رواية هذة ليلتي كاملة بقلم نجمة براقة عبر مدونة دليل الروايات
رواية هذة ليلتي الفصل الثالث و الثلاثون 33
على السطوح
فهد _ لسه بردو
نور _ لسه ايه
فهد _ مقولتيش موافقه ولا لأ
نور _ مش هقدر اقولك حآجه دلوقتي الامر ميخصنيش لوحدي
فهد _ هو انا هتجوزكم جماعة،.. يخصك انتي وبس يانور
نور _ مش هينفع لازم ارجع الاول ونشوف رد فعل اهلي علي غيابي الطويل ده… انت متعرفش ايه اللي مستنيني هناك
فهد _ ايه اللي مستنيكي يعني، كل خير
نور _ انت ولا مره سألتني انا منين
فهد _ انتي منين
نور بإبتسامة _ اسيوط
فهد _ صعيديه
نور _ اه
فهد _ امممم دي مشكله كبيره فعلاً، طيب مقولتيش ليه من الأول، الجماعة دول مش بيتعاملو بالكلام
نور _ خوفت
فهد _ خوفت عليكي
نور _ اكيد هنلاقي حآجه نقولها
فهد _ ونقول وندور ليه ما تخليكي وبلاش ترجعي اكيد فكروكي موتي او فقدو الامل يلاقوكي
نور _ مين قال كده، دول لو ملقوش الجسه مش هيبطلو يدورو
فهد _ طيب طالما انتي عارفه كده مقولتيش ليه من الاول كنا خلناكي ترجعي علي طول
نور _ عادي مقولتش
فهد _ ومقولتيش ليه
نور _ مفيش سبب
فهد بإبتسامة _ اقدر افهم السبب ع فكره
نور _ وفهمت ايه بقا
فهد _ مش هقول
نور بإبتسامة _ ماشي
فهد _ بس مبسوط يعني علشان هو دة السبب
نور _ هو ايه السبب انت بتغني وترد علي نفسك
فهد _ انتي اللي بتغني عليه، مش صريحه ولا بتيجي سكه زيي
نور بإبتسامة _ وانت امتي جيت سكه
فهد _ لما قولتلك اني بحبك وعاوز اتجوزك.. ملفتش ودورت زي واحده صحبتنا.. تقولي هامسترو جارنا
نور بضحك _ اه انا اقصد الهامسترو ومبلعبش بالالفاظ
فهد _ طيب عيني في عينك كده
نور بخجل _ لا
فهد بإبتسامة _ لو انتي صريحه مش هتتكسفي تبصيلي
نور بخجل_ اهو… تبصله وبعدين تبص بعيد
فهد _ وانا لحقت، بصيلي متتكسفيش
نور _ لأ
فهد يجيب وشها نحيته ويبصلها بإبتسامة _ خليكي كده، عاوز اتاكد من كلامك
نور بخجل _ طيب شيل ايدك كده، متكررهاش تانى
فهد يرجعها تانى _ انا مبتغزلش فيكي، خليكي كده وبطلي كسوف
نور تبصله وضربات قلبها تعلا _ كفايه كده
فهد يدقق النظر في تفاصيل وجهها _ لو فضلت ابصلك العمر كله مش هكتفي منك
نور بخجل _ شكرا
فهد بإبتسامة _ العفو اجبلك تاكلي ياخاله… انا بقولك كلام حلو مش بعطف عليكي بحسنه
نور بإبتسامة _ ما انا مبعرفش ارد على الكلام اللي زي كده
فهد _ صح انتي شاطره في طولت السان بس، انا عارف
نور بإبتسامة _ بظبط، يلا ارجع لصاحبك
فهد يبص خلفها بصدمه _ مين ده
نور تلتفت بفزع ثم يقبلها على خدها ويمشي
نور تحط ايدها على خدها وتبصله ببلاها
فهد بإبتسامة _ متسبيش حق لازم تخلصيه، بااااي
نور تحدث نفسها _ قليل الادب ثم تبتسم وتقرر تخلص منه بطريقتها
في المستشفي
ليلي بتكون قاعده في الاستراحة وسانده دماغها على الحيط ونايمه
يامن بيجي يلاقيها كده ويروح عندها ويقعد بحذر وينظر لها، ثم يزيل شعرها عن وجهها ويحدث نفسه _ امتي تصفيلي، انتي وحشتيني اوي… انا عارف اني غلطت بس ده علشان بحبك
