رواية روح الفهد الفصل الثاني 2 - بقلم بسمله احمد
رواية روح الفهد الفصل الثاني 2
البارت التاني من رواية روح الفهد
في صباح يوم جديد يستيقظ بطلنا بتكاسل علي صوت امه
الام: يلا يا قاسم اصحي يا حبيبي
قاسم بتعب: يا ماما سيبيني انام شويه معرفتش انام انبارح
الام: انت ناسي ان ورانا سفر ولا ايه يا حبيبي
قاسم: وانا هعرف انسي ما علشان كده معرفتش انام
الام: معلش يا حبيبي
قاسم: هيا ريم مش جايه
الام: باباك اتصل عليها وقال انها مش هتعرف تنزل
قاسم بحزن: بس هيا وحشتني اووي
الام: ووحشتني والله انا كمان
قاسم: يلا ان شاءالله تيجي قريب
الام: ان شاءالله يا حبيبي
قاسم: يلا علشان الحق اخلص الشغل اللي ورايا واجيلكوا
الام: يلا بس احنا ماشيين دلوقتي هو انت مش هتيجي معانا
قاسم: لا يا حبيبتي مش هعرف اجي دلوقتي اسبقوا انتوا وانا هخلص شغلي واجي
الام: تمام
وراحوا الام والاب في طريقهم الصعيد اما قاسم راح الشركه
~~~~~~~~~~~~
وبعد ساعتين
وصلت عربية عبدالرحمن المناوي امام قصر المناوي
ووقفوا امام بوابه القصر عبدالرحمن لاحظ توتر سوزان راح مسك ايدها
عبدالرحمن: متخافيش انا هنا معاكي يا حبيبتي
سوزان: خايفه من ردت فعلهم هو ممكن ميتقبلونيش
عبدالرحمن: كفايه انا متقبلك متخافيش لو رجع بيا الزمن هعيد نفس اللي حصل يلا ندخل
ودخلوا القصر وكلهم جوا متجمعين ومستنينهم
واول ما دخلوا وقف المناوي باشا ما بين غضب وشوق لابنه شوق انه يحضن ابنه والمره دي الشوق اتغلب علي الغضب وراح حضن ابنه اللي كان مرحب بالحضن ده اووي
المناوي: اتوحشتك ياابني
عبدالرحمن: انا اللي اتوحشتك يا بوي
المناوي: لو اتوحشتني كنت جيت عبرتني
عبدالرحمن: انت اللي اختارت تبعد عني يا بوي وانت اللي قررت تجوزني بنت عمي مع انك عارف اني بحب سوزان
المناوي: انت اللي حبيت بنت البندر
عبدالرحمن: وبنت البندر هيا اللي حلتلي حياتي وهيا اللي استحملتني لما كنت مش لاقي اكل ولحد الان عمرها ما عايرتني ولو رجع بيا الزمن هكرر اللي عملته تاني لانها عمرها ما خلتني احس بالندم علي اللي عملته وهيا اللي كانت بتشجعني ارجعلك واخليك تسامحني بنت البندر دي كانت احلي حاجه في حياتي وهتفضل كده طول عمرها هتفضل ملكة حياتي هيا الاميرة اللي جيتلي كملت حياتي
المناوي: عرفت تختار زين يا ابني
عبدالرحمن بفرحه: يعني انت موافق علي سوزان
المناوي: ايوة موافق هيا اللي خلتني افكر ارجعك تاني هي اللي كلمتني وخليتني اكلمك
عبدالرحمن بصلها بصدمه
سوزان: بص انا هقولك ما هو انا لقيتك زعلان فرنيت علي عمي
عبدالرحمن قرب منها: من ورايا
سوزان: مش كان عمي واحشك وانت كنت واحشه
عبدالرحمن: بس من ورايا طب ليه مقولتليش
سوزان: انت عمرك ما كنت هتوافق بسبب عزت نفسك كانت هتمنعك
عبدالرحمن: وجبتي رقمه منين
سوزان: من قاسم
