجة
ماجد:عاوز سلامتك ي حبيبتي مع السلامة
_______________________
زين بضحك:ايه ي عم ع الناس اللي نازلة إجازة النهاردة
عاصم بضحك :حد ليه شوق في حاجة هتنق فيها ولا ايه
زين بضحك: يعم ولا هنق ولا حاجة تتهنااا بالاجازة يعصومي
عاصم بضحك :عاوز حاجة ياض ي زين هتوحشني والله
زين بضحك:هعاوز ايه منك يخوياا بقولك ،متنساش زي م اتفقنا هنروح نزور ام يحيي
عاصم :متخافش يعم مش ناسي انزل بس كدا وشوف الميعاد وهنروح امتااا ،تعرف ي زين احلي حاجة فيك انك افتكرت ام يحيي والله وأننا نروح نزورهاا فكرة جدعة وحلوة منك
زين بحب :دي ملهاش غيرنا دلوقتي ي عاصم ويحيي وصانا عليها الله يرحمه قبل م يموت لازم نراعيهااا ونخلي بالنا منهااا يصحبي ،يلا اسيبك انا علشان رايح للواء جمال
عاصم :ماشي سلام ي زين باشا
____________________________
مريم :جنة بقولك ايه عايزة احكيلك ع حاجة كدا
جنة :حاجة ايه!!
مريم:الدكتور حاتم معرفش مركز معايا اووي الايام دي من ساعة م رفضت طلبه وكدا
جنة :طلب ايه
مريم : ي جنة بقا م تركزي مش أنا حكت ليكي إنه اتقدم ليااا وطلب اديااا وانا رفضت ومن وقتها وهو بيعاملني وحش وبيتلكك علشان اتعصب واتخانق معاه وعاوز يمشيني من الشغل بأي طريقة قوليلي اعمل ايه
جنة :لا ولا تعملي اي حاجة الموضوع ده سبيه ليااا وانا هتصرف
مريم :ايوه هتعملي ايه يعني
جنة بخبث:يستي بقا هقولك بعدين لما اخلصه
مريم بضحك :اه ربنا يستر
________________________
ام ابراهيم فتحت الباب لاقت راجلين شكلك غريب اووي بدقن طويلة وجلباب وماسكين سبحة واحد منهم بيقولهاا
الشخص:السلام عليكم،ابراهيم موجود ي حجة
ام ابراهيم:وعليكم السلام، ايوه ابراهيم هنا انت مين
الشخص:قوليله بس ابو عزام برا عايزاك وهو عارف
ام ابراهيم بإستغراب:حاضر لحظة واحدة
كل ده وام ابراهيم قلقانة من شكلهم اصلا وطريقة كلامهم كدا مش تطمن
ابراهيم طلع ..ابو عزام تعال ي شيخنا اتفضل
ابو عزام:اذيك ي بطل مش وقته يلا جهز حاجتك بسرعة وتعال معانا علشان هتسافر
ابراهيم :مش كان الميعاد إني هسافر بكرا
ابو عزام:لا الميعاد اتغير ومفيش وقت جهز الحاجة علشان تسافر انت والرجالة دلوقتي
ابراهيم :حاضر ي اميرنا
دخل ابراهيم يجهز حاجته وأمه وراه …في ايه ي ابراهيم ومين دول وهتسافر دلوقتي فين ي بني …ي بني طمني في ايه والراجل ده هياخدك وتروح معاه فين
ابراهيم:يما مش وقته الأسئلة دي انا لازم امشي دلوقتي خلي بالك من نفسك انتي واختي زي م قولتلك …يلا سلام يما
____________________________
يحيي نزل إجازة وراح ل ورد علشان يشوف أخرة الموضوع ده ايه وان ورد ع طول بتشتكي من المعاملة من عاصم بحكم شغله كضابط وهكذا بس النهاردة عاصم رايح وفاهم اووي هو هيعمل ايه عاصم راح وورد فتحت له
ورد:عاصم وحشتني اووي
عاصم بلا مبالاة:اهلا ي ورد
ورد بإستغراب:ايه مالك ي عاصم تعال ادخل
ودخل عاصم وقاعد بس الغريبة أنه مكنش مبسوط خالص
ورد ب ميا*صه:مش وحشتك ي عاصم ولا ايه ولا بتسال عني ولا بتعبرني
ودخلت ام ورد
ام ورد :اهلا ي عاصم ي بني حمد لله على سلامتك
عاصم بحب :الله يسلمك ي ست الكل
ام ورد:بركة انك جيت بالسلامة ي بني هروح اعملك حاجة تشربهااا وانتي ي ورد اقعدي مع عاصم
ورد:حاضر ي ماما
ورد:ايه ي عاصم م تتكلم
عاصم :هتكلم اقول ايه، مش المفروض انك زعلانة وقولتي كل شئ قسمة ونصيب وأديني اهو جاي اخد حاجتي بكل ذوق
ورد:انت م صدقت بقا تخلع مش كدا ،ايوه بان ع أصلك قول انك مش كنت بتحبي في الاول واول م قولتلك هنسيب بعض في ثانية جيت وقررت تاخد حاجتك مش كدا
عاصم قاعد ومتعصب في نفسه وكل ده مش عايز يتكلم بس في لحظة وبتنهيدة …ي ورد لو سمحتي انا جاي انهي الموضوع بكل ادب واحترام ومراعي ومش عايز اكلمك وكاتم فبلاش ي بت الناس
ورد :تقصد إيه بكلامك ده ومراعي ايه ومش عايز تتكلم في ايه عاصم انت مش شايف نفسك متغير ازي ولا تكون شوفتلك شوفة تانية م ترد…
عاصم اتعصب اووي من كلامها …هو مين فينا اللي شاف شوفة تانية مكنتش مستنية منك كدا ابدا عاملة فيها الطا*هرة العفيفة وانتي طلعتي مدورهااا نزلتي من نظري اووي انتي ازي سهلة ور*خيصة اووي كدا ازي…
ورد بعصبية :انت بتقول ايه انت مجنون لا مش هسامحلك تهني بالشكل ده وافضل ساكتة كدا مين دي اللي ر*خيصة انت مدرك ل كلامك انت غلطت فيااا جامد اووي انا اشرف منك ومن عيلتك كلها
عاصم بسخرية:اه شريفة اووي طاب ي ست الشريفة خدي شوفي ده كدا ….
ورد بصدمة:ي نهار اسود انت ……..
- يتبع الفصل التالي اضغط على ( رواية زين الصعيد ) اسم الرواية