ليلي تفتح عينيها وتلاقيه جمبها، ف تقوم بسرعه_ انت بتعمل ايه جمبي
يامن _ هتفضلي زعلانه كده كتير
ليلى _ يامن احنا خلاص مفيش بينا حآجه علشان ازعل ولا ارضا، انت طلقتني ياريت تكون فاكر الموضوع ده
يامن _ انا رديتك، مش فاضل غير انك تسامحيني
ليلي _ رديتننني، ببساطة كده، معزه انا تطلقني وترجعني علي كيفك
يامن _ علشان بحبك وعرفت غلطي، ومستعد اعمل ايه حآجه عشان ترضي، بس اديني فرصه تانيه
ليلي _ مبقاش ينفع، انت من الاول وانت مش مطمن من نحيتي، حتي لو رجعنا هتفضل زي مانت، كفايه لغيت كده وكل واحد يروح لحاله
يامن _ مقدرش ياليلي، انتي لو سبتيني ممكن اموت
ليلي بدموع _ ولو رجعتلك انا اللي هموت يا يامن، مش هستحمل شكك فيه
يامن_ صدقيني مش هتحصل تاني
ليلى _ هتحصل، طالما بدأنا كده هنفضل بشكل ده طول عمرنا، .. انا مديالك عزرك بس الثقه بينا اتكسرت، طلقني يا يامن
يامن _ هتقدري تسبيني؟
ليلي _ انا قدرت خلاص، لو لسه بتحبني زي ما بتقول طلقني
يامن بدموع _ مش هقدر
ليلى _ خد وقتك لغيت ما تقدر
يامن _ طيب خلينا نبداء من الأول واوعدك مش هيحصل حآجه تزعلك
ليلي بدموع_ مش هقدر يا يامن، والله ماهقدر انسالك انك صدقت فيه بسرعه ومدتنيش فرصة اتكلم، وكمان مشيتني في اخر الليل، مبقتش حاسه بالامان وانا معاك
يامن _ قضينا مع بعض فترة وحبتيني عشان حاسة بالأمان معايا، غلطه واحده هتنسيكي كل حآجه.. انتي ليه هاشه اوي كده
ليلي _ قولت اللي عندي يا يامن، هروح اشوف ناردين عن اذنك
يامن _ مش هيأس وعارف أنك مش هتقدري تبعدي كتير
ليلي تسيبه وتروح عند ناردين وهي تداري دموعها وتلاقي ناردين قايمه من علي السرير
ليلي_ حبيبتي قومتي ليه
ناردين_ مروحه
ليلى_ انتي لسه تعبانه
ناردين بحده_ مرووحه
ليلي_ مالك حبيبتي ايه اللي حصل
ناردين _ يوووه قولت مروحه وسعي
ليلى تبعد عنها وتبصلها باستغراب،
في بيت صلاح
ادم بيكون نازل من فوق ورايح المستشفى ف الباب يخبط والشغاله تفتح، وتطلع ناردين وليلي
ادم _ ناردين،.. في ايه جايه ليه دلوقتي
ناردين_ بقيت كويسه
ادم_ انتي لسه تعبانه يلا هنرجع تاني
ناردين بحده_ بقيت كويسه، مش هتعرفوني اكتر من نفسي
ادم_ طيب مالك زعلانه، في ايه يا ليلي
ليلى_ معرفش هي كده من بدري
ناردين _ اصلي اتجننت، طالعه اوضتي.. وبتمشي وتسيبهم
ادم باستغراب_ مالها دي
ليلي_ كتر خيرها اللي حصلها مش سهل
ادم _ ربنا يتولاها.. وانتي اطلعي ارتاحي شويه
ليلي _ هروح اطمن علي ماما وبعدين اروح ارتاح.. بس انت رايح فين
ادم _ كنت رايح المستشفى، بس طالما رجعت هروح الشركه اجيب حاجتي منها عشان خلاص كده
ليلى _ فكر شويه قبل ما تاخد قرار زي ده
ادم _ ولا دقيقة مش مستاهله تفكير كتير
ليلي بإبتسامة _ ربنا معاك
ادم _ وربنا يهديكي علي يامن ده هيتجنن علشان تسامحيه
ليلي _ خلصت يا ادم مبقاش ينفع
ادم _ فكريّ كويس
ليلي بتنهيده_ حاضر