عبدالرحمن: بس قاسم لسه عارف ان عنده جد اصلا امبارح
سوزان: انت لما بتدخل الاجتماعات بتسيب تلفونك في المكتب وقاسم ساعتها جابلي التليفون من غير ما يعرف ليه اصلا انا عايزاه
عبدالرحمن: بس لما يجيلي
قاسم من وراه: انا شامم ريحتي في الموضوع
عبدالرحمن: ابن حلال بقي انا تضحك عليا وتاخد تليفوني من ورايا
قاسم: بزمتك تقدر ترفض طلب للقمر دي ده انت مبتعملهاش
عبدالرحمن: ولا انت بتعاكسها قدامي
قاسم وهو بيحضن مامته وبيبوسها من خدها: امي حبيبتي
عبدالرحمن: قاسم
قاسم: متسيبك منه وتيجي تتجوزيني يا قمر انتي
الام: اسكت يا بكاش
عبدالرحمن: قااسم
قاسم: نعم هو انا عملت حاجه
عبدالرحمن بنظرات ناريه: ابعد بعيد قولتلك مليون مره متستفزنيش
قاسم بعد بسرعه: اسف نسيت ان ممنوع الاقتراب او اللمس او البوس
عبدالرحمن: وانتي سايباه كده عادي
سوزان: خلاص خلاص وبصت لقاسم مش انت كان عندك شغل في الشركه
قاسم: روحت مكنش فيه حاجات كتير كان في ورق عايز توقيعي بس وقولت لعمده اني مسافر
الام: ياريت ريم تيجي وحشتني اووي
قاسم: ياريت بس لانها وحشتني بغباء
شخص من وراه: وايه كمان
قاسم بدون انتباه: وهموت واحضنها
الشخص: وايه تاني
قاسم: وانام علي رجلها وتلعب في شعري واحكيلها تعبان من ايه
الشخص: وايه تاني
قاسم: ووحشني هزارها وجنونها
الشخص بصوت عالي وهو بيجري عليه: قاسمممميييي حبيبي يا اسطا واللله
قاسم بصلها بصدمه: ريمو انتي جيتي
ريم: ايوة
قاسم بص لمامته: ماما مش مكنتش هتعرف تنزل
الام: باباك قال كده معرفش جيت ازاي
الاب: مفاجاه مكنتش هتعرف تنزل بس انا كلمت معارفي وعرفوا يتصرفوا
ريم: ايه ده انت مكنتش عايزني انزل ولا ايه يا استاذ قاسم
قاسم وهو بيحضنها: ازاي بس يا روح وقلب قاسم ده ابوكي كان هيقتلني علشان حضنت الست ماما
ريم: يخص عليك يا بودي يرضيك تقتل جوزي طب وانا هفضل لمين بقي
قاسم بتمثيل: وهييتم عيالنا السبعه
ريم: وهنتشرد انا والعيال يا ابو العيال
قاسم: لا لا مينفعش انا هامنلكوا مستقبلكوا يا حبيبتي متقلقيش
عبدالرحمن: سوزي تعالي يا حبيبتي شوفي عيالك
سوزان بضحك راحت عند ريم: اه يا كلب البحر كده متعبرنيش
ريم: وهو انا اقدر اسيب القمر ده ده انا كنت بدور عليكي من الصبح ده انتي وحشتيني والشيكولاته وحشتني واكلك وحلوياتك يا قمر انت بالله عيوني كانت بتدور عليكي وانا مسافره
سوزان: اه يا ريمو يا بكاشه بس حبيبتي وحشتيني خالص
ريم: وانت وحشتيني يا امي وحشني اسم ماما اووي
ريم راحت لباباها: يا بودي وحشتني بزمتك موحشك الصوت اللي بعمله في البيت
عبدالرحمن وهو بيحضن بنته: وحشتيني اووي البيت كان هادي خالص مفيهوش صوت
ريم: امال قاسم كان بيعمل ايه
قاسم: كنت بحاول بس كان في اختلاف كبير علشان ريمو متخطيه الرقم القياسي في اضحاك الناس
