رواية شبيهتي الغنية كاملة بقلم اسراء محمد عبر مدونة دليل الروايات
رواية شبيهتي الغنية الفصل الثالث 3
ساره .. يعنى انتى مش عارفه انتى مين ومش فاكرة اى حاجه
البنت بتوهان ..اناا وقبل متكمل كلام بيغمى عليها
ساره وهى بتحركها .. مالك فوقى اى الى حصل ما انتى كنتى كويسه والبنت مش بترد
بتخرج ساره تنادى على الدكتور بسرعه وتاخده علشان يشوف البنت حصلها اى
ساره .. هاا يا دكتور هى كويسه
الدكتور .. احكيلى اى الى حصل اول لما فاقت
ساره.. بتحكى للدكتور الى حصل وان البنت مش فاكره حاجه خالص
الدكتور .. الخبطه كانت شديدة على راسها ومن الواضح انه جالها فقدان ذاكرة
ساره بشعور بالذنب لأنها هى السبب ان البنت فى الحاله دى واحساس بخيبة امل لأنها كان نفسها تعرف اى قصة البنت دى
وازاى هى شبها كدا واخيرا ساره بتتكلم
ساره.. تمام ي دكتور انا هروح البيت ارتاح شوية وهرجع تانى اشوفها بكرة
الدكتور .. اوك عن أذنك وبيمشى
ساره بتبص للبنت بقلة حيلة وتندم انها خرجت من البيت متعصبه وساقت بالسرعة دى ودلوقتى فى بنت فى الحالة دى
بسببها وبتقرر تمشى وفى نفسها بتقول انها مش هتسيب البنت الا وهى كويسه
قبل متمشى بيلفت نظرها شنطة البنت فبتاخدها معاها وتمشى
فى قصر الرفاعى باشا
سهر .. مينفعش يا عز تغصب ساره انها تتجوز فارس انت عارف هى مش بطيقة وعارف ان علاقاته بالبنات كتير
عز .. اى يا سهر هتمشينى على مزاجك انتى وبنتك ولا اى
سهر بخوف .. ساره مش بتحبه وممكن تعمل فى نفسها حاجه هتنبسط وقتها يا عز
عز .. ميهمنيش اى حاجه دلوقتى غير اخويا انا مش هرفض طلب اخويا عشانك انتى وبنتك
سهر وهى بتقوم بنفاذ صبر وانها زى مبيقولوا بتنفخ اربة مخرومه .. افتكر انى قولتلك بلاش ي عز
بتبص سهر بتلاقى ساره فى وشها وعنيها باين فيها الدموع وشكلها باين عليه الأرهاق بتعرف انها سمعت الحديث بتاعهم
سهر .. ساره ي حبيبتى انتى جيتى
ساره وهى مش عاوزه تبين ضعفها قدام مامتها وباباها .. ايوا ي حبيبتى بس جعانه اوى ي ريت تعمليلى أكل
سهر بتفهم .. حاضر ي حبيبتى ادخلى خدى شاور وغيرى هدومك هكون انا جهزتلك الأكل
ساره بتطلع اوضتها وتحط شنطة البنت فى الدولاب عشان محدش يشوفها ويسألها 100 سؤال
سهر .. يلا يا حبيبتى الأكل جاهز
ساره ..جاية ي ماما
بتنزل ساره وبتقعود على ترابيزة الأكل وبتتجاهل نظرات والدها الى بتدل انه عاوز يتكلم معاها فى موضو فارس
عز بيلاقى ساره خلصت أكل وهتطلع على اوضتها ف بيبادر ويبدأ هو الكلام
عز .. ساره
ساره .. نعم ي بابا
عز.. حصلينى على اوضة الصالون عاوزك
ساره .. معلش يا بابا عاوزه انام خليها بكرة
عز .. قولتلك عاوزك
ساره بقلة حيلة .. حاضر ي بابا وبتروح وراه
ساره .. خير ي بابا اتفضل
عز.. الجمعة الجاية هتكون قراءة فتحتك انتى وفارس
ساره بتفضل ساكته دقيقتين ومش عارفه ترد تقول اى وبعدين بتكسر الصمت دا وترد رد عز متوقعوش
ساره .. الى تشوفه حضرتك يا بابا
عز بفخر انه مشى كلامه عليها واستغراب لأنه كان مستنى انها تجادلة وترفض الموضوع .. كدا اقدر اقول عليكى حفيدة
الرفاعى باشا وانا راسى مرفوع
ساره بتبصلة بخيبة أمل ومش بترد عليه وبتطلع اوضتها
على الناحية التانيه فى بيت زين الرفاعى عم ساره
فارس.. يعنى اى ي بابا قراءة فتحتى على الى اسمها ساره دى يوم الجمعه
زين .. مش بحب اقرر كلامى يا فارس واحمد ربنا اصلا انهم وافقوا عليك
فارس .. ليه بقا ان شاء الله ميوافقوش ليه انت عارف ان اجمل بنت فى مصر تتمنى نظرة من فارس الرفاعى
فارس بخبث .. عاوزنى اتجوزها تكتبلى نص الشركة بأسمى
زين .. انت غبى يا أبنى ما الشركة كلها هتبقا بتاعتك انت شايف عندى حد غيرك يعنى وهيقسم معاك الميراث ( فارس ابن
زين الوحيد عنده 25 سنه مهندس وزى مهو قال من شوية البنات كلها فعلا تتمنى نظره واحده منه )
فارس .. انا قولت الى عندى مش هتجوزها الا لما تكتب نص الشركة بأسمى
زين وهو بيلوم نفسه انه جاب الأبن الغبى دا على الدنيا .. الى انت عاوزه هيحصل وهنكتب العقود انهارده لو عاوز بس
تجهز نفسك ليوم الجمعه ومش عاوز اى غلطه
فارس .. اتفقنا
بيمشى فارس بخبث وهو مقرر فى نفسه يندم ساره على اليوم الى قررت توافق فيه انهم يتجوزوا وميعرفش انها هى
كمان مغصوبه عليه
- يتبع الفصل التالي اضغط على ( رواية شبيهتي الغنية ) اسم الرواية