ادم _ اتمنالك كل الخير
في الشركه
ادم بيدخل مكتب السكرتريه ومنه على مكتبه، وبسمه بتشوفه وتروح وراه
بسمه بفرحه _ حمدالله على السلامه استاذ ادم
ادم _ الله يسلمك يابسمه،
بسمه _ نورت الشركه تاني
ادم _ وهضلم تانى
بسمه _ يعني ايه
ادم _ يعني خلاص هسيب الشركه، والجمعيات الخيرية هتستلمها
بسمه _ طيب واحنا هنشتغل في الفرع الرئيسي ولا ايه
ادم _ لأ خلاص هصفي كل حآجه، مفيش شركات تاني، وانتي مطره تمشي بعد ما يجو يستلموها
بسمه بدموع _ ليه بس
ادم بإبتسامة _ متزعليش اكيد هتلاقي شغل تاني واحسن من هنا، وانا ممكن اقول لحد يشغلك عنده
بسمه بدموع _ وانا زعلانه عشان الشغل؟
ادم _ امال زعلانه ليه
بسمه ببكاء _ عشان مفيش شركه ومش هاجي كل يوم واشوفكم انت وناردين وبقيت الموظفين
ادم بإبتسامة _ ولا هتعملي فيه مقالب
بسمه ببكاء _ حتى دي كمان مش هقدر اعملها، من فضلك بلاش تعمل كده ارجوك
ادم بإبتسامة _ لازم يابسمه
بسمه ببكاء _ مش لازم ولا حآجه، انت مش بس بتصفي الشركه انت بتقطع عيش ناس كتير..
ادم _ خلاص يابسمه انا جاي ومقرر كل حآجه
بسمه تبكي بانفعال _ انتي مبتفكرش غير في نفسك، روح اذا دا هيرضي غرورك وكبريائك
ادم يحط ايدو على كتفها _ ممكن تبطلي عياط ولا ده مقلب جديد
بسمه ببكاء _ هبطل لو لغيت القرار ده
ادم _ انتي بتنسي انك بتتكلمي مع مديرك بس انا مقدر انك مجنونه لكن مش هينفع الغي القرار ده، الظروف حكمت
بسمه بدموع _ طيب وانت هتعمل ايه بعد ما تصفي
ادم _ هرجع بلدي واسيب هنا
بسمه ببكاء _ كمان يعني مش هتقفل الشركه بس لا ده انت هتطفش كمان
ادم بضحك _ اه هطفش ، اضايقت منك ومش طايق المحافظه كلها عشانك
بسمه تمسك ايده وبدموع_ مش هضايقك تاني في حياتي، بس خليك
ادم يبص لايدها لتاخد بالها وتسيبه
بسمه _ انا اسفه
ادم بتنهيده _ اشوف وشك بخير، سلمي على شامي،.. وبيشيل حاجاته في كارتونه ويمشي
بسمه تقعد علي المكتب وتميل عليه وتبكي، وبعد شويه ايد بتلمس كتفها، وتبص عليها، يطلع ادم
ادم _ اممم هعمل مكتب هندسه خاص بيه وهتكوني انتي السكرتيرة لو تحبي
بسمه _ بجد والله
ادم بإبتسامة _ ايوه بجد، بس بعد فتره مش دلوقتي
بسمه بفرحه _ ماشي هستنا
ادم يبصلها شويه _ طيب ،، مع السلامه
بسمه بإبتسامة _ مع السلامه
ادم يمشي ويحدث نفسه بإبتسامة _ مجنونه بس طيبة، فكرتني ب ليلي لما جيت اسافر زمان
ادم بيرجع البيت ويحط الكرتونة على التربيزه ويطلع عند ناردين، يلاقيها قاعده على سريرها وشارده
ادم _ عامله ايه دلوقتى
ناردين _ كويسه
ادم _ عارف انه مش وقته بس لازم نتكلم
ناردين _ مش هسيب فلوس بابا ولا شركاته
ادم _ وانتي ايه عرفك اني هتكلم معاكى في الموضوع ده
ناردين _ عارفه، و مش هسيب شركات بابا
ادم _ حتى لو عرفتي انهم من الحرام
ناردين _ عارفه
ادم _ ورغم كده عاوزاهم
ناردين بحده _ العواطف دي اللي ضيعتنا، بعد كده مش هفكر بقلبي، انا هفكر بالعقل، والعقل بيقول اني مسبهمش