ريم وهي منحنيه بشكل مضحك: شكرا شكرا شكرا
قاسم: عايزك علشان في كلام كتير
ريم: كلي اذان صاغيه يا حبيب اختك بجد وانا اصلا في حاجات كتير عايزه احكيهالك
قاسم: ماشي علي ميعادنا ولا ناسياه
ريم: مقدرش انسي ولا ايه
قاسم: شطوره
اما عند عبدالرحمن فعرف سوزان علي اخواته وسلفاتها واخواته رحبوا بيهم جامد
وجه وقت ان يطلعوا يرتاحوا
المناوي: خد مراتك واطلع علي اوضتك يا عبدالرحمن..... يا سنيه
سنيه الي بتشتغل هناك: نعم يا بيه
المناوي: طلعي قاسم وريم علي اوضهم
قاسم وريم طلعوا ورا سنيه
وطلعوا قدام الاوض وكانوا تلاته جمب بعض اوضه لريم واوضه لقاسم والتالته فاضيه
ريم: تعالي علشان شكلي فايتني حاجات كتيره وباين عليك
ريم: ادخل وانا هغير وجايالك
قاسم: تمام
وكل واحد دخل اوضته
~~~~~~~~
ريم دخلت اخدت دوش وغيرت هدومها ولبست دريس سماوي وطرحه اوف وايت وراحت لقاسم
اما عند قاسم اخد دوش ولبس بنطلون جينز اسود وتيشيرت ابيض وبدا يشتغل الباب خبط
قاسم: ادخلي يا ريمو
ريم دخلت وقعدت جمبه وهو نام علي رجله وبدات تلعب في شعره
ريم: مالك من ساعت ما جيت وانا شايفاك متغير انت مش قاسم اللي اعرفه بتضحك بس بتمثل مش بتضحك من قلبك انت بتحاول تخبي وجعك بس مش عارف
قاسم: نرمين كانت بتخوني مع علي
ريم شهقة بصدمه: نرمين انا من اول ما شفتها وقولتلك انها مش هتنفعك ومستغربتش منها لكن علي ده صاحبك من ثانوي
قاسم: ده حصل من سنتين
ريم بصدمه: وانت مقولتليش ليه
قاسم: كنتي لسه مسافره وكنتي مشغوله بمذاكرتك ومرديتش اقولك علشان متنشغليش عن مذاكرتك
ريم: في حاجه تانيه مخبيها عليا
قاسم: ابوكي عايزني اتجوز بنت عمك من الصعيد
ريم: وانت تعبان ولسه مش مستعد دلوقتي صح
قاسم: ايوة بس هو بيقول ان كتب الكتاب الاسبوع ده انا اصلا مستغربه مش عارف اول مره يعملها ويقسي عليا هو عارف اني مش مستعد اعمل حاجه دلوقتي
ريم: انت عارف بابا علي قد ما بيبان عليه ان قاسي بس مفيش في حنيته حد واكيد في سبب ورا كل ده
قاسم: المشكله اني عارف بس انا حاسس جوايا نار بتاكل فيا وجع كبير اووي انك تحب حد وتديله كل حاجه وفي لحظه تلاقي اللي انت بتعمله ده كله لشخص ميستحقش ربعه اصلا انا حبيتهم اووي وكنت بعتبر علي ده اخويا بس هو طعني انا يوميها ضربته بس وجعي ونار مطتفتش ومش هتطفي كان نفسي اخنقها بايدي بس كانت حامل شايله روح جواها وده اللي نجدها مني بس نفسي افضل اصرخ لحد ما النار اللي جوايا تطفي النار دي جوايا بتعلي وهييجي يوم تحرقني انا اكتشفت من سنتين بس فاكر اللي حصل كانه امباح صورتهم قدام عيني وهي بتقولي اني مجرد مكنه بتجبلها فلوس ولا وهيا بتقولو انها حامل
ريم:معليش يا حبيبي هما اللي خسرو حد نقي زيك ومش هيلاقوه تاني متخافش هتلاقي حد نقي وطيب وهتحبك
قاسم: هحاول لازم احاول انا وعدت ماما يا ريم
