رواية هلاك العشق الفصل الثالث 3 - بقلم الاء محمد

 رواية هلاك العشق الفصل الثالث 3 - بقلم الاء محمد 

رواية هلاك العشق الفصل الثالث 3 

 قاعده ف الكافيه متوترة .. قلقانه .. لأول مرة هتقول ل زياد عن اكبر سر ف حياتها .. لاول مره هتدخله نفق كبير وفويط ف ذكرياتها .. هي نفسها قعدت سنتين عشان تخرج منه .. شوية وكان داخل عليها بحماس .. 

زياد قعد قدامها ومسك ايدها / كنت متأكد انك هتسمعيني .. 

هاجر شدت ايدها وقالت / انا مش جيباك عشان اللي في دماغك يا زياد .. انا جيباك عشان حاجه تانيه خالص ..

 زياد اتضايق  / طيب قولي في ايه .. 

هاجر/ هقولك بس بعدها لو فكرت تحاول معايا تاني لازم تعرف ان هيبقي ليا شرطين مهمين اوي .. انا كل الناس عارفه ان ابويا مات من زمان بس لا مماتش .. 

زياد/ مماتش ازاي يعني .. ده بابا قالي انه حضر العذا .. 

هاجر / ما فعلا ماما عملت عزا عشان هو بالنسبالها مات لكن هو ف الحقيقه عايش .. 

فلاااش .. 

امال / يعني ايه يا سعيد هتطلقني .. بعد كل اللي استحملته معاك .. ليه كده يا اخويا .. طيب انا مستعدة انزل اشتغل واساعدك ..

سعيد بهمجيه / بقولك مبقتش عايزك و لا طايقك .. انتي ايه غبيه مبتفهميش .. انا بحب واحده تانيه غنيه وبنت ناس و هتعيشني كويس بدل عيشتك الفقر دي .. 

امال / طيب انا معنديش مشكلة  افضل على زمتك و انت اعمل اللي يعجبك بس البت تتربي مع ابوها واللي ف بطني كمان .. 

سعيد / البت مش عايزها حطيها قدام ملجأ واللي بطنك حالا يموت .. 

سعيد مسك امال وفضل يضر'ب فيها لحد ما نزفت .. 

كانت هاجر شايفه كل ده وفضلت تصرخ وتعيط و حاولت تدافع عن امها بس سعيد مسكها وضربها هي كمان لحد ما فقدت الوعي ..

صحيت لقيت نفسها ف المستشفى .. 

هاجر بخوف/ هي فين ماما .. 

الممرضه / اهدي يا حبيبتي متخافيش ماما كويسه هي بس نايمه .. شوية وتصحي ..

هاجر/ طيب انا عايزه اروح عندها ..

بااااك ..

هاجر مسحت دموعها / وروحت لماما .. شوفتها وهي تعبانه وملامحها بهتانه وايدها سقعه .. تعرف اني لحد دلوقتي شكلها مش راضي يروح من بالي .. وللاسف اخويا مات بسبب ابويا .. 

زياد كان مصدوم من اللي هاجر بتحكيه.. مكنش يعرف انها عاشت الوجع ده ... ولا كان متخيل ان فيه راجل ممكن يعمل كده ف مراته وبنته ..

هاجر بصتله ولمحت الصدمه في عينيه قالت بسخريه / مالك مصدوم كده ليه .. ايه مستغرب ان في حد ممكن يعمل كده في مراته .. انت عملت اكتر من كده فيا يا زياد وانا للأسف افتكرت اني ممكن اغيرك ومأساة امي متتكررش تاني ..

زياد / وابوكي فين .. 

هاجر بحسرة / معرفش والله هو فين دلوقتي بالظبط .. ممكن يكون في دبي او في امريكا او في فرنسا او في الاقصر بيتفسح مع مراته وبنته  .. تعرف لما نجحت في الثانويه العامه وجبت مجموعه حلو رحتله كنت عايزه افرحه بيا واقوله اني استاهل اتحب لكن ملقتوش او هو بمعني اصح رفض يقابلني ..

زياد/ وليه مقولتليش كده من زمان .. 

هاجر زعقت / عشان مشوفش النظرة اللي ف عنيك دي .. اوعي اوعي يا زياد تبصلي ب شفقه تاني .. 