ادم _ دا زي مايكون ناردين القديمه رجعت تاني
ناردين بانفعال _ ومن دلوقتي مفيش غيرها، انا مش هسيب ورثي من بابا يا آدم، لو انت عاوز تسيبه انت حر
ادم _ وايه كان غيرك لما هترجعي تانى كده
ناردين_ مفيش حآجه غيرتني، انا متغيرتش ولا هتغير
ادم بتنهيده _ دا انا فرحت اوي بالتغير اللي حصلك وقولت اخيرآ بدأت تحس بالي حوليها
ناردين بانفعال _ كنت غلطان، انا زي ما انا ولو كان جه وقت كنت غبيه فيه ف خلاص انتها، اتفضل سيبني عاوزة ارتاح
ادم _ لا انتي فيكي حآجه مضيقاكي عشان كده رجعتي كده تاني، قوليلي انا اخوكي وهساعدك
ناردين_ مفييش انا كويسه متشغلش بالك
ادم_ طيب وشامي
ناردين بلخبطه_ وايه دخله في موضوعنا ده
ادم_ مبطلتيش هلوسه بأسمه وانتي غايبه عن الوعي
ناردين ببكاء _ عاادي السواق بتاعي وكنت بهلوس بالحادثه اللي حصلتلي انا ومعاه
ادم بشك _ بس كده
ناردين بدموع_ ، من فضلك عاوزة ارتاح
ادم_ ناردين لو بتحبيه انا ممكن اجوزهولك ودلوقتي مستوايتنا هتكون زي بعض تقريباً
ناردين بانفعال_ انت بتقول ايه، انا ناردين المنياوي اتجوز حتت سواق لا راح ولا جه، طيب دا بابا كان طلع من تربته ،
ادم _ طيب وانتي بتزعقي ليه دلوقتي
ناردين بانفعال_ عشان بتفكر تجوز اختك لحتت سواق حقير مينفعش حتى يكون خدام عندي
ادم _ خلاص مش هقول تاني، بس عيدي تفكير في موضوع الورث ده علشان انا وماما هنسيب كل حآجه ونرجع بيتنا القديم
ناردين بدموع _ انا مش هسيب حآجه وانتو حرين
ادم _ لو كملتي هتخسرينا انا وامك يا ناردين
ناردين ببكاء _ انتو حرين، انا مش هتمسك بحد مش عاوز يكون معايا
ادم بتنهيده _ انتي حره، وعلشان واجبي تجاهك، هديكي فرصه تفكري تانى، يلا اسيبك ترتاحي
ادم بيطلع وهي تنام على السرير وتبكي بوجع _ روحو عادى، مش هتمسك بحد تاني
في مكان اخر
شامي بيتصل ب بسمه علشان يطمن على ناردين
شامي _ اي الاخبار
بسمه _ تمام
شامي _ ناردين عامله إيه دلوقتي
بسمه _ مش عارفه مروحتلهاش النهارده
شامي _ لييه يا بسمه
بسمه _ مفضتش اعمل ايه
شامي_ طيب تروحي تشوفيها دلوقتي وتطمنيني، ولو مفيش حد جمبها كلميني اسأل عليها بنفسي
بسمه _ مالك ياحبيبي شيفاك شاغل نفسك بيها اوي،، خير؟
شامي _ متتذاكيش يا بسمه، ناردين هانم كانت كويسه معايا وهي اللي دفعت فلوس المستشفى لما ماما تعبت
بسمه _ امال توقه دي ايه
شامي _ هي بعتتها، وهي اللي طلعت كريم من الحبس لما اتخانق وهي اللي جابتلي التليفون على البيت كمان
بسمه _ هي عملت دا كله، طيب ليه
شامي _ انسانية منها
بسمه _ ربنا يباركلها
شامي _ طيب هتروحي؟
بسمه _ اه طبعا رايحه
شامي _ طمنيني عليها ضروري وزي ما قولتلك لو مكنش حد جمبها كلميني
بسمه _ حاضر
بتقفل معاه وهو بيفتح صورة ناردين ويبصلها ويحدث نفسه _ وحشتيني، الله يقطع الشغل وسنينه ماقدرش يأجل السفريه يكون اطمنت عليكي… ياترا حد قالك اني كنت هناك ولا محدش جابلك سيرة
بتروح بسمه المستشفى مبتلقهاش ف بتكلم شامي تاني،