ريم: ايه الصوت ده تعالي نشوف في ايه ونزلو
~~~~~~~~~
اما تحت
دخلت بنت القصر ومحدش شافها: روح وصلت يا بشر وجريت علي المناوي باشا وكانت ريم وقاسم نازلين علي السلم
البنت واسمها روح: روح وصلت يا جدي وحشتني خالص خالص
المناوي: انتي اللي وحشتيني يحبيبت جدك موت
روح بطفوله: بس تعرف انت اللي وحشتني اكتر بجد
ريم بصت للبنت بصدمه وقالت: روح
روح وهيا بتبص باستغراب وصدمه: ريم...... وروح وهي بتقرب من ريم: انتي جيتي هنا ازاي
ريم: انا جيت لان ده بيت جدي
روح وبصت لجدها: اوعوا يكون اللي بفكر فيه صح هي دي بنت عمو عبد الرحمن
ريم: ايوة
روح وهي بتجري علي ريم: عااااااااا انتي بنت عمي يا ريم
ريم: يعني انتي بنت عمي بجد عاااااا بقولك يا كلب البحر انتي وحشتيني اكتر من البحر وسمكاته
روح: وانتي وحشتيني قوي اكتر من حجم المحيط بس ايه ده انتي كنتي لسه ماشيه النهارده الصبح
ريم: مكنتش اعرف ان هنتجمع تاني مكنتش هعمل المناحه دي كلها
روح: تعالي وراحت عند جدها انت عرفتها علي هيئه انها بنت عمو عبدالرحمن بس دلوقتي اقدملك ريم اللي كنت بحكيلك عنها هيا دي ريم
المناوي بسعاده: بجد يعني ريم هيا صحبتك
روح: ايوة
ريم وهيا بتشدها من ايدها: تعالي عايزه اوريكي حد
روح: مين
ريم: انا كنت بحكيلك علي مين
روح: انتي كنتي بتحكيلي عن اخوكي
ريم: بالظبط كده هو تعالي اوريهولك واخدتها عند قاسم
ريم: روح ده قاسم اخويا اللي كنت بحكيلك عنه قاسم دي روح صحبتي كنا بندرس مع بعض
عبدالرحمن لقاسم: واللي هتبقي مراتك بعد اسبوع
روح قاسم وريم بصوت عالي: ايه
عبدالرحمن: زي ما سمعت
قاسم بهدوء: تمام وطلع برا
ريم قربت من باباها بعياط: انت بتعمل فيه كده ليه انت عارف ان فيه جواه نار بتحرق فيه ليه مصر تعذب فيه انت عارف انه مش عايز يعمل حاجه دلوقتي خالص ليه مصر تضغط عليه وتعذب فيه يا بابا ليه هو انسان بيحس مش اله تضغط عليها دي حتي الاله من كتر الضغط بتنفجر حرام عليك بقي وطلعت تجري وتنادي علي قاسم
سوزان قربت منه: انت عارف وواثق ان الكلام اللي ريم قالته صح انت بتعمل فيه كده ليه انا عمري ما خالفتلك راي ولا وقفت قدامك وزعقت بس بتعمل فيه كده ليه
عبدالرحمن: علشان لازم يعدي الموضوع ده حصل من سنتين
سوزان: بس مش كده بالراحه انت عارف انه ممكن يقولك مش عايز وعارف ان قاسم مبيعملش الا اللي في دماغه وهو وافق امبارح ومتكلمش انا شوفت ابني امبارح وهو طالع كان عامل ازاي كان خارج من المكتب تايه انا اقنعته امبارح وكلمته ووافق وانت عارف ان قاسم وافق علشان بيحترمك كل واحد فينا ليه قدره وطاقه وهو كفايه عليه اللي حصل من سنتين متحملوش فوق قدرته متخليهوش يك وطلعت تجري علي فوق
عبدالرحمن: بس انا بعمل كده علشانه علشان لو فضل يفكر فيها هيتعب كل اما يفتكر عملوا فيه ايه انا مش مبسوط اني هعمل كده معاه بس لازم يتخطاهم لازم كل اما هيفكر فيهم هيتعب هييجي يشكرني بعدين اني عملت كده