زياد اتوتر / انا والله مقصدش كده صدقيني انا مش شفقان عليكي انا مستغرب ان في احد ممكن يعمل في بنته كده انا اسف يا هاجر .. 

هاجر / انت دلوقتي عرفت كل حاجه وعرفت انا رفضاك ليه .. 

زياد / ايوه عرفت بس صدقيني يا هاجر انا عمري في حياتي ما هعمل فيكي كده .. جايز غلطت بس انا مش وحش اوي كده .. تفتكري انا ايه اللي يخليني اقعد سنتين  لوحدي .. ايه اللي يخليني اعيش الوقت ده كله على حبك .. صدقيني يا هاجر انا اتغيرت مانكرش اني اخر مره كنت فعلا اناني  ..

هاجر / انت متأكد من كلامك ده .

زياد / ايوا والله  .. تعرفي حاولت كتير اثبت اني مش بحبك او ارتبط بواحده بعدك  بس مقدرتش لقيت نفسي تلقائي بارقنها بيكي .. طريقه كلامك هزارك ضحكتك حتى طبخك .. مكملتش اسبوع معاها ..  نقدرتش مقدرتش اتخيل نفسي مع غيرك .. اطلبي اي ضمانات وانا والله هاقدمهالك .. 

هاجر/ يعني اي حاجه هطلبها منك هتوافق ..

زياد بثقه / جربي كده ..

هاجر / تكتبلي نصيبك في مصنع باباك باسمي والعربيه بتاعتك كمان تكون باسمي 

 زياد قال بسرعه من غير تفكير / انا موافق واوعدك والله اني هعمل كل اللي اقدر عليه عشان تكوني مبسوطه  ...

هاجر ابتسمت اوي ولسه هتتكلم تليفونها رن و كانت مامتها .. 

هاجر/ ايوا يا ماما .. في ايه براحه عشان افهمك .. طيب طيب جايه ..

هاجر قفلت التليفون وزياد بصلها / فيه ايه يا حبيبتي .. 

هاجر بصدمه/ ماما كلمتني وقالتلي ان بابا طالب يشوفني .. وباعت حد من عنده لماما البيت عشان ياخدني اشوفه ..

زياد / هتروحي ؟! 

هاجر بقوه / لا مش هروح .. مش عايزة اشوفه .. ومش عيزاه يعرف طريقي .. انا عايزة اختفي ومحدش يوصلي .. 

زياد / متأكدة .. يمكن فيه حاجة او تعبان .. 

هاجر / تعبان ! يعني حتي يوم ما يفتكرني يبقي عشان تعبان .. صحيح راجل اناني مش بيفكر غير ف نفسه ..

زياد قال بلطف / خلاص براحتك يا حبيبتي .. طالما مش عايزة مش هضغط عليكي .. هاا قوليلي فرحنا هيكون امتي بقي ..

هاجر/ فرح !! ونعمل فرح ليه ! 

زياد / فرح وشبكه وفستان وشهر عسل في احسن مكان في الدنيا .. كل ده ولا حاجه قدام انك تكوني معايا يا هاجر ...

هاجر اتكسف واتوترت / طيب طيب ... نقول لماما وعمو حسين ونشوف .. 

زياد ضحك اوي وفضلوا يتكلموا ويهزروا .. كانوا حاسين انهم مبسوطين و نفسهم يوقفوا الزمن عند اللحظه دي .. شوية وقاموا مشيوا .. وزياد وصلها بالعربية ...

زياد مسك ايدها وباسها / هاجي بكره انا وبابا عشان نتقدم من جديد لطنط .. و هجيب معايا حد اتمني تتقبلي وجوده ..

 هاجر / ماشي وانا هعملك غدا نفسك تاكل ايه ...

زياد ابتسم / مره كنتي عملتي ورق عنب وبطاطس كده محشيه لحمه مفرومه .. عارفه انا جربت اكل الاكله دي من كذا مكان بس ما حبتهاش زي ما حبيتها من يدك .. 

هاجر ضحكه وقالت / ماشي يا سيدي هعملك الاكله دي 

..

زياد / وانتي بتحبي تورته الايس كريم هاجيبلك منها وانا جاي .. 