شامي _ ها طمنيني
بسمه _ بيقولو روحت البيت
شامي _ روحت دلوقتي ازاي يعني
بسمه _ معرفش
شامي _ طيب وانتي هتوصليلها ازاي تانى
بسمه _ خلاص بقا هيسافرو بلدهم وهيسيبو كل حآجه لجمعيات الخيرية
شامي _ ليه كده
بسمه بحزن _ استاذ ادم جه لم حاجته وقالي ان الجمعيات هتاخد الشركه ومشي
شامي _ طيب سلام دلوقتي
بيقفل معاها ويتصل علي ناردين، يطلع رقمه محظور من عندها
ويتصل تاني ب بسمه
بسمه _ ايوه يا شامي
شامي _ هي عرفت اني روحتلها المستشفى؟
بسمه _ معرفش بس انا مقولتلهاش
شامي يحدث نفسه _ شكلها متعرفش عشان كده حظرتني، تلاقيها دلوقتي صدقت كلامي اللي قولتهولها، ياه على الحظ انا لسه بقالي اربع ايام عشان ارجع ويمكن ملحقهاش
بسمه _ شامي روحت فين
شامي _ بسمه عاوزك تروحي بيتهم وتسالي عليها وتقوليلها بينك وبينها انها تكلمني ضروري
بسمه _ معرفش عنوانهم وبعدين هروح اقول ايه
شامي _ قولي انك بتطمني عليها وانا هديكي العنوان
بسمه تحدث نفسها بإبتسامة _ فكره واهو اشوف استاذ ادم قبل ما يمشي
فيلا صلاح
بسمه بتروح هناك وبتقابل ناهد
بسمه_ البقاء لله
ناهد بحزن_ متشكره.. اتفضلي
بسمه _ انا بسمه سكرتيره استاذ ادم وزميلة انسه ناردين في المكتب
ناهد_ اهلا وسهلا حبيبتي، اتفضلي اقعدي
بسمه_ متشكره انا كنت جايه اطمن علي الانسه ناردين بعد ما عرفت انها سابت المستشفى
ناهد_ نورتي حبيبتي، اتفضلي اوديكي عندها
بسمه _ متشكره… امال استاذ ادم فين
ناهد_ خرج حبيبتي
في اوضة ناردين
بتدخل بسمه وناردين تبصلها باحتقار
بسمه_ حمدالله علي سلامتك يا ناردين
ناردين_ ناردين هانم
بسمه باحراج_ ناردين هانم.. انا اسفه
ناهد_ عيب يابنتي
ناردين باحتقار_ وعيب ليه هو انا مش هانم وهي شغاله عندي، زي ما اخوها كان السواق بتاعي ولا ايه
بسمه _ هو انا زعلتك في حآجه
ناردين باحتقار_ تزعلي مين، محدش يقدر يزعلني،
بسمه بدموع_ الف سلامه علي حضرتك. عن اذنكم.
بتنزل تحت وهي تداري دموعها وهي خارجه بترتطم ب ادم وهو داخل
بسمه بدموع_ اسفه
ادم_ بسمه، جيتي امتي، ومالك بتبكي ليه
بسمه بدموع _ مش ببكي ولا حآجه،
ادم_ استني، قوليلي بتبكي ليه
ناردين من الأعلى _ خليها تمشي وترجع شغلها، احنا مش صحاب عشان تيجي البيت تسأل عليه
ادم بغيظ_ ناردين، ارجعي اوضتك
ناردين_ لما دي تمشي من هنا الاول
ادم بغيظ_ حسابي معاكي بعدين
بسمه ببكاء _ عن اذنك،وتمشي لتصتدم به مره اخرى وتكمل طريقها وهو يذهب خلفها
ادم_ بسمه استني
بسمه بدموع_ افندم
ادم_ متزعليش منها هي مش عارفه بتقول ايه
بسمه بدموع_ مش زعلانه، عن اذنك
ادم_ انا هوصلك
بسمه_ لا متشكره اوي
ادم_ هوصلك، اتفضلي قدامي
بيمشو بالعربية ويتبادلو الحديث
ادم_ لسه زعلانه
بسمه_ لا
ادم_ كويس، انا متشكر علي سؤالك علي ناردين طول الفتره اللي عدت
بسمه_ ، بس ياريته جاب فايده دي مسحت بكرامتي الأرض ومعرفش عملتلها إيه