سوزان وقفت وبصتله وبعدين طلعت عند قاسم
المناوي: عبدالرحمن وقاسم وروح لما قاسم ييجوا تيجوا المكتب انتوا التلاته
اما عند قاسم فطلع برا بهدوء هو مش معترض انه يتجوز بس دلوقتي مش هيقدر هو لسه متخطاش اللي حصله ازاي هيدخل علاقه جديده
ريم من وراه بعياط: قاسم
وسوزان وقفت بعيد
قاسم من غير مايبصلها حتي: عايز افضل لوحدي يا ريم
ريم: بس
قاسم: لو بتحبيني يا ريم لو بتحبيني انا عايز افضل لوحدي مش عايز اتكلم مع حد
ريم: حاضر ووقفت ساكته
قاسم: انا قولت عايز افضل لوحدي
ريم: انا مش همشي
قاسم: خلاص انا اللي همشي ودخل البيت تاني وريم بتجري وراه وسوزان وراهم
~~~~~~~~~~~
اما في البيت
كانت تسود حالة الصمت
وقاسم دخل وريم بتجري وراه
ريم: يا قاسم استني بس اهدي
قاسم: انا عايز افضل لوحدي مش عايز حد معايا
ريم: وانا مش هسيبك
قاسم: ريم متحسسينيش اني مجنون ولو سبتيني هعمل حاجه في نفسي متخافيش مش هعمل حاجه بس عايز افضل لوحدي
عبدالرحمن بهدوء: قاسم
قاسم: نعم يا بابا
عبدالرحمن: تعالي علشان جدك عايزنا انا وانت وروح
قاسم: حاضر يا بابا ونزل وقف بهدوء معملش اي ردة فعل
وراحوا التلاته للمكتب ودخلوا
~~~~~~~~
في داخل المكتب
جلسوا بهدوء
المناوي: ايه اللي حصل من سنتين يا قاسم
قاسم بهدوء وبرود: محصلش حاجه يا جدي
المناوي بنفس الهدوء ولكن بنبره صارمه: ايه اللي حصل من سنتين يا عبدالرحمن
عبدالرحمن: كان قاسم في الكليه اتقابل مع بنت وحبها واتخطبوا بس في يوم وهو في الكليه جالوا رساله علي تلفونه ان حبيبته بتخونه مع صاحبه من ثانوي واللي كان بيعتبرو اخوه راح علي شقة صحبه وكان معاه مفتاح فتح وسمع كلامهم عليه وشافهم مع بعض
المناوي بص لقاسم: وانت مش عايز تتجوز ليه يا قاسم
قاسم ببرود : انا مقولتش اني مش هتجوز يا جدي انا موافق بس معترض علي الفتره
المناوي: وليه مش مستعد بقالك سنتين قاعد محبتش حد ولا بدأت حياه جديده
قاسم ببرود: تمام يا جدي انا موافق اتجوز
عبدالرحمن حس بوجع ابنه بس اتطر يسكت علشان ده لمصلحته
المناوي: وانتي يا روح مش موافقه ليه
روح بهدوء: يا جدي انا مقولتش اني مش موافقه بس انت حتي مقولتليش وده بردو مش معناه اني موافقه يا جدي
المناوي: روح بقي عندك خبر دلوقتي ليه مش موافقه
روح: مفيش سبب محدد يا جدي انا مش هتجوز حد مغصوب عليا بس
المناوي: قاسم مش مغصوب عليكي قاسم احترمني علشان كده وافق هو زيك يا روح موافق ومش موافق
روح: بس
المناوي: من غير بس يا روح انتي طيبه وهبله ونقيه من جواكي انا مربيكي علي ايدي وعارف طريقة تفكيرك بس لازم احميكي
روح وهي بتضحك : جدي انت واثق وعارف اني اقدر احمي نفسي كويس اوي وغير كده انت عارف انا ابقي مين