هاجر نزلت وطلعت البيت ... فضلت تخبط علي الباب وهي مبسوطة وحاسه انها اخيرا هتقدر تكمل مع زياد ..  مامتها فتحت الباب  .. هاجر دخلت وهي بتضحك وشدت مامتها معاها ..

امال باستغراب / شكلك مبسوطة .. 

هاجر / اوي اوي يا ماما .. انا قولت ل زياد علي كل حاجة .. و شرطت عليه لو عايز نرجع يكتبلي المصنع وهو وافق .. شكله فعلا بيحبني زي ما بحبه .. و هنرجع .. 

امال بحزن / طيب كويس الف مبروك يا بنتي .. أنا فرحانه ليكوا اوي ..

هاجر / مالك يا ماما بتقولي انك مبسوطه بس شكلك مش مبسوطه خالص ..

 امال / ابوكي يا بنتي واضح ان عنده مشكله كبيره عشان كده كان طالبك ..

هاجر / سيبك منه يا ماما خليه في فلوس ومراته وبنته ملوش دعوه بينا انا خلاص اتعودت على عدم وجود ومبقيتش محتاجاه .. المهم زياد هيجي بكره هو وبابا عشان يتقدموا ليا تاني .. 

امال / يالهوي بكرا بكرا .. قومي طيب بسرعه لازم نمسح الشقه ونشوف هنعمل اكل ايه ...

هاجر باستغراب / يا ماما ما احنا لسه منضفين الاسبوع اللي فات .. 

أمال قامت وشدت هاجر/ اسمعي الكلام يا بت ... يلا خلينا نشوف هنعمل ايه .. 

هاجر وامها فضلوا ينضفوا ويظبطوا البيت اللي كان متظبط اصلا بس طقوس الام المصرية محدش يقدر مينفذهاش والا هنتضرب بابو وردة  .. 

هاجر/ ااه يا رجلي .. انا تعبت اوي .. 

امال كانت باصه للسجادة ومركزة / لا لا .. بت يا هاجر السجاده دي مش مضبوطه  قومي يلا معايا نظبطها .. 

هاجر / والله مش هتحرك تاني ابدا .. إنا خلاص فركش ..

امال مسكت الشبشب /  هتقومي و لا .. 

هاجر بسرعه/ ياااه دا انا كنت بضحك معاكي .. قايمه اهو .. 

شوية و زياد رن علي هاجر .. 

زياد / بتعملي ايه ..

هاجر يتعب / كنت بنضف انا وماما عشان سيادتك جاي .. 

زياد ضحك / ما انا مش اي حد برضه ..

هاجر / خف علينا يا عم .. انزل معانا علي الارض شوية .. 

زياد/ حقي اتغر .. حبيبتي يومين بالكتير وتبقي ف بيتي .. واقدر اخدها ف حضني براحتي ..

هاجر بكسوف / زياد اتلم بقي .. وبعدين يومين ايه ده مش اقل من ٦ شهور يا استاذ ..

زياد / نعم يا اختي .. وانتي فاكره ان انا هستنى ٦ شهور كمان .. لا يا حبيبتي انتي علي اخر الاسبوع بالكتير هتكوني مراتي غصب عنك .. 

هاجر / زياد متهزرش مش هلحق اجهز حاجه انا .. 

زياد / وانا مش عايزك تجهزي حاجة .. كل حاجه جاهزة اصلا .. 

فضلوا يتكلموا .. شوية يتخانقوا وشوية ويهزروا لحد ما ناموا .. وتاني يوم هاجر كانت واقفه قدام المرايا بتبص على نفسها كانت لابسه فستان ازرق و مسيبه شعرها و حاطه ميكب رقيق .. كانت  مستغربة ازاي هترجع تاني لزياد بعد كل اللي حصل .. مين كان يصدق ان من ٣ سنين بس حياتها كانت مختلفه ١٨٠ درجة .. واضح ان الحياة هتفضل تفاجئها كتير ..

شوية وجه و زياد وابوه .. مامتها استقبلتهم وشوية وهاجر خرجت واتصدمت من اللي شافته ..

 •يتبع الفصل التالي "رواية هلاك العشق" اضغط على اسم الرواية