ادم _ كرامتك محفوظة هي متقصدش،و انتي عارفه اللي حصلها مكنش هين عليها
بسمه بدموع_ مش حكاية تعب ولا ده تصرف طبيعي للي حصلها، دا ولا كأنها قاصده تزلني،
ادم بحيرة_ مش عارف يمكن في حآجه مبتقولهاش،…. هو شامي فين صحيح
بسمه_ مسافر سفرية شغل
ادم_ اه وانا مستغرب اني مشوفتهاش تانى من يوم ما كان في المستشفي اول يوم
بسمه_ اطر يسافر غصب، وكل يوم يتصل بيه يسالني عاملين ايه، دا حتى هو الي خلاني اجي عندكم النهارده، وديني لا انفخه
ادم _ فيه الخير والله، جدع شامي
بسمه_ ربنا يكرمه علي قد تعبه معانا، عمره ما كل ولا مل ولا قال انا كبرت اتجوز وافكر في نفسي
ادم_ واضح انك بتحبيه اوي
بسمه_ يالهوي ده روحي، اتمنا لو اتجوزت يكون واحد زيه في كل حآجه
ادم بإبتسامة_ انتي محتاجة واحد قاعد طول النهار علشان يركز في مقالبك
بسمه بإبتسامة_ مبعملش مقالب غير في الناس اللي يهموني،
ادم _ ربنا ستر وهخرج من دايرة الناس المهمة عندك
بسمه_ انت مش قولتلي انك هتفتح مكتب هندسه وتشغلني سكرتيرة عندك
ادم_ لما ربنا يريد، انا لسه هجمع تمنه
بسمه بحيره_ ادم المنياوي مش معاه تمن متكب، طيب مين معاه
ادم بإبتسامة_ من النهارده أنا أدم وبس مفيش منياوي ولا القاب فارغه، ولا عربيات، ادم وبس
بسمه _ ممكن اعرف ليه
ادم_ غاوي شقا
بسمه بإبتسامة_ معرفش ايه السبب بس احسن
ادم_ تموتي انتي في اني اتعب
بسمه _ لا عادي وانا هاخد ايه من تعبك او راحتك
ادم بإبتسامة _ طيب وصلنا… معاكي رقمي صح
بسمه_ ايوة
ادم_ هتصل بيكي ولو احتجتي حآجه في غياب شامي اتصلي بيه
بسمه _ يعني مش هشوفك تاني… اقصد مش هتروح الشركه تاني
ادم بإبتسامة_ مش هروح الشركة تاني، ويمكن نتقابل تاني قبل ما اسافر محدش يعرف
بسمه بتردد _ اتمنالك كل خير
ادم_ وانا كمان،… يلا اتفضلي
بسمه تنزل من العربيه وتوقف تبص عليه وهو يبادلها النظرات لثواني ويذهب
بسمه تحدث نفسها _ ازاي هروح الشركه وانت مش فيها
في مكان اخر
يامن قاعد في بار وبيشرب، يخلص كاس ويطلب غيره لغيت ما بيسكر وينام مكانه والامن بيجي يخرجه، وبيركب عربيته ويمشي مسافه ثم يصتدم بعمود كهربائيّ ليصبح وجه بالون الأحمر، وبعد وقت يراه إحدى الماره ، وينقلوه للمستشفي، وهناك يحاولو يستدلو على شخصيته لكنهم لم يجدو اي بطاقه او رخصة تدل عليه وهاتفه ليس بحوذته ويتولي مسؤليته الشاب الذي احضره ويدعي سليم
سليم يتحدث بالهاتف _ ايوة يا بابا
سليم _ في المستشفى
الاب بقلق_ ايه وداك المستشفى انت كويس
سليم _ انا كويس بس في حد عامل حادثة وانا نقلته هنا
الاب _ الحمدلله، طمنتني، طيب هو عامل إيه
سليم _ اهو مش حاسس بدنيا ومربط كله
الاب _ ربنا يشيل الغمه، طيب تعاله انت عملت اللي عليك
سليم _ لما اطمن عليه الاول دا محدش يعرفله طريق اهل ولا اسمه حتى
الاب _ وانت هتعمله ايه تانى
سليم _ ولا حآجه، بس خليني شويه لو مفاقش هرجع واجيله تاني الصبح
- يتبع الفصل التالي اضغط على ( رواية هذة ليلتي ) اسم الرواية