المناوي : انا سايست يا روح وانتي مجيتيش بالمسايسه هتتجوزي قاسم يا روح
روح ببرود: تمام يا جدي انا موافقه
وخرجوا بهدوء التلاته
ريم جريت علي قاسم: انت كويس يا قاسم
قاسم هز راسه ريم لروح: انتي كويسه يا روح
روح: ايوة
ومر الاسبوع وقاسم وروح بيتجنبوا بعض
وجيه معاد كتب الكتاب
كان قاعد علي الكرسي بهدوء بيفكر في الكلام اللي ريم قالته
flash back
ريم راحت تصحي قاسم
ريم: فوق يلا يا قاسم
قاسم: خلاص صحيت اهوا
ريم: قاسم عايزه اقولك حاجه
قاسم: قولي
ريم: انا عارفه ان انت لسه مش مستعد بس حاول روح طيبه اووي اووي طفوليه جداً في تصرفاتها اعتبرها بنتك ممكن لو حبت حد تموت علشانه روح مش زي نرمين روح حاجه تانيه خالص روح اسم علي مسمي روح روحها طيبه فرفوشه جميله طيبه قلبها طيب جداً حاول تحبها يا قاسم هتحبها لو قربت منها هتحبها بجد
قاسم: متخافيش يا ريم هحاول والله وان شاءلله هحبها
وفاق علي صوت باباه
عبدالرحمن: قاسم المؤذون وصل
قاسم: حاضر يا بابا
وراح قعد جمب المؤذون وردد وراه وهو ماسك ايد عمه
المؤذون: اتفضل وقع يا ابني
قاسم وقع علي الورقه وبصم
المؤذون: اين العروس
ريم: لحظه هناديها
وبعد شويه نزلت علي السلم بفستانها الابيض كانت حاطه ميكب خفيف جدا كانت حوريه بجد وراحت عند المؤذون
المؤذون: انتي موافقه يا بنتي تتجوزي قاسم عبدالرحمن المناوي
روح بهدوء: موافقه
المؤذون: اتفضلي وقعي وابصمي
روح وقعت وبصمت
المؤذون: بارك الله لكما وبارك عليكما وجمع بينكما في خير
ريم: الف مبروك ليكوا
روح وقاسم: الله يبارك فيكي يا ريمو
وانهالت عليهم المباركات من الجميع وبعد شويه
روح قاعده في اوضتها وشارده وبتفتكر كلام ريم ليها
flash back
ريم دخلت لروح وصحيتها
ريم: روح
روح: ايوة
ريم: قاسم يا روح طيب جدا جداً ومش بقولك كده علشان اخويا لا هو علي قد ما يبان انوا قاسي علي قد ما في طيبه مش في حد حنين جداً جداً قاسم مكنش كده كان حد تاني من سنتين انا اول ما رجعت لقيتوا متغير خالص خيانة نرمين ليه كانت مع علي صاحبه اللي بيعتبره اخوه كسرته اخويا جواه نار قايده بتحرق فيه يا روح وعايز يطفيها بس مش عارف ازاي حاولي يا روح هتحبيه وهو هيحبك حاولي يا روح وطفي النار اللي جواه اعطي لنفسك فرصه انك تحبيه يا روح
روح: هحاول يا ريم هحاول احبه والله
back
فاقت علي هزت ريم ليها
ريم: مالك
روح: سرحانه في اللي جاي
ريم : سيبك من اللي جاي خليكي في دلوقتي عيشي اللحظه
روح بضحكه جميله: حاضر هعيش اللحظه يا ريم
ريم ايوة كده اضحكي خلي الشمس تطلع
قاسم بص لجده: لوسمحت يا جدي عايز اكلم روح
الجد: اتفضل
قاسم بص لروح: ممكن روح هزت راسها وطلعت وراه
قاسم بهدوء وهو بيبص لروح: انا قررت ابدا صفحه جديده يا روح بس علشان ابدا صفحه جديده لازم انهي القديم
روح باستغراب: ازاي
قاسم: انا هحكيلك علي اللي حصل معايا بالتفصيل علشان مكونش خبيت عليكي حاجه موافقه تسمعي
روح قعدت علي الكنبه بهدوء وبصتله وضحكت: اتفضل
قاسم: انا من سنتين
كنت في الكليه وجيتلي رساله ان خطيبتي بتخوني مع صاحبي من ثانوي مصدقتش وطنشت في الاول بس قولت مفيش مانع اني اتاكد وروحت علي شقة علي صاحبي ولحسن الحظ كان معايا مفتاح فتحت ودخلت جوا ملقتش حد بس سمعت صوت جاي من الاوضه قربت من الاوضه سمعتهم بيتكلمو عليا ونرمين بتقول لعلي انها زهقت من التمثيل عليا انها بتحبني وانها بتحبه هو واني عندها مكنة الفلوس بتضحك عليا علشان الفلوس وسمعتها كمان بتقوله انها حامل مش هكذب عليكي واقولك اني مضربتهمش دخلت وضربت علي ومسكتها من شعرها وضربتها بالاقلام بس ناري متطفتش لسه قايده اللي شالها عني انها كانت حامل وسيبتهم ومشيت روحت واتعصبت وحبست نفسي وفكرت كتير بس طلعت انا الغلطان ماما كانت بتحظرني منهم وبابا وريم حظرتني من نرمين بس انا اللي كملت ساعتها مكنتش عارف انا مالي زعلان علشان انا اعتبرته اخويا ولا علشان حبيته ولا علشان كنت بحب نرمين اللي اكتشفت انها كانت اعجاب اصلا مكنش حب ومن وقتها مقربتش من حد ولا حبيت حد وزي ما انتي شايفاني دلوقتي روحت اشتغلت مع بابا في الشركه وساعتها قابلت صاحبي عماد اللي بعتبره اخويا وقف جمبي ومسبنيش كان بيشتغل مع بابا كان قدي بس كان بيشتغل من قبلي كان بيعتمد علي نفسه يعتبر هو اللي بعتمد عليه في كل حاجه حسيت ان اخويا بجد مكنش مصاحبني علشان فلوس كان مصاحبني علشاني انا علشان قاسم في الاول كنت بطنشه بس بصراحه قدر يكسبني بسرعه جدا وساعتها قررنا اننا نبني شركتنا الخاصه اللي حطينا فيها كل اللي نعرفه في مجال الاعمال وقدرنا نخلي شركتنا من ثاني اكبر شركة في مجالنا بعد شركة بابا وبعدين اتعاقدنا مع بابا وبقينا اول شركه في مجالنا حققنا رقم قياسي ساعتها كنا ماشيين في الكليه بفخر اننا حققنا اللي احنا عايزينه كنا اول حد يعمل كده واحنا لسه بندرس ان يكون اصلا عندنا شركه مكناش نحلم بكده ساعتها كنت ماشي وانا شايف نرمين وعلي متغاظين من اللي عملناه وبس ساعتها بقي عماد يعتبر اخويا وده الوحيد اللي بثق فيه ودلوقتي انتي عرفتي كل حاجه موافقه تبداي صفحه جديده معايا
روح: ايوه
قاسم بضحكه جميله اظهرت غمازتيه: شكرا
روح: مفيش شكر ده واجبي
قاسم وقف وباس راسها وهي كانت مكسوفه خالص ووشها احمر
قاسم: يخرابي علي الطماطم يا ناس
روح: بس بقي
قاسم: خلاص ماشي يلا علشان مينفعش نقعد كده
روح: يلا
قاسم مسك ايدها ونزلوا تحت مع بعض
ريم اول ما شافتهم ماسكين ايد بعض بصت لباباها ومضي اليوم بسلام وامان وبفرحه تغمر قلوب جميع من بعائلة المناوي
Basmala Ahmed
•يتبع الفصل التالي (رواية روح الفهد) اضغط على اسم الرواية